वीरगंज । पर्साकाे ग्रामिण भेग स्थित भिस्वा सिमा नाकामा आज सशस्त्र प्रहरी र स्थानिय बिच विवाद भएकाे छ ।
छिपहरमाई गाउँपालिकाकाे वडा नं. ५ स्थित पर्ने भिस्वा सिमा नाकामा सशस्त्र प्रहरीले सिमा पारीबाट तरकारी खरिद गरि आइरहेका महिलालाई कुटपिट गरे पछि स्थानिय र सशस्त्र प्रहरी विच विवाद हुुदा केही बेर तनाव समेत भएकाे थियाे ।
विहान १० बजेकाे करिबमा भएकाे विवादकाे क्रममा स्थानियहरुले सशस्त्र प्रहरीमाथी ढुंगामुड समेत गरेका थिए । सशस्त्र प्रहरी पछि सरे पछि र इलका प्रहरी कार्यालयबाट थप प्रहरी टाेली पुगे पछि स्थित नियन्त्रणमा आएकाे हाम्रा सम्वाददाताले जनाएका छन् ।
सिमा पारी सिक्टाबाट तरकारी किनेर आइरहेकी २ जना महिलालाई भिस्वा सिमा नाकामा खटेका सशस्त्र प्रहरीले निर्धात कुटपिट गरे पछि आक्राेसित स्थानियहरु सशस्त्र प्रहरी बिरुद्ध उत्रेका थिए । धाेबिनी गाउँपालिकाकाे लंगडी निवासी ति महिलाहरु घाइते समेत भएकाे हाम्रा सम्वाददाता आलाेक कुशवाहाले जानकारी दिए ।
