Date
आइत, मंसिर ६, २०८३
Sun, November 22, 2026
Home Blog Page 991

पर्साकाे ग्रामिण भेगमा लकडाउन पालना गराउन प्रहरीद्वारा थप कडाई

0

पाेखरिया । पर्साकाे सदरमुकाम बीरगंजमा आइतबा थप २ जना कोरोना संक्रमित पुष्टि भए पछि लकडाउनको पालनामा ग्रामिण भेगमा भईरहेको अवहेलनालाई आज देखी प्रहरी प्रशासनले थप गम्भीर भई कडाईका साथ प्रस्तुत भएको छ ।

अहोरात जीवज्यानको बाजी लगाई खटिने प्रहरीलाई छली गरी लकडाउन उलंघन गर्ने साईकल चालक, मोटरसाईकल र बिना कारण घरबाट बाहिर आउने जाने गर्नेलाई ईलाका प्रहरी कार्यालय पोखरीया मातहतका सबै युनिटहरु थप कडाईका साथ प्रस्तुत भएका छन् ।

बिभिन्न बाहानामा निस्कनेलाई लखेटेर घर सम्म पुर्‍याउने गरिएको र साईकल मोटरसाईकलका हावालाई खुसकाई घर फर्काउने गरिएको प्रहरीले जनाएको छ । आज बिहान केही बेर लकडाउनको उलघंन गर्नेको संख्या सडकमा देखिए पनि प्रहरीले कडाईका साथ बिहान ७ बजे देखी प्रस्तुत भए पछि पोखरीया, बिन्दवासिनी, बहुअरीपिडरी, गर्दाैल, धोबिनी, भिखमपुर, भिस्वा, सबैठवा, पकहामैनपुर, प्रसौनिभाटठा, झौवागुठी, बिरनचीवर्वा, भेडिहारीका सडकहरु एकदमै सुनसान देखिएको छ ।

आज ८ बजे देखी पुर्ण रुपमा लकडाउनको पालना भएको समेत महशुस भएको बिन्दवासिनी गाउँपालिका वडा नमबर ५ का वडाध्यक्ष सुकदेव यादवले बताउनु भयाे ।

यस्तै किसिम्मको कडाईका साथ नै प्रस्तुत हुन जरुरी रहेको पोखरिया नगरपालिकाका मेयर दिपनारायण रौनियारले बताउनु भएको छ । रौनियारका अनुसार प्रहरीप्रशासनले दिनरात आफनो जीवज्यानको बाजी लगाएर हाम्रै लागी खटिरहेको अवस्थामा पनि आफ्नै खुट्टामा बन्चरो हान्ने गरी लकडाउनको उलघन गरी सडकमा साईकल मोटरसाईकल चलाई र भिडभाडमा सहभागी भई ज्यान जोखिममा पारिरहेको उचित नरहेको बताएका छन् ।

कालिकामाईकाे रबिदास, टिनडाेबिया र हरिहरपुरमा दाेस्राे चरणकाे राहत विरतण

0

पाेखरिया । पर्साको कालिकामाई गाउँपालिका वडा नम्बर १ को रबिदास र टिनडोबियामा आज दाेस्राे चरणकाे राहत विरतण गरिएकाे छ ।

काेराेना भाइरस संक्रमण राेकथाम तथा नियन्त्रणकाे लागि भएकाे लकडाउनमा समस्यामा परेका २ सय ४१ घरदुरीलाई राहत बितरण गरिएको छ वडाध्यक्ष रामशिष यालवले वताउनु भयाे ।

वडाध्यक्ष यादव, समाजवादी पार्टीका मोतिलाल राउत कुर्मी, कार्यपालिका सदस्य रामानन्द ठाकुर, वडासदस्य जगदिश साह तेली, राजाक राउत गदी, सोनालाल पटेल, ईलाका प्रहरी कार्यालय बिरन्चीवर्वाका असई भरत यादव लगायतकाे रोहबरमा राहत वितरण गरिएको वडा कार्यालयले जनाएकाे छ ।

यसैगरी कालिकामाई गाउपालिकाको वडा नम्बर ३ हरिहरपुर बिर्तामा पनि आइतबार ३ सय ८ घरदुरीलाई राहत बितरण गरिएको वडा सदस्य कमलेश पासवानले जानकारी गराउनु भयाे ।

राहतमा चामल ३० किलाे, दाल ३ किलाे, खाने तेल २ लिटर, आयाे नुन २ किलाे, साेयाबिन एक किलाे, साबुन २ वटा र तरकारी ५ किलाे वितरण गरिएकाे गाउँ कार्यपालिका कार्यालयले जनाएकाे छ ।

मातृका यादव भन्छन् : राज्यले अपहरणको मुद्दा पनि नलिने?’

0

सत्तारूढ नेपाल कम्युनिष्ट पार्टीका स्थायी समिति सदस्य तथा पूर्वमन्त्री मातृका यादवले सांसद अपहरणको जाहेरी काठमाडौं प्रहरीले लिन अस्वीकार गरेको घटनाबारे पार्टीमा गम्भीर छलफल हुनु पर्ने बताएका छन्।

सोमबार सेतोपाटीसँग कुरा गर्दै यादवले उक्त घटना कुनै पार्टीको नभई आमसरोकारको विषय भएको बताए।

‘हिजोमात्रै प्रहरीले मुद्दा दर्ता गर्न मानेन। पूर्वप्रधानमन्त्री, पूर्वउपप्रधानमन्त्री र पूर्वमन्त्रीहरू नै मुद्दा दर्ता गराउन जाँदा दर्ता नहुनु गम्भीर कुरा हो। प्रहरीले नचाहेर त्यस्तो भएको होइन,’ यादवले भने,’पुलिसलाई दोष दिएर त हामी उम्किन मिल्दैन। दुनियाँभरका मुद्दा काठमाडौंमा दर्ता हुने तर यो मुद्दालाई महोत्तरी पठाउन खोज्नु आफैंमा बेइमानी हो।’

उनले यो घटनामा प्रधानमन्त्रीले नै मुद्दा दर्ता गर्देऊ भन्नुपर्ने तर्क गरे। ‘छानबिन हुँदैमा कोही दोषी प्रमाणित हुँदैन, दोषी भए भने कारबाही गर्नुपर्छ,’ उनले भने।

यसअघि समाजवादी पार्टीका सांसद तथा पूर्वराज्यमन्त्री सुरेन्द्र यादवलाई अपहरण गरेको भन्दै पूर्वप्रहरी महानिरीक्षक सर्वेन्द्र खनाल, नेकपाका सांसदहरू महेश बस्नेत र किसान श्रेष्ठविरूद्ध महानगरीय प्रहरी परिसर काठमाडौंमा जाहेरी परेको थियो। तर प्रहरीले उक्त घटना महोत्तरीमा भएको भन्दै जाहेरी लिन इन्कार गरिदिएको छ।

ओली क्याबिनेटमा यसअघि वाणिज्य मन्त्री रहेका यादवले प्रधानमन्त्री ओली सचिवालय बैठकसमेत बोलाउने पक्षमा नरहेको बताए।

सचिवालय बैठक बोलाउन पार्टी महासचिवमार्फत् प्रधानमन्त्री ओलीलाई सन्देश पठाएको भए पनि सकरात्मक जवाफ नआएको उनले जानकारी दिए।

‘अस्ति(शनिबार) पहिला सचिवालय बैठक बस्ने कुरा भएको थियो। तर उहाँ(प्रचण्ड)सँग सल्लाह नै नगरी प्रधानमन्त्रीले अहिले नबसौं भनेर भन्दिनुभएको रहेछ,’ यादवले भने,’उहाँले भोलि बसौंला अथवा अर्को दिन बसौंला भनेर भन्नुपर्थ्यो। विष्णु कमरेड (महासचिव)लाई अहिले रोक्नुस् भन्दिनुभएको रहेछ।’

प्रधानमन्त्री ओली स्थायी कमिटी बैठक तत्काल बोलाउने पक्षमा नरहेको यादवको बुझाइ छ।

‘अहिलेसम्म बैठक बोलाउने छाँटकाँट छैन। तर नबोलाइकन उपाय पनि छैन,’ उनले भने, ‘उहाँ (प्रधानमन्त्री ओली)ले गर्नुभएन भने अरू नेता तयार हुनपर्‍यो। यदि नेताहरू तयार भएनन्, हामी फेरि बस्छौं।’

बैठकको विकल्प अर्को नभएको भन्दै यादवले पार्टी एकता बचाउने र सरकार बचाउने हो भने स्थायी कमिटी बैठक तत्काल बोलाउनु पर्ने बताए।

‘हुन त म निकालिएको मन्त्री हो धेरै बोल्न पनि मिलेन तर बैठकमा उहाँ कसरी उपस्थित हुनुहुन्छ भन्ने कुराले पार्टी निर्णयलाई समेत प्रभाव पार्न सक्छ,’ यादवले भने,’जे-जे भयो-भयो तपाईंहरूले निकास दिनुस् भनेर शीर्ष नेतालाई भन्नुभयो भने एउटा सहमति हुनपनि सक्छ। स्थायी समितिमा सर्लक्कै दिल खोलेर आउनुभयो भने त अर्कै स्थिति बन्न पनि सक्छ।’

स्थायी कमिटीको बैठक माग गर्दै २० जनाले मात्रै लिखित पत्र पठाएको भएपनि दुई तिहाइभन्दा बढी सदस्य स्थायी कमिटी बैठकको पक्षमा रहेको नेता यादवको दाबी छ।

पार्टीमा अलग-अलग धारणा बनाउनुभन्दा एकपटक सामुहिक धारणा बनाएर अगाडि जानुपर्ने ठहर गरेरै स्थायी समिति बैठक माग गरिएको यादवको भनाइ छ।

यादव केपी ओली नेतृत्वको वर्तमान सरकारमा उद्योग वाणिज्य तथा आपुर्ति मन्त्री थिए। मंसिर पहिलो साता सरकार पुनर्गठन हुँदा उनी हटाइएका हुन्। अहिले उद्योग वाणिज्य तथा आपुर्ति मन्त्री लेखराज भट्ट छन्।

आफ्नो कार्यकालमा प्रधानमन्त्रीसँग हार्दिकता हुन नसकेको यादवले यसअघि नै बताइसकेका छन्। मन्त्रिपरिषद पुनर्गठन हुने अघिल्लो दिनको मन्त्रिपरिषद बैठकमा यादव सहाभागी भएका थिएनन्। प्रधानमन्त्रीसँग झगडा पर्ने भएकैले आफू मन्त्रिपरिषद बैठकमा सहभागी नभएको उनले सेतोपाटीलाई बताएका थिए। यादव मंसिर ४ गते हटाइएका हुन। सेताेपाटीबाट

वीरगञ्ज तेजारथटाेल स्थित पाइप उद्योगमा आगलागी

0

वीरगंज । वीरगञ्जमा रहेको एक प्लाष्टिकको पाइप उद्योगमा सोमबार दिउँसो आगलागी भएको छ।

वीरगञ्ज महानगरपालिकाकाे वडा नं. १३ तेजारथ टोलमा रहेको मनकामना पाइप उद्योगमा दिउँसो आगलागी भएको प्रहरीले जनाएकाे छ ।

आगलागीको कारण खुलेको छैन। आगलागीमा परेको उद्योग वीरगञ्ज निवासी बिनयकुमार नेपालको रहेको प्रहरीले जनाएको छ

वीरगञ्ज महानगरपालिकाको वारुण यन्त्रको सहायतामा नेपाली सेना, नेपाल प्रहरी र सशस्त्र प्रहरीले आधा घन्टापछि आगलागी नियन्त्रणमा लिएका छन् ।

आगलागीबाट के कति क्षति भएकाे हाे भने हाल सम्म खुल्न सकेकाे छैन् ।

लकडाउन २५ बैशाख सम्म लम्ब्याउने सरकारको निर्णय

0

काठमाडौं । सरकारले लकडाउनलाई २५ गतेसम्म लम्ब्याउने निर्णय गरेको छ । मन्त्रिपरिषद्को बैठकले लकडाउन लम्ब्याउने निर्णय गरेको हो ।

कोभिड-१९ सम्बन्धी उच्चस्तरीय समन्वय समितिको शनिबार बसेको बैठकले लकडाउनकै कारण कोरोनाको संक्रमण नियन्त्रण गर्न सफल भएको निष्कर्ष निकालेको  थियो । कार्यदलले एक साता लम्ब्याउन सिफारिस गरेको थियो । तर, सरकारले लकडाउन १० दिन थपेकाे छ ।

अलपत्र परेकाहरुको उद्धार गर्न माग गर्दै वीरगंजमा प्रदर्शन

0

वीरगञ्ज । जनता समाजवादी पार्टि सम्बद्ध विद्यार्थी संगठन राष्ट्रिय विद्यार्थी संघले आज वीरगञ्जमा विभिन्न माग राख्दै विरोध प्रदर्शन गरेको छ ।

लकडाउनका कारण प्रभावित भएका तथा अलपत्र परेकाहरुको उद्धारमा लाग्न संघले सरकारलाई ध्यानाकर्षण गराएको छ । समाजमा रहेका विपन्न तथा गरिब परिवाहरुलाई खानाको समस्या भईरहेका कारण राहत बाँड्नमा ढिलाई नगर्न सरकारलाई आग्रह गरेको छ ।

हचुवाका भरमा भईरहेको राहत वितरणलाई थप प्रभावकारी बनाउँदै विपन्न तथा प्रभावित वर्गलाई प्राथमिकतामा राख्न सुझाव दिएको छ । यस्तै अध्ययन तथा कामको क्रममा विदेशमा रहेका नेपालीहरु लकडाउनका कारण अलपत्र परेकाले यथाशिघ्र उद्धारको व्यवस्थामा जुट्न सरकारलाई आग्रह गरेका हो ।

सामाजिक दुरी कायम गर्दै विद्यार्थी संघका पर्सा अध्यक्ष मधुसुधन चौरसियाको नेतृत्वमा भएको प्रदर्शनमा उपाध्यक्ष सुमित चौरसिया, विद्यार्थी नेता प्रभाकर मोदि, प्रभात चौरसिया, आयुष ठाकुर, सुजित झा, सन्दीप चौरसिया लागयतकाको सहभागिता रहेको थियो ।

वीरगञ्जकाे घण्टाघरमा गरिएको प्रदर्शनका क्रममा अलपत्र तथा प्रभावित भएकाहरुको राहत तथा उद्धारमा लाग्नुको सट्टा भ्रष्टाचारमा फस्दै गएको भन्दै सरकारको आलोचना समेत गरेका थिए ।

पाेखरिया अस्पतालमा सेनिटाइजर बुथ जडान

0

वीरगंज । पर्साकाे पोखरिया अस्पतालमा सेनिटाइजर बुथ जडान गरिएकाे छ । पोखरिया नगरपालीकाे वडा नं. ४ पाेखरिया स्थित रहेको पोखरिया जिल्ला अस्पतालमा आज सेनिटाइजर बुथकाे स्थापना गरिएकाे हाे ।

नगर प्रमुख दिपनारायण रौनियार र पाेखरिया युवा समाजको पहलमा जनता समाजवादीका पार्टीका नेता नेजामुद्दिन समानी, तारा देवी सरावगी, मुकेस सरावगी लगायतकाले सेनिटाइजर बुथकाे स्थापना गरेका हुन् । बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमणबाट बाच्न पर्साकाे दाेस्राे सदरमुकामकाे रुपमा रहेकाे पाेखरिया अस्पतालमा सेनिटाइजर बुथकाे स्थापना गरिएकाे हाे ।

पर्सा क्षेत्र नम्बर ३ का निलम्बित सांसद हरिनारायण प्रसाद रौनियार, प्रदेश नम्बर २ पर्सा क्षेत्र नम्बर ३ ख को प्रदेश सांसद प्रहलाद गिरी, पोखरिया नगरपालीकाकी उप प्रमुख सलमा खातुन, पोखरिया अस्पताल ब्यवस्थापन समितीका अध्यक्ष लक्षमण साह कानु , युवा समाजका सुजित गिरी, नौसाद आलम, राकेश महतो लगायतकाकाे उपस्थितीमा पोखरिया अस्पतालका निमित मेडिकल सुपरिटेन्डेड अनिल यादवलाई आज निर्माण भएकाे बुथ हस्तान्तरण गरिएको हाे ।

हावाहुरीले बहुदरमाईका एक दर्जन घरमा क्षति

0

वीरगंज । गए राती आएकाे हावाहुरीले पर्साकाे बहुदरमाई नगरपालिका वडा नं. २ स्थित एक दर्जन जति घरमा क्षति पुर्‍याएकाे छ ।

हावाहुरीले स्थानिय दिनेश प्रसाद यादव, देवलाल राउत कुर्मी, वृजालाल पटेल, रामअयाेध्या पटेल, आस्था पाेल्ट्री फर्म, मुखलाल पटेल, माेहनलाल यादव, मुक्तिलाल यादव, हरदेव पटेल, शाेभी यादव, राजा पटेल लगायतकाे घरमा क्षति पुगेकाे हाे ।

हावाहुरीले घरहरुकाे छानाे उडाउनुकाे साथै देवाल समेत भत्काइदिएकाे छ । यसका साथै बहुदरमाई नगरपालिकाकाे वडा नं. २ बैरिया बिर्ता दापु स्थित मकै बालीमा समेत क्षति पुर्‍याएकाे स्थानियहरुले वताएका छन् ।

 

पाेखराबाट भिस्वा आइपुगेका ४३ जनालाई क्वारेन्टाइनमा राखियाे

0

वीरगंज । पाेखराबाट एउटै बसमा पर्साकाे छिपहरमाई गाउँपालिका वडा नं. ५ भिस्वा स्थित आइपुगेका ४३ जनालाई क्वारेन्टाइनमा राखिएकाे छ ।

भिस्वा स्थित नै रहेकाे छिपहरमाई गाउँपालिकाकाे क्वारेन्टाइनमा ६ भारतिय सहित ३८ जनालाई राखिएकाे र ५ जनालाई धाेबिनी गाउँपालिकाकाे क्वारेन्टाइनमा पठाइएकाे छिपहरमाई गाउँपालिकाका स्वास्थ्य संयाेजक शम्भु साहले वताउनु भयाे ।

बा ४ ख ५७९०  नम्बरकाे बसले आज विहान भिस्वा आइपुगेका भारतिय र छिहरमाई गाउँपालिका घर भएकाहरुलाई छिपहरमाईकाे क्वारेन्टाइनमा राखिएकाे र धाेबिनी गाउँपालिका निवासी ५ जनालाई धाेबिनी गाउँपालिकाकाे क्वारन्टाइनमा पठाइएकाे संयाेजक साहले जानकारी गाराउनु भयाे ।

यस अघि देखी पनि श्री मंगल मावि भिस्वामा रहेेकाे गाउँपालिकाकाे क्वारेन्टाइनमा १६ जना रहेकाे छिपहरमाई गाउँ कार्यापालिकाकाे कार्यालयले जनाएकाे छ ।

विश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथामकाे लागि भएकाे लकडाउनमा पाेखराबाट एउटै बसमा धेरै जना आएकाेले सबैलाई क्वारेन्टाइनमा राखिएकाे प्रमुख प्रशासकिय अधिकृत देवनाथ साहले वताउनु भयाे ।

ति सबै जनालाई १४ दिन सम्म क्वारेन्टाइन मै राखिने प्रमुख प्रशासकिय अधिकृत साहले जानकारी गराउनु भयाे ।

पाेखराबाट बसमा धेरै जना भिस्वा पुगेकाे गाउँपालिका अध्यक्ष मनाेज गुप्ता थाह पाए लगतै त्यहाँ आफै पुगी सबै जनालाई क्वारेन्टाइनमा राख्न निर्देशन दिएका थिए ।

सरकारको अनुमतीको पर्खाईमा वीरगंज काेराेना अस्पताल

0

बिरगंज महानगरपालिकाले गण्डक अस्पताल सङ्ग Covied अस्पतालको लागि सम्झौता गरेको लगभग एक हप्ता भयो तर पनि अहिलेसम्म सन्चालन भएको छैन। सुरु सुरुमा कोभिड अस्पताललाई लिएर बिरगंजमा पुरै राजनीतिक र समाजिक दुबै क्षेत्रमा ब्यापक चर्चापरि चर्चा नै चलियो। धेरैले राजनीतिक पनि गरे। शुरुमा बिरगंजमा छुट्टै कोभिड अस्पताल हुनुपर्छ भने चारैतिरबाट माग पनि उठयो कुरा जायज पनि थियोे नेपाल कै प्रवेशद्वार र नेपाल कै आर्थिक राजधानी भएकोले दैनिक हजारौं हजार मान्छेहरु आवत जावत गर्ने भएकोले बिरगंजमा कोभिड अस्पताल हुनु पनि पर्छ तर केन्द्र सरकारको लिस्टमा बिरगंज परेन भने प्रदेश सरकारले सुरुमा भाडा लिएर भएपनि चलाउने कुरा Covied अस्पतालको ज्ञापन दिने बेला भन्यो भने देखावटीको लागि एउटा टोलि पनि आयो तर प्रदेशको लिस्टमा बिरगंज परेन त्यहि बेला बिरगंजको छपकैयामा तिन जना जमातीमा करोना पोजेटिभ पाईयो त्यस पछि चारैतिर भय र त्राशको स्तिथी सृजना भयो भने जब चारै तिरबाट प्रदेश सरकारको आलोचना हुन थाल्यो त्यति बेला देखावटीको लागि एउटा PCR मेसिन टेस्ट हतार हतारमा लयाईयो भने आज झन्डै दस दिन भयो आज सम्म संचालन भएन ।

यसरि चारै तिरबाट कोभिद अस्पतालको माग हुन थालेपछि बिरगंजका मेयर केन्द्र र प्रदेश सरकारको बिरगंज प्रतिको रवौया हेरेर आफैं अगाडी बढि विभिन्न प्राईभेट अस्पताल सङ्ग भाडामा भएर पनि चलाउने हिसाबले कुरा गरे सुरुमा त धेरैले समाजिक संजाल मार्फत म आफ्नो अस्पतालमा पचास सैया कोभीडको लागि महानगरलाई दिन्छु भने खुब डिङ्ग हाके विभिन्न संचार माध्यमबाट खुब ढिढाेरा पटे जब समय आयो त्य्सताको अतोपतो लागेन तर त्यहि बेला नेकपा का नगरकमिटी अध्यक्ष तथा गण्डक अस्पतालका संचालक रहबर अन्सारीले म आफ्नो अस्पताल दिन्छु भने र पछि उ समाजिक सन्जाल मार्फत निशुल्क दिन्छु भने घोषणा पनि गरे भने यता केन्द्र सरकारले पनि तिन जना करोना पोजेटिभ भेतेपछी नारायणी अस्पताल लाई करोना अस्पताल घोषणा गर्यो।

केन्द्र सरकारले नारायणी अस्पताल लाई कोरोना अस्पतालमा घोषणा गरेपछि चारैतिर बाट बुद्धिजीवी र सर्बसाधारण बाट यसको बिरोध हुनथाल्यो भने यता महानगरले पनि बिरगंज बासीहरु को मागप्रती गम्भीर भएर तिन दिनको ईक्छुक सबै लाई सम्बोधन हुने गरि Covied अस्पतालको लागि सूचना जारी गर्‍यो । यो कुरा हेरेर धेरै जनामा बेचैनी उत्पन्न भयो । महानगरले गल्ती गर्दै छ ठुलो पैसाको चल्खेल हुनेवाला छ मेयरका प्रेस सल्लाहकार गोविन्द जिले सबै कुरा मिलाउन चितवन बाट आएका छ्न भने भ्रामक समाचार चलाईयो नारायणी मै covied अस्पताल चलाउनु पर्छ भने पुरा समाजिक संजाल online मिडियामा पुरा प्रचार प्रसार गरियो मेयर माथी झुठो आरोप लगाईयो तर मेयर साब आफु बिरगंज बासी को लागी यस्ता फटहा कुरामा नलागेर अगाडि बढे भने तिन दिन भित्र अरु कोहि नआएको र मात्र गण्डक अस्पतालको मात्र निवेदन परेकोले महानगरले गण्डक अस्पताल सङ्ग निशुल्क रूपमा सम्झौता गर्‍यो तर त्यो पनि केहि मान्छेहरुलाई पचेन। कसरी पचास सैया संचालन हुन्छ भनेर यो सम्झौता कार्यान्वयन नहोस भनेर त्यसको पछाडी पनि केहि मानिसहरु लागे र यस्ता मनिसहरु लास माथी पनि राजनीतिक गर्न छोडदैन्न भने मेयर साब यस्ता फटहाहरु को कुरा नसुनेर अगाडि बढे र नारायणी अस्पतालको मेसुको नेतृत्वमा एउटा कमिटी बनाए र त्यो कमिटी ले पनि एकदम राम्रो र पचास सैया को covied अस्पताल चलाउन सकिन्छ भने रिपोर्ट दियो र अब अस्पताल चलाउन को लागि नेपाल सरकार सङ अनुमानि लिनको लागि पत्र पनि पठाएको छ यसरी पत्र पताएको पाच दिन भएपनी अहिलेसम्म सरकारले अनुमती दिएको छैन ।

यसरि नेपाल सरकारले अनुमती नदिए पछि अहिलेसम्म covied अस्पताल संचालनमा आएको छैन। मेयर साबका अनुसार नेपाल सरकारले अनुमतिपत्र नदिएको कारण संचालन गर्न सकिएको छैन किन भने सरकारले करोनाको ईलाज निसुल्क गर्ने घोषणा गरेकोले सरकारको अनुमति लिन आवश्यक रहेको मेयर साब को भनाइ छ भने चार जिल्लाको बिरामी हरु उपचारको लागि आउने नारायणी अस्पताल को अहिले सबै सेवा बन्द गरिएको छ भने यसबाट बिरगंज को प्राइभेट अस्पतालहरु को लागी यो कमाउने मौका मिलेको छ आज गरीब मानिस हरु बधय भएर प्राइभेट अस्पतालमा जानु परेको छ भने चारै तिर बाट करोना को बिरामी हटाएर सबै सेवा संचालन को लागि सबैले माग गरेका छन भने केहि मनिस सरु गण्डक अस्पताल मा करोना अस्पताल नचलोस र प्राइभेट अस्पतालको कमाई भैइरहोस पनि लागेका छन भने कुरा अहिले बजारमा चलेको छ। यसरि एउटा बिरगंज बासी को हैसियतले सबै राजनीतिक दलहरु सङ्ग मेरो के अनुरोध छ भने तपाईहरु कम्सेकम नेपाल सरकार सङ्ग गण्डक अस्पताल लाई covied अस्पताल संचालन को अनुमति छिटोभन्दा छिटो दिलाउन प्रयास गरिदिनुस भने तपाईं हरुको यो प्रयास बाट गरिबहरुको एउटा मात्र उपचार को लागि आशाको केन्द्र नारायणी अस्पताल चलाउन सकियोस् ।

लेखक मुकेश द्विवेदी वीरगंज महानगरपालिकाका मेयरका राजनितिक सल्लाहकार हुन् ।