Date
आइत, मंसिर ६, २०८३
Sun, November 22, 2026
Home Blog Page 970

भिस्वाबाट सबैठवाका पाण्डे अवैध साडीसहित पक्राउ

0

भिस्वा । पर्साकाे ग्रामिण सिमानाका भिस्वाबाट अवैध कपडा सहित एक जनालाई प्रहरीले पक्राउ गरेकाे छ ।

प्रहरी चाैकी भिस्वाले अवैध साडी सहित शनिबार पर्साकाे पकहा मैनपुर गाउँपालिका वडा नं. ५ सबैठवा निवासी ४२ बर्षिय तुना पाण्डेलाई पक्राउ गरेकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताए ।

भारतबाट लकडाउनमा पनि लुकीछुपी ल्याइरहेकाे ५५ पिस साडी सहित निजलाई पक्राउ गरिएकाे प्रहरी निरिक्षक सिंहले जानकारी दिए । पक्राउ परेकाे साडी सहित मान्छेलाई आज भन्सार कार्यालय समेत बुझाइसकिएकाे सिंहले वताए ।

यसका साथै प्रहरी चाैकी भिस्वाले सुरती एक बाेरा, गुट्खा ५५ पिस पनि बरामद गरेकाे छ ।

पिसीआर मेशिन किन्ने महनगरको निर्णयको नागरिक समाजद्वारा स्वागत

0

वीरगंज । वीरगंज महानगरपालिकाले पिसीआर मेशिन र किट खरिदका लागि अगाडि बढाएको प्रक्रियालाई नागरिक समाजले स्वागत गर्दै त्यसको छिटो भन्दा छिटो स्थापित गरेर काम सूचारु गर्न सुझाव समेत दिएको छ ।

नागरिक समाजका अध्यक्ष डा.दीपक शाक्यको अध्यक्षतामा आज बसेको बैठकले यस्तो निर्णय गरेको हो । कोरोना भाइरसको संक्रमणलाई रोक्नकालागि धेरै  भन्दा धेरै परिक्षण गरिनु पर्ने भएकोले पनि अब महानगरको प्रयासलाई टुङ्गोमा पुर्याउनु पर्ने निष्कर्षमा नागरिक समाज पुगेको हो ।

महानगरको यो अभियान पर्साका नागरिकको जीवन रक्षाको बिषयसंग सम्बन्धीत भएकोले यो बेलामा सबैको एकिकृत प्रयास आवश्यक रहेको ठहर गर्दै नागरिक समाजले समाजका बिभिन्न सरोकार राख्ने समुहलाई यो अभियानमा सहयोग पुर्याउन समेत अपिल गरेको छ ।

नागरिक समाजले एक मतका साथ पिसीआर मेशिन र किटको खरिद गरि द्रुत गतीमा कोरोना भाइरसको संक्रमण परिक्षण गरि औैधोगिक नगरि बीरगंज र समग्र पर्सा जिल्लालाई ग्रिन जोनमा लैजान सबैलाई सहकार्यकालागि अपिल गरेको डा. शाक्यले बताउनु भयो ।

नागरिक समाजको बैठकले राजनीतिक दलहरु, राजनीतिक क्षेत्रमा रहेका ब्यक्ति र जनप्रतिनिधिहरुलाई आ आफना राजनीतिक मुद्धालाई थाँती राखेर मानव सभ्यातामाथि नै चुनौती बनेको कोरोना भाइरसको नियन्त्रणमा भूमिका निर्वाह गर्न अपिल गरेको छ ।

बिभिन्न समस्याहरु झेल्दै  अप्ठयारोहरु पार गर्दै बीरगंज महानगर कोरोना भाइरसको संक्रमण नियन्त्रणकोलागि ठिक दिशामा अगाढि बढेको नागरिक समाजले निष्कर्ष निकालेको छ ।

समाजले अहिले नागरिकको जीवनको सुरक्षाको सवाल पहिलो प्रथामिकता भएको निष्कर्ष निकाल्दै यो अभियानमा सहभागी हुन सबैलाई आग्रह गर्ने निर्णय समेत गरेकाे छ  ।

बैठकमा बीरगंज उधोग बाणिज्य संघ, नेपाल बार एशोसिएशन, नेपाल रेडक्रस सोसाइटी, बैकर्स एशोसिएन, समाजिक संस्था जिल्ला समन्वय समिति लगायतका संस्थाका अध्यक्ष एवं प्रतिनिधिहरुको सहभागिता रहेको थियो ।

नेकपा पर्सा अध्यक्ष प्रभु हजरा दुसाधलाई जिल्ला सदस्यकाे खुल्ला पत्र

0

थप ३२३ जनामा काेराेना संक्रमण, संक्रमितको संख्या ३ हजार २३५ पुग्यो

0

वीरगंज । नेपालमा थप ३ सय २३ जना कोरोना संक्रमित फेला परेका छन् । पछिल्लो २४ घन्टामा ३ सय २३ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ ।

शनिबार आयोजित पत्रकार सम्मेलनमा मन्त्रालयका प्रवक्ता विकास देवकोटाले थप ३ सय २३ जनामा कोरोना पुष्टि भएसँगै मुलुकमा संक्रमितको संख्या ३ हजार २ सय ३५ पुगेको बताए ।

संक्रमित हुनेमा मोरङका २, सुनसरीका ५, सप्तरीका ८, नवलपरासी पूर्व ३, बाँकेका १२, बर्दियाका २८, कास्कीका ३, स्याङ्जाका १०, बागलुङका १, बझाङका ६, कञ्चनपुरका २, अछामका १, कैलालीका २, डडेलधुराका १, दैलेखका ४७, डोल्पाका १ जना छन् ।

त्यसैगरी सुर्खेतका १०, जाजरकोटका ४, सल्यानका ३८, अर्खाखाँचीका १, नवलपरासी पश्चिम २, रुपन्देहीका ३, भक्तपुरका १, धनुषाका ८, कपिलवस्तुका ५०, काठमाडौंका ४, महोत्तरीका ३५, रौटहटका ६ र सर्लाहीका २७ जनामा संक्रमण पुष्टि भएको छ ।

गत २४ घन्टामा डिस्चार्ज हुनेमा थप ३२ जना रहेका छन् । यसरी डिस्चार्ज हुनेको संख्या ३६५ रहेको छ ।

जनकपुर प्रादेशिक अस्पतालबाट १५ जना, सुशील कोइराला प्रखर क्यान्सर अस्पतालबाट ५ जना, सेती अस्पतालबाट ६ जना र सुर्खेतबाट ७ जना, डिस्चार्ज भएर घर फर्किएका हुन् ।

मन्त्रालयका अनुसार नेपालमा पिसिआर विधिबाट हालसम्म ९२ हजार ४ सय ७७ परीक्षणहरु गरिएका छन् ।

कोरोनाले थप दुईको मृत्यु भएको पुष्टि, मृतकको संख्या १३ पुग्यो

0

वीरगंज । नेपालमा कोरोना भाइरस (काेभिड १९) संक्रमणबाट थप दुई जनाको मृत्यु भएको छ ।

डोल्पा जगदुल्ला गाउँपालिका–३ का ५८ वर्षीय पुरुषको र धनगढी ४ की ५५ वर्षीया महिलाको कोरोना संक्रमणले मृत्यु भएको स्वास्थ्य तथा जनसंख्या मन्त्रालयले आयोजना गरेको नियमित मिडिया ब्रिफिङमा शनिबार प्रवक्ता डा विकास देवकोटाले पुष्टि गरेका हुन् । यो सँगै कोरोनाबाट मृत्यु हुनेको संख्या १३ पुगेको छ ।

मन्त्रालयका अनुसार ती पुरुषको ४ दिनअघि मृत्यु भएको थियो । उनी लामो समयदेखि दमका रोगी थिए । त्यसैगरी ती महिला मिर्गौला रोगबाट पीडित थिइन् । उनको जेठ २३ गते सेती अस्पतालमा डायलसिस गराउने क्रममा मृत्यु भएको हो ।

हालसम्म यो दुई संख्या गरी कोरोना संक्रमणले सिन्धुपाल्चोकमा एक, बाँकेमा एक, गुल्मीमा एक, बाराका एक, ललितपुरका एक र अर्घाखाँचीका एक, दैलेखका एक, बाजुराका एक, दोलखा एक, पाल्पाका एक, सुर्खेतका एक गरी १३ जनाको मृत्यु भएको छ ।

भिस्वा युवा समाजकाे आयाेजनामा आकास्मिक रक्तदान कार्यक्रम

0

भिस्वा । पर्साकाे छिपहरमाई गाउँपालिका वडा नम्बर ५ भिस्वामा शुक्रबार रक्तदान कार्यक्रम सम्पन्न भएकाे छ ।

भिस्वा युवा समाजकाे आयाेजनामा भएकाे आकस्मिक रक्तदान कार्यक्रममा ३३ जनाले रक्तदान गरे । भिस्वा युवा समाजका अध्यक्ष मनोज पटेलकाे सभापतित्व भएकाे कार्यक्रममा कोषाध्यक्ष आदित्य कुमार साह, सचिव राजेश साह, सह सचिव चन्दन साह, अमरपाल गुप्ता, आलोक कुशवाहा, सनी साह, सशस्त्र वोर्ड आउट पोस्ट भिस्वा बंजारीका इंचार्ज हरी पराजुली, भिस्वा प्रहरी चाैकी इंचार्ज प्रेम बहादुर खत्री, शासस्त्र  प्रहरी र नेपाल प्रहरीका जवान लगायतका ३३ जनाले रक्तदान गरेका थिए ।

लकडाउनका कारण जिल्ला भरी रक्तदान कार्यक्रम आयोजना हुन नसकेर रक्त संचार केन्द्र वीरगंजमा रक्त अभाव हुन नदिन आकस्मिक रक्तदान कार्यक्रमकाे आयोजना गरिएकाे समाजका अध्यक्ष पटेलले वताए ।

नारायणी रंगशालालाई अन्तर्राष्ट्रिय स्तरको बनाउन बजेट देउ : सांसद यादव

0

वीरगंज । संघीय सरकारले वीरगंजस्थित नारायणी रंगशालालाई अन्तर्राष्ट्रिय रंगशालाको रुपमा स्तरउन्नती गर्न नसकेपछि त्यसलाई प्रदेश सरकार मातहत गर्न सांसद प्रदीप यादवले माग गरेका छन् ।

बिनियोजन विध्येक २०७७ को सातवटा मन्त्रालयको विभिन्न शिर्षकमा शुक्रबार संसदमा भएको छलफलमा बोल्दै सांसद यादवले नेपालको सबैभन्दा ठुलो दशरथ रंगशाला जस्तै ठुलो रहेको नारायणी रंगशाला कोमामा गईसकेको अवस्थामा पनि यसको स्तरउन्नतीको लागि युवा तथा खेलकुद मन्त्रीले ५० लाख मात्र बजेट दिनुले त्यहाँको एउटा सानो पार्ट पनि बन्न नसक्ने बताउँदै यस रंगशालालाई प्रदेश सरकारको मातहत गर्न मांग गरेका हुन ।

सांसद यादवले भने, ‘‘पञ्चायत कालको श्री ५ सरकार वा बहुदल आएपछि नेपाल सरकारले नबनाई नारायणी रंगशाला स्थानीयको लेभीबाट बनेको छ, त्यसकारण कि त रंगशालालाई अन्तर्राष्ट्रिय स्तरको रंगशाला बनाउन स्पेशल बजेट छु्ट्याइयोस्, हैन भने संघबाट हटाएर प्रदेश सरकारको जिम्मा लगाईयोस् । प्रदेश सरकार यसलाई अन्तर्राष्ट्रिय स्तरको रंगशाला बनाउन तयार छ ।’’

खेलकुद मन्त्रीलाई एनफाले पनि १७ करोड रुपैया दिएको सुन्नमा आएको छ र खेलकुद मन्त्रीले आफ्नो आसेपासे मातहतका पालिकाहरुलाई मात्रै बजेट दिने गरेको सांसद यादवले आरोप लगए ।

मधेशीलाई अपमान गर्ने एनफाका अध्यक्ष कर्माछिरिङ्ग शेपालाई कारवाही गर्न मांग

नेपाल फूटवल संघ एनफाका अध्यक्ष कर्माछिरिङ्ग शेर्पाले दुर्बिन नेपाल अनलाईनमा इन्टरभ्यु दिदाँ मधेशीलाई राष्ट्रियता आउँदै, सिकाउनु पर्छ, त्यो पनि सेनालाई परिचालन गरेर दिएको अभिव्यक्तिले मधेशीलाई अपमान गरि तराई, पहाड र हिमाललाई टुक्रयाउने अभिव्यक्ति आएकोले उनलाई तत्काल निलम्बन गरि कारवाही गर्न सांसद यादवले मांग गरेका गरे ।

बिना तलब, बिना बर्दी १७ सय किलोमिटर सीमाको सुरक्षा गर्ने मधेशीलाई अपमान गर्ने शेर्पालाई कानुनी कटघेरामा ल्याई कडाभन्दा कडा कारवही गर्न सरकारलाई उनले ध्यानाकर्षण गराए । अस्थायी इजलास नाम हटाएर इजलासमा परिण्त गर्नुपर्छ त्यस्तै देशको सातवटै प्रदेशमा उच्च अदालत र ९ वटा इजलासको व्यवस्था गरिएको छ, जसमा एउटा अस्थायी इजलास ओखलढुङ्गा र अर्काे वीरगंजमा रहेको छ र ९ वटै इजलासको एक समान अधिकार हुँदा हुँदै पनि अहिलेसम्म अस्थायी इजलास नाम राख्नुको कारण के भन्दै सांसद यादवले प्रश्न गरे ।

उनले ९ वटै इजलासको अधिकार समान भए पनि सबैलाई अदालतको रुपमा राखेर किन व्यवस्थापन गर्न नसकिएको भन्दै यसतर्फ कानुन मन्त्रीलाई ध्यानाकर्षण गराए । उनले चाँडाभन्दा चाँडो अस्थायी नाम हटाएर इजलासमा परिण्त गर्न कानुन मन्त्रीसंग आग्रह पनि गरे ।

त्यसतैे भौतिक पूर्वाधार तथा यातायात मन्त्रालय अन्तर्गत निर्माण हुने सडक गत वर्ष पर्सा क्षेत्र नं. १ मा छुटेर आफूमाथि अन्याय भएको भन्दै सांसद यादवले यस वर्ष त्यहाँको सडक निर्माणमा अन्यान नहोस भन्दै आग्रह गरे । उनले गाउँगाउँ मिलेर वीरगंज महानगरपालिका बनेपनि शहरी विकास मन्त्रलायले नयाँ योजना नराखी पुरानो योजनाबाट पनि बजेट कट्टा गरेको भन्दै शहरको विकासको मुख्य जिम्मेवारी बोकेको शहरी विकास मन्त्रीले यसतर्फ गम्भिर भएर लाग्नु पर्ने आग्रह गरे ।

ऐलानी जग्गाको लालपूर्जा वितरण गर्न मांग

सांसद यादवले वर्षैदेखी हजारौ बिग्हा ऐलानी जग्गामा बसेका नागरिकसंग जग्गाको लालपूर्जा नभएकोले चाँडोभन्दा चाँडो लाल पूर्जा वितरणको काम सुरु गराउन मांग गरे । विगतको दिनमा सरकारले लालपूर्जा वितरण गर्ने कार्य सुरु गरेपनि बिचमा रोकिएकोले भूमि सुधार व्यवस्था, सहकारी तथा गरिबी निवारण मन्त्रीलाई सांसद यादवले ध्यानाकर्षण गराए ।

यो जग्गा फलानोको हो, यो यो व्यक्तिले भोग चलन गर्दै आएका छन् भने कुरा उल्लेख भएकोले र कसैले मालपोत कर पनि नतिर्ने गरेकोले चाँडोभन्दा चाँडो लालपूर्जा वितरण कार्य सुरु हुँदा जनता र सरकार दुबैलाई फाईदा हुने सांसद यादवले बताए ।

त्यस्तै सहकारी खुल्दा गाँघरका किसान, गरिब तथा सानो पसलेहरुको लागि ऋण लिन र किस्ता तिर्न सजिलो भएपनि केही सहकारी संस्थाहरुको बदमानसीले गरिब जनता बर्बाद हुने गरेको सांसाद यादवको भनाई छ ।

पहिला डिभिजन कार्यालय सहकारी संस्थाहरुको अभिभावक हुन्थयो तर अहिले स्थानीय तह भएको छ तर स्थानीय तहका जनप्रतिनिधी भने हामीसंग बिज्ञ नभएको र सरकारले कुनै कर्मचारी नै नपठाएको भन्ने गरेकोले अहिले सहकारीको अभिभावक नदेखिएको सांसद यादवले बताए ।

केही सहकारीहरु कुनै व्यक्तिको जग्गामार्फत १० लाख ऋण दिएर फेरी त्यही जग्गा अर्काे सहकारीमा ५० लाख ऋणमा राखेर भाग्ने गरेकोले यसतर्फ सरकारको गम्भिर ध्यानाकर्षण हुन जरुरी रहेको सांसद यादवले बताए ।

कर मिनाहाकाे माग गर्दै जनता समाजवादीद्वारा वीरगंजमा प्रदर्शन

0

वीरगञ्ज । लकडाउनका कारण घरमा थुनिएर बस्नु परेका नागरिकले अहिलेको अवस्थामा कर तिर्न नसक्ने भन्दै सम्पूर्ण कर मिनाहा गर्न जनता समाजवादी पार्टी वीरगञ्ज महानगर समितिले माग गरेको छ ।

कर मिनाहा गर्नु पर्ने माग गर्दै समितिका अध्यक्ष लियाकत अलिको नेतृत्वमा वीरगञ्जमा शुक्रबार बिरोध प्रदर्शन भएको छ । वीरगञ्जको विर्ताबाट सुरु भएको विरोध र्‍याली घण्टाघर चोकमा आएर कोणसभामा परिणत भएको थियो ।

अर्थमन्त्री राजिनामा दे, जनता मार्न पाईँदैन, विशुली शुल्क, नागरिकले तिर्नु पर्ने कर मिनाहा गर लगायतका नारा लगाउँदै वीरगञ्ज परिक्रमा गरेका थिए । लकडाउनका कारण नागरिक अहिले घरभित्रै थुनिएको र अहिले आम्दानीको माध्यम पनि नभएकाले सबै खाले शुल्क मिनाहा गर्नु पर्ने उनीहरुको माग छ ।

कोणसभामा बोल्दै समितिका अध्यक्ष अलिले सरकारले नागरिकका समस्यालाई यथाशिघ्र सम्बोधन नगरे कडा संघर्षमा उत्रिने चेतावनी समेत दिए ।

र्‍यालीपछि उनीहरुले जिल्ला प्रशासन कार्यालय मार्फत प्रधानमन्त्री तथा मन्त्रिपरिषद्को कार्यालयमा ज्ञापन पत्र पठाएका छन् ।

र्‍यालीमा जनता समाजवादी पार्टीका उपाध्यक्ष मदन गुप्ता, वडा नम्वर ३ का वडाध्यक्ष बैजुलाल श्वर्णकार, उमेश सहनी, बिष्णु पटेल ,सलाउदिन मंसुरी अफराेज आलम, राजु गुप्ता ,सगिर अलि, अंकित गुप्ता लगायतकाे सहभागिता रहेकाे थियाे ।

राईट टु स्टडीद्वारा पर्सागढी नपालाई स्वास्थ्य सुरक्षा सामाग्रि सहयाेग

0

वीरगंज । राईट टु स्टडी नेपाल नामक लाजिम्पाट–२ काठमाण्डौकाे एक गैर सरकारी संस्थाले पर्सागढी नगरपालिकालाई स्वास्थ्य सुरक्षा सामग्री सहयाेग गरेकाे छ ।

बिश्वब्यापी माहामारीको रुपमा फैलिएको कोरोना भाईरस (कोभिड–१९) संक्रमण रोकथाम सहयोग परियोजना अन्तर्गत स्वास्थ्य सुरक्षा सामग्री सहयाेग गरेकाे हाे । संस्थाले थर्मल गन–१० थान, मास्क–५००० थान, सिटामोल–१०००० ट्या., पि.पि.ई.सेट–६ थान, हेड शिल्ड सेट–५० थान, जिवनजल–१००० प्या., फिल्टर मास्क–२५ थान सामाग्रीहरु सहयाेग गरेकाे नगर कार्यापालिका कार्यालयले जनाएकाे छ ।

संस्थाले कुरियर मार्फत पठाएकाे सामग्री बिहिबार प्राप्त भएको नगर प्रमुख लाेकनारायण यादवले जानकारी दिए । संस्थाको सहयोग सामग्री बुझ्दै नगर प्रमुख यादवले संस्थाकाे प्रसंशा गर्दै धन्यबाद ज्ञापन गरे ।

साथै आगामि दिनहरुमा समेत राईट टु स्टडी संस्था जस्तै अन्य संस्थाले पनि समय अनुकुल निरन्तर सहयोग तथा सहकार्यको अपेक्षा पालिकाले राखेको नगरपालिकाका गिरी राज कडेलले वताए ।

तिलावे पुल र पर्सा ग्रामिणबासीहरुको दुःख

0

पर्सा जिल्लाको सदरमुकाम वीरगंज हो । जुन जिल्लाको पूर्व भागमा पर्दछ । यसरी जिल्लाको सम्पूर्ण ग्रामिण भाग पश्चिममा रहेका छ । ग्रामिण भेगलाई जोडने, वीरगंज महानगरपालिको वडा १९ मा पर्ने तिवाले पुल हो । यसरी ग्रामिण भेगको पूर्णरुपमा बिकास नहुनु, जिल्लाको सदरमुकाम एकातिर भएकै कारण्हो भने दुई मत हुदैन । ग्रामिणवासीहरु दिनहु आफ्नो दैनिक कामले सदरमुकाम जानु पर्ने अवस्था हुन्छ । जस्तै दैनिक ज्यालादारी, सरकारी वा गैरसरकारी कार्यालयहरुको काम, आ आफ्नो ब्यवसायले मानिसहरु सरदमुकाम जानु पर्ने बाध्यता हुन्छ । तिलावे नदिमा रहेका पुल जुन हुलाकी सडकमा पर्दछ । प्रमुख नाका हो । हुन त विरगंज महानगरपालिकामा परे पनि वीरगंजको घण्टाघर देखी पश्चिमतर्फ १० किलो मिटरको रहेका छ । मलाई याद छ आज देखी करिब २० बर्ष पहिला नै तिलावे पुलको उद्घाटन तत्कालिन सम्माननिय प्रधानमन्त्री गिरीजा प्रसादकोइराला ज्यूबाट भएको थियो । यस पुलको अवस्ता पनि जिर्ण अवस्थामा पुगेको छ । न यसको सरसफाई न यसको मर्मत संभार भएको छ । यस्तै अवस्था रहयो भने केही वर्षमा नाम मात्रको पुल रहने पक्का पक्की छ । ग्रामिण भेगमा बढ्दो जनसंख्या र सवारी साधनले गर्दा हुलाकी राजमार्ग काम शुरु हुनु र तिलावे नदिमा अर्को पुलको निमार्ण हुनु, ग्रामिणबासीहरुमा खुसीको लहर उठेको थियो । हुलाकी राजमार्गको कामहुदै गर्दा तिलावे नदिमा अर्को पुलको निमार्ण कार्य शुरु हुनु सुखद भएको जनविचार रहेको थियो ।

यो पुलको निमार्ण कार्य पप्पु तथा लुम्बिनी जे.भि.कन्सट्रकसनले जिम्मालिएको हो भने सर्ववित्तिदै छ । विभिन्नकारण वस पप्पु कन्सट्रकसन र लुम्बिनी जे.भि.ले काम दिएको तर हाल कालो सुचीमा समेत परेका यी ठेकेदार कम्पनीले २०७२ सालमा ठेका करिब साढे ५ करोडको लागतमा सम्झौता भएको थियो र २०७५ सालमा पुर्णरुपमा काम सम्पन्न गरिने सहमती भए पनि ५ बर्ष सकिदा काम सम्पन्न नभएको पर्सा बासीहरुको गुनासो रहेको छ । अहिले न्यू कान्तिपुर कन्सट्रकसनले २०७६ फागुन देखी काम थालनी गरेको छ । तर चैत्र ११ गते देखी विश्व महामारीको रुपमा फैलिरहेको करोना भाइरसले गर्दा देश नै लकडाउन भएको कारण काम शुस्त गतिमा चलिरहेको छ भने त्यस कन्सट्रकसनका सब इन्जिनीयर श्रीराम हलालले फोन सम्पर्कमा भन्नु भयो । भन्ने क्रममा हाल हामीसंग ५ जना कामदार हुनुन्छ, यो अहिले कार्य गरि रखानु भएको छ तर हाल सम्मअहिले हेर्दा बिगत एक साल देखी निर्माणधिन पुलमा खासै प्रगती नभएको हो भने प्रस्टरुपमा नांगो आखाँले हेर्न सकिन्छ । यो यस्तो नदि हो, जहाँ बर्षाैभरी पानि बगिरहन्छ । यसरी पानी भए पछि माछा पनि हुन्छ र माछा खानका लागि राम्रो परिकार पनि हो । त्यसैले होला पुल कन्सट्रकसनका कर्मचारी तथा कामदारहरु माछा समात्ने त्यसका परिकारमा ब्यस्त रहेको स्थानियबासी तथा प्रत्येक्ष दर्शीहरुको गुनासोे छ । माछा समात्दै र त्यसका परिकारमा लिप्त रहेका ती ब्यक्तिहरु नदिमा माछा रहे सम्म र परिकारमा लिप्न रहदा रहदै पनि पुल निर्माण कार्य प्रगती भयो भने पर्सा ग्रामीणबासीहरुले आशा राखेका छन ।

पुरानो पुलको दुबै किनारको सडकलाई काटी आवतजावत बन्द गरिएको छ यसको बैकल्पिक रुपमापुलको दक्षिण भागमा होम पाइपको अधारमा एउटा सानो कलभर्ट निमार्ण गरेर अवागमन भइरहेको छ । यो सानो डाइभर्सनले अवागमन शुरु त भयो । केहि दिनको लागि भएपनि ठिकै होला । तर हाल यो सालभन्दा बढि पुरेको छ । यसबाट बाटोमा पर्ने न्यू पन्ना मोनो बियल इङ्गिलश र्बोिडङ्ग स्कूल र मुनिलाल साहको गोठ लगाएत अन्य ब्यक्तिहरुको घर रहेको छ । यसरी मुनिलाल साह“कोरोना भन्दा पहिला नै यस बाटोबाट आएका धुलोबाट विरामी हुने डर छ भने कुरा राख्नु हुन्छ । त्यस्तै न्यू पन्ना मोनो बियल इङ्गिलश र्बोिडङ्ग स्कूल हाल लकडाउनले बिद्यालय बन्द भएको छ तर पहिला पठन पाठनमा एकदम ग्राहाे भएको थियो । यो समयमा समाधान भएन भने पछि विद्यार्थीहरुलाई पनि ग्राहाे भएर बिद्यालय नै बन्द गर्नु पर्नै अवस्था हुन्छ भने त्यही विद्यालयका प्रन्सिपल जितेन्द्र साह मिठो भाषामा सुनाउनु हुन्छ । बिन्दवासिनी टोलकावासिन्दहरु त्यो बाटोबाट उडेका धुलोहरु हाम्रो घर सम्म आउछ, खाना खान समेत गाह्रो रहेको दुखेसो सुनाउन्छन् ।

यसरी तिलावे नदिको कुरा सम्झदा केही पहिला सबै गाउँका ब्यक्हतिरु दिनहु नुहाउने देखी कपडाहरु सफा गर्ने गर्थे । हाल यसको अवस्था हेर्दा पहिलाका राम्रा कुराहरु सम्झनामा मात्र समिति हुन्छ । किनकी यस नदिको दुवै पटिको किनारमा फोहर फालिएको छ । त्यसमा नदिको पूर्व पट्टिको किनारमा रहेका शिवम् हेचरीले गर्दा वासपासको वातावरण दुर्गन्धित भएको छ । पहिला त त्यस हेचरीबाट निस्केका फोहरहरु नदिमा फाल्ने ग¥र्थे, तर हाल ती फोहरलाई पछाडी पट्टिको ठाउँमा खाल्ठो खनी राख्ने गरेका र खुल्ला रहेका कारण आउने जाने यात्रीहरुलाई पनि शासति खेप्नु परेको छ । यसलाइ हेर्ने निकाय अहिले पनि मौन रहेको छ । साथै गाउँलेबासी र ग्रामिण वासीहरुले शासती भोगिरहेका छन् । हुन त नेपालको संविधान २०७२ को भाग–३ मौलिकहक र कर्तव्य र धारा ३० मा स्वच्छ वातावरणको हकमा हेर्दा दफा १) प्रत्येक नागरिकलाई स्वच्छ र स्वस्थ्य बातावरणमा बाँच्न पाउने हक हुनेछ । २) वातावरणीय प्रदु्रषण वा ह्राबाट हुने क्षति बावत पीडितलाई प्रदूषकबाट कानुन बमोजिम क्षतिपूर्ति पाउने हक हुनेछ । ३) राष्ट्रको विकास सम्बन्धि कार्यमा वातावरण र विकासबीच समुचि सन्तुलनका लागि आवश्यक कानूनी व्यवस्था गर्न यस धाराले बाधा पुर्याएको मानिने छैन । भन्ने ब्यवस्था रहेको छ । यसको कार्यन्वयन पक्ष फितिलो दिेखिन्छ । हाल सम्म पत्र पत्रिकाहरुमा कहिले काही सामाचार आए पनि पुर्णरुपमा यस विषयमा पर्साबासी र स्थानिय सरकारले पनि अवाज न उठाएको महसुस हुन्छ ।

पुलको अवस्थालाई हेर्दा पुरानो पुल जिर्ण अवस्था, हाल सम्म मर्मत संभारमा कमजोरी र निमार्णधिनपुल, यसपालीको वर्षायाममा पुलको निर्माण कार्य हुन्छ भने आशा राख्नु बालुवामा पैसा हाले जस्तै हुन्छ । आज भोलि यो चियो चर्चाकाे विषयपनि रहेको छ यसैक्रमा बहुदरमाई नगरपालिका विश्रामपुरका बिजय यादव भन्नु हुन्छ कि यस पालि कारोना भाइरसको माहामारी गर्दा भएको लकडाउन जसतस काटिरहेको छु, २ कठ्ठा लगाएको तरकारी बिक्री नभएर नस्ट पारियो यदि पुल संचालनमा आएन भने सबै ग्रामिण वासीहरुको डाड भचिन्छ र जिवन काटन क्रणमा डुब्नु पर्ने अवस्था हुन्छ । क्रण चुक्ता गर्न बर्सौ लाग्छ । यसरी सबै पक्षलाइ हेर्ने हो भने यसका बैक्लपिक उपायहरु अपनाउनु पर्ने अवस्था नत्र यस पालि कारोना भाइरसले कम र भोकमरीले मर्नु पर्ने अवस्था सृजना हुन्छ । यस विषयमा ग्रामिण बासीहरुको मानसिक तनाव बनिरहेको छ । यी सबै कारण गर्दा जनताहरु तनावपूर्ण अवस्थाबाट गुर्जिरहका छन् । लकडाउन ७० दिनभन्दा बढि भइ सक्यो यो कहिले सम्म चल्छ थाहा छैन, ग्रामिण बासीहरुले सबै कामको हिसाबले सदरमुकानमा नै निर्भर हुन्छन् । वर्षायाम शुरु भए पछि डाइभर्सनलाई नदिले बगाउछ यसमा दुई मत नहोला, त्यसपछि अर्को लकडाउन शुरु हुन्छ, पर्सा ग्रामिण बासीहरुको लागि जुन शर्मनाक र दर्दनाक हुन्छ । यस कारण जनताहरुलाई तनाव मुक्त गर्न, जिवन बचाउन हेतु सबै पक्षको ध्यानआकर्षण गर्नु पर्दछ ।

नरेश गुप्ता
बिन्दवासिनी