काठमाडौं । नेपालमा थप १० जनामा कोभिड–१९ पुष्टि भएको छ। योसँगै नेपालमा संक्रमण पुष्टि भएकाहरुको संख्या १ सय २० पुगेको छ।
- Advertisement -
स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीद्वारा सोमबार जारी सूचना अनुसार राष्ट्रिय जनस्वास्थ्य प्रयोगशाला, काठमाडौंको प्रयोगशालामा गरिएको परीक्षण अनुसार नयाँ संक्रमण पुष्टि भएको हो।
संक्रमितहरु कपिलवस्तु, यशोधरा गाउँपालिका-५ र बुद्धभूमि नगरपालिका-७ र १० निवासी १८, १९, २०, २०, २४, ३०, ३१, ३४, ३४ वर्षीय पुरुषहरु र एक जना उमेर नखुलेका पुरुष छन्।
संक्रमितहरुको स्वास्थ्य अवस्था सामान्य रहेको बताइएको छ।
नेपालमा संक्रमण पुष्टि भएका १ सय २० मध्ये ३१ जना संक्रमणमुक्त भइसकेका छन्।
