Date
आइत, मंसिर ६, २०८३
Sun, November 22, 2026
Home Blog Page 993

बिन्दवासिनीले १० लाखमा २० किलाे चामल सहितकाे राहत बाँड्याे

0

वीरगंज । पर्साकाे बिन्दवासिनी गाउँपालिकामा वडा  नं. ३ वाहेक राहत वितरण सम्पन्न भएकाे छ । गाउँपालिकाकाे वडा नं. १, २, ४ र ५ मा पहिलाे चरणकाे राहत वितरण सम्पन्न भएकाे निमित प्रमुख प्रशासकिय अधिकृत मुन्ना कुमार राैनियारले वताए ।

राहतमा चामल २० किलाे, दाल एक किलाे, नुन एक किलाे, आलु ५ किलाे, प्याज २ किलाे र ताेरीकाे तेल एक किलाे वितरण गरिएकाे प्रशासकिय अधिकृत राैनियार जानकारी दिए । राैनियारका अनुसार एउटा वडामा एक सय ३५ घरदुरी गरी ६ सय ७५ घरदुरीलाई राहत वितरण गर्नु पर्नेमा हाल सम्म ५ सय ४० घरदुरीलाई राहत वितरण गरिएकाे छ ।

५ वटा वडा रहेकाे गाउँपालिकामा वडा नं. ३ वाहेक सबै वडामा राहत वितरण भइसकेकाे छ ।

उनले भने “हामीले प्रदेश सरकारले राहत वितरणकाे लागि उपलब्ध गराएकाे रु १० लाखबाट मात्र पहिलाे चरणकाे राहत वितरण गरेका छाैं, अरुले गाउँपालिकाबाट पनि थप बजेट खर्च गरी राहत वितरण गरे पनि हामीले त्यस्ताे गरेका छैनाैं । प्रदेश सरकारकाे बजेटबाट भेयाए सम्म सर्बदलिय समितिकाे निर्णय अनुसार गाउँपालिका अन्तर्गतका अति गरिब परिवारलाई मात्र राहत विरतण गरेका छाैं ।”

वाकी रहेकाे वडा नं. ३ काे राहत पनि चाँडै वितरण गरिने र राहत वितरण सम्पन्न भए लगतै राहत वितरण गरिएका परिवारकाे नमावली समेत सार्बजनिक गरिने अधिकृत राैनियारले जानकारी गराए ।

काेराेना भाइरस (काेभिड १९) संक्रमण राेकथाम तथा नियन्त्रकाे लागि भएकाे लकडाउनमा समस्यामा परेका अति गरिब र विपन्न परिवारलाई मात्र पहिलाे चरणकाे राहत वितरण गरिएकाे लेखा अधिकृत मिथिलेश कुशवाहाले वताए । गाउँपालिकाबाट दाेस्राे चरणकाे राहत विरतणकाे लागि सामग्री खरिद पक्रिया समेत अगाडी बढी सकेकाे उनले जानकारी गराए ।

भिस्वा सिमा नाकामा सशस्त्र प्रहरी र स्थानिय बिच विवाद

0

वीरगंज । पर्साकाे ग्रामिण भेग स्थित भिस्वा सिमा नाकामा आज सशस्त्र प्रहरी र स्थानिय बिच विवाद भएकाे छ ।

छिपहरमाई गाउँपालिकाकाे वडा नं. ५ स्थित पर्ने भिस्वा सिमा नाकामा सशस्त्र प्रहरीले सिमा पारीबाट तरकारी खरिद गरि आइरहेका महिलालाई कुटपिट गरे पछि स्थानिय र सशस्त्र प्रहरी विच विवाद हुुदा केही बेर तनाव समेत भएकाे थियाे ।

विहान १० बजेकाे करिबमा भएकाे विवादकाे क्रममा स्थानियहरुले सशस्त्र प्रहरीमाथी ढुंगामुड समेत गरेका थिए । सशस्त्र प्रहरी पछि सरे पछि र इलका प्रहरी कार्यालयबाट थप प्रहरी टाेली पुगे पछि स्थित नियन्त्रणमा आएकाे हाम्रा सम्वाददाताले जनाएका छन् ।

सिमा पारी सिक्टाबाट तरकारी किनेर आइरहेकी २ जना महिलालाई भिस्वा सिमा नाकामा खटेका सशस्त्र प्रहरीले निर्धात कुटपिट गरे पछि आक्राेसित स्थानियहरु सशस्त्र प्रहरी बिरुद्ध उत्रेका थिए । धाेबिनी गाउँपालिकाकाे लंगडी निवासी ति महिलाहरु घाइते समेत भएकाे हाम्रा सम्वाददाता आलाेक कुशवाहाले जानकारी दिए ।

लियो क्लब वीरगंजकाे नयाँ कार्य समिती हवारीको अध्यक्षतामा गठन

0

वीरगन्ज । लियो क्लब अफ वीरगन्जले वर्ष २०२०/२१ को लागि नयाँ कार्यसमिति गठन गरेको छ । गत शनिबार बसेको क्लबको बैठकले महम्द मेराजुल हवारीको अध्यक्षतामा नयाँ कार्य समिति चयन गरेको हो ।

नव नियुक्त हवारीको नेतृत्वमा गठन भएको नयाँ कार्यसमितिको प्रथम उपाध्यक्षमा रामविनेश यादव,सचिवमा दिव्या गीरी ,कोषाध्यक्षमा जेयाद अंसारी चयन भएका छन ।

यस्तै क्लबले कार्यसमितिको पुर्णता लगायत अन्य पदाधिकारीको चयन अगामी दिनमा बस्ने नयाँ कार्यसमितिले गर्ने लियो क्लब अफ वीरगन्जले जनाएको छ ।

नव नियुक्त क्लबका अध्यक्ष हवारीले वीरगन्ज क्षेत्रको विकास र पछाडी परेको क्षेत्रमा लियो क्लब अफ वीरगन्जले निरन्तर सहयोग गर्ने प्रतिबद्धता जनाए । उनले आफुलाई सानै देखि सामाजिक क्षेत्रमा काम गर्ने रहर भएको र अहिले त्यसको लागि उपयुक्त स्थान पाएको बताए ।

सिराहाबाट पैदल वीरगंज आइपुगेका ३७ भारतीय प्रहरी नियन्त्रणमा

0

वीरगंज । सशस्त्र प्रहरी बेस क्याम्प अलौले ३७ जना भारतीय कामदारहरुलाई सिमाबाट नियन्त्रणमा लिएकाे छ । सिरहाको मिरचैयामा सुर्या सिमेन्टमा काम गर्ने बताउने कामदारहरुले ४ दिन अगाडी सिरहबाट पैदल हिडी बिरगंज पुगेर सिमा पारी घर जाने क्रममा प्रहरीले नियनत्रणमा लिएकाे हाे ।

सिरहाको मिरचैमा गैस, तरकारी, चामल, दाल सहित अन्य खानेकुराको अभावले गर्दा हामी त्याहाबाट हिडेर बाध्य भएका छौ । ४ दिन देखी भोकभोकै हिडेका छौ र अब पनि घर नपुग्ने आशा पालाएको कामदारहरु रुदै भने ।

भारत बिहारको गोपालगंज र मोतिहारी र युपीको देवरियाका ६ जना सहित ३७ जना भारतीय कामदार बिरगंजमा अलपत्र अवस्थामा रहेका छन । कामदारहरुको बारेमा बिरगंज महानगरपालिकाका मेयर बिजय सरावगी सित बुझदा भारतीय दुतावासले भारतका मानिसहरुलाई ठाकुरराम बहुमुखी क्याम्पस बिरगंजमा रहेको क्वारेन्टाईनमा राखिने र सम्मपुर्ण ब्यवस्थापन सोही ठाउमा हुने गरी सशस्त्र प्रहरी अलौका प्रहरी निरिक्षक संग कुरा गरी ब्यवस्थापन मिलाउने बताउनु भयाे ।

पर्सामा कोभिड १९ काे जिल्ला स्तरिय अनुगमन सञ्जाल गठन

0

बीरगंज । विश्वब्यापी माहामारीको रुपमा देखा परेकोे कोभिड १९ को प्रभाव र त्यसका कारण उत्पन्न मानव अधिकारको अवस्था अनुगमन गर्नको लागि आज पर्सामा जिल्ला स्तरिय ३ सदस्यीय मानवअधिकार अनुगमन सञ्जाल गठन भएको छ ।

जसकाे संयोजकमा नेपाल पत्रकार महासंघ पर्साका अध्यक्ष श्याम बन्जारालाई चयन गरिएको छ भने सदस्यहरुमा गैर सरकारी संस्था महासंघ पर्साका अध्यक्ष छठु साह र जिल्ला अदालत पर्सा बार एशोसिएशनका अध्यक्ष धु्रबदेब प्रसाद कुर्मी रहनुभएको छ ।

समितीको आजै बसेको बैठकले कोरोना भाइरसका कारण उत्पन्न परिस्थितिमा मानव अधिकारको स्थित र अवस्था बुझन समितीले तत्परताकासाथ अनुगमन गर्ने सर्वसम्मति निर्णय गरेको छ ।

माहामारीको मौका छोपेर यसका आडमा हुने बिबिध प्रकारको बिकृति र विसंगतिको बारेमा समेत आयोगले सरोकारवाला निकायलाई ध्यानाकर्षण समेत गराउने निर्णय समेत गरेको छ । बैठकले पर्साका सबै पालिकाको गाउँ एवं टोलसम्म अनुगमन गर्ने निर्णय समेत गरेको छ ।

छिपहरमाईकाे राहत वितरणमा अनियमितता भएकाे भन्दै उजरी

0
छिपहरमाई गाउँ कार्यापालिकाकाे कार्यालय र गाउँपालिका अध्यक्ष मनाेज गुप्ता । तस्बिर : कालिका टाइम्स

वीरगंज । पर्साकाे छिपहरमाई गाउँपालिकामा राहत वितरणमा अनियमित्ता भएकाे भन्दै स्थानियवासीले सोमवार जिल्ला विपद् व्यवस्थापन समिति पर्सामा उजुरी दिएका छन् ।

दर्जनौं स्थानियले हस्ताक्षर गरेको सो उजुरीमा गाउँपालिकाका अध्यक्ष मनोज गुप्ताले पालिकाको अति विपन्न परिवारहरुलाई राहत सामग्री वितरण नगरी आफ्ना आसेपासेहरुलाई मात्र वितरण गरेको आरोप लगाईएको छ ।

तत्कालिन नेकपा एमाले हाल नेकपा, नेपाली कांग्रेस, राजपा र समाजवादी पार्टी समर्थित विपन्न परिवारहरुलाई राहत सामग्री नदिंदा वडा नं. ३ को झलमहिया टोलमा शुक्रवार ५ गतेका दिन सामान्य झडप समेत भएको थियो । झलमहियाको सर्वदलिय समितिले तयार पारेको दुई सय २२ जनाको नामावली बिपरित अध्यक्ष गुप्ता र वडा अध्यक्ष बिनोद साहले आफ्ना करिब एक सय समर्थकहरुलाई मात्र राहत सामग्री बाडन लगाएको उजुरीमा उल्लेख रहेको छ ।

सोही कारण झडप हुंदा भिडलाई तितरबितर पार्न प्रहरीले लठ्ठीचार्ज गर्दा गाउँपालिकाका एक प्रहरी सहित दुई जनालाई सामान्य चोटपटक पनि लागेको समाजवादी पार्टीका प्रतिनिधि जदुनन्दन राउत अहिरले बताए ।

झलमहियाको सर्वदलिय समितिमा नेकपाको प्रतिनिधि भनि अध्यक्ष गुप्ताले आफ्ना भिनाजु घनश्याम साह कानुलाई राखेको उजुरीमा उल्लेख छ । त्यस्तै गाउँपालिका र प्रत्येक वडाको वडा स्तरीय सर्वदलिय समितिको नाममा झुण्ड खडा गरी राहत सामग्री किनमेल देखि लिएर वितरण सम्ममा व्यापक अनियमित्ता भईरहेको अध्यक्ष गुप्ताको कार्यशैलीले पुष्टि गरेको स्थानिय नेकपाका नेता दिनेश साहले बताए ।

सर्वदलिय समितिमा प्रतिनिधि राख्दा नेकपा, नेका, राजपा र समाजवादी पार्टी लगायत कुनै पनि पार्टीसंग आधिकारिक प्रतिनिधि नमागी अध्यक्ष गुप्ताले आफ्ना आसेपासेहरुलाई मात्र राखी अनियमित्ता र भ्रष्टाचार गरिरहेको नेपाली कांग्रेसका प्रतिनिधि बाघा यादवले बताए ।

सोलाई छानबिन गरी आश्वयक कारवाही गर्न र राहत लिनबाट बञ्चित हुन पुगेका अति विपन्न परिवारहरुलाई यथासिघ्र राहत सामग्री उपलब्ध गराउन स्थानियबासीहरुले माग गरेका छन् ।

सो उजुरीको बोधार्थ नेपाल सरकार, गृह मन्त्रालय र मुख्यमन्त्रीको कार्यालय, प्रदेश नं. २ जनकपुरधामलाई पनि गरिएकाे छ । यस सन्दर्भमा सहायक प्रमुख जिल्ला अधिकारी ललित कुमार बस्नेतसंग बुझ्दा उजुरी माथि कारवाही प्रक्रिया अगाडि बढी सकेको जानकारी दिए ।

भारततर्फ काठको तस्करी गर्दै आएका शर्मा सकसालकाे काठ सहित पक्राउ

0

वीरगन्ज । आइतबार दिउँसो अवैध सकसाल काठको गोलिया सहित पक्राउ परेका हिरामन शर्मा विगत लामो समयदेखि काठको तस्करी गर्दै आएको रहस्य खुलेको छ ।

भारतको पुर्वी चम्पारण जिल्ला मोतिहारी थाना रमसिरिया घर भई विगत ४० वर्ष अघि नेपाल प्रवेश गरेका शर्मा अहिले आदर्शनगर क्षेत्रमा तस्करीको अकुत सम्पत्ति थुपारेका छन् । चारजना छोरा जगदीश शर्मा, गोपाल शर्मा, हिरामन शर्मा र विनोद शर्मालाई लिएर अन्दाजी २०३५ सालतिर भारत स्थित आफ्नो जन्मस्थल घर छाडी नेपाल प्रवेश गरेका शिवजी शर्मा वीरगन्जको घडिअर्वा क्षेत्र स्थित बसोबास गर्दै आएका थिए ।

सोही क्षेत्रमा रौतहट जिल्लाका गौर निवासी शर्मा थरका व्यक्तिसँग चिनजान बढाई रामदेव शर्माका नक्कली भाई बनी वंशज नागरिकता प्राप्त गर्न सफल भई आफ्ना चार जना छोरालाई नेपालको नागरिक्ता बनाउन सफल भएका थिए ।

शिवजी शर्मा र उनी नक्कली छोरा बनेका बुवाको पनि मृत्यु भइसकेको छ भने नक्कली भाई रामदेव शर्मा अहिले पनि वीरगन्जमै बसोबास गर्दै आएका छन् । शिवजी शर्माको जेठो छोरो जगदीश शर्माको पनि मृत्यु भइसकेको छ ।

उनकै नामले वीरगन्ज महानगरपालिका वडा नं. १० आदर्शनगर ठाकुरराम क्याम्पस पछाडि संचालन गरिएको जगदीश एण्ड ब्रदर्श सव मिल संचालन गरि बाँकी तिनै दाजुभाई काठको व्यापार गर्दै आएका थिए ।

काठको व्यापार गर्नुभन्दा पनि तिनै भाई नेपालको वनजंगलबाट तस्करीको अवैध काठ किनी चिरान बनाई अवैध तरिकाले भारत तर्फ निर्यात गर्दै आएको बताइएको छ ।

विगत लामो समयदेखि तस्करीमा संलग्न तीन दाजुभाई मध्ये हिरामन शर्मालाई आइतबार पर्सा प्रहरीले अन्दाजी १३ क्यूफि (१२६) पिस सकसालको काठ सहित पक्राउ गरेको हो । पटक पटक काठ तस्करी गर्न पल्केका शर्मा यस पटक भने प्रहरीको फन्दामा परेका छन् ।

उनलाई कानूनी कारवाहीबाट उन्मुक्ति दिलाउन विभिन्न कसरत भइरहेको बताइएको छ । पक्राउ परेका शर्मालाई जिल्ला प्रहरी कार्यालय पर्साको हिरासतमा राखी आवश्यक अनुसन्धान अगाडि बढाउने कार्य भइरहेको छ भने बरामद गरिएको काठ जिल्ला वन कार्यालय पर्सालाई पठाउने तयारी भइरहेको जिल्ला प्रहरी कार्यालय पर्साले जनाएको छ ।

पर्सागढीकाे राहत विवाद, कसरी र किन लुटिए राहत सामग्री ?

0

वीरगञ्ज । पर्साको पर्सागढी नगरपालिकाकाे वडा नं. ५ मा भएकाे राहत सामग्री लुटपाटकाे आराेपमा ७ जनामाथी प्रहरीले मुद्दा दर्ता गरेकाे छ ।

बैशाख ७ गते शनिबार राहत सामग्री लुटपाट गरेकाे आराेपमा पक्राउ परेका ५ जना र अन्य २ जनामाथी मुद्दा दर्ता गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक बिरेन्द्र साहीले वताए ।

पक्राउ परेका पर्सागढी नगरपालिका वडा नं ५ का श्याम कुमार शर्मा, सम्सुल हवारी, चन्द्रकिशोर साह, चन्द्रिका पटेल र दर्शन रायभार र अन्य दुई जनामाथी सार्बजनि अपराध मुद्दा दर्ता गरिएकाे पर्सा प्रहरी प्रवक्ता साहीले जानकारी दिए ।

उनले भने “हाल ७ जनामाथी मुद्दा दर्ता भएकाे छ, पछि अनुसन्धानबाट अन्य व्यक्तिहरुकाे सलंग्ना पनि देखियाे भने थप्न पनि सक्छन् ।”

पर्सागढी नगरपालिका वडा नं ६ मा लैजाँदै गरेको ८४ पोका राहत सामग्री वडा नम्बर ५ का बासिन्दाले पचरुखी भन्ने ठाउँमा लुटेका थिए । एउटा पोकामा दुई किलो दाल, एक लिटर तेल, दुई प्याकेट नुन, दुई वटा डिटोल र दुई वटा कपडा धुने साबुन गरी छ सय रुपैयाँ बराबरको समान रहेको पर्सागढी नगरपालिकाले जनाएको छ ।

राहत सामग्री लुटिएका दिन पर्सागढीकाे वडा नं. ५ काे राहत श्री नेरा आधारभुत विद्यालय पंचरुखीबाट वितरण भइरहेकाे थियाे । राहत पाउनेहरुमा नपरेकाहरु साे विद्यालय बाहिर प्रदर्शन गर्दै थिए । तिनिहरु राहत वितरण कार्य सुरुमा विथाेल्न प्रयास गरे पनि प्रहरीले बल प्रयाेग गरी विद्यालय बाहिर निकालेका थिए ।

त्यस पछि राहत वितरण स्थल विद्यालय बाहिर नै उभेर तिनिहरु प्रदर्शन गर्दै थिए ।

साेही क्रममा साेही बाटाे भएर नगरपालिकाकाे वडा नं. ६ काे लागि जादै गरेकाे राहत सामग्री बाेकेका ट्रेक्टर तिनिहरु राेकेर सामग्री लुटेकाे वताइन्छ । राहत लुटपाट भइरहेकाे क्रममा नै पुगेकाे प्रहरीले तिनिहरुलाई पक्राउ गर्न र लखेटन खाेज्दा प्रहरी र स्थानिय बिच झडप समेत भएकाे थियाे । साेही क्रममा वडाबासीले प्रहरी माथी ढुंगामुडा समेत गरेका थिए ।

ढुंगामुडाले केही प्रहरी समान्य घाइते समेत भएका थिए । त्यसबाट जिल्लाबाट पुगेकाे थप प्रहरी टाेलीले स्थित नियन्त्रणमा लिएकाे थियाे ।

राहत वितरणमा विभेद भएकाेले आफुहरु विराेधमा उत्रेकाे र नगरपालिकाकाे जादै गरेकाे राहत सामग्री लुटपाट गरेकाे विराेधमा उत्रेका वडाबासीकाे भनाई छ ।

तर वडाध्यक्ष असलम आलमले केही व्यक्तिहरु अनावश्यक विवाद गरेकाे वताएका छन् । उनले भने “स्थानिय राजेश्वर प्रसाद यादव नेतृत्वकाे १०/१२ जनाले वितरण भइरहेकाे राहतकाे बिराेध गर्नुकाे साथै वडा नं. ६ काे लागि जादै गरेकाे राहत सामग्री लुटपाट गरेका हुन् ।”

यसका साथै राहत वितरण गरी निस्कदै गरेका आफुहरुमाथी दुर्व्यवहार समे भएकाेले आफुहरु पनि ८ जनामाथी कारबाहीकाे माग गर्दै जिल्ला प्रहरी कार्यालयमा उजरी दिएकाे वडाध्यक्ष आलमले वताए ।

उनका अनुसार वडा अन्तर्गतका २ सय २६ अति गरिब परवारलाई साेही दिन राहत वितरण गरिएकाे छ । राहतमा चामल २० किलाे, दाल २ किलाे, तेल एक किलाे, नुन २ किलाे, साबुन ४ पिस वितरण गरिएकाे छ ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउनमा समस्यामा परेकाे अति गरिब परिवारकाे लागि भइरहेकाे राहतमा वितरणमा विवाद भएकाे हाे ।

वीरगन्जमा एक युवककाे शव फेला, हत्या गरी फालिएकाे आशंका

0

वीरगन्ज । वीरगन्जमा एक युवकको विभत्स तरिकाले हत्या गरी फालिएको शव बरामद भएको छ । वीरगन्ज २५ मौजेसिर्सिया टोलका २६ बर्षिय रवि पटेलको हत्या गरी फालिएको अवस्थामा आज विहान शव फेला परेपछि पुरै गाउँनै भयवित भएको छ ।

वीरगन्जको सुख्खाबन्दरगाहा (ड्राईपोर्ट) को पुर्व पट्टि रहेको मौजेसिर्सिया टोलमै पर्ने टाउँन प्लानिङ्ग (नगर विस्तार) को प्लटिङ्गमा आज विहान पटेलको विभत्स तरिकाले हत्या गरी फालिएको शव फेला परेको हो ।

शौच गर्न निस्केका स्थानिय महिलाले प्लाटिङ्गमा शव देखेपछि गाउँमा हल्ला गरेका थिए । मृतका आफन्तले पटेलको शव पहिचान गरेका थिए । पटेलको मुख, हातखुट्टामा गम्भिर चोट लागेको छ भने, उनको घाँटी समेत कपडाले कसिएको फेला परेको प्रहरीले जनाएको छ ।

पटेलको हत्या गरि शव फालिएको हुन सक्ने प्रहरीले आशंका गरेको छ । प्रहरीले घटना स्थलको मुचुल्का उठाई मृतकको शव नियन्त्रणमा लिई पोष्ट मार्टमको लागि वीरगन्जको नारायणी अस्पतालमा पठाईए छ ।

पर्साका प्रहरी नायब उपरिक्षक विरेन्द्र बहादुर शाहीले भने, घटना बारे थप अनुसन्धान गर्ने काम भईरहेको छ ।

खाना आएपछि पेट फुलेको भन्दै खाना पचाउँनको लागि गाउँकै पसलमा जलजिरा खरीद गर्न घरबाट राती निस्केका थिए, उनका पिता मनोज पटेलले भने, घरमै मोबाईल छोडेका रविले हामीले सोचेका थिएन यस्ता घटना हुन सक्छ, अबेर सम्म घर नफर्केपछि साथीहरु संग गफ गरीरेका होला त्यही भएर उनको त्यती खोजीनिति गरेनौं ।

पटेल स्थानिय एक उद्योगमा रोजगारी गरेर जिविकोपार्जन गर्दै आएका थिए । अहिले उद्योग बन्द भएपछि घरमै बस्दै आएका थिए । पटेलका २ सन्तान छन । एक तीन बर्षका छोरा र २ बर्षको एक छोरी रहेको परिवारजनले जनाएको छ ।

रात र साझको पर्खाइमा

1

म सबेरै उठ्ने बित्तिकै
फेरि त्यही साझको पुर्वसन्ध्याको खोजिमा तड्पिन थाल्थे ।
जहाँ निलो आकाश रङ्ग बदल्दै कालो बन्दै
सुर्यलाई भोलिको निम्तो दिदै बिदाइ गर्थ्यो ,
त्यही साझ जसले उदार हुँदै ताराको चम्काइमा
सुर्य जत्तिकै तेज अनि चमक थपिदिन्थ्यो  ।

त्यो साझ पछि घर घरमा बालिने बत्तिले
मेरो मनमा पनि खुसिको उज्यालो दिन थालथ्यो !
अब दिनभरिको थकान मेटाउदै
भन्डार गरिएको अलिकती अन्न घटाउदै
भोजनमा लिप्त हुन संकेत गर्दै थियो ।

अझ विशेष त्यो रातले कहिले काहीँ
भोक सन्तुष्टिमै अन्त्येष्टि गरि
अर्कै भोकको निवारण खोज्न थाल्दै थियो,
पस्किएको भात हेर्दै, मोबाइल तिर फर्किदै
खै के खोज्दै थिए चम्चा समाएका हात हरु ?

केही थप्न खोज्दै थिए भनूँ भने मन अघाइसक्यो ।
जसो तसो भातका सितालाई थालबाट किनारा
लगाइ शान्ती खोज्दै थियो या शान्तीका हात ?
रात अब तामा टुप्पिएर गए सरी छिप्पिदै गयो ,
अनि ठ्याक्कै कतै बाट ट्याङ गरेको ध्वनी प्रस्तुत हुदा
खै किन मनमा ज्वालामुखी प्रस्फुटन हुँदै लाभा निस्कन खोज्दै थियो ,
मानौ न कुनै चमत्कार हुने वाला थियो,
मुर्तिकारले जादु देखाउन खोजे जस्तो चमत्कार,
मन प्रफुल्ल भएको देखेर दिमाग प्रश्न तेर्साउन लाग्थ्यो ।

त्यो ध्वनी जसले शरिरमा प्रकट गरेको कम्पन
साच्चै शान्ती कै रहेछ ।
शान्ती खोज्दै बिहानै देखि मासु खोज्दै हिड्ने कुकुर सरी भौतारिएको
मेरो मगज , मन ,मस्तिष्क शान्तीको एक म्यासेजले
शान्तीकै भस्मले जलिसकेको थियो ।

मानौ म अब म रहिन !
शान्तीको अधिनमा अडिएको मन
उनितिरै जोडीएर टाउको मात्र मेरो ।
अब म्यासेज आउनु सुरुवाती बिन्दु,
रात मलाई गिज्याउदै भन्थ्यो, अब त खुसी छस् नि ?
मन फेरि भयवित हुन थाल्दै गयो, समय ?
समय ? एक्छिन कसैले रोकिदेउन म उनिसगँ
गफ्फिएको बेला पनि संसारमा कुनै  चाल होला र ?
सिरक फ्याकेर अब बरफ झै ठ्न्डीएको शरीर
म्यासेज हेर्दै खितिती हास्ने ओठ
आखिर सब समय कै त कब्जामा थिए नि !

मनमा फेरि भोलि बिहान होला भन्ने दुविधा
अनि उनमा जागेको निन्द्रा
सब खै किन मेरै पछि लाग्छन् जस्तो ।
हे ईश्वर एक्छिन त पख उनसगँ केही कहनु छ भन्दै गर्दा
अन्तिम म्यासेज आउँछ उनको
“गुड नाइट❤️” है अब सुतौ ।
थाहा छ मनमा जलन छ , मलाई केही भन्नू छ
तर समय समय ! कसले रोकिदिन्छ र?
गफ्फिएको बेला पनि संसारमा कुनै  चाल होला र ?
हुन त घडीले म सगँ नाता तोड्दै
आजलाई भोलि बनाइदिसकेको थियो ,
म पख पख भन्दा भन्दै सुर्यका किरणलाई
नतमस्तक भएर नमन गर्न केही समय बाकी हुदा
मजबुरी भनौ या उनिसगँ हुन सक्ने सम्बन्धको दुरिले ?
हासे जस्तै गरि “गुड नाइट डियर❤️ शुभ रात्री ” भन्दै अघि फ्याकेको
सिरकलाई उनको कोमल वदन सम्झदै ठन्डिएको
शरिरमा अलिकती गर्मी चढाउन खोज्दै
भोलि फेरि त्यही साझको पुर्वसन्ध्याको
खोजिमा अडिएर रातलाई चिच्याइ चिच्याइ पुकार्दै हुन्छु
जहाँ मेरा अनिदो हुदैका सपना अडिएका छन्
जसरी पात रुखमा अडिएका छन्
जसरी रुख पृथ्वीमा अडान लिएर बाचेका छन् !

म पनि त्यसै गरि अडिएको थिए शान्तीलाई
मन , मस्तिष्कमा चाडै अटाउने अडान लिएर !
फेरि अर्को साझ र रातको पर्खाइ मा …..
फेरि अर्को साझ र रातको पर्खाइ मा ……..

– श्री सरकार(श्री सोमनाथ लइटेल)
-खहरे,काठमाडौ
-पुल्चोक क्याम्पस ।