Date
आइत, मंसिर ६, २०८३
Sun, November 22, 2026
Home Blog Page 985

छिपहरमाई गाउँपालिकाकाे १३ जनामा काेराेना संक्रमण

0

वीरगंज । पर्साकाे छिपहरमाई गाउँपालिकाकाे १३ जनामा काेराेना संक्रमण देखिएकाे छ । गाउँपालिकाकाे क्वारेन्टाइनमा रहेकाहरुकाे स्वाब संकलनकाे आज आएकाे पिसिआर रिपाेर्ट अनुसार १३ जनामा काेराेना संक्रमण देखिएकाे गाउँपालिका स्वास्थ्य संयाेजक शम्भु साहले वताए।

छिपहरमाई गाउँपालिकाका १० जना भन्दा बढीमा काेराेना संक्रमण देखिएकाे नारायणी अस्पतालका मेसु डा. मदन कुमार उपाध्यायले समेत पुष्टि गरे ।

उनले भने “आज आएकाे पिसिआर रिपाेर्ट अनुसार पर्साका ३९ जनामा काेराेना संक्रमण देखिएकाे हाे । ति मध्ये वीरगंज महानगरपालिकाकाे वडा नं. २, ३, ११, १६, १७, १८ र छिपहरमाईकाे संक्रमितहरु देखिएका हुन् । यसका अलावा केही पत्रकारहरुमा समेत संक्रमण देखिएकाे छ, अहिले हामी भेरिफाइ गर्दै छाैं केही समय पछि किलियर हुन्छ ।”

काेभिड अस्पताल संचालनकाे लागि निजि अस्पतालका संचालकसंग छलफल

0

वीरगंज । काेभिड अस्पताल संचालनकाे लागि वीरगंज महानगरपालिकाकाले वीरगंजका निजि अस्पतालका संचालकहरुसंग आज छलफल गरेकाे छ ।

महानगरपालिका कार्यालयमा भएकाे छलफलमा बिरगंजमा दुई किसिमको आईसुलेसन वार्डकाे संचालन गर्नु पर्ने सहमती भएकाे छ । निजि अस्पतालका संचालकहरुसंग भएकाे छलफलमा वीरगंजमा काेभिडकाे १९ काे जाेखिमलाई ध्यानमा राखी दुई किसिमकाे आइसाेलेसन वार्ड संचालन गर्न सहमती मएकाे वीरगंज महानगरपालिकाका मेयर विजय कुमार सरावगीले वताउनु भयाे ।

काेराेनाकाे बिरामी मध्ये जसमा कुनै किसिमको लक्षण छैन त्यस्लाई छुट्टै उपचार गर्नको लागी २ सय बेडको सिमि आईसुलेसन र अर्को सबै लक्षण भएका बिरामीकाे सघन रूपमा नै उपचार गर्नु पर्ने भएकाेले छुट्टै पचास बेडको पुर्ण उपकरण भेन्टिलेटर सहितकाे आईसुलेसन गण्डक अस्पतालमा चलाउने निर्णय भएकाे मेयर सरावगीले  जानकारी दिए ।

बैठकमा सहभागि सबै निजि अस्पतालका संचालकहरुले पनि आफूहरु काेभिड अस्पतालका लागि उपकरण र जनशक्ति दिने कुरामा सहमत भएकाे उहाँले वताउनुभयाे।

यसरि संचालन हुने दुईटै आईसुलेसन वार्डको नेतृत्व महानगरले प्रदेश र संघ सरकारको सहकार्यमा गर्ने छ भने वीरगंजका सबै निजि अस्पतालका संचालकहरुले आफूहरु कुन कुन उपकरण र कति कति जनशक्तीहरु दिने भोलि सम्ममा महानगरमा जानकारि गराउने छ्न् भने भोलि सम्म २ सय बेडको सिमि आईसुलेसन कुन ठाउँमा संचालन गर्ने कुराको समेत निर्णय हुने मेयर सरावगीले बताउनु भयाे ।

वीरगंजको अवस्था कस्तो हुने र त्यसको लागी हामी कतिको तयार छौ भने बिषयमा समेत बिस्तृत रुपमा छलफल भएको मेयर सरावगीका राजनितिक सल्लाकार मुकेश द्विवेदीले वताउनुभयाे । महानगरकाे आयाेजनामा भएकाे समन्वय बैठकमा भारत र हाम्रो देशमा करोना संक्रमितको संख्या बढदै गएको र झन वीरगंज नेपालको प्रमुख प्रदेशद्वार भएको र भारतसंग हाम्रो सिमाना जिडिएकोले हामी एकदम उच्च जोखिममा रहेका बैठका सहभागिहरुले भनाई रहेकाे द्विवेदीले जानकारी गरानुभयाे ।

त्यसैले चाहिएको जती अहिलेसम्म हामी पिसिआर परिक्षण गर्न नसकेकोले र हामी एकदम खतराकाे अवस्थामा छौ भने निजि अस्पतालका संचालकहरु सतर्क गराए । यसकाे लागि पुर्ण रुपले सबैको सहयोग लिएर गम्भीर रूपमा अगाडि बढेर ठुलो स्तरमा चेक जाच नगराए बिरगंज करोनाको ईपिक सेन्टर बन्न सक्ने चिन्ता समेत ब्यक्त गरेका थिए ।

नेशनल मेडिकल कलेजका तर्फबाट बैठकमा सहभागी एकजना चिकित्सकले भने नारायणी अस्पतालबाट कोभिड अस्पताल हटाउन नहुने बिचार ब्यक्त गरेका थिए ।

नारयाणी अस्पताललाई कोभिड अस्पतालका रुपमा संचालन गरेपछि त्याहा उपाचारलागि आउने नियमित स्वास्थ्य जाँचका बिरामीहरुको नेशनल मेडिकल कलेजमा उपचार हुदै आएको र त्यसबाट सरकारी भन्दा कैयौ गुणा बढी रकम लिन पाएकोले पनि मेडिकलकलेजका प्रतिनिधिले अन्यत्र कोभिड अस्पतालको स्थापनाको कुरा ठिक नहुने तर्क गरेका हुन ।

नेशनल मेडिकल कलेजका प्रतिनिधिले  नारायणीबाट कोभिड अस्पताल नहटाउन प्रस्ताव पेश गरेपछि बैठकमा भनाभन भएको थियो ।

बैठकमा मेयर सरावगीले आफू यस्तो बिकट घडिमा वीगंजबासीको स्वास्थ्य प्रति गम्भीर भएको र आफू हरेक किसिमको चाहिने ब्यवस्था गर्न तयार रहेको र मानव अस्तित्व माथि नै संकट परेको यस महामारीबाट लडन सबैको साथ र सहयाेग आवश्यकता रहेकाे वताएका थिए ।

मेयर सरावगीकाे अध्यक्षतामा भएकाे बैठकमा नारायणी अस्पतालका मेसु डा मदन कुमार उपाध्याय, वीरगंज महानगरपालिकाका निमित प्रमुख प्रशासकिय अधिकृत अरुण कुमार महताे, नेशनल मेडिकल कलेजका मेडिकल डाइरेक्ट्र डा प्रमाेद सरार्फ लगायतकाे उपस्थिति रहेकाे थियाे ।

थप १३ जनामा संक्रमण पुष्टि, संक्रमितकाे संख्यामा १३४ पुग्याे

0

काठमाडौं । सोमबार एकैदिन नेपालमा २४ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार कपिलवस्तु, रुपन्देही र बर्दियामा सोमबार साँझ १३ जना नयाँ संक्रमित थपिएका हुन्। याेसंगै संक्रमितकाे संख्या एक सय ३४ पुगेकाे छ ।

यसअघि सोमबार नै ११ जनामा कोरोना भाइरसको संक्रमण पुष्टि भएको थियो। योसँगै नेपालमा कोरोना भाइरस संक्रमितको संख्या १ सय ३४ पुगेको हो। मन्त्रालयका अनुसार सोमबार साँझ पुष्टि हुनेमा कपिलवस्तुमा ६, रुपन्देहीमा ६ र बर्दियामा १ गरी १३ जना संक्रमित थपिएका हुन्।

मन्त्रालयका सहप्रवक्ता डा समिरकुमार अधिकारीका अनुसार कपिलवस्तुको यशोधरा गाउँपालिका ८ र बुद्धभुमि नगरपालिका ७ का १५, १९, २३, ३०, ३२ र ३८ वर्षीय पुरुष, रुपन्देही समरीमाई गाउँपालिका ७ र लुम्बिनी संस्कृतिक गाउँपालिका ६ का २४, २६, २७, ३०, ३२ र ४० वर्षीय पुरुष र बर्दियाको राजापुर ५ का ११ वर्षीया किशोरीमा संक्रमण पुष्टि भएको हो।

उनीहरु सबैको स्वास्थ्य अवस्था सामान्य रहेको र स्वास्थ्यकर्मीको सम्पर्कमा रहेको सहप्रवक्ता अधिकारीले जानकारी दिए।

अब नेपालि जनता चुप बस्ने छैनन्

0

भारतले केहि दिन पहिला नेपाली भूमि लिपुलेकमा बनाएको सडक उद्धघाटन गरेको कार्यप्रति नेपालमा व्यापक विरोध भएको छ। विश्व नै महामारी बिरुद्ध लडिरहेको बेला आफुलाई नेपालको असल मित्र भन्न कहिलै नचुक्ने भारतले नेपालि भूमि अतिक्रमण गर्नु धोका हो । हुन त नेपाल सरकार स्पष्ट छ र सधै भन्दै आएको छ कालापानी क्षेत्र नेपालको भूभाग हो। तर देशको नक्सामा किन समेट्न सकिएन कुरा अस्चार्या जनक छ ।

नेपाली विज्ञहरू कालापानी क्षेत्र नेपालको भूमि भएको र भारतले बलमिच्याइँ गरेको बताउँछन। तर कालापानी आफ्नो नक्सामा पारेपछि भारत भन्छ, ‘७० वर्षदेखि चलेको सीमा’ हो । भारतको लागि नेपाली भूमि मिच्नु नौलो कुरा हाेइन । यो देशको सार्वभौमिक्तामाथि पटक पटक भारतले हस्तक्षेप गर्दै आएको छ तर अब नेपालि जनता चुप बस्ने छैनन् । मित्र राष्ट्र भन्दै आएको भारतको यो रवैया प्रति नेपालि जनताको गम्भीर ध्यानआकर्षण भएको छ । नेपालले अब यो मुद्दा अन्तराष्ट्रिय स्तर सम्म पुर्‍याउने आवश्यकता देखिन्छ ।

दुष्ट छिमेकीकाे विरुद्धमा नेपालका पुर्व तथा तत्काल सरकार गम्भिरतापूर्वक छलफल नगर्नुको उपज हो । लिपुलेकमा भारतले गरेको सडकको उद्धघाटन । अब पनि सरकारले यस विषयमा गम्भिरतापूर्वक निर्णय लिएन भने कालापानी नेपालले गुमाउने छ । देशमा अब बिरोधको आगो शल्कि सकेको उदाहरण हो । देशकै ठुलो संगठन अनेरास्ववियूले भारतीय प्रधानमन्त्रि नरेन्द्र मोदीको पोखरामा पुत्ला दहन र माइतीघर मण्डलामा बिरोध प्रदर्शन । अब पनि सरकार आफ्नो जिम्मेवारीबाट पंक्षीन खोजे जनताले स्वयम् आफै निर्णय गर्ने छ ।

मेराजुल हवारी
विद्यार्थी नेता
अनेरास्ववियु, पर्सा

पत्रकार दुर्व्यवहारकाे विरुद्धमा प्रदर्शन

0

वीरगन्ज । प्रहरी ज्यादतीको विरोधमा वीरगन्जमा सोमबार पत्रकारहरुले सडकमा धर्ना दिएर प्रदर्शन गरेका छन् । नेपाल पत्रकार महासंघ पर्साको आवहानमा पत्रकारहरुले घण्टाघर चोकस्थित सडकमा सोमबार बिहान ८ देखि साढे ८ बजे सम्म उभिएर धर्ना दिएर प्रदर्शन गरेका थिए ।

प्रदर्शनका क्रममा पत्रकारले सामाजिक दुरी भने कायम राखेका थिए । कोरोना भाइरसको महमारी रोकथाम तथा नियन्त्रणका लागि डेढ महिनादेखि लकडाउन जारी छ । तर लकडाउन पालना गराउने बहानामा प्रहरीले पत्रकारलाई पक्राउ गरी दुर्व्यवहार गर्ने तथा विभिन्न पेशा, व्यवसायदेखि नागरिक समाज र सर्वसाधारणलाई प्रहरीले दुर्व्यवहार गरेको गुनासो बढेको छ ।

प्रहरीले सोमबार मात्रै वीरगन्जको नारायणी एफएम र नयाँ पत्रिकाका संवाददाता तिवारी यादवलाई एफएम स्टेशनबाटै पक्राउ गरेर हातपात गरेको थियो ।

४ घण्टा प्रहरी नियन्त्रणमा राखिएका यादवलाई पत्रकार संगठनको दबाबमा सोमबार बेलुकी साढे ६ बजे रिहा गरिएको थियो । उनको मोबाइल भने प्रहरीकै नियन्त्रणमा छ ।

सोमबार बिहान धर्ना कार्यक्रममा बोल्दै नेपाल पत्रकार महासंघ पर्साका अध्यक्ष श्याम बन्जाराले लकडाउनमा प्रहरीको ज्यादती बढ्दै गएकाले त्यसको विरोधमा महासंघ आन्दोलनमा उत्रिन बाध्य भएको बताए । ‘वीरगन्जमा पत्रकारसँग प्रहरीले अपराधीको शैलीमा व्यवहार गरिरहेको छ’, उनले भने, ‘पत्रकार तिवारी यादवको मोबाइल अझै पनि फिर्ता दिएको छैन, पत्रकार यादवलाई अनाहकमा पक्राउ गरी कुटपिट गर्ने दोषी प्रहरीमाथि कारवाहीको माग गरिए पनि पर्सा प्रहरीले अझै बेवास्ता गरेको छ ।’

नेपाल पत्रकार महासंघ प्रदेश २ का अध्यक्ष दिपेन्द्र चौहानले पर्सा प्रहरीको जनता माथिको व्यवहार असहिष्णु हुदै गएको आरोप लगाए । जनताको करबाट राष्ट्रसेवकको रुपमा काम गर्ने प्रहरीले विना पारिश्रमिक समाजलाई सुसूचित गर्ने सेवामा कार्यरत पत्रकारहरुलाई लाठी चलाएर शासन गर्ने दिवास्वप्न नदेख्न भन्दै उनले प्रहरीलाई चेतावनी दिए ।

मंगलबार विहान १० बजे पुन: घण्टाघरमा प्रदर्शन गरिने र त्यस पछि जिल्ला प्रशासन कार्यालय पर्सामा पुगी प्रमुख जिल्ला अधिकारीलाई ज्ञापन पत्र बुझाउने आन्दाेलनकाे कार्यक्रम रहेकाे महासंघ पर्साका अध्यक्ष बन्जाराले वताउनुभयाे ।

थप १० जनामा कोभिड–१९ पुष्टि, नेपालमा संक्रमितको संख्या १ सय २० पुग्यो

0

काठमाडौं । नेपालमा थप १० जनामा कोभिड–१९ पुष्टि भएको छ। योसँगै नेपालमा संक्रमण पुष्टि भएकाहरुको संख्या १ सय २० पुगेको छ।

स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीद्वारा सोमबार जारी सूचना अनुसार राष्ट्रिय जनस्वास्थ्य प्रयोगशाला, काठमाडौंको प्रयोगशालामा गरिएको परीक्षण अनुसार नयाँ संक्रमण पुष्टि भएको हो।

संक्रमितहरु कपिलवस्तु, यशोधरा गाउँपालिका-५ र बुद्धभूमि नगरपालिका-७ र १० निवासी १८, १९, २०, २०, २४, ३०, ३१, ३४, ३४ वर्षीय पुरुषहरु र एक जना उमेर नखुलेका पुरुष छन्।

संक्रमितहरुको स्वास्थ्य अवस्था सामान्य रहेको बताइएको छ।
नेपालमा संक्रमण पुष्टि भएका १ सय २० मध्ये ३१ जना संक्रमणमुक्त भइसकेका छन्।

पत्रकार दुर्व्यवहारकाे बिराेधमा जिप्रकाकाे समाचार बिहिस्कार गर्न निर्णय

0

वीरगंज । वीरगन्जको सामुदायिक रेडियो नारायणी एफएममा कार्यरत पत्रकार तिवारी यादव रिहा भएका छन् । वीरगन्जको लिंकरोडस्थित एफएम स्टेशनकै प्रवेशद्वारबाट आज दिउसो २ बजे पत्रकार यादवलाई प्रहरीले पक्राउ गरेको थियो ।

पत्रकार यादव ५ घण्टा पछि रिहा भएका हुन । पर्सा प्रहरीको ज्यादतिको बिरुद्धमा नेपाल पत्रकार महासंघ पर्साले आन्दोलनको घोषणा गरेको छ । महासंघ पर्साका अध्यक्ष श्याम बन्जाराले पर्सेली संचारकर्मीहरु आजैबाट जिल्ला प्रहरी कार्यालय पर्साको सम्पुर्ण समाचार बहिष्कार गर्ने र भोली बिहान ८ बजे घण्टाघरमा धर्ना दिने जानकारी गराउनु भयाे ।

अध्यक्ष बन्जाराले पत्रकार माथि भएकाे दुरव्यहारको घोर बिरोध गर्दै दोषी प्रहरीमाथि कारवाही नभए सम्म आन्दोलन गर्ने जानकारी दिनुभयो । पत्रकार यादवको मोबाईल अहिले पनि प्रहरीले नै राखेको छ ।

यता प्रेस संगठन नेपाल पर्साकाे प्रेस विज्ञप्ति जारी गर्दै विश्व महामारीको रूपमा फैलिएको काेराेना भाईरस काेभिड १९ विरूद्ध साझा लडाइँ लडिरहेकाे अवस्थामा पर्सा प्रहरीको पछिल्लाे गतिविधि प्रति संगठनकाे गम्भीर ध्यानाकर्षण भएको जनाएकाे छ ।

प्रेस संगठन पर्साका अध्यक्ष निरज पिठाकाेठे मगरले विज्ञप्ती जारी गर्दै लकडाउनकाे समयमा अतिअावश्यक कामका लागि निस्किएका सर्वसाधारणदेखि स्वास्थ्यक्षेत्र र सञ्चारक्षेत्रमा खटिएका सञ्चारकर्मीमाथि पनि प्रहरीले दुर्व्यहार गरेकाे एकपछि अर्काे घटना भईरहेकाे छ । अाईतबार मात्रै पत्रकार तिवारी यादवलाई नारायणी एफएम अगाडिबाट प्रहरीले नियन्त्रणमा लिएर दुर्ववहार गरेकाे घटनाकाे संगठन घाेर भ्रत्सर्ना गर्दछ जनाइएकाे छ ।

प्रेस विज्ञप्ती मार्फत नै प्रहरीको व्यवहारले अाम नागरिकमा सुरक्षा निकायप्रतिकाे विश्वास गुम्दै गएकाे भन्दै प्रेस संगठन नेपाल पर्साका सदस्य पत्रकार तिवारी यादवमाथि भएको घटनाकाे निष्पक्ष छानविन गरि दाेषी प्रहरीमाथि कारवाहीकाे माग गरिएकाे छ ।

यसका साथै सञ्चारकर्मीलाई कार्यस्थलमा जाने सहज वातावरण बनाउन अाग्रह गर्दै नेपाल पत्रकार महासंघ पर्सा शाखाले घाेषणा गरेकाे अान्दाेलनप्रति संगठनले ऐक्यबद्धता जनाएकाे अध्यक्ष मगरले वताउनुभयाे।

उद्याेगहरुलाई सहज पास उपलब्ध गराउन नेता अन्सारीकाे माग

0

वीरगंज । नेपाल कम्युनिष्ट पार्टी (नेकपा) वीरगंज महानगर कमिटि अध्यक्ष समेत रहेका युवा नेता रहबर अंसारीले दैनिक ज्यालादरी गर्ने मजदुर, श्रमिकलाई काममा आवत जावत गर्न सहज रुपमा पास दिन जिल्ला प्रशासन कार्यालय पर्सासंग मांग गरेका छन्।

नेपाल सरकारले हालैमा विभिन्न उद्योगलाइ संचालन गर्न गरेको निर्णयलाई उद्योगी व्यवसायी लगायत आम सर्वसाधारण तथा मजदूर वर्गले समेत स्वागत गरेको भएपनि काममा आउन जानको लागी पास लिन आर्थिक चलखेल र अनेक जटिल प्रक्रियाहरुको सामना गर्नु पर्ने व्यापक गुनासो आईरहेकोले व्यापारी, मजदुरहरुलाई सहज रुपमा पास दिन जिप्रका पर्सालाई युवा नेता अंसारीले ध्यानाकर्षण गराएका हुन ।

वीरगन्ज –पथलैया औधोगिक करिडोरमा रहेका उद्योग प्रतिष्ठान संचालनका निमित्त आवश्यक पर्ने पास, कच्चा पदार्थ ढुवानीका लागि आवश्यक सहजीकरण तथा श्रमिक मजदूरलाई काममा जान र फर्किने आवश्यकतालाई मध्यनजर गर्दै जिप्रकाले कार्यालयकै प्राङगणमा एउटा हेल्प डेस्क संचालन गरी सहज रुपमा पास दिने व्यवस्था मिलाउनु पर्ने आवश्यक रहेको नगरअध्यक्ष अंसारीको भनाई छ ।

अहिलेको वर्तमान परिस्थितिमा ललकडाउनलाई थप कडाई गर्न जिप्रका पर्साले जारी गरेको नयाँ पास लिनमा विभिन्न आर्थिक चलखेल भईरहेको गुनासो आईरहेकोले यो विषय भ्रम वा सत्य हो भने कुरालाई चिर्नका लागि तत्काल आजैबाट उद्योग संचालन सम्बन्धी छुट्टै हेल्प डेस्क को सुरुवात गरी व्यापारी तथा मजदुरलाई पास दिन लाग्नु पर्ने आवश्यकता देखिएको युवा नेता अंसराीले बताएका हुन् ।

पत्रकार यादवलाई नियन्त्रणमा लिने प्रहरी उपर कारबाहीकाे माग

0

वीरगन्ज : वीरगन्जको सामुदायिक रेडियो नारायणी एफएममा कार्यरत पत्रकार तिवारी यादवलाई प्रहरीले पक्राउ गरेको छ ।वीरगन्जको लिंकरोडस्थित एफएम स्टेशनकै प्रवेशद्वारबाट आइतबार दिउसो २ बजे पत्रकार यादवलाई प्रहरीले पक्राउ गरेको हो ।यादव, नयाँ पत्रिकाको पर्सा संवाददाता पनि हुन् ।

एफएम स्टेशनको प्रवेशद्वार छेउकै सडकपेटीमा पत्रकार यादवले मोटरसाइकल पार्किङ गरिराखेका थिए । दुईवटा प्रहरी भ्यानमा आएका प्रहरीले सडक पेटीमा मोटरसाइकल राखेकै निहुँमा यादवलाई लछारपछार गर्दै प्रहरी भ्यानमा हालेर लगेको प्रत्यक्षदर्शी एफएमका प्राविधिक प्रमुख दिपेन्द्र साहले जानकारी दिए ।

साहले भने, ‘प्रहरीले गाली गर्दै मोटरसाइकल हटाउन भने, तिवारी यादवले गाली नगर्नुस् हामी हटाइ हाल्छु भन्ने वित्तिकै एक जना प्रहरीले लछारपछार गर्दै यादवलाई गाडीमा हालेर लगे ।

प्रहरी भ्यानमा हालेपछि प्रहरीले यादवको मोबाइल पनि खोसेर राखेको साहले बताए । एफएम स्टेशनकै गेटबाट पक्राउ गरेर जिल्ला प्रहरी कार्यालयमा लगिएका पत्रकार यादवलाई केही बेर प्रहरीकै भ्यानभित्र राखिएको थियाे  ।

प्रहरी कार्यालयमा अहिले नेपाल पत्रकार महासंघ प्रदेश २ का अध्यक्ष दिपेन्द्र चाैहान, पर्सा शाखाका अध्यक्ष श्याम बन्जरा लगायतका पत्रकाहरु पुगेका छन् । पक्राउ परेका यादवलाई प्रहरीले जान भने पनि प्रहरी कार्यालय पुगेका पत्रकारहरु विना कारण पत्रकार नियन्त्रणमा लिने प्रहरी उपर कारबाहीकाे माग गरेका छन् ।

अहिले प्रहरी कार्यालय पर्सामा डिआइजी साहब आउनु भएका कारण एकछिन बस्न पत्रकारहरुलाई पर्सा प्रहरी प्रमुख गंगा पन्तले भन्नु भएकाे छ भने डिआइजी साहेब गए पछि साे घटना बारेमा छलफल हुने छ ।

पत्र नआए सम्म धर्ना जारी रहन्छ : नेता शमानी

0

वीरगंज । नारायणी अस्पताल सुचारु गर्न पत्र  नआए सम्म बिराेधकाे कार्यक्रम जारी रहने जनता समाजवादी पार्टीका नेता नेजामुद्दिन शमानीले वताउनु भएकाे छ ।

नेता शमानीले आज एक प्रेस विज्ञप्ती जारी गर्दै पर्सा, बारा, रौतहट, सर्लाही लगायत यस क्षेत्रको गरिब जनताको उपचार गराउने नारायणी अस्पताल बीरगंजलाई संघिय सरकारद्वारा कोरोना अस्पताल बनाए पछि जनता समाजवादी पार्टी लगायत सम्पूर्ण राजनीतिक दल नागरिक समाज संघ संस्थाले आवाज उठाउदा पनि सुनुवाइ नभए पछि बाध्य भएर लकडाउनको कारण  बैशाख २१ गते देखि प्रत्येक दिन आफनो घरको गेटमा कालो झंडा बान्धि धर्नामा बसेको र यो धर्ना पार्टीको नभई सम्पूर्ण राजनीतिक दल, नागरिक समाज, आम जनसमुदायको भएकोले यस बिरोध धर्ना कार्यक्रममा साथ दिने सम्पूर्ण पार्टीका नेता, नागरिक समाजको अगुवा, पत्रकार, आम जन समुदायलाई धन्यवाद दिनु भएकाे छ ।

यसका साथै शमानीले संघिय सरकारको प्रतिनिधिले नारायणी अस्पताल सुचारु गर्नकोलागी पत्र दिने भनिएता पनि पत्र नआएको र संघिय सरकारको पत्रबाट कोरोना अस्पताल भएको कारण नारायणी अस्पताल सुचारु गर्न पत्र नआए सम्म (घर घरबाट बिरोध) भने नाराको साथ हाम्रो धर्ना अभियान प्रत्येक दिन बिहान १० बजे देखि ११ बजे सम्म जारी रहने वताउनु भएकाे हाे । उहाँले जनताको ज्यानसंग खेलवाड नगर्न सरकारसंग अनुरोध समेत गर्नु भएकाे छ ।