Date
आइत, मंसिर ६, २०८३
Sun, November 22, 2026
Home Blog Page 987

कोरोना लडाईमा सहयोगस्वरूप नारायणी अस्पतालमा सांसद यादवले दिए पिपिई सेट

0

वीरगंज । वीरगंजमा बुधबार कोरोना संक्रमितको संख्या ह्वातै बढेपछि पर्सा क्षेत्र नं. १ का सांसद प्रदीप यादवले वीरगंजको नारायणी अस्पतालमा पिपिई सेट प्रदान गरेका छन् ।

पर्सा जिल्लामा कोरोना संक्रमण फैलिदै गएपछि कोरोना संक्रमित बिरामीलाई चेकजाँच गर्दा चिकित्सकले प्रयोग गर्ने पिपिई (पर्सनल प्रोटेक्टिभ इक्विपमेण्ट) सेट अभाव हुन नदिन सांसद यादव आजै बिहीबार आफ्नो निवासमै बोलाएर नारायणी अस्पतालका चिकित्सक एवं कोरोना उपचारका कोर्डिनेटर डा. उदय नारायण सिंहलाई पिपिई सेट हस्तान्तरण गरेका हुन् ।

वीरगंजमा बुधबार १७ जनामा थप कोरोना संक्रमित पुष्टि भएपछि नारायणी अस्पतालमा उपचाररत कुल कोरोना संक्रमितको संख्या २८ पुगेको छ ।

जिल्लामा कोरोना संक्रमित बढेसंगै निरन्तर संक्रमित बिरामीको उपचारमा खटिरहेका स्वास्थयकर्मीहरु कोरोना संक्रमणको जोखिमबाट जोगिएर कोरोना महामारीलाई रोक्न सकुन भने उदेश्यसहित स्वास्थयकर्मीहरुलाई पिपिई सेट वितरण गरेको सांसद यादवले बताए ।

त्यसै गरी अहिले बीरगन्ज क्षेत्रमा परिचालित रहेका १० वटा एम्बुलेन्सका चालकलाई सान्सद यादवले आवश्यक सुरक्षा सामग्री बितरण गरेका छन । प्रत्येक एम्बुलेन्स चालकलाई पिपिइ ड्रेस, गम बुट, पंजा, कैंप चस्मा र सेनिटाइजर उनले उपलब्ध गराएका हुन ।

बुधबार (हिजो) मात्रै वीरगंजका एकै परिवारको १७ जनामा कोरोना संक्रमित पुष्टि भएपछि कोरोनाको उच्च जोखिममा रहेको वीरगंज कोरोना फैलिन नदिन आवश्यक पर्ने हरेक सामग्री उपल्ब्ध गराउन आफू तत्पर रहेको सांसद यादवले बताए ।

पर्साबासीको लागि मात्रै होइन, देशका सम्पूर्ण जनतालाई कोरोना जस्तो भ्यावह महामारीबाट जोगाउन चिकित्सकहरुले निर्वाह गरिहेको भूमिका समस्त देशबासीकै लागि कल्याणकारी रहेको बताउँदै सांसद यादवले कोरोना विरामी चेकजाँच गर्ने चिकित्सकलाई सुरक्षाका निम्ति सम्पूर्ण स्वास्थय सामग्री उपलब्ध गराउन संघीय सरकारसंग मांग पनि गरे ।

कोरोना भाइरसको लडाईमा आम सर्वसाधारण जनता सजगताका साथ यसबाट बच्ने हरेक उपाय अपनाई यसको रोकथाम गर्ने लडाईमा आम जनताले पनि उतरदायि भूमिका खेल्नु पर्ने नागरिक कर्तव्य रहेको सांसद यादवको भनाई छ ।

बिन्दवासिनीबाट लागु औषध सहित ३ जना पक्राउ

0

वीरगंज ।  लागु औषध सहित ३ जनालाई प्रहरीले पक्राउ गरेकाे छ । बुधबार राती १० बजे बिशेष सुचनाको आधारमा प्रहरी चौकी अम्मरपट्टीबाट खटीएको प्रहरी गस्ती टोलीले बिन्दवासिनी गाउँपालिकाकाे वडा नं.०४ अम्मरपट्टी झौवा सडक खण्ड स्थितबाट  लागु औषध सहित तिनै जनालाई पक्राउ गरेकाे हाे ।

पर्साकाे विरगंज महानगरपालिका वडा नं. ११ रानिघाट वस्ने वर्ष ४० को प्रभात साह कानुले, साेही ठाउँ वर्ष २९ को संतोष साह र बर्ष ३५ को अशोक चौधरीलाई पक्राउ गरिएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनुभयाे । तिनै जनाकाे साथबाट लागु औषध फेला परेको हुदाँ नियन्त्रणमा लिई इप्रका पाेखरियामा ल्याई लागु औषध सम्वन्धी मुद्दा दर्ता भई आवश्यक अनुसन्धान कार्य भईरहेको प्रहरी निरिक्षक सिंहले जानकारी दिनुभयाे ।

निजहरुकाे साथबाट ONEREX ( Chlorphenirarime Maleate & Codeine Phosphate Syrup) ३८ वोतल, NORAD (Sterile Noradrenaline Concentrate I.P.) लेखिएको ईन्जेक्शन ५० एम्पुल, Neoclovir (Aciclovir Intravenous Infusion I.P.) लेखिएको ईन्जेक्शन १५ थान, HUCOG-5000 HP (Highly Purified Chorionc Gonadotophin) Injection 500 I.u. ५० थान, RHOCLONE (Anit–D Rho Lmmunoglobulin Monoclonal लेखिएको ईन्जक्शन ५ थान, WEPOX* 4000 (Erythropoietin Injection IP 4000 I.U लेखिएको ईन्जक्शन १२ थान, Enoxaparin Sodium Injection (I.p/60mg/o.6ml) लेखिएको ईन्जक्शन २० थान, Cerviprime 0.5 mg (Dinoprostone Gel) लेखिएको निडिल सहितको ईन्जेक्शन ६० थान, Red Pam Injection (Pralidoxime Iodide Injection 500 mg) लेखिएको ईन्जेक्शन २५ थान बरामद भएकाे इप्रका पाेखरियाले जनाएकाे छ ।

पलङ भित्र लागु औषध लुकाई छिपाई बिक्री गरिरहेका ५ जना पक्राउ

0

वीरगंज । घरमा बक्स पलङ भित्र लागु औषध लुकाई छिपाई बिक्री गरिरहेकाे आराेपमा ५ जनालाई प्रहरीले पक्राउ गरेकाे छ ।

प्रहरीले वीरगंज महानगरपालिकाकाे वडा नं. ३ बस्ने बर्ष ४६ का सन्ताेष पटेल, निजकी श्रीमती बर्ष ३७ की बबिता देवी, छाेरा बर्ष २८ का टिंकु श्रीवास्तव, बिन्दवासिनी गाउँपालिका वडा नं. २ बहुअर्वाभाठा बस्ने बर्ष २८ का राजनाथ यादव र बाराकाे प्रसौनी गाउँपालिका वडा नं.३ नौतन बस्ने बर्ष ३२ को मुग्रिम साहलाई नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।

लागु औषध घरमा भण्डार गरी खरिद बिक्रि भइरहेकाे सुचनाकाे आधारमा जिल्ला प्रहरी कार्यालय पर्साका क्राइम ब्रान्चका इन्चार्ज प्रहरी निरीक्षक रविभूषण यादव नेतृत्वमा गएकाे टाेलीले आज विहान ४ बजे वीरगंज ३ स्थित सन्ताेष पटेलकाे घरमा छापा हानी निज सहित ५ जनालाई पक्राउ गरेकाे हाे ।

सन्ताेषकाे घरमा छापा हानी खानतलासी गर्दा बक्स पलङ भित्र बिक्रि बितरण गर्न लुकाई छिपाई राखेको अबस्थामा लागु औषध  Dialex-Dc ८७ बोतल (१००ML), Onerex-१०३ बोतल(१००ML), Nitrazepam-२० पिस, Nitravet- ३६ पिस र Simplexct-८ पत्तामा ५७ पिस फेला पारी निज सन्तोष सहित पांच जनालाई नियन्त्रणमा लिई थप अनुसन्धान भइरहेकाे प्रहरी कार्यालय पर्साले प्रेस विज्ञप्ती मार्फत जनाएकाे छ ।

सांसद यादवले बाँडे पत्रकारहरुलाई मास्क र सेनिटाइजर

0

वीरगंज । पर्सा क्षेत्र नं. १ का संघिय सांसद प्रदिप यादवले आज पत्रकाहरुलाई मास्क र सेनिटाइजर बाँड्नु भएकाे छ ।

वीरगंजकाे घण्टाघरमा करिब ४ दर्जन पर्सेली संचारकर्मीहरुलाई सांसद यादवले थ्रि एम मास्क एक थान, सेनिटाइजर १०० एमएल र ग्लाेभ्स एक थान वितरण गर्नु भएकाे हाे ।

यसका साथै सांसद यादवले नेपाल पत्रकार महासंघ जिल्ला शाखा पर्सालाई लेजर थर्मामिटर एक थान, एक बाेतल सेनिटाइजर, माक्स एक थान, ग्लाेभस एक थान सहयाेग गर्नु भएकाे छ ।

काेराेना भाइरसकाे महामारीमा ज्यानकाे बाजी लगाएर खटिने संचारकर्मीहरुलाई आफ्नाे तलब भत्ताबाट सुरक्षा सामग्री सहयाेग गरेकाे सांसद यादवले वताउनुभयाे । यसका साथै आफ्नाे निर्वाचन क्षेत्र अन्तर्गतका १९ वटा वडाका स्वास्थ्य संस्थामा पिपिई सेट, माक्स र सेनिटाइजर आफुले वितरण गरिरहेकाे सांसद यादवले जानकारी गराउनु भयाे ।

नेपाल पत्रकार महासंघ पर्साका अध्यक्ष श्याम बन्जाराले काेराेना महामारीकाे बेला पत्रकारहरुलाई काेई नसमझेकाे बेला सांसद यादवले सम्झेकाे भन्दै धन्यावद ज्ञापन समेत गर्नु भयाे ।

साे अवसरमा नेपाल पत्रकार महासंघ प्रदेश २ का अध्यक्ष दिपेन्द्र चाैहान, पूर्व जिल्ला अध्यक्ष अशाेक तिवारी, समाजवादी पार्टीका वीरगंज महानगर अध्यक्ष इशवर यादव लगायतकाे उपस्थिती रहेकाे थियाे ।

पाेखरिया नगरपालिकाकाे कार्यालयमा आगलागी

0

वीरगंज । पाेखरिया नगरपालिकाकाे कार्यालयमा आज दिउसाे आगलागी भएकाे छ । बिधुत स्वर्ट भई नगरपालिका कार्यालयकाे प्रथम तल्लामा रहेकाे सभा हलमा आगलागी भएकाे प्रहरीले जनाएकाे छ ।

आगलागीले सभा हलकाे एसि एक थान, बैट्री ९ थान, इन्भटर एक थान, ढाेका, झ्याल जलेकाे इलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

दिउसाे १२ बजे बैट्री पड्केर अचानक भएकाे आगलागी करिब आधा घण्टा पछि नियन्त्रमा आएकाे पाेखरिया नगरपालिकाका मेयर दिपनारायण राैनियारले वताउनुभयाे। आगलागी पाेखरिया नगरपालिकाकाे दमकल, नेपाल प्रहरी र सशस्त्र प्रहरीकाे सहयाेगमा नियन्त्रणमा आएकाे मेयर राैनियारले जानकारी गराउनुभयाे।

आगलागीले अनुमानित १० लाख बराबरकाे क्षति भएकाे मेयर राैनियारले वताउनुभयाे।

लकडाउन ५ जेठसम्म लम्ब्याउने मन्त्रिपरिषद निर्णय

0

काठमाण्डाै । सरकारले लकडाउन जेठ ५ सम्म लम्ब्याउने निर्णय गरेको छ।

बुधबार बालुवाटारमा बसेको मन्त्रिपरिषद् बैठकले लकडाउन लम्ब्याउने निर्णय गरेको एक मन्त्रीले जानकारी दिए।

कोरोनाभाइरसको संक्रमण फैलिन नदिन सरकारले गत चैत ११ गतेदेखि लकडाउन गरेको थियो। पछिल्लो पटक थपिएको लकडाउनको अवधि भोलि सकिँदै थियो।

लकडाउनकै अवधिमा नेपालमा कोरोनाको संक्रमण भने बढिरहेको छ।

लकडाउन सुरू हुँदा नेपालमा २ जनामात्र कोरोना संक्रमित थिए भने अहिले ८२ जना पुगेका छन्।

अन्तत गण्डक काेभिड अस्पताल र नारायणीमा पुन: जेनरल सेवा सुचारु हुने

0

बीरगंज । अन्तत गण्डक अस्पताल नै काेभिड अस्पताल र नारायणी अस्पतालमा पहिला जस्तै जेनरल स्वास्थ्य सेवा सुचारु हुने भएकाे छ । बीरगंज महानगरपालिकाको कोभिड अस्पताल सम्बन्धी प्रस्तावलाई संघीय सरकारको स्वास्थ्य मंत्रालयले सदर गरे पछि यस्ताे हुने भएकाे हाे ।

मंगलवार मंत्रीस्तरीय निर्णयबाट कोभिड अस्पताल संचालनको अनुमती पाएकाे वीरगंज महानगरपालिकाका मेयर विजय कुमार सरावगीले वताउनुभयाे। महानगरपालिकाकाे प्रस्ताव अनुसार संघिय सरकारले गण्डक अस्पताललाई काेभिड अस्पताल बनाउनु अनुपति प्रदान गरेकाे मेयर सरावगीले वताउनुभयाे। तर पत्र आउन वाकी रहेकाे समेत उहांले वताउनु भयाे ।

बीरगंज महानगरपालिकाले गण्डक अस्पतालसंग कोभिड अस्थायी अस्पताल संचालन गर्ने गरि गरेको सम्झौताका आधारमा नारायणी अस्पतालको ब्यानर तथा नेतृत्वमा कोरोना अस्थायी अस्पताल संचालन हुने गरि निर्णय गर्ने स्वास्थ्यमंत्री भानुभक्त ढाकालले बताउनु भएको गण्डक अस्पतालका संचालक समेत रहेका नेकपाका वीरगंज महानगर अध्यक्ष रहबर अन्सारीले जानकारी दिनु भयाे ।

बैशाख ६ गते  बीरगंज महानगरपालिका र गण्डक अस्पतालका वीचमा सुविधा सम्पन्न कोरोना अस्थायी अस्पताल संचालनमा ल्याउन सम्झौता भएको थियो ।

त्यस अघि गण्डक अस्पतालका संचालक समेत रहेका नेकपा वीरगंज महानगर अध्यक्ष अन्सारीले आफ्नाे हस्पिटल नि:शुल्क रुपमा महानगरलाई काेराेना संक्रमितकाे उपचारकाे लागि दिन घाेषणा गर्नु भएकाे थियाे ।

कोभिड अस्पताल नारयाणी अस्पतालको नाममा संचालन हुनेछ । त्यसको नेतृत्व नारायणीका मेडिकल सुपरिटेण्डेण्टले नै गर्नेछन । अस्पताल संचालनमा आएपछि जोडिएका आवश्यक पूर्वाधारहरु नारायणी अस्पतालकै हुने छन ।

संघ सरकारले कोभिड अस्थायी अस्पताल संचालनकालागि स्रोत उपलब्ध गराउने छ । अन्य ब्यवस्थापन भने बीरगंज महानगरले गर्ने गरि स्वास्थ्य मंत्रालयले कोभिड अस्पताल संचालनको अनुमती दिने भएको नेकपाका पोलिटब्यूरो सदस्य नागेन्द्र चौधरीले जानकारी दिनु भयो ।

यस अघि नारायणी अस्पताललाई पूर्वत संचालन गर्न माँग गर्दै सबै राजनीतिक दलहरुले आफना मत सार्वजनीक गरेका थिए । महानगरको नेतृत्वमा सर्वदलीय रुपमा स्वास्थ्य मंत्रालयमा ज्ञापन समेत बुझाइएको थियो ।

यस्तै नेपाल चिकित्सक संघ नारायणी वीरगंजले पनि नारायणी अस्पतालकाे जेनरल सेवा सुचारु गर्न र अन्य ठाउँमा काेराेना अस्पताल बनाउन माग गर्दै आएकाे थियाे । नारायणी अस्पतालकाे सम्पूर्ण सेवा सुचारु गर्न माग गर्दै जनता समाजवादी पार्टीका नेता राजेशमान सिंहले समेत माग गर्दै आएका थिए भने केही दिन अगाडीमा सिंहकाे नेतृत्वमा प्रदर्शन समेत भएकाे थियाे ।

जनता समाजवादी पार्टीका नेता नेजमुद्दिन सम्मानी, ओमप्रकाश सरार्फ, माेनिका सिंह लगायतका नेता तथा व्यक्तिहरुले लकडाउनको पालना गर्दै आँफनै घर अगाडी बसेर धर्ना समेत दिएका थिए । हिजाे (साेमबार) मात्र नेपाली कांग्रेस पर्साले नारायणी अस्पतालकाे सम्पूर्ण स्वास्थ्य सेवा सुचारुकाे मांग गर्दै प्रदर्शन समेत गरेकाे थियाे ।

मंगलवार नेकपाका नेता नागेन्द्र चौधरीको नेतृत्वमा मंत्रालयमा गाएको टोलीले स्वास्थ्य मंत्रीसंग भेटर मध्य तराईका नागरिकले भोगी रहेको स्वास्थ्य समस्याको बारेमा जानकारी गराउदै नारायणी अस्पताललाई पूर्वत संचालनमा ल्याउन माँग गरेकाे थियो ।

स्वास्थयमंत्री ढकालले  महानगरको सम्झौतालाई आधार मानेर कोभिड अस्पताल संचालनको निर्णय लिने प्रतिवद्धता जनाउनु भएको र अस्पताल संचालन सम्बन्धी पत्राचार आजै हुने संविधान सभा सदस्य विचारी यादवले जानकारी दिनु भयो ।

अन्तत वीरगंज महानगरपालिकाका मेयर सरावगी प्रयास र नेता अन्सारीकाे घाेषणाले सार्थकता पाएकाे छ भने याे निर्णयकाे चाैतर्फी स्वागत भइरहेकाे छ ।

काे-ओपरेटिभ क्लबद्वारा महानगरकाे काेराेना उपचार काेषमा सहयाेग

0

वीरगंज । काे-ओपरेटिभ  म्यानेजर्स क्लब पर्साले वीरगंज महानगरपालिकाकाे काेराेना भाइरस संक्रमण राेकथाम नियन्त्रण तथा उपचार काेषमा आर्थिक सहयाेग गरेकाे छ ।

काे-ओपरेटिभले काेराेना भाइरस संक्रमण राेकथाम तथा नियन्त्रण काेषबाट महानगरलाई रु २५ हजार सहयाेग गरेकाे हाे । सहयाेग रकम बराबरकाे चेक काे-ओपरेटिभ  म्यानेजर्स क्लब पर्साका अध्यक्ष जिष्णु बरालले वीरगंज महानगरपालिकाका मेयर विजय कुमार सरावगीलाई हस्तान्तरण गर्नु भयाे ।

काेराेना भाइरस संक्रमणबाट बच्न र बचाउनका लागि थाेरै भएपनि सहयाेग पुगाेस भन्ने अभिप्रायले उक्त रकम सहयाेग गरिएकाे  काे-ओपरेटिभ  म्यानेजर्स क्लब पर्साका उपाध्यक्ष चन्देश्वर प्रसाद चाैरसियाले वताउनुभयाे ।

काे-ओपरेटिभ  म्यानेजर्स क्लब पर्साका महासचिव रवि भुषण श्रीवास्तव र संचालक रामबाबु चाैधरीले सहयाेग बारे जानकारी गराउदै जिल्ला भरीकाे सहकारी संस्थाले सम्बन्धित स्थानिय सरकारमा मार्फत सहयाेग र सेवामा जुटन अपिल समेत गर्नुभयाे।

चेक बुझ्दै मेयर सरावगीले सहयाेगकाे लागि काे-ओपरेटिभ  म्यानेजर्स क्लबलाई धन्यावाद दिदै अगामी दिनमा पनि यसरी नै सहयाेग प्राप्त भइरहने छ भने विश्वास समेत व्यक्त गर्नु भएकाे संस्थाले जनाएकाे छ।

प्रगतिशिल जनस्वास्थ्यकर्मी महासंघद्वारा आकस्मिक रक्तदान

0

वीरगंज । अखिल नेपाल प्रगतिशिल जनस्वास्थ्यकर्मी महासंघ वीरगंज महानगर समितिले आज वीरगंजमा आयाेजना गरेकाे आकस्मिक रक्तदान कार्यक्रममा १८ जनाले रक्तदान गरेका छन् ।

रक्त संचार केन्द्र वीरगंजमा भएकाे कार्यक्रममा राजिव दुवे, मनिष गुप्ता, शुसिल ठाकुर, बिशाल यादव, राजिन्द्र चाैधरी, राेहित शर्मा, बलिराम पटेल, सुरेन्द्र कुमार पटेल, सागरमान सिंह, श्याक कुमार सरार्फ, युवराज प्रसाद पटेल, छठु चाैधरी लगायतकाले रक्तदान गरेका हुन् ।

महासंघ वीरगंज महानगर अध्यक्ष करन पटेलकाे अध्यक्षतामा भएकाे कार्यक्रममा नेकपा प्रदेश २ का सदस्य बाबुराम काैशिक, महासंघका केन्द्रिय सचिव सुभाष गुप्ता, केन्द्रिय सदस्य अलि अकबर हुसेन, युवा संघ पर्साका सह संयाेजक ओमप्रकाश गुप्ता, विदयार्थी नेता इशक कुमार लगायतकाे उपस्थिती रहेकाे थियाे ।

काेराेना भाइरस (काेभिड १९) संक्रमण महामारीकाे बेला रक्तकाे अभाव हुन नदिन लकडाउन मै आकस्मिक रक्तदान कार्यक्रमकाे आयाेजना गरिएकाे महासंघले जनाएकाे छ ।

व्यवसायको रकमले शेष मकसुदद्वारा राहत वितरण

0

वीरगन्ज । पर्साका एक युवाले लकडाउनबाट प्रभावित अतिविपन्न परिवारको लागि राहत जुटाएर दुःखको घडीमा साथ दिएका छन । वीरगन्ज १६ नगवाका शेष जावेद ट्रेडर्सका संचालक २८ बर्षिय शेष मकसुद आफनो व्यवसायको लागि जम्मा गरेको रकमले अतिविपन्न परिवारहरुको राहत समाग्री उपलब्ध गराई प्रशंसा बटुल्न पछि हटेन् ।

महानगरपालिकाले पहिलो चरणमा वडा समिति कार्यालय मार्फत यहाँका अतिविपन्न परिवारलाई राहत वितरण गरिएको थियो ।

लकडाउनको पहिलो चरणमै महानगरपालिकाले दैनिक ज्यालादारी, रिक्सा, ठेला चालक लगायत अतिविपन्न परिवारलाई राहत उपलब्ध गराएको थियो । पहिलो चरणमा महानगरले उपलब्ध गराएको खाद्यन्न समाग्री वडा समितिले विभाजन गरेर प्रतिपरिवार १० किलो चामल, दाल, नुन, तेल वितरण गरेका थिए ।

१० किलो चामलले ५ देखि ८ दिन सम्म मात्र छाकटार्न सकेका थिए । दैनिकी जिवन चालउँन धौं धौं परिरहेको छ । सरकारले उपलब्ध गराएको राहतको समाग्री खाएर सकिएपछि स्थानियलाई दुईछाक टार्न समेत धौं धौं परिरहेको अवस्थामा मकसुदले उनीहरुको दुख सहन नसक्दा आफनो व्यवसायीको लागि जम्मा गरेर राखेको रकमले राहत खरीद गरी स्थानियमा वितरण गरेको हुन ।

उनको यो सराहनी कामको चौतर्फी प्रशंसा समेत भईरहेको छ । कोभिड १९ को संक्रमण रोकथाम तथा नियन्त्रण गर्न सरकारले लागु गरेको लकडाउन आज ४२ औं दिन पुगि सकेको छ । लकडाउनका कारण अतिआवश्यक खाद्यन्न बाहेक सम्पूर्ण पसलहरु बन्द रहेको छ ।

यहाँ सम्म स्थानिय प्रशासनले माछामासुको पसल पूर्ण रुपमै बन्द गराएको छ । मकसुद पनि कुखुरा व्यवसायी नै हो । लामो समय देखि पसल बन्द रहेपनि व्यवसायी गर्न राखेका रकम स्थानियको उद्दारमा खर्च गर्न पछि हटेनन् । उनले वीरगन्ज १६ नगवा टोलका करिब २०० भन्दा अतिविपन्न परिवारको लागि चामल, दाल, नुन, तेल, आलु, प्यास, लुगा धुने साबुन राहत स्वरुप उपलब्ध गराएको बताए ।

उनले भने, मनुष्यको पहिलो आवश्यकता भोजन नै हो, भोजन भएन भने बाच्न सक्दैनौ । पहिलो प्राथमिकता बाँच्नु पर्छ त्यसपछि मात्र पैसा काम लाग्छ, यदी मनुष्य नै रहेन भने पैसाको कुनै महत्व छैन् त्यसैले आफनो व्यवसायबाट जम्मा गरेको रकमबाट स्थानियको चुल्लो ननिभोस् भन्ने उदेश्यले राहत वितरण गरेको हौं ।

राहत वितरण कार्यक्रममा  वडाध्यक्ष श्यामबाबु चौरसिया, ईलाका प्रहरी कार्यालय नगवाका प्रहरी नायब निरिक्षक पुरुषोत्तम महतो, जसपाका नेता अयुबँ मियाँ, मईम मियाँ, सुरेन्द्र सर्राफ, मन्सुर मियाँ, शेख मुसाफिर लगायत जावेद ट्रेडर्समा आवद्ध युवाहरुको सहभागिता रहेको थियो ।