Date
आइत, मंसिर ६, २०८३
Sun, November 22, 2026
Home Blog Page 997

अध्यक्ष मियाँ सहित ३८ को कोरोना रिपोर्ट नेगेटिभ

0

वीरगन्ज । भारतीय मिडियाले प्रशारण गरेको समाचारका कारण विवादमा परेका पर्साको जगरनाथपुर गाउँपालिकाका अध्यक्ष जालिम मिया मुखियाको स्वाब परिक्षणको रिपोर्ट आएको छ । किट जन्य रोग तथा अनुसन्धान तालिम केन्द्र हेटौंडाको प्रयोगशालामा मियासँगै उनको घरमा रहेका परिवारका सदस्य सहित ३८ जनाको स्वाब सोमबार संकलन गरि परिक्षणका लागि हेटौंडाको पठाइएको थियो ।

३८सैं जनाको स्वाब परिक्षण भएको र सबैको रिपोर्ट नेगेटिभ आएको बागमति प्रदेश सामाजिक बिकास मन्त्रालयका प्रवक्ता डा.पुरुषोतम राज सेढाईले पलखबरलाई जानकारी दिएका छन् । नारायणी अस्पतालबाट खटिएका स्वास्थ्यकर्मीको टोलीले वीरगन्जको पावरहाउस चोक नजिकै रहेको मियाको घरमै पुगेर कोरोना संक्रमणको आशंकामा परिक्षणका लागि मियासहित ३८ जनाको स्वाब संकलन गरेको थियो ।

वीरगन्जमा कोरोना भाइरसका ३ जना भारतीय संक्रमीत भेटिएपछि शंकास्पद व्यक्ति सबैको स्बाब संकलन गर्न स्थानीय प्रशासनले नारायणी अस्पताललाइ निर्देशन दिएको थियो । त्यस क्रममा ३ जना संक्रमितसँगै सम्पर्कमा रहेका र अन्य शंकास्पद गरि सोमबार ३८ जनाको स्वाब संकलन गरि परिक्षणका लागि हेटौंडाको प्रयोगशालामा ल्याएकोमा सबैको रिपोर्ट नेगेटिभ आएको बताईएको छ ।

सिल गरिएको छपकैयामा खाद्यान्न आपुर्ती र रेपिड टेस्ट गर्न साँसद यादवको माँग

0

वीरगंज । पर्सा क्षेत्र नम्बर १ बाट निर्वाचित साँसद प्रदीप यादवले जीवन रक्षाका लागि खाद्यान्न आपुर्ती र रेपिड टेस्टको मांग गरेका छन् |

बुधबार प्रेस बिज्ञप्ति जारि गर्दै सांसद यादवले वीरगन्जको छप्कैयास्थित मस्जिदसंगै रहेको यतिमखानामा बसेका ३ जना भारतीय मुस्लिम धर्मप्रचारकहरुमा कोरोना (कोभिड–१९) भाइरसको संक्रमण पुष्टि भएपछि स्वभाविक रुपमा मानिसहरुमा भय ब्याप्त छ भने प्रहरी र प्रशासनले आवश्यक कडाई अख्तियार गरेको अवस्था छ ।

छप्कैया क्षेत्र यतिखेर सिल गरिएको हुनाले त्यहाँ आवतजावत बन्द छ र आवश्यक बस्तुको पसलहरु बन्द गरिएकाले सवधानीको दृष्टीकोणले प्रसाशनको यो कदम आवश्यक पनि रहेको तर, यसबाट केही मानवीय संकटहरु समेत सिर्जना भएको तिर सम्बन्धीत सबैको ध्यानाकर्षण गराएका छन् ।

सांसद यादवले उक्त क्षेत्र सिल भएपछि अत्यावश्यक बस्तुको अभाव त्यहाँ सिर्जना भई हजारौं मानिसहरु भोकमरीको मुखमा पुगेका छन्, इन्धन, खाद्यान्न र जीवन धान्ने अन्य अत्यावश्यक बस्तुको अभावले मानिसहरुको जीवन गम्भीर रुपमा कठिन भएको बताउदै संबन्धि क्षेत्र सिल गरेपछि त्यहाँ अत्यावश्यक बस्तुको आपुर्ती सरकारी स्तरबाट गरिने गरेको उद्हारण छिमेकी मित्र राष्ट्र भारत र अन्य मुलुकहरुमा अहिले देखिएको जस्तै प्रबन्ध अबिलम्ब मिलाई मानिसहरुलाई उनीहरुको जीवन रक्षाका लागि अत्यावश्यक बस्तुको आपुर्तीको यथासिघ्र ब्यवस्था मिलाउन प्रेस विज्ञप्ती मार्फत गृह मन्त्रालयसंग माग गरेका छन् ।

सांसद यादवले सो छपकैया क्षेत्र सिल भएको एरियामा हजारौं जनता भोकले आजित भएका भोकै पेटले बिद्रोह निम्त्याउछ भने स्थापित सत्य रहेको बताउदै अहिलेकै अवस्था कायम रहे यहाँ मानिसहरुले संक्रमण नियन्त्रणको लागि दिदै आएको सहयोगको निरन्तर कठिन हुने भनि प्रतिक्रिया प्राप्त भएको भएको जानाकरी गराउदै सिल गरिएको क्षेत्रमा घरघरमा ‘रेपिड टेस्ट’ गरेर अवस्थालाई सहज र जोखिम न्युनीकणर गर्न र सो कारण त्यतातिर पनि अबिलम्ब कदम बढाउन माग गरेका छन् ।

अहिले हाेम क्वारेन्टाइनमा रहेका सांसद यादवलेे प्रेस विज्ञप्ती मार्फत यसका साँथै सो क्षेत्रका जनताले संयमता कायम राख्दै प्रशासनिक आदेशको पालना गरी यो विपद नियन्त्रणमा सहयोग गरिदिन आग्रह समेत गरेका छन् ।

रहबरकाे हस्पिटल दिने घाेषणाले उत्पन्न तरंग र यथार्त

0

वीरगंज । बिश्वभरी महामारी रुपमा फैलिएकाे काेराेना भाइरस (काेभिड १९) सक्रमणबाट नेपाल पनि अछुताे रहन सकेकाे छैन । नेपालमा हाल सम्म १६ जनामा काेराेना संक्रमण पुष्टि भइसकेकाे छ । जस मध्ये प्रदेश २ काे वीरगंजमा ३ जना र एक जना राैतहटका रहेका छन् भने अन्य अरु ठाउँका रहेका छन् ।

वीरगंजका ३ र राैतहटका १ जना गरी ४ संक्रमितलाई वीरगंज स्थित नारायणी अस्पतालकाे आइसाेलेसनमा राखि उपचार भइरहेकाे मेसु डा. मदन कुमार उपाध्यायले वताए । वीरगंजकाे छपकैयाका ३ जनामा काेराेना संक्रमण पुष्टी भएका कारण वीरगंज महानगरपालिकाकाे वडा नं. १, २ र ३ छपकैया क्षेत्रलाई सिल समेत गरि सकिएकाे छ ।

यसले वीरगंज काेराेनाकाे संक्रमणकाे उच्च जाेखिममा रहेकाे देखिन्छ । याे संगै वीरगंज लगायत पर्सा बासी झन त्रसित भएका छन् । संघ सरकारकाे चैत ३० गतेकाे निर्णय अनुसार वीरगंज स्थित रहेकाे एक मात्र सरकारी नारायणी अस्पतालाई काेराेना अस्पताल बनाइएकाे पत्र समेत प्राप्त भएकाे मेसु डा. उपाध्याय वताउँछन् ।

यस अघि वीरगंजमा काेराेना अस्पताल बनाउनु पर्ने माग समेत उठेकाे थियाे । सर्बप्रथम चैत २३ गते नेपाल चिकित्सक संघ नारायणी वीरगंजका सचिव डा. उद्य नारायण सिंहले एक प्रेस विज्ञप्ती जारी गर्दै वीरगंजमा छुट्टै काेराेना अस्पताल बनाउनु पर्ने प्रदेश २ काे काेराेना बिशेष सल्लाहकार समिति तथा सराेकारवालासंग माग गरेका थिए ।

त्यस पछि पर्साका एक सांसद, वीरगंजका मेयर सहितकाे एक टाेलीले प्रदेश २ का मुख्यमन्त्री लालबाबु राउत गद्दी समक्ष नै पुगेर वीरगंजमा काेराेना अस्पताल तथा काेराेना परिक्षणकाे व्यवस्था मिलाउन गुहारेकाे सार्बजनिक भएकाे थियाे । साे समयमा मुख्य मन्त्रीले केही दिन भित्र वीरगंजमा काेराेना परिक्षण सहितकाे अस्थाई काेराेना अस्पताल बनाइने समेत वताएका थिए ।

त्यस लगतै नै प्रदेशकाे एक टाेली वीरगंजमा आएर काेराेना अस्पतालकाे लागि नारायणी अस्पताल, वीरगंज हेल्थ केयर, नेशल ट्रेडिङ्ग लगायतकाे ठाउँकाे नाटकिय ढंगले निरिक्षण समेत गरेर गएकाे थियाे ।

त्यसकाे केही दिन पछि पनि वीरगंजमा काेराेना परिक्षण र अस्पताल निर्माण हुने नदेखिए पछि र वीरगंजका ३ जनामा काेराेना संक्रमण पु्ष्टि भए पछि सतारुढ दल नेपाल कम्युनिष्ट पार्टी (नेकपा) का वीरगंज महानगर कमिटीले चैत २९ गते संघ सरकारलाई एक पत्र लेख्दै वीरगंजमा काेराेना अस्पताल बनाउन माग गर्‍याे ।

जुन पत्रमा नेकपाका वीरगंज महानगर इन्जार्ज दिनेश राई, अध्यक्ष रहबर अन्सारी र सचिव बिश्वम्भर कुमार शर्माले हस्ताक्षर गरेकाे कालिका टाईम्सले नै सार्बजनिक समेत गरेकाे थियाे । जुन पत्र प्रदेश २ सरकार, नेकपा केन्द्रिय कमिटी र प्रदेश कमिटीलाई समेत बाेधार्थ गरिएकाे थियाे ।

त्यसकाे भाेली पल्ट नै चैत ३० गते संघ सरकारले वीरगंज स्थित नारायणी अस्पतालाई काेराेना अस्पताल बनाउन निर्णय गरेकाे पत्र समेत प्राप्त भएकाे मेसु डा. उपाध्यायले पुष्टि गरेका छन्  । यसलाई कतिपयले रहबरकाे प्रभावकाे कारण निर्णय भएकाे समेत बताइरहेका छन्

त्यस पछि वीरगंजमा रहेकाे एक मात्र सरकारी नारायणी अस्पताललाई काेराेना अस्पताल बनाउदा त्यहाँकाे बिरामाीहरु कहाँ जाने, प्रसुती सेवा कहाँ संचालन हुने र सर्बसाधारणले अन्य राेगकाे उपचार कहाँ पाउने भने अवाज र प्रशन समेत उठन सुरु भएकाे छ । त्यसकाे जवाफमा संघ सरकारले लेखेकाे पत्रमा अन्य बिरामीकाे लागि नेशनल मेडिकल कलेजमा व्यवस्था भएकाे लेखिएकाे मेसु डा. उपाध्यायले जानकारी गराए ।

त्यस अघि संघ सरकारले प्रदेश २ काे जनकपुरमा रहेकाे प्रादेशिक अस्पताललाई काेराेना परिक्षण सहितकाे काेराेना अस्पताल बनाउने निर्णय समेत गरेकाे थियाे । तर नेपालकाे मुख्य प्रबेशद्वारकाे रुपमा रहेकाे वीरगंज, पर्सा, बारा, राैतहट सर्लाहीकाे बिरामीकाे चाप रहेकाे र औधाेगिक करिडाेरकाे रुपमा रहेकाे पर्सा र बारा रहेकाे भन्दै वीरगंजमा काेराेना परिक्षणकाे व्यवस्था गर्नु पर्ने माग भइरहेकाे थियाे ।

तर हाल सम्म नारायणी अस्पतालमा काेराेना परिक्षणकाे लागि पिसिआर मेसिन आई नसकेकाे मेसु उपाध्यायले कालिका टाईम्सलाई वताए । अस्पतामा हाल सम्म २५ बेडकाे आइसाेलेसन मात्र रहेकाे उनले वताए । त्यतिले मात्र काेराेनाकाे लागि पूर्व तयारी पर्याप्त नभएकाे उनले जानकारी समेत गराए ।

साेही क्रममा बैशाख १ गते नेकपा वीरगंज महानगर अध्यक्ष रहबर अन्सारीले समाजिक संजाल आफ्नाे फेसबुक मार्फत काेराेना अस्पतालकाे लागि आफु आफ्नाे गण्डक हस्पिटल स्थानिय सरकारलाई दिन तयार रहेकाे वताए पछि वीरगंजमा तरंग नै मच्याे । धेरै जसाेले फेसबुक मार्फत अन्सारीलाई धन्यावाद भन्दै उनकाे फेसबुक स्टेटस सेयर गर्न थाले त केहीले आलाेचना समेत गर्न थाले ।

साेही समर्थन र आलाेचनालाई आधार मानी वीरगंजका अधिकांश मिडियाहरुले रहबरकाे प्रतिक्रिया सहितकाे समाचार समेत लेखे । केहीले रहबरकाे आलाेचना सहित समाचार समेत लेखे । त्यस भन्दा पहिला प्रदेश सरकार अर्थात प्रदेश २ काे मुख्यमन्त्री गद्दीका कारण वीरगंजमा काेराेना परिक्षणकाे व्यवस्था र अस्पताल निर्माण हुन नसकेकाे आलाेचना समेत भइरहेकाे थियाे ।

अन्सारीले अस्पताल दिने घाेषणा आफु एक वीरगंजकाे आम नागरिककाे हैसियतले दिने गरेकाे वताए पनि याे बिषय राजनितिकबाट अछुताे रहन सकेन । यती सम्म वीरगंज महानगरका मेयर बिजय सरावगी, उनका प्रेस सल्लाहकार गाेबिन्द देवकाेटा र रहबरकाे नाम जाेडेर वीरगंज बाहिरकाे एक अनलाईन मिडियामा समाचार समेत आयाे । त्यस पछि रहबरकाे अस्पताल दिने घाेषणले झन चर्चाकाे बिषय बन्याे ।

हुन त रहबरकाे आलाेचना एक अक्राे कारण समेत थियाे । रहबर भन्दा पहिला नेशनल मेडिकल कलेजका प्रबन्ध निर्देशक बसरुदिन अन्सारीले समेत आवश्यकता परेकाे खण्डमा पुरै अस्पताल नै सरकारलाई जिम्मा लगाउने वताएका थिए । तर आवश्यकता परेकाे बेला उनी पछि हटेका कारण उस्तै त हाेला पनि रहबरकाे आलाेचना गर्नेहरुकाे तर्क छ ।

विगतको दिनमा घोषणा गरेर सस्तो लोकप्रियता कमाएर घोषणाबाट पछि हटेको नमिठो अनुभव पर्साबसी संग भए पनि सबैलाई एउटै तराजुको कसीमा तौलन मुनासिव हुदैन ! घोषणा गर्ने व्यक्तिको विगत र बर्तमानलाई न्याल्दै यो महामारीको बेला संयमताका साथ धैर्य गरी घोषणा गर्ने व्यक्तिको वास्तविक परीक्षण पनि उतिकै जरुरी रहेकाे गैर सरकारी संस्था महासंघ नेपाल पर्साका अध्यक्ष छठु साह वताउँछन् ।

रहबरकाे आलाेचना गर्नेहरु आवश्यकता परेकाे बेला नदिएर पछि अस्पताल दिने उनकाे घाेषणा सस्ताे लाेकप्रियता कमाउनकाे लागि मात्र भएकाे वताइरहेका छन् । तर त्याे पनि तर्क वीरगंज महानगरपालिकाले बैशाख २ गते गरेकाे एक सुचनाले तुहाई दिएकाे छ । काेराेनाकाे महामारी राेकथाम र नियन्त्रण गर्न निजि अस्पतालहरु चाहिएकाे भन्दै महानगरले ३ दिने प्रस्तावना अवहान गरेकाे छ ।

अस्पताल दिने घाेषणा गरेका रहबर के भन्छन् 

पर्साकाे जनसंख्याको अधारमा यदि विरगंज भोलि महामारीको एपिक सेन्टर बनेर आयो भने समस्या नहोस भन्ने हिसाबले  आफु आफ्नो अस्पताल दिन तयार भएका वताउन्छन् । मैले मेरो क्षेत्रको जनतालाई पिडामा देख्न सक्दिन र जनतालाई समस्या परेको बेला आफु कहिले पछि नहट्ने भनि उनकाे भनाई छ । महामारीको लागि जति धेरै अस्पताल तयार पर्न सकिन्छ त्यती धेरै फाइदा हुने उनी बताउँछन् ।

विरगंज महानगरले कोभिड-१९ अस्पताल बारे मसंग कुनै सहकार्य गरेको छैन । प्रदेश-२ सरकार र महानगरले आफै कोभिड-१९ अस्पतालको लागि मेरो अस्पताल भन्दा बढी पूर्वधार र बढी जनशक्ति भएको दुई तीनवटा अस्पतालको निरक्षण गरेको र ति मध्ये एउटा लिने व्यापक हल्ला थियो ।

अब त्यस्ताे अवस्थामा अरु अस्पताल भन्दा मेरो अस्पतालमा कम जनशक्ति र उपकरण छ । बरु यहि लिनुस भन्नु पनि ठिक हैन उनी वताउँछन् । अन्तमा जब कुनै अस्पतालले नदिएको खबर सुने पछि मैले मेयर साहबलाई फोन गरेर सोधे ” मेयर साहब तपाइले म संग अस्पताल माग्नु नै भाको छैन” अनि मैले वहालाइ भने यदि कुनै अस्पतालले नदिएको खण्डमा मैले आफ्नाे अस्पताल स्थानिय सरकारलाइ नि:शुल्क दिन तयार रहेकाे छु भने उनी कालिका टाइम्स संगकाे कुराकानीमा वताए ।

आइतबारको दिन जिप्रकामा भएको कुनै पनि मिटिङ्गमा मलाई बोलाइएको थिएन र मेरो अस्पतालको तर्फबाट कोहि गएको पनि थिएन। पर्सा जिल्लामा भएको अस्पतालसंग पनि महानगरले सल्लाह गर्नु आवश्यक छ भन्दै सुझाव दिए । विपक्षीहरुले निराधार समाचार लेखेर चरित्र हत्या गर्नु दु:ख्द हो भएकाे उनले वताए ।

केहि दिन पहिला एउटा युवाले अपचार नपाएर मृत्यु भएको भनेर दोष गण्डक अस्पताललाई लगाइयो त्यो गलत हो । त्यो युवालाई पहिला कुनै अस्पतालमा राखिएको थियो। उनलाई डिस्चार्ज गरियो र डिस्चार्ज सम्मरीमा क्रोना सस्पेक्टेड भनेर लेखि टेकु अस्पताल काठमाण्डौमा रेफर गरिएको थियो।

त्यो बिरामीका आफन्तजनहरुले बिरामिलाई लिएर विरगंजका विभिन्न अस्पतालमा गए र सबै अस्पतालले टेकु अस्पताल नै जान सल्लाह दिएकाे रहबरकाे भनाई छ । दुर्भाग्यवस युवाको मृत्यु पछि एउटा व्यक्ति विषेसलाई दोष दिनु निन्दनीय छ। अहिलेको अवस्थामा एक-अर्का माथि टिका-टिप्पणी गर्नु गलत हो र कुनै पनि अफ्वाह पछि नलाग्न उनले आग्रह समेत गरे।

यो विषम परिस्थिति मा एउटा ठिटो युवा को आदम्य साहस र समाज प्रति को उत्तरदायीतव बोध लाई खिली उडाउने काम किमार्थ जन हित मा हुन सक्दैन तसर्थ अहिले को बेला एक ले अर्काको खिली उडाउने न भई हातेमालो गरी महामारीको बिरुद्ध एक जुट भई लडने बेला भएकोले समयको आवश्यकता र यथार्थलाई हामी सबैले मान्न गर्न जरुरी छ !

नारायणीलाई काेभिड अस्पताल बनाएर प्राईभेट हस्पिटलकाे व्यापार बढाउने प्रपञ्च : नेता सिंह

0

काेभिड-19 काे संक्रमणकाे कारण इटलीमा धेरै मानिसले ज्यान गुमाएपछि त्यहाँकाे सरकारले धमाधम काेभिड स्पेशल अस्पताल बनायाे । एउटा बाक्लाे बस्तीकाे वीचमा रहेकाे अस्पताल पनि काेभिड स्पेशल अस्पताल बनाईयाे । जसकाे परिणाम स्वरूप त्यस आसपासका झण्डै ४ हजार मानिसले ज्यान गुमाए । हाम्राेमा काेराेनाले बल्ल खुट्टा पसार्दैछ, तर इटलीकाे घटनाबाट सरकारले पाठ सिकेकाे पाईँदैन ।

यहाँ पनि वस्तीकाे विचमा रहेकाे नारायणी अस्पताललाई काेराेना अस्पतालमा परिणत गर्ने र त्यहाँकाे अन्य सम्पूर्ण सेवा बन्द गरेर जेनरल उपचार कहाँ लैजान खाेजेकाे ? निमुखा जनता प्रसुति लगायतकाे उपचारकाे लागि कहाँ जाने ? बस्ती बिचमा रहेकाे अस्पताललाई काेभिड स्पेशल अस्पताल बनाउँदै गर्दा बस्ती खाली गराउनु पर्दैन ?

सुन्दैछु नारायणी अस्पताललाई काेभिड अस्पताल बनाएर संघीय सरकारकाे नजिक रहेका प्राईभेट अस्पतालकाे व्यापार बढाउने प्रपञ्च गरिँदैछ । याे वीरगन्जवासी र उपचारमा दिनरात खटिएका चिकित्सक, स्वास्थ्यकर्मी, सुरक्षाकर्मी विरूद्दकाे कार्य हाे ।

याे सरकारले हरेक जसाे राष्ट्रिय बिपत्तिमा ब्रह्मलुट मच्चाएकाे जगजाहेर नै छ । चीनबाट स्वास्थ्य सामाग्री मगाउँदा कराेडाैं भ्रष्टाचार गरेकै हाे, त्यतिले नपुगेर जिल्लामा रहेका आसेपासेलाइ पनि धनी बनाउन खाेजिएकाे छ । विपदमा कमाउन खाेज्ने तिमिहरूलाई वीरगंजवासीकाे आह लाग्ला ? तिम्राे समपूर्ण खानदानलाई काेराेना लाग्ला ? हाेशीयार, समय मैं समबन्धित सरोकारवालाको चेत खुलोस् ।

राष्ट्रिय जनता पार्टी (राजपा)का महासिचव एवं पर्सा जिल्ला अध्यक्ष समेत रहेका वीरगंजका युवा नेता राजेशमान सिंहले आफ्नाे फेसबुकवालमा लेख्नु भएकाे स्टेट्स जस्ताकाे त्यस्तै ।

पकहा मैनपुरमा राहत बहिष्कार, अनियमितता भएकाे आराेप

0
मैनपुरमा राहत लिएर गएकाे गाउँपालिकाे गाडी र राहत बहिस्कार गर्न जम्मा भएकाे स्थानिय । तस्बिर : कालिका टाइम्स

वीरगंज । पर्साकाे पकाहा मैनपुर गाउँपालिकाका वाड न . ३ मैनपुर टोलका वासीले गाउँपालिकाद्वारा वितरण गर्न लगिएको राहत लिन मानेका छैन । वाडध्यक्ष मदन साह कानुले जनतालाई जति समझाउदा पनि मैनपुर टोलका बासिन्दाले राहत लिन नमाने पछि राहत वितरण टोली फर्किनु परेको छ ।

गाउँपालिकाले लकडाउमा प्रभावित परिवारको लागि प्रति परिवार १० किलो चमाल, आधा किलो दाल, १ किलो प्याज, २ किलो आलु, आधा किलो चना, आधा किलो सोयाबीन र आधा लिटर खाने तेल वितरण गर्न लगेकाे थिए । तर गाउँवासीले सरकारी मापदण्ड अनुसार राहत नभएकाे भन्दै फिर्ता पठाइ दिए ।

गाउँवासीका अनुसार गाउँपालिकाले राहत वितरणकाे लागि विशेष सभा गरी रु ८० लाख रकम छुट्याएकाे थियाे । राहत वितरण कै लागि प्रदेश सरकारले पनि गाउँपालिकालाई रु १० लाख अनुदान दिएकाे छ । दुबै रकबाट बाेर्ड बैठककाे निर्णय अनुसार २५ किलाे चामल, ३ किलो दाल, ५ किलो आलु, तेल १ लिटर लगायतका खाद्यान्न सामग्री राहत वितरण गर्न निर्णय गरेकाे थियाे ।

तर एकासी आज राहत सामग्री कम लिएर वितरण गर्न गाउँपालिकाकाे टाेली आए पछि आफुहरु राहत बहिस्कार गरेकाे स्थानिय नरेश पटेलले वताए ।

गाउँलेको भनाई अनुसार त्यो वाडको लागि गाउँपालिकाले ८ लाख बराबरको रकम छुटयाएको र सो रकम बराबरको राहत बितरण हुनु पर्ने अड़ान राखेका छन् । साथै गाउँपालिका अध्यक्ष बिजय चौरसियालाई बोलाएर के कति रकमको राहत वितरण हुदै छ सो जानकारी लिन खोजेका थिए।

तर गाउँपालिका अध्यक्ष नआए पछि जनता आक्रोशित समेत भएका थिए । राहत वितरणमा अनियमिता भएको र रकम बराबरको पनि राहत आफ्नो टोलमा नआए पछि स्थानीय आक्रोशित भएर राहत वितरण बहिष्कार गरेको स्थानिय नवलकिशाेर पटेलले बताए।

यस बिषयमा बुझ्न गाउँपालिका अध्यक्ष विजय चाैरसियासंग फाेनमा सम्पर्क गर्दा फाेन काटिदिएका कारण सम्पर्क हुन सकेन ।

जीतपुर सिमराकाे वडा नं. २४ मा सरकारी मापदण्ड अनुसार राहत वितरण

0

बारा । विश्वव्यापी महामारीका रुपमा फैलिरहेको कोरोना भाईरस (कोभिड–१९) संक्रमण राेकथाम तथा नियन्त्रणका लागि गरिएको लकडाउनबाट प्रभाबित जीतपुरसिमरा उपमहानगरपालिका वडा नम्बर २४ का बिपन्न परिवारहरुलाई राहत स्वरुप खाद्यन्न समाग्री वितरण गरिएको छ ।

वडाध्यक्ष इलियास देवानको अगुवाईमा श्री नेपाल राष्ट्रीय आधारभूत बिद्यालयबाट वडा अन्तर्गतका २ सय १ विपन्न परिवारका लागि राहतमा खाध्यान्न सामग्री वितरण गरिएको हाे । राहतका लागि अति विपन्नको पहिचान गरि राहत वितरणको काम भैरहेको वडाध्यक्ष देवानले वताउनु भयाे ।

राहतमा प्रति परिवार ३० केजी चामल,२ केजी दाल, १ केजी नुन र खाने तेल १ लिटर वितरण गरिएको देवानले जानकारी गराउनु भयाे । कोरोना महामारी फैलिन नदिन सरकारले जारी गरेको लकडाउनका कारण दैनिक ज्याला मजदुरी गरी जीवन यापन गर्दै आएका विपन्न परिवारको जीवन रक्षार्थ राहत वितरण गरिएको हो ।

सरकारी निर्देशिका अनुसारका विपन्न परिवार छनौट गरी राहत वितरण गरिएको वडा अध्यक्ष देवानले वताउनु भयाे । वडामा रहेका विपन्न परिवारको पहिचान र राहत वितरणका लागि विभिन्न दलका प्रतिनीधि, सेना, प्रहरी र जनप्रतिनीधिहरुको वडा स्तरिय सर्वदलिय समिति बनाई काम गर्नु पर्ने भएकोले केहि समस्या हुन गएको र त्यसको कारण केहि समय ढिलो हुन गएको देवानले वताउनु भयाे।

राहत वितरण कार्यमा वडाध्यक्ष देवान सहित वडा सचिव सिद्धार्थ चौधरी, वडा सदस्यहरु सोबराति अंसारी, असिन देवान, कसीरन खातून साथै कलाम अंसारी, ग्यासुद्दीन अंसारी, इरफान देवान, अलीजान अंसारी, एकरामूल अंसारी लगायतको सक्रिय सहभागिता रहेको थियो ।

श्रीनिधीद्वारा २०७७ सालकाे डिजिटल क्यालेन्डर सार्बजनिक

0

वीरगंज । श्रीनिधी बचत तथा ऋण सहकारी संस्था लि. वीरगंजले नयाँ बर्षा २०७७ काे बार्षिक डिजिटल क्यालेन्डर सार्बजनिक गरेकाे छ ।

संस्थाले आफ्नाे कार्यालयकाे वेभसाइट shrinidhibrj.com मार्फत सार्बजनिक गरेकाे क्यालेन्डरमा नेपाल सरकारकाे राजपत्रमा उल्लेख भएका विदा, पर्व, दिवस, पंचाङ्ग तिथि, तारिख सहितकाे विवरण हेर्न पाइन्छ । संस्थाले डिजिट क्यालेन्डर कम्प्युटर र माेबाइल दुवै मार्फत सजिलै प्रयाेग गर्न सकिने जनाएकाे छ ।

डिजिटल क्यालेन्डरले सेवाग्राहीलाई गाेजी पात्राे भन्दा सरल र सजिलाे हुने संस्थाका प्रमुख कार्यकारी अधिकृत चन्देश्वर प्रसाद चाेरसियाले वताउनु भयाे । संस्थालाई पूर्ण रुपले पेपर लेस बनाउने जाने उद्देश्यले पनि डिजिटल क्यालेन्डर तयार गरिएकाे अधिकृत चाैरसियाले जानकारी गराउनु भयाे ।

 

थप दुई जनामा कोरोना संक्रमण पुष्टि, संक्रमितकाे संख्या १६ पुग्याे

0

काठमाडौं । पेप्सीकोलास्थित सनसिटी अपार्टमेन्टबाट अस्पताल भर्ना गरिएका दुई जनामा कोरोना भाइरस (कोभिड-१९) को संक्रमण पुष्टि भएको छ । एक जनाको भने रिपोर्ट आउन बाँकी छ । याे संगै नेपालमा संक्रमितकाे संख्या १६ पुगेकाे छ ।

उनीहरु २८ दिनअघि लण्डनबाट फर्किएका थिए । सोमबार र्‍यापिड टेष्टका क्रममा एन्टीबडी पोजेभिट देखिएपछि पाटन अस्पताल भर्ना गरेर थ्रोट स्वाब संकलन गरिएको थियो ।

पेप्सीकोला टाउन प्लानिङस्थित सनसिटी अपार्टमेन्टमा लण्डनबाट आई बसोबास गर्ने एकै परीवारका ३ जना कोभिड-१९ को शंकास्पदहरूको मिति २०७७ साल बैशाख १ गते आरडीटी विधिबाट परीक्षण गर्दा दुई जना (५८ बर्षिया पुरुष, ८१ बर्षिया महिला) को पोजेटिभ देखिएकोले पीसीआरबाट थप परिक्षण गर्दा समेत पोजेटिभ रिपोर्ट देखिएको स्वास्थ्य तथा जनसंख्या मन्त्रालयले जनाएकाे छ ।

बाँकी १ जनाको पहिलो परिक्षणमा कोभिड-१९ पोजेटिभ नदेखिएको र उल्लेखित ३ जना व्यक्तिहरू क्वारेन्टाईन टाउन प्लानिंङ स्थित निवासमा बसोबास गर्दै आएको मन्त्रालयकाे आधिकारी फेसबुक पेजमा पाेस्ट गरिएकाे छ । उक्त अपार्टमेन्टमा बस्ने व्यक्तिहरूको परिक्षण आजैबाट सुरू गरिएको छ भने निजहरू संग संलग्नहरूको tracing सुरू गरिएकाे मन्त्रालयले आफ्नाे फेसबुक मार्फत जनाएकाे छ ।

र्‍यापिड टेष्टमा उनीहरुकाे रिपाेर्ट पाेजिटिभ आएपछि अपार्टमेन्टलाई प्रहरीले शील गरेको छ । त्यहाँ रहेका मानिसहरुलाई बाहिर जान दिइएको छैन ।

सनसिटीमा पाँचवटा विल्डिङ छन् । अहिले कोरोना संक्रमण देखिएको परिवार ए बिल्डिङमा बस्दै आएका थिए ।

काेराेना अस्पतालकाे लागि गण्डक अस्पताल दिन तयार छु : रहबर अन्सारी

0

वीरगंज । नेपाल कम्युनिष्ट पार्टीका (नेकपा) वीरगंज महानगर अध्यक्ष रहबर अन्सारीले काेराेना अस्पताल प्रयाेजनकाे लागि आफु आफ्नाे गण्डक हस्पिटल दिन तयार रहेकाे वताउनु भएकाे छ ।

नेता अन्सारीले आफ्नाे समाजिक संजाल फेसबुकमा “म, रहबर अन्सारी, एक आम वीरगन्जेली नागरिकको हैसियतले कोरोना विरुद्धको यस लडइमा मेरो सानो प्रयास स्वरूप आफ्नो हस्पिटल ( श्री गण्डक हस्पिटल प्रा ली) पूर्ण रूपले कोरोना अस्पतालको प्रयोजनको लागि स्थनिय सरकारलाई दिन तयार छु । सो को जानकारी मैले वीरगन्जका मेयर आदरणिय विजय सरावगीज्यू लाई गराइ सकेको छु ।” लेख्नु भएकाे छ ।

उहांले यसका साथै आफ्नाे आधिकारिक फेसबुकममा “वीरगन्जमा कोरोनाको उपचारको लागि छुट्टै कोरोना अस्पताल अहिलेको अपरिहार्य अवश्यक्ता हो । तैपनि जुन तदारुकता र तत्परता महत्वपूर्ण जिम्मेवारी बोकेका सरोकारवाला निकायहरुबाट देखिनुपर्ने थियो, त्यो नदेखिएको अवस्थाबारे हामी सबै अवगतै छौ।” भने समेत लेख्नु भएकाे छ ।

अनसारीले यसकाे उचित तदारुकता र तत्परता नदेखियेको यस अवस्थालाई दृष्टिगत गर्दै , यस परिस्थितिको समस्या प्रतिको सम्वेदन्शीलतालाई आत्मसात गरेर आफु आफ्नाे हस्पिटल काेराेना अस्पतालकाे प्रयाेजनकाे लागि पूर्ण रुपले स्थानिय सकारलाई दिन तयार भएकाे वताउनु भएकाे छ ।

वीरगंजका चर्चित युवा नेता अन्सारीले “कोरोना विरुद्धको यस लडइमा हाम्रो सामूहिक प्रयासले सधै निरन्तरता पाओस” समेत लेख्नु भएकाे छ ।

रौतहटका एक युवकमा कोरोना संक्रमण पुष्टि

0

काठमाडौं । रौतहटका एक युवकमा कोरोना भाइरस (कोभिड-१९)को संक्रमण देखिएको छ । क्वारेन्टाइनमा रहेका १९ वर्षीय पुरुषमा कोरोना संक्रमण पुष्टि भएको हो ।

यससँगै नेपालमा कोरोना संक्रमितको संख्या १४ पुगेको छ । उनीहरु मध्ये एक निको भइसकेका छन् ।