बीरगन्ज । देशभरमा आज २५ संक्रमित थपिएको स्वास्थ्य तथा जनसंख्या मन्त्रालयले जनाएको छ । याेसंगै संक्रमितकाे संख्या ४ सय २७ पुगेकाे छ ।
मन्त्रालयकाे नियमित पत्रकार सम्मेलनमा मन्त्रालयका प्रवक्ता डा. विकास देवकोटाले यसको पुष्टि गर्नुभएको हो । आज थपिएका संक्रमितमा १८ पुरुष र ७ महिला रहेका छन् ।
संक्रमितहरु बाँकेका ६, धनकुटाका ५, कपिलबस्तुका १३ र नवलपरासी पश्चिमका १ गरी जम्मा २५ जना रहेको मन्त्रालयले जनाएको छ । संक्रमितहरु ३ वर्षीय बालकदेखि ४८ वर्ष सम्मको रहेको प्रवक्ता देवकाेटाले वताउनुभयाे ।
त्यसैगरी, थप ८ जना निको भएर घर फर्किएको मन्त्रालयले जनाएको छ । संक्रमण निको भएर घर फर्किनेको संख्या ४५ पुगेको छ ।
