Date
आइत, मंसिर ६, २०८३
Sun, November 22, 2026
Home Blog Page 999

बिचलित नभई मुलुक र जनताको सेवा गरिरहने छु : सांसद यादव

0

वीरगंज । समादवादी पार्टीका नेता एवम पर्सा क्षेत्र न‌ं. १ का सांसद प्रदिप यादवले एक प्रस विज्ञप्ती जारी गर्दै विपक्षीकाे षडयन्त्रबाट आफु किन्चीत पनि बिचलीत नहुने वताउनु भएकाे छ ।

सांसद यादवले आज प्रेस बिज्ञप्ती जारी गर्दै देश र दुनिया यतिखेर कोरोना (कोभिड–१९) भाइरसको नियन्त्रणको लागि प्रयासरत रहको र सोहि क्रममा नेपाल सरकारले पनि देशब्यापी रुपमा लकडाउन घोषणा गरेको सबैलाई जानकारी छ । भारतको रक्सौेलमा नेपालका जनता क्वारेन्टाइनमा राखिएकोमा उनीहरु के कस्ता अवस्थामा बसिरहेका छन, नेपालीलाई सुरक्षित क्वारेन्टाइनमा पुर्‍याउन भारतमा कस्तो प्रबन्ध छं भन्ने जान्न उत्सुक्ता भएर आफु रक्साैलकाे क्वारेन्टाइनमा गएकाे वताएका हुन् ।

यादवले जारी गर्नु भएकाे प्रेस विज्ञप्तीमा भारतिय क्वारेन्टाइनमा रहेकाहरुले नेपालबाट कसैले चाँसो नलिएको भनी गुनासो गरेको सुनियो । सिमावर्ती क्षेत्रको साँसद भएकोले उता भारततर्फ जान सकिन्छ कि सकिदैन भनेर मैले समन्वय थालें । पर्साका प्रमुख जिल्ला अधिकारीसंग सल्लाह लिदा जानुस भनेर प्रतिक्रिया दिनु भयाे ।

सिमा पारीका स्थानिय अधिकारीहरुसंग समन्वयपछि ‘हुन्छ’ भनेर सन्देश आयाे । त्यसपछि बुधवार करिब साढे ३ बजे वीरगन्ज भन्सारमा रहेको सशस्त्र प्रहरी बललाई यसको जानकारी गराउदै अगाडि बढे र रक्सौल स्थित हजारीमल उच्च माध्यमिक विद्यालयमा स्थापना गरिएको क्वारेन्टाइनमा राखिएका नेपालीलाई भेंट्ने मौका पाएँ उल्लेख गर्नु भएकाे छ ।

उनीहरुलाई आफुले भेटेपछी धेरै सुखद अनुभुति गरेको प्रतिक्रिया दिए । मैले लगेको खाने कुरा, फलफुल, जुस, पानी लगायतको सामग्री ब्यक्तिगत सुरक्षा कै दृष्टीकोणले हातहातमा नभई एक ठाउँमा राखेर यसको उपयोग गर्न आग्रह गरेकाे प्रेस विज्ञप्ती मार्फत सांसद यादवले वताउनु भएकाे छ ।

यादवले सिमापारी गएर आएको मँ मात्र जनप्रतिनिधि भने नभइ फागुन २७ गते वाकेको सिमावर्ती भारतीय क्षेत्रमा रहेको क्वारेन्टाइनमा नेपालीहरुसंग भेटन स्वास्थ्य राज्यमन्त्री नवराज रावत आफै जानु भयो, रुपन्देही जिल्लाका प्रदेश सभा सदस्य, सुरक्षाअधिकारी र अन्य जनप्रतिनिधि संचारकर्मीहरु सहित उतरप्रदेशको नवतना स्थित ३ वटा क्वारेन्टाइनमा रहेका ३ सय बढी नेपालीलाई भेंटेर पनि आएका प्रेस विज्ञप्तीमा उल्लेख गर्नु भएकाे छ ।

नेपालमैं पनि बिभिन्न जिल्लाहरुमा मास्क मात्रको भरमा जिल्ला अधिकारीहरु, स्थानीय तहका जनप्रतिनिधि र सूरक्षाकर्मीहरु गएर क्वारेन्टाइनमा भएकोलाई भेंटेको र कुराकानी गरेको समाचारहरु आएका छन् । उनले जारी गरेको प्रेसविज्ञप्तमा यि कसैसंग क्वारेन्टाइनमा वस्ने कुरा नगरिएको र आफुले आफ्नो कर्तब्य पुरा गर्दा किन निशाना बनाइयो त ? भन्ने प्रश्न विज्ञप्तिको माध्यमबाट उल्लेख गर्दै त्यसको जवाफ पाउन बाकी नै रहेकाे जनाउनु भएकाे छ ।

पछिल्लो केही समयदेखि मेरो सक्रियतासंगै बढेको लोकप्रीयतालाई सह्न नसकेका केही प्रतिक्रियाबादी नेताहरुले बिहीवार यसलाई बिभिन्न किसिमको मुद्दा बनाउने प्रयास गरे । बिहीवारै उनीहरुमार्फत बढेको दबाव विच गृह मन्त्रालयले हामीलाई होम क्वारेन्टाइनमा राख्ने भनेको कुरा स्थानीय प्रसाशनमार्फत थाहा पाइयो ।

आफै कानुन निर्माण गर्ने ठाउँमा भएकोले बिधि तथा सरकारी नीति निर्देशनको पालना मैले पनि गर्नु नै पर्छ । त्यस कारण घरभित्रै क्वारेन्टाइनमा बसेको छुँ । वीरगन्जमा कोरोना संक्रमितको उपचारको लागि आवश्यक पर्ने २० सैयाको आइसुलेशन निर्माण, नारयाणी अस्पतालमा एक मात्र रहको भेन्टिलेर थप संख्यामा मँगाउने पहल, वीरगन्जमा कोरोना बिशेष स्पताल स्थापनाको प्रक्रिया अगाडि बढाउने, स्वास्थ्य उपकरणहरु मगाउने लगायतका कामहरु मैले गरे पनि मेरो कार्यसूचीका अन्य धेरै कार्यहरु बाकी रहेको छ ।

यतिखेर म घरभित्रै बसेर त्यतातिर काम गर्दै छुँ, जसको नतिजा पनि चाँडै आउने छ । आफु केही पनि योगदान नगर्ने र काम गर्नेलाई यावत किसिमले हतोत्साहित गर्न खोज्ने प्रक्रियाबादीहरुको गतिबिधिबाट आफु किन्चित पनि बिचलित नभएको बताउदै सबै कार्यकर्ता, शुभेच्छुक र आम जनतालाई उच्च मनोवलका साथ रहन सांसद यादवले प्रेस विज्ञप्ती मार्फ आग्रह समेत गर्नु भएकाे छ ।

खाध गाेदाममा प्रहरीकाे छापा, अवैध रुपमा राखिएकाे मल बरामद

0

वीरगंज ।  बाराकाे प्रसौनी गाउँपालिका वडा नं.५ प्रस्टोका स्थित एक खाध गाेदामा प्रहरीले छापा मार्दै ३९ बाेराे अवैध मल बरामद गरेकाे छ ।

इलका प्रहरी कार्यालय प्रसाैनीकाकाे टाेलीले स्थानिय शम्भु साह र रमेश साहकाे खाध गाेदामा छापा मार्दै साे परिमाणकाे अवैध मल बारामद गरेकाे हाे । इलाका प्रहरी कार्यालय प्रसौनीका प्रहरी निरिक्षक ओमप्रकाश यादव नेतृत्वकाे प्रहरी टोलीले साे गाेदाममा ताल्चा लगाई सुरक्षित राखिएकोमा ५० के.जी.का २९ बोरा युरिया र १० बोरा डि.ए.पी. मल बरामद गरेकाे हाे । 

प्रसौनी ६ स्थित ऋषि बाल्मिकी कृषि सहकारी संस्थाबाट युरिया तथा डि.ए.पी. मल खरिद गरी बेच्ने उदेश्यले लगि लुकाई छिपाई राखेको सुचनाकाे आधारमा छापा मार्दा बरामद भएकाे मल जिल्ला प्रहरी कार्यालय बारामा राखिएको प्रहरीले जनाएकाे छ ।

अनुसन्धानको क्रममा बुझ्दा आधिकारी रुपमा दर्ता रहेका अनुमति प्राप्त कृषि सहकारी संस्थाहरूले मात्र कृषि सामाग्री कम्पनी लिमिटेडबाट मल खरिद गरी सोझै किसानलाई बिक्री गर्नु पर्नेमा निज शम्भु साह र रमेश साहलाई ऋषि बाल्मिकी कृषि सहकारी संस्थाले अनाधिकृत रुपमा मल उपलब्ध गराएको भन्ने खुल्न आएको जिल्ला प्रहरी कार्यालय बाराले जनाएकाे छ ।

यस सम्बन्धमा कालोबजारी तथा केही अन्य सामाजिक अपराध तथा सजाय ऐन २०३२ बमोजिम अनुसन्धान भईरहेको प्रहरी कार्यालयले प्रेस विज्ञप्ती मार्फत जानकारी गराएकाे छ ।

भारतीय सञ्चारमाध्यमकाे समाचार प्रति जालिम मियाँकाे आपत्ति

0

वीरगंज । पर्साकाे जगरनाथपुर निवासी जालिम (मुखिया) मियाँले भारतिय संचारमाध्यमले प्रसारण गरिरहेकाे समाचारमा कुनै किसिमकाे सत्यता नरहेकाे वताउनु भएकाे छ ।

जगरनाथपुर गाउँपालिकाका अध्यक्ष समेत रहेका मियाँले भारतीय सञ्चारमाध्यमले प्रशारण गरेको समाचारप्रति आपत्ति जनाउदै त्यसमा कुनै किसिमकाे सत्यता नरहेकाे वताएका हुन्। कालिका टाइम्ससंग कुरा गर्दै मियाँले समाचारका अनुसार आफ्नाे कंही कतै सलंगनता ठहर भए सजाए पनि भाेग्न तयार रहेकाे वताउनु भयाे ।

भारतीय सञ्चारमाध्यमले मियाँको नाम किटेरै भारतमा कोरोनाको संक्रमाण फैलाउन शंकास्पद बिरामी पठाएको भनेर खबर प्रशारण गरेका छन् । केही भारतिय टिभिहरुले मियाँकाे फाेटाे समेत देखाउदै गम्भीर प्राकृतिकाे आराेप लगाएका हुन् ।

विभिन्न भारतीय सञ्चारमाध्यमले यस बियमा समाचार प्रकाशन गरे पछि नेपालमा पनि याे विषयले चर्चा पाइरहेको छ ।

आफू स्थानीय सरकार प्रमुख भएको र अहिले कोरोना संक्रमण फैलन नदिन विभिन्न काम गरिरहेका बेला भारतीय सञ्चारमाध्यममा आफू विरुद्ध षड्यन्त्रपूर्वक ढंगले खबरहरु प्रशारण भइरहेको भन्दै यसमा कुनै पनि सत्यता नरहेको मियाँकाे दावी छ ।

आफ्नो चरित्र हत्या गर्ने गरि प्रशारित समाचारप्रति प्रमुख जिल्ला अधिकारी विष्णु कुमार कार्कीलाई जानकारी समेत गराइसकेको भन्दै उहाँले वीरगंज स्थित भारतीय महावाणिज्य दूतावासबाट यस बारे मलाई फाेन समेत आएकाे र मैले भारतिय संचार माध्यमले प्रसारण गरिरहेकाे समाचारमा कुनै सत्यता नरहेकाे वताउनु भयाे ।

नेपालकाे सप्तरी जिल्लामा भएकाे मुस्ली समुदायकाे भेलाबाट आएका केही जमातीहरुलाई  मात्र आफुले स्थानिय प्रशासनकाे समन्वयमा क्वारेन्टाइनमा पठाएकाे वताउनु भयाे ।

अहिले विश्व नै कोरोनाको संक्रमणबाट कसरी जोगिने भनेर लागिरहेका बेला आफूले फैलाउने भन्ने बारे सोच्न पनि नसकिने भन्दै उहाँले आफ्नो चरित्र हत्या गर्ने गर्न सडयन्त्र भएकाे वताउनु भयाे । अहिले म आफै गाउँवासीलाई काेराेनाबाट जाेगाउन लागि परेकाे समेत वताउनु भयाे ।

अहिले आफु गाउँपालिका मै राहत वितरणकाे तयारीमा रहेकाे वताउँदै मियाँले चाँडै नै आफुले पत्रकार सम्मेलन गरी समाचारकाे खण्डन गर्ने वताउनु भयाे ।

भारतको पश्चिम चम्पारण, बेतिया (बिहार) जिल्ला पदाधिकारी विश्वास भाजनले आफू मातहत रहेका प्रहरीलाई पठाएको गोप्य पत्रमा ४०/५० जना कोरोनाका संकास्पद बिरामी मियाँले भारत पठाएको दावी गरिएको छ । साथै पत्रमा सीमामा सतर्कता बढाउन र कुनै पनि प्रकारको संदिग्ध गतिविधि गर्न नदिन पनि प्रहरीलाई निर्देशन दिइएको छ ।

जिल्ला अध्यक्ष विश्वास भाजनले पठाएको गोप्य पत्रमा मियाँ हतियारको अबैध कारोबारी तथा जालि नोटको कारोबारीमा समेत संलग्न रहेको दावी गरिएको छ ।

यसअघि एसएसबीले जिल्ला अध्यक्षलाई पत्र लेख्दै जालिम मुखियाले कोरोनाको शंकास्पद बिरामी भारत पठाएको भन्दै गोप्य जानकारी गराएको थियो ।

एसएसबी र जिल्ला अध्यक्षको पत्रको हवाला दिँदै भारतीय सञ्चारमाध्यमले जालिम मियाँले भारतमा कोरोना भाइरस फैलाउने षड्यन्त्र गरिरहेको भन्दै समाचार प्रशारण गरिरहेका छन् ।

पर्साकी एसपी पन्त सिविल ड्रेसमा स्कुटीमा एक्लै निस्केपछि…

0

वीरगंज । पर्सा प्रहरी प्रमुख प्रहरी उपरिक्षक (एसपी) गंगा पन्त लडकडाउनकाे पालना गराउन एक्लै सिविल ड्रेसमा समेत देखिन थालेकी छन् ।

लकडाउनमा बिहिबार विहान घण्टाघरमा देखिएकी उनी सिविल ड्रेसमा स्कुटीमा एकलै थिइन । सडकमा देखिएकाहरु संग हाथ जाेडदै घर बाहिर ननिस्कन आग्रह गर्दै थिइन । एसपी पन्तकाे त्यस्ताे कार्य देखेर तिनिहरु आश्चर्य चकित भए ।

त्यस क्रममा उनी लकडाउन हाम्राे लागि नभएर तपाईहरु कै लागि भएकाे वताउदै तपाईहरु कृपया आ आफ्नाे घर भित्र नै बसीकन लकडाउनकाे पालना गरी हामीलाई सहयाेग गरिदिन आग्रह गर्दै थिइन ।

बिश्वभरी नै महामारीकाे रुपमा फैलिएकाे काेभिड १९ (काेराेना भाइरस) राेकथाम तथा नियन्त्रणकाे लागि सरकारले गरेकाे लकडाउन पालना गराउन एसपी पन्त सक्रिय देखिन्छिन् । उनी लकडाउन पालना गराउन औपचारी गस्तीमा मात्र सिमित नभई अनाैपचारी रुपमा पनि बाहिर सक्रिय देखिएका हुन् ।

उनी पर्सा प्रहरी प्रमुखमा आए देखी यहाँकाे शान्ति सुरक्षा सुधार हुनुको साथै तस्करी, बिचौलिया सिमा पारीबाट हुने अपरधिक गतिविधि समेत नियन्त्रण भएको छ । यसका साथै उनी समाजिक कार्यमा समेत क्रियाशिल देखिन्छिन् ।

नारायणी अस्पतालमा थप एक भेण्टिलेटर जडान गरिने

0

वीरगंज । वीरगंजको नारायणी अस्पतालमा थप एक भेण्टिलेटर राखिने भएको छ । अहिले एक वटा मात्रै भेण्टिलेटर रहेको अस्पतालमा थप अर्को एक वटा भेण्टिलेटर जडान गर्न लागिएको अस्पतालका मेडिकल सुपरिटेण्डेण्ट डा.मदन उपाध्यायले बताउनुभयो ।

भोलीसम्ममा भेटिलेटर आइपुग्ने र त्यसपछि अस्पतालमा जडान गरिने उहाँले बताउनुभयो । अहिले विश्वभर फैलिरहेको कोभिड १९ अर्थात कोरोना फैलिहाले उपचार गराउन सहज होस भनेर अस्पतालमा भेण्टिलेटर तयारी अवस्थामा राख्न लागिएको पनि उहाँले बताउनुभयो ।

यस्तै अस्पतालमा २० शैयाको कोरोनाका संकास्पद विरामी राख्ने आइशोलेसन वार्ड बनेसँगै आइसीयू वार्ड भने सारिएको छ ।
अस्पतालको आकश्मिक कक्षको माथिल्लो तलामा रहेको आइसीयू वार्ड अब भने प्रसुति गृहको दोस्रो तलामा सारिएको मेसु उपाध्यायले बताउनुभयो ।

आइशोलेशन वार्डसँगै आइसीयू वार्ड राख्दा बढी जोखिम बढ्ने देखिएकाले अहिलेलाई आइसीयू वार्ड अर्को भवनमा सारिएको उहाँको भनाइ छ ।

यस्तै अहिलेसम्म अस्पतालले ६० जना शंकास्पद व्यक्तिको कोरोना परीक्षणका लागि नमुना संकलन गरेर पठाएको र पठाएका सबैको रिपोर्ट नेगेटिभ आएको पनि अस्पतालका मेडिकल सुपरिटेन्डेन्ट डा.उपाध्यायले बताउनुभयो ।

यस्तै आजै मात्रै ३३ जना शंकास्पद विरामीको कोरोना परीक्षणका लागि नमूना संकलन गरेर परीक्षणका लागि पठाइएको अस्पतालले जनाएको छ ।

निजी अस्पतालले सामान्य ज्वरो आएका बिरामीको पनि जाँच गर्न छाडेकाले नारायणी अस्पतालले फिबर क्लिनिक पनि सञ्चालन गरिरहेको छ ।

छिपहरमाईकाे क्वारेन्टाइनमा थप ७ जनालाई राखियाे

0
छिपहरमाई गाउँपालिकाकाे क्वारेन्टायनमा बसेकाहरु । तस्बिर : कालिका टाइम्स

वीरगंज । पर्साकाे ग्रमिण भेग स्थित सिमामा रहेकाे छिपहरमाई गाउँपालिकाकाे क्वारेन्टाइनमा थप ७ जनालाई राखिएकाे छ ।

श्री मंगल मावि भिस्वामा रहेकाे क्वारेन्टाइनमा पुन: ३ महिला र ४ पुरूष गरी ७ जनालाई राखिएकाे प्रमुख प्रशासकिय अधिकृत देवनाथ साहले वताउनु भयाे । याे सहित क्वारेन्टाइनमा रहेकाहरुकाे संख्या ३ महिला र १५ पुरूष गरी १८ जना पुगेकाे अधिकृत साहले जानकारी गराउनु भयाे ।

क्वारेन्टाइनमा थप भएकाहरु भारतकाे विभिन्न ठाउँबाट आएका थिए । सबैजनालाई १४ दिन सम्म क्वारेन्टाइन मै राखिने छ ।

याे संगै वीरगंजकाे क्वारेन्टाइन पछि सब भन्दा बढी संख्या छिपहरमाईकाे क्वारेन्टाइमा रहेकाहरुकाे पुगेकाे छ । हाल गाउँपालिकाले २० बेडकाे क्वारेेेन्टाइन तयारी गरेकाे थियाे भने आवश्यकता अनुसार पछि बेड थपिदै जाने पनि अधिकृत साहले वताउनु भयाे ।

गाउँपालिकाले क्वारेन्टाइनमा रहेकाहरुकाे खाना, नास्ता, स्वास्थ्य चेत जांच लगायतकाे सम्पर्ण थाेककाे व्यवस्था गरेकाे छ ।

भारत गएका सांसद यादवसहित ४ जनालाई क्वारेन्टाइनमा राखियाे

0

वीरगंज । नेपालीको अवस्था बुझ्न भन्दै भारतकाे क्वारेन्टाइन पुगेका पर्सा क्षेत्र नं. १ का सांसद प्रदिप यादवलाई क्वारेन्टाइनमा राखिएकाे छ ।

भारतकाे रक्साैल स्थित क्वारेन्टाइनमा रहेका नेपालीहरुसंग बुधबार भेटन गएका सांसद यादवलाई क्वारेन्टाइनमा राखिएकाे पर्साका प्रमुख जिल्ला अधिकाकारी बिष्णु कुमार कार्कीले वताउनु भयाे । सांसद यादव सहित उहाँसंग सिमापारी गएका २ जना पत्रकार र एक जना ड्राइभर गरी ४ जनालाई सेल्फ क्वारेन्टाइनमा राखिएकाे अधिकारी कार्कीले जानकारी गराउनु भयाे ।

यस अघि भारतकाे क्वारेन्टाइन पुगेका सांसद यादवलाई क्वारेन्टाइनमा राख्न माग समेत उठेकाे थियाे । क्वारेन्टाइनमा रहेका नेपालीहरुलाई भेटेर आएपछि यादव सहित उहाँसंग गएका सबै जनालाई क्वारेन्टाइनमा राख्नु पर्ने माग उठेकाे थियाे ।

संबिधान सभा सदस्य बिचारी यादबले क्वारेन्टाइनमा पुगेका सांसद सहित सबैलाई तुरुन्तै क्वारेन्टाइनमा राख्नुपर्ने र विरगञ्जमा कोरोना भाइरस भित्रिएमा यसको जिम्मेवारी प्रजिअले लिनुपर्ने बताउनु भएकाे थियाे । उहाँले लकडाउनको समयमा प्रजिअबाट चरम लापार्वाही भएको भन्दै यस विषयमा गृह प्रशाशनले छानबीन गरी प्रजिअलाई तुरुन्तै कार्वाही गर्न माग समेत गर्नु भएकाे थियाे ।

यस्तै नेपाली कांग्रेसका नेता एवं पूर्व सांसद अनिल रुगंटाले लकडाउनकाे समयमा सिमा पारी जानु कार्य गलत भएकाे वताउनु भएकाे थियाे । उहाँले सब भन्दा पहिला त स्थानिय प्रशासनसंग अनुमती लिएर जानु पर्छ तर त्यसमा पनि लकडाउनकाे समयमा यदी प्रशासन कै अनुमतीमा सांसद यादव भारतकाे क्वारेन्टाइन पुुग्नु भएकाे छ भने त्याे प्रशासनकाे गलती भएकाे वताउनु भएकाे थियाे ।

यसकाे जवाफ प्रशासनले दिनु पर्छ भन्दै रुगंटाले वास्तवमा उहां संक्रमितसंग भेटर आउनु भएकाे छ भने यादव सहितकाे समुहलाई क्वारेन्टाइनमा राख्नु पर्ने माग गर्नु भएकाे थियाे ।

यस्तै नेकपा विरगञ्ज महानगरपालिका अध्यक्ष रहबर अन्सारीले सांसद यादव लकडाउनको उल्लंघन गर्दै भारतीय क्वारेन्टाइन गएको र फर्किएपछि क्वारेन्टाइनमा नबसेकाले स्थानिय बासीन्दा त्रसित भएको बताएका थिए । उहाँले संक्रमण नियन्त्रणका लागि सरकारले लकडाउन गर्दै नागरिकलाई घरमा नै बस्न आग्रह गरिरहेक अवस्थामा न्युनतम सुरक्षा समेत नअपनाईकन कोरोना प्रभावित देशको क्वारेन्टाइन भित्र जानु गम्भिर गल्ति भएको बताउनुभयो ।

भारतमा संक्रमण तीब्र देखिन सुरु भएताका नै ती नेपालीहरु नेपाल फर्किएका थिए तर लकडाउनका कारण उनीहरु सिमापारी नै रोकिए । भारतीय क्वारेन्टाइनमा रुकुमका १२ जना पुरुष, एक महिला र करिव एक वर्षका बच्चा रहेका छन्  ।

क्वारेन्टाइनमा रहेका व्यक्तिहरु सम्भावित संक्रमित हुन् त्यसैले उनीहरुलाई १४ दिनसम्म कसैलाई भेट्न दिईदैन । स्वास्थ्यकर्मीहरुले पनि स्पास्थ्य परीक्षण गर्दा पीपीई प्रयोग गरेर मात्रै भेट्ने तथा चेकजाँच गर्नुपर्दछ । यसअघि चीनबाट उद्दार गरि ल्याइएका बिद्यार्थीहरुलाई खरिपाटी क्वारेन्टाइनमा राख्दा १७ दिनसम्म कोही कसैलाई भेट्न दिइएको थिएन ।

सांसद यादवले नेपालीको चिन्ता जताउनु सकारात्मक रहेपनि अहिलेको अवस्थामा भीड सहित न्यूनतन सुरक्षा समेत नअपनाई क्वारेन्टाइन जानु र प्रत्येकलाई भेट्नु भनेको संक्रमण भित्र्याउन उद्रत भन्दै नेताहरुले चिन्ता जनाएका थिए ।

यसै बिच गृह मन्त्रालय समेत जिल्ला प्रशासन कार्यालय पर्सालाई सांसद यादवलाई क्वारेन्टाइनमा राख्न निर्देशन दिएकाे थियाे ।

काेराेना परिक्षणकाे लागि पाेखरियाका क्वारेन्टाइनमा रहेकाहरुकाे स्वाब संकलन

0

वीरगंज । काेराेना परिक्षणकाे लागि पाेखरियाकाे क्वारेन्टाइनमा रहेकाहरुकाे आज स्वाब संकलन गरिएकाे छ ।

पाेखरिया नगरपालिकाकाे क्वारेन्टाइनमा रहेका ९ जनाकाे काेभिड १९ (काेराेना भाइरस) संक्रमण परिक्षणकाे लागि स्वाब संकलन गरिएकाे नगर प्रमुख दिपनारायण राैनियारका स्वकिय सचिव राजु राैनियारले वताउनु भयाे ।

नारायणी अस्पताल वीरगंजका लैबका टोलीद्वारा कोरोना सम्बन्धि चेकचाँजकाे लागि नमुना संकलन गरि लगिएकाे स्वकिय सचिव राैनियारले जानकारी गराउनु भयाे । नगर प्रमुख राैनियार, उप प्रमुख सलमा खातुन, पाेखरिया अस्पतालका डा. अनिल यादव लगायतकाे राेहबरमा नारायणी अस्पतालकाे टाेली काेराेना परिक्षणकाे नमुना सकंलन गरि लगेकाे उंहाले वताउनु भयाे ।

यता केही दिन पहिला पोखरीयामा क्वारेन्टाइन संचालनको लागि मेयर दिपनारायण रौनियार तथा डा. अनिल यादवको पहलमा १० थान पिपिई सेट, सेनिटाइजर, मास्क क्याल ग्रुपदाूरा र ५०० थान गलबस, थरमल गन (ज्वरो जाँचने मेसिन) राष्ट्रिय जनता पार्टीका सह-महासचिव नेजामुदीन शमानीद्वारा हस्तान्तरण गरिएकाे थियाे ।

श्री जिल्ला उचांगल रामदेव कलवार माविमा क्वारेन्टाइनमा रहेकाहरुकाे खाना, नास्ता, स्वास्थ्य चेक जांच लगायतकाे समूर्ण थाेककाे व्यवास्था नगरपालिका कार्यालय तथा पाेखरिया अस्पतालले गरेकाे छ ।

हनुमान जयन्ति पनि आ आफ्नो घर मै पुजा पाठ गरि मनाइयाे

0

वीरगंज । काेराेना संक्रमणले आज परेकाे हनुमान जयंति पनि प्रभावित भएकाे छ । काेराेना भाइरस संक्रमण राेकथामकाे लागि भएकाे लकडाउन कारण हनुमान जयन्ति आ आफ्नो घर मै पुजा पाठ गरि मनाइएकाे हाे ।

यसका साथै भगवा धवज आफ्नो घर आगन र छत मा फहराई मनाइएकाे हिन्दु स्वयम सेवक संघका सह कार्यवाह अध्यक्ष कृष्ण चाैरसियाले वताउनु भयाे । बिश्वको कल्याणको लागि हनुमान चालिसाको पाठ गर्नुकाे साथै महामारिसंग बिश्व छिटै महामारीबाट मुक्त होस् भनि कामना गरिएको चाैरसियाले वताउनु भयाे ।

भगवान रामको भक्त संकटमोचन हनुमानको जन्मोत्सव नेपालीको समृद्ध होश भनि मनाइएकाे चाैरसियाले जानकारी गराए ।

धार्मिक मान्यता अनुसार चैत्र महिनाकाे पूर्णिमा तिथिको दिन हनुमान जयन्ती मनाउने गरिन्छ । हनुमान जन्मोत्सवको दिन हनुमान जीको पूजा-अर्चना गर्यो भने विशेष फलको प्राप्ति हुन्छ यो धर्मिक आस्था रहे को छ ।

भारतीय क्वारेन्टाइनमा नेपालका सांसद यादव पुगेपछि…..

0

वीरगन्ज । कोराेना (कोभिड–१९) भाइरसको संक्रमण रोक्न नेपाल सरकारले लागु गरेको लकडाउनका कारण सिमापारी भारतमा रोकिएका नेपालीहरुको अवस्था बुझ्न बुधवार पर्सा क्षेत्र नम्बर १ का साँसद प्रदीप यादव त्यहाँ पुगेका छन् ।

भारतमा पनि लकडाउन रहेकोले सिमामा आवतजावत पुर्ण रुपमा अवरुद्ध भएपछि मानिसहरु आउन वा जान पाएका छैन । दुबैतर्फ लकडाउनभएपछि नेपालबाट भारतीय भुमीमा रहेका नागरिकलाई गएर सांसद यादव भेंटेका हुन । रक्सौलस्थित हजारी मल उच्च माध्यमिक बिद्यालयमा त्यहाँको स्थानीय प्रसाशनले क्वारेन्टाइन स्थापना गरेको छ । जसमा रहेका २५ जना मध्ये १५ जना नेपाली नागरिक हुन् ।

उनीहरुलाई त्यहाँ बस्ने, खाने, नियमित स्वास्थ्य जाँचलगायतको सुबिधा उपलब्ध गराइएको छ । रक्सोलस्थित क्वारेन्टाइनमा बसेकाहरुलाइ प्रत्येक जनालाई एउटा खाट, त्यसमा बिछ्यौना, ओढ्ने र झुलको ब्यवस्था गरेको देखियो । बिहान बेलुका खानाकाे समेत प्रबन्ध रहेको उनीहरुले जानकारी गराए ।

त्यसतै त्यहाँस्थित सरकारी अस्पताका डाक्टर शरदचन्द शर्माको नेतृत्वमा मेडिकल टिम समेत खटाइएको छ । रुकुम आठजितकोठ गाउँपालिका घर भएका प्रजित नेपाली मार्च ३१ का दिन रक्सोल सिमामा आइपुगेका थिए । उनीसंग अरु १३ जना रहेका छन ।

अर्को एक जना पटनास्थित होटेलमा काम गर्ने २ युवाहरु पनि त्यहाँ आइपुगेका छन् । भारतीय प्रसाशनले नै यातायातको ब्यवस्थागरी सिमामा उनीहरुलाई ल्याएर पुर्याइदिएको थियो । त्यसपछि उनीहरु क्वारान्टाइनमा बसिरहेका छन् । साँसद यादवले त्यहाँ रहेका नेपालीहरुसंग भलाकुसारी गरेका थिए ।

साँसद यादवले उनीहरु सकुशल रहेको जानकारी घर परिवारससम्म पुर्यादिने बताएपछि क्वारेन्टाइनमा रहेका नेपाली खुसी भएका थिए । सम्पर्क नम्बर लगायत बिवरण उनीहरुले नेपाली साँसदलाई दिन पाउदा हर्षित देखिए । ‘नेपाल सरकारलाई र हामी सबैलाई भारतमा बसेका नेपालीहरुको चिन्ता छ, अहिले बिशेष परिस्थिती भएको हुनाले जो जहाँ छ त्यही सुरक्षित रुपमा बस्न बाध्यता छ,’ साँसद यादवले भने, ‘समान्य अवस्था हुने बितिकै तपाइहरु आ आफ्नो ठाउँमा जान पाउनु हुनेछ ।’

उनीहरुले यहाँ बसाई सुबिधापुर्ण रहेको र कुनै असहजता नभएको प्रतिक्रिया दिए । साँसद यादवले क्वारेन्टाइनमा रहेकाहरुलाई आफ्नोतर्फबाट सेनिटाइजर, मास्क, फलफुल, चिउरा, बिस्कुट, बिकाजी भुजिया, जुस र खानेपानी लगायत सामग्री समेत दिएका थिए ।

उक्त अवसरमा एसएसबिका कमान्डेन्ट राजकुमार कुमावत, प्रखण्ड बिकास पदाधिकारी कुमार प्रशान्त, रक्सोल नगर कार्यपालिकाका अधिकृत गौतम आनन्द, भुमी उपसम्हारता मनिस कुमार लगायतको उपस्थिती रहेको थियो ।