Date
आइत, मंसिर ६, २०८३
Sun, November 22, 2026
Home Blog Page 956

पर्सामा थप तीन जनामा कोरोना सँक्रमण पुष्टि

0

वीरगंज । पर्सामा आज थप तीनजनामा कोरोना सँक्रमण भएको पुष्टि भएको छ । बीरगञ्जमा दुई जना युवतीसहित जिल्लामा थप तीन जनामा कोरोना सँक्रमणको पुष्टि भएको नारायणी अस्पतालका मेडिकल सुपरिटेण्डेण्ट डाक्टर मदन उपाध्यायले जानकारी दिए ।

सँक्रमण हुनेहरुमा पर्साको सखुवा प्रर्सौैनी गाउँपालिकाका २२ वर्षीया पुरुष, वीरगञ्ज श्रीपुरकी १८ वर्षीय युवती र काठमाडौं स्थायी ठेगाना भइ बीरगञ्जमा काम गर्दै आएकी ४५ वर्षीया महिला रहेको उपाध्यायले जनाए ।

उनीहरुको बितेको असार ३१ गते स्वाब सँकलन गरि नारायणी अस्पतालमा पिसिआर परिक्षण गरिएकोमा सँक्रमण देखिएको हो ।

सँक्रमण पुष्टि भएका तीनै जनालाई नारायणी अस्पताल मातहत रहेको अस्थायी बिशेष कोभिड अस्पताल गण्डकमा ल्याउने तयारी भइरहेको मेसु उपाध्यायले बताए ।

पछिल्लो समय वीरगञ्जमा लक्षणसहितका संक्रमितहरू देखा पर्न थालेका छन् । केहि दिन अघि अरू कुनै स्वास्थ्य समस्या नभएका व्यक्तिमा कोरोनाका लक्षण देखिएसँगै आइसियूमा राखेर उपचार गर्दा मृत्युसमेत भएकोले कोराना भाइरस पहिलेभन्दा शक्तिशाली भएको चिकित्सकहरुको बिश्लेषण रहेको छ ।

यता पर्साका सहायक प्रमुख जिल्ला अधिकारी ललित कुमार बस्नेतले अहिलेको अवस्थामा भिडभाडमा नजान, स्वास्थ्य सुरक्षाका सबै शर्तकता तथा मापदण्डहरूको अनिवार्य रूपमा पालना गर्न सबै नगरवासीलाई आग्रह गरेका छन्।

महिलाकाे कपाल काटी, कालाे माेसाे दलेर गाउँ घुमाउनेहरुमाथी मुद्दा दायर

0

वीरगंज । पर्साकाे छिपहरमाई गाउँपालिका वडा नं. ३ छाेटकी जयमंगलापुरमा महिलालाई कपाल काटी, कालाे माेसाे दली, अर्धनग्न पारी गाउँ घुमाउने घटनामा सलंगनहरुमाथी प्रहरीले मुद्दा दर्ता गरेकाे जनाएकाे छ ।

पिडितले दिएकी उजरीकाे अधारमा घटनामा सलंगनहरुमाथी अमानविय व्यवहार गर्ने खसुर विरुद्धकाे मुद्दा दायर गरिएकाे जिल्ला प्रहरी कार्यालय पर्साका प्रहरी नायब उपरिक्षक मनोजित कुँवरले जानकारी दिए ।

४८ वर्षीय एकल महिला उमा देवी ठाकुरमाथी चरित्रहिन र बोक्सीको आरोप लगाउँदै कालोमोसो दलेर बुधबार बिहान करीव ९ बजे पेटिकोटमै पुरै गाउँ घुमाइएको थियाे।

बोक्सी र परपुरुषसँग सम्बन्ध रोखेको आरोपमा गाउँकी एकल महिला उमालाई उनका देवर राजदेव शर्मा, सोही गाउँपालिकाका एक कार्यपालिका सदस्य सुवास साह कानु, संजय गिरी र स्थानीय गायक मुन्नीलाल परदेशी, राजदेव शर्मासहित ७ जना पुरूष र आफ्नी दुई देवरानीले मिलेर यस्तो सर्मनाक घटना घटाएकाे उनले दिएकाे व्यान र उजरीकाे आधारमा प्रहरीले मुद्दा दर्ता गरेकाे हाे ।

७ पुरुषहरुले दुवै हात पछाडि बाँधेर उनीमाथि बल प्रयोग गर्दै कालो मोसो दलेर कपाल काटेर गाउँ घुमाए । जसमा उनकी आफ्नी दुई देवरानीले यातनाको समयमा गालीगलौजसमेत गरिरहेको पीडितले प्रहरी समक्ष बयान दिएकी छिन्।

घटना भएको दिन पीडितलाई गाउँ घुमाइसकेपछि केही स्थानीयले प्रहरीलाई गोप्य रुपमा खबर गरेका थिए। त्यसपछि बुडगाइँ प्रहरी चौकिबाट आएका प्रहरीले महिलालाई बचाएको थियाे ।

सो घटना सार्वजनिक भएपछि इलाका प्रहरी कार्यालय, पोखरीयाबाट खटिएका थप प्रहरीले आरोपित मुन्नीलाल परदेशी र राजदेव शर्मासहित उनकी देवरानीलाई बुधबार नै पक्राउ गरेकाे थियाे। गाउँपालिका सदस्य सुवास साह कानु लगायतका केही व्यक्तिहरु अझै फरार रहेको प्रहरीले जनाएको छ।

घटनामा संलग्नहरुले ७ महिना पहिले पनि पीडित महिलामाथि बोक्सीको आरोप लागएर यस्तै दुर्व्यवहार गरेका थिए। तर गरिव र एकल महिला भएर गाउँघरको मामला भन्दै उनको आवजलाई दबाइएको थियो। पीडित एकल महिलामाथि उनका देवरसँगै गाउँका राजनितिक दम्भ राख्ने पुरुषले असहनीय कुटपिट गरेका छन्।

पीडित महिलाका श्रीमान दुई वर्ष अगाडिनै बितिसकेका छन्। अहिले परीवारमा बुढी सासुसहित ४ जना छोरी र एक छोरा गरी ५ जना सन्तान छन्। जेठी छोरीको विवाह भइसकेको र अहिले उनी एक वर्षे काखे बालकसहित माइतमै एक वर्षदेखि आमासँगै बस्दै आइरहेकी छिन्।

बुधबारको घटनामा जेठी छोरीले समेत आमालाई बचाउन जाँदा उनीमाथि पनि कुटपिट भएको पीडित महिलाको भनाइ छ। ‘मलाई बचाउन जाँदा मेरी सुत्केरी छोरीलाई पनि कुटे, यो घटना भएको पहिलो चोटि होइन यो मिलाएर ३ पटक यसरी मलाई कुटपिट गरिसके’, उनले भनिन्, ‘पहिले पनि प्रहरीमा बोक्सीको आरोप लगाएपछि आएको थिएँ’, उनले न्याय माग्दै भनिन्।

पीडित महिलाका १४ वर्षका एक छोरा छन्। उनी घरको आर्थिक अवस्था कमजोर भएकाले हेटौँडाको एक कारखानामा काम गर्छन्। पीडित महिलाले घरमा एउटा गाई पालेकी छिन्। सोहि गाईको दुध बेचेर उनी आफ्नो घर परिवारको जीविकोपार्जन गरिरहेकी छन्।

प्रहरीले नियन्त्रणमा लिएकाे २ महिलाकाे घटनामा सलंगनता नदेखिएकाे भन्दै छाेड्ने तयारी गरेकाे छ । प्रहरी नियन्त्रणमा रहेका २ जना पुरुषमाथी प्रहरीले मुद्दा दर्ता गरे पनि नाम खुलाइरहेकाे छैन् ।

जिल्ला प्रहरी कार्यालय पर्साका प्रवक्ता समेत रहेका प्रहरी उपरिक्षक कुँवरले घटनामा सलंगन वाकी आराेपितहरु पक्राउ परेपछि एकैपटक नाम सार्बजनिक गर्ने वताए । पक्राउ परेका महिलाहरुकाे घटनामा सलंगनता नरहेकाे पिडितले व्यान दिएकाेले महिलाहरुलाई छाेड्न लागिएकाे उनले जनाए ।

रक्तसञ्चार केन्द्रलाई आर्थिक सहयोग 

0
वीरगंज । नेपाल रेडक्र्स सोसाइटी पर्सा जिल्ला शाखाद्वारा बिगतको लामो समय देखि संचालित रक्तसञ्चार केन्द्रलाइ सुर्या नेपाल प्रा.लि.बाट सहयोग प्राप्त भएको छ ।
रक्तसञ्चार केन्द्रको नयाँ भवन निर्माणकाे लागि नेपाल रेडक्र्स सोसाइटी पर्साको पहलमा सुर्या नेपालबाट रु. ११ लाख पचास हजार सहयाेग प्राप्त भएकाे रेडक्रसका राजन श्रीवास्तवले वताए ।
नेपाल सरकार एवं सडक बिभागबाट वीरगंजको सडक फराकिलो बनाउदा नारायणी अस्पतालसंगै रहेका नेपाल रेडक्र्स रक्तसञ्चार केन्द्रको भवनको केही भाग समेत भत्किने देखिएको हुँदा नयाँ भवन निर्माणकाे लागि करकट्टा गरि रु. ९ लाख ७७ हजार ५ सय सहयाेग रकम प्राप्त भएकाे उनले जनाए ।
सहयाेग रकम बराबरकाे चेक आज रक्तसञ्चार केन्द्रमा सुर्या नेपालका महाप्रबन्धक प्रभाकर शाह र उमेश थापाद्वारा रेडक्र्स पर्साका कार्यवाहक सभापति एवं रक्तसञ्चार केन्द्रका संयोजक श्रीमती मधु राणा, प्रदेश २ का अध्यक्ष फुलमहम्मद मिया, कोषाध्यक्ष महन्थ प्रसाद यादव, दयाशन्कर सिह, उदय राज शर्मा, सौरभ राज पाण्डे लगयतलाई हस्तान्तरण गरेका थिए ।

नियम मिचेर पकहा मैनपुरकाे गाउँ सभा, उपाध्यक्षद्वारा बहिस्कार

0

वीरगंज । पर्साकाे पकहा मैनपुर गाउँपालिकाकाे चाैथाे गाउँ सभा बहुमतले सम्पन्न भएकाे दावी गरिएकाे छ । गाउँ कार्यपालिकाकाे कार्यालय पकहा मैनपुरमा बुधबार भएकाे गाउँ सभामा आर्थिक बर्ष २०७७/०७८ काे निति तथा कार्यक्रम समेत प्रस्तुत गरिएकाे वताइएकाे छ ।

गाउँपालिका अध्यक्ष बिजय चाैरसियाकाे अध्यक्षतामा भएकाे गाउँ सभामा उपाध्यक्ष कुशमी देवीलाई बस्न समेत स्थान नदिइएकाेले उनले सभा बहिस्कार गरेर निस्केकी थिइन । सहिद परिवारकी कुशमीलाई सम्मान गर्नुकाे सट्टा बस्न समेत स्थान नदिइएकाे उनले सभा बहिस्कार गरेकाे बुझिइएकाे छ ।

त्यस पछि बहुमतले सभा सम्पन्न भएकाे दावी गरिएकाे छ ।

सभाकाे सुरु मै गाउँपालिका अध्यक्ष चाैरसियाले माेबाइल र बैग वितरण गर्दै सभा सदस्यहरुसंग उपस्थितीमा हस्ताक्षर गराएका थिए । त्यस पछि सभामा उनले आफै आर्थिक बर्ष २०७७/०७८ काे निति तथा कार्यक्रम प्रस्तुत गर्दै सभा सम्पन्नकाे घाेषणा गरेका थिए ।

अध्यक्ष चाैरसियाले सभा सम्पन्न भएकाे भनेपछि पनि केही गाउँ सभा सदस्यहरु त्यसकाे बिराेध समेत गरेका थिए ।

सभा हुनु भन्दा एक दिन मात्र अगाडी मंगलबार सभामा सहभागि हुन पत्र वितरण गरिएकाे थियाे । वडा नं. ४ का वडाध्यक्ष ढेरी प्रसाद यादवले आफुले सभा हुनु भन्दा एक दिन अगाडी मात्र मंगलबार दिनकाे १२ बजे पत्र पाएकाे वताए ।

उपाध्यक्ष कुशमीले सभा हुनु भन्दा दुई दिन अगाडी साेमबार सांझ सभामा सहभागि हुन पत्र पाएकाे वताइन । जुन पत्र कमसेकम ७ दिन पहिला मात्र पठाउनु पर्ने कानुनी प्रावधान छ ।

यसका साथै सभा बाेलाउनु अघि राजश्व परामर्श समिति, स्राेत अनुमान तथा बजेट सिमा निर्धारण समिति, याेजना तथा बजेट तर्जुमा समितिकाे बैठक बेगर नै सभा बाेलाइएकाेले आफु सभा बहिस्कार गरेकाे वताइन ।

उनले भनिन “सभा बाेलाउनु अघि यी समितिहरुकाे बैठक बसी त्यपछि कार्य पालिकाकाे बैठक बसेर सभाकाे मिति निर्धारण गर्नु पर्ने हुन्छ । तर यी समिति मध्ये दुई वटा समितिकाे आफु संयाेजक समेत भए पनि आफुलाई बैठककाे बारे जानकारी नदिई एकासी सभा बाेलाइएकाे थियाे ।”

उनले थपिन अध्यक्ष चाैरसियाले आफुसंग सल्लाह समेत नगरी एकलाैटी रुपमा सभा गर्न खाेजेकाेले आफु सभा बहिस्कार गरेकाे वताइन ।

कालिका टाइम्ससंग कुरा गर्दै उनले भनिन  “गाउँ सभा सदस्यहरुलाई प्रलाेभनमा पारी नियम मिचेर सभाकाे उपस्थितीमा हस्ताक्षर गराउनु भएकाे छ । त्यसलाई हामी सभा सम्पन्न भएकाे मानदिनाैं, कानुन मिचेर जबरजस्ती गर्न खाेजिए म अदालत जान्छु ।”

यस बिषयमा गाउँपालिका अध्यक्ष चाैरसिया र प्रमुख प्रशासकिय अधिकृत महेश सिंहसंग बुझ्न माेबाइलमा सम्पर्क गर्न खाेज्दा फाेन नलागेका कारण सम्पर्क हुन सकेन ।

वीरगंजमा कोरोना संक्रमित एक युवककाे मृत्यु

0

वीरगंज । वीरगंजकाे नारायणी अस्थायी काेराेना अस्पताल गण्डकमा आज अपरान्ह काेराेना भाइरस संक्रमित एक युवककाे मृत्यु भएकाे छ ।

रौतहटको परोहा नगरपालिकाको क्वारेन्टाइनमा असार २४ गते भर्ना भएका ३६ वर्षिय युवाको मृत्यु भएको हाे । उनी असार २४ गते भारतको बैगलोरबाट आएका थिए ।

असार २९ गते उनको स्वास्थ्यमा अचानक समस्य आएपछि उनको स्वाब संकलन गरी हेटौडा परिक्षणको लागि पठाइएको थियो ।

उनलाई थप उपचारको लागि वीरगंजको अस्थायी कोभिड अस्पतालमा पठाएकोमा बुधवार विहान साढे ६ बजेदेखि उनको श्वासप्रवासमा गडबडी आएको थियो । चिकित्सकको कठिन प्रयास पछि पनि उनलाई बचाउन नसकिएको अस्थायी कोभिड अस्पताल गण्डकका कोर्डिनेटर डा.उदयनारायण सिंहले बताए ।

उनले भने, ती युवकको हेटौडा ल्याबबाट पोजेटिभ रिपोर्ट आएको थियो, आज साढे ४ बजे उनलाई श्वासप्रश्वासमा समस्या आएपछि उनको पिसिआर गर्दा पनि बचाउन सकिएन ।

ती युवक १५ दिन अघि भारतको बैगलोरमा अचानक मृत्यु भएको दाइलाई भेटन अस्पताल पुगेका थिए । उनका दाइको मृत्यु पनि कोरोना संक्रमणबाट भारतमा भएको हुन सक्ने अनुमान गरिएको छ ।

तिलावे नदिमा बेपत्ता भएकाे बालकको शव भेटियो

0

वीरगंज । तिलावे नदीमा नुहाउने क्रममा बेपत्ता भएका बालकको बुधबार बिहान शव भेटिएको छ ।

बेपत्ता बालक वीरगन्ज महानगरपालिका– १९ बिन्दवासिनीका मुकेश साह कलवारका १२ वर्षीय छोरा सुमित कलवारको शव भेटिएको जिल्ला प्रहरी कार्यालय पर्साका प्रहरी नायब उपरीक्षक मनोजित कुँवरले जानकारी दिए ।

मंगलबार दिउँसो ४ जना साथीहरूसँगै नुहाउने क्रममा सुमित नदीमा डुबेर बेपत्ता भएका थिए । बालक बेपत्ता भएपछि नेपाल प्रहरी, सशस्त्र प्रहरी, नेपाली सेनाको टोलीले खाेजी कार्य सुरु गरेकाे थियाे ।

फेला पारेको शव पोस्टमार्टमका लागि वीरगंजस्थित नारायणी अस्पतालमा पठाइएको प्रहरी नायब उपरिक्षक कुँवरले बताए ।

४ महिलासहित २ सय ५३ जनाद्वारा रक्तदान

0

वीरगंज । साहिब दरबार सेवा संस्थान र जनता समाजवादी पार्टी वीरगंजकाे आयाेजनामा बुधबार आकस्मिक रक्तदान कार्यक्रम सम्पन्न भएकाे छ ।

वीरगंजस्थित परम्परा पार्टी प्यालेसमा भएकाे कार्यक्रममा ४ महिलासहित २ सय ५३ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले वताए ।

साहिब दरबार सेवा संस्थानका अध्यक्ष एवं जनता समाजवादी पार्टीका नेता राजेशमान सिंहकाे अध्यक्षतामा भएकाे कार्यक्रममा वीरगंज महानगरपालिकाका मेयर विजय कुमार सरावगी, जनता समाजवादी पार्टीका नेता नेजामुदिन सम्मानी, शशिकपुर मियाँ, सिपु तिवारी, मुकेश द्विवेदी लगायतकाे उपस्थिती रहेकाे थियाे ।

रक्त संचार केन्द्रमा रक्त अभाव भएपछि रक्त अभाव हुन नदिन आकस्मिक रुपमा रक्तदान कार्यक्रमकाे आयाेजना गरिएकाे आयाेजक संस्थाका अध्यक्ष सिंहले जनाए ।

एल.एस. न्यूरो अस्पताल उपचारको नाममा सर्बसाधारणलाई ठग्दै

0

वीरगन्ज । वीरगन्जमा विरामी उपचारको नाममा निजी अस्पतालले लुटतन्त्र मच्चाएका छन् । उपचारका लागि आएका विरामीहरुसँग मनोमानी ढँगबाट रकम असुली गरि रहेका छन् ।

कोरोना महामारीकाे समयमा पनि वीरगंजका निजी अस्पतालहरुले सर्वसाधारणहरुलाई सकेसम्म खुन चुसेझै निरक्षर व्यक्तिसंग पैसा असुल्ने गरेको तथ्य सार्वजनिक भएको छ ।

साधारणतया टाउकोमा चोट लागि उपचारका लागि वीरगन्ज महानगरपालिका वडा नं. ८ पानीटंकी स्थित रहेको एल.एस. न्यूरो एण्ड जेनरल हस्पिटल प्रा.लि.मा आएका एक व्यक्तिसँग अस्पतालले एक दिनमा २० हजार रुपैया असुली गरेको छ ।

सडकमा लडेर टाउकोमा चोट लागेका ६ वर्षीय बालकलाई उपचार गराउन आउँदा एक दिनमा २० हजार रुपैया तिर्नु परेको विरामीका आफन्तले बताएका छन् । बारा जिल्लाको महागढीमाई नगरपालिका बरियारपुरस्थित घर भई शनिबार विहान सडकमा खसेर टाउकोमा चोट लागि जाँच गराउन आइतबार दिउँसो ३ बजे अस्पताल पुगेका ६ वर्षीय बालकलाई आई.सि.यू. कक्षमा राख्नुपर्ने भन्दै अस्पतालले भर्ना गरेको थियो ।

मोटरसाइकलमा बसेर आफै अस्पतालसम्म पुगेका बालकलाई आई.सि.यू.मा भर्ना गराई सिटि स्केन गर्नुका साथै सम्पूर्ण शरिरको चेकजाँच गर्नुपर्छ भन्दै अन्धाधुन्ध बिल बनाएका अस्पतालले आइतबार दिउँसो ३ बजेदेखि सोमबार दिउँसो ३ बजेसम्ममा २० हजार रुपैया बुझेकाे हाे ।

अस्पतालद्वारा एउटा साधारण प्यान बिल काटेर हातले विभिन्न शिर्षकमा लागेको खर्चको विवरण लेखि विरामीका आफन्तलाई थमाइयो । एक दिनको बिल हेर्ने वित्तिकै आफन्त चकित पर्दै साधारण चोटपटक लागेको बच्चालाई यति खर्च कसरी लाग्यो भन्दा डाक्टरसाबले जे जे भन्नुभएको छ, त्यो सबै चेकजाँचको पैसा रहेको भन्दै बेतुकको जवाफ पायो ।

अस्पतालले दिएको हातले लेखेको बिललाई हेरेर नै प्रष्ट हुन्छ कि उपचारको नाममा कतिको लुटतन्त्र छ ? अस्पतालले दिएको रसिदमा आई.सि.यू. कक्षको शुल्क रु ५ हजार, डाक्टर राउण्ड शुल्क रु १ हजार ५ सय, एडमिशन शुल्क रु ५ सय २५ रुपैया, नर्सिङ्ग शुल्क रु ४ सय, ल्याब शुल्क रु ५ हजार ४५ रुपैया, अर्को डाक्टर (जसले भर्ना गर्यो) शुल्क रु १ हजार, एक्सरे चार्ज रु ४ सय २० रुपैया, एन.सि.सि.टि. अफ ब्रेन शुल्क रु ४ हजार २ सय, इमर्जेन्सी टिकट रु ३ सय २५ रुपैया गरि रु १८ हजार ४ सय १५ रुपैयाको रकम उल्लेख छ ।

अस्पतालकै रसिद अनुसार अन्य निजी अस्पताल भन्दा सबै शुल्कमा डेढ देखि दुई गुणासम्म शुल्क बढि लिइएको देखिन्छ ।

वीरगन्जको कुनै पनि निजी अस्पतालमा एक दिनको आई.सि.यू. शुल्क रु ५ हजार छैन, २ हजार ५ सयदेखि ३ हजारसम्म छ । ल्याब शुल्क कुन शुल्क हो भन्ने अस्पतालसँग पनि चित्त बुझ्दो जवाफ छैन । ल्याब शुल्कको बारेमा बुझ्दा पुरै शरिर चेकजाँच गरे वापत शुल्क लिइएको बताउँछन् ।

चोट लाग्यो टाउकोमा त सिटि स्कयान्सम्म ठीक छ, पुरै शरिर किन चेकजाँच गर्नुपर्यो ? भनेर सोध्दा पुरै शरिर चेकजाँच विना औषधी कसरी चलाउने ?

यस्ता यस्ता विविध बहानामा अस्पतालले गरिब, असहाय, निरक्षर परिवारलाई ठगी रहेका छन् । अस्पतालमा चेकजाँच गराउन आउँदा ठेगाना हेर्ने वित्तिकै यी व्यक्तिबाट कतिसम्म पैसा असुल गर्न सकिन्छ भन्ने यकिन गरेर विभिन्न योजना बनाउँदै ठग्न सक्रिय छन् यस्ता अस्पतालहरु । यो त उदाहारण मात्रै हो, यहाँ अधिकाँश निजी अस्पतालले विरामी उपचार भन्दा पनि कमाउ धन्दालाई प्रशय दिएका छन् ।

सुशान्तका लागि रियाले लेखिन् नोट – तिमीलाई जीवनभरी प्रेम गरिरहनेछु

0

सुशान्त सिंह राजपूतको निधन भएको आज ठ्याक्कै एक महिना भयो । १४ जूनमा सुशान्त सिंह आफ्नो बान्द्रास्थित घरमा मृत पाइएका थिए । प्रहरीले सुशान्तले आत्महत्या गरेको बताएका थिए ।

सुशान्तको मृत्यु भएको महिना दिन पूरा हुँदा उनकी प्रेमिका रिया चक्रवर्तीले इन्स्टाग्राममा एउटा फोटो पोस्ट गरेकी छिन् जुन सोसल मिडियामा चर्चाको विषय बनेको छ । साथै रियाले एउटा नोट पनि लेखेकी छिन् ।

रियाले लेखेकी छिन्, ‘अहिलेसम्म आफ्नो भावनामाथि नियन्त्रण पाउनका लागि जुधिरहेकी छु । आफैंसँग लडिरहेकी छु । मेरो मुटुमा एउटा शून्यता छाएको छ । तिमी ती व्यक्ति हौ जसले मलाई प्रेममा र प्रेमको शक्तिमाथि विश्वास गर्न सिकायौ । तिमीले गणितको एउटा सानो फर्मूलाले जीवन बुझ्न कति मद्दत गर्छ भनेर सिकाएको छ । मैले तिमीबाट हरेक दिन सिकेकी छु । तिमी अब छैनौ भनेर मेरो मनले यो कुरा कहिल्यै स्विकार गर्न सक्दैनँ । मलाई थाहा छ तिमी अब आनन्दको जीवन बाँचिरहेको छौ ।’

रियाले लेखिन्, ‘चन्द्रमा, तारा, आकाशगंगाले ‘यो वैज्ञानिक’ लाई हात फैलाएर स्वागत गरिरहेका होलान् ।’

‘अब तिमीले पनि ती चम्किलो तारामध्ये एक हौ । मेरो ‘सुटिङ स्टार’ मा तिम्रो प्रतिक्षा गर्नेछु र तिमी फिर्ता होउ भनेर माग्नेछु । म सुन्दर व्यक्ति जस्तो हुनसक्छन् तिमी ठ्याक्कै त्यस्तै थियौ । एक उत्कृष्ट व्यक्ति जसलाई संसारले देखे ।’

रियाले लेखिन्, ‘चन्द्रमा, तारा, आकाशगंगाले ‘यो वैज्ञानिक’ लाई हात फैलाएर स्वागत गरिरहेका होलान् ।’

‘अब तिमीले पनि ती चम्किलो तारामध्ये एक हौ । मेरो ‘सुटिङ स्टार’ मा तिम्रो प्रतिक्षा गर्नेछु र तिमी फिर्ता होउ भनेर माग्नेछु । म सुन्दर व्यक्ति जस्तो हुनसक्छन् तिमी ठ्याक्कै त्यस्तै थियौ । एक उत्कृष्ट व्यक्ति जसलाई संसारले देखे ।’

अंकितको पनि पोस्टः

उता सुशान्तकी पूर्व प्रेमिका अंकिता लोखंडेले आफ्नो इन्स्टाग्राममा एउटा पोस्ट गरेकी छिन् । यसअघि सुशान्त सिंह राजपूतको मृत्युपछि अंकिता लोखंडेले इन्स्टाग्राममा एउटा पनि पोस्ट गरेकी थिइनन् ।

अंकिता लोखंडेले एउटा तस्बिरले पोस्ट गरेकी छिन् जसमा पूजा कोठाा एउटा बत्ती बलिरहेको देखिएको छ । यससँगै सेतो फूल पनि चढाइएको छ । अंकिताले यो पोस्टमा तीन शब्द मात्रै लेखेकी छिन् – भगवानको सन्तान । ’

स्रोतः बीबीसी

५ हजार टन मकै राख्ने भकारी भत्कदा ७ घाइते, ३ वटा ट्रक च्यापिए

0

वीरगंज । बाराकाे परवानीपुर गाउँपालिका वडा न‌ं. ४ चैनपुरस्थित मकैकाे दाना बनाउने कारखानामा दुर्घटना हुदा ७ जना घाइते भएका छन् ।

ओम चावाे बिराे फिड इन्डस्ट्रिजमा मकै राख्ने भकारी भत्कदा दुर्घटना भएकाे प्रहरीले जनाएकाे छ । साे दुर्घटनामा परी ७ जना घाइते भएकाे इलका प्रहरी कार्यालय प्रसाैनीका प्रहरी निरिक्षक ओमप्रकाश यादवले वताए ।

घाइतेहरुकाे वीरगंज गण्डकस्थित नारायणी वायाेधा हस्पिटलमा उपचार भइरहेकाे उनले जनाए ।

वायोधा हस्पिटलमा घाईते बिकास कुमार, आजाद हुसेन, जाैवाद हुसेन, शैलेन्द्र सिंह, श्रीराम राउत, माेहन पटेल, श्रीलाल पटेलको उपचार भइरहेको हस्पिटलका एमामुल हक अन्सारीले वताए ।

उनले घाइते सबै कारखानामा कार्यरत कामदार रहेको जनाए ।

करखानाकाे ५ हजार टन मैके राख्ने भकारी भत्कदा ३ वटा ट्रक च्यापिएकाे समेत प्रहरी निरिक्षक सिंहले जानकारी गराए ।