Date
आइत, मंसिर ६, २०८३
Sun, November 22, 2026
Home Blog Page 971

पाेखरीकाे डिलमा बसेकाहरुमाथी प्रहरीकाे लाठी चार्ज, ९ जना घाइते

0

पकहा मैनपुर । पर्साकाे पाकाहा मैनपुर गाउँपालिकाको वडा नम्बर २ स्थित सार्वजनिक पोखरीको डिलमा बसेकाहरुमाथी प्रहरीलेलाठी जार्च गरेकाे छ । लाठी चार्जबाट ९ जना घाइते भएका छन् ।

घाइते हुनेमा जगुल सहनी, रामबिनेश सहनी, विजय चौहान, मोहन साह, विशाल पटेल, बगड मियाँ, विगु सहनी लगायतका रहेका छन् ।

घाइते जुगुलका अनुसार पाेखरीमा माछा मारीरहेकाे सुचनाकाे आधारमा प्रहरी पुगेकाे थियाे । जब सम्म माछा मर्नेहरू माछा मारी फर्किसकेका थिए । पकहा मैनपुर गाउँपालिका वडा नं. २ र ३ का एक दर्जन भन्दा बढी व्यक्तिहरु पाेखरीकाे डिलमा बसेका थिए ।

साेही बेला प्रहरी एकासी नेपाल प्रहरी र  सशस्त्र प्रहरी पुगी लाठी चार्ज गर्दा आफुहरु घाइते भएकाे जुगुलले वताए ।

उनले भने “पाेखरीमा एकासी पुगेका प्रहरी विना सोधपुछ गरी लाठी चार्ज गर्न थाल्याे। हामी बारम्बार भनी रहेका थियाैं कि हामी माछा मार्ने मान्छे हाेइन तर हाम्राे कुरा प्रहरीले सुनेन र मनेन कुटपिट गर्याे । लाठी, हेलमेट र मुक्काले हामीलाई कुटीपिट गरी घाइते बनायाे ।

घाइते जुगुलकाे वीरगंजस्थित नारायणी अस्पताल र अन्यकाे स्थानिय स्वास्थ्य संस्थामा उपचार गरिएकाे थियाे भने अहिले सबैकाे अवस्था समान्य रहेको छ।

समाचार स्राेतका अनुसार क्रिकेट खेलि आएकाहरु पाेखरीकाे डिलमा बसेका थिए ।

पीसीआर मेशिन खरिदका लागि महानगरद्वारा टेण्डर आह्वान

0

वीरगन्ज । वीरगन्ज महानगरपालिकाले कोरोना परीक्षण मेशिन (पीसीआर) खरिदका लागि टेण्डर आह्वान गरेको छ । मेशिन खरिदका लागि टेण्डर आह्वान गरेसँगै कोरोना भाईरस संक्रमण रोकथाम र नियन्त्रणका लागि वीरगन्ज महानरगपालिकाको अभियान सफल हुदै गएको छ ।

महानगरपालिका प्रमुख विजय कुमार सरावगीले वीरगन्जलाई कोरोना भाईरस संक्रमणबाट सुरक्षित राख्न खेल्नुभएको सक्रिय भूमिकाले अन्तत सार्थकता पाउने भएको हो । वीरगन्जमा कोरोना संक्रमितहरु बढ्दै जानेक्रम र भारतबाट नेपालीहरु वीरगन्ज नाकाबाट आउने क्रमपनि शुरुभएपछि निकै जोखिममा रहेको वीरगन्ज महानगरपालिकावासीलाई कोरोनाको संक्रमणबाट सुरक्षित राख्न अधिक परीक्षण आवश्यक रहेको र त्यसको लागि पीसीआर मेशिन खरिद गर्ने अभियान नै शुरु गरेको थियो ।

यो अभियानमा नीजिक्षेत्र, विभिन्न संघ संस्थान र नागरिक समाजको पनि साथ पाएको महानगरपालिकाले बिहीबार बोलपत्र आह्वान गर्ने निर्णय गरेको छ । महानगरपालिकाले पीसीआर मेशिन खरिद गर्नका लागि इच्छुक व्यक्ति वा संस्थाहरुलाई पाँचदिन भित्र बोलबत्र खरिद गर्न समय तोकेको छ ।

नगरप्रमुख विजय कुमार सरावगीले भन्नुभयो, “सबैको साथ र सहयोगले मेशिन खरिदका लागि टेण्डर आह्वान गर्ने निर्णय गरेका छौं । अब आफ्नै मेशिन आउने भएपछि पर्साका सबैको यहि पीसीआर मेशिनले कोरोना परीक्षण गरिनेछ ।” परीक्षण हुन नपाउँदा वीरगन्जमा कोरोनाको जोखिम बढेको भन्दै शुरुवाती दिनदेखि नै नगरप्रमुख सरावगीले पाँच हजार जनाको परीक्षण गर्नुपर्ने बताउदै आउनुभएको थियो ।

अब मेशिन आएपछि सबैले परीक्षण गर्न पाउने उहाँले बताउनुभयो । यसले कोरोना भाईरसबाट वीरगन्जलाई मात्रै होईन पर्सा जिल्लालाई नै सुरक्षित गर्न सकिने उहाँले बताउनुभयो ।

पीसीआर मेशिन खरिदका लागि महानगरपालिकाले गरेको निर्णयको नागरिक समाजले पनि स्वागत गरेको छ । नागरिक समाजका अगुवा प्राध्यापक डाक्टर दीपक शाक्यले महानगरपालिकाले गरेको निर्णयलाई सकारात्मक रुपमा लिनुपर्ने बताउनुभयो । उहाँले भन्नुभयो, “संक्रमितहरु बढ्दै गएकोले पीसीआर मेशिन आवश्यक नै थियो ।

संक्रमणको तेश्रो चरणमा प्रवेश गरिसकेकोले अब सामूहिक परीक्षणको आवश्यकता भईसक्यो । नारायणी अस्पतालमा राखिएको पीसीआर मेशिनको क्षमताले मात्रै पुग्दैन । महानगरपालिकाले आफ्नै परीक्षण मेशिन राख्नु हाम्रो लागि राम्रो हो ।

महानगरपालिकाले दूरगामी सोच राखेर मेशिन खरिद गर्न खोजेको स्वागत योग्य छ । यसलाई हामीले सकारात्मक रुपमा नै लिनुपर्छ ।”

वीरगन्ज उद्योग वाणिज्य संघका उपाध्यक्ष सुवोध गुप्ताले पनि महानगरपालिकाको निर्णय प्रशंसनीय रहेको बताउनुभयो । उहाँले भन्नुभयो, “वीरगन्ज हटस्पट नै बन्यो । हामीले संघ र प्रदेश सरकारलाई तीब्र गतिमा स्वाब टेष्ट हुनुपर्छ भनेर आग्रह गयौं दुबै सरकारले आश्वासन मात्रै दिए ।

मुख्यमन्त्री आफैले पाँच हजार किट पठाउछु भनेर जानुभएको अहिले सम्म किट आएन । पर्सा जिल्ला आर्थिक गतिविधिका हिसाबले सबैभन्दा सक्रिया जिल्ला हो । यसलाई ग्रिनजोनमा लानका लागि धेरै भन्दा धेरै परीक्षणको आवश्यक थियो । संघ र प्रदेश सरकारसँग पर्सालाई ग्रिनजोनमा लैजानको लागि टेष्ट बढाउन गुहार लगायौं ।

त्यो गुहार नसुनिएको पृष्ठभूमिका महानगर प्रमुख विजय कुमार सरावगीले पर्सालाई ग्रीनजोन बनाउने अभियानको नेतृत्व लिनुभयो । यहिनेर पर्सावासीमा एउटा आशाको सञ्चार प्रवाह भयो । जुन पर्सावासीका लागि निकै महत्वपूर्ण कदम हो ।

नागरिकको जीवनरक्षालाई पहिलो प्रथामिकतामा राख्ने जनताको सच्चा प्रतिनिधि भएर उहाँले अगाडि आउनुभयो । उहाँलाई पर्साको निजीक्षेत्रले उत्सापूर्ण रुपमा सघाउने फैसला गयो । आज १० हजार भन्दा बढीको परीक्षण आवश्यक । त्यसको लागि मेशिन आवश्यक छ । मेशिन खरिदका लागि निजीक्षेत्र, स्थानीय पालिकाहरु र नागरिकले आप्mनो क्षमता अनुसार सहयोग गरे । त्यसको फलस्वरुप आज पीसीआर मेशिन खरिद गर्ने प्रकृयासम्म पुगेको छ । महानगरको यो काम प्रशंसनीय छ ।”

पीसीआर मेशिन खरिदका लागि नगर प्रुख सरावगीको अभियानलाई कतिपय खिसीटिउरी गरेका थिए । नागरिकको जीवनका लागि महानगर प्रमुख विजय कुमार सरवागीको अर्जुनदृष्टिका कारण पीसीआर मेशिन आउने पक्का भएको छ । खिसीटिउरी गर्नेहरु नगर प्रमुख सरावगीको आलोचना कसरी गर्ने भन्ने विषयको खोजीमा समय खर्चिनमा व्यस्त छन् ।

क्वारेन्टाईनमा डियुटी गर्न स्वास्थ्यकर्मीलाई समस्या

0
kalikatimes

वीरगंज । पर्साको श्री जिल्ला उच्यांगल रामदेव कलवार उच्च माविमा रहेको क्वारेन्टाईनमा रहेका दर्जनौ मानिसको हरकतले स्वास्थ्यकर्मीहरु क्वारेन्टाईनमा डियुटी गर्न छोडने जनाएका छन् ।

क्वारेन्टाईनमा जाने स्वास्थ्यकर्मीहरु बस्ने कोठा अगाडी माथीको तल्लाबाट ओहोरदोहोर गर्ने, जहा बस्दा आएर उभने, थुक, खकारहरु जथाभावी फाल्ने हरकतले पोखरीया क्वारेन्टाईनमा डियुटी दिने स्वास्थ्कर्मीहरु दिक्क भई अब डियुटीमा नजाने मानसाय बनाएको जनाएका छन् ।

स्वास्थ्कर्मीहरुका अनुसार शाखा प्रमुख कौशेलेन्द्र मिश्रासंग पटक पटक आफ्ना कुरा राख्दा पनि वास्ता नगर्दा समस्या उत्पन्न भएको हो ।

सोही क्वारेन्टाईनमा बसेका १ जना र केही दिन अगाडी ४ जनामा पोजिटीभ रिपोट आएको छ । अहिले पनि साेही क्वारेन्टाईनमा ३२ जना रहेका छन् ।

क्वारेन्टाईन र पोखरीयाका हरेक वडामा रहेको स्वास्थ्य शाखाहरुलाई सेनिटाईज गर्नका लागी अपिल गर्दा ब्यवस्थापक पक्षले सेनिटाईज नगर्नुले स्वास्थ्कर्मीहरु चिन्तामा परेका छन् । क्वारेन्टाईनमा डियुटी गर्ने कर्मचारी पिपी सेट लगाएर डियुटी गर्छन सोही सेट स्वास्थ्य संस्थामा पनि लगाएर आउने जाने गर्नाले अवस्था नाजुक भएकोले स्वास्थ्यकर्मीहरु डियुटी नगर्न जनाएका छन ।

स्वास्थ्मर्कीहरुका अनुसार यस्तो अवस्थामा क्वारेन्टाईन र स्वास्थ्य संस्थामा डियुटी गर्दै गयो भने हामी संगै हाम्रा घरपरिवार सहित सेवा दिने सेवाग्राही समेत खतरासंग खेल्ने जस्तो बताएका छन् ।

क्वारेन्टाईनमा पुगी स्वास्थ्यकर्मी रामबिनय गुप्तासंग बुझदा अवस्था दैनिय रहेको र हामी पिडीत बन्न बेर नरहेकाे वताए।

पाेखरिया बजार खाेलन पनि समय तालिका निर्धारण

0

पाेखरिया । पाेखरिया नगरपालिकाकाे नगर स्तरिय विपद् व्यवस्थापना समितिकाे बैठक आज सम्पन्न भएकाे छ । बैठकले पाेखरिया बजारमा रहेकाे पसलहरु खाेलने समय तालिका निर्धारण गरेकाे छ ।

निर्धारित समय तालिका अनुसार समाजिक दुरी कायम राखि पसल खाेलने निर्णय भएकाे पाेखरिया नगरपालिकाका मेयर दिपनारायण राैनियारले जानकारी दिए ।

उनका अनुसार खाद्य बस्तु , किराना, आलु, प्याज, दुध, ग्यास, तरकारी तथा फलफुल हरेक दिन विहान ५ बजे देखी ९ बजे सम्म, रेडिमेड कपडा पसल, कसमेटिक पसल, इलेकट्रिक पसल जाेड मितिमा र हार्डवेयर, साइकल, माेटर वर्कसप, भाडा बर्तन, सुन, चांदी, फर्निचर  बिजाेर मितिमा विहान ११ बजे देखी ४ बजे सम्म खाेलने बैठकले निर्णय गरेकाे छ ।

मेयर राैनियारले बजार व्यवस्थापन सम्बन्धमा एक सुचना जारी गर्दै यस्तै कृषी तथा निर्माण सामग्री प्रत्येक दिन बेलुका ७ बजे देखी ११ बजे सम्म संचालन गर्न दिने निर्णय भएकाे जानकारी गराएका हुन् ।

प्रदेश २ को प्रदेश सभाका ५ मर्यादापालकमा कोरोना संक्रमण

0

जनकपुरधाम । प्रदेश २ को प्रदेशसभाको सुरक्षार्थ खटिएका ५ जना प्रहरी कर्मचारीमा कोरोना संक्रमण देखापरेको छ ।

प्रदेशसभाका सांसद, कर्मचारी र सुरक्षाकर्मीको काठमाडौंको राष्ट्रिय जनस्वास्थ्य प्रयोगशालामा परीक्षणका क्रममा कोरोना संक्रमण देखिएको हो । उनीहरु नेपाल प्रहरीका कर्मचारी रहेका धनुषाका प्रमुख जिल्ला अधिकारी कोषहरि निरौलाले जानकारी दिए । प्रदेश २ को प्रदेशसभाले उनीहरु मर्यादापालक भएको बताएको छ ।

प्रजिअ निरौलाले संक्रमित पाँचै जनालाई आइसोलेसनमा राखिएको जानकारी दिए ।

प्रदेश सभाको चौथो अधिवेशन बुधबारदेखि प्रारम्भ भएको छ । चौथो अधिवेशनको बैठक बस्नुअघि सबै सांसद, कर्मचारी र प्रहरीको स्वाब संकलन गरिएको थियो । त्यस क्रममा प्रदेशसभा उनीहरुको ‍स्वाब संकलन गरी परीक्षणका लागि पठाइएको थियो ।

मर्यादापालकमा कोरोना संक्रमण देखिएपछि बिहीबार दिउँसो ३ बजेका लागि बोलाइएको प्रदेश सभा बैठक स्थगित भएको छ । बैठक स्थगित गरी प्रदेश सभालाई स्यानिटाइज गर्ने काम भइरहेको प्रदेश सभाका निमित्त सचिव रञ्जित यादवले जानकारी दिए ।

उनका अनुसार अब शुक्रबार दिउँसो १ बजे बैठक बस्नेछ । सभार : अनलाइन खबर

पाेखरियाकाे एक माेबाइल पसलमा चाेरी

0

पाेखरिया । पोखरीया नगरपालिकाकाे वडा नम्बर ४ पोखरिया बजारस्थित एक मोबाईल पसलमा चोरी भएको छ ।

श्री जिल्ला उच्यांगल रामदेव कलवार उच्च माबि पोखरीयास्थित रहेकाे मोहन मोवाईल रिपेयरिंग सेन्टरमा बुधबार राती चाेरी भएकाे हाे । पसलकाे दिवाल फोडी ९ वटा मोवाईल, मोवाईलको खोल, चार्जर, बैट्री, हेडफोन सहित १ लाख मुल्य बराबरको चाेरी भएको पिडीतले जनाएका छन् ।

यसैगरी जेष्ठ २० गते सोही वडामा रहेको महालक्ष्मी होटलमा समेत चोरी भएकाे थियाे ।

थप ३३४ जनामा कोरोना संक्रमण, संक्रमितकाे संख्या २६३४ पुग्याे

0

वीरगंज । नेपालमा बिहीबार थप ३ सय ३४ जनामा कोरोना भाइरस (काेभिड १९) संक्रमण पुष्टि भएकाे छ। स्वास्थ्य तथा जनसंख्या मन्त्रालयले आयोजना गरेको नियमित मिडिया ब्रिफिङमा मन्त्रालयका प्रवक्ता डा. विकास देवकोटाले थप ३ सय ३४ जनामा संक्रमण पुष्टि भएको जानकारी दिए ।

देशका विभिन्न स्थानका प्रयोगशालामा गरिएकाे परिक्षणमा पछिल्लो २४ घण्टामा यी संक्रमित थप भएका हुन्। मन्त्रालयका प्रवक्ता डा. देवकोटाका अनुसार हालसम्म कोरोना संक्रमितको संख्या २ हजार ६ सय ३४ पुगेको छ ।

देवकोटाले दिएको जानकारी अनुसार संक्रमित हुनेमा दैलेखका ११३, बाँकेका ४२, कपिलवस्तुका २९, मोरङका २, पर्साका १, झापाका ५, ताप्लेजुङका १, सप्तरीका १३, बाराका ७, सिन्धुलीका १, म्याग्दीका १, बागलुङका १०, पर्वतका ४, स्याङ्जाका १, डोटीका ३, दाङका १५ र मुगुका १ जना संक्रमण देखिएको हो । त्यसैगरी खोटाङका ३, बाराका ५, धनुषाका ६, महोत्तरीका ३, रौटहटका ६४, सर्लाहीका ३ जना रहेका छन् ।

हालसम्म नेपालमा कोरोना संक्रमण भएका २ सय ९० जना उपचारपछि निको भएर घर फर्किएका छन् भने नेपालमा कोरोना संक्रमणले थप एक जनाकाे मृत्यु भइसकेको छ। याेसंगै काेराेनाले मृत्यु हुनेकाे संख्या १० पुगेकाे छ ।

प्रहरीको मिलोमतोमा लकडाउनमा पनि जानकीटोला नाकाबाट तस्करी

0

वीरगंज । कोरोना संक्रमणको संकटबाट बच्न आम सर्वसाधारण सरकारी लक डाउनको पालना गरी रहेको बेला ईलाका प्रहरी कार्यालय जानकी टोला अवैध ओसार पोसार गराउनमा ब्यस्त देखिएको छ ।

उक्त प्रहरी कार्यालयका इन्चार्ज प्र.स.नी. अर्जुन अधिकारीले नाका छेउछाउ रहेका रक्सी भठ्ठीका संचालकहरुसंग आफ्नो घुमुवा मार्फत हप्तवारी असुल्दै आएको स्रोतले जनाएको छ । प्रहरीलाई हप्तवारी रकम दिएको भनी ती रक्सी भठीका सञ्चालकहरुले निर्बाध रूपले सीमावर्ती भारतका विभिन्न शहरहरूमा लक डाउनका सुरुवाती अवधि देखि नै रक्सी पैठारी गर्दै आएको समेत बताइएको छ ।

साथै सो चौकीका इन्चार्ज अधिकारीको निर्देशनमा घुमुवाको रूपमा परिचालित प्र.ह. गंगा राईले आफ्नो उपनाम विशाल बताउदै विभिन्न तस्करहरुको दैलो चाहरदै तस्करी गर्न उस्काई रहेको समेत नाम उल्लेख नगर्ने सर्तमा सोही कार्यालयका एक प्रहरी जवानले बताए ।

निजले बताए अनुसार केही तस्करहरुले लक डाउन अवधि भरी नै निर्बाध रूपले तस्करी गर्दै पनि आएका छन । जस वापत इन्चार्ज अधिकारी स्वयमले मासिक रकम बुझ्ने गरेका छन् ।

पाेखरिया नगरपालिकाकी एक किशाेरीमा काेराेना संक्रमण

0

वीरगञ्ज । पर्साको पोखरिया नगरपालिकामा पुन: एक जनामा काेराेना संक्रमण देखिएकाे छ । वडा नम्बर ६, श्रीसिया घर भएकी १५ बर्षकी किशोरीमा कोरोना संक्रमण फेला परेकाे नगरपालिकाकाे स्वास्थ्य शाखाका काैशलेन्द्र मिश्राले वताए ।

श्री जिल्ला उच्चांगल माविकाे क्वारेन्टाइनमा रहेकी किशाेरीकाे जेठ १९ गते स्वाब संकलन गरी नारायणी अस्पतालकाे प्रयाेगशालामा परीक्षण गर्दा रिपाेर्ट पाेजेटिभ आएकाे मिश्राले जानकारी दिए ।

भारतकाे दिल्लीबाट बुवा, आमासंगै आएकी किशाेरीकाे जेठ १३ गते स्वाब संकलन गरी पहिलो पटक परिक्षण गर्दा रिपाेर्ट नेगेटिभ आएको भएपनि पुनः जेठ १९ गते दोस्रो पटक स्वाब संकलन गरि परिक्षण गर्दा बुधबार राति संक्रमण पुष्टि भएको नारायणी अस्पतालका मेसु मदन उपाध्यायले जानकारी दिए ।

सो बालिकालाई उनकै बुबाबाट कोरोना सरेको मेसु उपाध्यायले बताए । यसभन्दा पहिला पोखरिया नगरपालिका वडा नम्बर ६ घर भएका ३९ बर्षका उनका बुवामा समेत संक्रमण फेला परेकाे थियाे ।

उनकाे बुवाकाे नारायणी अस्पताल करोना विषेश अस्थायी अस्पताल गण्डकमा राखिएको छ भने संक्रमित किशाेरीलाई पनि साे अस्पतालकाे आइशाेलेसनमा पठाइएकाे छ ।

याेसंगै पाेखरिया नगरपालिकामा काेराेना संक्रमितकाे संख्या पांच पुगेकाे छ ।

कालिकामाईकाे ४, सखुवा प्रसाैनीकाे २ र बिन्दवासिनीकाे एक जनामा काेराेना संक्रमण

0

वीरगंज । पर्साकाे कालिकामाई गाउँपालिकाकाे ४ जनामा काेराेना संक्रमण पुष्टि छ । हरिहरपुस्थित श्री नेरा आधारभुत विद्यालयकाे क्वारेन्टाइनमा रहेका ४ जनामा काेराेना संक्रमण पुष्टि भएकाे गाउँपालिका स्वास्थ्य संयाेजक याेगेन्द्र चाैरसियाले जनाए ।

उनका अनुसार गाउँपालिकाकाे वडा नं. १ टिनडाेबियाका ३० बर्षिय पुरुष,  वडा नं. २ भेडिहारीका ४५ बर्षिय पुरुष, गदियानीका ३५ बर्षिय पुरुष र वडा नं. ५ बिरन्चिबर्वाका १६ बर्षिय पुरुषमा संक्रमण पुष्टि भएकाे  हाे ।

नारायणी अस्पतालकाे प्रयाेगशालामा गरिएकाे पिसिआर परिक्षणमा चारै जनाकाे रिपाेर्ट पाेजेटिभ देखिएकाे स्वास्थ्य तथा जनसंख्या मन्त्रालयले पनि पुष्टि गरेकाे छ ।

संक्रमण फेला परेका चारै जनालाई ८ दिन पहिला भारतबाट आए लगतै क्वारेन्टाइनमा राखिएकाे थियाे ।

यस्तै बुधबार नै सखुवा प्रसाैनी गाउँपालिकाकाे २ जना र बिन्दवासिनी गाउँपालिकाकाे एक जनामा पनि काेराेना संक्रमण देखिएकाे स्वास्थ्य मन्त्रालयले जनाएकाे छ ।