Date
आइत, मंसिर ६, २०८३
Sun, November 22, 2026
Home Blog Page 981

आइसोलेशनमा रहेकाहरुलाई भाेर संस्थाद्वारा सहयाेग

0

वीरगंज । काेराेेना भाइरस (काेभिड़ १९) संक्रमणबाट प्रभावित भई बिरगंज स्थित नारायणी अस्पताल र सिद्धार्थ स्कूलको आइसोलेशनमा रहेको व्यक्तिहरूको एक गैर सरकारी संस्थाले खाद्य सामग्री सहयाेग गरेकाे छ ।

वीरगंजकाे आइसाेलेसनमा रहेका ९० जानालाई १० दिन सम्म पुग्ने ग़री इम्युनिटीपॉवर बढ़ाउने विभिन्न खाद्य सामग्री सहयाेग गरिएकाे सामाजिक अभियान्ता प्रकाश थारुले वताउनुभयाे । भोर नामक गैर सरकारी संस्थाको आर्थिक सहयोग र सामाजिक अभियन्ता थारुको समन्वयमा अस्पताल मैं पुगी सामग्री सहयाेग गरिएकाे हाे ।

अस्पतालका मेडिकल सुपरिटेन्डेन्ट डा. मदन कुमार उपाध्यायलाई प्रति व्यक्ति पाउने च्यवनप्राश ५०० ग्राम २ थान, चनाको सेतु २ किलो, कागती निम्बू ३ पीस, ड्राई फ्रूड २५० ग्राम (काजू, किसमिस, छोकड़ा, पिस्टा, बादाम), त्रिफलाचूर्ण ५० ग्राम, अश्वगंधाचूर्ण ५० ग्राम, अमृत चिया सहयाेग गरिएकाे थारुले जानकारी दिनुभयाे ।

काेराेना भगाउन बिरन्चीबर्वामा ध्वाजारोहण

0

पाेखरिया । पर्साको कालिकामाई गाउँपालिका वडा नम्बर ५ बिरन्चीवर्वामा आज कोरोना भाईरसलाई हराउन तथा अनेक बिघनबाधा अडचनलाई बचाउ गर्नका लागी र देशमा अमनचयन र सुखशान्तिका लागी भवानीमाई मंदिरमा महाबिरी धवाजा ध्वाजारोहण गरिएको छ ।

सम्मपुर्ण गाउँवासीको तर्फबाट स्थानिय अगुवा जयनारायण पटेल, अम्बिका ठाकुर, बृजकिशोर चौहान, छबिलाल राउत कम्मकर लगायत दर्जनौ स्थानिय अगुवा तथा स्थानियहरुको सहभागीता रहेको थियो । ध्वाजारोहण पश्चात अब गाउँवासी र हाम्राे क्षेत्र लगायत देशमा कुनै किसिम्मको महामारीले खोट पुर्याउन नसक्ने बिश्वास रहेकाे स्थानिय देवनाथ ठाकुरले बताए ।

ध्वाजारोहण गर्दै बिभिन्न संस्कृत मंत्रबाट पुजापाठ समेत गरिएको थियो । स्थानिय पुजारी राजेश तिवारीले बिहान ७ बजे देखी ११ बजे सम्म लगातार सुखशान्तिका लागी मंत्र पढी कामना गरेका थिए ।

पर्सामा निषेधाज्ञा हटे पनि संक्रमित परिवारकाे समेत काेराेना परिक्षण भएन, कसले के भने ?

0

वीरगंज । पर्सामा एकैपटक ३९ जनामा काेराेना संक्रमण फेला परे पछि निषेधाज्ञा जारी गरिएकाे थियाे । तर साे निषेधाज्ञा जारी भएकाे अवधि समाप्त भए पनि संक्रमित क्षेत्रकाे काेराेना परिक्षण हुन सकेकाे छैन् ।

बैशाख ३० गते दिउसाे एकैपटक ३९ जनामा काेराेना संक्रमण पुष्टि भए पछि स्थानिय प्रशासनले साेही दिन राती ८ बजे देखी जेठ ५ गते राती १२ बसे सम्म निषेधाज्ञा जारी गर्‍याे । स्थानिय प्रशासनबाट निषेधा जारी भएकाे राती नै फेरी थप १८ जना संक्रमण पुष्ठि भयाे। साेसंगै एकै दिन संक्रमित फेला परेकाे संख्या ५७ पुग्याे ।

ति संक्रमितहरु वीरगंज महानगरपालिकाकाे विभिन्न वडा सहित पर्साकाे छिपहरमाई गाउँपालिकापालिका थिए । यस भित्र कै संक्रमित मध्ये २ जना पत्रकार समेत थिए ।

त्यस पछि फेरी कालिकामाई गाउँपालिकामा पनि एक जना, सखुवा प्रसाैनी गाउँपालिकामा एक जना र वीरगंजकाे मुर्लीमा समेत एक जना संक्रमित फेला परेका छन् । तर यी सबै क्षेत्रमा हाल सम्म पिसिआर टेष्टकाे लागि स्वाब संकलन समेत हुन सकेकाे छैन् ।

वीरगंजकाे पिसिआर परिक्षणकाे अवस्थाकाे बारेमा महानगरका मेयर विजय कुमार सरावगीसंग बुझ्दा यसकाे बारेमा नारायणीका मेसुसंग नै बुझ्दा राम्राे हुने वताए ।

उनले भने “वीरगंजमा पिसिआर परिक्षणकाे अवस्था एकदम दैनिय छ, वीरगंजमा १० हजार जति पिसिआर परिक्षण गर्नु पर्नेमा एक दिनमा २ सय/३ सय जति मात्र भइरहेकाे छ।

वीरगंजकाे पिसिआर परिक्षणकाे लागि संघ र प्रदेश सरकारले ध्यान नदिएका कारण समेत समस्या भएकाे उनकाे भनाई थियाे ।

नारायणी अस्पतालका मेसु डा. मदन कुमार उपाध्यायसंग बुझ्दा साेमबार देखी भिटिएम अभावमा पिसिआर परिक्षणकाे लागि स्वाब संकलन राेकिएकाे वताए । उनले भने “हाल सम्म पर्सामा करिब २ हजार जतिकाे पिसिआर परिक्षण भएकाे छ, हाल हामीसंग भिटिएम नभएर राेकिएकाे हाे ।”

एकै दिन पर्सामा ५७ संक्रमित फेला परे पक्षि कति पिसिआर परिक्षण भएकाे हाे भने मेसु डा. उपाध्यायसंग साेध्दा त्यसकाे लागि आफुले तथ्यांक देख्नु पर्ने भएकाेले आधि घण्टा पछि फाेन गर्न भनेका थिए । तर आधि घण्टा पछि फाेन गर्दा फाेन काटेर आफु अहिले मिटिङ्गमा रहेकाे मेसु उपाध्यायले मैसेज पठाएका थिए ।

हामीलाई प्राप्त जानकारी अनुसार पर्सामा एकै दिन ५७ संक्रमित फेला परेकाे भाेलीपल्ट पत्रकारहरुले आफै गएर नारायणी अस्पतालमा स्वाब संकलन गराए जति मात्र पिसिआर परिक्षण भएकाे छ । त्यस पछि मेसु उपाध्यायकाे लापरवाहीका कारण पिसिआर परिक्षण हुन सकेकाे छैन् ।

छिपहरमाई गाउँपालिकाकाकाे क्वारेन्टाइनमा रहेकाहरुका मध्ये १४ जनामा काेराेना संक्रमण फेला परेकाे आज ७ दिन वित्न लाग्दा समेत पिसिआर परिक्षणकाे लागि स्वाब समेत संकलन हुन सकेकाे छैन् । हाल संक्रमित फेला परेकाे छिपहरमाई गाउँपालिकाकाे वडा नं. ५ भिस्वा स्थित श्री मंगल माविकाे क्वारेन्टाइनमा ४७ जना रहेका छन् ।

संक्रमण फेला पर्नु अघि छिपहरमाई गाउँपालिकाकाे क्वारेन्टाइनमा रहेकाहरुसंगै डिजे बजाएर डान्स गरेकाे भिडियाे समेत सार्बजिनक भएकाे थियाे । यसका साथै छिपहरमाईका क्वारेन्टाइनमा फेला परेका संक्रमितहरुसंग तिनिहरुका घरपरिवारका सदस्यहरु क्वारेन्टाइनमा आएर भेटे पनि तिनिहरुकाे समेत स्वाब संकलन हुन सकेकाे छैन् ।

स्थानियहरुका अनुसार तिनिहरु खुल्याम रुपमा गाउँ मै घुमिरहेका छन् ।

गाउँपालिकाले संक्रमण फेला परेकाे दिन देखी नै स्वाब संकलन गरी पिसिआर परिक्षणकाे लागि निरन्तर पहल गर्दा समेत हुन नसकेकाे प्रमुख प्रशासकिय अधिकृत देवनाथ साहले वताए ।

उनले भने “हामी जब फाेन गर्छाैं नारायणीकाे मेसु साहेब कंहा तब उहाँ भन्नु हुन्छ भाेली भइहाल्छ तर हुदैन् । हिजाे पनि फाेन गर्दा आर्मी किट लिन गएका छन्, आए पछि भइहाल्छ र आज पनि गर्दा आर्मि किट लिन गएका छन् आए पछि हुने जवाफ आएकाे हाे ।”

उनले थपे “गाउँवासी त्रसित छन्, हामीलाई गालि समेत गरिरहेका छन् तर संक्रमितकाे सम्पर्कमा रहेकाहरुकाे समेत काेराेना परिक्षण नहुदा झन त्रास बढाएकाे छ ।”

यस्तै अवस्था कालिकामाई गाउँपालिका र सखुवा प्रसाैनी गाउँपालिकाकाे समेत रहेकाे छ । संक्रमण फेला परेकाे लामाे समय हुदा समेत संक्रमितकाे परिवारकाे सदस्यहरुकाे समेत पिसिआर परिक्षण हुन सकेकाे छैन् ।

संक्रमितहरु गाउँमा बसे पनि न त गाउँ नै सिल गरिएकाे छ, न त कन्टेक्ट ट्रेसिङ नै गरी स्वाब संकलन गरी पिसिआर परिक्षण गरिएकाे स्थानियहरुले गुनासाे गरेका छन् ।

निषेधाज्ञा समेत हटे पिसिआर परिक्षण नहुदा संक्रमित क्षेत्रकाबासीलाई झन त्रसित बनाएकाे छ ।

यसबारे पर्साका सहायक प्रमुख जिल्ला अधिकारी ललित कुमार बस्नेतसंग बुझ्न समेत माेबाइलमा सम्पर्क गर्न प्रयास गर्दा फाेन ब्यस्त भएकाे र फाेन लागे पनि नउठेका कारण सम्पर्क हुन सकेन ।

यस बिषयमा के पहल हुदै छ भने पर्सा क्षेत्र नं. १ का संघिय सांसद प्रदिप यादवसंग समेत फाेनमा सम्पर्क गर्दा आफुले यसकाे लागि आज नै प्रधानमन्त्रीसंग भेटन गइरहेकाे भन्दै आफु तपाईसंग पछि कुरा गर्ने वताए ।

थप १८ जनामा कोरोना संंक्रमण पुष्टि, संंक्रमितको संंख्या ३७५ पुग्यो

0

काठमाडौं । नेपाल भाइरसबाट संंक्रमितको संंख्या ३५७ पुगेको छ ।

सोमबार राष्ट्रिय जनस्वास्थ्य प्रयोगशाला काठमाडौं, बीपी कोइराला स्वास्थ्य विज्ञान प्रतिष्ठान धरान धरान, भेरी अस्पताल नेपालगन्ज र कोसी अस्पताल विराटनगर गरिएको परीक्षणमा थप १८ जनामा संक्रमण पुष्टि भएसँगै संक्रमितको संख्या ३७५ पुगेको हो ।

सलोनीको अध्यक्षतामा रोट्रयाक्ट क्लबकाे नयाँ कार्यसमिती

0

वीरगञ्ज । रोटा वर्ष २०२०/२१ का लागि रोट्रयाक्ट क्लब अफ वीरगञ्ज मेट्रोपोलिसको नयाँ कार्यसमिती चयन भएको छ । गत शनिबार बसेको बैठकले आरटिआर सलोनी रौनियारको अध्यक्षतामा १७ सदस्यीय कार्यसमिती बिस्तार गरेको हाे ।

आरटिआर सलोनीकाे अध्यक्षतामा गठन भएको नयाँ कार्यसमितीको उपाध्यक्षमा आरटिरआर आलोक कर्ण, सचिवमा आरटिआर रबिन श्रेष्ठ, सहसचिवमा आरटिआर दिपु वर्णवाल, कोषाध्यक्षमा आरटिआर स्वस्तीक महन्ती, सह कोषाध्यक्षमा आरटिआर सरस्वती पौडेल लगायतका रहेका छन् ।

समाज कल्याणका लागि स्वतःस्फुर्त रुपमा कार्य गर्दै आएको रोट्रयाक्ट क्लब अफ वीरगञ्ज मेट्रोपोलिसले आगामी दिनमा थप क्रियाशिल बन्ने क्लबका सह सचिव आरटिआर बर्णवालले वताए ।

पर्सामा निषेधाज्ञा हट्याे, लक डाउन प्रभावकारी रुपमा कार्यान्वयन गरिने

0

वीरगंज । पर्सा जिल्लामा लगाइएको निषेधाज्ञा मंगलबारदेखि हट्ने भएको छ । जिल्ला सुुरक्षा समितिकाे आज बसेकाे बैठकले बैशाख ३० गते राती ८ बजे देखी जेठ ५ गतेसम्म जारी गरीएकाे निषेधाज्ञा अब नगर्ने निर्णय गरेकाे हाे ।

जिल्लामा कोराना संक्रमण व्यापक बन्दै गएकोले अन्यत्र फैलन नदिन र रोकथाम, नियन्त्रण तथा व्यवस्थापनलाई प्रभावकारी बनाउन लागू गरिएको निषेधाज्ञा अब नगर्ने निर्णय गरिएकाे पर्साका सहायक प्रमुख जिल्ला अधिकारी ललित कुमार बस्नेतले वताउनुभयाे ।

पर्साका प्रमुख जिल्ला अधिकारी विष्णु कुमार कार्कीकाे अध्यक्षतामा बसेको सुरक्षा समितिकाे बैठकले नेपाल सरकारले मिति २०७७ जेष्ठ २० गतेसम्म लक डाउनको समय बढाएकोले लक डाउनलाई प्रभावकारी रुपमा कार्यान्वय गर्ने तर निषेधाज्ञा जारी नगर्ने निर्णय गरेकाे बस्नेतले जानकारी दिनुभयाे ।

बैठकले लक डाउनलाई प्रभावकारी रुपमा कार्यान्वयन गर्न निम्न अनुसार अनुसारकाे निर्णय गरेकाे छ ।

(क) एम्बुलेन्स, खानेपानी, विद्युत, टेलिफोन मर्मत सम्भारको लागि प्रयोग हुने सवारी साधन, स्वास्थ्यकर्मी बोक्ने सम्बन्धित अस्पतालका यात्रुवाहक सवारी साधन, फोहरमैला व्यवस्थापनमा खटिने जनशक्ति बोक्ने सवारी साधन, औषधी, दुध, पानी पेट्रोलिय पदार्थ ढुवानीका सवारी साधन तथा भन्सारबाट विभिन्न जिल्लाका लागि छुटेका अत्यावश्यक वस्तु तथा सेवा ढुवानी गर्ने मालबाहक सवारी साधन तथा जिल्ला प्रशासन कार्यालयबाट अत्यावश्यक कार्यको लागि सवारी अनुमति पत्र प्राप्त गरेका सवारी साधनहरुबाहेक अन्य सवारी साधन संचालनमा पूर्ण रुपमा रोक लगाउने ।

(ख) अत्यावश्यक वस्तुहरु (जस्तो खाद्यन्न, किराना, दुध, ग्याँस, पानी आदि) को बिक्री वितरण गर्ने पसलहरु मात्र विहान जतिसक्दो सबेरैदेखि बिहान ८ः३० बजेसम्म मात्र खोल्न दिने । औषधी पसल भने जुनसुकै समयमा पनि खोल्न दिने ।

(ग) साँगुरा गल्ली, ठेलागाडा, चोकहरुमा बिक्री वितरण गर्न नदिने ।

(घ) अत्यावश्यक वस्तुहरुको खरिद बिक्री गर्ने क्रममा संक्रमणको जोखिम हुन नदिन भिडभाड हुन नदिने, व्यवसायी र ग्राहक सबैलाई अनिवार्य रुपमा मास्क लगाउन लगाउने तथा उपभोक्ताहरुबीच कम्तिमा ३ फिटको दुरी कायम हुने गरी लाइन व्यवस्थापन गर्नुपर्ने जिम्मेवारी सम्वन्धित व्यवसायी स्वयंको हुने । यसो भएको नपाइए सम्वन्धित व्यवसायीलाई संक्रामक रोग ऐन, २०२० अनुसार कारवाही गर्ने ।

(ङ) मुख्य बजार क्षेत्रमा भने बिहान ६ बजेदेखि साँझ ७ः३० बजेसम्म खाद्य, किराना पसलहरुसमेत खोल्न नदिने ।

(च) पावर हाउस चोकदेखि रजत जयन्ती चौकसम्मको सडकमा विहान ६ बजेदेखि साँझ ७ः३० बजेसम्म एम्बुलेन्स, सुरक्षाकर्मी, स्वास्थ्यकर्मी ओसारपसार गर्ने अस्पतालका सवारी साधन बाहेकका अन्य सवारी साधन समेत संचालमा रोक लगाउने ।

(छ) कृषि कार्यसँग सम्वन्धित सामाग्री, पशुपंक्षीजन्य आहारा, सबै प्रकारका खाद्य वस्तु तथा निर्माण सामाग्री ढुवानीका साधनहरु बीरगंज महानगरपालिका क्षेत्रभित्र बेलुकी ६ः०० बजेदेखि बिहान ६ः०० बजेभित्र मात्र संचालन गर्न दिने ।

(ज) भारतबाट आउने तरकारीलाई पर्सा जिल्लाको लागि प्रवेश निषेध गर्ने तर स्थानीय तरकारीलाई भने होम डेलिभरी गर्न दिने ।

(झ) भिडभाड नहुने तथा कामदार, कर्मचारीहरुबीच भौतिक दुरी कायम गर्नेदेखि तोकिएका सबै स्वास्थ्य सुरक्षाका आधारभूत मापदण्ड र शर्त पालना गर्ने औषधी, खाद्यान्न जस्ता अत्यावश्यक उद्योगहरु संचालन गर्न दिने ।

यस्तै बैठकले कोभिड १९ को संक्रमण रोकथाम एवं नियन्त्रण गर्न तथा जिल्लामा शान्ति सुव्यवस्था कायम गर्न लक डाउनको उल्लंघन गर्ने एवं शान्ति सुव्यवस्था र अमनचयनमा खलल पुर्याउने व्यक्तिहरुलाई संक्रामक रोग ऐन, २०२० तथा स्थानीय प्रशासन ऐन, २०२८ अनुसार कडा कारवाही गर्ने समेत निर्णय गरेकाे सहायक प्रमुख जिल्ला अधिकारी बस्नेतले वताउनुभयाे ।

एकैपटक ५३ जनामा कोरोना संक्रमण पुष्टि, संक्रमितकाे संख्या ३५७ पुग्याे

0

काठमाडौं । आज (सोमबार) एकैपटक ५३ जनामा कोरोना भाइरस (कोभिड–१९) संक्रमण पुष्टि भएको छ । यससँगै कुल संक्रमितको संख्या ३५७ पुगेको छ ।

स्वास्थ्य तथा जनसंख्या मन्त्रालयकाअनुसार बाँकेमा मात्र ४७ जनामा कोरोना संक्रमण पुष्टि भएको छ । भेरी अस्पतालको प्रयोगशालामा गरिएको परीक्षणमा उनीहरुमा संक्रमण पुष्टि भएको हो । र, संक्रमितहरु मध्ये ४६ जना पुरुष र एक महिला छन् ।

त्यस्तै गुल्मी, मोरङ, धनुषा, रौतहट, दाङ र धादिङमा १/१ जना गरी ६ जनामा पनि सोमबार नै कोरोना संक्रमण पुष्टि भएको छ ।

उनीहरु १८ देखि ३६ वर्ष उमेर समूहका रहेका स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिए ।  उनीहरुको स्थायी ठेगाना र हालको ठेगानामा कन्ट्याक ट्रेसिङ सुरु गरिसकिएको उनले बताए ।

प्रहरी ज्यादती बढदै, बस पार्कका असईकाे कुटपिटबाट खुट्टा भाँच्चियो

0

बीरगन्ज । निषेधाज्ञालाई कडा बनाउने बहानामा बीरगन्जमा प्रहरी ज्यादती बढदै गएको छ । सुरक्षाकर्मीको दुर्व्यवहार र कुटाईबाट सर्वसाधारण दिनहुँ पिडित बन्न थालेका छन् ।

निषेधाज्ञाको बेला बाहिर निस्कन नपाइने कुराको जानकारी हुदाँहुदैं पनि अत्यावश्यक सामानको जोहो गर्न र औषधी उपचारका लागि बाध्य भएर बाहिर निस्कने सर्वसाधारण प्रहरीबाट पिडित हुन थालेका हुन् । के कारणले बाहिर आएको हो ? कारण नै नबुझी प्रहरीले सर्वसाधारणलाई अन्धाधुन्द लाठी प्रहार गर्छन् ।

केही दिन पहिला नेपाली सेनाले स्वास्थ्यकर्मी कुटेको, बच्चालाई दुध लिन निस्केका एक सर्वसाधारण र आमाको औषधी लिन निस्केका एक युवा सामाजिक अभियन्तालाई प्रहरीले कुटेको केही दिन बित्न नपाउदैं फेरि एक होटल व्यवसायी प्रहरीको निशानामा परेका छन् ।

बीरगन्जको बसपार्कका होटल व्यवसायी नागेन्द्र पटेलको प्रहरीको कुटाईबाट खुट्टा भाँच्चिएको छ । बच्चाको लागि दुध लिन हिजो बिहान बाहिर निस्केका पटेल पनि प्रहरीको निर्मम कुटाईबाट बच्न सकेनन् । बसपार्कमा कार्यरत असई लालबाबु साहले न त बाहिर निस्कनु कारण नै सोधें, न त कारण सुन्न नै चाहें, बस् तथानाम गाली गर्दै पटेलमाथि जाइलागे ।

असई साहले पटेललाई यतिसम्म कुटे कि पटेलको खुट्टा नै भाँच्चियो । निर्मम कुटाईबाट खुट्टा भाँच्चिएका पटेललाई परिवारजनले बीरगन्जस्थित नेशनल मेडिकल कलेज अस्पताल पु¥यायो । पटेलको भाँच्चिएको खु्ट्टाको पलस्टर गरिएको छ । अहिले उनी आफ्नै घरमा आराम गरिरहेका छन् ।

निषेधाज्ञाको नाममा प्रहरीको ज्यादती बढे पनि लगाम लगाउन पर्सा प्रहरीको नेतृत्व भने मौन छ । पत्रकारलाई समेत दुर्व्यवहार र कुट्न पछि नपर्ने केही उदण्ड प्रहरीले गर्दा पर्सा प्रहरी दिनहुँ बदनाम भइरहेको छ ।

पत्रकारमाथीकाे दुर्व्यवहार र हातपात गरेको सम्बन्धमा अनुसन्धान गरेर प्रहरी दोषी पाइए कारवाही गर्ने प्रतिबद्धता जनाएकी पर्साकी प्रहरी उपरीक्षक गंगा पन्तको अनुसन्धान कहिलेसम्म सक्किने हो, अत्तोपत्तो छैन । पत्रकारको दुई दिनको आन्दोलनमै दबाबमा परेकी एसपी पन्त दुई पत्रकार संक्रमित भएर आन्दोलन सेलाएपछि यसै मौकामा घटनालाई रफादफा गर्न खोजेकी हुन् कि के हो ? पर्सेली सन्चारकर्मीको प्रश्न छ ।

यता, निषेधाज्ञाको नाममा प्रहरीको उदण्डता र बर्बरताको श्रृखंला नरोकिदां सर्वसधारण दिनहुँ प्रहरीको सिकार भइरहेका छन् । सबै सर्वसाधारण एउटै प्रश्न छ “एसपी साब, पिडितलाई उचित न्याय तथा दोषी प्रहरीलाई कारवाही हुन्छ कि हुदैंन, कि यसका लागि पनि आन्दोलनमै उत्रनु पर्छ ?”

ठाेरीकाे दशगजा भित्र भारतले भौतिक संरचना बनाउदा स्थानीयकाे अवरोध

0

वीरगंज । पर्साकाे ठोरी गाउँपालिका वाड न. -४ बिजयवस्तीको सिधा नेपाल भारतको बोडरको दशगजा भित्र भारतिय पक्षले भौतिक संरचना बनाउन लाग्दा बिजयवस्तीका स्थानीयवासीले रोक्न लगाएका छ्न ।

नेपाल भारतको दशगजा भित्र गिट्टी, वालुवा खसालेर नक्साकन समेत गरि काम सुरु गर्न लागिरहेको सुचना आए पछि बिजयवस्तीका सयौ युवाहरुले सशस्त्र प्रहरी र जनपथ प्रहरी लिएर निर्माण गर्ने स्थानमा पुगिसके पछि भारतिय पक्षहरु केही समय अलमलमा परेका थिए । भारतीय पक्षले दसगजा भित्रै भौतिक संरचना निर्माण गर्न लागेको र त्यसको प्रतिकार गर्ने सोचका साथ पुगेका स्थानीवासी देखेर भारतिय सिमा सुरक्षा वलले तुरुन्त सहमति खोज्ने मनस्थित बनाई सहमतिमा पुगेको थियो।

स्थानीयले त्यसको बिरोध गर्दै दसगजा भित्र कुनै पनि भौतिक संरचना निर्माण गर्न नदिने भन्दै बिरोधमा उत्रिएपछि भारतीय सीमा सुरक्षा बल(SSB) का इन्सपेक्टर सहितको टोलीले गल्ती स्वीकार्दै दसगजामा राखिएको निर्माण सामाग्री(गिट्टी,बालुवा लगायत) त्यहाँ बाट हटाउन सहमत भएको थियो ।

इन्स्पेक्टर सहित आएको भारतको बन बिभागको टोलीले त्यहाँ सुरक्षाको लागि एक टावर बनाउन लागिएको बताउदै अब उक्त टावर दसगजा क्षेत्र भन्दा बाहिर(भारत तर्फ) बनाउन सहमत भएका छ्न ।

ससस्त्र प्रहरी कार्यालय सुवर्णपुरका प्रहरी प्रतिनिधि समेतको उपस्थितिमा भएको सहमति अनुसार दसगजामा अहिले राखिएका सम्पुर्ण निर्माण सामाग्री १, २ दिन भित्रैमा हटाउने उनिहरुले बताएका छ्न ।

यसैबीच आज बिजयबस्तीका स्थानीयले ठोरी ४ को बिजयबस्ती देखि स्याउलीबस्ती( शिकारीबास खोला छेउ) सम्मको सीमा अवलोकन गरेका छन । कालापानी, लिपुलेक सहित अन्य स्थानहरूमा समेत भारतले सीमा अतिक्रम गरिरहेको र यसै ठोरी गापा-३ बुद्वनगरमा दशगजामा क्षेत्र भित्रै पोष्ट निर्माण गरि सकेको हुंदा बिजयवस्तीका युवाहरुले आफ्नो क्षेत्रमा पर्ने सीमा अनुगमन गरेका हुन ।

अनुगमनका क्रममा ठोरी ४ को स्याउलीबस्ती सीमा क्षेत्रको नजिकै एक पक्की भवन निर्माण गर्दै गरेको पाईएको र उक्त भवन दसगजा क्षेत्र भित्र नै परेको समेत बताइएको छ ।

“यसअघि पनि ठोरी गापा वाड न.- ३ बुद्वनगर गाउँको सिधा नेपाल भारतको बोडरको दशगजामा नै पोष्ट निर्माण गरेको हुंदा भारतियहरुको कुनै बिश्वास नहुने भन्दै अन्तराष्ट्रिय कानुनको उल्लघन हुने गरि यहॉ हामी निर्माण गर्न कुनै हालतले दिन्नौं, यदि ज़बरजस्ती नै गरे भने हामी त्यस्को कडा प्रतिकार गर्ने छौ ।” बिजयबस्तीका एक जोशिला युवाले बताए ।

अहिले भारतिय पक्षले दशगजामा पोष्ट नबनाउने सहमति भएपनि हेर्न बाक़ी रहेको र आफूहरु निरन्तर निगरानीमा नै भएकोले यदि सहमतिको उल्लघन गरेर हेपेर चेपेर दशगजा भित्र पोष्ट निर्माण गरे बिजयवस्तीका युवाहरुले त्यसको जवाफ राम्रो संग दिने उनिहरुको भनाई रहेकाे स्थानिय सामुदायि बिजयबस्ती एफएमले जनाएकाे छ ।

वित्तिय संस्थाहरुद्वारा काेराेनासंग लड्न स्थानिय तहलाई आर्थिक सहयाेग

0

वीरगंज । जिल्ला बचत तथा ऋणी सहकारी संघ लि. पर्सा र धाैलागिरी लघुवित संस्था महुवनले विपत व्यवस्थापनाकाे लागि सखुवा प्रसाैनी गाउँपालिकालाई आर्थिक सहयाेग गरेकाे छ ।

सहकारी संघ र लघुवित संस्थाले काेराेना भाइरस (काेभिड १९) संक्रमण राेकथाम तथा नियन्त्रणकाे लागि गाउँपालिकालाई रु१०/१० हजार गरी रु २० हजार सहयाेग गरेकाे गाउँपालिका स्वास्थ्य संयाेजक राजेश राैनियारले वताउनुभयाे ।

सहयाेग रकम बराबरकाे चेक सहकारी संघका अध्यक्ष राजेश पंडित र लघुवित संस्थाका व्यवस्थापक गणेश चाैरसियाले गाउँपालिका अध्यक्ष प्रदिप जयसवालाई आज हस्तान्तरण गरेका हुन् । सहयाेग गर्ने संस्थालाई धन्यावाद दिदै गाउँपालिका अध्यक्ष जयसवाले सहयाेग रकम काेराेना महामारी राेकथाम तथा नियन्त्रणमा खर्च गरिने वताउनुभयाे ।

यस्तै ग्लोबल आईएमई लघुबित बितिय संस्था लि० को शाखा कार्ययालय पोखरियाले पोखरिया नगरपालीकाकाे वडा नम्बर ४ काे कार्यालयलाई आर्थिक सहयाेग गरेकाे छ ।

कोरोना भाईरस नियन्त्रण गर्नमा सहयोग स्वरुप स्वास्थ्य सामग्री खरिद गर्नकाे लागि संस्थाले पोखरिया वडा कार्यालयलाई रु १५ हजार सहयाेग गरेकाे वडाध्यक्ष लक्षमण साह कानुले वताउनुभयाे । सहयाेग रकम बराबरकाे वडा सचिव साधु साह रौनियारको नामकाे चेक संस्थाका शाखा प्रबनधक रामाशंकर सिंहले वडाध्यक्ष कानुलाई आज हस्तान्तरण गरेका हुन् ।