Date
आइत, मंसिर ६, २०८३
Sun, November 22, 2026
Home Blog Page 980

मेडिकल कलेजकाे डायलिसिसमा लापरवाही, एक महिनामा ७ जनाकाे मृत्यु

0

वीरगंज । वीरगंज स्थित नारायणी अस्पतालमा डायलिसिस सेवा बन्द गरी नेशनल मेडिकल कलेजमा व्यवस्था गरिएकाे एक महिनाकाे अवधिमा ७ जनाकाे मृत्यु भएकाे छ ।

पर्साकाे भाैराटार निवासी २५ बर्षिय कृष्णा ठाकुर, अमवा निवासी ६० बर्षिय नन्दलाल महताे, वीरगंज लक्षुमणवा निवासी ६० बर्षिय नागेन्द्र झा, मुर्ली निवासी ४५ बर्षिय नासृन बानु, सर्लाही निवासी ३५ बर्षिय अजय कार्की, गाैर निवासी ५० बर्षिय तल्बुन नेसा र २४ बर्षिय रंजित मण्डलकाे मृत्यु भएकाे हाे ।

संघ सरकारले नारायणी अस्पताललाई काेभिड अस्पताल बनाए पछि अस्पताले बैशाख २ गते देखी आकास्मिक सहित डायलिसिस सेवा बन्द गरेकाे थियाे । नारायणी अस्पतालमा सेवा लिइरहेका सेवाग्राहीहरुले वीरगंज स्थित नेशनल मेडिकल कलेजमा गई सेवा लिन अस्पतालले नै सार्वजनि सुचना मार्फत आग्रह गरेकाे थियाे ।

त्यस पछि बैशाख ३ गते देखि नारायणीकाे ४० जना डायलिसिस सेवाग्राहीहरु नेशनल मेडिकल कलेजमा गएर डायलिसिस सेवा लिदै आएका छन् । त्यस पछि मेडिकल कलेजमा डायलिसिस लेवा लिदै गरेका ३२ दिनकाे अवधिमा ४० जना मध्ये ७ जनाकाे मृत्यु भएकाे हाे ।

समाचार स्राेतका अनुसार नारायणीमा एउटा डायलाइजरबाट २ पटक हुदै आएकाे डायलिसिस नेशनल मेडिकल कलेजले १० पटक सम्म गर्दै आएकाे छ । यसका साथै डायलासिस मेसिन फास्ट चलाएर सेवाग्राहिकाे डायलिसिस गर्नु र डायलिसिस लापरवाही पूर्वक गर्नुले ७ जनाकाे मृत्यु भएकाे हाे ।

नेशनल मेडिकल कलेजले डायलिसिस सेवाग्राहिलाई सांझ ५ बजे बाेलाएर राती ८ बजे देखी ११ बजे पछि मात्र डायलिसिस गरेर दु:ख दिने गरेकाे सेवाग्राहीका आफन्तहरुले गुनासाे गरेका छन् । काेराेना भाइरसकाे महामारीकाे बेला लकडाउनमा समेत रातीकाे समय सेवा लिन सास्ती भाेग्नु परेकाे एक सेवाग्राहीका आफन्तले गुनासाे गरे ।

यस विषयमा अस्पताल प्रशासनसंग बारम्बार गुनासाे गर्दा केही सुधार नभएकाे ति सेवाग्राहीले कालिका टाइम्ससंग दु:खेसाे समेत पाेखे ।

यस बिषयमा मेडिकल कलेजका मेडिकल निर्देशक डा. प्रमाेद सरार्फसंग फाेनमा सम्पर्क गर्दा धम्कीपूर्ण भाषामा प्रतिक्रिया दिएका छन् । डायलिसिस सेवामा लापरवाही भएकाे गुनासाे आइरहेकाे भने बारे साेध्दा उनले गुनासाे भए सिधै अस्पतालमा आएर फेस टु फेस कुरा गर्न भन्दै राख्नुस फाेन, राख्नुस फाेन भनेर ३ पटक धम्की पूर्ण कुरा गर्दै फाेन काटिदिए ।

थप १७ जनामा कोरोना संक्रमण पुष्टि, संक्रमितको संख्या ४४४ पुग्यो

0

काठमाडौँ । नेपालमा कोरोना भाइरस (काेभिड १९)बाट संक्रमित हुनेको संख्या ४ सय ४४ पुगेको छ ।  बीपी कोइराला स्वास्थ्य विज्ञान प्रतिष्ठान, धरान र प्रादेशिक जनस्वास्थ्य प्रयोगशाला विराटनगरमा गरिएको परीक्षणमा थप १७ जनामा संक्रमण पुष्टि भएसँगै संक्रमितको संख्या ४ सय ४४ पुगेको हो ।

बिहीबार संक्रमण पुष्टि भएकाहरुमा झापाका १५ जना, धनकुटा र सुनसरीका एक-एक जना रहेका स्वास्थ्य मन्त्रालयका सह प्रवक्ता डा. समिरकुमार अधिकारीले जनाएका छन् । झापाको कचनकवल गाउँपालिका वडा नम्बर ३, ६ र ८ का १५ जनामा कोरोना संक्रमण पुष्टि भएको हो । उनीहरु १८ देखि ४६ वर्ष उमेर समूहका रहेका छन् ।

त्यस्तै धनकुटा निवासी ३४ वर्षीय पुरुष र सुनसरीको धरान उपमहानगरपालिका निवासी ५१ वर्षीय पुरुषमा पनि कोरोना संक्रमण पुष्टि भएको मन्त्रालयले जनाएको छ ।

योसँगै प्रदेश एकमा मात्रै संक्रमितको संख्या ७६ पुगेको छ । प्रदेश १ मा सबैभन्दा धेरै उदयपुरमा ३३ जनामा संक्रमण पुष्टि भएको छ ।

नेपालभर संक्रमण पुष्टि भएकामध्ये अहिलेसम्म ४५ जना निको भएका छन् । त्यस्तै कोरोना भाइरसको संक्रमणबाट सिन्धुपाल्चोककी एक महिला र बाँकेका एक पुरुषको मृत्यु भएको छ ।

कालिकामाईमा प्रदेश सरकारबाट प्राप्त राहत वितरण

0

पाेखरिया । पर्साकाे कालिकामाई गाउँपालिकाले प्रदेश २ सरकारबाट प्राप्त राहत वितरण गरेकाे छ । गाउँपालिकाकाे ५ वटै वडामा ५ सय १६ घरदुरीमा प्रदेश सरकारकाे राहत वितरण साैहार्दपूर्ण वातावरणमा सम्पन्न भएकाे गाउँ कार्यपालिका कार्यालयले जनाएकाे छ ।

गाउँ कार्यपालिका कार्यालयका अनुसार क्रमश वार्ड नं. १ मा १००, २ मा ९३, वार्ड नं. मा ११०, वार्ड नं. ४ मा ९१ र वार्ड नं. ५ मा ११६ घरधुरीलाई राहत वितरण गरिएकाे छ ।

राहतमा चामल २५ किलाे चामल, दाल एक किलाे, नुन एक किलाे, तेल किलाे, स्वाबिन ५०० ग्राम र साबुन एक पिस वितरण भएकाे वडा नं. ४ का वडाध्यक्ष हरिओम साह कलवारले वताउनुभयाेे ।

प्रदेश सरकारबाट प्राप्त राहत बैशाख ३० गते नै वडा नं.३, ४ र ५ वितरण भएकाे र वाकी रहेकाे वडा नं. १ र २ मा गाउँ कार्यपालिका कार्यालयबाट आज राहत वितरण गरिएकाे वडाध्यक्ष कलवारले जानकारी गराउनुभयाे ।

यस अघि पनि प्रदेश सरकारले लकडाउनमा प्रभावितलाई राहत वितरण गर्न गाउँपालिकालाई रु १० लाख अनुदान दिएकाे थियाे ।

छिपहरमाई र सखुवा प्रसाैनीमा १४८ जनाकाे स्वाब संकलन

0

वीरगंज । पर्साकाे छिपहरमाई गाउँपालिका र सखुवा प्रसाैनीमा आज पिसिआर परिक्षणकाे लागि एक सय ४८ जनाकाे स्वाब संकलन गरिएकाे छ ।

छिपरहमाई गाउँपालिकाकाे वडा नं. ५ भिस्वा स्थित श्री मंगल माविकाे क्वारेन्टाइनमा रहेका ५७ जना र अन्य ३८ जना गरी ९५ जनाकाे स्वाब संकलन गरिएकाे गाउँपालिका स्वास्थ्य संयाेजक शम्भु साहले वताए ।

उनका अनुसार इलका प्रहरी कार्यालय पाेखरियाका  ४ जना थुनुवा सहित स्वास्थ्यकर्मी र संक्रमितका सम्पर्कमा आएका व्यक्तिहरुकाे समेत स्वाब संकलन गरिएकाे छ ।

इलका प्रहरी कार्यालय पाेखरियाका प्रहरी निरिक्षक चन्द्र कुमार सिंह आफै भिस्वा स्थित श्री मंगल माविकाे स्वाब संकलन केन्द्रमा पुगी थुनुवाहरुकाे पिसिआर परिक्षणकाे लागि स्वाब संकलन गराएका थिए ।

छिपहरमाईमा स्वाब संकलनकाे लागि नारायणी अस्पताल वीरगंजबाट स्वास्थ्यकर्मीकाे टाेली पुगेकाे थियाे ।

बैशाख ३० गते छिपहरमाई गाउँपालिकाकाे क्वारेन्टाइनमा रहेका एक भारतिय सहित १४ जनामा काेराेना संक्रमण फेला परेकाे थियाे । साेही क्वारेन्टाइनमा रहेकाहरुकाे अन्य व्यक्तिकाे र संक्रमितहरुकाे नजिक आएकाहरुकाे आज ८ दिन पछि मात्र स्वाब संकलन गरिएकाे हाे ।

यस्तै आजै सखुवा प्रसाैनी गाउँपालिकामा ५३ जनाकाे स्वाब संकलन गरिएकाे छ । गाउँपालिका अध्यक्ष प्रदिप जयसवाल सहित ५३ जनाकाे स्वाब संकलन गरिएकाे गाउँपालिका स्वास्थ्य संयाेजक राजेश राैनियारले जानकारी गराए ।

उनका अनुसार वडा नं. ३ काे श्रीपुर स्थित श्री दिपनारायण मावि औंराहा पांचगावामा १० जना र संक्रमित क्षेत्र वडा नं. १ काे सिद्धपुरमा ४३ जना गरी ५३ जनाकाे पिसिआर परिक्षणकाे लागि स्वाब संकलन गरिएकाे छ । श्रीपुरकाे क्वारेन्टाइनमा रहेका एक जना, ९ जना गाउँपालिकाकाे कर्मचारीहरु, जनप्रतिनिधि र सिद्धपुरमा काेराेना संक्रमितका घरपरिवार सहित नजिकमा आएका ४३ जनाकाे स्वाब संकलन गरिएकाे हाे ।

गाउँपालिका अध्यक्ष जयसवाल समेत संक्रमित क्षेत्रमा गएकाे र गाउँपालिका मै संक्रमण सुरु भए देखी नै रहेकाले उंहाले पनि आफ्नाे इच्छा अनुसार पिसिआर परिक्षणकाे लागि स्वाब संकलन गराएकाे राैनियारले वताए ।

सखुवा प्रसाैनीमा पाेखरिया अस्पतालबाट लैब टेक्नीशियन शुसिल चाैरसिया नेतृत्वकाे स्वास्थ्यकर्मीकाे टाेली स्वाब संकलन गरेकाे हाे ।

सखुवा प्रसाैनीकाे सिद्धपुरमा समेत एक जनामा संक्रमण फेला परेकाे छ ।

थप २५ जनामा काेराेना संक्रमण पुष्टि, संक्रमितकाे संख्या ४२७ पुग्याे

0

बीरगन्ज ।  देशभरमा आज २५ संक्रमित थपिएको स्वास्थ्य तथा जनसंख्या मन्त्रालयले जनाएको छ । याेसंगै संक्रमितकाे संख्या ४ सय २७ पुगेकाे छ ।

मन्त्रालयकाे नियमित पत्रकार सम्मेलनमा मन्त्रालयका प्रवक्ता डा. विकास देवकोटाले यसको पुष्टि गर्नुभएको हो । आज थपिएका संक्रमितमा १८ पुरुष र ७ महिला रहेका छन् ।

संक्रमितहरु बाँकेका ६, धनकुटाका ५, कपिलबस्तुका १३ र नवलपरासी पश्चिमका १ गरी जम्मा २५ जना रहेको मन्त्रालयले जनाएको छ । संक्रमितहरु ३ वर्षीय बालकदेखि ४८ वर्ष सम्मको रहेको प्रवक्ता देवकाेटाले वताउनुभयाे ।

त्यसैगरी, थप ८ जना निको भएर घर फर्किएको मन्त्रालयले जनाएको छ । संक्रमण निको भएर घर फर्किनेको संख्या ४५ पुगेको छ ।

थप ८ जना कोरोना संक्रमित निको भए, डिस्चार्ज हुनेको संख्या ४५ पुग्यो

0

काठमाडौं । विराटनगरस्थित कोशी अस्पतालमा उपचार गराइरहेका ८ जना व्यक्ति कोरोना संक्रमणमुक्त भएर घर फर्किएका छन्।

स्वास्थ्य तथा जनसंख्या मन्त्रालयले आयोजना गरेको मिडिया ब्रिफिङमा उनीहरुलाई डिस्चार्ज गरिएको मन्त्रालयका प्रवक्ता डा विकास देवकोटाले जानकारी दिएका हुन्।

यो सँगै नेपालमा कोरोना संक्रमण निको भएर घर फर्किनेको संख्या ४५ जना पुगेको छ।  य

पछिल्लो २४ घन्टामा २ हजार ४ सय ८८ जनाको परीक्षण गरिएको छ। मन्त्रालयका प्रवक्ता डा विकास देवकोटाले नेपालमा हालसम्म ३५ हजार ४ सय ९४ जनाको कोरोना भाइरसको पिसिआर परीक्षण गरेको छ।

हाल २३ हजार २ सय २ जना क्वारेन्टानइमा रहेको समेत प्रवक्ता डा देवकोटाले जानकारी दिए।

कोरोना संक्रमण भएपछि २ जनाको भने निधन भएको छ।

बालिकामाथि भएकाे यौनदुव्र्यवहारका आराेपतिहरुमाथी कडा कारबाहीकाे माग

0

वीरगंज । बालिकासंग शारीरिक सम्बन्ध राखेको भिडियो बनाउने अवैध गतिविधिमा संग्लन भनिएकाहरुलाई प्रहरी नरम रुपमा प्रस्तुत भएको र घटनालाई ढाकछोप गरिहेको बाल अधिकार सम्वर्द्धन अभियान समिति पर्साले आराेप लगाएकाे छ ।

समितिका जिल्ला संयाेजक जया साह, सचिव राहुल साह र सह सचिव नविन पटेलले आज एक प्रेस विज्ञप्ती जारी गर्दै नाबालिक बालिकाहरुमाथी भएको दुव्र्यवहारको सत्य तथ्य छानबिन गरि दोषीलाई कानून बमोजिमको कडाभन्दा कडा कारवाहीको माग गरेका छन् ।

वीरगंजको आर्दशनगर स्थित रहेको चित्रलेखा स्टुडियोमा ११ र १४ वर्षिय बालिकाहरुको यौनदुव्र्यवहार तथा त्यसलाई क्यामेरामा कैद गर्न लागेको जस्तो गम्भीर प्रकारको गैर कानूनी गतिविधी गर्नेहरुलाई रंगेहात प्रकाउ गरेर प्रहरीले प्रसंसा योग्य कार्य गरेको छ तर आरोपित प्रति भने पर्सा प्रहरी उदार देखिएको समाचार सार्वजनिक भएसँगै हामी बालअधिकारकर्मीहरुको गम्भीर ध्यानाकर्षण भएको जारी प्रेस विज्ञप्तीमा भनिएकाे छ ।

लकडाउन र निषेधाज्ञाको धज्जी उडाउदै सोमबार साझ स्टुडियो संचालक बैजु प्रजापति, उनका सहयोगी बादल जयसवाल र मनिष मिश्रा सहितले दुई जना नाबालिक बालिकाहरुलाई पर्सा प्रहरीले नियन्त्रणमा लिई मंगलबार पुरुष ३ जनामाथी सार्वजनिक अपराध मुद्दा अन्तर्गत म्याद थप गरेको छ । पर्सा प्रहरीसंग यस घटनाको यर्थात बुझन् खोज्दा अनुसन्धान भइरहेको जिल्ला प्रहरी कार्यालय पर्साका प्रवक्ता प्रहरी उपरिक्षक बिरेन्द्र साहीले जानकारी दिनुभयाे।

पक्राउ परेका ३ जना पुरुषमाथी सार्बजिन अपराध मुद्दा दर्ता गरी अनुसन्धान भइरहेकाे र ति २ बालिकाहरु अहिले हाम्रै नियन्त्रणमा रहेकाे प्रवक्ता साहीले वताउनुभयाे ।

घट्नाक्रमलाई हेर्दा यो घटना कुनै हिसाबले सार्वजनिक अपराध अन्र्तगत नपर्ने समितिकाे ठम्याई छ । प्रहरी सार्बजनि अपराध मुद्दा दर्ता गरेकाे सार्बजनिक भए लगतै यसकाे व्यापक बिराेध भइरहेकाे छ । प्रहरीले आराेपितहरुसंग मिलेर घटना दबाउनमा लागेकाे बाहिर व्यापक चर्चा हुनुकाे साथै पर्सा प्रहरीकाे आलाेचना समेत भइरहेकाे छ ।

पर्सा प्रहरीकाे प्रमुख महिला नै हुदा बालिका याैनदुव्र्यवहारका आराेपतिमाथी कानुन बमाेजिम कारबाही हुने सबैले विश्वास गरे पनि प्रहरीकाे रवैयाले त्याे गलत साबित हुने सबैमा आशंका उत्पन्न भएकाे छ ।

जुवातास र मदिरा सम्बन्धी समाचार मेल मार्फत पठाउने पर्सा प्रहरीले यो घटनाबारे पत्रकारहरुलाई कुनै औपचारिक जानकारी गराएको छैन । कुनै विज्ञप्ति नपठाएको देख्दा पर्सा प्रहरीको नियतमाथि अहिले स्थानियहरुले औँला ठड्याउन शुरु गरेका छन् ।

कोभिडको संक्रमणले आक्रान्त बनेका बेला बालिकाहरु यौन दुव्र्यवहारमा समेत पर्नु थप पीडादायि अवस्था हो । विभिन्न अध्ययनहरुले यस्ता आपत र विपदको समयमा बालबालिकाहरुको अधिकार हनन हुने जोखिम उच्च रहने समेत देखाएको छ ।

तसर्थ हामी यस पर्सा जिल्लाका बाल क्लबका पूर्व सदस्यद्वारा गठित यस अभियान समिति तथा बालअधिकारकर्मीहरु आज हामी गुज्रिरहेको परिस्थितिमा बालबालिकाहरुको अधिकार प्रति सरकार, सरोकारवाला र अभिभावहरुलाई थप जिम्मेवार र गम्भीर हुन प्रेस विज्ञप्ती मार्फत आग्रह समेत गरिएकाे छ ।

युवा नेता सरार्फद्वारा विपन्नलाई राहत सहयोग

0

वीरगञ्ज । कोरोना भाईरसका (काेभिड १९) संक्रमण राेकथाम तथा नियन्त्रणकाे लागि जारी लक डाउनले प्रभावित वीरगञ्जका अति बिपन्न परिवारहरुलाई आज युवा नेता एवं समाजिक अभियन्ता ओमप्रकाश सरार्फले राहत बितरण गर्नुभएको छ ।

नेता सर्राफले दुई दर्जन अति बिपन्न परिवार तथा डेरा गरि बस्ने मजदुर परिवारलाई व्यक्तिगत खर्चमा प्रती परिवार आठ किलो चामल, दाल लगायतका राहत समाग्री बितरण गर्नुभएको हो ।

सर्राफले बिगतमा पनि घर दैलोमा गई मासक साबुत बितरण, जन चेतनामूलक कार्यक्रम, अति प्रभावितहरुलार्ई राहत बितरण गर्दै आउनुभएको थियाे । सर्राफको अभियानमा किसु सरार्फ, संजय पटेल, रन्जित पटेल, बिबेक श्रीवास्तव लगायतले सहयोग गर्दै आएका छन ।

अहिले सम्म सात हजार मास्क, साबुन र विभिन्न संस्थाको सहयोग तथा निजि ब्यवस्थापनमा करिब चार सय परिवारलाई राहत बितरण गरि सकेको अभियन्ता सरार्फले जानकारी दिनुभयो ।

राजनितिक दल, सांसद र पालिका प्रमुख बिच छलफल, समन्वय समिति गठन गर्ने निर्णय

0

वीरगंज । कोरोनासंग लड्न पर्सामा सर्वदलीय नेता र स्थानिय सरकार प्रमुखहरु बिच आज छलफल भएकाे छ । नगर सभा गृहमा वीरगंजमा राजनितिक दलका नेता र पालिका प्रमुखहरु बिचकाे भएकाे समन्वय बैठकमा काेराेना विरुद्धकाे लडाई कसरी जित्न सकिन्छ भन्ने विषयमा छलफल भएको हाे ।

बैठकमा कोरोनाविरुद्धको लडाई कसरी लड्न सकिने, संक्रमितकाे उपचार र कृषककाे समस्या बारे विमर्श भएको प्रदेश सांसद राजेशवर साहले वताए । यसका साथै संक्रमितकाे घरपरिवार, नजिकका व्यक्तिहरु र क्वारेन्टाइनमा रहेकाहरुकाे पिसिआर परिक्षण गर्न सम्बन्धमा छलफल भएकाे समन्वय बैठकमा सहभागि समेत रहेका सांसद साहले जानकारी गराए ।

बैठकका सहभागिहरुले काेराेना परिक्षण गर्नु पर्ने, संक्रमितकाे उपचारकाे लागि अस्पतालकाे व्यवस्था गर्नु पर्ने र किसानहरूलाई आवश्यक मल, बीउ, डिजेल उपलब्ध गराउनु सम्बन्धमा आ आफ्नाे सुझाव राखेकाे साहकाे वताए ।

यसका साथै बैठकमा विभिन्न स्थानिय तहका संक्रमितहरुकाे उपचार समेत वीरगंजमा उपचार भइरहेकाेले आर्थिक सहयाेग सम्बन्धमा समेत छलफल भएकाे सांसद साहले जानकारी गराए ।

सो क्रममा वीरगंज महानगरपालिकाका प्रमुख विजयकुमार सरावगीले समेत पर्साका स्थानीय तहका प्रमुखहरूलाई आर्थिक सहयोग गर्न आग्रह गरे।

नेपाल सरकारले अहिलेसम्म एक हजार भिटिएम किट पठाए पनि तत्काल ५ हजार किटको आवश्यकता रहेको उनले बताए। महानगरले भ्याएसम्म काम गरिरहेको र दुई हजार शैøयाको क्वारेन्टाइनको व्यवस्थामा अगाडि बढेको उनले बताए ।

स्थानीय तहका प्रमुखहरूले दिशानिर्देश दिने व्यक्ति कोही नभएको कारण आफूखुशी काम गरिरहेको बताए। उनीहरूले सङ्घ र प्रदेश सरकारले राहतको नाममा स्थानीय तहमा झगडा लगाउने काम गरिरहेको बताए ।

छलफलमा १४ वटै स्थानीय तहका प्रमुखले छुट्टै भिटिएम किटको व्यवस्था गर्न माग गरेका थिए। उनीहरूले गाउँमा मल, बीउ, डिजेलको हाहाकार भएको र स्थानीय प्रहरी प्रशासनसँग समन्वय गर्दा चासो नदेखाएको बताएका थिए।

पर्साका प्रमुख जिल्ला अधिकारी विष्णु कार्कीको नेतृत्वहीन कामप्रति दुःख व्यक्त गर्दै स्थानीय तहका प्रमुखहरूले तत्काल सरुवाको माग गरे। प्रहरी ज्यादतीविरुद्ध स्थानीय जनता आजित भएको र सो कार्य तत्काल रोक्न पनि माग गरेका थिए।

छलफलको क्रममा महामारीको बेला संघ र प्रदेश सरकारले सहयाेग नगर्दा अवस्था विकराल बनिरहेको स्थानीय सरकारका प्रमुखहरूले जानकारी गराए । लकडाउन जारी भएको करीब दुई महीनामा अहिलेसम्म स्थानीय सरकारसँग सङ्घ र प्रदेश सरकार कसैले समन्वय नगरेको उनीहरूले बताए।

छलफलमा भाइरसविरुद्धको लडाइँसँगै विकास निर्माणका कार्य पनि अगाडि बढाउन बैठकका सहभागिहरुले सुझाव दिएका थिए ।

बैठकले काेराेनासंग लड्न जिल्ला स्तरिय समन्वय समिति बनाउने समेत निर्णय गरेकाे छ । जिल्ला समन्वय समितिका संयाेजककाे संयाेजकत्वमा विभिन्न राजनितिक दलका जिल्ला अध्यक्ष, पालिका प्रमुखहरु लगायतकाे सहभागि रहने जिल्ला स्तरिय समन्वय समिति गठन गर्ने निर्णय गरेकाे हाे ।

बैठकमा नेपाली काङ्ग्रेसका अजय द्विवेदी, नेकपाका प्रभु हजरा, जनता समाजवादी पार्टीका रामनरेश यादव,  प्रदेश सांसद मन्जुर आलम, करीमा बेगम, सिंहासन साह कलवार, शङ्कर चौधरी, रमेश पटेललगायत स्थानीय तहका प्रमुखहरूको सहभागिता थियो।

ठाकुर रामकाे क्वारेन्टाइनमा रहेका भारतियहरुलाई घर पठाइयाे

0

वीरगन्ज । नेपालमा लकडाउन सुरु भएदेखि घर जान नपाइ वीरगन्जमा करिब ५० दिनदेखि फसेका १ सय ९८ भारतीयलाई मङ्गलबार भारत सरकारको जिम्मा लगाएर पठाइएको छ । वीररगन्जको ठाकुरराम बहुमुखी क्याम्पसको क्वारेन्टाइनमा चैत दोश्रो सातादेखि राखिएका ९८ र वीरगन्ज स्थित आफन्तको घरमा बसेका १ सयजनालाई भारत पठाइएको हो ।

वीरगन्ज स्थित एकीकृत भन्सार जाँच चौकी आइसीपी नाकामा भारतीय अधिकारीहरुको जिम्मा लगाएर पठाइएको पर्साका सशस्त्र प्रहरी उपरीक्षक दिपेन्द्र कुवँरले जानकारी दिए । उनीहरुलाई लिन भारतबाट आइसीपीमा ७ वटा बस आएको थियो । त्यही बसमा चढेर भारतीय आफ्नो घर र्फिएका हुन् ।

आइसीपीमा वीरगन्ज स्थित भारतीय महावाणिज्य दूतावासका वाणिज्यदूत नितेशकुमारको रोहबरमा भारत बिहारको पूर्वी चम्पारण जिल्लाका डिएम सर्वत अशोक कपीललाई जिम्मा लगाएर पठाइएको सशस्त्र प्रहरी उपरीक्षक कुवँरले बताए।

नेपालमा चैत ११ गतेदेखि लकडाउन सुरु भएपछि विभिन्न शहरमा रोजगारी र अन्य काम गर्ने उनीहरु घर फर्कने क्रममा वीरगन्ज नाकामा चैत दोश्रो साता आइपुगेका थिए । उनीहरूलाई प्रहरीले नियन्त्रणमा लिएर ठाकुरराम क्याम्पसको क्वारेन्टाइनमा राखेको थियो ।