Date
आइत, मंसिर ६, २०८३
Sun, November 22, 2026
Home Blog Page 972

समाजवादी एकाइ समितीकाे आयोजनामा रक्तदान कार्यक्रम

0

वीरगञ्ज । समाजवादी पार्टि एकाइ समिती वडा नं १० आयोजनामा बुधबार रक्तदान कार्यक्रम सम्पन्न भएको छ । लकडाउनमा रक्तकाे अभाव भएका कारण कार्यक्रम आयोजना गरिएको जनाइएको छ ।

वीरगञ्ज महानगर कार्यपालिका सदस्य सुशिल साह कानुले रक्तदान गरि शुभारम्भ गरेको रक्तदानमा ४ महिला सहित ६६ जनाले रक्तदान गरेका छन् ।

समाजवादी पार्टि वडा नं १० का एकाइ अध्यक्ष जोगिन्द्र प्रसाद कानुको सभापतित्व र समाजवादी पार्टिका जिल्ला अध्यक्ष रामनरेश यादवको प्रमुख आतिथ्यमा भएकाे कार्यक्रममा जिल्ला सचिव तबरेज अहमद, वरिष्ठ नेता सुन्दर कुर्मी, महानगर कमिटिका अध्यक्ष इश्वर यादव, समाजवादी विद्यार्थी युनियनका केन्द्रीय सदस्य निखील बरनवाल, जिल्ला अध्यक्ष एजाज बाबु रांकी, पार्टिका नेता घनश्याम यादव, लखन कानु, सन्तोष महराठा लगयातको उपस्थिती रहेको थियो ।

कार्यक्रमलाई सम्बोधन गर्दै वक्ताहरुले रक्तको अभाव भइरहेका बेला रक्तदान कार्यक्रम आयोजना गर्नु निकै सराहनीय कार्य भएको बताएका थिए ।

जोर-बिजोर प्रणालीमा पसल खोल्न जिप्रका पर्साकाे आवहान

0

वीरगञ्ज । पर्सामा शुुक्रबारदेखि जोर/बिजोर प्रणाली अनुसार व्यवसाय सञ्चालन गर्न पाउने भएको छ ।

लामो समयदेखिको बन्दाबन्दीका कारण समग्र अर्थतन्त्रमा परेको असरलाई मध्यनजर राख्दै शुुक्रबारबाट जोर/बिजोर प्रणाली (गते) अनुसार व्यवसाय सञ्चालनको अनुमति दिइएको पर्साका सहायक प्रमुख जिल्ला अधिकारी ललितकुमार बस्नेतले जानकारी दिए ।

बुधबार बसेकाे जिल्ला संकट व्यवस्थापन केन्द्रको बैठकले जोर गतेका दिन कपडा, कस्मेटिक, इलेक्ट्रिकल, इलेक्ट्रोनिक्स लगायतका पसल बिहान ११ बजेदेखि दिउँसो ४ बजेसम्म सञ्चालन गर्ने अनुमति दिइएको उनले बताए ।

यसैगरी जोर गतेका दिन हार्डवेयर, साइकल, मोटर तथा मोटर पार्टस, अटोवक्र्स, भाँडावर्तन, सुनचाँदी, फर्निचर तथा अन्य पसल बिहान ११ बजेदेखि दिउँसो ४ बजेसम्म सञ्चालन गर्न पाउने बस्नेतले बताए ।

यता नेपाल राष्ट्रिय व्यवसायी महासंघले भोलिदेखि लकडाउन तोड्दै पसल खोल्ने निर्णय गरेको छ । बुधबार एक विज्ञप्ति जारी गर्दै महासंघका अध्यक्ष नरेश कटुवालले भोलि (जेठ २२) देखि नियमित रुपमा बिहान ११ बजेसम्म सबै खाले पसल खोल्ने निर्णय भएको जानकारी दिए ।

कपडा खाेलेर रहवरले भने “यही बेचेर कर लेऊ सरकार”

0

वीरगञ्ज ।  वीरगञ्जमा सत्तारुढ दल निकटका नगर अध्यक्षकाे नेतृत्वमा युवाहरुले अर्थमन्त्रीको बिरोध गर्दै सडकमा अर्धनग्न प्रदर्शन गरेकाे छन् । नेकपाका वीरगञ्ज महानगर कमिटी अध्यक्ष रहबर अन्सारीको नेतृत्वमा युवाहरुले वीरगंजकाे घण्टाघरमा पानी परेकाे बेला पनि भिज्दै कपडा खोलेर अर्धनग्न विरोध प्रदर्शन गरेका हुन् ।

घण्टाघरमा युवा नेता अन्सारीसहित भेला भएका युवाहरुले जनता भाेका छन्, चुल्लाे निभेकाे छ, अर्थमन्त्री मुर्दावाद, कर तिर्न सक्दैनाै, बैंक ब्याज मिन्हा गर, सम्पूर्ण कर मिन्हा गर, व्यापारी मार्न पाईदैन, गरिब मजदुरलाई समुचित राहत, डुबन्ते अर्थमन्त्री चाहिदैन र माफ गर्नु हाेला तपाईले सम्पर्क गर्नु भएकाे अर्थमन्त्रीकाे बुद्धि स्विच अफ गरिएकाे छ लेखिएकाे नारा सहित प्रदर्शन गरे ।

बिराेध प्रदर्शनकाे क्रममा अध्यक्ष अन्सारीले जनता भोका भएका बेला सरकारले कर तिर्ने समय तोकेर नागरिकको ढाड सेक्ने काम गरेको आरोप लगए ।

उनले माननीय अर्थ मन्त्रीज्यु अब नेपाली जनता कर तिर्ने स्थितीमा रहेनन, मृत शरीरबाट बास्ना आउन सक्दैन भन्दै शरिरमा रगत को कमि भएको समय जबर्जस्ती रक्तदान गराउनु अमानवीय भएकाे वताए ।

युवा नेता अन्सारीसहितले आफ्नाे बस्त्र प्रदर्शन स्थल मै छाेडदै वस्त्र बेचेर जे आउँछ अहिलेको लागि त्यसैलाई कर भनेर स्विकार्नु होला, दिनलाई केही छैन अब जनतासंग समेत भन्दै विराेध गरेका थिए ।

अर्थमन्त्री डा.युवराज खतिवडाको निर्देशनमा आन्तरिक राजश्व विभागले यही जेठ २५ गते भित्र कर नतिरे जरिवाना गर्ने सूचना जारी गरेको थियो ।

यसको चौतर्फी बिरोध हुन थालेपछि सरकारले कर तिर्ने समय थप गरेको छ । बुधबार दिउँसो आन्तरिक राजश्व विभागले कर वुझाउने म्याद असार ७ गतेसम्मका लागि थप गरेको नयाँ सूचना जारी गरिसकेको छ ।

सरकारले दुई महिनाभन्दा बढी समयदेखि नागरिकलाई घरभित्रै थुनेर अहिले कर तिर्न उर्दी जारी गर्नु उचित नभएको भन्दै सर्बत्र यसको विरोध सुरु भएको छ ।

नेपाल इण्डो हस्पिटलमा आकस्मिक रक्तदान कार्यक्रम

0

वीरगंज । विश्वव्यापी रुपमा फैलिएको कोरोना महामारीमा देखिएको रगत अभावलाई मध्यनजर गर्दै नेपाल इण्डो हस्पिटल प्रा.ली. वीरगंजकाे आयाेजनामा आज आकस्मिक रक्तदान कार्यक्रम सम्पन्न भएको छ ।

हस्पिटल प्राङ्गणमा भएकाे कार्यक्रममा ४ महिला सहित २२ जनाले रक्तदान गरेको हस्पिटलका कोर्डिनेटर करण पटेलले बताए ।

हस्पिटलका निर्देशक चन्द्र शेखरको अध्यक्षतामा भएकाे कार्यक्रममा करण राउत, सुमित सिंह, निकिता पाण्डे, रिना देवी, रोशनी लामा लगायतले रक्तदान गरेका थिए । कार्यक्रममा अखिल नेपाल प्रगतिशील जनस्वाथ्य कर्मी महासंघको केन्द्रीय सचिव सुबास गुप्ता लगायतको उपस्थिति रहेको थियो ।

पर्साका ७ सहित २ सय १ जना काेराेना संक्रमित थपिए

0

वीरगंज । नेपालमा  कोरोना संक्रमितको संख्या २ हजार ३ सय पुगेको छ । बुधबार नियमित मिडिया ब्रिफिङमा स्वास्थ्य तथा जनसंख्या मन्त्रालयले पछिल्लो २४ घण्टामा थप २ सय १ जनामा कोरोना संक्रमण पुष्टि भएको जनाएको हो । याेसंगै संक्रमितकाे संख्या २ हजार ३ सय पुगेकाे मन्त्रालयका प्रवक्ता डा.विकास देवकोटाले जनाए ।

थपिएका नयाँ संक्रमितहरुमा धनकुटा र सप्तरीका १/१ जना, ताप्लेजुङका ३, पाँचथरका १, पर्साका ७, दैलेखका १, सल्यानका ३, मोरंङ र झापाका २/२, तेह्रथुमका १ र सुनसरीका ८ जना रहेका छन् ।

त्यसैगरी कैलालीका ३, डोटीका २, कपिलवस्तुका ६९, पाल्पाका २, रुपन्देहीका २६, महोत्तरीका ९, दैलेखका ६, कालिकोटका ७, दाङका ८, प्युठानका २, धनुषाका १ जना, काठमाडौँ मेडिकल कलेज र टोखाका गरी ३ जना, नवलपरासीका ८, रौटहटका ११, रुपन्देहीका १, सर्लाहीका १५, सिन्धुपाल्चोकका १ जनामा पनि कोरोना संक्रमण देखिएको मन्त्रालयका प्रवक्ता डा. देवकोटाले बताए ।

यस्तै हालसम्म निको भएर घर फर्केनहरुको संख्या २ सय ७८ पुगेको छ ।

मन्त्रालयका अनुसार बुधबारसम्म पीसीआर विधिबाट हालसम्म ८० हजार २ सय ६७ परीक्षणहरु गरिएका छन् ।

हालसम्म कोरोना संक्रमणले सिन्धुपाल्चोकमा एक, बाँकेमा एक, गुल्मीमा एक, बाराका एक, ललितपुरका एक, रअर्घाखाँचीका एक, दैलेखका एक, बाजुराका एक र दोलखाका एक गरी ९ जनाको मृत्यु भएको छ ।

पटेर्वा सुगाैलीद्वारा वीरगंज महानगरलाई २५ लाख सहयाेग

0

वीरगंज । वीरगंज महानगरपालिकाले कोरोना भाइरस विरुद्धको लडाईमा आब्हान गरेको प्रकोप ब्यवस्थापन कोषमा आज पटेर्वासुगौली गाउँ पालिकाले २५ लाख उपलब्ध गराएको छ । पटेर्वासुगौली गाउँ पालिकाका अध्यक्ष हरिबावु चौधरीले कोविड विरुद्ध वीरगंज महानगरपालिकाले चालेको कदममा हातेमालो गर्न २५ लाख रुपियाँको चेक वीरगंज महानगरपालिकाका प्रमुख विजय कुमार सरावगीलाई हस्तान्तरण गर्नु भयो ।

गत जेठ ६ गते वीरगंजको नगर सभा गृहमा पर्साका प्रमुख राजनीतिक दलका नेतृत्व, १४ वटा पालिकाका प्रमुख र प्रदेश सभा सदस्यहरुको उपस्थिीतीमा भएको बैठकले पर्साका सवै पालिकाबाट ५ करोड र उद्योग वाणिज्य संघ लगाएत उद्योगी ब्यवसायीबाट ५ करोड गरी जम्मा १० करोडको प्रकोप कोष स्थापना गर्ने निर्णय भए अनुसार नै पटेर्वासुगौला गाउँ पालिकाले २५ लाख उपलब्ध गराएको गाउँपालिकाका अध्यक्ष चौधरीले वताउनु भयो ।

वीरगंज महानगरपालिकाले पिसिआर मेशिन, मिटिएम किट, रिएजेन्ट किट, प्रिआइसोलेशन र कोविड अस्पताल संचालनको लागि पर्सामा भएका सम्पूर्ण पालिका र विभिन्न संघ संस्थासँग सहयोगको अपिल गरेको थियो ।

आजै महाविर मन्दीर समितिको तर्फबाट एक लाख एघार हजार, ग्लोवल आइएमई र्बक वीरगंज शाखाको तर्फबाट एक लाख, पिसि मिडिया नेटर्वक (रेडियो सान्भी)को तर्फबाट २५ हजार नगद, राजेश पाण्डेयबाट ५ हजार एक सय, राजेश्वर पाण्डेबाट ४ हजार पाँच हजार र अनिल वरनवालबाट ५ हजार दुई सय पचास प्रकोप कोषमा जम्मा गर्ने गरी नगर प्रमुख विजय कुमार सरावगीलाई हस्तान्तरण गरेका छन् ।

उक्त कोषमा वीरगंज महानगरपालिकाले एक करोड जम्मा गरी सकेको छ भने हाल सम्म उक्त कोषमा एक करोड ५६ लाख ७५ हजार जम्मा भैसकेको मेयर सरावगीकाे सचिवालयले जनाएकाे छ ।

थप २८८ जनामा कोरोना संक्रमण, संक्रमितको संख्या दुई हजार नाघ्यो

0

वीरगंज । नेपालमा कोरोना संक्रमितको संख्या दुई हजार नाघेको छ । पछिल्लो २४ घण्टामा थप २८८ जनामा कोरोना संक्रमण पुष्टि भएको मन्त्रालयले मंगलबार जनाएको हो । यो सँगै संक्रमितको संख्या २ हजार ९९ पुगेको छ ।

मन्त्रालयले आयोजना गरेको नियमित मिडिया ब्रिफिङमा प्रवक्ता डा विकास देवकोटाले संक्रमितको संख्या २ हजार ९९ पुगेको जनाए ।

काभ्रेको धुलिखेल अस्पतालमा गरिएको परीक्षणमा रौतहटका ३८ जनामा कोरोना संक्रमण पाइएको छ। यसैगरी पोखरामा गरिएको परीक्षणमा स्याङ्जाका ५ र पर्वत फलेबास क्वारेन्टाइनका रहेका ५ जना गरी १० जनामा कोरोना संक्रमण पुष्टि भएको छ।

धरानमा गरिएको परीक्षणमा सप्तरीका १ जनामा कोरोना पोजेटिभ देखिएको छ भने भेरी अस्तपालको प्रयोगशालामा बर्दियाका ३ र बाँकेका १७ जनामा कोरोना संक्रमण देखिएको छ।

सुर्खेतको प्रयोगशालमा सुर्खेतका २७, दैलेखका ९, सल्यानका १८, अछामका १० जनामा कोरोना पोजेटिभ देखिएको छ। यस्तै, हेटौंडामा गरिएको परीक्षणमा बाराका एक जनामा समेत कोरोना देखिएको छ।

दाङको राप्ती स्वसाथ्य विज्ञान प्रतिष्ठानमा गरिएको परीक्षणमा दाङका १७ र प्युठानका १ जनामा कोरोना भाइरस देखिएको छ भने सेती अस्पातलमा गरिएको परीक्षणमा कैलालीका १० र कञ्चनपुरका ८ जनामा कोरोना संक्रमण पुष्टि भएको छ।

यसैगरी, राष्ट्रिय जनस्वास्थ्य प्रयोगशालामा गरिएको परीक्षणमा ११८ जनामा कोरोना संक्रमण देखिएको छ। उनीहरूमध्ये धनुषाका ६, महोत्तरीका २, रौतहटका ३६, सर्लाहीका २१, सिराहाका १७, भक्तपुरका १, र धादिङ घर भई काठमाडौंमा उपचाररत एक जना महिलामा समेत कोरोना संक्रमण भेटिएको छ।

सोही प्रयोगशालमा कपिलवस्तुका १६, काठमाठौंका ४ स्वास्थ्यकर्मी, नवलपरासीका २ जना, नुवाकोटका २ जना, रुपन्देहीका १० जनामा कोरोना संक्रमण देखिएको छ।

हालसम्म नेपालमा कोरोना संक्रमण भएका २ सय ६६ जना उपचारपछि निको भएर घर फर्किएका छन्। नेपालमा कोरोना संक्रमणका कारण ८ जनाको भने मृत्यु भइसकेको छ।

सखुवा प्रसाैनीकाे क्वारेन्टाइमा रहेका ४५ जनाकाे स्वाब संकलन

0

वीरगंज । पर्साकाे सखुवा प्रसाैनी गाउँपालिकामा आज फेरी काेराेना परिक्षणकाे लागि स्वाब संकलन गरिएकाे छ ।

क्वारेन्टाइनमा रहेका १३ महिला सहित ४५ जनाकाे पिसिआर बिधिबाट काेराेना परिक्षणकाे लागि स्वाब संकलन गरिएकाे गाउँपालिका स्वास्थ्य संयाेजक राजेश राैनियारले जानकारी दिए । श्री नेरा मावि देउरबानाकाे क्वारेन्टाइनमा रहेका ९ महिला सहिच २७ जनाकाे र दिपनारायान मावि औराहा पचगावाको क्वारेन्टाइनमा रहेका ४ महिला सहित १८ जनाकाे स्वाब संकलन गरिएकाे संयाेजक राैनियारले वताए ।

नारायणी अस्पताल वीरगंजका अमरेन्द्र ठाकुर नेतृत्वकाे स्वास्थ्यकर्मीकाे टाेलीले स्वाब संकलन गरेकाे उनले जानकारी गराए ।

रुकुमपश्चिम र रुपन्देही घटनाको दोषिलाई कारवाही गर्न माग

0

वीरगञ्ज । रुकुम पश्चिम र रुपन्देहीमा भएको घटनाको सत्य तथ्य छानविन गरी दोष्लिाई कारवाहीको माग गर्दै राष्ट्रिय दलित पत्रकार संघ पर्सा, नेपाल पासवान संघ पर्सा र  मधेशी दलित गैर सरकारी महासंघ पर्साले जिल्ला प्रशासन कार्यालयमार्फत गृह मन्त्रालयलाई ज्ञापन पत्र बुझाएको छ ।

रुकुम पश्चिमको चौरजहारी नगरपालिका वडा न. ८ सोतीको सामुहिक हत्याकाण्डले देशैभर रहेको ६० लाख बढी दलितहरुले दैनिक रुपमा सामना गरिरहेको जातिय विभेदलाई उजागर गरेको भन्दै निर्दाेष नफस्ने र दोषि नउम्किने गरी छानविन गर्न ज्ञापन पत्रमार्फत माग गरिएको छ ।

ज्ञापन पत्रमा अहिलेको विज्ञान र प्रविधिको युगमा पनि यस्तो किसिमको अमानविय घटना हुनुले जातिय विभेदले कुन हदसम्म जडा गाडेको छ भन्ने स्पष्ट पारेको छ ।

जातिय उत्पीडन र विभेदीकरणकै कारण ६ परिवारले आफ्ना सन्तान गुमाउनका साथै देशले उर्जाशिल युवाहरु गुमाउनु अत्यन्तै नरसंहार घटना भएको  छ । संसारकै चेतशिल प्राणी मानिसको चेतनामा अहिले सम्म पनि परम्परागत र रुढीबादी परम्पराका कारण दलितहरु अँझै पनि हेपाहा बनेर जिवन निर्वाह गर्न विवश भएको हुँदा यस्तो घटनाले अँझै जिवित तुल्याएको उल्लेख गरिएकाे छ ।

त्यस्तै रुपन्देहीको देवदहमा गत शुक्रबार साँझ १३ वर्षीया स्थानीय दलित बालिकालाई बलात्कार गरेर हत्या गरेको घटनाको पनि सत्यतथ्य छानविन गरी दोषिलाई कारवाहीको दायरमा ल्याउन ज्ञापन पत्रमार्फत माग गरिएको छ ।

जातीय छुवाछूत तथा भेदभाव (कसूर र सजाय) ऐन, २०६८ आएको नौं वर्षमा १० जेठ ०६८ मा संसद्ले जातीय विभेदलाई सजाय गर्ने कानुन बनेको ९ वर्षमा १७ नागरिकले दलित भएकै कारण ज्यान गुमाएका छन् । जसमा बलात्कृत छोरीहरू पनि छन् । तर राजनीतिक पहुँचका कारण पिडकहरु उम्किदै आएका छन् ।

तसर्थ यस हत्याकाण्डलाई सामान्य रुपमा लिने, पक्राउ परेकाहरुलाई मुक्त गर्ने र अनुसन्धानलाई फितलो बनाउने कार्य कतैबाट भएमा न्यायका लागि देशव्यापी आन्दोलनबाट उत्पन्न हुने असहज परिस्थितिको जिम्मेवार स्वयं सरकार हुने कुराको समेत ज्ञापनपत्र मार्फत अवगत गराइएकाे छ ।

त्यसैले हत्याकाण्डमा संलग्न भएका सबैलाई पक्राउ गर्न, वेपत्ताहरुको यथाशिघ्र खोजी कार्यलाई तिब्रता दिन, घट्नाको सत्यतथ्य छनवीन गर्न, पिडितलाई न्याय र क्षतिपूर्ति उपलब्ध गराउन र हत्यारालाई हदैसम्मको कानूनी कार्वाही गर्नुका साथै अब उप्रान्त यस्ता घट्ना नघटाउन र दलित समुदायमाथिको सामाजिक न्याय प्रदान गर्न संघीय संसदबाट संसदीय अनुगमन समिति गठन गर्न जोडदार माग समेत गरिएको छ ।

यस पासविक अमानवीय हत्याकाण्डको छानवीनका लागि सम्पूर्ण राजनीतिक दल, मानवअधिकार आन्दोलन, नागरिक आन्दोलन, संचारकर्मी र न्यायप्रेमी सबैमा आव्हान गर्दछौं । साथै ज्ञापन पत्रमा नेपालको सम्पूर्ण राजनीतिक संगठन, दलित नागरिक समाज, पेशागत संगठनहरुलाई यस हत्या काण्डको विरोधमा आफ्नो आफ्नो स्थानबाट सक्रीय हुन आव्हान पनि गरिएको छ ।

दलित पत्रकार संघका पर्साका अध्यक्ष श्याम पासवान, नेपाल पासवान संघ पर्साका सहसचिब शम्भु पासवाान र मधेशी दलित गैर सरकारी महासंघ पर्साका अध्यक्ष इश्क कुमार पासवानद्वारा हस्ताक्षरित ज्ञापन पत्र पर्साका प्रमुख जिल्ला अधिकारी बिष्णु कुमार कार्कीलाई इमेल मार्फत बुझाइएकाे हाे ।

एकै दिन २७९ जनामा काेराेना पुष्टि, संक्रमितकाे संख्या १८११ पुग्याे

0

वीरगंज । दुई बालबालिकासहित १३ जना कोरोना संक्रमित थपिएका छन् । प्रादेशिक जनस्वास्थ्य प्रयोगशाला रुपन्देहीमा सोमबार गरिएको परीक्षणमा १३ जनामा संक्रमण पुष्टि भएको स्वास्थ्य तथा जनसंख्या मन्त्रालयका सह प्रवक्ता डा समीरकुमार अधिकारीले विज्ञप्तिमार्फत जानकारी गराएका छन् ।

उनका अनुसार संक्रमित हुनेमा नवलपरासी सरावल गाउँपालिकाका ६ वर्षीय बालक, गडहवा गाउँपालिका रुपन्देहीका ३ वर्षीया बालिका, ५४ वर्षीय पुरुष, मायादेवी गाउँपालिका कपिलवस्तुका १९, २१, २६, २६, २७, ३५, ४० बर्षिय पुरुष, निस्दी गाउँपालिका पाल्पाका १७, ३६ बर्षिय पुरुष र गुल्मी रेसुंगा नगरपालिकाका २६ वर्षीय पुरुष रहेका छन् ।

थप १३ जनामा संक्रमण पुष्टि भएसँगै नेपालमा कोरोना संक्रमितसंक्रमितको संख्या १८ सय ११ पुगेको मन्त्रालयले जनाएको छ ।

यस अघि पनि आजै २ सय २६ जनामा कोरोना संक्रमण पुष्टि भएको थियाे ।

मन्त्रालयले आयोजना गरेको नियमित मिडिया ब्रिफिङमा प्रवक्ता डा विकास देवकोटाले दैलेखका ४१, कपिलवस्तुका ४०, सर्लाहीका ३८, जुम्लाका १९, रौटहतका १८, कैलालीका १४, सल्यानका १०, दाङका ९, बाँकेका ७, धनुषाका ७, सुर्खेतका ५, सिरहाका ५, नवलपरासी पूर्वका ३, पाल्पा ३, रुपन्देही, झापाका, महोत्तरीका २-२ र मकवानपुर, उदयपुर, अछामका १, बैतडी १, डोटी १, कञ्चनपुरका १-१ जनामा संक्रमण पुष्टि भएकाे जानकारी दिएका थिए ।