Date
आइत, मंसिर ६, २०८३
Sun, November 22, 2026
Home Blog Page 1000

छिपहरमाईले ३० किलाे चामल सहितकाे राहत बाँडदै

0

वीरगंज । पर्साकाे छिपहरमाई गाउँपालिकाले संघ सरकाले तयार गरेकाे मापदंण्ड अनुसार राहत बाँडन सुरु गरेकाे छ । गाउँपालिकाले आज वडा नं. ५ भिस्वामा चामल ३०किलो, दाल ३ किलो, आलु २ किलो, प्याज १ किलो, खाने तेल २ लिटर, नुन २ किलो, सोयाबीन २५० ग्राम र साबुन ४ थानका दरले राहत वितरण गरेकाे हाे ।

गाउँपालिकाबाट वडा कार्यालय मार्फत वडा अन्तर्गतका ३ सय ३१ गरिब घर परिवारलाई राहत बाँडिएकाे वडा सदस्य जवाहर साह कानुले वताउनु भयाे ।

प्रदेश सरकारबाट राहत वितरणकाे लागि प्राप्त अनुदान र गाउँपालिकाबाट संयुक्त रुपमा राहत बाँडन सुरु गरिएकाे प्रमुख प्रशासकिय अधिकृत देवनाथ साहले वताउनु भयाे । वडा नं. ५ बाट सुरु गरिएकाे राहत वितरण यंहि अनुसारकाे सबै वडामा वितरण गरिन अधिकृत साहले वताउनु भयाे ।

सर्बदलिय समितिकाे बैठककाे निर्णय अनुसार गरिब तथा विपन्न परिवारकाे घरदुरीहरु यकिन गरी राहत वितरण कार्य सुरु गरिएकाे साहले जानकारी गराउनु भयाे ।

बिश्वभरी महामारीकाे रुपमा फैलिएकाे काेराेना भाइरसा (काेभिड १९) संक्रमण राेकथाम र नियन्त्रणकाे लागि लकडाउनमा दैनिक मजदुरी, ज्यालादारी गरी जिविकाेपार्जन चलाउने समस्या भएका अति गरिब परिवारलाई यस अनुसारकाे राहत वितरणले थप भएकाे लकडाउन अवधीभर खान पुग्ने वताइएकाे छ ।

कालोबजारी गरेको आरोपमा जगदम्बा स्टिलका सञ्चालक अग्रवाल पक्राउ

0

काठमाडौं । महानगरीय प्रहरी अपराध महाशाखाले शंकर ग्रुप तथा जगदम्बा स्टिलका सञ्चालक सुलभ अग्रवाललाई पक्राउ गरेको छ । ज्वरो नाप्ने थर्मल गनमा कालोबजारी गरेको आरोपमा उनलाई पक्राउ गरिएको हो ।

पाँच हजार बजार मूल्य पर्ने ज्वरो नाप्ने थर्मल गन १५ हजार रुपैयाँमा बिक्री गरेको आरोपमा महाशाखाको टोलीले उनलाई नक्सालबाट पक्राउ गरेको प्रहरीले जनाएकाे छ । उनको गाडीबाट ६७ वटा थर्मल गनसमेत बरामद भएको महाशाखा स्रोतले जानकारी दियो।

कूटनीतिक नियोगको सवारी साधन २०९ एचसिसी १ नम्बरको गाडीमा थर्मल गन बोकेर महँगोमा बेच्दै हिँडेको अवस्थामा पक्राउ परेको प्रहरीले जनाएको छ।

जगदम्बाका संचालक अग्रवाल मेडिकल सामग्री बिक्रेता होइनन्। तर केही समयअघि शंकर ग्रुपले चीनबाट उक्त ग्रुपले सामग्री ल्याएको थियो। विभिन्न व्यवसायीको सामान लिन चीन उडेको नेपाल एयरलाइन्सको जहाजमा उक्त कम्पनीले  सेटिङ गरेर आफ्नो सामान मात्रै ल्याएको थियो।

सर्बदलिय समितिकाे लागि नेकपा महानगरले प्रतिनिधि पठायाे

0

वीरगंज । नेपाल कम्युनिष्ट पार्टी (नेकपा) वीरगंज महानगर कमिटीले राहत वितरण सम्बन्धमा हुने सर्बदलिय बैठककाे लागि सबै वडाहरुकाे प्रतिनिधि चयन गरेकाे छ ।

काेराेना भाइरस संक्रमण (काेभिड १९) राेकथाम तथा नियन्त्रणकाे लागि लकडाउन पालना गर्ने क्रममा उपभाेग्य खाद्यान्न जुटाउन असमर्थ मजदुर, श्रमिक, गरिब तथा आर्थिक रुपमा विपन्न बर्गलाई आवश्यक खाद्यान्न राहत वा अनुदान वितरण गर्ने कार्यकाे लागि सबै वडामा बन्ने सर्बदलिय समितिमा पार्टीकाे तर्फबाट प्रतिनिधि चयन गरिएकाे महानगर अध्यक्ष रहबर अन्सारीले वताउनु भयाे ।

प्रत्येक वडामा काेराेना भाइरस संक्रमण (काेभिड १९) राेकथमा नियन्त्रण तथा उपचारकाे काेष नियमावली २०७६ काे नियम १४ अन्तर्गत बन्ने समितिमा पार्टीकाे तर्फबाट महानगरकाे ३२ वडा कै प्रतिनि चयन गरी वीरगंज महानगरपालिकालाई नमावली पठाइएकाे अंसारीले वताउनु भयाे ।

अध्यक्ष अंसारीका अनुसार क्रमश वडा नं. १ मा साकिर हुसेन, २ मा प्रदिप कुर्मी, ३ मा निरन्जन मिश्रा, ४ मा धिरेन्द्र थापा, ५ मा शुसिल सिंह क्षेत्री, ६ मा सुमित कुमार शर्मा, ७ मा इजहार हुसेन, ८ मा अच्छेलाल कहर, ९ मा श्याम गुप्ता, १० मा अशा गिरी, ११ मा प्रयाग महताे, १२ मा सुरेश गुप्ता, १३ मा हिरा गिरी, १४ मा फरहाद अंसारी, १५ मा गगनदेव पटेल, १६ मा शुनिल गुप्ता, १७ मा रमेश चाैधरी, १८ मा सराेज कुमार पटेल, १९ मा नरेश गुप्ता, २० मा रमकिशाेर सिंहलाई प्रतिनिधि चयन गरिएकाे छ ।

यस्तै वडा नं. २१ मा जलान्धर पटेल, २२ मा प्रभु यादव, २३ मा लालबाबु यादव, २४ मा शंकर राउत पटेल, २५ मा शिवपुजन पटेल, २६ मा हसनैन मियाँ, २७ मा प्रमाेद साह तेली, २८ मा अर्जुन ठाकुर, २९ मा श्रीलाल साह, ३० मा कुरर्आन अलि देवान, ३१ मा हरेराम साह र ३२ मा वजिर अंसारीलाई चयन गरिएकाे वीरगंज महानगर कमिटीका सचिव डा. बिश्वम्भर कुमार शर्माले वताउनु भयाे ।

ग्रामिण भेगकाे क्वारेन्टाइनमा थपिदै

0
छिपहरमाई गाउँपालिकाकाे वडा नं. ५ भिस्वामा स्थित श्री मंगल माविमा रहेकाे क्वारेन्टाइन । तस्बिर : कालिका टाइम्स

वीरगंज । पर्साकाे छिपहरमाई गाउँपालिकाकाे क्वारेन्टाइनमा फेरी २ जना थपिएका छन् । गाउँपालिकाले भिस्वामा निर्माण गरेकाे २० बेडकाे क्वारेन्टाइनमा हाल ११ जना रहेकाे प्रमुख प्रशासकिय अधिकृत देवनाथ साहले वताउनु भयाे ।

भिस्वा स्थित श्री मंगल माध्यमिक विद्यालयमा रहेकाे गाउँपालिकाकाे क्वारेन्टाइनमा पहिला देखी ९ जना रहेकाे र फेरी थप २ जनालाई राखिएकाे अधिकृत साहले जानकारी गराउनु भयाे । क्वारेन्टाइनकाे अनुगमन तथा निरिक्षण गर्दै अधिकृत साहले क्वारेन्टाइनमा रहेकाहरुकाे खाना, नास्ता र स्वास्थ्य परिक्षणमा स्वास्थ्यकर्मीलाई ध्यान दिन निर्देशन समेत दिनु भयाे ।

क्वारेन्टाइनमा राखिएकाहरुकाे गाउँपालिकाकाे तर्फबाट नै खाना, नास्ता लगायतकाे सम्पूर्ण थाेककाे प्रबन्ध गरिएकाे उहाँले जानकारी गराउनु भयाे ।

यस्तै कालिकामाई गाउँपालिकाकाे क्वारेन्टाइनमा ४ जना थपिएका छन् । गाउँपालिकाले निर्माण गरेकाे ८ बेडकाे क्वारेन्टाइनमा हाल ६ जना रहेकाे स्वास्थ्य चाैकी बिरन्चीबर्वाका प्रमुख निरन्जन चाैरसियाले वताउनु भयाे ।

जसमा भारतबाट आएका हरिहरपुरका २ जना पहिला देखि नै रहेकाे र फेरी बिरन्चिबर्वाका जनकपुरबाट आएका ३ जना र काठमाण्डाैबाट आएका एक जनालाई राखिएकाे प्रमुख चाैरसियाले जानकारी गराउनु भयाे ।

श्री नेरा प्रावि हरिहरपुरमा बनाईएको क्वारेन्टाइनमा इन्फ्रारेड थर्मोमिटर सहितको सुबिधा रहेको गाउँपालिकाले जनाएको छ ।

बहुदरमाई नगरपालिकाकाे वडा नं. २ श्री नेरा आधारभुत विद्यालयमा तयार भएकाे क्वारेन्टाइन । तस्बिर : कालिका टाइम्स

यता बहुदरमाई नगरपालिकाकाे वडा नं. २ मा पनि क्वारेन्टाइन निर्माण गरिएकाे छ । श्री ने.रा. आधारभुत बिद्यालय सिसियाडी बैरियामा नगरपालिकाबाट १० बेडकाे सुबिधा सम्पन्न क्वारेन्टाइन तयार भएकाे विद्यालयका प्रअ विजय साहले वताउनु भयाे ।

खाना, नास्ता, पानीकाे सुबिधा सहित सरसफाइ राम्राे भएकाे क्वारेन्टाइन तयार भएकाे प्रअ साहले जानकारी गराउनु भयाे । तयार भएकाे क्वारेन्टाइनमा २४ घण्टा स्वास्थ्यकर्मीकाे निगरानीमा राखिने र सुरक्षाकाे लागि प्रहरी समेत खटाइने उंहाले वताउनु भयाे ।

तयार भएकाे क्वारेन्टाइनकाे वडाध्यक्ष लगायतकाे एक टाेलीले अनुगमन समेत गरेकाे छ । अनुगमनकाे क्रममा वडाध्यक्ष जितेन्द्र पटेलले तयार भएकाे क्वारेन्टाइनमा अझै १० बेड थप गरी २० बेडकाे बनाइने वताउनु भयाे । साे अवसरमा स्वास्थ्य अधिकृत बिदुर उप्रेती, नगरपालिकाका प्रतिनिधि संजय साह, स्थानिय शिक्षक प्रदिप कुमार साह समेत उपस्थिती रहेकाे थिए ।

यस्तै धाेबिनी गाउँपालिकाले पनि २० बेडकाे क्वारेन्टाइन बनाएकाे छ । श्री कालि प्रसाद लेखा मावि लंगडीमा बनाइएकाे क्वारेन्टाइनमा ६ जना रहेकाे गाउँ कार्यपालिका कार्यालयले जनाएकाे छ ।

बिश्वभरी महामारीकाे रुपमा फैलिएकाे काेभिड १९ (काेराेना भाइरस) संक्रमणबाट बाच्न पालिकाहरुले क्वारेन्टाइन बनाएर सावधानी अपनाएका हुन् । पालिकाहरुले बाहिरबाट आएकाहरुलाई स्थानिय स्तर कै क्वारेन्टाइनमा केही दिन राखी काेराेना भाइरसबाट बाच्न सावधानी अपनाएकाे देखिन्छ ।

बैशाख ३ गते सम्म लकडाउन लम्ब्याउने सरकारको निर्णय

0

काठमाडौं । सरकारले लकडाउन ८ दिन थप गरेको छ । सोमबार अपराह्न सकिएको मन्त्रिपरिषद्को बैठकले बैशाख ३ गते सम्म लकडाउन लम्ब्याउने निर्णय गरेको हो ।

लकडाउनको अवधि दोस्रो पटक थपिएको हो । कोरोना भाइरस (कोभिड-१९)को दोस्रो संक्रमित भेटिएपछि सरकारले चैत ११ बाट १८ गते बिहान छ बजेसम्मका लागि लकडाउन घोषणा गरेको थियो ।

त्यो अवधि पूरा नहुँदै २५ गतेसम्म थपियो । तर, यो अवधिमा कोरोना संक्रमण स्थानीय स्तरमा भेटिएपछि सरकारले एक स्थानीय तहबाट अर्को स्थानीय तहमा समेत अवतजावतमा कडाइ गरेको थियो ।

साथै, कोरोना रोकथामसम्बन्धी उच्चस्तरीय समितिको आइतबार बसेको बैठकले लकडाउनको अवधि थप गर्न सिफारिस गरेको थियो ।

राैनियारले बाँडे पाेखरियामा राहत

0

पोखरिया । पर्साको पोखरीया नगरपालिका वडा नं. ४ पाेखरिया र वडा नं. ५ सतवरियामा आज राहत वितरण गरिएकाे छ ।

वडा नं. ५ सतवरिया निवासी शुभ लक्ष्मी ईन्टरप्राईजेजका संचालक अजय प्रसाद रौनियारले दुबै वडा अन्तर्गतका ७२ गरिब घरदुरीलाई राहत बितरण गर्नु भएको हाे । राैनियारले प्रत्येक घरदुरीलाई ५ किलो चामल, १ किलो दाल, नुन एक पाकेट, तेल एक पाकेट, भुजा एक किलो, सर्फ १ किलो, कपडा धुने र नहाउने साबुन दुई/दुई पीसका दरले बितरण गरेका हुन्  ।

रौनियारको निजी निवासमा सतवरियाबाट पूर्व सांसद रामेश्वर रौनियार, वडा नम्बर ४ का वडाध्यक्ष लक्ष्मण साह कानु, ईलाका प्रहरी कार्यालय पोखरीयाका प्रहरी र संचारकर्मी शेैलेश गुप्ता लगायतकाले राहत बितरण गरेका थिए ।

बिश्वभरी महामारीकाे रुपमा फैलिएकाे काेराेना भाइरस संक्रमण राेकथामकाे लागि भएकाे लकडाउमा प्रभावित गरिब घर परिवारलाई राहत वितरण गरिएकाे राैनियारले वताउनु भयाे ।

वीरगन्जमा कोरोना उपचार केन्द्र खोल्न मुख्यमन्त्रीलाई आग्रह

0

वीरगन्ज । विश्वव्यापी संक्रमणको रुपमा फैलिएको कारोना रोगको परिक्षण तथा उपचारको लागी वीरगन्जको एक टोलीले प्रदेश २ का मुख्यमन्त्री लालबाबु राउत गद्दीलाई गुहारेकाे छ ।

कारोना रोगको उच्च जोखिम तथा प्रदेश २ का ४ जिल्लाका रोगीहरुको ठुलो चापमा रहेको वीरगन्जको अस्पतालमा कारोना रोगको परिक्षण पिसिआर ल्याब, स्थास्थ्य कर्मिहरुको सुरक्षाका लागी पिपिई लगायतका सामग्री तथा छूटै कोभिड अस्पताल संचालन गर्न एक संघिय सांसद सहितकाे वीरगंजकाे टाेलीले मुख्यमन्त्री लालबाबु राउत गद्दीकाे ध्यानाकर्षण गराएकाे हाे ।

पर्सा क्षेत्र नम्बर १ का संघीय सांसद प्रदिप यादव, वीरगन्ज महानगरपालिकाका नगर प्रमुख बिजय कुमार सरावगी, नारायणी अस्पतालका मेडिकल सुपरिटेन्डेन्ट डा. मदन कुमार उपाध्याय र आकस्मीक बिभाग प्रमुख तथा नेपाल चिकित्सक संघका नारायणी शाखाका महासचिव डा. उदय नारायण सिंह लगायतको टोलीले कारोना रोगको संक्रमण नियन्त्रणको लागी वीरगन्जमा चलिरहेको तयारी र आवश्यकताको बारेमा मुख्यमन्त्रीलाई जानकारी गराउदै ध्यानाकर्षण गराएका हुन् ।

मुख्यमन्त्री गद्दीले वीरगन्ज प्रति आफु सम्बेदनशिल रहेको बताउदै कोराना रोगको संक्रमण नियन्त्रणको लागी पिसिआर मशिन सहितको परिक्षण ल्याब तथा रोगको उपचारको लागी कोभिड अस्पताल जनकपुर तथा वीरगन्जमा गरी दुइ ठाउँमा संचालन गरिने व्यवस्था भइरहेको बताउनु भएकाे वताइएकाे छ ।

मुख्यमन्त्री राउतले नारायणी अस्पतालका चिकित्सकहरुका लागी लगभग ४० थान पिपिई, मास्क र गल्पस लगायतका सामग्रीहरु सोमबार साझसम्म नारायणी अस्पतालका पुगी सकने र रोगको परिक्षण तथा उपचारको लागी पिसिआर सहितको ल्याब यथा सिघ्र संचालन गर्नुका साथै रोगको उपचारको लागी कोबिड अस्पताल वीरगन्जमा पनि अबिलम्ब संचालन गर्ने निर्णय भएको समेत वताउनु भएकाे समाचार स्राेतकाे दाबी छ ।

वीरगन्जबाट गएका जनप्रतिनिधी तथा स्वास्थ्य पदाधिकारीहरुले अर्थीक मामिला तथा योजना मन्त्री बिजय यादव, आन्तरिक मामिला तथा कानुन मन्त्री ज्ञानेन्द्र यादवसंग समेत भेटी कारोना रोगको लागि विरगन्जको आवश्यकता बारे जानकारी गराउनुका साथै प्रदेश सरकारले गर्ने निर्णयहरुलाई अबिलम्ब कार्यान्वयन गर्न अनुरोध गरेको वताइएकाे छ ।

वीरगन्जको बारेमा मुख्यमन्त्री गद्दी सम्बेदनशिल रहेको र प्रदेश सरकारको विशेषज्ञहरुको टोली अबिलम्ब वीरगन्जमा पुगेर व्यवस्थापन कार्यलाई अगाडि बढाउने कुरामा जोड दिइएको सांसद यादवले बताउनु भयो ।

वीरगन्जको सबै आवश्यकताको बारेमा आफुहरुले मुख्यमन्त्री तथा प्रदेश सरकारका सम्बन्धीत मन्त्रीहरुको ध्यानाकर्षण गराएको बताउदै उँहाहरु कोरोना रोग संक्रमण नियन्त्रणका लागी जनकपुर तथा विरगन्जलाई प्राथमिकतामा राखेको बताउदै वीरगन्ज महानगरपालिकाका नगर प्रमुख बिजय कुमार सरावगीले प्रदेश सरकारले गरेको निर्णय अबिलम्ब कार्यान्वयन हुने आशा व्यक्त गर्नुभयो ।

कालिकामाईकाे वडा नं. १, २ र ४ मा राहत वितरण

0
क्रमश कालिकामाई गाउँपालिकाकाे वडा नं. १, २ र ४ मा राहत वितरण गरिदै । तस्बिर : कालिका टाइम्स

वीरगंज । पर्साको कालिकामाई गाउँपालिका वडा नम्बर १ मा आज राहत वितरण गरिएकाे छ । वडा कार्यालयले वडा अन्तर्गतकाे  ३ सय ७० गरिब परिवारलाई राहत बितरण गरेको वडाध्यक्ष रामशिष यादवले वताउनु भयाे ।

सर्वदलिय बैठकबाट पारित भएका अनुसार वडाका अति गरिब परिवार प्रति घरदुरीलाई राहत स्वरुप चामल ८ किलो,  दाल १ किलो,  तेल १ किलो,  नुन १ किलो, आलु २ किलोकाे दरले बितरण गरिएको गाउँ कार्यपालिका सदस्य रामानन्द ठाकुरले बताउनु भयाे ।

श्री जनता माध्यमिक बिधालयबाट वडा अन्तर्गतका मुडली, रबिदास र टिनडाेबियाका गरिब घर परिवारबाट एक/एक जनालाई पालाे पालाे बाेलाई विभिन्न राजनितिक दलकाे प्रतिनिधिकाे राेहबारमा राहत वितरण गरिएकाे ठाकुरले वताउनु भयाे । बिश्वभरी महामारीकाे रुपमा फैलिएकाे काेराेना भाइरस संक्रमण राेकथामकाे लागि भएकाे लकडाउमा समस्या भएकाहरुकाे राहत वितरण गरिएकाे हाे ।

यस्तै कालिकामाई गाउँपालिकाकाे वडा नं. २ भेडिहारीमा समेत राहत विरतण गरिएकाे छ । वडा कार्यालयबाट आइतबार बिहान वडा अन्तर्गतका गरिब र विपन्न परिवारलाई राहत वितरण गरिएकाे पानालाल चाैरसियाले वताउनु भयाे ।

वडा अध्यक्ष साेनालाल चाैरसियाकाे नेतृत्वमा लकडाउनमा समस्यामा परेका गरिब परिवारलाई राहत वितरण गरिएकाे चाैरसियाले वताउनु भयाे ।

यस्तै कालिकामाई गाउँपालिकाकाे वडा नं. ४ प्रशुरामपुरमा समेत आज राहत वितरण गरिएकाे छ । वडा अन्तर्गतका २ सय अति गरिब परिवारलाई चामल १५ किलाे, आलु २ किलाे, दाल १ किलाे, नुन १ किलाे, साेेवाबिन २५० ग्राम र नुहाउने साबुन १ पिसका दरले वितरण गरिएकाे वडाध्यक्ष हरिओम साह कलवारले वताउनु भयाे ।

वडा कार्यालयबाट प्रदेशकाे बजेट रु १ लाख ८० हजारबाट विभिन्न राजनिति कदलकाे प्रतिनिधिकाे राेहबरमा राहत वितरण गरिएकाे वडाध्यक्ष कलवारले वताउनु भयाे ।

यता कालिकामाई गाउँपालिका कै वडा नम्बर ३ हरिहरपुर बिर्तामा आज साबुन वितरण गरिएकाे छ । वडा अन्तर्गतका १ सय गरिब परिवारलाई स्थानिय समाजसेवी नागेन्द्र चौरसियाले एक/एक पीस साबुन बितरण गर्नु भएको हाे ।

वीरगंजकाे अपाैनीमा झडप र ढुंगामुडा, १६ जना घाइते

0

वीरगंज । वीरगंज महानगरपालिकाकाे वडा नं. २० अपाैनीमा गएराती दुई पक्ष बिच झडप हुदा १६ जना घाइते भएका छन् । स्थानिय नागेन्द्र नट र रामप्रबेश यादव पक्ष बिच आइतबार राती ८:३० बजे भएकाे झडपमा १६ जना घाइते भएकाे इलाका प्रहरी कार्यालय सुगाैलीका प्रहरी नायब निरिक्षक अर्जुन कुमार साहले वताए ।

घाइते हुनेमा नट पक्षका बर्ष १६ की निकी कुमारी, बर्ष ४० की रुपकली देवी, बर्ष १८ का राकेश सिंह नट, बर्ष ३५ की विभा देवी, बर्ष १२ का अकलेश राय, बर्ष १८ की सुमन कुमारी, बर्ष १५ की दिपिका देवी, बर्ष १४ का धर्मेन्द्र राय, बर्ष ३५ की सुमिन्त्रा देवी, बर्ष ४० का किशाेरी राय नट, बर्ष ४५ का शंकर लाल राय र बर्ष ३० की इन्दु देवी रहेका छन् ।

घाइतेहरुकाे नारायणी अस्पताल वीरगंजमा उपचार भइरहेकाे छ भने घाइते मध्ये इन्दु, सुमिन्त्रा लगायत केही महिला घाइतेकाे अवस्था गम्भिर समेत रहेकाे छ ।

यस्तै यादव पक्षका बर्ष ३२ का संजय कुमार यादव, बर्ष ३६ का इशव चाैरसिया, बर्ष  १३ का दर्शन यादव र बर्ष २६ का अर्जुन पटेल समेत घाइते भएकाे इलाका प्रहरी कार्यालय सुगाैलीले जनाएकाे छ ।

आइतबार दिउसाे नागेन्द्र नटका छाेरा र रामप्रबेश यादवकाे छाेरा बिच क्रिकेट खेल्ने क्रममा विवाद भएकाे थियाे । साेही समयमा नाम नखुलेका नटका छाेरा यादवका १३ बर्षिय छाेरा दर्शन यादवलाई कुटपिट गरेका थिए । कुटपिटबाट घाइते दर्शनकाे नाकबाट खुन निस्केकाे देखेर उनका घर परिवारकाे व्यक्ति आक्राेशित भएका थिए ।

स्थानियका अनुसार आइतबार सांझ ६ बजे यादव पक्षले घटना बारे इलका प्रहरी कार्यालय सुगाैलीमामा निवेदन समेत लिएर गएका थिए । प्रहरीले निवेदन बुझ्दै भाेली विहान घटना बारे दुबैै पक्ष बिच छलफल गरिने वताए पछि उनीहरु घर फिर्ता भएका थिए । तर त्यसकाे केही घण्टा मै दुई पक्ष बिच पुन: झडप हुन पुग्याे ।

यादव पक्षले नटकाे घरमा पुगी घटना बारे साेधपुक्ष गर्ने क्रममा विवाद हुदा दास्राे पटक राति ८ : ३० बजेकाे समयमा झडप भएकाे बुझिएकाे छ । झडपकाे क्रममा दुई पक्ष बिच ढुंगामुडा हानाहान समेत भएकाे प्रहरीले जनाएकाे छ ।

झडपकाे क्रममा एउटा माेटरसाइकल र किराना पसलमा समेत क्षति पुगेकाे प्रहरीले जनाएकाे छ । प्रहरीका अनुसार ना. ३८ प. ५७७१ नम्बरकाे सुपर स्पलेन्डर माेटरसाइकल र किशाेरी राय नटकाे किराना पसलमा क्षति पुगेकाे इलाका प्रहरी कार्यालय सुगाैलीले जनाएकाे छ ।

वीरगंजमा छुट्टै काेराेना अस्पताल बनाउन चिकित्सक संघकाे माग

0

वीरगंज । नेपाल चिकित्सक संघ नारायणी शाखा वीरगंजले आज एक प्रेस विज्ञप्ती जारी गर्दै प्रदेश सरकारसंग ५ बुंदे माग गरेकाे छ ।

संघका सचिव डा. उदय नारायण सिंहद्वारी हस्ताक्षतिरत प्रेस विज्ञप्ती मार्फत कोरोना भाइरसको संक्रमणबाट बच्न र बचाउनको लागि प्रदेश २ सरकारसंग बैज्ञानिक हिसाबले क्वारेन्टाईन तथा आईसोलेसन वेडहरुको मूल्याकंन गरि छुट्टै कोरोना अस्पताल बनाउनु पर्ने माग गरिएकाे छ ।

यस्तै चिकित्सक संघले कोरोना हब अस्पतालको अवस्था पहिचान गरि आवश्यक स्तरोन्नतिका लागि पहल गर्नु पर्ने, आवश्यक्ता र जनघन्त्वको आधारमा यथासिघ्र कोरोना परिक्षणको व्यवस्था प्रदेश २ का सबभन्दा ठुलो नारायणी अस्पतालमा गर्नु पर्ने, स्तरिय पर्सनल प्रोटेक्टिभ ईकुपमेन्ट (एएभ्) को व्यवस्था गर्नु पर्ने, संभावित कोरोनाको बिरामीको उपचारक्रममा संलग्न स्वास्थ्यकर्मीलाई छुट्टै क्वारेन्टाईनमा राख्न व्यवस्था गर्नु पर्ने लगायतका माग गरेकाे हाे ।

संघले जारी गरेकाे प्रेस विज्ञप्तीमा विश्वभरि महामारीको रुपमा फैलिएको कोरोना भाईरसले नेपाललाई पनि विश्व स्वास्थ्य संगठनले जोखिम पूर्ण राष्ट्रको रुपमा घोषणा गरेको छ । सोही क्रममा नेपाल चिकित्सक संघ हालको परिस्थितिमा आफ्नो कर्तब्य निष्ठा पुर्बक गर्न रति पनि पछि नहटने तर चिकित्सक तथा स्वास्थ्यकर्मिहरुको सुरक्षाको सम्पुर्ण ब्यवस्था सरोकारवाला निकायहरुले गर्नुपर्ने उल्लेख छ ।