Date
आइत, मंसिर ६, २०८३
Sun, November 22, 2026
Home Blog Page 986

छिपहरमाई, जगरनाथपुर र जिराभवानीका एक सय ९ जनाकाे स्वाब संकलन

0

वीरगंज । पर्साकाे छिपहरमाई, जगरनाथपुर र जिराभवानी गाउँपालिकाका एक सय ९ जनाकाे पिसिआर परिक्षणकाे लागि एक सय ९ जनाकाे स्वाब संकलन गरिएकाे छ ।

छिपहरमाई गाउँपालिकाकाे क्वारेन्टाइनमा रहेका ५७ र क्वारेन्टाइनमा १४ दिन सम्म बसेर घर गइसकेका ८ जना गरी ६५ जनाकाे पिसिआर परिक्षणकाे लागि स्वाब संकलन गरिएकाे हाे । क्वारेन्टाइन स्थल श्री मंगल मावि भिस्वामा नेपाल आर्मीकाे टाेलीद्वारा आज स्वाब संकलन गरी पिसिआर मेसिनबाट काेराेना परिक्षणकाे लागि वीरगंज स्थित नारायणी अस्पतालमा पठाइएकाे हाम्रा सम्वाददाताले जनाएका छन् ।

यस्तै पर्सा कै जगरनाथपुर गाउँपालिकामा समेत ४४ जनाकाे स्वाब संकलन गरिएकाे छ । वडा नं. ३ स्थित बिजबनियामा आज वीरगंजबाट आएकाे नेपाल आर्मीकाे टाेलीले जिराभवानी गाउँपालिका १० जना गरी ४४ जनाकाे स्वाब संकलन गरेकाे जगरनाथपुर गाउँपालिकाका प्रमुख प्रशासकिय अधिकृत अमित कुमार गिरीले वताउनुभयाे ।

गाउँपालिकाकाे क्वारेन्टाइनमा रहेका २१ जना र अन्य १३ जना गरी जगरनाथपुरका ३४ जनाकाे स्वाब संकलन गरी पिसिआरबाट काेराेना परिक्षणकाे लागि वीरगंज स्थित नारायणी अस्पतालमा पठाइएकाे जगरनाथपुर गाउँपालिकाका स्वास्थ्य संयाेजक प्रभेन्द्र साहले वताउनुभयाे ।

बिजबनिया स्वास्थ्य चाैकीकाे नवनिर्मित भवनमा रहेका गाउँपालिकाकाे क्वारेन्टाइनमा बसेका सबै जनाकाे स्वाब संकलन गर्नुकाे साथै एक जना माैलवी, ३ जना अन्य मुस्लिम समुदायका व्यक्ती र स्वास्थ्यकर्मीहरुकाे स्वाब संकलन गरिएकाे साहले जानकारी गराउनुभयाे ।

मु्स्लिम समुदायका ३ जनाले आफ्नाे इच्छाले काेराेना परिक्षणकाे लागि स्वाब संकलन गराएकाे उहाँले वताउनु भयाे ।

कोभिड-१९, अहिलेको परिवेश एवम समधान र सरकारलाई प्रशन ?

0

मानवजातिको इतिहास हेर्ने हो भने हामी धेरै किसिमका महामारीको चपेटमा परेको छौ | तर अहीले चलिरहेको महामारी, मानवजातीको इतिहासमा पहिलो पटक बिश्वलाइ नै डिस्टर्ब गरेको छ | यो महामारीले सम्पुर्ण मानवजातीलाई कैदी हुने अवस्था सिर्जाना गरेको छ | तसर्थ सबैले यो घडीमा आफुलाई असुरक्षीत मससुस गरिरहेका छन | नया कुरा के पनी आएको छ भने , पहिलो पटक होला सायद सबै वर्ग समान चिन्तित देखिएका छन | यसको निकासको निम्ती बिश्वका शक्तिशाली मुलुकहरु साथै अन्य मुलुकहरु पानी यसको उपचारको लागी औषधी खोजीमा व्यस्त देखिन्छन | यसले विश्व भरीका मुलुकहरु लाइ समान स्थानमा ल्याए पनी, माइग्रेन्ट मजदुर वर्गलाइ पिडा थपेको छ| श्रमिक मजदुरहरुको अवस्था दिन दिनै नाजुक हुदै गइरहेको छ | उनीहरुको जीवन अर्पण गर्ने अधार पूर्ण रुपले लथालिङ्ग एवंम भताभुङ्ग बनाएको छ |

यो समस्याको प्रवृधि ठुलो भएको हुनाले सरकारको भूमिका अत्यन्त आवश्यक छ | आम नागरिक देखि सरकारको माथिलो निकाय सम्मको सहकार्य हुन् जरुरी छ | नेपालको परिवेशमा हेर्ने हो भने , श्रमिक वर्गको वकालत गर्ने पार्टीनै सत्ता चलाइरहेको छ | लामो समय देखी श्रमिक वर्गको एडभोकेशी गर्दै आएको नेपाल कम्युनिष्ट पार्टी(नेकपा) को केन्द्रमा लगभग २/३ को बहुमतको सरकार छ र प्रदेश सरकारहरुमा ७ मध्ये ६ मा नेतृत्व लिएको छ | यस अवास्थामा यो प्रकारको सरकार हुनु सकारात्मक कुरा हो | यो बिशेष परिस्थितिमा सरकारले दुइवटा मुख्य कदम चाल्नु पर्ने आवस्यकता छ | पहिलो नागरिकको स्वास्थ सम्बन्धि चासो मुख्य हुनु पर्छ र अर्को फेजमा श्रमिक वर्गको जीवन चर्या चलाउन प्रसस्त राहतको व्यवस्थापन गर्नु पर्द छ | हाम्रो मुलुकको जनचेतना स्थर कम भएको हुनाले , जनचेतना प्रसस्त मात्राम फैलाउन पर्छ | कोभीड-१९ सम्बन्धि सुचना सामाजिक संजाल एवंम बिधुतिय मेडियाको मार्फतले जनसमुदायमा पुर्याउन सक्नु पर्छ |

हामी समाजिक प्राणि हौ, समाजमा स्वाभाविक रुपमा हरेक किसिमका मान्छे हुन्छन | यहा राजीनितिक साथै गैरराजनीतिक सबै चरित्रका व्यक्ति हुन्छन र यहि बाटनै हामीले जनप्रतिनिधि पानी चुनेका हुन्छौ । हामीले चुनेका सबैले काम गर्न नसक्नुको कारण के होला ? चाहिने जतिको बचेट छ, अधिकार प्राप्त हुदा पानी किन असफल ? किनभने , कुनै पानी काम गर्न इच्छा शक्ति चाहिन्छ र हामीले चुनेका केही पात्रहरुको गैर राजनीतिक चरित्रका हुन्छन | तसर्थ हामी निरास हुनु पर्छ |

प्रतेक दिन हजारौको संख्यामा श्रमिकहरु सडकमा अलपत्र परेको हामी संचार माध्यम र सामाजिक संजालमा देखछौ र हामी संग सरकारको आलोचना बाहेक केही गर्न सक्दैनौ |

अब प्रश्न आउँछ , आखिर किन सरकार मौन छ ? बिदेशमा फसेका नागरिकको उद्दार किन गर्न सकिरहेको छैन ? श्रमिक मजदुरहरु लाइ अहिले सम्म ब्यवास्ठापं किन गर्न सकिएन?

जुन वर्गको राजनीतक पौहुच छैन | सामाजिक स्थरबाट कमजोर देखिन्छन , त्यो वर्गको लागि नाबोल्दिनु अहिलेको राजनीतक नेतृत्वहरुको लागि श्राप नबन्ला भन्न सकिन्न | राहतकै कुरा गर्ने हो भने यो वर्ग अत्यधिक पिडित छ , सायद जनप्रतिनिधिहरु गैर राजनीतिक भएर पनि होला | जनप्रतिनिधिहरु राजनीतिक भएका भए , यो समस्या हुदैन थियो होला | तसर्थ जिम्मेवारी बोध गर्न आहिलेको आवस्यकता हो | हाम्रो देश सायद लामो सम्म लक् डाउन थेग्न नसक्ला | आर्थिक भार दिन दिनै बढिरहेको अवस्था छ , कलकरखाना बन्द ठप्प परेको अवस्था छ | मुलुकले ठुलो आर्थिक भार सहन नसकने आवस्था छ | पर्यटन वर्ष स्थगित हुन साथ् , त्यो क्षेत्रमा परेको समस्या पनि ठुलो छ | पर्यटन मजदुरहरु को व्यवस्थापन मूल च्यालेन्ज हुन सक्छ | तसर्थ , स्तार्कथा अपनाउदै सरकारले यो बेला उध्ययोगहरु संचालनमा लयाउनुको विकल्प छैन |

                                                                                                छाेटेलाल यादव
                                                                                                  प्रदेश कमिटी सदस्य
नेपाल कम्युनिष्ट पार्टी (नेकपा) प्रदेश २  

संचारमाध्यममा नाकारात्मक टिका टिप्पणी नगर्न अध्यक्ष यादवकाे आग्रह

0

वीरगंज । समाजवादी पार्टी पर्साका अध्यक्ष रामनरेश यादवले संचारमाध्यममा टिका टिप्पणी नगर्न पार्टीका नेता, कार्यकर्तालाई आग्रह गर्नु भएकाे छ ।

अध्यक्ष यादवले आज एक प्रेस विज्ञप्ती जारी गर्दै देशको बैकल्पिक शक्ति निमार्णको यस घडिमा समाजबादी पार्टीपर्साका केहि नेता तथा कार्यकर्ताहरुले रेडियो, टी.बी, समाजिक संजाल मार्फत एकअर्का प्रति गरेको टिप्पणी, दोषारोपण प्रति पार्टीको गंभिर ध्यानार्कषण भएको वताउनु भएकाे छ ।

यादवले जारी गर्नु भएकाे प्रेस विज्ञप्ती मार्फत सम्पुर्ण पार्टीका नेता तथा कार्यकर्ताहरु अब उपरान्त रेडियो, टी.बी, समाजिक संजालमा एकअर्का प्रतिको नाकारात्मक टिप्पणी नगरिदिन हुन सम्पुर्ण पार्टी पंक्तिमा अनुरोध गर्दै कुनै किसिमको असहजता महसुस भएको खण्डमा आपसी समन्वय र सहकार्यबाट नितिगत रुपमा पहलकदमी गर्न समेत अनुरोध गर्नु भएकाे छ ।

अब उपरान्त कुनै किसिमको नाकारात्मक टिका टिप्पणी गरेको देखिएमा पार्टीले पार्टीको बिधि र बिधान अनुसार आवश्यक कारवाही गरिने समेत अध्यक्ष यादवले हस्ताक्षरकाे विज्ञप्तीमा उल्लेख छ ।

छिपहरमाईमा एक बालिकाकाे पाेखरीमा डुबेर मृत्यु

0

वीरगंज । पर्साकाे छिपहरमाई गाउँपालिका वडा नं. ४ बंजारीमा आज एक बालिकाकाे पाेखरीमा डुबेर मृत्यु भएकाे छ ।

वीरगंज महानगरपालिकाकाे वडा नं. २७ उदयपुरघुर्मी घर भएका माेतिलाल यादवकी ७ बर्षिय अंजली कुमारी यादवकाे पाेखरीमा डुबेर मृत्यु भएकाे प्रहरीले जनाएकाे छ ।

बन्जारी स्थित शिव राउतकाे घरमा (मामा घर) आएकी अंजलीकाे माछा मार्ने क्रममा पाेखरीमा डुबेर मृत्यु भएकाे इलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनुभयाे ।

बालिकाकाे पाेखरीमा डुबेर मृत्यु भएकाे खबर थाह पाए लगतै प्रहरी घटना स्थलमा पुगी शवकाे मुचुल्का उठाई परिक्षणकाे लागि नारायणी अस्पतालमा पठाउने कार्य गरि रहेकाे प्रहरी निरिक्षक सिंहले जानकारी गराउनु भयाे ।

बिश्व रेडक्र्स दिवसकाे अवसरमा विभिन्न कार्यक्रम

0

वीरगंज । रेडक्र्सका जन्मदाता जाँ हेनरी ड्युनाको जन्मदिनको अवसर पारेर आजका दिन विश्वभरी नै बिश्व रेडक्र्स दिवस मनाउने गरिएकोमा यस बर्ष कोरोना महामारी संक्रमणलाई ध्यानमा राखी पर्सा रेडक्र्सले पनि विभिन्न कार्यक्रम गर्दै दिवस मनाएको छ ।

नेपाल रेडक्र्स सोसाइटी पर्सा जिल्लाका उपसभापति श्रीमती मधु राणाको अध्यक्षतामा झन्डोतोलन कार्यक्रम गरि जन्मदाताको तस्बिरमा माल्याअर्पण गरि पानसमा दिपप्रजवलन गरि सहभागी सबैमा सो दिवसको मन्तव्य सहित शुभकामना आदानप्रदान गर्ने कार्य गरिएको थियो ।

झण्डोतोलन एवं दिपप्रज्वलन पछि स्व.गिरिजा प्रसाद कोइराला फाउन्डेसनको सहयोगमा रेडक्र्स भवन र रक्तसञ्चार केन्द्रको भवनलाई सेनिटाइज गर्ने कार्यमा मन्त्री शैलेन्द्र कुमार चौरासीया, कोषाध्यक्ष महन्थ प्रसाद यादव, उपमन्त्री साबिर अहमद एराज, दिनानाथ रौनियार, लालबाबु सिह, भरत शर्मा, राजु शाह, उदर राज शर्मा, उमेस मिश्र, बिरशम्सेर प्रसाद कुर्मी, लक्ष्मीनारायण राउत, मन्ताज मिया लगायतको उपस्थिति रहेको थियो ।

बिश्व रेडक्र्स दिवसकै अवसर पारेर नेपाल रेडक्र्स श्रीपुरमुर्ली उपशाखाको आयोजनामा रक्तदान कार्यक्रम उपशाखाका सभापति दयाशन्कर सिंहको अध्यक्षतामा आयोजना गरिएको थियो । उक्त कार्यक्रममा ८ जना महिला सहित ३१ जनाले रक्तदान गरेका थिए ।

कार्यक्रममा रक्तदान गर्ने सम्पुर्ण रक्तदाताहरुलाइ प्रमाणपत्र प्रदान गरि शुभकामना एवं धन्यवाद ब्यक्त गरिएको थियो । रक्तदान कार्यक्रममा रक्तसञ्चार केन्द्रका सुजित पटेल, सन्दिप कुश्वाहाले प्राबिधिक सहयोग गरेका थिए ।

यस्तै रेडक्रस दिवसको अवसरमा पर्सा रेडक्र्स अन्तर्गत रहेका उपशाखाहरुले समेत विभिन्न कार्यक्रम गरि दिवस मनाएको रेडक्र्स पर्साका सहायक राजन श्रीवास्तवले जानकारी गराए ।

कटीमठको जग्गामा बषौदेखि एउटै व्यक्तिको रजाई, अबैध जग्गा कब्जामुक्त

0

पकहामैनपुर । पर्साको पकहामैनपुर गाउँपालिका वडा नं.२ सुर्जाहामा रहेको कटी मठको करिब ६ विगहा जग्गा बर्षौदेखि एउटै व्यक्तिले अबैध रुपमा भोग चलन गर्दै आएको रहस्य खुलेको छ ।

मठ, मन्दिर, पाटी पौवाको संरक्षणको जिम्मेवारी स्थानिय तहले पाएपछि उक्त गाउँपालिकाका केहि अगुवाहरु जग्गा नाप नक्सा गरी मठ संरक्षणमा तदरुकता देखाउनुपर्ने गाउँपालिका समक्ष लिखित निवेदन दिएपछि गाउँपालिकाले अमिन खटाएर उक्त जग्गाको नापी गरेपछि ठेक्का सकार भएको जग्गाभन्दा करिब ६ विगहा जग्गा अबैध रुपमा भोगचलन हुदै आएको रहस्य खुलेको हाे ।

राधाकृष्णा भगवान कटीमठको नाममा रहेको उक्त जग्गा बर्षौदेखि मठ व्यवस्थापन समितीको अध्यक्ष समेत रहेका दिनानाथ साह तेलीले अबैध रुपमा भोग चलन गर्दै आएको स्थानिय अगुवा शम्भु यादवले आरोप लगाउनुभयो । गुठी संस्थान मातहत मठ नजिकै रहेको २८ विगहा जग्गा मध्ये गुठी संस्थान शाखा कार्यालय पर्साले विगतदेखि नै २० विगहा १४ कठा खेतीयोग्य जग्गा ठेक्का गर्दै आएको छ ।

बाकी रहेको ६ विगहा जग्गा मठ संचालन खर्चको लागि गुठी संस्थानले छुटयाएको भएपनि निवर्तमान समितीका अध्यक्ष दिनानाथ साहले आफनो निजी सम्पति ठानेर अबैध रुपमा भोगचलन गर्दै आएको स्थानिय युवा तथा मठको संरक्षणको लागि गाउँपालिकाबाट जिम्मेवारी पाएका जन मनजय दासले आरोप लगाउनुभयो ।

मठकोे सरकारी जग्गा मठ व्यवस्थापन समितीको मिली भगतमा चलन चल्तीभन्दा कम भाउमा ठेक्का हुदै आएको स्थानिय धुरुप साहले बताउनुभयो ।

वि.स.२०२९ सालदेखि गुठी संस्थान मातहत रहि राधेकृष्ण भगवान कटीमठको नाममा मठ नजिकै रहेको २९ विगहा जग्गामध्ये गुठी संस्थान शाखा कार्यालय पर्साले ठेक्का गरेको २० विगहा १४ कठठा जग्गा पकहामैनपुर गाउँपालिका वडा नं.२ मधुबनीका ठेकेदार संजय साह तेलीको नाममा २०७४ सालमा प्रति कठा ६० किलो प्रति बर्ष दिने गरि ठेक्का सकार गर्न लगाई नेपाली कांग्रेसका नेता निचुटा निवासी असर्फी साह र निवर्तमान अध्यक्ष दिनानाथ साहले करिब २७ विगहा खेतीयोग्य जग्गा भोगचलन भोग चलन गर्दै आएका छन् ।

यता मठ व्यवस्थापन समितीका निवर्तमान अध्यक्ष दिनानाथ साहले भने मठको संरक्षणको लागि आफुले बर्षौदेखि लागि परेको बताउदै आफुले अबैध रुपमा नभई ठेकेदारबाट उखु खेतीका लागि केहि मात्र जग्गा लिएको बताउनुभयो । ठेक्काभन्दा बढी जग्गा आफुले नभई ठेकेदारले नै जोतखोन गर्दै आएको वहाले बताउनुभयो ।

निवर्तमान अध्यक्ष साहले मठको जग्गा नाप नक्सा गरि ठेक्का अनुसारको जग्गा मात्र ठेकेदारलाई दिनुपर्ने आफुहरु समितीबाट निर्णय गरिसकेको दाबी गर्नुभयो । निवर्तमान अध्यक्ष साहका अनुसार यदि ठेक्काभन्दा बढी जग्गा ठेकेदारले भोगचलन गरेको भए बाकी जग्गाको बाली मठलाई दिनुपर्ने बताउनुभयो ।

राधाकृष्ण भगवान सुर्जाहा कटीमठको नाममा ६४ विगहा जग्गा रहेको छ । उक्त जग्गामा गुठी संस्थान र मठका महन्थ सुरेन्द्र दासबीच हकभोगको विषयलाई लिएर बर्षौदेखि सर्वोच्चमा मुदा चल्दै आएको छ ।

स्वास्थ्यकर्मी र सुरक्षाकर्मीकाे सम्मानमा पर्सामा पनि दिप प्रजवलन

0

वीरगंज । प्रधानमन्त्रीकाे आवहानमा मूलक भर जस्तै पर्सामा पनि आज सांझ दिप प्रजवलन गरिएकाे छ । बिश्व शान्तिका प्रतीक सिदार्थ गाैतमबुद्धकाे स्मरणमा र काेराेना महामारी विरुद्धकाे लडाईमा खटिरहेका स्वास्थ्यकर्मी र सुरक्षाकर्मीकाे सम्मानमा पर्साकाे सदरमुकाम वीरगंज लगायत ग्रामिण भेगमा पनि दिप प्रजवलन गरिएकाे हाे ।

यस्तै पाेखरिया नगरपालिकाकाे कार्यालयमा समेत दिप प्रज्वलन गरिएकाे छ ।

प्रधानमन्त्रीकाे आवहानमा बिश्व शान्तिका प्रतीक सिदार्थ गाैतमबुद्धकाे स्मरण गर्न, काेराेना महामारी विरुद्धकाे लडाईमा अग्रभागमा खटिरहेका चिकित्सक, नर्स, स्वास्थ्यकर्मी, सुरक्षाकर्मी, एमबुलेन्स चालक लगायतका राष्ट्रसेवक र स्वयंसेवकहरु प्रति उच्च सम्मान सहित हाैसला  प्रदान गर्न, विश्वमा काेराेना संक्रमणबाट मृत्यु भएकाहरुकाे चिरशान्तिकाे कामना र काेराेना संक्रमणका बिरामीहरुकाे शीघ्र स्वास्थ्य लाभकाे लाभकाे कामना गर्दै दिप प्रजवलन गरिएकाे पाेखरिया नगरपालिकाका मेयर दिपनारायण राैनियारले वताउनु भयाे ।

लकडाउनमा पनि तस्करी, दशगाजामा पक्राउ परेकाे ट्रेक्टर छाेडियाे

0

वीरगंज । लकडाउनमा पनि पर्साकाे ग्रामिण भेगकाे खुल्ला सिमा नाका भएर हुने गरेकाे तस्करी रुकन सकेकाे छैन् ।

छिपहरमाई गाउँपालिकाकाे वडा नं. १ मिर्जापुर र भलुवहिया, वडा नं. ५ स्थित पर्ने भिस्वा लगायतकाे सिमानाकाबाट लकडाउनमा पनि हुने गरेकाे तस्करी रुकन नसकेकाे हाे ।

बिश्वभरी महामारीकाे रुपमा फैलिएकाे काेराेना भाइरस संक्रमण राेकथाम तथा नियन्त्रणकाे लागि भएकाे लकडाउनमा पनि भारतिय र नेपाली तस्करहरु पर्साकाे ग्रामिण भेगकाे मिर्जापुर – भलुवहिया सिमा नाका तस्करीकाे मूल हब बनाएका छन् ।

यसै बिच बुधबार विहान छिपहरमाई गाउँपालिका वडा नं. १ मिर्जापुर स्थित सिमाबाट एक ट्रेक्टर किराना सामान सशस्त्र प्रहरी बाेर्डर आउट पाेष्ट बन्जारीले पक्राउ गरेकाे थियाे ।

समाचार स्राेतका अनुसार त्येसकाे केही बेरमा भारतिय नम्बरकाे ट्रेक्टरमा लाेड रहेकाे चिनी, मैदा, सुजी, खाने तेल, आलु, पियाज, बिस्कुट गुट्खा, सुर्ती लगायतका किरा सामग्री छुट्टाउन मिर्जापुरका स्थानियहरु जम्मा भई केही बेर हुहल्ला गरे पछि तस्करहरु इन्जिन लिएर भाग्न सफल भए ।

त्ससकाे केही बेरमा किराना सामग्री लाेड रहेकाे बाकी रहेकाे टेलर पनि सशस्त्र प्रहरीले छाेडि दिएकाे थियाे ।

यस बिषयमा सशस्त्र प्रहरी बाेर्डर आउट पाेष्ट बन्जारीका प्रहरी निरिक्षक हरि पराजुलीसंग बुझ्दा दशगाजा क्षेत्रमा मान्छे मरेकाे बेला काम क्रियाकाे लागि ल्याउदै गरेकाे आलु, प्याज लगायतकाे किराना सामग्री हामीले राेकेर फिर्ता पठाइदिएकाे वताए ।

यस्तै भिस्वा स्थित खुल्ला सिमा नाका भएर सशस्त्र प्रहरी कै मिलाेमताेमा तस्करी भइरहकाे हाम्रा सम्वाददाताले जनाएका छन् ।

पाेखरियामा ६ थुनुवा सहित १५ जनाकाे स्वाब संकलन

0

वीरगंज । पाेखरिया नगरपालिकाकाे क्वारेन्टाइनमा रहेका र इलका प्रहरी कार्यालय पाेखरियाकाे थुनुवामा रहेकाहरुकाे काेराेना परिक्षणकाे लागि आज स्वाब संकलन गरिएकाे छ ।

क्वारेन्टाइनमा रहेका ८ जना, थुनुवामा रहेकाे ६ जना र अन्य एक जना गरी १५ जनाकाे काेराेना परिक्षकाे लगि स्वाब संकलन गरिएकाे पाेखरिया नगरपालिकाका मेयर दिपनारायण राैनियारले वताउनु भयाे ।

पाेखरिया अस्पतालकाे चिकित्सकाे टाेलीद्वारा सबैकाे स्वाब संकलन गरिएकाे मेयर राैनियारले वताउनुभयाे ।

पाेखरिया अस्पतालका मेसु डा. अनिल यादवकाे नेतृत्वकाे टाेलीद्वारा सबैकाे स्वाब संकलन गरि काेराेना परिक्षणकाे लागि नारायणी अस्पताल वीरगंज पठाइएकाे हाे ।

स्वाब संकलन गर्ने टाेलीमा पाेखरिया अस्पतालका ल्याब टेकनिसियन सागिर अहमद, सुसिल चाैरसिया, दिपिका सिंह लगायतका रहेका थिए । मेयर राैनियारकाे उपस्थिती गरिएकाे स्वाब संकलनमा नगरपालिकाका स्वास्थ्य संयाेजक काैसलेन्द्र मिश्राकाे समेत उपस्थिती रहेकाे थियाे ।

यस अघि श्री जिल्ला उच्चांगल रामदेव कलवार मावि पाेखरियामा रहेकाे नगरपालिकाकाे क्वारेन्टाइनमा १७ जनालाई १४ दिन सम्म राखि काेराेना परिक्षण गरी घर पठाइसकिएकाे छ ।

कालिकामाईकाे क्वारेन्टाइनमा रहेका २२ जनाकाे काेराेना रिपाेर्ट नगेटिभ

0

वीरगंज । पर्साकाे कालिकामाई गाउँपालिकाकाे क्वारेन्टाइनमा रहेका २२ जनाकाे काेराेना परिक्षण गरिएकाे छ ।

वडा नं. ३ हरिहरपुर स्थित श्री ने.रा. आधारभुत विद्यालयकाे क्वारेन्टाइनमा रहेका १४ जनाकाे आरडिटी टेस्ट र ८ जनाकाे पिसिआर टेस्ट गरिएकाेमा सबैकाे रिपाेर्ट नगेटिभ आएकाे गाउँपालिकाका स्वास्थ्य सह संयाेजक महेन्द्र चाैरसियाले वताए ।

क्वारेन्टाइनमा रहेका २९ जना मध्ये काेराेना परिक्षण गरिएका २२ जनाकाे रिपाेर्ट नगेटिभ आए पछि तिनिहरुकाे अभिभावकाे जिम्मा लगाइएकाे चाैरसियाले जानकारी गराए । अभिभावकका जिम्मा लगाइएका सबै जनालाई एक हप्ता सम्म हाेम क्वारेन्टाइन मै बस्नु पर्ने छ ।

क्वारेन्टाइनमा रहेका ७ जना काेराेना परिक्षण गर्न अझै वाकी रहेकाे आज फेरी नयाँ ३ जनालाईलाई क्वारेन्टाइनमा राखिएकाे स्वास्थ्य चाैकी बिरन्चीबर्वाका प्रमुख निरन्जन चाैरसियाले वताए । पालपाबाट ट्रकमा आएका तिनै जनालाई क्वारेन्टाइनमा राखिएकाे प्रमुख चाैरसियाले जानकारी गराए ।

हाल एक महिला सहित १० जना गाउँपालिकाकाे क्वारेन्टाइनमा रहेकाे छन् भने  ति सबै जनालाई १४ दिन सम्म क्वारेन्टाइन मै बस्नु पर्ने छ । सबै जनाकाे पिसिआर परिक्षण गरिने छ ।