वीरगंज । भारतकाे अयाेध्यामा नवनिर्मित राम मन्दिरकाे उद्घाटन भएको खुशीयालीमा वीरगंजसहित पर्साकाे विभिन्न पालिकामा दिपावली मनाइएकाे छ ।
हिन्दु स्वयंसेवक संघकाे आयोजनामा वीरगंजकाे वाईपास रोडस्थित बैष्णो देवी मन्दिर चौकमा ५१ हजार दिप प्रज्वलन गरि दिपाेत्सव गरिएकाे छ । भारतको आयोध्यामा श्रीराम मन्दिरको प्राण प्रतिष्ठा भएको अवसमा दिपाेत्सव गरिएकाे हिन्दु स्वम् सेवक संघका रन्जित साहले जानकारी दिए ।
यस्तै वीरगंजकाे माईस्थानस्थित गहवामाई मन्दिर प्राङ्गणमा दीपाेत्सव गरिएको छ । दीपाेत्सवकाे समुद्घाटन संघीय सरकार उद्योग वाणिज्य तथा आपूर्तिमन्त्री रमेश रिजालले गरेका थिए । यसकासाथै वीरगंज महानगरबासीसहित पर्साका विभिन्न पालिकाबासीहरुले स्वस्फूर्त रुपमा घरघरमा दीप प्रज्वलन गरी दीपावलीपनि मनाएका छन् ।
यस्तै वीरगंजकाे घडिअर्वामा साेमबार नै बेलुकी १ घण्टा ३० मिनेटसम्म लगातार आकाशमा पटाका पड्काएर आतीशबाजीपनि गरिएको थियाे।
यसअघि साेमबार दिउँसाे हिन्दु परिषदकाे आयाेजनामा भगवान् श्रीराम कथा वर्णनसहितकाे भव्य झाँकीपनि निकालिएको थियाे ।गीतामन्दिर नजिकबाट सात वटा ट्रकमा भगवान् श्रीरामकाे जन्मदेखी वनबासबाट अयाेध्या फिर्तीसम्मकाे कथा वर्णन गरिएको झाँकी राखेर नगर परिक्रमा गराइएकाे थियाे ।
यस्तै साेमबार नै वीरगंज १० घडिअर्वास्थित ७५ वर्ष पुरानाे रामजानकी मन्दिरमा भगवान् श्रीराम, सीता र हनुमानकाे मुर्तिकाे प्राण प्रतिष्ठापनि गरिएको थियाे । प्राण प्रतिष्ठाकाे पूजापाठमा वीरगंज महानगरका मेयर राजेशमान सिंह आँफै सहभागी भएका थिए ।त्यसअघि बिहान घडिअर्वा पाेखरी परिसरबाट निकालिएको कलश यात्राले नगर परिक्रमा गरेकाे थियाे ।
साेमबार दिभरी वीरगंज राम मै भएकाे थियाे । वीरगंजकाे विभिन्न ठाउँबाट निस्केकाे बाजागाजासहितकाे र्याली नगर परिक्रममा गरेकाे थियाे । ठाउँ ठाउँमा र्यालीकाे स्थानियद्वारा स्वागत समेत गरिएकाे थियाे ।
