Date
आइत, मंसिर ६, २०८३
Sun, November 22, 2026
Home Blog Page 984

कालिकामाईकाे एक बालकमा पनि काेराेना संक्रमण

0

बीरगन्ज । पर्साको कालिकामाई गाउँपालिकाका एक १५ महिने बालकमा पनि कोरोनाको संक्रमण देखिएको छ । पर्सामा हिजो पुष्टि भएका ३ जना मध्ये १५ महिने बालक कालिकामाईकाे रहेको पुष्टि भएको कालिकामाई गाउँपालिकाका प्रवक्ता पवन तिवारीले वताउनुभयो ।

संक्रमित ती बालक सो वडा नं. १ मुड्लीकाे रहेकाे प्रवक्ता तिवारीले जानकारी दिए । संक्रमित बालक आमासँगै गत बैशाख २७ गते भारतकाे सुगाैलीबाट आफ्नाे घर मुड्ली आएका थिए । आमामा कोरोनाको संक्रमण भए नभएको अहिले यकिन हुन नसकेको वडा नं. ५ का वडा अध्यक्ष समेत रहेकाे प्रवक्ता तिवारीले जानकारी दिनुभयो ।

हिजो ३ जनाका संक्रमण पुष्टि भएसँगै पर्साका सहायक प्रमुख जिल्ला अधिकारी ललित बस्नेतले तीन जनामा बीरगन्जको मुर्लीका पनि एक रहेको भनेर फेसबुकमा पोष्ट गरेका थिए । तर बीरगन्जको मुर्लीमा कोही पनि संक्रमित नरहेको पाइएपछि खोजी गर्दा कालिकामाई गाउँपालिकाको मुड्लीका ती १५ महिने बालक संक्रमित रहेको पुष्टि भएको तिवारीले जानकारी गराउनुभयाे ।

तिवारीका अनुसार संक्रमित बालक सहित उनकी आमालाई वीरगंज स्थित आइसाेलेसनमा हिजाे नै राखि सकिएकाे छ ।

संक्रमित बालककाे परिवारका अन्य सदस्यलाई पनि गाउँपालिकाकाे क्वारेन्टाइनमा राख्ने तयारी भइरहेकाे वडा नं. १ का वडाध्यक्ष रामशिष यादवले वताउनुभयाे ।

बालकमा संक्रमण पुष्ठि भएकाे हामी थाह पाए पछि उनका परिवारका अन्य सदस्यलाई हालकाे लागि घर भित्रै बस्न भनेका छाैं, हरिहरपुरमा रहेकाे गाउँपालिकाकाे क्वारेन्टाइनमा हाल ठाउँ नरहेकाेले अन्य ठाउँमा क्वारेन्टाइन निर्माण गरी राख्ने तयारीमा हामी लागेकाे यादवले वताउनु जानकारी गराउनुभयाे।

निषेधाज्ञामा बेसहाराकाे सहारा बन्दै साहेब दरबार र समर्पण सेवा संस्थान

0

वीरगञ्ज । निषेधाज्ञामा पनि वीरगंज युवा नेता राजेशमान सिंह बेसहारा र निमुखाहरूकाे सहारा बनेका छन् । कोरोनाभाइरस अर्थात कोभिड-१९ महामारीलाई नियन्त्रण गर्न सरकारले लगाएको लकडाउनका कारण गरिव र विपन्नलाई दोहोरो मार पुर्याएको छ ।

पछिल्लो समयमा वीरगञ्जमा संक्रमितहरुको संख्या बढेसँगै स्थानीय प्रशासनले जिल्लाभरि निषेधाज्ञा समेत जारी गरेकाे छ ।  जनता समाजवादी पार्टीका नेता समेत रहेका सिंह निषेधाज्ञा जारी भएको दोस्रो दिन पनि वीरगंजका बेसहारा निमुखाहरूलाई नि:शुल्क भोजन वितरण गरेका हुन् ।

सिंहले आफु नेतृत्व गर्ने संस्था साहिब दरबार सेवा संस्थान र सम्पर्ण सेवा संस्थाको सहयोगमा शहरका विभिन्न क्षेत्रकाे सडक पेटिमा अलपत्र रहेका, रिक्सा तथा ठेला चालक लगायतका गरिब र बेसहाराहरुलाई खाना वितरण गरेका हुन् ।

सिंहले नेपाल प्रहरीसँग समन्वय गरेर खान खुआउने कार्य गरेको बताए । उनले निषेधाज्ञा अवधिभरि यसरी नै विभिन्न स्थान पुगेर गरिवहरुको सेवा गर्ने जानकारी दिए ।

अफवाहको पछि नलागौ

0

विश्वव्यापी महामारी रूपमा फैलिरहेको कोरोना भाइरस (कोभिड–१९) संक्रमणले जनजीवनमा पारेको गम्भीर असर प्रति संसारभरिका मानव जातिलाइ नै चिन्तित बनाएको छ । कोरोना भाइरस विश्वव्यापी महामारी (२०१९–२०) को नयाँ संक्रमणको रूपमा मध्य चीनको वुहान सहरमा २०१९ नोभेम्बरमा भएको थियो । यो महामारी कारण विश्वभरिमा लाखौले ज्यान गुमाई सकेका र केहिको स्वास्थ अवस्था अझै चिन्ताजनक रहे पनि विश्व स्वास्थ संगठनलले यसको मोर्टालिटी रेट जम्मा ३ प्रतिशत मात्र रहेको जनाएको छ ।

संक्रमणलाई कम गर्न सरकारले देशव्यापी ‘लकडाउन’ गर्दै चालेका कदम र सोको पालना गर्दै घरमै बसिरहेका नेपाली जनताको धैर्यताको हामी प्रशंसा गर्न चाहन्छौं । यस संकटको स्थितिबाट मुलुक र नागरिकलाई जोगाउन २४ सै घण्टा कर्मभूमिमा क्रियाशिल सबै स्वास्थ्यकर्मी, सुरक्षाकर्मी, सञ्चारकर्मीप्रति जनता आभारी छ र साथ साथै सरकारले उछ मुल्यांकन गर्नु पर्छ । कोरोना भाईरसको सन्त्रासका कारण समाजमा विभिन्न किसिमको अफ्वाह फैलिएको र त्यसले गर्दा पिडित पक्षका परिवारलाई समाजमा निकै नै कठिनाइ झेल्नु परेको छ ।

हुन त केहि सामाजिक संजालहरु पनि कहिँ न कहिँ चुकी रहेको बेला केहि फोहरी राजिनिती गरि रहेका व्यक्तिलाई राजनीति गर्नलाई अवसर पाएका छन् । सामाजिक संजाल मार्फत विभिन्न धर्म जातजातिलाई जोडेको कारण नै हो आज विभिन्न ठाउँमा सामाजिक द्वन्द हुने त्रास बढेको छ। अब हरेक जनता सचेत हुन आवस्यक देखिन्छ । अरु देशको अनुभवबाट समेत कोरोनाको नियन्त्रण गर्न बढि भन्दा बढि जाँच गरी संक्रमितहरुको पहिचान गरी उपचार गर्नु बढि प्रभावकारी देखिएको हुँदा उच्च क्षमता सहितको कम्तिमा पनि एक प्रदेशमा एक ठाउँ हुनेगरी व्यवस्था गर्न सरकारलाई अनुरोध गरौ ।

यति बेला सम्पूर्ण नेपालिहरुले एक ढिक्का बनाएर सहयोगात्मक ढंगले अगाडी बढ्नु पर्ने आवश्यक छ । सरकारले तोकेको अधिकारिक व्यक्तिबाट जानकारी लिने प्रयास गरौ । प्रेस काउन्सिल नेपालबाट मान्यता प्राप्त अनलाइन खबरको समाचार अगाडी सम्प्रेषण गरौ । कसैले सामाजिक संजालमा लेखेको अधारमा सम्प्रेषण नगरौ, गलत सूचना हुन सक्ने अथवा कसैको चरित्र हत्या गर्ने हिसाबले लेखेको हुन सक्छ । समाजमा त्रास फैलाउने काम निन्दनीय छ । तेसैले अब इमान्दार संसुचक र दक्ष व्यक्तित्वहरुले आफ्नो आफ्नो स्तरबाट जिम्मेवार नागरिकको निर्वाह गरौ ।

महमद मेराजुल हवारी
विद्यार्थी नेता
अनेरास्ववियु, पर्सा

निषेधाज्ञामा पनि राेकिएन भारतबाट पर्सा आउने क्रम

0

वीरगंज । निषेधाज्ञामा पनि भारतबाट आउने क्रम रुकन सकेकाे छैन् । पर्साकाे खुला सिमानाका भएर भारतबाट नेपाल आउने क्रम जारी नै रहेकाे फेला परेकाे छ ।

पर्साका ३९ जनामा एकै दिन काेराेना संक्रमण पुष्टि भए पछि स्थानिय प्रशासनले बैशाख ३० गते सांझ ८ बजे देखी जिल्ला भरी जेठ ५ गते सम्म निषेधाज्ञा जारी गरेकाे छ । त्यहीं दिन देखी सम्पूर्ण सिमानाकाबाट आवातजावत पूर्ण रुपले राेक लगाइएकाे भनिए पनि यहीं अवधिमा भारतबाट ६ जना पर्साकाे सखुवा प्रसाैनी पुगेका छन् ।

भारतकाे युपि, दिल्ली र सुरतबाट सखुवा प्रसाैनी गाउँपालिकामा आएका ६ जनालाई गाउँपालिकाकाे क्वारेन्टाइनमा राखिएकाे गाउँपालिका स्वास्थ्य संयाेजक राजेश राैनियारले वताउनुभयाे। निषेधाज्ञामा पनि हिजाे सांझ भारतबाट आएका ३ जना र आज विहान मात्र आएका ३ जनालाई श्री दिपनारायण मावि औंराहा पांचगावा स्थित रहेकाे गाउँपालिकाकाे क्वारेन्टाइनमा राखिएकाे संयाेजक राैनियारले जानकारी गराउनु भयाे ।

यस्तै वीरगंजकाे श्रीसियाबाट आएका एक जनलाई पनि गाउँपालिकाले क्वारेन्टाइनमा राखेकाे छ ।

सबै जनालाई १४ दिन सम्म क्वारेनटाइनमा मै राखिने र काेराेना परिक्षण भए पछि मात्र घर पठाइने प्रमुख प्रशासकिय अधिकृत सन्देश यादवले वताउनुभयाे ।

यस अघि देखी पनि सखुवा प्रसाैनी गाउँपालिकाकाे क्वारेन्टाइनमा एक जना थिए र आज मात्र एक महिला सहित ७ जना थपिए पछि ८ जना भएका छन् ।

अस्पतालबाट फरार संक्रमित मध्ये एक पक्राउ, अझै एक फरार

0

वीरगंज । वीरगंजस्थित नारायणी अस्पतालकाे आइसाेलेसबाट फरार २ जना काेराेना संक्रमित मध्ये एक जना पक्राउ परेका छन् ।

अस्पतालबाट आज दिउसाे फरार भएका काेराेना संक्रमित मध्ये एक जना पक्राउ परेकाे नारायणी अस्पतालका मेसु डा. मदन कुमार उपाध्यायले वताउनु भयाे । पाेखरिया जाने बाटाेकाे तिलावे पुल स्थितबाट वीरगंज २ छपकैया निवासी संक्रमित पक्राउ परेकाे मेसु डा. उपाध्यायले जानकारी गराउनु भयाे ।

अझै एक जना वीरगंज इनार्वाका संक्रमित फरार रहेकाे डा. उपाध्यायले वताउनु भयाे ।

फरार संक्रमित मध्ये एक जना सम्पर्कमा आएकाे जिल्ला प्रहरी कार्यालय पर्साका प्रवक्ता नायब प्रहरी उपरिक्षक बिरेन्द्र साहीले वताउनुभयाे । सम्पर्क विहिन भएका संक्रमित मध्ये २८ बर्षिय पुरुष सम्पर्कमा आएकाे र हाल ति संक्रमितलाई अस्पताल ल्याउने काम भइरहेकाे साहीले जानकारी गराउनु भयाे ।

अर्का सम्पर्क विहिन भएकाे संक्रमितकाे खाेजि कार्यक भइरहेकाे साहीले वताउनु भयाे ।

अस्पतालकाे आइसाेलेसन वार्ड उपचार गराइरहेका काेराेना संक्रमित मध्ये आजै दिउसाे २ जना संक्रमित फरार भएका थिए । फरार भएका दुबै जना हजाे (मंगलबार) संक्रमण पुष्टि भए पछि अस्पताल भर्ना गरिएकाे थियाे ।

लखनपुरका शिव साहले व्यक्तिगत लगानीमा बाँडे राहत

0

वीरगंज । पर्साकाे सखुवा प्रसौनी गाउँपालिका वडा नं. ६ लखनपुरका लकडाउनमा प्रभावित एक सय ५४ गरिब परिवारलाई स्थानीय शिव कुमार साहले राहत वितरण गरेका छन् ।

साहले राहतमा चामल १२.५ किलाे, हरियो तरकारी २ किलाे. (बोडी, कराईला), साबुन १ पिस, आयोडिन नुन १ किलाे र सर्जिकल माक्स लगायतको सामाग्री वितरण गरेका हुन् ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लामो समयकाे लकडाउनमा समस्यामा परेका गाउँका अति गरिब, विपन्न परिवारलाई आफ्नाे व्यक्तिग लगानीमा राहत वितरण गरेकाे साहले वताए ।

अति बिपन्न र गरिब परिवारको स्वास्थयको खयाल गर्दै राहत सामाग्रीमा हरियो तरकारी वितरण गरिएको छ । एकातिर किसानले उत्पादन गरेको हरियो तरकारी बजार नपाउनु र उपभोक्ताले खरिद गर्न नसकनुको समेत मध्यनजर गरि दुबैको सहजताको लागि राहतमा हरियो तरकारी वितरण गरिएको जिल्ला कृषि सहकारी संघ लि. पर्साको अध्यक्ष समेत रहेका साहले बताए ।

नारायणी अस्पतालकाे आइसाेलेसनबाट २ काेराेना संक्रमित फरार

0

वीरगंज । वीरगञ्जस्थित नारायणी अस्पतालबाट दुई जना कोरोना संक्रमित भागेका छन् ।

अस्पतालको आइसोलेसन वार्डमा भर्ना भएका २ जना संक्रमित बुधबार दिउँसो भागेको अस्पताल स्रोतले जनाएको छ । उनीहरुको खोजी भइरहेको अस्पतालले जनाएको छ ।

संक्रित दुबैै जना वीरगंज २ छपकैयाकाे रहेकाे बुझिएकाे छ ।

अहिले नेपाली सेनाले नारायणी अस्पताललाई घेरा हालेका छन् भने फरार संक्रमितकाे खाेजी कार्यमा बाक्लाे संख्यामा नेपाल प्रहरी र सशस्त्र प्रहरी समेत खटाइएकाे छ ।

यस बिषयमा बुझ्न अस्पतालका मेसु डा मदन कुमार उापध्याय, पर्साका प्रमुख जिल्ला अधिकार बिष्णु कुमार कार्कीसंग माेबाइलमा सम्पर्क गर्दा फाेन नउठेका कारण सम्पर्क हुन सकेन ।

थप एक पत्रकारमा पनि कोरोना संक्रमण पुष्टि

0

जनकपुरधाम । वीरगन्जमा दुई जना पत्रकारमा संक्रमण पुष्टि भएको एक दिन नबित्दै जनकपुरधामका अर्का पत्रकारलाई पनि संक्रमण पुष्टि भएको छ ।

धनुषाका प्रमुख जिल्ला अधिकारी कोषहरि निरौलाले ४० वर्षीय पत्रकारमा कोरोना संक्रमण पुष्टि भएको जानकारी दिए ।
४० वर्षीय पत्रकारसँगै जनकपुरधामका एक जना पुस्तक व्यवसायी पनि संक्रमित भेटिएका छन् । ती दुवै जनालाई प्रादेशिक अस्पतालको आइसोलेसनमा भर्ना गरिएको प्रजिअ निरौलाले बताए ।

ती पत्रकार मुटुको बिरामी हुन् । उनले आफू जनकपुरभन्दा बाहिर कतै नगएको बताए । उनले आफू कार्यरत संन्चार संस्थाको कार्यालय र पत्रकार महासंघको कार्यालयमात्र आउ-जाउ गर्ने गरेको बताए ।

यसअघि मंगलबार वीरगञ्जका दुई जना पत्रकारलाई पनि कोरोना संक्रमण पुष्टि भएको थियो । ति दुवै पत्रकारको नारायणी अस्पतालमा उपचार भइरहेको छ ।

पर्सामा निषेधाज्ञा जारी, सेना समेत परिचालन गरिने

0

वीरगंज । पर्सामा कोरोना भाइरस (कोभिड —१९) को संक्रमण व्यापक बन्दै गएको र यसैक्रममा आज मात्र ३९ जनाको कोभिड —१९ को संक्रमण पुष्टि भएकोले संक्रमण अन्यत्र फैलन नदिन रोकथाम, नियन्त्रण तथा व्यवस्थापनलाई प्रभावकारी बनाउन आज पर्साका प्रमुख जिल्ला अधिकारी विष्णु कुमार कार्कीकाे अध्यक्षतामा बसेकाे जिल्ला सुुरक्षा समितिको बैठकले निषेधाज्ञा जारी गर्ने निर्णय गरेकाे छ ।

बैठकले संक्रामक रोग ऐन, २०२० को दफा २ तथा स्थानीय प्रशासन ऐन, २०२८ को दफा ६ को उपदफा ३ बमोजिम आज साँझ ८ बजेदेखि २०७७ जेठ ५ गते राति १२ बजेसम्म पर्सा जिल्लाभरी लागू हुने गरी निषेधाज्ञा जारी गर्ने र उक्त निषेधाज्ञा अवधिभर लागू हुने गरी निम्न आदेशहरु जारी गर्ने निर्णय गरेकाे छ ।

निषेधाज्ञा अवधिभर औषधी उपचार तथा अन्य अत्यावश्यक काममा बाहेक कुनै पनि व्यक्तिहरु घरबाहिर निस्कन पाइने छैन ।शान्ति, सुरक्षा तथा सुव्यवस्था, स्वास्थ्य, खानेपानी, दुध, विद्युत, दमकल, संचार , भन्सार, आइसीपि, क्वारेन्टाइन, फोहरमैला व्यवस्थापन, इन्धन, एम्बुलेन्स, औषधी जस्ता अति आवश्यक सेवा बाहेक अन्य सम्पूर्ण पसल, उद्योग, व्यवसाय, सेवा संचालन बन्द रहने छ ।

स्वास्थ्यकर्मी, सुरक्षाकर्मीले प्रयोग गर्ने बाहेक सबै प्रकारका सार्वजनिक तथा निजी यात्रुबाहक सवारी साधन सञ्चालनमा रोक लगाउने बैठककाे निर्णय छ ।

सीमाना जोडिएका सीमा नाकाहरु तथा खुल्ला सीमानाकाको जुनसुकै स्थानबाट यात्रुहरुको आवागमन निषेध गरिएकोमा लुकीछिपि मानिसहरुको आवागमन रोक्न सुरक्षाकर्मीहरुको व्यापक गस्ती बढाउन र अन्य जिल्लाबाट हुने मानिसहरुको आवातजावत समेत मिति २०७७ जेठ ५ गते राती १२ बजेसम्मका लागि बन्द गरिएकाे छ ।

भारतबाट नेपाल आउने तरकारी ढुवानी गर्ने मालबाहक साधनलार्ई रजतजयन्ती चौकमा मात्र पल्टी गर्न दिने । त्यस्तो तरकारीलाई अन्य जिल्लाको लागि मात्र ढुवानी गर्न दिने तर पर्सा जिल्लाको लागि ढुवानी तथा बिक्री वितरण गर्न नदिने बैठककाे निर्णय छ ।

निषेधाज्ञा अवज्ञा वा अवलेहलना गर्ने वा काममा बाधा पुर्याउने व्यक्तिलाई आवश्यकता अनुसार बल प्रयोग गरी कारवाही समेत गरिने छ ।

कोभिड १९ पोजेटिभ देखिएका व्यक्तिहरुको सम्पर्कमा आएका सबै व्यक्तिहरुको शीघ्र Contract Tracing गरी चेकजाँचको कामलाई तीब्र पार्ने । यसको लागि जनशक्ति सहित थप उपकरण एवं स्वास्थ्य सामाग्रीको व्यवस्थाको लागि सम्वन्धित तालुक निकायहरुमा अनुरोध गर्ने समेत बैठकले निर्णय गरेकाे छ ।

यसका साथै कोभिड १९ को संक्रमण रोकथाम एवं नियन्त्रण गर्न तथा जिल्लामा शान्ति सुव्यवस्था कायम गर्न धेरै संक्रमण भएका तथा अति जोखिममा रहेका स्थानहरुमा नेपाल प्रहरी र सशस्त्र प्रहरी बलको अतिरिक्त स्थानीय प्रशास ऐन, २०२८ को दफा ६ को उपदफा २ अनुसार नेपाली सेनाको समेत परिचालन गर्ने बैठकमा निर्णय भएकाे जिल्ला प्रशासन कार्यालय पर्साले जनाएकाे छ ।

पर्साका ३९ संक्रमित मध्ये एक भारतिय सहित १४ जना ग्रामिण भेगका

0

वीरगंज । पर्साकाे छिपहरमाई गाउँपालिकाकाे क्वारेन्टाइनमा रहेका १४ जनामा काेराेना संक्रमण पुष्टि भएकाे छ ।

छिपहरमाई गाउँपालिकाकाे वडा नं. ५ भिस्वा स्थित श्री मंगल माविकाे क्वारेन्टाइनमा रहेका ५७ जना मध्ये १४ जनामा काेराेना संक्रमण पुष्टि भएकाे गाउँपालिका स्वास्थ्य संयाेजक शम्भु साहले वताए ।

उनले भने “शनिबार क्वारेन्टाइनमा रहेका ५७ र क्वारेन्टाइनबाट घर गइसकेका ८ जना गरी ६५ जनाकाे स्वाब संकलन गरी पिसिआर परिक्षणकाे लागि पठाइएकाे थियाे । जसकाे आज आएकाे रिपाेर्टमा १४ जनामा काेराेना संक्रमण देखिएकाे हाे ।”

उनका अनुसार काेराेना संक्रमण देखिएकाहरु छिपहरमाई गाउँपालिकाकाे जयमंगलापुरका ७ जना, तुलसी बर्वाका एक जना, भिस्वाका एक जना, सम्भाैताका २ जना, धाेबिनी गाउँपालिकाका २ जना र एक भारतिय नागरिक रहेका छन् ।

संक्रमण फेला परेका सबै जना हाल भिस्वा स्थित गाउँपालिकाकाे क्वारेन्टाइनमा नै रहेका छन् । संक्रमित सबैजनालाई वीरगंज स्थित नारायणी अस्पतालमा उपचारकाे लागि पठाउन तयारी भइरहेकाे गाउँपालिकाका प्रमुख प्रशासकिय अधिकृत देवनाथ साहले वताए ।

उनका अनुसार संक्रमण फेला परेका सबै जना बैशाख १३ गते बागलुङबाट एउटै बसमा आएका थिए ।

उनले भने “एउटै बसमा बागलुङबाट आएका ४६ जनालाई नै हामी क्वारेन्टाइमा राखेका थियाैं । तिनीहरु कै काेराेना परिक्षण गर्दा केहीमा नतिजा पाेजेटिभ आएकाे हाे । अब बाकी सबै जना पनि ३ दिन देखी संक्रमितसंगै बस्दै आएका छन्, तिनिहरुकाे चेकअप गरे पछि मात्र घर पठाइन्छ ।”

काेराेना पुष्टि भएका पर्साका ३९ जना मध्ये १४ जना छिपहरमाईकाे क्वारेन्टाइनका रहेका छन् ।