Date
आइत, मंसिर ६, २०८३
Sun, November 22, 2026
Home Blog Page 967

दलित भित्रको अवसरवादको प्रकाष्ठा, एउटै परिवारमा फरक फरक पार्टी

0

संघियताको मूलभूत उदेश्य शक्ति विकेन्द्रीकरण नै हो । केन्द्रीकृत शक्तिलाई विकेन्द्रित गर्ने र राज्यको स्रोत साधनमा आम सर्वसाधारणको सहज पहुँचमा संघियताले टेवा पु¥याउँछ । विभिन्न राजनितिक परिवर्तन पछि हाम्रो मुलुकमा संघिय लोकतान्त्रिक गणतन्त्रको स्थापना भएको हो । जसको प्रमुख उदेश्य नै राज्यको स्रोत साधनमा सबैको सहज पहुच र सबैलाई सम्मान अवसर प्रदान गर्नु नै हो । यसै बीच राज्यका प्रत्येक तहमा लामो समय देखि सहभागी हुन नसकी राज्यको मूलप्रवाहबाट वञ्चित रहेका विभिन्न समुदाय मध्ये अति पिछडिएको दलित समुदायको विकास र पहुचको लागि राज्यले अलि बढी अवसर दिएको यथार्थलाई नकार्न सकिंदैन ।

यद्यपि राज्यबाट दलित समुदायको लागि प्रदान हुने अवसरको समुचित सदुपयोग भयो कि भएन ? अपेक्षित योजना पूरा भयो कि भएन ? जस्ता प्रश्नहरुको लेख–जोखा भएन भने राज्यद्वरा तय गरिएको नितीको उपलब्धि देखा पर्दैन र समृद्धिको सपना अधुरो रहने छ । त्यसकारण विभिन्न कोणबाट सरकारी नितीको उपलब्धि मापनको सिलसिलामा विभिन्न राजनीतिक दललाई गुमाराहमा पारी राज्यबाट दलितको नाममा प्रवाह हुने अवसरलाई आफ्नै परिवारमा केन्द्रित गरेको पर्सा जिल्लाको एउटा यस्तो परिवार, जसको घरमा नेपालमा अस्तित्वमा रहेका सम्पूर्ण दलको सदस्यता छ ।

जिल्ला पर्सा वीरगन्ज महानगरपालिका हाल वडा नं. १५ साविक वडा नं. १८ को स्व. सुरुज हजारा दुसाधको परिवार हो । स्व. हजाराको चार छोरा क्रमशः शम्भु हजारा दुसाध, प्रभु हजारा दुसाध, चन्दु हजारा दुसाध र मानदेव हजारा दुसाध हुन् । जुन परिवारको मुख्य पेशा राजनीति हो । लोकतन्त्रमा राजनिति गर्नु सबैको नैसर्गिक अधिकार हो, त्यसकारण कसैको अधिकारमाथी टिप्पणी गर्नु मुनासिव हुदैन । तर यी चार दाजु भाई मध्ये सबै भन्दा जेठो शम्भु हजारा दुसाध नेपाली कांग्रेसका प्रभावशाली दलित नेता हुन । नेपाली कांग्रेसका भातृ संगठन दलित संघका केन्द्रीय उपाधयक्ष पनि हुन । कांग्रेसका सरकार हुदा उनी उपेक्षित उत्थान दलित वर्ग विकास समितिका कार्यकारी निर्देशक भए । दलितको नाममा विभिन्न अवसरहरु उपयोग गर्दै, पछि हुँदा हुँदै २०६४ सालको संविधान सभाको निर्वाचनमा समानुपातिक तर्फबाट संविधान सभाका सदस्य भए । संसदीय विकास समिति मध्येका एक समितिका सभापति समेत भए । अर्थात नेपाली राजनीतिमा दलितहरुको नाममा उनको सिक्का चल्यो । उनी समृद्ध भए, उनको छोरा अमेरिकामा बस्छन ।

उनी पछिका अर्का भाइ हुन प्रभु हजारा दुसाध । जो हाल नेपाल कम्युनिष्ट पार्टी (नेकपा) पर्सा जिल्ला अध्यक्ष हुन् । उनी यस अघि तत्कालीन नेकपा एमालेको पर्सा जिल्ला संयोजक थिए । उनी तत्कालिन नेकपा एमाले र हाल नेकपामा आबद्ध भए देखि नै अवसरै अवसरमा ओतप्रोत रहे । तत्कालीन नेकपा एमालेका जिल्ला कमिटी सदस्य हुने बितिकै पार्टीको मुखपत्र नवयुग मासिक पत्रिका बाँडने जिम्मा लिएर ग्राहक शुल्क वापत आएको पत्रिकाको पैसामा रजाई गर्न शुरू गरे । पछि आर्थिक अवस्था कमजोर भएको र दलित समेत भएको भनी पार्टीले दलीय संयन्त्रबाट संचालित वीरगन्ज उपमहानगरपालिकामा पार्टीको तर्फबाट प्रतिनिधि पठाइए, केही समय पछि जिल्ला विकास समिति पर्साको पनि प्रतिनिधि भए । विभिन्न अवसर प्राप्त गरे सँगै तत्कालीन नेकपा एमालेको जनसंगठन नेपाल उतपिडित जातिय मुक्ति समाजको केन्द्रिय सचिव भए र त्यसैको जगमा एमाले सरकारको पालामा राज्य मन्त्री सरहको सुविधा उपयोग गर्ने गरी उपेक्षित उत्थान दलित वर्ग विकास समितिका कार्यकारी निर्देशक भए । त्यस पछि झलनाथ खनालको नेतृत्वमा गठित मन्त्री परिषदको स्थानिय विकास मन्त्री उर्मिला हुदा सोही समिति उपेक्षित उत्थान दलित वर्ग विकास समितिको उपाध्यक्ष भए । यसरी राजनीतिमा मौज मस्ती गर्दै समय कटाउँदै लैजाने भाग्यमानी व्यक्ति प्रभु हजारा दुसाध केही समय पछि पार्टीका बिभिन्न नेताहरुको दैलो चाहार्दै पुनः आफूलाई खान लाउन अप्ठ्यारो भएको बताउन थालेपछि एमालेको भागमा रहेको सामान्य प्रशासन मन्त्रालयको मातहतमा रहेको प्रशासन आयोगको सदस्य भए र भए भरका दोहन गरे ।

यसरी उनी आफ्नो राजनीतिक जीवन कालमा कहिलै लाभका पदविहिन भएन । पार्टीकै आडमा उनका छोरा वीरगञ्जका प्रसिद्ध उद्योगीको औद्योगिक प्रतिष्ठानमा आकर्षक सुविधा सहित जागीरमा छन भने बुहारी करारमा सरकारी सेवामा छिन । त्यस पछिका अर्का भाइ हुन, चन्दु हजारा दुसाध जो तत्कालीन संघिय समाजवादी फोरमबाट निर्वाचित संघीय संसद विमल श्रीवास्तवका पछलगुवा हुन अर्थात उनी कुनै पार्टी भन्दा पनि एक जना चतुर राजनीतिकर्मीलाई कसिलो ढंगले समाएका छन् । जसबाट उनी विभिन्न उपलब्धिहरू लिदै आफ्ना जीवन यापन गर्दै आएका छन । अर्थात सहज रुपमा बुझ्ने हो भने उनी मधेशवादी दल हुन ।

त्यसपछि सबै भन्दा कान्छो भाई हुन, मानदेव हजारा दुसाध जो हाल नेकपाको पर्सा जिल्ला कमिटी सदस्य हुन । तत्कालीन नेकपा एमाले पर्साको संयोजक हुदै नेकपा पर्साका अध्यक्ष प्रभु हजारा दुसाध भएपछि आफ्नो साखै कान्छो भाई अर्थात मानदेव हजारा दुसाधलाई जिल्ला कमिटी सदस्य बनाए । प्रभु हजारा नेपाल उतपिडीत जातिय मुक्ति समाजको केन्द्रिय सचिव भएपछि यिनलाई पनि संगठनको केन्द्रित सदस्य बनाए । पुरुषोत्तम पौडेल खेलकुद मन्त्री रहेको बेला यिनी मध्यमाञ्चल खेलकुद विकास समितिका अध्यक्ष भए । फेरि पनि यिनलाई सो पदमा दोह¥याउँन प्रभु हजाराले सिफारिस गर्न तम्तयार भएका छन । यिनको लक्ष्मनवामा टाढैबाट देखिने गरी आकर्षक घर छ ।

यसरी दलितको नाममा राज्यबाट प्राप्त हुने अधिकतर अवसर यिनकै परिवारको वरिपरि घुमिरहन्छ । पर्सा जिल्लाको इतिहासमा यिनका परिवार बाहेक यस जिल्ला निवासी सहायक स्थानिय विकास मन्त्री अजय चौरसियाको पालामा वीरगन्ज विर्ता निवासी अशोक राउतले उपेक्षित उत्थान दलित वर्ग विकास समितिको कार्यकारी निर्देशक भएका थिए भने राजेन्द्र महतोले नेतृत्व गरेको तत्कालीन सदभावना पार्टीको तर्फबाट वीरगन्ज प्रसौनी निवासी गया हजारा पासवान राष्ट्रिय दलित आयोगका सदस्य भएका थिए । यस हजारा परिवार बाहेक अपवादमा पनि अन्य पर्साका दलितले अवसर पाएको इतिहास छैन ।

तसर्थ यो इतिहास कोटयाउँनुको अर्थ राज्यमा जति सुकै व्यवस्था परिवर्तन भए पनि त्यसको अवलोकन, पुनरावलोकन र उपलब्धिको लेखाजोखा गरिएन भने यस्ता परिवार एवं पात्रहरुले हरेक व्यवस्थालाई आफ्ना अनुकूल बनाएर अनुचित लाभ लिन सक्छन । बहुदलीय व्यवस्थामा जो सुकैले पनि मान्यता प्राप्त दलहरुको सदस्य भई राजनिति गर्न पाउने व्यवस्था बमोजिम विधि सम्वत ढंगले राजनीति गरिरहेकोमा व्यवधान खडा गर्ने ठाउँ नभएकोले विभिन्न पार्टीमा आबद्ध भई सिंगो आफ्नो समुदायको भाग आफैले उपयोग गरिरहेकोले यस्ताहरुमाथि नियन्त्रण सम्बन्धित दलले नै गर्नु पर्छ अन्यथा शक्ति विकेन्द्रीकरणको सिद्धान्तको तहत आएको संघीयता र पिछडिएको समुदायको लागि आएको आरक्षणको उदेश्य सुन्दर सपना मै सीमित रहने छ यस्ता अवसरवादी परिवारहरूको मात्र जगजगी रहनेछ ।

  अरुण यादव 
केन्द्रिय सदस्य
राष्ट्रिय युवा संघ नेपाल

तिलावे पुल संचालनमा ल्याउन तरुण दलकाे एक हप्ते अल्टीमेटम

0

वीरगंज । नेपाल तरुण दल पर्साले तिलावे पुल संचालनकाे माग गर्दै आज पर्साका प्रमुख जिल्ला अधिकारी विष्णु कुमार कार्कीलाई ज्ञापन पत्र बुझाएकाे छ ।

तरुण दल पर्साका सचिव बिबेक कुमार चौरसियाद्वारा हस्ताक्षरित ज्ञापन पत्र मार्फत पर्साकाे सदरमुकाम वीरगंजसंग जोड्ने हुलकी राजमार्ग रहेको अतिनै सम्बेदनशिल तिलावे नदी पुल बिगत ६ बर्ष देखि पप्पु कन्स्ट्रक्सनले ठेक्का पारी पुल निर्माणमा चरम लापरबाही गरि पुल अलपत्र बनाएको तथा बैकल्पिक बाटो प्रयोग गरि आवतजावत तथा समानहरुको दुवानी गर्न निकै कस्ट्कर भैइ पुल परी पश्चिम तर्फ रहेको सम्पुर्ण उधोगधन्दा तथा जनजीवन नराम्रो संग प्रभावित भएको प्रती नेपाल तरुण दल पर्साको ध्यानाकर्षण भएको जनाएकाे छ ।

पानी पर्दा बैकल्पिक बाटो समेत ठप्प हुने गरेकोले त्यहाँको चालू अवस्थामा पुरानो पुललाई ठेकेदारले ६/७ महिना देखि तिलावे पुलबाट आवतजावत बन्द गरेकोले त्यस ठाउँका स्थानियको जीवन कष्टकर बन्दै गएको छ । केही दिन भित्र बर्षारितु सुरु हुने भएकोले पुलको बैकल्पिक बाटो अचानक गत बर्ष झै खोलाले बगाइ यातायात बन्द हुने अवस्था सृजना भएकोले समय मै पुरानो पुल शिघ्र चाडै सन्चालन गर्न गराउन भनी स्थानीय प्रशासनलाई नेपाल तरुणदल पर्सा ज्ञापन पत्र मार्फ जोडदार माग गरेकाे छ ।

निर्माणधिन पुललाई समय सिमा भित्र निर्माण पूरा गर्न गराउन एक साता भित्र पुरानो पुललाई ब्यवस्थित गरि सन्चालनमा ल्याउन सन्चालनमा नल्याए सास्ती खेपेका त्यस ठाउँका बासिन्दा ब्यापारीहरुले ठूलो नोक्सानी बेहोर्नु पर्ने स्थिति सृजना हुने भएकोले जनताकाे अधिकार तथा आवतजावतको सुबिधालाई मध्यनजर गर्दै नेपाल तरुण दल पर्साले कडा भन्दा कडा संघर्षमा जाने चेतावनी समेत दिएकाे छ ।

तरुण दल पर्साका सचिवकाे चौरसियाकाे नेतृत्वमा जिल्ला प्रशासन कार्यालयमा तरुण दलका अनिल यादव, फर्णिन्द्र पटेल, मिक सिंह, उपनेश चौरसिया, जङ्ग बहादुर पटेल, बिकाश तिवारी, केसव मिश्रा, साबिर हुसेन लगायतका पुगेका थिए ।

सरकारले औपचारिक रुपमा सदनमा प्रमाण पेश गर्नु पर्ने सांसद यादवकाे मांग

0

वीरगंज । पर्सा क्षेत्र नं. १ बाट निर्वाचित प्रतिनिधि सभा सदस्य ( संघिय सांसद) प्रदिप यादवले आइतबार बसेको संसद्को बैठकमामा बोल्दै अहिले देशमा कोरोना संक्रमितको संख्या ह्वातै बढे पनि देशभर भिटिएम किटको अभावले आवश्यकता अनुसारकाे काेराेना परिक्षण हुन नसकेकाे वताएका छन् ।

उनले भिटिएम मेसिन छ तर भिटिएम किट नभएर काेराेना परिक्षण हुन नसकिरहेको वताएका हुन् । काेराेना परिक्षणकाे लागि भिटिएम किट देश भर अभाव छ, पछिल्लो समय वीरगंजमा कोरोना संक्रमण बढेपनि अहिले भने गाहवामाई र पशुपतिनाथको कृपाले रुकेको छ भन्दै संसदमा उनले भने “सरकारले भिटिएम किट नपठाएकोप्रति आक्रोसित हुँदै, ‘‘ भोली नै जान्छ ५ हजार भिटिएम किट भन्दा भन्दै महिनौ दिन बितिसक्यो सरकार तर पनि स्वास्थय मन्त्रलायले वीरगंजको लागि भिटिएम किट पठाएको छैन् ।”

एउटा सांसदसंग मन्त्रीले यत्रो झुठो किन बोले सभामुख महोदय ? हामी जनताको सुरक्षाको लागी भन्दा पनि स्वास्थय मन्त्री सुतेर बस्नु भएको छ । अहिले आँखा खोल्नुस, कति सुत्नुहुन्छ ? जनता आक्रोसित भएर सडकमा आईसकेका छन् । अहिले पनि सचेत हुनु भएन भने जनतालाई तपाईको मन्त्रालयमा छिर्न बेर लाग्दैन ।’’ उनले सदनमा कुरा राख्दै भने निशान छापसहितको बिध्येक सदनबाट हामी सबै मिलेर पारित गरे पनि नेपाल सरकारले औपचारिक रुपमा सदनमा प्रमाण दिनु पर्ने सांसद यादवले मांग गरेका छन् ।

नेपाल सरकारले लिपुलेक, लिपियाधुरा सम्बन्धी प्रमाण खोज्न एउटा बिज्ञ समिति बनाएकोले यदि हामीसंग प्रमाण छ भने प्रमाण खोजन त्यो बिज्ञ समिति किन बन्यो भन्दै सांसद यादवले प्रश्न गरे । आईतबार प्रतिनिधी सभाको संसदमा बोल्दै सांसद यादवले भने,‘‘बिज्ञ समूहको गठन गर्न जरुरी नै थियो भने सिमामा बस्ने मधेशी, जनताजति, शेर्पा र लिम्बुवानलाई किन राखिएन ? एक जना पनि मधेशी, जनजाति, आदीबासीलाई राखिएको छैन, के बिज्ञ मधेशमा छैन, बिज्ञ जनजाति, लिम्बुवान र शेर्पामा छैनन् भन्दै उनले प्रश्न गरे ।’’

काठमान्डौको बासी मधेशमा आएर सिमा बारे काठमान्डौको चस्माले के हेर्न सक्छ ?, त्यसको लागि सिमा बस्ने मधेशी, जनजाति नै उपयुक्त हुने सांसद यादवको भनाई छ । भारत सरकारले सिमा बिबाद बारे नेपाल सरकारलाई बार्ताको लागि आह्वान गरेको तर नेपाल सरकारले बार्ता गर्न नचाहेको हिन्दुस्तान टाईम्सले सामाचार लेखेको आफूले हिजो पढेको बताउँदै सांसद यादवले भने,‘‘ सत्य के हो ? यदि सत्य हो भने नेपाली जनतालाई किन गुमराह गरियो भन्दै सभामुखलाई उनले प्रश्न समेत गरे ।’’

थप ४ सय २५ जनामा कोरोना संक्रमण पुष्टि

0

वीरगंज । नेपालमा कोरोना संक्रमितको संख्या ५ हजार ७ सय ६० पुगेको छ । पछिल्लो २४ घण्टामा आइतबार थप ४ सय २५ जनामा कोरोना संक्रमण पुष्टि भएसंगै संक्रमितकाे संख्या ५ हजार ७ सय ६० पुगेकाे स्वास्थ्य तथा जनसंख्या मन्त्रालयले जनाएको छ ।

मन्त्रालयले आइतबार आयोजना गरेको नियमित मिडिया ब्रिफिङमा प्रवक्ता डा. जागेश्वर गौतम थपिएका नयाँ संक्रमितहरुमध्ये मोरङमा २५, सुनसरीमा १, झापामा १, सप्तरीमा १०, पर्सामा १७, बारामा ९ , सर्लाहीमा ६ जना, रौटहटमा २५ ,नवलपरासी पूर्वमा २, बझाङमा ५, डडेलधुरामा २४, डोटीमा ३, कैलालीमा १२ जना, कञ्चनपुरमा २०, बर्दिया र बाँकेमा ३/३, रुकुम पश्चिममा २ , प्युठानमा २, दाङमा ५४ जना रहेकाे जनाए ।

त्यसैगरी धनुषाका १ जना, रामेछापका २ जना, गुल्मीका ८ जना, नवलापरासी पश्चिमका २जना, रुपन्देहीका २६ जना, पाल्पाका १७ जना, सुर्खेतका ४० जना, दैलेखका २९ जना, सिन्धुलीका १ जना, धादिङका २५ जना, रौटहटका ५१ जना रहेका छन् । हालसम्मको संक्रमित जिल्ला ७३ रहेको छ ।

सलिमको प्रेममा माहिरा

0

बलिउड चलचित्र ‘रइस’मा नायक साहरुख खानसँग काम गरेकी नायिका माहिरा खानले आफ्नो प्रेम जीवनको बारेमा खुलासा गरेकी छिन् ।

पाकिस्तानी मिडियासँग कुरा गर्दै उनले प्रेमी सलिम करिमसँग प्रेममा रहेको बताएकी हुन् । माहिराले २३ बर्षको उमेरमा बिहे गरेकी थिइन् । तर, सन् २०१५ मा उनको बैबाहिक जीवनमा ब्रेक लागेको थियो । उनको ११ बर्षका छोरा पनि छन् ।

माहिराले सलिमको बारेमा भनेकी छिन्–‘मलाई थाहा छैन कि मैले के गरेको छु, तर मलाई लाग्छ कि मैले केही गरेको छु जसकाकारण मैले सलिमलाई पाएकी छु । म मेरो छोरा र मेरो वरिपरीका मानिसका बारेमा पनि सोच्ने गर्दछु ।’

माहिरा पाकिस्तानी चलचित्र क्षेत्रमा चर्चित छिन् । उनले, बलिउडमा पाइला अगाडि बढाउँदै गर्दा भारत–पाकिस्तान विचको शितयुद्धका कारण काम विचमै छाड्नुपरेको थियो ।

माहिराले सलिमसँग बिहेको बिषयमा भने केही पनि बोलेकी छैनन् । तर, उनी प्रेमको यात्रामा रंगिन पाउँदा खुशी छिन् ।

पाेखरियाका ५ स्वास्थ्यकर्मीसहित पर्साका थप १७ जनामा काेराेना संक्रमण

0

वीरगंज । पर्साका थप १७ जनामा कोरोना संक्रमण पुष्टि भएको छ। वीरगन्जस्थित नारायणी अस्पतालको प्रयोगशालामा गरिएकाे परीक्षणमा ३ महिलासहित १७ जनामा कोरोना संक्रमण पुष्टि भएको अस्पतालका मेसु डा. मदन कुमार उपाध्यायले जानकारी दिए।

पोखरिया नगरपालिकाको क्वारेन्टाइनका १० जना, विन्दवासनी गाउँपालिकाको क्वारेन्टाइनका २ जना, जिराभवानी/धोबनी गाउँपालिकाका एक/एक जना, पर्सागढी नगरपालिकाको एक जना र पटेर्वासुगौली गाउँपालिकाका २ जनामा संक्रमण फेला परेकाे मेसु डा उपाध्यायले वताए ।

संक्रमित पोखरीया नगरपालिकाका २५, २२, ३५, ४५, ३०, २९ र ३६ बर्षिय पुरुष, ३६ बर्षिय महिला, बहुदरमाई नगरपालिकाका २४ वर्षिय पुरुष, सखुवा प्रसौनी गाउँपालिका ३ का ४० वर्षिय पुरुष, बिन्दवासिनी गाउँपालिका–३ का २६ वर्षिय पुरुष, जिराभवानी गाउँपालिकाकाे शान्ति टाेलका ३२ वर्षिय पुरुष, धोबिनी गाउँपालिकाका २७ वर्षेिय पुरुष, पटेर्वा सुगाैली गाउँपालिका १ लक्ष्मीपुरका ३७ वर्षिय र सोही पालिका वडा नं ५ निचुटाका २० वर्षिय पुरूष, वीरगजकी ३२ वर्षीय महिला र पर्सागढी नगरपालिका ४ की ३१ वर्षिया महिला छन् । याेसंगै पर्सामा कोरोना संक्रमितकाे संख्या ए सय ४१ पुगेको छ ।

पोखरीया नगरपालिकाका ५ जना स्वास्थ्यकर्मी, एक जना एम्बुलेन्स चालक र नगरपालिकाकाे क्वारेन्टाइनमा रहेका ४ जनामा संक्रमण फेला परेकाे उप-मेयर सलमा खातुनले जानकारी दिइन्।

संक्रमित सबैलाई नारायणी अस्थाई काेराेना अस्पताल गण्डककाे आइशाेलेसनमा राख्ने तयारी भइरहेकाे छ ।

थप २७३ जनामा कोरोना संक्रमण पुष्टि

0

वीरगंज । नेपालमा पछिल्लो २४ घन्टामा शनिबार थप २७३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयले शनिबार आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले संक्रमितको संख्या ५ हजार ३३५ पुगेको जनाए ।

संक्रमित हुनेमा झापाका ५ जना, रौटहटका ४४ जना, मोरङका ४ जना, पर्साका ६ जना, बाराका १ जना, पर्वतका ४ जना, नवलपरासी पश्चिमका १ जना, दैलेखका ३० जना, सुर्खेतका ४० जना, कपिलवस्तुका ५ जना, दाङका २ जना, बाँकेका १८ जना, रोल्पाका १७ जना, बर्दियाका ६ जना, महोत्तरीका १ जना, सर्लाहीका २ जना, गुल्मीका २ जना, कपिलवस्तुका २० जना, रुपन्देहीका ५ जना, रौटहटका ४८ जना र सर्लाहीका १० जना रहेका छन् ।

सखुवा प्रसाैनीका एक संक्रमितकाे श्रीमती, छाेरा र छाेरीमा पनि काेराेना संक्रमण

0

वीरगंज । पर्साकाे थप ५ जनामा काेराेना संक्रमण पुष्टि भएकाे छ । वीरगंज महानगरपालिका वडा नं. ५ का १९ बर्षिय पुरुष र ३४ बर्षिय महिला र सखुवा प्रसाैनी गाउँपालिकाकाे ३ जनामा काेराेना संक्रमण फेला परेकाे नारायणी अस्पतालका मेसु डा. मदन कुमार उपाध्यायले वताए ।

संक्रमित सबै जनालाई नारायणी अस्थाई काेराेना अस्पताल गण्डककाे आइशाेलेसमा रहेकाे मेसु डा.सिंहले जनाए ।

भारतको तिरुपति बालाजीबाट फर्किएर वीरगन्जको कन्ट्री इन होटलमा क्वारेन्टाइनमा बसेका वीरगन्ज कुम्हाल टोल निवासी एक महिला र पुरुषमा कोरोना संक्रमण देखिएको अस्थाई नारायणी काेराेना अस्पताल गण्डकका संयाेजक डा. उदयनारायण सिंहले बताए ।

सखुवा प्रसाैनी गाउँपालिकाकाे वडा नं. २ गुलरिया निवासी ३ जनामा काेराेना संक्रमण पुष्टि भएकाे गाउँपालिका स्वास्थ्य संयाेजक राजेश राैनियारले जनाए ।

यस अघि गुलरियामा संक्रमण फेला परेका पुरुषकाे श्रीमती, अढाई बर्षिय छाेरी र २० महिनाकाे छाेरामा संक्रमण पुष्टि भएकाे उनले वताए । उनका अनुसार संक्रमित चारै जनासंगै १५ दिन पहिला भारतकाे लाेदियानाबाट आएका थिए ।

जेठ १४ गते क्वारेन्टाइनमा राखिएका ४ जनाकाे प्रथम पटक स्वाब संकलन गरी पिसिआर परिक्षण गर्दा एक जनाकाे मात्र पाेजेटिभ र बाकी ३ जनाकाे नगेटिभ रिपाेर्ट आएकाे थियाे । तर केही समय पछि बाकी ३ जनाकाे बाेखार आउन थाले पछि नारायणी अस्पताल पठाइएकाे थियाे ।

त्यहीं दाेस्राे पटक गरिएकाे पिसिआर परिक्षणमा रिपाेर्ट पाेजेटिभ आएकाे संयाेजक राैनियारले जानकारी गराए ।

२ महिला सहित १ सय २५ जनाद्वारा रक्तदान

0

वीरगंज । युवा वचन संस्थाले आज वीरगंजमा आयाेजना गरेकाे रक्तदान कार्यक्रम सम्पन्न भएकाे छ । बिश्व रक्तदान दिवसको अवसरमा आयाेजित कार्यक्रममा २ महिला सहित एक सय २५ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले वताए ।

कार्यक्रममा धनेश्वर यादव, बिक्की साह तेलि, सुमेर चौरसिया, कौशल किशोर साह, अमरेश कुमार साह, शेखर अग्रवाल, कन्हैया अग्रवाल, नवनित अग्रवाल, आयुष बन्शल, सज्जन साह, अन्कुश साह, शशि साह, रुपेश कार्की, अनमोल कोईराला, अमन सिंह, गुडु सरार्फ, अरुण यादव, लोकेश कर्ण, अमरनाथ पटेल, बिनोद पटेल, महम्द अब्दुल, विवेक कुमार गुप्ता, उमेश गुप्ता, बिनय जैसवाल, निमेश शर्मा, सन्जय कुमार प्रजापति, सुभाष कुमार प्रजापति, सरोज कुमार प्रजापति, रोशन कर्ण, रोशन गुप्ता, अमय सरार्फ, शिव गुप्ता, अभिजित यादवले रक्तदान गरेकाे प्रमुख पाण्डेले जानकारी गराए ।

संस्थाका अध्यक्ष पियुष कादमियाकाे अध्यक्षतामा भएकाे कार्यक्रमकाे उद्घाटन वीरगंज महानगरपालिकाका नगर प्रमुख बिजय कुमार सरावगीले गरेका थिए । कार्यक्रमका प्रमुख आतिथी समेत रहेका नगर प्रमुख सरावगीले शुभकामना मन्तव्य राख्दै आउने दिनमा युवाहरु समाजिक कार्यमा सक्रिय हुनु पर्ने वताए ।

कार्यक्रममा पर्साका सहायक प्रमुख जिल्ला अधिकारी ललित कुमार बस्नेत, जिल्ला प्रहरी कार्यालय पर्साका प्रहरी उपरीक्षक गङ्गा पन्त, वीरगंज पब्लिक कालेजका निर्देशक प्रोफेसर डा दिपक शाक्य, युवा नेता ओमप्रकाश सरार्फ, भोलेन्टिर समुह वीरगंजका संयाेजक राजन श्रीवास्तव, वीरगंज युवा समाजका अध्यक्ष कमल चौगाई वडा प्रहरी कार्यालय बिर्ताका प्रहरी निरीक्षक निर्मल पनेरु, ट्राफिक प्रहरी निरीक्षक कमल राज पन्डित लगायतको सहभागिता रहेको थियो ।

नेवि संघकाे प्रदर्शनमा प्रहरी हस्तक्षेप, ६ जना पक्राउ

0

वीरगंज । नेपाल विद्यार्थी (नेवि) संघले आज वीरगंजमा गरेकाे संघ र प्रदेश सरकार बिरुद्धकाे प्रदर्शनमा प्रहरीले हस्तक्षेप गरेकाे छ ।

नेवि संघ पर्साले वीरगंजकाे घण्टाघरमा गरेकाे प्रदर्शनमा प्रहरीले हस्तक्षेप गर्दै ६ जना विद्यार्थी नेताहरुलाई पक्राउ गरेकाे हाे ।

नेवि संघ पर्साका सभापति विकास तिवारी, उप सभापति शेष हजरा, ठारब इकाइ अध्यक्ष मनाेज कुमार साह, सह सचिव रमेश यादव, पूर्व प्रदेश सदस्य अभय कर्ण, इकाई सदस्य श्याम गुप्तालाई प्रहरीले नियन्त्रणमा लिएर जिल्ला प्रहरी कार्यालय पर्सामा राखेकाे छ ।

सरकार विरुद्धकाे नेवि संघकाे प्रदर्शनमा प्रहरीले हस्तक्षेप गर्दा केही बेर झडप समेत भएकाे थियाे । प्रहरीले बल प्रयाेग गर्दा आफुहरु सहित एक दर्जन साथीहरु घाइते भएकाे प्रहरी नियन्त्रणमा रहेका नेवि संघ पर्साका जिल्ला उप सभापति शेष हजराले वताए ।

उनका अनुसार विदयार्थी नेता मनिष यादव, भाेला पटेल, रन्जीत पटेल लगायत एक दर्जन जति घाइते भएका हुन् ।

प्रदर्शनको बारेमा पूर्व सूचना पाएको प्रहरीले घण्टाघर लगायतका क्षेत्रमा ठूलो संख्यामा सुरक्षाकर्मी परिचालन गरेर प्रदर्शनमा हस्ताक्षेप गरेको हो ।