Date
आइत, मंसिर ६, २०८३
Sun, November 22, 2026
Home Blog Page 979

वीरगंज १६ का वडाध्यक्ष चाैरसिया सहित ३ जना विरुद्ध अभियाेगपत्र दायर

0

वीरगंज । अख्तियार दुरुपयोग अनुसन्धान आयोगले राजस्व छलेर भ्रष्टाचार गरेको आरोपमा वीरगञ्ज महानगरपालिका वडा नं. १६ का वडाध्यक्ष श्यामबाबु प्रसाद चौरसियासहित ३ जना विरुद्ध शुक्रवार बिशेष अदालत काठमाण्डाैमा अभियोगपत्र दर्ता गरेको छ।

वडाध्यक्ष चौरसियासहित जग्गा बिक्रीकर्ता जहराती मिया धुनिया र खरिदकर्ता ग्यान्ती देवीविरुद्ध राजस्व छली सम्बन्धी आरोप पत्र शुक्रबार विशेष अदालतमा दायर गरिएको अख्तियार दुरुपयोग अनुसन्धान आयोगका प्रवक्ता प्रदीप कुमार कोइरालाले जानकारी दिए ।

वडाध्यक्ष चौरसियाले जग्गा खरिद बिक्री हुने बेला घरबाटो सिफारिस गर्दा २८ फीटको पीच बाटो भएको सिफारिस पत्र नराखी १५ फीटको ग्राबेल बाटो भनी गलत लिखत तयार गरी घरबाटो सिफारिस गरेको अख्तियार दुरुपयोग अनुसन्धान आयोगले जनाएको छ ।

जग्गा खरिद बिक्री हुँदा वडाध्यक्ष चौरसियाले घरबाटोको सिफारिश दिदा २८ फिट बाटो भएकोमा १५ फिटको बाटो उल्लेख गरि सिफारिश दिएका थिए ।

उनले दिएको सिफारिशका आधारमा मूल्याकंन घटाएर रजिष्ट्रेशन दस्तुर तथा लाभकर समेत छलेको भन्दै वडाध्यक्ष चौरसिया बिरुद्ध बिशेष अदालतमा उजुरी परेको हो । यो उजुरी संग वडाध्यक्ष चौरसियाको वडाध्यक्ष पद समेत निलम्वित हुन पुगेको छ ।

वडाअध्यक्ष चौरसियाले धुनियाको जग्गामा गलत घरबाटो सिफारिस गरेको भन्ने उजुरी सम्बन्धमा अनुसन्धान हुँदा वडा नम्बर १६ साबिक इनर्वाभाठा (वी) वडा नम्बर ५ को जग्गाधनी धुनियाको जग्गामा २८ फीटको पीच बाटो देखिएको र मालपोत कार्यालय, पर्साको आर्थिक वर्ष २०७४/०७५ को जग्गाको न्यूनतम मूल्याङ्कन पुस्तिका बमोजिम उक्त जग्गाको न्यूनतम मूल्याङ्कन प्रतिकठ्ठा ६० लाख देखिएको भएपनि धुनियाँले ग्यान्ती देवीलाई ११ धुर जग्गा बिक्री गर्दा ३३ लाख न्युनतम मुल्यांकन हुनुपर्नेमा २५ लाख ३० हजार मात्रै थैली रकम राखेका थिए ।

यसरी कम थैली रकम राख्दा जग्गा किनबेच गर्दा प्राप्त हुने रजिष्ट्रेशन दस्तुर ९४ हजार ८ सय ७५ र पुँजीगत लाभकर ८२ हजार ५ सय गरी १ लाख ७७ हजार ३ सय ७५ कम हुने गरी राजशव दाखिला गरी राजस्व हानी पुर्‍याएकाे आरोपमा वडाध्यक्ष चौरसियासहित तीनैजना विरुद्ध आरोप पत्र दायर गरिएको कोईरालाले बताए ।

वडाध्यक्ष चौरसियाविरुद्ध भ्रष्टाचार निवारण ऐन बमोजिमको कसुरमा बिगो रु १ लाख ७७ हजार ३ सय ७५ कायम गरी सजायको माग दाबी गरिएकाे छ । जग्गा बिक्रीकर्ता जहराती मिया धुनियाविरुद्ध बिगो रु ८२ हजार ५ सय कायम गरि बिगो रकम असुल गरी जफत हुन मागदाबी लिइएको छ ।

यस्तै जग्गा खरिदकर्ता ग्यान्ती देवीविरुद्ध बिगो स्वरुप रु ९४ हजार ८ सय ७५ कायम गरी बिगो रकम असुल गरी जफत हुन मागदाबी लिई विशेष अदालतमा आरोप पत्र दायर गरिएको छ ।

पिसिआर मेसिन खरिद गर्न महानगरकाे तयारी, सहयाेगकाे लागि अपिल

0

वीरगंज । वीरगंज महानगरपालिकाका मेयर विजय सरावगीले वीरगंजवासीको लागि पिसीआर मेसिन एवं परिक्षण कीट खरिद गर्न र थप आइसोलेसन वार्ड स्थापनाको लागि महानगरपालिकालाई सहयोग गर्न सम्पूर्ण नगरवासीलाई आह्वान गरेका छन् ।

मेयर सरावगीले आफ्नो आधिकारिक फेसबुक पेज मार्फत छिटो र छरितो रुपमा नगरवासीहरुको कोरोना परिक्षणका लागि पिसीआर मेसिन एवं परिक्षण किट र अन्य स्वास्थ्य सामग्री खरिद गर्न तथा आइसोलेसन वार्ड स्थापना गर्न सहयोगको लागि आह्वान गरेका हुन् ।

मेयर सरावगीले आफ्नो आधिकारिक फेसबुक पेज मार्फत ‘सबै वीरगंजवासीसँग अनुरोध छ, म सम्पूर्ण वीरगंजवासीहरुको छिटो र छरितो रुपमा कोरोना परिक्षणका लागि पिसीआर मेसिन, २० हजार थान परिक्षण कीट र कोरोनासँग लड्ने अन्य स्वास्थ्य सामग्री खरिद गर्न चाहन्छु, म एउटा ५ सय शैय्याको थप आइसोलेसन वार्ड पनि स्थापना गर्ने सोचमा छु, के तपाई सबैले सहयोग गर्नुहुन्छ ?’ भन्दै नगरवासीलाई सहयोग गर्न अपिल गरेका छन् ।

यसका साथै मेयर सरावगीले कोभिड १९ माहामारीको नियन्त्रण तथा रोकथामका लागि वीरगन्ज महानगरपालिकालाई आर्थिक सहयोग उपलब्ध गराउन वीरगन्ज महानगरपालिकाको प्रकोप व्यवस्थापन कोषको राष्ट्रिय बाणिज्य बैक वीरगन्ज शाखाकाे खाता नं. १२५०००३०७०२०००२ मा जम्मा गर्नुहुन अपिल समेत गरेका छन् ।

पछिल्लो समयमा वीरगंज र आसपासका क्षेत्रमा कोरोना परिक्षण ठप्प भएपछी मेयर सरावगीले यस्तो आह्वान गरेको बुझिएको छ ।

वीरगंज कोरोना संक्रमितकाे संख्या बढे पनि संघीय र प्रदेश सरकारले बेवास्ता गरेको छ । भिटिएम किट अभावमा कोरोना परिक्षण नहुँदा संक्रमण फैलने डर समेत बढेर गएको छ ।

नारायणी अस्पतालसँग कोरोना परिक्षण गर्ने प्रयाप्त मात्रामा भिटिएम किट नहुँदा संक्रमितहरुको कन्ट्याक्ट ट्रेसिङ्ग गरेर कोरोना परिक्षण केही दिन रुकेकाे समेत थियाे । मंगलबार सांझ मात्र संघिय सरकारले एक हजार भिटिएम पठाए पछि बुधबार देखी पुन: पिसिआर परिक्षणकाे लागि स्वाब संकलन सुरु भएकाे छ ।

वीरगंजमा हाल बारा, पर्सा र प्रदेश नं. २ का अन्य जिल्ला गरि ९६ जना कोरोना संक्रमितहरुको उपचार भइरहेको छ ।

जयसवालकाे लगानीमा सखुवा प्रसाैनी र भिखमपुरमा तरकारीकाे बीउ वितरण

0

वीरगंज । पर्साकाे धाेबिनी गाउँपालिकाकाे वडा नं. २ भिखमपुरमा आज नि:शुल्क तरकारीकाे बीउ वितरण गरिएकाे छ ।

साहस साना किशान कृषी सहकारी संस्था लि. महुवनका अध्यक्ष नरेश जयसवालकाे आर्थिक सहयोगमा धोबिनी गाउँपालिका वडा न २ का युवा नेता संतोष पटेलले तरकारिको बीउ वितरण गरेका हुन् । खिरा, घिरउला, भिन्डि, बोडि, लउका, करैला, गेनरि र पलाकिकाे साग गरि ८ किसिमको वडा अन्तर्गतका १०० जना किसानलाई बीउ वितरण गरेकाे पटेलले वताए ।

भिखमपुर जनसमुदायिक केन्द्रका अध्यक्ष समेत रहेका पटेलले कृषकहरुलाई तरकारी खेतीमा आत्मनिर्भर हुन आग्रह गरे ।

यस्तै कृषी सहकारी संस्थाका अध्यक्ष जयसवाले परिवारिक खेतीकाे लागि सखुवा प्रसाैनी गाउँपालिकामा समेत तरकारीकाे बीउ वितरण गरेका छन् ।

सखुवा प्रसाैनी गाउँपालिकाकाे वडा नं. ५ महुवन, बलुवा, साेलखपुर, वडा नं. ६ लखनपुर र एकडर्वामा आफुले तरकारीकाे बीउ वितरण गरेकाे अध्यक्ष जयसवाले वताए । भिन्डी, बाेडी, गांजारा, मूला, चेनसुर र पलाकीकाे सागकाे बीउ वितरण गरेकाे जयसवालले जानकारी गराए ।

काेराेना भाइरसकाे राेकथाम तथा नियन्त्रणकाे लागि भएकाे लामाे लकडाउनमा प्रभावित कृषककाे राहत स्वरुप आफुले आफ्नाे व्यक्तिगत लगानीमा ४ सय २५ कृषकलाई बीउ वितरण गरेकाे अध्यक्ष जयसवाले जानकारी दिए ।

उनले सहकारी संस्थाका ९ जना सदस्य मार्फत सखुवा प्रसाैनी गाउँपालिकाकाे विभिन्न वडामा बीउ वितरण गरेकाे वताए ।

यसका साथै सखुवा प्रसाैनी गाउँपालिकाकी उपाध्यक्ष फुलमती चाैधरी, वडा नं. ५ का वडाध्यक्ष रुपलाल यादव र वडा नं. ३ प्रसाैनीका स्थानिय प्रमाेद यादवलाई समेत आफ्नाे टाेल र गाउँका कृषकलाई बीउ वितरण गर्न बीउ उपलब्ध गराएकाे अध्यक्ष जयसवाले वताए ।

काेराेनाकाे महामारीमा समस्यामा परेका कृषककाे राहत स्वरुप आफुले रु ४५ हजार बराबरकाे बीउ खरिद गरी वितरण गरकाे जयसवालले जानकारी गराए ।

थप २० जनामा काेराेना संक्रमण पुष्टि, संक्रमितकाे संख्या ५०७ पुग्याे

0

काठमाडौँ । नेपालमा कोरोना संक्रमितको संख्या ५०७ पुगेको छ । स्वास्थ्य तथा जनसंख्या मन्त्रालयले शुक्रबार दिउँसो थप २० जनामा कोरोना संक्रमण पुष्टि भएको जनाएको हो ।

मन्त्रालयले शुक्रबार आयोजना गरेको नियमित मिडिया ब्रिफिङमा प्रवक्ता डा विकास देवकोटाले संक्रमित हुनेमा कैलाली जिल्लाका ३ जना, डडेलधुराका १ जना, बैतडीका १ जना, बाँकेका १४ जना र मोरङका १ जनामा कोरोना संक्रमण देखिएको बताए ।

कैलालीका १९, २३ र २६ का पुरुष संक्रमितहरु हुन् । उनीहरु सबै सरस्वती मावि क्‍वारेन्टाइन जानकी गाउँपालिकामा रहेका थिए । डडेलधुराका २८ वर्षीय संक्रमित परशुराम–१० डडेलधुराकै हुन् ।

त्यसैगरी बैतडीका २२ वर्षीय पुरुष शिवनाथ –१ बैतडीका हुन् । बाँकेका संक्रमितको उमेर १८ देखि ६१ रहेको छ । १८ वर्षीय पुरुष राप्ती सोनारीका हुन् भने बाँकी १३ जना नरैनापुरका हुन् । मोरङका संक्रमित रतुवामाई–२ मोरङका हुन् ।

शुक्रबार बिहान पनि ३० जनामा संक्रमण पुष्टि भएको थियो । त्याे सहित आज मात्र ५० जना संक्रमित थपिएका छन् ।

सर्लाहीमा २० सहित थप ३० जनामा कोरोना पुष्टि

0

वीरगंज । शुक्रबार बिहान थप ३० जनामा कोरोणा संक्रमण पुष्टि भएको छ ।

सर्लाही, नवलपरासी, चितवन र कपिलवस्तुका ३० जनामा कोरोना संक्रमण पुष्टि भएको हो ।

यससंगै नेपालमा कोरोना संक्रमितको संख्या ४ सय ८७ पुगेको छ ।

थप ३ जनामा काेराेना पुष्टि, संक्रमितकाे संख्या ४५७ पुग्याे

0

इदको अवसरमा छपकैयाका २ का युवाहरूले विपन्न वर्गलाई बाडे सामग्री

0

वीरगञ्ज । इस्लाम धर्मावलम्बीहरुको महान् पर्व इदको अवसरमा किनमेलका लागि बजारमा हुन सक्ने भिडलाई मध्यनजर गर्दै छपकैया २ का युवाहरुले विपन्न वर्गको घर घरमै इदका लागि चाहिने आवश्यक सामाग्री पु¥याउने अभियान शुरु गरेका छन् ।

छपकैया २ का युवाहरुले कोरोनाका कारण अहिले बाहिर निस्किने अवस्था नभएकोले आवश्यक सामाग्रीहरु घरमै पुर्याउने व्यवस्था मिलाएको हो । विश्वभरी फैलिरहेको कोरोना भाइरसको संक्रमण वीरगञ्जमा पनि बढ्दो क्रममा रहेको अवस्थामा इदको समयमा बजारमा किनमेल गर्न जाँदा झनै जोखिम बढ्ने हुँदा संक्रमणबाट सुरक्षित रहनका लागि घरमै सामाग्रीहरु उपलब्ध गराइएको युवाहरुले जनाएका छन् ।

वीरगञ्जको छपकैया २ लगायतका क्षेत्रमा बसोबास गर्ने १६० घर मुस्लिम समुदायका विपन्न परिवारलाई इदमा आवश्यक पर्ने सामाग्री वितरण गरिएको हो । सो अवसरमा सेवई, चिनि, चामल र केही नगद समेत वितरण गरिएको छपकौया २ का युवाहरुले जानकारी दिएका छन् ।

पटेर्वा सुगौली गाउँपालीकालाई स्वास्थ्य सामाग्री हस्तान्तरण

0

वीरगंज । पर्साकाे पटेर्वा सुगौली गाउँपालिकामा रहेको ४ वटा स्वास्थ्य संस्थाहरुको लागि पिपिई सहितकाे स्वास्थ्य सामग्री हस्तान्तरण गरिएकाे छ । एक्सनएड नेपालको आर्थिक सहयोग, दिब्य युवा क्लब पर्साको सहकार्य तथा पटेर्वा सुगौली गाउँपालिकासंगको समन्वयमा स्वास्थ्य सामग्री हस्तान्तरण गरिएकाे हाे ।

पिपिई २० थान, थर्मोगन ४ थान, सर्जिकल माक्स १०० थान, एन ९५ माक्स २० थान, हेण्ड सेनिटाइजर ५०० ग्रामको १६ थान लगायत अन्य कोभिड १९ को प्रतिकार्यको लागि सुरक्षा सामाग्री हस्तान्तरण गरिएको दिव्य युवा क्लबकी काेपिला चाैलागाईले जानकारी दिनुभयाे । कोरोना भाईरसको संक्रमण नियन्त्रणका लागि खटिने स्वास्थ्यकर्मीहरुलाई व्यक्तिगत सुरक्षाका लागि सहयोग गर्ने उद्देश्यले सामग्री हस्तान्तरण गरिएको चाैलागाइले वताउनुभयाे ।

सामग्री बुझ्दै गाउँपालिकाका अध्यक्ष हरिनारायण प्रसाद चौधरीले पालीकामा कोरोनाको माहामामरीको समयमा आफ्नो ज्यानको बाजी लगाएर सेवा प्रदान गरिरहेका स्वास्थ्य कर्मीहरुलाई प्राप्त सामाग्रीहरुले निकै सहयोग पुग्ने बताउनुभयो ।

अहिलेको परिस्थितिमा व्यक्तिगत सुरक्षा सामाग्रीहरुको अभावमा स्थानीय स्वास्थ्य कर्मीहरुलाई सेवा प्रदानमा कठीनाई आईरहेको अवस्थामा सामाग्रीले स्थानीय समुुदायका सेवा लिने वर्गहरुको लागि निकै सुविधा हुने गाउँपालीकाका उप प्रमुख ममता महतोले बताउनुभयो ।

साे अवसरमा गाउँपालिकाका निमित प्रमुख प्रशासकिय अधिकृत भुजेन्द्र प्रसाद यादव, वडा न. १ का वडाध्यक्ष फारमान मियाँ, वडा न. २ का वडाध्यक्ष विजय गैरे, स्वास्थ्य शाखा प्रमुख जगरनाथ साह, दिब्य युवा क्लब पर्साका कार्यकारी निर्देशक रामाकान्त प्रसाद कुर्मी, स्पौंसर संयोजक सुनिल कुमार भारती तथा स्थानीय अधिकार कार्यक्रमको सामाजिक परिचालकहरुको समेत उपस्थिति रहेका थियाे ।

नेपालमा कोरोना संक्रमणबाट तेस्राे मृत्यु

0

काठमाडौं । नेपालमा कोरोना भाइरसका संक्रमणबाट तेस्रो व्यक्तिको पनि मृत्यु भएको छ । रुपन्देहीको क्रिमसन अस्पतालमा उपचाररत गुल्मीका ४१ वर्षका पुरुषको मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।

निमावि स्कुलका प्रधानाध्यापक उनी जेठ १ गते अस्पतालमा भर्ना भएका थिए । उनको शुरुदेखि नै आईसीयू कक्षमा भेन्टिलेटरको सहायतामा उपचार भएको थियो ।

कोरोना शंकास्पद देखिएपछि जेठ २ गते उनको स्वाब निकालेर पीसीआर टेस्टका लागि प्रदेश जनस्वास्थ्य प्रयोगशालामा पठाइएको थियो । सोमबार आएको रिपोर्टमा उनमा कोरोना पोजेटिभ देखिएको थियो ।

यसअघि कोरोना संक्रमणका कारण नेपालमा सिन्धुपाल्चोककी २९ वर्षकी सुत्केरी महिला  र बाँके नरैनापुरका २५ वर्षीय पुरुषको मृत्यु भएको थियो ।

नेपालमा थप ९ जनामा कोरोना संक्रमण, संक्रमितकाे संख्या ४५३ जना पुग्याे

0

काठमाडौं । नेपालमा थप ९ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रायलका प्रवक्ता डा विकास देवकोटाले थप ९ जनामा कोरोना संक्रमण पुष्टि भएको जानकारी दिएका हुन्।

रुपन्देहीमा १ र झापामा ८ जना गरी बिहीबार थप ९ जनामा संक्रमण देखिएको उनले बताए। यो सहित नेपालमा संक्रमितको संख्या ४५३ पुगेको छ। स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार संक्रमण देखिएकाहरु स्वास्थ्यकर्मीको सम्पर्कमा रहेका छन्।

डा देवकोटाका अनुसार आज ४ जना संक्रमित आज डिस्चार्ज भएका हुन्। उनीहरु चारै जना काठमाडौं स्थित शुक्रराज ट्रपिकल तथा सरुवा रोग अस्पताल टेकुमा उपचाररत थिए। नेपालमा संक्रमण पुष्टि भएकामध्ये ४९ जना अहिले संक्रमणमुक्त भएका छन्।