वीरगंज, १३ मंसिर ।
पर्सा प्रहरीले लागु औषध इन्जेक्सन सहित एक युवकलाई पक्राउ गरेको छ । जिल्ला प्रहरी कार्यालय, पर्सा र प्रहरी चौकी ईनर्वा, पर्साबाट खटेको प्रहरी टोलीले रौतहट जिल्ला चन्द्रनिगाहपुर नगरपालिका वडा नं. ५ निवासी अनौठो चौधरीको छोरा बर्ष २१ को कैलाश चौधरीलाई पक्राउ गरेको हो ।
वीरगंज १६, रजतजयन्ति चौक स्थित सडकबाट बुधबार राती ९ः४५ बजेको करिबमा भारतको रक्सौलबाट वीरगंज तर्फ आउदै गरेको चौधरीलाई लागु औषध इन्जेक्सन सहित पक्राउ गरिएको जिल्ला प्रहरी कार्यालय, पर्साले जनाएको छ ।
चेकजांचको क्रममा पक्राउ परेको चौधरीको साथबाट लागु औषध ईन्जेक्सन नुर्फिन २० पिस, डाइजेपाम २० पिस र फेनारगान २० पिस गरी जम्मा ६० पिस फेला परेको प्रहरी कार्यालय, पर्साले जनाएको छ ।
प्रतिक्रिया लेख्नुहोस