Date
आइत, मंसिर ६, २०८३
Sun, November 22, 2026
Home Blog Page 990

सडकका पशुचौपायालाई वीरगंज युवा समाजले खुवायो आहारा

0

वीरगंज । वीरगंजमा कोरोना भाइरसको संक्रमण फैलिन नदिन सरकारले लकडाउन गरेको ३७ दिन भएको छ ।

यो अवधिमा मानिसहरु घर बाहिर निस्कन छाड्दा र होटल, पसल बन्द हुँदा वीरगंजका सडकमा हिँड्ने कुकुर, गाईलगायतका पशु चौपाया समस्यामा पर्न थालेका छन् । अहिले सयौँ कुकुर, गाईलगायतका पशु चौपाया वीरगंजको सडकमा छन् । तर लकडाउन सुरु भएयता यस्ता छाडा कुकुर र गाई भोकै परेका हुन् ।

होटल, रेष्टुराँ, मासु पसल सञ्चालन हुँदा सडकका कुुकुरहरुले पेट भर्न पाइरहेका थिए । तर, लकडाउनका कारण यस्ता पसल बन्द भएपछि खान पाएका छैनन् । भोकका कारण कुकुरहरु रिसाउने, खानाको खोजीमा ठाउँ चहारिरहने, झगडा गर्ने गर्ने गर्न थालेका छन् ।

वीरगंज महानगरपालिकाले यस्ता कुकुर र छाडा चौपायालाई लकडाउनको ३७ दिन बितिसक्दा पनि खानेकुरा खुवाउएको छैन । सडकमा छाडिएका कुकुर, तथा पशुचौपायाहरु समस्यामा परेपछि आज वीरगंज युवा समाजले आहारा खुवाएको छ ।

समाजका अध्यक्ष कमल चौगाईँको नेतृत्वमा वीरगंजको विर्ता, लक्ष्मीनारायण टोल, आदर्शनगर, पानीटंकी लगायतको क्षेत्रका सडकमा भौतारिएका कुकुर, गाई तथा पशुचौपायालाई आहारा खुवाएको हो ।

प्रसिद्ध बलीवुड अभिनेता इरफान खानको निधन

0

प्रसिद्ध बलीवुड अभिनेता इरफान खानको निधन भएको छ।

स्वास्थ्य बिग्रिएपछि मङ्गलवार उनलाई मुम्बईस्थित कोकिलाबेन अस्पतालको सघन उपचार कक्षमा भर्ना गरिएको थियो।

उनी क्यान्सरबाट पीडित थिए। तर उनलाई सघन उपचार कक्षमा भर्ना गरिनुको कारण थाहा नभएको बीबीसी हिन्दीले जनाएको छ।

खानले पानसिंह तोमर, मकबूल, सलाम बाम्बे, द लन्च बक्स, लाइफ अफ पाई, जुर्‍यासिक वर्ल्ड, स्लमडग मिलीअनेअरजस्ता बलीवुड र हलीवुडमा बनेका चर्चित चलचित्रमा अभिनय गरेका छन्।

उनको अभिनयको धेरैले प्रशंसा गरेका छन्। उनको जन्म सन् १९५७ मा भएको बताइएको छ।

इरफान खानको मृत्यु भएपछि उनका प्रवक्ताले एउटा विज्ञप्ति प्रकाशित गरेका छन्।

“मलाई यकिन छ कि मैलै हारिसकेको छु-अभिनेता इरफान खानले सन् २०१८ मा आफ्नो नोटमा यो मन छुने कुरा लेखेका थिए। क्यान्सर रोग लागेपछि उनी सङ्घर्ष गरिरहेका थिए। आज हामी उनीबीच नरहेको दुख:द खबर हामी दिइरहेका छौँ,” विज्ञप्तिमा उल्लेख छ।

साहिब दरबार र समर्पण सेवाकाे खाना वितरण र सेनिटाइज कार्य जारी

0

वीरगंज । साहिब दरबार सेवा संस्थान र समर्पण सेवा संस्थानले आज पनि सेनिटाइज कार्य जारी राखेकाे छ । काेराेना भाइरस संक्रमणबाट वीरगंजवासीलाई बचाउन संस्थाद्वारा वीरगंज महानगरपालिकामा भइरहेकाे सनिटाइज जारी रहेकाे साहिब दरबार सेवा संस्थानका अध्यक्ष राजेशमान सिंहले वताउनुभयाे।

वीरगंज स्थित रहेकाे जिल्ला प्रहरी कार्यालय पर्सा, जिल्ला ट्राफिक कार्यालय, ईनर्वा प्रहरी चौंकी लगायत वडा नं ८ र वडा नं ६ मा आज सेनिटाइज गरिएकाे अध्यक्ष सिंहले वताउनुभयाे।

यस अघि पनि जिल्ला प्रहरी कार्यालय, ईनर्वा प्रहरी चौंकी, सशस्त्र सिमा सुरक्षा बेस क्याम्प भंसार, वडा नं ३, वडा नं ९ को रानीघाट, वडा नं २४ को रामगढवा र बहुअरीमा सेनिटाइज गरि सकिएकाे संस्थाले जनाएकाे छ ।

संस्थाले एउटा गाडी मार्फत गराइरहेकाे सेनिटाइज साेमबार देखी ३ वटा गाडी मार्फत गराउन थालेकाे छ । ना. २ च ९७२८ , ना. ४ च ९३४२, र ना. १ च ९५१९ नम्बरकाे गाडी मार्फत सेनिटाइज गर्ने कार्य भइरहेकाे संस्थाले जनाएकाे छ ।

यस्तै संस्थाले ३१ औं दिन पनि वीरगंजका रिक्सा चालक र निमुखा बालबालिकालाई नि:शुल्क खाना वितरण गरेकाे छ । काेराेना भाइरस संक्रमण राेकथाम तथा नियन्त्रणकाे लागि भएकाे लकडाउनमा बेसहारा भएकाहरुलाई साहिब दरबार सेवा संस्थान र समर्पण सेवा संस्थानले नि:शुल्क रुपमा खाना वितरण गर्दै आएकाे छ ।

संस्थाका सदस्यहरू राजेश सिंह, रूपेश मान सिंह, जय प्रकाश महतो, सलाउद्दीन मंसूरी, लियाकत अली, अफरोज आलम, राहुल तुल्स्यान, जियाउल हक, कलाम मंसूर, चुन्नु मिश्रा लगायतको सहयाेग र सहभागितामा सेनिटाइज तथा खाना वितरण भइरहेकाे संस्थाले जनाएकाे छ ।

अलाैंमा सर्बदलिय समितिद्वारा तेस्राे चरणकाे राहत वितरण

0

वीरगंज । वीरगंज महानगरपालिकाकाे वडा १७ अलौमा सर्बदलिय समितिले आज तेस्राे चरणकाे राहत वितरण गरेकाे छ ।

जिल्ला समन्वय समितिका पर्साका सदस्य अमोद यादवकाे अध्यक्षतामा बनेको सर्बद्लिय र सर्बपक्षीय समितिले तेस्राे चरणकाे राहत वितरण गरेकाे स्थानिय अजय साहले वताउनु भयाे । लामाे लकडाउनमा समस्यामा परेका वडा अन्तर्गतका एक घरदुरीलाई राहत वितरण गरिएकाे साहले जानकारी दिनुभयाे ।

विभिन्न दाताहरुबाट खाद्यान्न सहयोगमा लिएर अलौका अति गरिब, निमुखा, दैनिक आफ्नो हात मुख जोडन समेत अप्ठ्यारो हुने, वडा कार्यालयकाे राहत वितरणबाट बन्चितहरुकाेलाई राहत वितरण गरिएकाे साहले वताउनु भयाे ।

साहका अनुसार राहतमा चामल १० किलाे,  दाल ५०० ग्राम, तेल आधा लिटर, २५० ग्राम सोयाबिन र एक प्याकेट नुन वितरण गरिएको हाे ।

सर्बदलिय उप समितिले सिफारिस गरेको गरिब निमुखाहरुलाई राहत दिने निति अनुसार तेस्रो चरणमा राहत वितरण गरिएकाे हाे । राहत वितरण गरर्ने सर्बदलिय समितिमा नेकपा अलाैंका ईकाइ अध्यक्ष गङ्गाधर महतो, किसुनदेव यादव, नेपाली कांग्रेसका ओम कृष्ण लामिछाने, जनता समाजवादी पार्टीका राजबन्शी साह कानु, राप्रपाका सुमेश्वर नाथ उपाध्याय, युनिभर्सल युनाइटेड कल्बका अध्यक्ष राजेश पटेल लगायतका रहेका छन् ।

राहत वितरणमा स्थानिय सन्जु छत्कुली, किशुन देव यादव, छोटेलाल साह, हरिनारायण यादव, अजय साह, जादो लाल सहनी, शैलेन्द्र उपाध्याय, जयराम साह कन्वर लगायतकाले सहयाेग गर्दै आएका छन् । यसरी नै राहत वितरण कार्य अझै २/३ दिन सम्म चल्ने सर्बदलिय समितिले जनाएकाे छ ।

महानगरपालिकाबाट वडा कार्यालय मार्फत हुने राहत वितरणमा वडाध्यक्षले एकलाैटी र काखापाखा गरे पक्षि त्यहाँका राजनितिक दलका नेताहरु सर्बदलिय भेेला गरी सर्बदलिय समिति गठन गरी राहत वितरणमा सक्रिय भएका हुन् । यस अघि पनि दुई पटक अलाैंमा याे समितिले राहत वितरण गरि सकेकाे छ । 

कालिकामाईकाे वडा नं. १ मा दाेस्राे चरणकाे राहत वितरण सम्पन्न

0
राहत वितरणकाे अनुगमन गर्दै प्रमुख प्रशासकिय अधिकृत राजु साह र अन्य । तस्बिर : कालिका टाईम्स

वीरगंज । पर्साकाे कालिकामाई गाउँपालिका वडा नं. १ मा दाेस्राे चरणकाे राहत वितरण सम्पन्न भएकाे छ ।

वडा अन्तर्गतकाे मुडलीमा आज ४ सय ५१ घरदुरीलाई राहत वितरण गरिएकाे वडाध्यक्ष रामशिष यादवले वताउनु भयाे । यस अघि साेमबार पनि वडा अन्तर्गत कै रबिदास र टिनडाेबियाका २ सय ४१ घरदुरीलाई दाेस्राे चरणकाे राहत वितरण गरिएकाे थियाे ।

दुबै मिलाएर वडा नं. १ मा  ६ सय ९२ घरदुरीलाई राहत वितरण गरिएकाे छ । सर्बदलिय समितिकाे निर्णय अनुसार नै सरकारी मापदण्ड अनुसार राहत वितरण गरिएकाे वडाध्यक्ष यादवले वताउनु भयाे ।

राहतमा चामल ३० किलाे, दाल ३ किलाे, खाने तेल २ लिटर, आयाे नुन २ किलाे, साेयाबिन एक किलाे, साबुन २ वटा र आलु २.५ किलाे र पियाज २.५ किलाे वितरण गरिएकाे वडाध्यक्ष यादवले जानकारी दिनुभयाे।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउनमा समस्यामा परेका गरिब परिवारलाई राहत वितरण गरिएकाे गाउँ कार्यपालिका सदस्य रामानन्द ठाकुरले वताउनुभयाे।

मुडलीकाे राहत वितरण नेपाली कांग्रेसका कालिकामाई गाउँपालिका संयाेजक राजेन्द्र प्रसाद कुर्मी, वडासदस्य जगदिश साह तेली, कदिर मियाँ, ईलाका प्रहरी कार्यालय बिरन्चीवर्वाका असई भरत यादव, शेख अहमद लगायतकाे उपस्थितीमा गरिएकाे हाे ।

यसै बिच प्रमुख प्रशासकिय अधिकृत राजु साहले राहत वितरणकाे अनुगमन गर्नु भएकाे छ । प्रशासकिय अधिकृत साह, याेजना शाखा प्रमुख सुनिल राैनियारले राहत वितरण स्थल मुडलीमा पुगी राहत वितरणकाे अनुगमन गरेका हुन् ।

लकडाउनलाई मध्यनजर गरी वयाेधाले सुरु गर्‍याे अनलाईन ओपिडि सेवा

0

वीरगंज । नरायणी वयाेधा हस्पिटल वीरगंजले अनलाइन ओपिडी सेवा संचालनमा ल्याएकाे छ ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउनमा स्वास्थ्य सेवालाई ध्यानमा राखी अनलाईन ओपिडी सेवा संचालनमा ल्याइएकाे हस्पिटलले जनाएकाे छ ।

अनलाइन ओपिडी सेवाकाे लागि एक दिन पहिला फाेन सम्पर्क मार्फत डाक्टरसंग भेटन समय लिनु पर्ने हस्पिटलका मार्केटिङ्ग अफिसर एमामुल हकले वताउनु भयाे ।

लकडाउनमा हस्पिटल सम्म पुग्न समस्या हुने गरेकाे र पुगे पनि हस्पिटलका ओपिडी सेवाहरु बन्द रहेकाले अनलाइन ओपिडी सेवा संचालनमा ल्याइएकाे अफिसर हकले जानकारी गराउनु भयाे ।

पोखरिया अस्पतालमा स्वाब संकलन केन्द्र निर्माण

0

वीरगंज । पाेखरिया अस्पतालमा काेराेना परिक्षणकाे लागि स्वाब संकलन बुथ केन्द्र स्थापना गरिएकाे छ ।

पोखरिया नगरपालीकाकाे वडा नं. ४ स्थित रहेकाे पोखरिया जिल्ला अस्पतालमा स्वाब संकलन केन्द्र निर्माण गरिएकाे हाे ।

प्रदेश सरकारकाे भौतिक पुर्वाधार तथा बिकास मन्त्रालय अन्तर्गतका खानेपानी तथा सरसफाई डिभिजन कार्यालय बारा, कलैयाद्वारा स्वाब संकलन केन्द्र निर्माण गरिएकाे नगर प्रमुख दिपनारायण राैनियारले वताउनु भयाे ।

निर्माण भएकाे स्वाब सकंलन केन्द्र खानेपानी तथा सरसफाई डिभिजन कार्यालय बाराका कार्यालय प्रमुख जक्कि अहमद अंसारीद्वारा आज अस्पताललाई हस्तान्तकाण गरिएकाे नगर प्रमुख राैनियारले जानकारी गराउनु भयाे ।

जनता समाजबादी पार्टीका नेता नेजामुदिन समानीकाे पहलमा निर्माण भएकाे स्वाब संकलन बुथ केन्द्र पोखरिया अस्पतालका मेडिकल सुपरिटेन्डेड डाक्टर अनिल यादवलाई हस्तान्त्रण गरिएकाे वताइएकाे छ ।

सो अवसरमा नगर प्रमुख रौनियार, उप प्रमुख सलमा खातुन, पोखरिया अस्पताल ब्यवस्थापन समितीका अध्यक्ष लक्षुमन साह कानुको लगायतकाे उपस्थिती रहेको थियो ।

पर्सागढी नपाकाे वडा नं. ९ का १ सय ८१ परिवारलाई राहत वितरण

0

वीरगंज । पर्साकाे पर्सागढी नगरपालिका वडा नं. ९ का लकडाउन प्रभावित गरिब, अतिविपन्न परिवारको लागि साेमबार राहत वितरण गरिएको छ ।

वडाका सर्वपक्षिय समितिले गरेको निर्णयको अनुसार सरकारको वडा नं. ९ को तीनवटै गाउँका अति गरिब, विपन्न परिवारको पहिचान गरी १८१ जनालाई राहत वितरण गरिएकाे हाे । वडा भित्र पर्ने बर्डेवा, तेलिया र एकटांगा गाउँका गरिब, अतिविपन्न परिवारलाई राहत वितरण गरिएको वडाध्यक्ष रामनारायण प्रसाद गौरोले बताउनु भयाे ।

२० किलो चामल, २ किलो मसुरो दाल, २ किलो नुन, खाने तेल १ लिटर, नुहाउने र लुगाधुने सावुन ४ पिस गरी बनाईएको राहत प्याकेज प्रति परिवारालई उपलब्ध गराईएको गाैराेले जानकारी दिनुभयाे । वडामा कुल जनसंख्या ३ हजारको हराहरीमा छन, जसमध्ये सर्वपक्षिय समितिले नै १८१ जना अतिविपन्न परिवारलाई छनौट गरेको थिए । साेही अनुसार रात वितरण गरिएकाे वडाध्यक्ष गौरोले बताउनु भयाे ।

ईलाका प्रहरी कार्यालय एकटांगाले सामाजिक दुरी कायम गराउदै व्यवस्थित रुपले राहत वितरणमा सहयोग गरेका थिए ।

लकडाउन शुरु भएलगतै वडाका प्रत्येक व्यक्तिलाई माक्स, प्रत्येक परिवारमा सेनेटाईजर र हात धुने साबुन एक/एक पिस आफ्नै  व्यक्तिगत लगानीमा वितरण गरेको वडाध्यक्ष गौरेले वताउनु भयाे । विपद् कोषमा छुट्याएको तीन लाख रकम मध्ये केहि रकम जनताको राहतको लागि खर्च गरीसकेको र केही बाकि रहेको गौरेले बताउनु भयाे ।

राजनितिक भेटघाटलाई अतिरन्जन गरेर दुस्प्रचार : युवा संघ पर्सा

0

वीरगञ्ज । राष्टिय युवा संघ पर्साले युवा संघका इन्चार्ज महेश बस्नेतसँग जोडिएर समाजवादी पार्टीका सांसद् डा. सुरेन्द्र यादबको अपहरण सम्बन्धि आएकाे समाचारप्रति आपत्ति जनाएको छ ।

जिल्ला कार्यसमिति पर्साका संयोजक महमद निजामुद्धिनले आइतबार एक प्रेस विज्ञप्ति जारि गर्दै आपत्ति जनाएका हुन् । विज्ञप्तीमा राजनितिकी पुर्वाग्रह राखेर प्रसारण तथा प्रकाशन गरिएका समाचारप्रति ध्यानआकर्षण गराइएको छ ।

राजनितिक पार्टीका नेता तथा कार्यकर्तासँगको भेटघाट तथा वार्तालाई अतिरन्जन गरेर दुस्प्रचार गरिएको विज्ञप्तीमा उल्लेख गरिएको छ । “युवाहरुमा लोकप्रिय छवी बनाएका हाम्रा राष्ट्रिय इन्चार्ज.महेश बस्नेतलाई राजनीतिक प्रतिशोध साँधेर समाजबादी पार्टीले आफ्नो पार्टी फुटाउने कार्यमा संलग्न भएको भन्दै अनर्गल आरोप लगाउनु आफैँमा हास्यास्पद रहेको सबैलाई अवगत नै भइसकेको छ ।” विज्ञप्तिमा उल्लेख गरिएको छ ।

संघले राजनीतिक भेटघाट र छलफललाई अतिरञ्जित गरि अनर्गल प्रचार प्रसार गरिनु आफैँमा राजनीतिक परिपक्वता नठहरिने जनाएको छ । “अपहरणमा परेको भनेर चर्चामा आएका समाजवादी पार्टीका सांसद डा.सुरेन्द्र यादवले विभिन्न सञ्चारमाध्यममा दिएका पछिल्ला अन्तर्वार्ताहरु नै विवादास्पद देखिएका छन् । कुनै सञ्चारमाध्यममा अपहरण गरिएको भन्ने त कुनै सञ्चारमाध्यममा भेटघाट र छलफल हो भन्ने जस्ता विवादास्पद अभिव्यक्ति उनी आफैँले दिँदै हिँडेकाले उनी कसैको गोटी बनेको स्पष्ट हुन्छ ।” विज्ञप्तिमा उल्लेख गरिएको छ ।

सक्षम युवा नेतृत्वलाई राजनितिक पूर्वाग्रह राखेर व्यक्तिगत लान्छना लगाउनेलाई यथाशिघ्र कारवाही गर्नुपर्ने पनि संघले विज्ञप्ती मार्फत माग गरेको सहसंयोजक ओम प्रकाश गुप्ताले बताउनुभयो ।

कालोबजारी गरेको आरोपमा उधोगी चाचानसहित पाँच जना पक्राउ

0

बीरगंज । लकडाउनमा दालको कालोबजारी गरेको आरोपमा बारा प्रहरीले हिजो साँझ २ उद्योगी सहित ५ जनालाई पक्राउ गरेको छ ।

पक्राउ पर्ने उद्योगीहरुमा बाराको परवानीपुर ४ स्थित नारायणी मोडर्न पल्सेस इण्डष्ट्रिजका सन्चालक मोहनलाल चाचान अग्रवाल र बाराकै छातापिपराको कृष्ण आधुनिक दाल उद्योगका सन्चालक पवन कुमार साह रहेका छन् ।

उद्योगपतिद्वय चाचान र साहसंगै प्रहरीले चाचानको उद्योगमा कार्यरत कर्मचारी सुनिल शर्मा, साहको उद्योगका कर्मचारी सुरेश प्रसाद र परवानीपुर ४ लिपनीमालमा रहेको महावीर ओभरसिज प्रालिका कर्मचारी सन्तोष झालाइ पनि पक्राउ गरेको हो ।

दाल उद्योगका सन्चालक चाचान र पवन साहलाई वीरगन्ज स्थित निवासबाट र कर्मचारीहरुलाइ भने उद्योगबाट नियन्त्रणमा लिइएको बाराका प्रहरी नायव उपरिक्षक गौतम मिश्रले जानकारी दिनुभयो ।

दाल उत्पादन हुने उधोगले नै कालो बजारी गरेको गुनासको आधारमा बैशाख ३ गते बाराको स्थानीय प्रशासन र बीरगंज स्थित बाणिज्य तथा उपभोक्ता हित संरक्षण कार्यालयले उधोगहरुमा अनुगमन गरेको थियो । अनुगमन टोलीले नारायणी मोडर्न पल्सेस इण्डष्ट्रिज,  कृष्ण आधुनिक दाल उधोग र महावीर दाल उधोगमा अनुगमन गरेको थियो ।

अनुगमन टोलीले उधोग संग सम्बन्धीत कागजात बिभागमा पठाएर निर्णय माँग गरेको थियो । उधोगले कालोबजारी गरेको ठहर गर्दै कारवाही गर्न निर्देशन दिएपछि उधोगका संचालकहरु पक्राउ परेका हुन ।

उधोगहीरुले डलरको भाउ तलमाथि भएको भन्दै आफ्नो बचाउको प्रयास गरेका थिए । उनीहरुको तर्क तथ्यसंगत नदेखिएपछि बिभागले कालोबजारी गरिएको ठहर गरेर कारवाहीको प्रक्रिया अगाडि बढाएको हो ।  लकडाउनको मौका छोपेर उद्योगबाट मसुरो दाल बढि मुल्यमा बिक्री गरि कालोबजारी गरेको आरोपमा दुई दाल उद्योगका सन्चालक र ३ कर्मचारी गरि ५ जनालाइ पक्राउ गरिएको बाराका प्रहरी नायव उपरिक्षक गौतम मिश्रले जानकारी दिनुभयो ।

पक्राउ परेका सबै ५ जनालाइ जिल्ला प्रहरी कार्यालय बारामा राखेर अनुसन्धान भइरहेको प्रहरी नायव उपरिक्षक मिश्रले बताउनुभयो । प्रहरीका अनुसार, ३ वटै उद्योगले लकडाउन भन्दा पहिले मसुरो दाल प्रति केजी ८० देखि ८५ रुपैयाको भाउमा बिक्री गरेका थिए ।

तर चैत ११ देखि लकडाउन शुरु भए यता दाल प्रति केजी ९४ देखि ९८ रुपैयाको भाउमा बिक्री गर्दै आएका छन् । लकडाउनमा दाल उद्योगहरुले बढी मुल्यमा दाल बिक्री गरेको गुनासोको आधारमा वाणिज्य, आपुर्ति तथा उपभोक्ता संरक्षण कार्यालयको टोलीले बजार र उद्योगको अनुगमन गरेको थियो ।  लकडाउन यता ती ३ वटै उद्योगहरुबाट बजारमा बिक्री गरिएका दालको परिमाणका विषयमा पनि अनुसन्धान  भइरहेको मिश्रले बताउनुभयो ।

पक्राउ परेका मध्य मोहनलाल चचान आफूलाई वीरगञ्जका लब्ध प्रतिष्ठित व्यापारी एवम समाजसेवी बताउने बाबुलाल चाचानका भाई हुन् । दालमा कालोबजारी गरेको आरोपमा पक्राऊ परेका माेहनलालका अर्का भाई श्रावण चचानले संचालन गरेको तेल उद्योगबाट उत्पादित निल कमल र श्री ब्राण्डको खाने तेल पनि  लकडाउनको मौका छोपेर गुणस्तरहीन उतपादन गर्ने र अत्याधिक मूल्यमा बिक्री गरी कालो बजारी गरी रहेको बुझिएकाे छ ।

साथै मारवाडी समुदाय कै एकल महिला निलम अग्रवालसंग लिएको रु ३५ लाख निज मोहनलाल चचानले दम्पच गरेको घटना पनि अब उजागर हुने बताइएको छ ।