वीरगंज । नेपाली कांग्रेस पर्साले ९ बुंदे माग सहितकाे ज्ञापन पत्र आज जिल्ला प्रशासन कार्यालय पर्सामार्फत प्रधानमन्त्री केपी शर्मा ओलीलाई बुझाएको छ ।
नेपाली कांग्रेस पर्साका सभापति अजय द्विवेदीको नेतृत्वमा जिल्ला प्रशासन कार्यालय पर्सामा पुगेको टोलीले पर्साका प्रमुख जिल्ला अधिकारी विष्णु कार्कीलाई ज्ञापन बुझाएको हो ।
ज्ञापनपत्रमा सरकार कोरोना नियन्त्रणमा लाचार तथा असफल देखिएको, पिसिआर परीक्षणको दायरा बढाउनुपर्ने, क्वारेन्टाइन व्यवस्थित हुनुपर्ने, अस्पतालको व्यवस्थापनमा जुट्नुपर्ने, स्वास्थ्य सामग्रीमा व्यापक अनियमितता गरेकोले छानबीन तथा कोरोनासँग लड्न ठोस नीति ल्याउनु पर्ने माग गरिएको नेपाली कांग्रेस पर्साका सचिव श्याम पटेलले जानकारी दिए ।
यसका साथै लामो समयको बन्दाबन्दीले उद्योग, व्यवसाय, पर्यटन, कृषि, रोजगारी लगायतको क्षेत्रमा सरकारले विशेष राहत प्याकेज ल्याउनु पर्ने माग गरिएको छ ।
विद्यार्थी, किसान, अपाङ्ग, बेरोजगार युवा, एकल महिलाको लागि पनि सरकारले हालसम्म केही नगरेको, गरिब तथा निम्न आय स्तर भएका जनता भोकभोकै मर्न थाल्दा समेत सरकार गम्भीर नभएको कांग्रेसले आरोप समेत लगाएको छ ।
त्यसैगरी ज्ञापनपत्रमा किसानको लागि बीउ, मल र उत्पादनलाई बजारीकरण गर्नमा पनि बन्दाबन्दीमा सरकारले ध्यान नदिँदा हजारौं किसान प्रभावित भएको, देशकै लाईफलाइनको रुपमा रहेको पद्म रोड अन्तर्गतको तिलावे पुलको काम ७ वर्षदेखि कछुवाको गतिमा भइरहेको र पुलमा निर्माण गरिएको डाईभर्सनबाट आवत जावत गर्दा जनताले सास्ती खेप्नु परेको हुँदा सो पुल तत्काल निर्माण गर्नु पर्ने माग कांग्रेसको छ ।
यसैगरी लकडाउन अवधीको सबै प्रकारको कर,महशुल र बैंकको ब्याज पनि सरकारले मिनाहा गर्न ज्ञापन पत्रमार्फत अपिल गरिएको छ ।
ज्ञापनपत्र बुझाउने टोलीमा नेपाली कांग्रेसका नेता एवं संविधान सभा सदस्य सुरेन्द्र चौधरी, रामेश्वर रौनीयार, प्रदेश सांसदद्वय ओमप्रकाश शर्मा, राजेश्वर साह, नेता किशाेरी साह, बीरेन्द्रलाल नेपाली, रामनारायण कुर्मी, बिजय सर्राफ, किशोरी साह, रामरुप कुर्मी, दिनाप्रसाद गुप्ता लगायतका नेता तथा कार्यकर्ताहरुको सहभागिता रहेको थियो ।







गाउँपालिकाले विद्यालय बन्द भए पनि शिक्षकहरुकाे तलब खुवाउदा एक दिनकाे पनि काटेकाे छैन् तर लकडाउन हाेस् वा निषेधाज्ञा सधै सेवा प्रवाह गर्दै आएका स्वास्थ्यकर्मीहरुकाे तलब काटेर अन्याय गरेकाे स्वास्थ्यकर्मीहरुले वताएका छन् ।
गाउँपालिका अन्तर्गतका स्वास्थ्यकर्मीहरुले तलब कट्टा नगर्न सामूहिक रुप मै बैशाख ३० गते गाउँपालिका अध्यक्ष र प्रमुख प्रशासकिय अधिकृतलाई ज्ञापन पत्र समेत बुझाएका थिए । ज्ञापन पत्र बुझ्दै प्रमुख प्रशासकिय अधिकृत धर्मराज थापाले तलब कट्टा मिनाहा गर्न वताए पनि अझै सम्म त्यस्ताे नभएकाे स्वास्थ्यकर्मीहरुकाे भनाई छ ।




घण्टाघरमा भएकाे दिप प्रज्वलन कार्यक्रममा बिमला तिमिल्सिना, प्रभाकर गुप्ता, दिलिप कार्की, उमेश मिश्र, अनिसकान्त कुश्वाहा, कमलेस कुश्वाहा, बिरेन्द्र शाह, देवेस गुप्ता, शिवनाथ यादव, अजय शर्मा, सतिश सिह राज्पुत, आकाश चौहान, शेष हजरा, सिवम केडिया, दिलपाल शाह, सन्तोश रन्जितकार लगायतको सहभागीता रहेको कार्यक्रमकाे संचालन एसोसिएसनका उमेश गुप्ताले गरेका थिए ।