Date
आइत, मंसिर ६, २०८३
Sun, November 22, 2026
Home Blog Page 992

नयाँ अध्याय शुभारम्भ गर्न जनता समाजवादी पार्टीको उदय : पार्टी पर्सा

0

वीरगंज । समाजवादी पार्टी, पर्सा र राष्टिृय जनता पार्टी नेपाल, पर्साले आज संयुक्त रुपमा प्रेस विज्ञप्ती जारी गर्दै पार्टी एकताकाे बारेमा धारणा सार्बजनि गरेकाे छ । सपा पर्साका अध्यक्ष रामनरेश यादव र राजपा पर्साका अध्यक्ष जगदीस पटेलद्वारा हस्ताक्षरित प्रेस विज्ञप्तीमा विश्व रुपमा फैलिएको कोरोना महामारीबाट विश्व समुदाय नै त्रसित भएको सर्बविदित नै छ ।

यस्तो बिषम परिस्थितिमा देशवासीको जिउधनको रक्षाको लागि लकडाउनको पूर्णपालना गरि घरमै बसिरहेको अवस्थामा बर्तमान सरकारले लोकतान्त्रिक मूल्यमान्यताको बिरुद्व देशमा अध्यादेश ल्याइ नयाँ राजनितिक तरंग उत्पन्न गर्यो । यसमा विशेष रुपले मधेश र मधेशीदललाई कमजोर बनाउन षडयन्त्र गरियो लेखिएकाे छ ।

यसका साथै नेपालको संघियता, धर्म निरपेक्षता, लोकतन्त्र, गणतन्त्र र समावेशीताको मुदालाइ कमजोर र असफल बनाउने चलखेल, षडयन्त्र चिर्दै राष्टिृय जनता पार्टी र समाजवादी पार्टीको एकिकरणले राजनितिक अग्रमनको एउटा नयाँ अध्याय शुभारम्भ गर्न जनता समाजवादी पार्टी नेपालको उदय भएको उल्लेख गरिएकाे छ ।

संघिय लोकतन्त्र, समावेशिता, गणतन्त्रको रक्षा र महिला, मुस्लिम, दलित,आदिबासी, जनजाती, तथा सबैखाले विभेद र अन्यायमा पारिएको आम नेपाली जनताहरुको चाहनालाइ समुचित सम्बोधन, सुदृढिकरण र संस्थागत गर्न पार्टीको मुख्य दायित्व हुने प्रेस विज्ञप्तीमा लेखिएकाे छ ।

प्रेस विज्ञप्ती मार्फत नै पार्टी एकताकाे सुख्द अवसरमा नेपाली राजनिति इतिहासमा एक अग्रगमनकारी र परिर्वतनकारी शक्ति निमार्णको भुमिका निर्वाह गर्ने दुबैपार्टीका शीर्षनेता, समस्त पार्टीनेता, कार्यकर्ता तथा अन्य सहयोगी महत्वपूर्ण ब्यक्तित्वहरुलाइ हार्दिक बधाइ तथा शुभकामना समेत ब्यक्त गरिएकाे छ ।

देवाही गाेनाहीमा सराेज साहद्वारा राहत वितरण

0

वीरगंज । राैतहटकाे देवाही गोनाही नगरपालिका वाड न.७ उचडी टोल र प्रेमपुर गोनाही टोलमा आज राहत वितरण गरिएकाे छ ।

स्थानिय समाजसेवी सरोज साहले लकडाउनमा समस्यामा परेका एक सय अति गरिब परिवारलाई राहत वितरण गरेका हुन् । राहतमा प्रति घरदुरी चामल १५ किलाे, आलु २ किलाे र नुन किलाे वितरण गरिएकाे स्थानिय राजिव कुमारले वताए ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउमा समस्यामा परेका अति गरिब परिवारलाई साहले आफ्नाे व्यक्तिगत लगानीमा राहत वितरणकाे उनले जानकारी दिए ।

राहत वितरणमा नेकपाका नेता प्रेमलाल साह, ईलाका प्रहरी कार्यालय देवाही गोनाहीका प्रहरी सहायक निरिक्षक र भरत पटेलकाे समेत उपस्थिती रहेकाे थियाे ।

जगरनाथपुरमा सर्बदलिय समितिकाे निर्णय विपरित राहत वितरण भएकाे आराेप

0

वीरगंज । पर्साकाे जगरनाथपुर गाउँपालिकामा आज बसेकाे विभिन्न राजनितिक दलकाे बैठकले गाउँपालिकाले सर्बदलिय समितिकाे निर्णय विपरित राहत बाँडिरहेकाे आराेप लगाएकाे छ ।

नेपाली कांग्रेसका श्रीकान्त प्रसाद यादवकाे अध्यक्षतामा बसेकाे विभिन्न दलकाे बैठकले राहत वितरणकाे सन्दर्भमा विभिन्न निर्णय समेत गरेकाे छ । जगरनाथपुर गाउँपालिकाकाे वडा नं. ३ जमुनियामा बसेकाे बैठकले गाउँपालिकाबाट सर्बदलिय समितिकाे निर्णय विपरित राहत विरतण भइरहेकाे आराेप लगाएकाे हाे ।

सर्बदलिय समितिकाे निर्णय विपरित राहत वितरण गर्नु पर्नेहरुकाे नामावली तयार गरी गाउँपालिकाले आफु अनुकुलका व्यक्तिहरुकाे घर घरमा रातीकाे समयमा राहत वितरण गरेकाे भन्दै बैठकले आपती जनाएकाे छ । यसका साथै बैठकले मिति २०७६/१२/२७ गते बसेकाे सर्बदलिय समितिकाे बैठकबाट चामल २५ किलाे, दाल २.५ किलाे, आलु ३ किलाे, प्याज एक किलाे, नुन २ किलाे, तेल एक लिटर सामग्री वितरण गर्ने निर्णय गरिए पनि राहतमा चामल २५ किलाे, आलु ३ किलाे, प्याज एक किलाे वितरण भइरहेकाे आराेप लगाएकाे छ ।

नेपाली कांग्रेसका श्रीकान्त यादव, सहरुम राउत गद्दी, समाजवादी पार्टीका कृष्ण माेहन प्रसाद यादव, रजापाका हाकिम मियाँले संयुक्त रुपमा प्रेस विज्ञप्ती जारी गर्दै बैठककाे निर्णय सार्बजनिक गर्दै यस्ताे आराेप लगाएका हुन् ।

यस सन्दर्भमा गाउँपालिका अध्यक्ष जालिम मियाँसंग बुझ्दा  गाउँपालिकामाथी लागेकाे आराेप गलत भएकाे वताए । काेराेना भाइरस संक्रमण राेकथाम तथा नियन्त्रणकाे लागि भएकाे लकडाउनमा बढी भिडभाड हुन नदिन घरघरमा राहत पुर्‍याइएकाे उनकाे भनाई छ ।

सर्बदलिय समितिकाे निर्णय अनुसार नै राहत वितरण भइरहेकाे दाबी गर्दै अध्यक्ष मियाँले प्रतिपक्षले मलाई बदनाम गर्न खाेजेकाे वताए ।

उनले भने “राहत सामग्री अभाव कारण राहत वितरणमा ढिलाे भए पछि लकडाउनमा समस्यामा परेकाहरुकाे आग्रहमा नै दाल र तेल बाहेककाे केही घरदुरीमा राहत वितरण भएकाे हाे । पछि फेरी ति घरदुरीहरुमा बाकी रहेकाे राहत सामग्री तेल र दाल वितरण गरि पुरा गरिने छ ।”

छिपहरमाईबाट म्याद नाघेकाे औषधी बिक्री गरिरहेका डा. झा पक्राउ

0

वीरगंज । पर्साकाे छिपहरमाई गाउँपालीका वडा नं. ५ भिस्‍वा बजारबाट म्याद नाघेकाे औषधी बिक्री गरिरहेका एक डाक्टरलाई प्रहरी प्रकाउ गरेकाे छ ।

जि.डि. किल्निकका संचालक डा. मोहन मुरारी झालाई इलका प्रहरी कार्यालय पाेखरियाले पक्राउ गरेकाे हाे । डा. झाले संचालन गरेकाे किल्निकबाट Serovit लेखिएको ३९ थान, Amitrozyme लेखिएको १७ वोतल, Serovit लेखिएको एउटा प्लाष्‍टिकको बट्टामा ३० पत्ता समेतको म्याद नाघेको औषधी वरामद भएकाे इप्रका पाेखरियाले जनाएकाे छ ।

बिशेष सुचनाकाे आधारमा इप्रका पाेखरियाबाट प्रहरी निरिक्षक चन्द्र कुमार सिंहकाे नेतृत्वमा बुधबार खटिएकाे प्रहरी टाेलीले डा. झाकाे किल्निकमा खानतलासी गर्दा म्याद नाघेकाे औषधी बरामद भए पछि डा. झालाई नियन्त्रमा लिएकाे प्रहरीले जनाएकाे छ ।

पक्राउ परेका डा. सिंहलाई आवश्‍यक कारवाहीको लागि औषधी व्यवस्था विभाग शाखा कार्यालय वीरगंज पठाईएको इप्रका पाेखरियाले जनाएकाे छ ।

बहुदरमाई नपाद्वारा विपद्मा परेका २ परिवारलाई आर्थिक सहयाेग

0

वीरगंज । पर्साकाे बहुदरमाई नगरपालिकाले विपद्मा परेका २ परिवारलाई आर्थिक सहयाेग गरेकाे छ ।

करेन्ट लागेर मृत्यु भएका एक परिवार र गम्भिर राेग लागेका एक कर्मचारीलाई नगरपालिकाबाट आर्थिक सहयाेग गरिएकाे लेखापाल हरि राउत कुर्मीले वताउनु भयाे ।

बैशाख १० गते करेन्ट लागेर मृत्यु भएका नगरपालिकाकाे वडा नं. २ निवासी जयप्रकाश साहकाे परिवार र ब्रेन केन्सर राेगले ग्रहसित नगरपालिकाकी कार्यालय सहयाेगी संगिता श्रेष्ठलाई रु ५० हजारका दरले आर्थिक सहयाेग गरिएकाे लेखापाल कुर्मीले जानकारी दिराउनु भयाे ।

दुबै जनाकाे घर मै पुगी नगर प्रमुख नितेन्द्र साहले करेन्ट लागेर मृत्यु भएका साहकी श्रीमती अनिता देवी र कार्यालय सहयाेगि श्रेष्ठका श्रीमान् विजयमा श्रेष्ठलाई सहयाेग रकम बराबरकाे चेक हस्तान्तरण गरेका हुन् ।

मेयर साह संगै प्रमुख प्रशासकिय अधिकृत तिर्थ राज पाैडेल, स्वास्थ्य शाखा प्रमुख राजकिशाेर साह पनि चेक हस्तान्तरण गर्न पिडितकाे घरमा पुगेका थिए । दुबै पिडित परिवारकाे आर्थिक अवस्था कमजाेर रहेकाले विपद् काेषबाट कार्यपालिकाकाे निर्णय अनुसार सहयाेग गरिएकाे नगरपालिका कार्यालयले जनाएकाे छ ।

नारायणीलाई पुन: जेनरल अस्पताल बनाउ माग गर्दै नेता सिंहकाे नेतृत्वमा प्रदर्शन

0

वीरगंज । जनता समाजवादी पार्टीका नेता राजेशमान सिंहकाे नेतृत्वमा आज नारायणी अस्पताललाई पुन: जेनरल अस्पताल बनाउन माग गर्दै प्रदर्शन गरिएकाे छ ।

जनता समाजवादी पार्टी नेपाल वीरगञ्ज महानगरकाे आयाेजनामा नारायणीलाई पुन: जेनरल अस्पताल बनाउन माग गर्दै बिहिबार प्रदर्शन गरिएकाे हाे । पार्टीका नेता राजेशमान सिंहको नेतृत्वमा भएको विरोध कार्यक्रममा सामाजिक दुरीको नियमलाई पालना गर्दै प्लाकार्ड सहित शानितपूर्ण प्रदर्शन समेत गरिएको थियो ।

वीरगंज ३ आदर्शनगरमा भएकाे बिराेधकाे कार्यक्रममा सहभागिहरुले नारायणी अस्पताल बाहेक अन्तै वीरगंजमा काेराेना अस्पतालकाे व्यवस्था गर, आम नागरिककाे लागि नारायणी अस्पताललाई तुरुन्तै जनरल अस्पताल बनाउ, नारायणी अस्पताललाई तत्काल जेनरल अस्पताल बनाउ लगायतकाे नारा लेखिएकाे प्ले कार्ड सहित शान्तिपूर्ण प्रदर्शन गरेका थिए ।

नारायणी अस्पतालकाे जेनरल सेवा बन्द हुदा सर्बसाधारणकाे उपचारमा समस्या भएकाेले पुन: जेनरल अस्पताल बनाउनु पर्ने नेता सिंहले माग गरे । काेराेना महामारीकाे अवस्थामा नरायणी अस्पतालकाे प्रसुती लगायतकाे सेवा बन्द हुदा आम नागरिकलाई अन्यन्त्र प्राइभेट अस्पतालमा गएर महंगाे सेवा लिनु पर्ने बाध्यतालाई नारायणी अस्पताललाई पुन: जेनरल अस्पताल बनाई अन्त्य गर्नु पर्ने नेता सिंहकाे भनाई छ ।

यस अघि पनि नेता सिंहले नारायणी अस्पतालाई काेराेना अस्पताल बनाउनु हुदैन् भने आफ्नाे धारणा सार्बजनिक गरेका थिए ।

विरोध कार्यक्रममा लियाकत अली, वडा नं. ३ का अध्यक्ष बैजुलाल स्वर्णकार, बोर्ड सदस्य बरकतुल नेसा, नेताहरू खैरूद्दीन मियाँ, कलाम मियाँ ठकुराई , ग्याँसुद्दीन मियाँ, इस्लाम मंसूरी, सलाउद्दीन मंसूरी, नुरेनवी ठकुराई, अफरोज अालम, युवा नेताहरू एकलाख हुसेन, सईम अंसारी, जबार मंसूरी, नवरत्न श्रीवास्तव, जियाउल हक, उमेश गुप्ता, उमेश मानन्धर, एजाजुल हवारी, कलाम मंसूरलगायतको रहभागिता रहेको थियोे ।

जनता समाजवादी पार्टी निर्वाचन आयोगमा दर्ता

0

काठमाडौं । जनता समाजवादी पार्टी निर्वाचन आयोगमा दर्ता भएको छ । समाजवादी पार्टी र राजपा नेपालबीच एकता भएर बनेको नयाँ दल ११८८ नम्बरमा दर्ता भएको नेता राजेन्द्र महतोले जानकारी दिए ।

महतोले दल दर्ता भइसकेको र आवश्यक कागजात लकडाउन पछाडि बुझाउने सहमति बनेको जानकारी दिए ।

दुबै दल बिच हिजो राती पार्टी एकता गर्ने सहमति भएको थियो ।

सपा र राजपा मिलेर बन्यो जनता समाजवादी पार्टी

0

काठमाडौ । समाजवादी पार्टी र राष्ट्रिय जनतापार्टी बीच एकता भएको छ । एकीकृत नयाँ पार्टीको नाम जनता समाजवादी पार्टी, नेपाल राख्ने सहमति भएको छ ।

चार बुँदे सहमति पत्रमा पार्टी एकीकरण समानताको आधारमा गरिने उल्लेख गरिएको छ भने एकीकृत पार्टीको झण्डा समाजवादी पार्टीले प्रयोग गर्दौ आएको आयातकार आकारमा रातो र हरियो रंगको बीचमा तारा हुने भनिएको छ । एकीकृत पार्टीको चुनाव चिन्ह राजपा नेपालले प्रयोग गर्दै आएको छाता हुनेछ ।

सहमति पत्रमा राजपाका तर्फबाट अध्यक्ष मण्डलका सदस्य महन्थ ठाकुर, राजेन्द्र महतो, महेन्द्र राय यादव र शरतसिंह भण्डारीले हस्ताक्षर गरेका छन् भने समाजवादी पार्टीको तर्फबाट डा. बाबुराम भट्टराई, उपेन्द्र यादव, अशोक राई र राजेन्द्र श्रेष्ठले हस्ताक्षर गरेका छन् ।

राहतकाे बिषयमा जिराभवानीमा झडप, एक पत्रकारसहित ७ घाइते

0

जीराभवानी । पर्साको जिराभवानी गाउँपालिकामा राहत वितरणको विषयमा स्थानीय र सशस्त्र प्रहरीबीच झडप भएको छ।

बुधबार दिउँसो राहत वितरणमा ढिला भएकाे आक्रोशमा सेढवास्थित गाउँपालिका कार्यालय घेराउ गर्न करिब ३ सयको संख्यामा दलित, विपन्न वर्गका महिला बालबालिका र पुरुषहरु गाँउपालिका कार्यालयमा पुगेका थिए। त्यही क्रममा सशस्त्र प्रहरीले भिड हटाउन लाठी चार्ज गर्न थालेपछि स्थानीय र सशस्त्र प्रहरीबीच झडप भएको हो।

झडपमा परी एक सञ्चारकर्मीसहित ७ जना घाइते भएका छन्। झडपका क्रममा स्थानीयले प्रहार गरेको ढुंगा लागेर नारायणी एफएम र कृपा दैनिकका संवाददाता कृष्ण मोहन साह घाइते भएका हुन्। साहको टाउको फुटेको छ। उनीसहित सबै घाइतेको स्थानीय स्वास्थ्य संस्थामा उपचार गरिएको छ।

राहत वितरणमा ढिलाे भएकाे भन्दै गाउँपालिका कार्यालय पुगेका स्थानीयले आक्रोशमा आएर ढुंगामुढा गर्न थालेपछि सशस्त्र प्रहरीले रोक्दा झडप भएको गाउँपालिकाकी उपाध्यक्ष उषा देवी थरुनीले वताइन । लकडाउनका कारणले प्रभावितका लागि राहत वितरणका लागि प्रदेश सरकारले गाउँपालिकामा १० लाख रुपैयाँ पठाएको छ।

तर प्रदेश सरकारबाट आएको १० लाख रुपैयाले अपुग भएपछि रकम थप गर्ने विषयमा प्रकृयामा लाग्दा राहत वितरणमा ढिला हुन पुगेको उपाध्यक्ष थरुनीले बताइन्। ‘१ महिना बित्न लाग्दा पनि राहत नपाउँदा जनतामा आक्रोश देखिनु स्वभाविक हो’, उनले भनिन् ‘राहतमा वितरणका सबै सामान खरिद भइसकेको छ। वीरगन्जबाट सामानसहित हिँडेको गाडी बाटोमै रहदा गाउँपालिकामा दुखद घटना भयो।’

बुधबार साँझसम्म राहतका सबै सामान आइ पुग्ने र बिहिबार देखि सबै वडामा राहत वितरण गरिने उनले बताइन्।

वडा नम्बर २ का वडाध्यक्ष महादेव महत्तो थारुले राहत वितरणका लागि कार्यालयमा गाँउपालिका अध्यक्ष, उपाध्यक्ष र वडा अध्यक्षहरुबीच छलफल भइरहेका बेला आक्रोशित स्थानीयले ढुंगामुढा गर्न थालेपछि स्थिति तनावग्रस्त बन्न पुगेको बताए।

गाउँवासीहरु ९ ओटा सरकारी र प्राभेट गाडीहरू तोडफोड समेत गरेका छन । ना १ ब ३५७८ ना १ ब ३५८८, ना १ ब ३५८६, ना १ ब ३५८७, ना २२ प २४३०,ना ५५प ६४९४,ना ३५ प २३९ गाउँपालीकामा रहेका जेस्बी र रोलर फर्निचर लगाएत समेतमा पनी तोडफोड भएको वार्ड नम्बर दुई का वडाध्यक्ष महादेव महतो थारुले बताए ।

कालिकामाईद्वारा राहत लाभग्राहीकाे नामावली सार्बजनिक

0
kalikamai gapa_kalikatimes

वीरगंज । पर्साकाे कालिकामाई गाउँपालिकाले राहत प्राप्त गर्ने लाभग्राहीहरुकाे नामावली सार्बजनिक गरेकाे छ ।

प्रदेश सरकारबाट प्राप्त राहत अनुदान रु १० लाखले वितरण गरेकाे राहत लाभग्राहीहरुकाे नामावली आफ्नाे कार्यालयकाे वेभसाइड kalikamaimun.gov.np मा सार्बजनिक गरेकाे हाेे ।

गाउँ कार्यापालिकाकाे कार्यालयले सार्बजनिक गरेकाे लाभग्राही सुचि अनुसार वडा नं. १ मा ३ सय ९१,  २ मा ४ सय १२, ३ मा २ सय, ४ मा २ सय र ५ मा ३ सय १८ परिवारलाई राहत वितरण भएकाे देखिन्छ ।

वडा नं. १ मा राहतमा चामल ८ किलाे, नुन एक प्याकेट, आलु २ किलाे, साबुन एक पिस, दाल एक किलाे र स्वाविन २५० ग्राम वितरण भएकाे कार्यालयले सार्बजनिक गरेकाे लाभग्राही सुचिकाे भर्पाईबाट थाह पाइन्छ । यस्तै वडा नं. २ मा पनि वडा नं. १ जस्तै नै राहतमा खाद्यान्न सामग्री वितरण भएकाे देखिएकाे छ भने वडा नं. १ मा दाल एक किलाे वितरण भएकाे देखिए पनि २ मा ५०० ग्राम वितरण भएकाे सार्बजनिक गरिएकाे भर्पाईमा देखिन्छ ।

यस्तै वडा नं. ३ र ४ मा कार्यालयले सार्बजनिक गरेकाे लाभग्राहीकाे भर्पाई अनुसार चामल १५ किलाे, दाल एक किलाे, आलु २ किलाे, नुन एक किलाे, स्वाविन २५० ग्राम र साबुन एक पिस वितरण भएकाे छ ।

तर फेरी वडा नं. ५ मा चामल ८ किलाे, दाल ७५० ग्राम, आलु २ किलाे र नुन एक किलाे वितरण भएकाे छ ।

राहत वितरणकाे लागि वडा नं. १ र २ लाई २ लाख ३० हजारका दरले र वडा नं. ३, ४ र ५ लाई एक लाख ८० हजारकाे दरले गाउँ कार्यापालिकाकाे कार्यालयले उपलब्ध गराएकाे थियाे ।

सार्बजनिक गरिएकाे लाभग्राही सुचिमा वडा नं. ४ काे सर्बदलिय बैठक बसेकाे माइनेटकाे प्रतिलिप समेत सार्बजनिक गरिएकाे छ ।