Date
आइत, मंसिर ६, २०८३
Sun, November 22, 2026
Home Blog Page 965

पछिल्लो २४ घन्टामा थपिए ४ सय २६ काेराेना संक्रमित

0

वीरगंज । नेपालमा कोरोना भाइरसका नयाँ संक्रमित ४ सय २६ जना थपिएका छन् ।

स्वास्थ्य तथा जनसंख्या मन्त्रालयले शुक्रबार आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले पछिल्लो २४ घन्टामा ४ सय २६ जनामा संक्रमण पुष्टि भएको जानकारी गराए ।

यो सँगै संक्रमितको संख्या ८ हजार २७४ पुगेको छ । नयाँ संक्रमितमध्ये ३३८ पुरुष र ८८ महिला छन् ।

प्रवक्ता गौतमले गएको २४ घन्टामा २ सय १६ जना डिस्चार्ज भएको जनाए ।

पछिल्लो २४ घन्टामा ४ हजार २ सय ३१ गरी शुक्रबारसम्म पीसीआर विधिबाट १ लाख ६१ हजार ७ सय ४९ जनाको परीक्षण भएको प्रवक्ता डा. गौतमले बताए ।

शुक्रबार मुलुकका विभिन्न स्थानमा निर्माण भएका क्वारेन्टाइनमा १ लाख ९ हजार ४ सय ६१ जना रहेका छन् भने ६ हजार ८ सय ५० जना विभिन्न अस्पतालका आइसोलेसनमा उपचाररत छन् ।

विन्दु पाण्डे स्मृति पुरस्कार गुप्तालाई

0

वीरगंज । यस बर्षको चौथो विन्दु पाण्डे स्मृति महिला पत्रकारीता पुरस्कार प्रतिक दैनिक /रेडियो वीरगंजकी विमला गुप्तालाई प्रदान गर्न लागिएकाे छ ।

स्वर्गिय विन्दु पाण्डे स्मृति प्रतिष्ठानको बिहिबार सम्पन्न पुरस्कार छनौट समितिले गुप्तालाई १२ हजार नगद सहित प्रमाण पत्र र दोसल्लाका साथ सम्मान गर्ने निर्णय गरे अनुसार पुरस्कृत गर्न लागिएकाे प्रतिष्ठानका अध्यक्ष विजय भण्डारीले जानकारी दिनुभयो ।

गुप्तालाई आजै दउसाे एक बजे नेपाल पत्रकार महासंघ पर्साकाे सभा हलमा स्वर्गिय पाण्डेको स्मृति दिवसको अवसर पारेर पुरस्कार दिईने कार्यक्रम रहेकाे भण्डारीले बताउनु भयो ।

कालिकामाईकाे भेडिहारीमा पनि धर्मशाला निर्माण हुदै

0

वीरगंज । पर्साकाे कालिकाकामाई गाउँपालिका वडा नं. २ भेडिहारीमा तराई मधेश समृद्ध कार्यक्रम अन्तर्गत धर्मशाला निर्माण भइरहेकाे छ ।

संघ सरकारकाे तराई मधेश समृद्ध कार्यक्रम अन्तर्गत रु २५ लाखकाे लागतमा सामुदायिक भवन (धर्मशाला) निर्माण भइरहेकाे प्रमुख प्रशासकिय अधिकृत राजु साहले वताए ।

वडाध्यक्ष साेनालाल चाैरसियाकी आमा सामपती देवीले दिएकाे जग्गामा धर्मशाला निर्माण भइरहेकाे अधिकृत साहले जनाए ।

धर्मशालाकाे अनुगमन गर्दै निर्माण कार्य समय मै पुरा गर्न उपभाेक्ता समितिलाई अधिकृत साहले निर्देशन समेत दिएका छन् ।

धर्मशाला निर्माणकाे लागि आमाले डेढ कठ्ठा जग्गा दान गर्नु भएकाे वडाध्यक्ष चाैरसियाले वताए । आमाले दान गर्नु भएकाे जग्गा गाउँपालिकाकाे नाममा रजिष्टेशन पास समेत भइसकेकाे जानकारी चाैरसियाले गराए ।

उपभाेक्ता समिति मार्फत निर्माण भइरहेकाे धर्मशालाबाट गाउँवासीलाई वैवाहिक कार्यक्रम गर्न सजिलाे हुने वडाध्यक्ष चाैरसियाले जनाए ।

यस्तै तराई मधेश समृद्ध कार्यक्रम अन्तर्गत नै वडा नं. ५ सिमरा टाेलमा पनि सामुदायिक भवनकाे निर्माण भइरहेकाे वडाध्यक्ष पवन तिवारीले वताए । सेमरा र हरिहरपुरकाे बिचमा रु २५ लाखकाे लागतमा सामुदायिक भवन निर्माण भइरहेकाे तिवारीले जानकारी गराए ।

सुतकेरीलाई राहत बितरण

0

वीरगंज । वीरगंज महानगरपालिकाकाे वडा नं १६ नगवा, २२ जगरनाथपुर, २८ बगही, ३० लालपर्सा टोलमा बसोबास गर्दै आईरहेका गरिब तथा अति बिपन्न बस्तीमा बिहिबार राहत वितरण गरिएकाे छ ।

इम्पाेराेभिन लाईभ इन नेपालकाे आर्थिक सहयोगमा ४५ दिन भित्रका ५३ जना सुत्केरी आमाहरुका लागि पोषण तथा सरसफाई समाग्री राहत स्वरुप वितरण गरिएकाे युवालयका सदस्य जया साहले वताए ।

कोरोना भाईरसको कारण विश्व नै आतकिंत भएको साथै नेपालमा लकाडाउनको लगभग ३ महिना बितिसक्दा पनि सो ४५ दिन भित्रका सुत्केरी आमाहरुको समुदायमा अहिले सम्म कही कतैबाट पोषण तथा सरसफाई समाग्री राहत नपाएको पछि युवालय नामक गैर सरकारी संस्थाको समन्वयमा राहत बितरण गरेकाे उनले जानकारी गराए ।

सो बस्तीमा दैनिक मजदुरी गर्दै आएका ती परिवारमा भएका सुतकेरी आमाका लागि पोषण तथा दैनिक सरसफाईको समाग्री अभाव भएको जानकारी पाएपछि बाल अधिकारकर्मी तथा युवालयका कार्यसमिति सदस्य जया साहको बिशेष पहलमा इम्पाेराेभिन लाईभ इन नेपालकाे आर्थिक सहयोगमा पोषण तथा सरसफाई समाग्री राहत वितरण गरेको हो ।

सम्बन्धित स्वास्थ्य संस्थासंग समन्वय गरि सुतकेरी आमालाई ३० दिन सम्मका लागि प्रत्येक परिवारलाई महिनाको पहिलो चरणमा १५ दिनका लागि १ करेट अण्डा, प्रत्येक दिन आधि केजी दुध, कपडा धुने साबुन १ पिस, डिटवल १ पिस राहत बितरण भएको जानकारी दिए ।

दैनिक ज्याला मजदुरी मात्रै गरेर आफनो घर परिवारको छाक टार्दै आएका बस्तीमा पहिलोे चरणको राहत बितरण गरेको तथा अगामी १५ दिन दिन पछि पनि राहत बितरण जारी राख्ने सदस्य साहले जानकारी दिए ।

इम्पाेराेभिन लाईभ इन नेपाल आर्थिक सहयोग तथा युवालयको समन्वयमा थप ११ वटा वडाहरुमा यसै गरि ३० दिन सम्मका लागि प्रत्येक परिवारलाई बितरण गरिने उनले जानकारी गराए ।

काेराेना कहरबिच बारागढीमा साक्षरता अभियान सफल हुँदै

0

वीरगंज । बारागढी गाउँपालिकाले साक्षर नेपाल अभियान – २०७६ अन्तर्गत अनौपचारिक शिक्षा तथा साक्षरता कार्यक्रम संचालन गरेको छ । गाउँपालिकामा रहेको १ देखि ६ वटा वडाहरुमा सामुदायिक सिकाई केन्द्रहरुद्वारा साक्षरता अभियान शुरु गरिएको जनाएको छ ।

वडा नं. १ मा रहेको श्री जनता आधारभुत विद्यालय बारागढीलाई पनि सिकाई केन्द्रकाे रुपमा प्रयोग गरिएको छ भने, वडा नं. २ को विशनपुर्वामा श्री माँ सरस्वती सामुदायिक सिकाई केन्द्र, वडा नं. ३ को खेपवामा श्री जनचेतना सामुदायिक सिकाई केन्द्र, वडा नं. ४ को सुखीपथरामा श्री जनविकास सामुदायिक सिकाई केन्द्र, वडा नं. ५ मा श्री बारागढी सामुदायिक सिकाई केन्द्र तथा वडा नं. ६ को गडहलमा श्री ज्ञानगंगा सामुदायिक सिकाई केन्द्रद्धारा साक्षरता अभियान संचालन गरिएको गाउँपालिकाकाले जनाएको छ ।

१ सय ५० देखि २ सय घण्टासम्म संचालन हुने साक्षरता अभियान अन्तर्गत बारागढी गाउँपालिकामा रहेका ६ सय ११ जना निरक्षर महिला तथा पुरुषलाई साक्षर बनाउने कार्य भइरहेको बारागढी गाउँपालिकाकी शिक्षा अधिकृत जलमती चौधरीले बताइन् ।

कोरोना भाइरस महामारीको कारण लकडाउन र सामाजिक दुरीको पुर्ण पालना गर्दै सामुहिक रुपमा शिक्षण नगरि त्यसको बैकल्पिक मोडल (इच वन टिच वन) मोडल प्रयोग गरी ६ सय भन्दा बढि निरक्षरहरुलाई समेटी साक्षरता कार्यक्रम संचालन गरिएको छ ।

कोरोना भाइरस संक्रमणलाई मध्यनजर गर्दै सामाजिक दुरी कायम गरि प्रति ३/४ जना निरक्षणमा एक जना स्वयमसेवक जो निरक्षरहरुको आफ्नै परिवारबाट तथा घर नजिकैको रहेको बताइएको छ । बारागढी गाउँपालिकाको वडा नं. १ देखि चारसम्म रहेका क्रमशः १०० को दरले ४ सय जना निरक्षरहरुलाई साक्षर बनाउनका लागि क्रमशः २८, २५, २५, २५ जना स्वयंसेवक परिचालन गरिएको छ भने वडा नं. ५ मा रहेका १ सय ३ जना निरक्षर महिलाहरुलाई साक्षर बनाउनका लागि ३२ जना स्वयंसेवक परिचालन गरिएको छ ।

यसरी नै वडा नं. ६ मा रहेका १ सय ८ जना निरक्षर महिलाहरुलाई साक्षर बनाउनका लागि २७ जना स्वयंसेवक परिचालन गरिएको छ ।

नेपाल सरकारको साक्षर नेपाल अभियान २०७६ लाई सफल बनाउनका लागि आ.व. २०७६/०७७ अन्तर्गतको साक्षरता अभियान संचालन गरिएको हो । कोरोना संक्रमणलाई मध्यनजर गर्दै सामाजिक दुरी कायम गरि ३/४ जनाको समूहमा एक जना स्वयंसेवक परिचालन गरिएको छ भने उक्त स्वयंसेवकहरुले प्रतिदिन २ देखि ३ घण्टा सम्म कक्षा संचालन गरिरहेको बताइएको छ ।

६ बुंदे मागसहित नेवि संघद्वार महानगर प्रमुख सरावगीलाई ज्ञापन

0

वीरगंज । नेपाल विद्यार्थी संघ ठाकुरराम बहुमुखी क्याम्पस ईकाई समितिले आज वीरगंज महानगर पालिकाका मेयर बिजय कुमार सरावगीलाई ज्ञापन पत्र बुझाएकाे छ ।

इकाई अध्यक्ष मनोज साहको नेतुत्वकाे टोलि वीरगंज महानगर पालिकाको कार्यालय मै पुगि मेयर सरावगीलाई ६ बुंदे मागसहितकाे ज्ञापन पत्र बुझाएको हाे ।

बिश्वभरी महामारीकाे रुपमा फैलिएकाे कोरोना विरुद्धको संघर्षका क्रममा नेपाल सरकार, प्रदेश सरकार तथा स्थानिय सरकारले गम्भीरता नराख्दा माहामारीको जोखिम अप्रत्यासित रुपमा तिब्र गतिमा बढ्दै गैरहेको छ ।

लकडाउनको अवधिभर आम नागरिकहरुमा त्रास बढ्दै जानु, जनशक्ति र स्वास्थ्य समाग्रीहरुको अप्रयाप्त देखेर पिसिआर परिक्षण सुस्त गतिमा गरिनु मानवीय संवेदनशिलताको ख्याल नगरी मापदण्ड विपरितका क्वारेन्टाइन निमार्ण गरी क्वारेन्टाइनमा मै संक्रमण बढ्ने कारखाना बन्दै गएकाे ज्ञापन पत्रमा उललेख छ ।

कोभिड–१९ को महामारी रोग नियन्त्रण गर्न यसका अल्पकालिन र दीर्घकालिन नाकारात्मक प्रभाव न्यून गर्न जनताको सरोकार र आवश्यकता विषयलाई सम्बोधन गराउन वीरगंज महानगरपालिकाले तत्काल निम्नलिखित कदम चलोस भने जोडदार मांग संघकाे छ ।

सो कार्यक्रममा नेवि संघका युवा नेता धिरज गुप्ता, अन्जन गुप्ता, उपेन्द्र यादव, राहुल शर्मा, राजीव गुप्ता लगायत सहभागि थिए ।

थप ६७१ जनामा कोरोना संक्रमण, संक्रमितकाे संख्या ७ हजार ८४८ पुग्याे

0

वीरगंज । नेपालमा पछिल्लो २४ घन्टामा थप ६ सय ७१ जनामा कोरोना संक्रमण पुष्टि भएको छ । कोरोना संक्रमितको हालसम्मकै यो उच्च संख्या हो ।

स्वास्थ्य तथा जनसंख्या मन्त्रालयले बिहीबार आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले नयाँ संक्रमित ६ सय ७१ थपिएसँगै कूल संक्रमितकाे संख्या ७ हजार ८ सय ४८ पुगेको जानकारी दिए ।

उनका अनुसार रौतहटका ३४, सर्लाहीका २, झापाका २, मोरङका १, अछामका ४४, बैतडीका २५, बाजुराका ४१, भक्तपुरका ३, डडेलधुराका ८४, कैलालीका ४२, कपिलवस्तुका १७, काठमाडौंका २, नुवाकोटका २, रुपन्देहीका १२, सिन्धुपाल्चोकका १, ललितपुरका १, नवलपरासी पश्चिमका २, महोत्तरीका १, सिन्धुलीका १, पर्वतका ५ जनामा संक्रमण फेला परेकाे हाे ।

यस्तै संक्रमित फेला पर्नेमा चितवनका १, नवलपरासी पूर्वका ३१, धनुषाका २९, बागलुङका १, मनाङका १, स्याङ्जाका ९, पर्वतका ४, तनहुँका १५, गोरखाका ११, गुल्मीका ३, पाल्पाका ६, रोल्पाका १, अर्घाखाँचीका ९७, बाँकेका ३, बर्दियाका ३, दैलेखका ८७, दाङका ४, सुर्खेतका ३४, बझाङका २, कञ्चनपुरका २, डोटीका ५ जना रहेका छन् ।

अनेरास्ववियुद्वारा गाउँपालिका कार्यालय अगाडी प्रदर्शन

0

वीरगंज । पर्साको बिन्दवासिनि गाउँ कार्यपालिका कार्यालय अगाडी बुधबार अनेरास्ववियूका विद्यार्थी नेताहरुले बिरोधमा प्रदर्शन गरेका छन् ।

सतारुढ दल नेकपा निकटका विद्यार्थी संगठन अनेरास्ववियु आवद्ध बिन्दवासिनिका नेता कार्यकर्ताहरुले गाउँपालिकाको बिरोधमा प्रदर्शन गरेको हुन् । अनेरास्ववियुका केन्द्रिय सदस्य शिवम साहको नेतृत्वमा गाउँपालिकाले विश्वभरी फैलिएको कोरोना भाइरसको रोकथाम तथा नियन्त्रणमा लापरावही गरेको भन्दै बिरोध प्रदर्शन गरिएकाे हाे ।

काेरोना भाइरसको रोकथाम तथा नियन्त्रणमा लापरवाही गर्दै अब्यवस्थित क्वारेन्टाईन, स्वास्थ्य सामाग्रीको अभाव, जनतालाई सास्ती लगायतका बाब्जुद जनप्रतिनिधिहरुको बिलासीमा रमाईरहेको भन्दै विद्यार्थि नेताहरुले दवावस्वरुप ध्यानआकर्षण गरेका हुन् ।

गाउँपालिकाका अध्यक्ष र उपाध्यक्ष लगायतका जनप्रतिनिधिहरु यस्तो विषम परिस्थितीमा पनि बिलासितामा रमाएर जनताको समस्याहरुको सुनुवाई नगरेको अनेरास्ववियूकाे आराेप छ ।

अनेरास्ववियुका विद्यार्थि नेताहरुले गाउँपालिकाको तथ्यांक पार्दर्शि गर, भ्रष्ट जनप्रतिनिधि मुर्दावाद लगायतका नाराअंकित प्ले कार्ड सहित नाराबाजि गरेका थिए । बिराेध प्रदर्शनकाे क्रममा विद्यार्थि नेताहरुले गाउँपालिकाको तथ्यांक पारदर्शी गर्न १ हप्ते अल्टिमेटम समेत दिएको बिराेध प्रदर्शनमा सहभागि अनेरास्ववियूका नेता कल्सरिफ गद्दीले वताए ।

साथै एक हप्ता भित्र स्पष्टिकरण नदिए थप आन्दोलनका कार्यक्रम सार्वजनिक गर्ने पनि उनले जानकारी गराए ।

बिराेध प्रदर्शनमा अकलेश साह, सुधिर कुमार पण्डित, रामबाबु मण्डल लगायत दर्जनाैं विद्यार्थि नेताहरुको सहभागिता रहेको थियो ।

रोग प्रतिरोधात्मक क्षमता बढाउन आयुर्वेद औषधि वितरण

0

वीरगंज । पर्साकाे पोखरीया नगरपालिकाद्वारा आज रोग प्रतिरोधात्मक क्षमता वृद्धि गर्ने आयुर्वेद औषधि वितरण गरिएको छ ।

नगरपालिकाकाे आयुर्वेद शाखाद्वारा  वीरगञ्जस्थित कोरोना आइसाेलेसन हस्पिटलमा रहेका पोखरीयाका कोरोना पोजिटिभ ५ स्वास्थ्यकर्मी र ५ सर्वसाधारण गरी १० जनालाई रोग प्रतिरोधात्मक क्षमता वृद्धि गर्ने आयुर्वेद औषधि वितरण गरिएको हाे ।

नेपाल सरकार आयुर्वेद तथा वैकल्पिक चिकित्सा विभाग, टेकुले जारी गरेको निर्देशिका अनुसार वितरण गरिएका आयुर्वेद औषधिले शरीरको रोग प्रतिरोधात्मक क्षमता वृद्धि गर्ने आयुर्वेद संयोजक डा रवीन्द्र कुमार यादवले जानकारी दिए ।

उनका अनुसार संक्रमितहरुलाई च्यवनप्राश, इम्युन केयर, अश्वगन्धा, आमलकी औषधि वितरण गरिएको हो । अहिलेको कोरोना महामारीको युद्धमा सबैले आ आफ्नो क्षेत्रबाट सचेत र सुरक्षित भई लाग्ने र प्राचीन आयुर्वेद तथा योगलाई नियमित व्यवहारमा ल्यानुपर्ने संयाेजक डा. यादवले सुझाव दिए ।

याे रोग मानवको व्यवहार, जीवनशैली, रहनसहनसंग जोडिएको प्रस्ट पार्दै योग, प्राकृतिक चिकित्सा पद्धतिलाई व्यवहारमा उतारे सजिलै कोरोनालाई जित्न सकिने उनले वताए ।

रौटहटका १२७ सहित अहिले सम्म कै उच्च ५८६ जना संक्रमित थपिए

0

वीरगंज । पछिल्लो २४ घन्टामा बुधबार थप ५ सय ८६ जनामा कोरोना संक्रमण पुष्टि भएको छ । याे एकैदिन हालसम्म थपिएकाे कोरोना संक्रमितकाे उच्च संख्या हो ।

स्वास्थ्य तथा जनसंख्या मन्त्रालयले आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले थप ५ सय ८६ जनामा काेराेना संक्रमण फेला परेसंगै संक्रमितको संख्या ७ हजार १ सय ७७ पुगेकाे जनाए ।

संक्रमित हुनेमा बाराका ७, रौटहटका १२७, सर्लाहीका ६, सिरहाका १, उदयपुरका ४,  मोरङका ९, झापाका २, धनुषाका २६, महोत्तरीका २००, कपिलवस्तुका १०, रुपन्देहीका ७, प्युठानका ३८, कैलालीका १, पर्वतका ३, पूर्वी नवलपरासीका १७, गुल्मीका २६, अर्घाखाँचीका १२, बाँकेका १, बर्दियाका ३१, दाङका ८, सल्यानका २५, सुर्खेतका २, दैलेखका २, कालिकोटका १४ र कञ्चनपुरका ७ जना रहेका छन् ।

नेपालमा कोरोना संक्रमणलाई जितेर पछिल्लो २४ घन्टामा ९ जना डिस्चार्ज भएका छन् । महेन्द्र गेनाइ अस्पताल सिरहाबाट ६ जना, नाराययी अस्पताल विरगन्जबाट रौटहटका २ जना र पर्साका १ जना डिस्चार्ज भएका हुन् । योसँगै निको हुनेको संख्या १ हजार १६७ पुगेको छ ।

मन्त्रालयका अनुसार बुधबारसम्म नेपालमा पीसीआर विधिबाट  १ लाख ४९ हजार ७ सय ७२ परीक्षणहरु गरिएका छन् भने २४ घन्टामा ६ हजार ३७ परीक्षण भएका छन् ।