Date
आइत, मंसिर ६, २०८३
Sun, November 22, 2026
Home Blog Page 998

मधेश ईन्जिनियर्स एसोसिएसन पर्साकाे अध्यक्षमा साह

0

वीरगंज । मधेश ईन्जिनियर्स एसोसिएसन पर्सा जिल्ला कार्य समितिकाे अध्यक्षमा दयानन्द साह चयन भएका छन् ।

साहकाे अध्यक्षतामा गठन भएकाे समितिकाे बरिष्ठ उपाध्यक्षमा यज्ञराज चाैधरी, उपाध्यक्ष राहुल पटेल, महासचिव बिरेन्द्र माली, सचिव संदेश ठाकुर, सह सचिव अभय कुमार चाैरसया, काेषाध्यक्ष तारिक अजिज, सह काेषाध्यक्ष धिरज साह र मेडिया संयाेजक जय प्रकाश यादव लगायत ९० जना रहेकाे एसाेसियसनका केन्द्रिय अध्यक्ष संजिव नारायण यादवले वताउनु भयाे ।

मधेश ईन्जिनियर्स एसोसिएसनको केन्द्रीय समितिद्वारा गरिएको निर्णय जिल्ला, प्रदेश र केन्द्रीय समितिको पुनर्गठनको कार्य तालिका तय भए पनि बिश्वभरी महामारीकाे रुपमा फैलिएकाे करोना भाइरस संक्रमणका राेकथाम तथा नियन्त्रणकाे लागि भएकाे लकडाउनका कारण टेलिफोन संवाद, समाजिक सञ्जाल फेसबुक, मेसेन्जर र भिडियो कन्फरेन्स मार्फत पहिलो चरणमा जिल्ला कार्यसमिति गठन गर्ने निर्णय भए अनुसार पर्सा जिल्ला समिति गठन गरिएकाे एसाेसियसनका केन्द्रिय उपाध्यक्ष मनिष प्रसाद केसरीले वताउनु भयाे ।

बहुदरमाईकाे वडा नं. २ मा राहत वितरण

0

वीरगंज । पर्साकाे बहुदरमाई नगरपालिकाकाे वडा नं. २ मा आज राहत वितरण सम्पन्न भएकाे छ । वडा अन्तर्गतकाे ३ सय ५० गरिब परिवारलाई राहत सवरुप खाद्यान्न सामग्री वितरण गरिएकाे हाे ।

प्रति घरदुरी चामल १५ किलाे, दाल २ किलाे, तेल ५०० ग्राम र नुन एक किलाेका दरले वितरण गरिएकाे राहत वितरण समितिका सदस्य समेत रहेका श्री नेरा आधारभुत विद्यालय सिसियाडी बैरियाका प्रअ विजय साहले वताउनु भयाे ।

बिश्वभरी महामारीकाे रुपमा फैलिएका काेराेना भाइरस संक्रमण राेकथाम तथा नियन्त्रणकाे लागि भएका लकडाउनमा प्रभावित गरिब परिवारलाई नगरपालिकाबाट राहत वितरण गरिएकाे प्रअ साहले वताउनु भयाे ।

वडाध्यक्ष जितेन्द्र पटेलकाे नेतृत्वमा भएकाे राहत वितरणमा सर्बदलिय समितिका प्रदिप साह, श्रवण साह, श्रवण राउत कुर्मी, सुनिल यादव, नेपाल प्रहरी र सशस्त्र प्रहरीकाे उपस्थिती रहेकाे थियाे ।

सखुवा प्रसाैनीकाे पहिलाे चरणकाे राहत वितरण सम्पन्न, दाेस्राे चरणकाे तयारी

0

वीरगंज । पर्साकाे सखुवा प्रसाैनी गाउँपालिकामा पहिलाे चरणकाे राहत वितरण सम्पन्न भएकाे छ । गाउँपालिकाकाे विपद् व्यवास्थापन काेषबाट भइरहेकाे राहत वितरण सम्पन्न भएकाे प्रमुख प्रशासकिय अधिकृत संदेश यादवले वताउनु भयाे ।

बिश्वभरी महामारीकाे रुपमा फैलिएका काेराेना भाइरस संक्रमण राेकथाम तथा नियन्त्रणकाे लागि भएका लकडाउनमा प्रभावित अति गरिब सबै वडाका ९ सय ५२ परिवारलाई राहत सवरुप खाद्यान्न सामग्री वितरण गरिएकाे अधिकृत यादवले वताउनु भयाे ।

गाउँपालिका अध्यक्ष प्रदिप जयसवालकाे सक्रियतामा वडा नं. १ मा २ सय,  २ मा २ सय २७, ३ मा १३५, ४ मा एक सय ३०, ५ मा एक सय ३५ र ६ मा एक सय २५ अति गरिब परिवारलाई राहत वितरण गरिएकाे उंहाले वताउनु भयाे ।

पहिलाे चरणकाे राहत अन्तर्गत प्रति घरदुरी चामल ५ किलाे, दाल एक किलाे, आलु २ किलाे, तेल ५०० ग्राम र नुन एक किलाे राहत वितरण गरिएकाे यादवले वताउनु भयाे । अब फेरी प्रदेश सरकारबाट राहत वितरणकाे लागि प्राप्त अनुदान रु १० लाख र गाउँपालिकाबाट त्यसमा रु ५ लाख थप गरी दाेस्रा चरणकाे राहत वितरणकाे तयारी भइरहेकाे प्रशासकिय अधिकृत यादवले जानकारी गराउनु भयाे ।

दाेस्राे चरणकाे राहत वितरण १५ किलाे चामल र २ किलाे दाल वितरण गरिने गाउँपालिकाकाे याेजना रहेकाे छ । बढी घरदुरी रहेकाे २ वटा वडालाई गाउँपालिकाले रु ३ लाख ५० हजार र वाकी ४ वडा वडाकाे लागि २-२ लाख रकम छुट्याएकाे छ । बजेटबाट भ्याए सम्म १५ किलाे चामल र २ किलाे दाल वितरण गर्ने गाउँपालिकाकाे याेजना रहेकाे छ तर केही वडामा राहत वितरण गर्ने घरदुरी संख्या बढ्याे भने फरक पनि पर्न सकने गाउँपालिका कार्यालयले जनाएकाे छ ।

नेकपा महानगर कमिटीद्वारा वीरगंजमा काेराेना परिक्षण केन्द्र स्थापना गर्न माग

0

वीरगंज । नेपाल कम्युनिष्ट पार्टी (नेकपा) वीरगंज महानगर कमिटीले वीरगंजमा काेराेना परिक्षण केन्द्र स्थापना गर्न मांग गरेकाे छ ।

नेकपा वीरगंज महानगर इन्जार्ज दिनेश राई, अध्यक्ष रहबर अन्सारी र सचिव विश्वम्भर कुमार शर्माले संयुक्त रुपमा स्वास्थ्य तथा जनसंख्या मन्त्रालयलाई पत्र लेख्दै वीरगंज स्थित नारायणी अस्पतालमा काेराेना परिक्षण केन्द्र स्थापना गर्न मांग गरेका हुन् ।

बिश्वभरी महामारीकाे रुपमा फैलिएकाे नाेभेल काेराेना भाइरस (काेभिड १९) राेकथाम तथा नियन्त्रणकाे लागि नेपालकाे मुख्य प्रबेशद्वार र बारा, पर्सा आधाेगिक करिडाेर पनि भएकाे हुदा वीरगंजमा काेराेना परिक्षण अति आवश्यक भएकाेले यथासिघ्र स्थापना गरिदिन माग गरिएकाे नेपाका वीरगंज महानगर अध्यक्ष अन्सारीले वताउनु भयाे ।

काेराेना परिक्षणकाे लागि बागमती प्रदेशकाे हेटाैडा जानु परिरहेकाे परिस्थितीमा बारा, पर्सा र राैतहटलाई आधार बनाई, वीरगंज नेपालकाे मुख्य नाका समेत भएकाे र बारा, पर्सा आधाेगिक करिडाेर समेत भएकाे हुदा वीरगंजमा रहेकाे नारायणी अस्पतालमा काेराेना परिक्षण केन्द्रकाे अति आवश्यक भएकाे पत्रमा समेत लेखिएकाे छ ।

नेकपा महानगर कमिटीले चैत २९ गते लेखेकाे पत्र प्रदेश २ सरकार, नेकपा प्रदेश २ कमिटी र नेकपा केन्द्रिय कमिटीलाई समेत बाेधार्थ गरिएकाे छ ।

नागमणी पटेलद्वारा नारायणी अस्पतालाई मेडिकल सामग्री सहयाेग

0

वीरगंज । अखिल नेपाल प्रगतिशील जनस्वास्थ्यकर्मी संघका केन्द्रीय उपाध्यक्ष एवं प्रदेश-२ का ईन्चार्ज नागमणी पटेलले आज  नारायणी अस्पताललाई काेराेना भाइरस रोकथाम तथा नियन्त्रणका लागि मेडिकल समान सहयोग गर्नु भएको छ ।

उर्जा,जलस्रोत तथा सिंचाइ मन्त्री बर्षमान पुन ´अन्नत` काे निजी सचिव समेत रहेका पटेलले नारायणी अस्पताललाई काेराेना भाइरस नियन्त्रण तथा राेकथामाकाे लागि रु २ लाख बराबरकाे मेडिकल समान सहयाेग गर्नु भएकाे अस्पतालका डा. उद्य नारायण सिंहले वताउनु भयाे ।

अखिल नेपाल चिकित्सक संघ, २ न. प्रदेश संयोजक डा. सिंह मार्फत पटेलले अस्पताललाई पिपिई १० थान,  सर्जिकल गल्बस १०० पिस,  सर्जिकल मास्क १०० पिस, थार्मामिटर १० पिस, सेनिटाइजर ५०० एमएल ३ पिस र सेनिटाइजर १०० एमएमल १० पिस सहयाेग गर्नु भएकाे अनेरास्ववियुका बिदार्थी नेता इशक कुमार पासवानले वताउनु भयाे ।

डा. सिंह र अखिल नेपाल प्रगतिशिल जनस्वास्थ्यकर्मी महासंघ वीरगंज महानगरका अध्यक्ष करन पटेलले नारायणी अस्पतालका मेसु डा. मदन उपाध्यायलाई साे मामग्री हस्तान्तरण गर्नु भएकाे हाे ।

मालवाह ट्रकमा लुकीछुपी भारत जान लागेका ८ जना पक्राउ

0

वीरगंज । ट्रक भित्र लुकी छिपी वीरगञ्जबाट आईसीपीको बाटो हुँदै राजस्थान जान खोज्दा चालक सहित ९ जना भारतिय कामदारहरु पक्राउ परेका छन्।

वीरगञ्ज महानगरपालिका वडा नं १७ अलाैं स्थित रहेको आसीपीकाे मुख्य गेटबाट तिनिहरु पक्राउ परेका हुन् । वीरगञ्जको शिवशक्ती आयल का ८ जना कामदारहरुलाई माल बाहक RJ 14GE 7392 भारतिय नम्बरकाे ट्रकबाट गोर्खाली योद्धा सेक्युरिटी सर्भिस प्रालिका गार्ड कमान्डर बाबु भगवान सिंह नेतृत्वकाे टाेलीले नियन्त्रणमा लिएको हाे ।

पक्राउ परेका भारत राजस्थान का ट्रक चालक रामपोल मेडा, शिवशक्ती आयलमा कार्यरत कामदार करण सिंह, मम सिंह, राजेन्द्र सिंह, दिपेन्द्र सिंह, रामलाल, दुलिचन, श्रीचान रोहित सिंह रहेका छन्।

पक्राउ परेका ९ जना सहित ट्रक लाई जिल्ला प्रहरी कार्यालय पर्सामा पठाएकाे आइसिपीका सस्त्र प्रहरी निरीक्षक विष्णु उप्रेतीले बताए। काेराेना भाइरस संक्रमण राेकथाम तथा नियन्त्रणकाे लागि नेपाल तथा भारतमा लकडाउन भएका कारण तिनिहरुलाई नियन्त्रणमा लिइएकाे प्रहरीले जनाएकाे छ ।

नर्सिङ ट्रेड कन्सर्न्सद्वारा खाद्यान्न सहयोग

0

वीरगंज । लगातारको लक डाउनका कारण दैनिक ज्याला गरी जीवन गुजारा गर्ने परिवार संकटमा परेपछि वीरगंजको त्रिमुर्ती चोकमा रहेको पेट्रोनास मोबिलको प्रदेश नम्बर २ स्तरीय डिलर नर्सिङ ट्रेड कन्सर्न्सले खाद्यान्न सहयोग गरेको छ ।

ट्रेड कन्सर्नका सञ्चालक विजय सिंहले १ सय ५० परिवारलाई आज खाद्यान्न वितरण गर्नुभएको हो । वीरगंज महानगरपालिका वडा नम्बर ११, १२ र १३ का विपन्न र दैनिक मजदुरी गरी जीवन गुजारा गर्ने परिवारलाई सिंहको सहयोगमा राहत वितरण गरिएको हो ।

राहत वितरण गर्न ११ नम्बर वडाका प्रतिनिधि मुस्तकिम हवारी, युवा संघ पर्साका संयोजक महम्मद निजामुद्दिन, पवन ठाकुर, त्रिनेस गिरी, रुपेस सिंह, सावीर हवारी, जगु महत्तो लगायतको सहभागिता रहेको थियो । चामल, दाल, विस्कुट र चाउचाउ लगायतको दैनिक उपभोग्य वस्तु वितरण गरिएको वताइएकाे छ ।

अलाैंमा सर्बदलिय समितिद्वारा राहत वितरण

0

वीरगंज । वीरगंज महानगरपालिकाकाे वडा न‌ं. १७ अलौंमा आज सर्वदलिय समितिले राहत वितरण गरेकाे छ । जिल्ला समन्वय समिति पर्साका सदस्य समेत रहेका स्थानिय आमोद यादवको अध्यक्षतामा बनेको सर्बदलिय तथा सर्बपक्षीय समितिले राहत वितरण गरेकाे हाे ।

लकडाउमा समस्यामा परेकाे अति गरिब परिवारलाई प्रति घरदुरी १५ किलो चामल, आधा किलो दाल, आधा लिटर खाने तेल, २५०ग्राम सोयाबिन र एक प्याकेट नुन वितरण गरिएको स्थानिय अजय साहले वताउनु भयाे ।

वडा कार्लायालयई महानगरले बजेट पठाएपनि अहिले सम्म वडाध्यक्षले राहत वितरण नगरे पछि  वडा वडाध्यक्ष मुख नताकी  सर्बपक्षिय समितिले विभिन्न दाताहरुबाट खाद्यान्न सामग्री सहयोगमा लिएर वडा अन्तर्गतकाे अति गरिब, निमुखा, दैनिक ज्यालादारी मजदुरी गरी हात मुख जोडन समेत अप्ठ्यारो हुने करिब १ सय परिवारलाई राहत वितरण गरिएकाे वताइएकाे छ ।

साबिक गाबिस अलौको वडा नं. १ देखी ९ सम्मको साबिक वडाहरुमा सर्बदलिय उप समितिहरु बनाई, उक्त समितिले सिफारिस गरेको गरिब निमुखाहरुलाई राहत वितरण गरिएकाे र यो राहत वितरण निरन्तर चलिरहने समितिले जनाएकाे छ ।

यादवको अध्यक्षतामा बनेको उक्त समितिमा नेकपा ईकाइ अध्यक्ष गङ्गाधर महतो, नेकाका ओम कृष्ण लामिछाने, राजपाका शन्कर साह कानु, राप्रपाका सुमेश्वर नाथ उपाध्याय, युनिभर्सल युनाइटेड कल्बका अध्यक्ष राजेश पटेल, स्थानिय गैर सरकारी संस्थाका प्रतिनिधिहरु रहेका छन् ।

पकहा मैनपुरमा राहतकाे विषयमा विवाद, प्रशासकिय अधिकृतमाथी हातपात

0
राहत वितरणकाे लागि खरिद गरी राखिएकाे सामग्री, उपाध्यक्ष कुशमी देवी र प्रमुख प्रशासकिय अधिकृत महेश सिंह

वीरगंज । पर्साको पकहामैनपुर गाउँपालिकाको निमित्त प्रमुख प्रशासकिय अधिकृत महेश सिंहमाथी हातपात भएकाे छ । राहत वितरणकाे बिषयमा विवाद हुदा शुक्रबार दिउसाे गाउँपालिकाकी उपध्यक्ष कुशमी देवीले अधिकृत सिंह माथी हातपात गरेकी हुन् ।

लकडाउनमा प्रभावित भएका अति विपन्नको लागि बाँडन शुरु भएको राहतमा अनियमितता भएको भन्दै सोही गाउँपालिकाकी उपाध्यक्ष कुसुमीले अधिकृत सिंहमाथी गालीगलौज गर्दै हातपात गरेकी प्रत्यक्षदर्शीहरुले वताएका छन् ।

राहत वितरणकाे लागि गाउँपालिकाले बिशेष सभाबाट छुट्याएकाे रु ७० लाख र प्रदेश सरकारबाट प्राप्त रु १० लाख गरी रु ८० लाखले गाउँपालिकाकाे सबै वडामा राहत वितरण गर्न केही दिन पहिला बसेकाे बाेर्ड बैठकले निर्णय गरेकाे थियाे । उपाध्यक्ष कुशमीका अनुसार बाेर्ड बैठकबाट प्रति घरदुरी २५ कलो चामल, ३ किलो दाल, ५ किलो आलु, तेल १ लिटर लगायतका खाद्यान्न सामग्री राहत वितरण गर्न निर्णय भएकाे थियाे ।

तर बाेर्ड बैठकाे निर्णय विपरित गाउँपालिका अध्यक्ष विजय चाैरसिया र प्रमुख प्रशासकिय अधिकृत सिंहले एकलाैटी ढंगले रु १० किलो चामल, दाल ५०० ग्राम, आलु २ किलो लगायतकाे सामग्री बाँडन लाग्दा आफुले त्यसकाे प्रतिकारमा उत्रेको उपाध्यक्ष कुसुमीले बताईन ।

कालिका टाईम्ससंग कुरा गर्दै उपाध्यक्ष कुसुमीले बाेर्ड बैठकाे निर्णय अनुसार सर्बदलिय समिति गठन गरी राहत वितरण गर्नु पर्नेमा अनियमिता भएकाे भन्दै बाध्य भएर आफुले बिराेधमा उत्रनु परेकाे वताइन । साेही बिषयमा साेधपुक्ष गर्ने क्रममा प्रमुख प्रशासकिय अधकृत सिंह संग विवाद भएकाे उनले वताइन ।

यता सरकारी मापदण्ड विपरित राहत वितरण गर्न थालिए पछि राहत पाउने स्थानियहरुले समेत विराेध जनाएका छन् । वडा नम्बर ३ र ४ को केही घरदुरीमा राहत बितरण भए पनि विवाद कै कारण राहत वितरण राेकिएकाे बुझिएकाे छ ।

यस बिषयमा गाउँपालिका अध्यक्ष चाैरसिया र प्रमुख प्रशासकिय अधिकृत सिंहसंग बारम्बार फाेनमा सम्पर्क गर्न प्रयास गर्दा पनि फाेन नउठेका कारण सम्पर्क हुन सकेन ।

परराष्ट्र मन्त्रालयले भारतिय दुतावाससंग खेद प्रकट गर्न जगरनाथपुर गाउँपालिकाकाे मांग

0
गाउँपालिका अध्यक्ष जालिम मियाँ मंसुरी र गाउँपालिका कार्यालयले जारी गरेकाे प्रेस विज्ञप्ती

वीरगंज । पर्साकाे जगरनाथपुर गाउँपालिकाका अध्यक्ष जालिम मियाँ मनसुरीलाई जाेडेर आज दिन भरी भारतिय संचार माध्यमहरुले प्रकाशन गरेकाे समाचार प्रति गाउँपालिका कार्यालयकाे गम्भिर ध्यान आकर्षण भएकाे छ ।

प्रमुख प्रशासकिय अधिकृत अमित कुमार गिरीले आज सांझ एक प्रेस विज्ञप्ती जारी गर्दै  गाउँपालिका अध्यक्ष मन्सुरीकाे नाम जोडी भारतिय संचारमाध्यमहरुले कोरोना संक्रमण फैलाउने योजना बनाउने भनि दुस-प्रचार गरेको समाचार प्रति गाउँपालिकाको गम्भिर ध्यानाकर्षण भएको जनाएका हुन् |

अधिकृत गिरिद्वारा जारी प्रेस विज्ञप्तीमा भारतीय सन्चार माध्यमहरुले बिना कुनै तथ्य-प्रमाण कुनै पनि नेपाली नागरिकको चरित्र हत्या गर्नु आफैमा गैर-जिम्मेवार कार्य हो | अहिलेको वर्तमान कोरोना महामारीको समयमा नेपालको ७५३ वटै स्थानीय तहका निर्वाचित जनप्रतिनिधिहरु कोरोना महामारी रोकथाम र जनतालाई राहत सामग्री उपलब्ध गराउने कार्यमा दिन-रात खटिरहेको अवस्थामा कुनै पनि नेपाली निर्वाचित जनप्रतिनिधिलाई “कोरोना फैलाउने योजना बनायो” भनि लान्छना लगाउनु एकदमै निन्दनीय कार्य भएकाे उल्लेख गरिएकाे छ |

यसका साथै गिरीले जारी गर्नु भएकाे प्रेस विज्ञप्ती मार्फत मित्र राष्ट्र भारतको राष्ट्रियस्तरका सन्चार माध्यमहरुले अपुष्ट तथ्यको आधारमा नेपाली निर्वाचित जनप्रतिनिधिको चरित्र हत्या गर्ने कार्य गरेको सम्बन्धमा नेपाल सरकार परराष्ट्र मन्त्रालयले तुरुन्त नेपालस्थित भारतीय दुतावाससंग खेद प्रकट गरोस् भनि जोडदार मांग समेत गरिएकाे छ |

गाउँपालिकाका अध्यक्ष मन्सुरी अहिले जगरनाथपुर गाउँपालिकामै बसी आफ्नो जनतालाई राहत वितरण गराउने कार्यको व्यवस्थापनमा सक्रिय रहनु भएको साेही प्रेस विज्ञप्ति मार्फत जानकारी समेत गराइएकाे छ |

यस अघि पनि गाउँपालिका अध्यक्ष मियाँले आफै कालिका टाइम्स संग कुरा गर्दै भारतिय संचारमाध्यमहरुले प्रसारण गरेकाे समाचारमा कुनै सत्यता नरहेकाे वताएका थिए ।