Date
आइत, मंसिर ६, २०८३
Sun, November 22, 2026
Home Blog Page 989

कोरोना कथा

0

एका देश एउटा वुहान भन्ने गाउँ थियो । त्यो गाउँ निकै बिकसित थियो। ठुलो बनले घेरिएको त्यो गाउँका बासिन्दाहरु निकै बहादुर थिए । वरिपरिको बनबाट धेरै प्रकारको राक्ष्यशहरुले हमला गर्दथ्याे ।  तर वुहानका बिरसैनिकहरुले सबैलाई मारिदिन्थ्ये।त्यसै गरी त्यो गाउँमा सबै जना आनन्दले बसेका थिए।

एक दिनको कुरा हो त्यो गाउँमा हरि भन्ने एक बृद्धा बनबाट भाग्दै आए । उनि लगातार खोकी राखेको थिए।सबैले उनलाई के भयो भनेर सोध्दा उन्ले जवाफ दिए “म बनमा दाउरा लिन गको थिए तर त्यहाँ कोरोना भन्ने राक्ष्यस्ले म माथि आक्रमण गर्यो । त्यो राक्ष्यसयतै आउदैछ । ” यति भनेपछि जो जो गाउँले हरिको सहयोगका लागि उसको नजिक गए तिनीहरु पनि खोकॆर त्यस्तै बिरामी परे । केहि समयमै कारोना त्यो गाउँमा आइपुग्यो।

त्यसलाई मार्न जति सैनिकहरु गए सब त्यसलाई छुने बित्तिकै बिरामी पर्न थाले । त्यो देखेर गाउँलेहरु झनझन डराउन थाले ।यो सबै कुरा एक १४ बर्षिय बालक अर्जुनले हेरिराखेको थियाे । उ वुहानको सबै भन्दा बुद्धिमान व्यक्ति थियाे ।सबै कुरा बुझे पछि उसले सबै गाउँलेलाई भेला गरेर भन्यो “यो कोरोना भन्ने राक्ष्यस्लाई हामीले बलले जित्न सक्दैन।योबाट बच्नु छ भने हामी योबाट टाढा हुनु पर्छ । संक्रमित व्यक्तिसंग पनि टाढिनु पर्छ ।

केहि समयको लागि हामि सबै घरमै बसम र नियमित रुपमा हातहरु धुने गरम।” सबै गाउँलेलाई यो कुरा ठिक लाग्यो र सबै जना त्यसरी नै बस्न थाल्ये। संक्रमित व्यक्तिहरु नि अस्पतालमा छुट्टैबसे।केहि समय पछि कोरोनाले मान्छेहरु नभेटेर भोकले छटपटीन थाल्यो र १ महिनापछि भोकले मर्यो । संक्रमित व्यक्तिहरुलाई नि ठिक भयो।त्यसपछि वुहान फेरी सामान्य भयो र सबै गाउँले खुसि भएर अर्जुनको प्रशंसा गरे।

-“हामि नि अहिले यसै गरि घरमा बस्नु पर्छ र नियमितरुपमा हात धुनु पर्छ।”

-प्रज्ञा बस्नेत
कोटेश्वर, काठमाडौं

प्रधानमन्त्री ज्यू, जनताले तपाईलाई ५ वर्षको म्यान्डेड मनलाग्दी गर्नलाई दिएको होइन : गुप्ता

0

माननिय प्रधानमन्त्री ज्यु नमस्कार,

बिगत ६ महिना देखि बिश्व समुदाय नोबेल काेभिड १९ (कोरोना भाइरस)को महामारीको चपेटामा परेको छ | यसको भयावह स्थिति कहाँ सम्म जान्छ भने अनुमान लगाउन गाह्राे परिरहेको छ | करोडो मान्छे यसको जोखिममा रहेको छन भने लाखो मान्छे मर्ने अनुमान गरिएको छ | नेपालमा यसको आंसिक प्रभाव परिसकेको हुनाले आज ३८ औं दिन लकडाउनले नेपाल जस्तो गरिब मुलुकमा अर्थतन्त्रमा ठुलो गिरवाट अर्थात् आंसिक प्रभाव परिसकेको छ । साथै जनजीवनमा पनि उतिकै प्रभाव परिसकेको छ ।

सम्मानिय प्रधानमन्त्री ज्यू उठ्नुस र मनन् गर्नुस त्यो दिन, काल र पार्टीको इतिहास पार्टीको बिधि र बिधान कम्नियुस्ट सिधान्त । के केपी ओलीलाई मात्र नेपाली जनताले भोट दिएको हो र ? १७४ जनाले त्यो अधिकार पार्टीको नाममा दिएको तस्मा तत्कालिन नेकपा एमाले र माओबादी केन्द्र लगायत विभिन्न स्थानमा साना साना पार्टीहरुसंग बामगठबन्धनको आधारमा पार्टीले तपाईलाई सर्बोच कम्मानडर देशको प्रधानमन्त्री बनएको हो । आफु भित्र रहेको एकात्मकबाद र आफ्नो दम्भलाई त्याग्नुस समुहिकता र केंदिकृत भएर कुनै पनि कामलाई इति शुभम गर्नुस पक्कै पनि तपाइको नेतृत्व मा ५ वर्षको स्थाई सरकार नेपाली जनताले कल्पना गरेको छ । नेपाली जनताले किम जोन जस्तो शासन स्वीकार गर्ने छैन ।

१. नेकपा एमाले तत्कालिन नेकपा एमालेको नवाै महादिबेशनबाट पार्टी प्रमुख अथवा अध्यक्ष पदमा आफ्नो प्रतिस्प्रधी तत्कालिन महासचिव माधाव कुमार नेपालसंग विजय हासिल गर्नु भएको थियो । यसको मतलब यो होइनकी पार्टी प्रतिनिधिहरुको मतको अवमुल्यन गरि मनलाग्दी गर्नुस ।

२. माओबादी केन्द्रका तत्कालिन अध्य्क्ष पुष्पकमल दाहाल प्रचण्डले विस्वका कम्नियुस्टहरु एक हुनु पर्छ भने अभिप्रायले नेपालमाका विचार मिल्ने १० सानो दलहरु संग एकीकरण गरि माओबादी केन्द्र निर्माण गर्नु भयो । लगतै अर्को ठुलो कम्नियुस्ट पार्टी नेकपा एमालेसंग पार्टी एकता गर्ने प्रस्तावका साथ २०७४ सालको प्रतिनिधि सभाको निर्वाचमा १ सय ७४ सिट यानिकी २/३ मत पाएको थियो । लगतै पार्टी एकिकरणको बाकि काम पुरा गर्ने अभियानमा दुइ ओटै पार्टीका नेताहरु लागे र निर्वाचनमा नेकपा एमालेलाई जनताले बिश्वास गरि सबै भन्दा बढी मत दिएको आधारमा कहिँ कहिँ ६०/४० र कहिँ कहिँ मतको आधारमा पार्टी एकताको बाकी काम पुरा भयो । पार्टी एकता नहोस र २ तिहाइको कम्युनिष्ट सरकार निर्माण नहोस भन्ने देशी बिदेशीका धेरै शक्तिहरुले प्रचण्डलाई ५ वर्षको प्रधानमन्त्री र रास्ट्रपति लगायत प्रमुख मन्त्रलय दिने गरि कांग्रेससंग मिलेर सरकार बनाउने अफर नेपाली कांग्रेसका सभापति शेर बहादुर देउवाले गरेका थिए । तर प्रचण्ड त्यो अफरलाई अस्विकार गरे । किनभने २/२ चोटी प्रधानमन्त्री बनिसकेकोले कुनै किसिमको लोभ थिएन । थियो त केवल २ तिहाइको कम्नियुस्ट सरकार जुन कि पुरा भयो ।

३. अध्यादेश संबिधान निर्माण कर्ता राष्ट्र प्रमुख जनादेशको बिपरित अद्यादेश ल्याएर राजनीतिक अस्तिरता तिर लाग्नु भयो ।प्रधनमन्त्री स्वमले दल बिभाजन सम्बन्धि अध्यादेश ल्याएर ठुलो गल्ति गर्नुको साथै उनि फेल खाए । संबिधानमा प्रतिनिधि सभाको सदस्य नभएकोलाई कसरी प्रधानमंत्रीको लागी प्रस्ताव गर्नु ।

४. सचिवालय (सल्लाहकार) प्रधानमन्त्री केपी शर्मा ओलीको आफ्नो सचिवालय र सल्लाहकारहरुको सल्लाहले बारम्बार फेल खाए र आलोचित हुँदै आएको देखियो । ५. मन्त्रि मण्डल प्रधानमन्त्री केपी शर्मा ओलीको मंत्रिमण्डलमा अहिले सम्म जति पनि भ्रष्टाचारको गन्ध आएको सुनियो । त्यो केवल केपी ओली निकटको बिस्वासपत्रले सम्भालेका मन्त्रालय बाट आयो ।

६. राजनीतिक सयन्त्रकाे आवश्यकता नेकपाका अध्यक्ष् पुष्प कमल दाहाल प्रचण्डद्वारा हालै नोबेल काेभिड 19 (कोरोना भाइरस) संक्रमणसंग सामना गर्नको लागि प्रमुख प्रतिप्क्ष र सबै राजनीतिक दलहरु एक जुटभई यो महामारीसंग सामना गर्नु पर्ने र राहत लगायत रोकथामको उपाय निकाल्ने भने ।

प्रभाकर गुप्ता
केन्द्रीय सदस्य (अनेरास्ववियू)
एवम् नेकपा पर्सा जिल्ला कमिटि सदस्य

थप दुई जनामा देखियो कोरोना, संक्रमितको संख्या ५९ पुग्यो

0

काठमाडौं । रुपन्देही र बाँकेमा पनि कोरोना भाइरसका संक्रमित भेटिएका छन् । यससँगै कुल संक्रमितको संख्या ५९ पुगेको छ ।

स्वास्थ्य तथा जनसंख्या मन्त्रालयका अनुसार रुपन्देहीका २५ वर्षीय र बाँकेका ६० वर्षीय पुरुषमा कोरोना संक्रमण पुष्टि भएको हो ।

रूपन्देहीका संक्रमित युवक वैशाख ५ गते भारतबाट आएको पाइएको छ ।

कोटहीमाई गाउँपालिका वडा नंं. १ का २५ वर्षीय युवक लक डाउनकाे समयमा भारतबाट घर आएका थिए । तर उनका दाजुले भारतीय सीमा क्षेत्रबाट घर नलगी क्वारेन्टाइन स्थलमा पुर्‍याएका थिए ।

उनको अवस्था सामान्य रहेको अस्पतालका फोकल पर्सन डा. सुदर्शन थापाले बताए ।

बगहिमा ३० जनाले गरे रक्तदान

0

वीरगंज । नेपाल रेडक्र्स सोसाइटी बगही उपशाखाको आयोजनामा आज भएको रक्तदान कार्यक्रममा ३० जनाले रक्तदान गरेका छन ।

वीरगंज महानगरपालिकाकाे बगहीमा भएकाे कार्यक्रममा राजकुमार राउत, उमेश प्रसाद यादव, रमेश कुमार साह, जाेखु राम, आलाेक यादव, बिनाेद प्रसाद यादव, बिष्णु पटेल, रबिन्द्र साह, शम्भु राउत कुर्मी, संजय कुमार ठाकुर, रमेश महताे, छाेटेलाल राउत, राहुल पटेल, रम्भु पटेल, विवेक यादव, सुरेश राम लगायतकाले रक्तदान गरेका हुन् ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि राज्य भरी नै भएकाे लकडाउनमा अस्पतालमा आउने बिरामिहरुलाई रक्तसञ्चार केन्द्रबाट रगत उपलब्ध गराउनमा कठिनाइ भइरहेको छ ।

लकडाउनमा रक्तदान कार्यक्रमको आयोजना नहुने भएकोले, यश परिस्थितिलाइ ध्यानमा राखी रेडक्र्सका उपशाखाहरुले रक्तदान कार्यक्रमको आयोजना गरि बिरामिहरुलाइ सहयोग गर्दै आएकाे रेडक्रसका राजन श्रीवास्तवले वताए ।

रक्तदान कार्यक्रम बगही उपशाखाका सभापति रामनरेश यादवको सभापतित्व र प्रदेश सांसद सिंहासन साह कलवारकाे प्रमुख अतिथ्यमा भएकाे थियो । रक्तदान कार्यक्रममकाे रेडक्रसका उदय राज शर्मा, प्राबिधिक जितेन्द्र कुश्वाहा, सुजित पटेलको टोलिले प्राबिधिक सहयोग गरेको थियाे ।

कालाेबजारी आराेपमा लागेका अग्रवालसँग २५ लाख ५० हजार धरौटी माग

0

काठमाडौं । कालोबजारी आरोप लागेका व्यवसायी सुलभ अग्रवालसँग काठमाडौं जिल्ला अदालतले २५ लाख ५० हजार रुपैयाँ धरौटी माग गरेको छ ।

ज्वरो नाप्ने थर्मल गन कालोबजारी गरेको आरोपमा पक्राउ परेका अग्रवालको मुद्दा बिहीबार काठमाडौं जिल्ला अदालतमा न्यायाधीश ब्रजेश प्याकुरेलको इजलासमा सुनुवाई भएको थियो ।

व्यवसायी अग्रवालले ५ हजार रुपैयाँ पर्ने थर्मल गन १५ हजार रुपैयाँमा बेच्न खोजेको भन्दै प्रहरीको महानगरीय अपराध अनुसन्धान महाशाखाको टोलीले चैत २५ गते  नक्सालबाट पक्राउ गरेको थियो ।

उनीविरुद्ध कालोबजारी तथा केही सामाजिक अपराध तथा सजाय ऐन, २०३२  अनुसार कारबाही गर्न जिल्ला सरकारी वकिल कार्यालयले जिल्ला अदालतमा मुद्धा दायर गरेको थियो ।

कालोबजारी ऐन अन्तर्गतको १ वर्षसम्म कैद हुने मुद्धा जिल्ला प्रशासन कार्यालयले हेर्ने कानूनी व्यवस्था भए पनि जिल्ला सरकारी  वकिल कार्यालयले अग्रवालविरुद्ध १ वर्ष भन्दा बढी कैद सजाय माग गरेकाले मुद्धा जिल्ला अदालतमा दर्ता भएको थियो ।

बिश्रामपुरकाे क्वारेन्टाइनमा रहेका ३२ जनाकाे पिसिआर रिपाेर्ट नगेटिभ

0

वीरगंज । बाराकाे बिश्रामपुर गाउँपालिकाकाे क्वारेन्टाइनमा रहेकाहरुकाे पिसिआर रिपाेर्ट नगेटिभ आए पछि घर पठाइएकाे छ ।

क्वारेन्टाइनमा रहेका ३१ भारतिय र एक नेपालीकाे पिसिआर रिपाेर्ट नगेटिभ आए पछि घर पठाइएकाे गाउँपालिका स्वास्थ्य शाखा प्रमुख अलि अकबर हुसेनले वताए ।

उनले भने “गाउँपालिकाकाे क्वारेन्टाइनमा रहेका ३२ जनाकाे पिसिआर मेसिनबाट काेराेना परिक्षणकाे लागि स्वाब संकलन गरी काठमाण्डाै पठाइएकाे थियाे । १४ दिन देखी क्वारेन्टाइनमा रहेका सबै जनाकाे रिपाेर्ट नगेटिभ आए पछि सबैजनालाई रिपाेर्ट दिएर घर पठाइएकाे छ।”

उनका अनुसार ३१ जना भारतियलाई बाटाे खर्च दिएर रिपाेर्ट सहित घर पठाएकाे छ भने एक जना बिश्रामपुर गाउँपालिका निवासी नै रहेकाले उनकाे अभिभावककाे जिम्मा लगाइएकाे छ ।

काेराेना भाइरस संक्रमकाे राेकथाम तथा नियन्त्रणकाे लागि लकडाउन भए पछि नेपालकाे सिन्धुली र सप्तरीबाट पैदल नै बिश्रामपुर आइपुगेका ३१ भारतिय कामदार र एक नेपालीलाई गाउँपालिकाकाे क्वारेन्टाइनमा राखिएकाे थियाे ।

छपकैयाका पन्नालाल साहले व्यक्तिगत खर्चमा बाँडे राहत

0

वीरगंज । वीरगंज महानगरपालिकाकाे वडा नं. १ बजार छपकैयामा आज एक स्थानियले आफ्नाे व्यक्तिगत खर्चमा राहत वितरण गरेका छन् ।

स्थानिय पन्नालाल साह कानुले लकडाउनमा समस्यामा परेका एक सय १५ अति गरिब परिवारलाई राहत वितरण गरेका हुन् ।

कानुले राहतमा चामल १० किलाे, दाल एक किलाे, तेल एक प्याकेट, आलु २ किलाे, प्याज एक किलाे, नुन एक किलाे र साबुन एक पिस वितरण गरेका हुन् ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउमा समस्या परेकाहरुलाई मानवताकाे नाताले समाजिक दायित्व बुझ्दै व्यक्तिगत लगानीमा सहयाेग गरिएकाे कानुले वताउनु भयाे ।

बलिउडका चर्चित अभिनेता ऋषि कपुरको निधन

0

काठमाडौं । बलिउडका चर्चित अभिनेता ऋषि कपुरको ६७ वर्षको उमेरमा बिहीबार निधन भएको छ । क्यान्सरबाट पीडित ऋषि कपुर अस्वस्थ भएपछि बुधबार अस्पताल भर्ना गरिएको थियो ।

दाइ रणधीर कपुरका अनुसार ऋषिलाई क्यान्सर र स्वासप्रश्वाससम्बन्धी समस्या थियो । अमेरिकामा करिब एक वर्षसम्म क्यान्सरको उपचार गराएपछि उनी गत वर्ष सेप्टेम्बर महिनामा भारत फर्किएका थिए । फेब्रुअरी महिनामा पनि स्वास्थ्य बिग्रिएपछि उनलाई दुई पटकसम्म अस्पताल भर्ना गर्नु परेको थियो ।

ऋषि कपुर दिग्गज अभिनेता राज कपुरको छोरा हुन् । उनले आफ्नो फिल्मी करियर सन् १९७३ मा बबी फिल्मबाट सुरु गरेका थिए ।

बुधबारमात्रै बलिउडले एक चर्चित अभिनेता इरफान खानलाई गुमाएको थियो ।

औषधि उत्पादक संघद्धाराद्वारा चिकित्सकलाई ज्याकेट

0

वीरगंज । नेपाल औषधि उत्पादक संघ केन्द्रिय समितिले बुधवार नेपाल चिकित्सक संघ पर्सा शाखालाई डाक्टर लेखिएको ज्याकेट प्रदान गरेको छ ।

नेपाल चिकित्सक संघ केन्द्रीय समितिको समन्वयमा पर्सा जिल्लाका चिकित्सकहरुको लागि ३ सय थान ज्याकेट प्रदान गरिएको नारायणी अस्पतालका चिकित्सक डा. उदय नारायण सिंहले जानकारी दिनु भयो । नेपाल औषधि उत्पादक संघका केन्द्रीय कोषाध्यक्ष प्रभात रुङ्गटाले आज नारायणी अस्पतालमा पुगेर नेपाल चिकित्सक संघका नारायणी शाखा अध्यक्ष डा. अरुण कुमार सिंहलाई सो ज्याकेट हस्तान्तरण गर्नु भएकाे भयाे ।

कोभिड–१९ को महमारीको समयमा चिकित्सकहरुलाई अत्यावश्यक कामको लागि बाहिर निस्कदा प्रहरी प्रशासनबाट दुव्यर्ववहार खेप्नु पर्ने अवस्थालाई मध्यनजगर गर्दै सो ज्याकेट प्रदान गरिएको जनाईएको छ । अब उप्रान्त ज्याकेट लगाएर बाहिर निस्कदा केही मात्रामा भए पनि सहज महसुस हुने अस्पतालका चिकित्सक डा. दिलिप चौरसियाले बताए ।

सो अवसरमा डा. उदय नरायण सिंह, डा. दिपक कुमार चौरसिया, डा. दिलिप कुमार चौरसिया लगायतको सहभागिता रहेको थियो । नेपाल औषधि उत्पादक संघद्धारा प्रदान गरिएको ज्याकेट उपचारमा संलग्न सम्पुर्ण डक्टरहरुलाई वितरण गर्ने डा. उदय नारायण सिंहले बाताए ।

वीरगंजमा पिसिआर मेसिन सुचारु नभए नेवि संघले आन्दाेन गर्ने

0

वीरगंज । वीरगंजमा काेराेना परिक्षणकाे लागि पिसिआर मेसिन र काेराेना अस्पताल सुचारु नभएकाे नेवि संघ पर्सा आन्दाेन गर्ने भएकाे छ ।

नेवि संघ पर्साले आज एक प्रेस विज्ञप्ती जारी गर्दै  संघ र प्रदेश सरकारले वीरगंजमा काेराेना अस्पताल तथा पिसिआर मेसिन सुचारु नगरेकाे प्रति आपति जनाएकाे छ ।

नेवि संघ पर्साका जिल्ला सभापति विकास तिवारीद्वारा जारी प्रेस विज्ञप्तीमा चासाे समेत नराखेकाे र दुई नम्बर प्रदेशकाे सम्पूर्ण काेराेना संक्रमितलाई वीरगंजमा नै पठाई आफ्नाे जिम्मेवारीबाट पंक्षिन र भाग्न खाेजेकाे महसुस भएकाे उल्लेख गरिएकाे छ ।

नेवि संघले यस्ताे गैर जिम्मेवार रवैयाले सम्पूर्ण वीरगंजवासी, स्वास्थ्यकर्मी तथा सुरक्षाकर्मीकाे जिवनसंग खेेलवाड गरिएकाे र वीरगंजवासीलाई जाेखिमपूर्ण जिवन विताउन बाध्य पारिएकाेमा तत्काल पिसिआर मेसिन र काेराेनाआ अस्पताल छिटाेभन्दा छिटाे सुचारु नगरे विपदकाे खडीमा पनि कडा भन्दा कडा आन्दाेलन गर्ने बाध्य हुने छाैं प्रेस विज्ञप्ती मार्फत जनाएकाे छ ।