Date
आइत, मंसिर ६, २०८३
Sun, November 22, 2026
Home Blog Page 955

वीरगंजमा थप १७ जनामा काेराेना संक्रमण फेला, संक्रमित मध्ये एककाे मृत्यु

0

बीरगन्ज । वीरगंजमा गएराति थप १७ जनामा काेराेनाकाे संक्रमण पुष्टि भएकाे छ । डाक्टर, उपचाररत बिरामी लगायत पर्सामा गएराति मात्र १७ जनामा संक्रमण पुष्टि भएकाे सहायक प्रमुख जिल्ला अधिकारी ललित कुमार बस्नेतले जानकारी दिए ।

संक्रमण फेला परेका मध्ये एक जनाकाे मृत्यु समेत भइसकेकाे नारायणी अस्थाई काेभिड अस्पतालका संयाेजक डा. उदयनारायण सिंहले वताए ।

नारायणी अस्थाई काेभिड अस्पताल गण्डककाे आइसाेलेसनमा बुधबार मृत्यु भएकाे वीरगंज माइस्थानका ७० बर्षिय पुरुषकाे स्वाब परिक्षणकाे रिपाेर्ट पनि पाेजेटिभ आएकाे उनले जानकारी गराए ।

वीरगंजस्थित एडभान्स हस्पिटलमा उपचारत ति बिरामीलाई मंगलबार मात्र काेभिड अस्पतालमा भर्ना गरिएकाे थियाे ।

संक्रमण फेला परेका मध्ये अधिकांश स्वास्थ्यकर्मी, चिकित्सक र विभिन्न निजि अस्पतालमा उपचारत बिरामीहरु रहेकाे जिल्ला स्वास्थ्य कार्यालय पर्साका अधिकृत जयमाेद ठाकुरले वताए ।

थपिने संक्रमितहरूमा २ डाक्टर, २ उपचाररत बिरामी लगायत १७ जना रहेका छन् । संक्रमितहरूमध्ये १३ जना पुरूष र ४ महिला रहेका छन् । संक्रमितहरू १५ वर्षेदेखि ८५ वर्ष सम्म उमेरका रहेका छन् । सबैकाे स्वाव संकलन साउन ६ गते गरिएकाे थियाे ।

कतिपय संक्रमित लक्षणसहित समेत देखिएकाेले निकै भ्यावह अवस्था सृजना हुदै गएकाे संयाेजक डा. सिंहले वताए ।

बाढी प्रभावित क्षेत्रको मुख्यमंत्री राउत र सांसद यादवद्वारा अवलोकन

0
वीरगञ्ज । प्रदेश नं. २ का मुख्यमंत्री लालबाबु राउत तथा पर्सा क्षेत्र नं. १ का सांसद प्रदिप यादवले लगातारको वर्षाका कारण नदी तथा खोलाहरूमा आएको बाढीले क्षती पुर्याएको ठाउहरूको स्थलगत अवलोकन गरेका छन ।
बाढी प्रभावित पर्सा निर्वाचन क्षेत्र न.१ को बेलवा, सोलखपुर, प्रसोतिपुर, लालपर्सा, परसवा लगायतका क्षेत्रहरुको स्थानीय प्रसाशनका प्रमुखसहित मुख्यमंत्री राउत र सांसद यादवले स्थलगत अवलोकन गरेका हुन ।
भेडाहा खोलामा वर्षेनी आउने बाढीले यस क्षेत्रमा ठुलो क्षती पुर्याउने गरेको स्थानीयले मुख्यमंत्री राउत समक्ष दुखेसो पोखेका थिए ।
स्थानीयको गुनासो सुन्दै मुख्यमंत्री राउतले बाढीले क्षती पुर्याएको स्थानीय व्यक्तीहरुलाई राहत उपलब्ध गराउने आश्वासन दिए । भेडाहा खोलाले प्रत्येक वर्ष यस क्षेत्रको हजारौ विघा खेती योग्य जमीन कटान गरेर बालीमा समेत ठुलो नोक्सानी पुर्याउने गरेकाले भेडाहा खोलाको बाढी नियन्त्रणको दिर्घकालिन उपायका बारेमा यथा सिघ्र कदम चाल्न मुख्यमंत्री राउतलाई सांसद यादवले आग्रह गरेका थिए ‌।
अनुगमनकाे क्रममा निलम्वित सांसद हरिनायण रौनियार, प्रदेश सांसद जन्नत अंसारी, जिल्ला समन्वय समिती पर्साका सभापति नेक महम्द अंसारी, प्रमुख जिल्ला अधिकारी बिष्णु कार्की, जनता समाजवादीका नेता बिरेन्द्र यादव, रामनरेश यादव पार्टी, सलाउदिन अहमद, तबरेज अहमद लगायत स्थानीयको उपस्थिति रहेको थियो ।

वीरगंज बहुअरीबाट ट्याक्टर चाेरी

0

वीरगंज । वीरगंज महानगरपालिकाकाे वडा नं. १४ बहुअरीबाट ट्याक्टर चाेरी भएकाे छ ।

ना. २ त. ३५०९ नम्बरकाे महिन्द्र ट्याक्टर वीरगंज बहुअरीस्थित घरबाट नै साेमबार राती चाेरी भएकाे पिडित अब्दुल अहद अन्सारीले वताए ।

मंगलबा विहान उठ्दा घरमा ट्याक्टर नदेखेपछि दिनभरी खाेजतालश गर्दा पनि नभेटेेकाे र साेही दिन गण्डक प्रहरी चाैकीलाई पनि ट्याक्टर चाेरी बारे समेत जानकारी गराएकाे उनले जनाए ।

यता ट्याक्टर चाेरी बारे अहिले सम्म हामीलाई कुनै किसिमकाे जानकारी प्राप्त नभएकाे  जिल्ला प्रहरी कार्यालय पर्साका प्रवक्ता प्रहरी नायब उपरिक्षक मनाेजित कुंवरले वताए ।

प्रधानमन्त्रीको अभिब्यक्तिका कारण धर्मप्रतिको विश्वास गुम्न थाल्यो

0

अयोध्यालाइ जोडेर प्रधानमन्त्री केपी ओलीले दिएको अभिब्यक्तिका कारण पार्टीमा धर्म र हिन्दू धर्मप्रतिको विश्वास हराउन थालेको देखाउँछ। यसको मुख्य कारण चिनियाँहरुको अत्यधिक दबाब हो जसले कम्युनिज्मलाई धर्मको रुपमा प्रस्तुत गर्न चाहान्छन्।

स्कूल, विश्वविद्यालय, सरकारी कार्यालयहरूमा छिट्टै नै विश्व कम्युनिष्ट नेताहरूको फोटो देख्न सकिन्छ। बिस्तारै नेपालका जनताले राम र सीतालाई भन्दा सी जिनपिंग र माओलाई प्रार्थना गर्नु पर्ने थियो। नेताहरूले बुझ्नुपर्दछ कि उनीहरू धार्मिक भावना र धार्मिक तथ्यहरूसँग छेडछाड गर्न नसकिने गरी जनताको भावनासँग खेल्न सक्दैनन्। यसबाहेक धर्म व्यक्तिको व्यक्तिगत जीवनको हिस्सा हो – सरकारको होइन। नेपाल बहु धर्म, जाति र संस्कृति भएको देश हो ।

हाल नेपालमा कम्युनिष्ट पार्टीहरूको बहुमतीय सरकार छ । नेपालका सबै कम्युनिष्ट धारका पार्टीभित्र धर्ममा आस्था राख्नेहरूको ठूलो जमात छ । जसले पार्टीभित्र नै भ्रातृ संगठन खोलेका छन् । कुनै व्यक्ति कुनै पार्टीप्रति आस्था हुनु भनेको पार्टीको नीति र सिद्धान्त आफू अनुकूल हुनु हो । अर्थात् मानिसहरू पार्टीको विधान पढेर, सुनेर, बुझेर अनि मनन गरेर नै उक्त पार्टीको सदस्य बन्ने गर्छन् ।

कम्युनिष्टहरूको विश्व इतिहास हेर्ने हो भने उनीहरूको सिद्धान्त धर्मका पक्षमा देखिँदैन । नेपालका कम्युनिष्टहरू पनि धर्मप्रति सकारात्मक देखिँदैनन् । जुन कम्युनिस्ट शीर्ष नेताहरूको क्रियाकलापले दर्शाउँछ । तथापि धर्मकर्ममा विश्वास गर्ने कम्युनिष्टहरू आफ्नो पार्टीको सिद्धान्तसँग कसरी सहमत छन् भन्ने विषय सोचनीय छ । नेपालमा कुल जनसंख्याको ८१.३ प्रतिशत हिन्दू धर्मावलम्बी छन् । पछिल्लो राजनीतिक परिवर्तनसँगै देश धर्मनिरपेक्ष घोषित भएको छ ।

हिन्दू राज्यको वकालत गर्ने कमल थापाको पार्टी राट्रिय पार्टी सम्म बन्न सकेन । जसले नेपालीहरू धर्मभन्दा आफ्नो पार्टीलाई बढी महत्व दिन्छन् भन्ने कुरा दर्शाउँछ । पछिल्लो समय धार्मिक प्रवचन दिने पण्डितहरूमाथि गोली प्रहार भयो ।

देशमा खुलेआम धर्म परिवर्तनका विभिन्न क्रियाकलाप देखिन थालेका छन् । देशका सम्मानित प्रधानमन्त्री स्वयं ईश्वरको नाममा सपथ खाँदैनन् । देशका प्रमुख धर्मावलम्बीहरूको चाडपर्वमा दिइँदै आएको राष्ट्रिय बिदा कटौती हुन्छ । प्रधानमन्त्री कार्लमाक्सलाई पुज्ने हुकुम दिन्छन् । यसरी प्रत्येक दिन धार्मिक आस्थामाथि प्रहार भइरहँदा सम्पूर्ण जनता मौन छन् । विरोध कतै हुदैन । यी सबै घटनाक्रमले देश नास्तिकता तर्फ जाँदै छ भन्ने अनुमान लगाउन सकिन्छ ।

ईश्वर अनि धर्मप्रति आस्था हुनु नहुनु आआफ्नै किसिमका धारणा हुन सक्छन् । अहिले पनि विश्वभरि बहुसंख्यक मानिसहरू धर्मप्रति आस्था राख्ने गर्दछन् । यसरी धर्मप्रति आस्था नहुने हो भने विश्वका शक्तिशाली देशहरूले विभिन्न वहानामा ठूल्ठूला युद्ध गराउँदैनथे । जसको मुख्य कारण भनेको अर्को धर्मको नाश गर्नु हो ।

तेल, आणविक हतियार आदि सबै बहाना हुन् । पछिल्लो घटनाक्रमले त्यही कुराको पुष्टि गर्दछ । उत्तर कोरिया र अमेरिकाको युद्ध नहुन यसको गतिलो उदाहरण हुनसक्छ । हाम्रो देशका कम्युनिस्टहरू बोली र व्यवहारमा अपरिपक्व छन् किनकि तिनै नेताहरू जसले आफ्नो पिताको चाहना भन्दै दशैँको टीका जमरा लगाउने गर्दछन् । बाबुकै नाममा चार धाम घुम्ने गर्छन् । मुस्लिम बाहुल्य भएको ठाउँमा गएर मुस्लिमहरूको पहिरन लगाउदै इस्लाम धर्मको चर्चा गर्छन् ।

बौद्धहरूको अगाडि ‘बुद्ध भगवान्’ नेपालमा नै जन्मेका हुन् भनेर छाती पिट्छन् । फेरि कम्युनिष्टहरूको भीडमा जाँदा कार्ल माक्र्सलाई भगवान् बनाइदिन्छन् । कार्ल माक्र्स यहुदी परिवारमा जन्मिएका थिए । उनको परिवारले धर्म परिवर्तन गरि इसाई धर्म स्वीकार गरेका थिए ।कार्ल माक्र्स एक प्रसिद्ध दार्शनिक, अर्थशास्त्री, इतिहासकार, राजनीतिक सिद्धान्तका प्रणेता, समाजशास्त्री, साम्यवादी एवं क्रान्तिकारी व्यक्ति हुन् । कार्ल माक्र्स जसको विचार सिद्धान्तको आधारमा साम्यवाद ९कम्युनिज्म० को जन्म भएको हो अर्थात् कार्ल माक्र्स ईश्वर र धर्मप्रति आस्थावान् थिएनन् ।

निश्चित रूपमा उनले यो सोचेका थिएनन् कि उनका समर्थक उनलाई भगवान् मान्ने छन् । नेपालमा कार्ल माक्र्सको सिद्धान्तलाई सर्वोपरि ठान्नेहरू उनलाई पूजनयि ठान्दछन् । कम्युनिज्म अर्थात् साम्यवाद जहाँ वर्गहीन समाजको परिकल्पना गरिन्छ तथापि त्यहाँ पनि कोही पूजनीय छ ।

धर्मले हामीलाई जीवन जिउने तरिका सिकाएको छ । बाँच्नुको उद्देश्य प्रस्ट पारेको छ । हामीलाई सर्वोत्कृष्ट मानव बन्ने मार्ग देखाएको छ । धर्मग्रन्थहरूले देखाएका बाटोले गर्दा नै आजसम्म मानव अस्तित्व छ । जुन आधुनिक विश्वको जन्म हुनुभन्दा हजारौँ वर्ष अघिदेखि थियो र अहिल सम्म छ अनि ईश्वर र धर्मप्रति आस्था रहुन्जेल रहनेछ । कार्ल माक्र्स एकजना दार्शनिक हुन् जसको विचारले केवल केही नास्तिक विचारकहरूलाई जन्म दिएको होला तर कार्ल माक्र्स तथा उनका अनुयायी र सम्पूर्ण जगतको जन्म केवल एक परमात्माको देन हो । अब माक्र्सवादीहरुले के गर्ने रु हिन्दू धर्मभित्रको जातीय विभेदको फाइदा उठाई क्रिश्चियनहरु गरीब, दलित, जनजातिहरुका घरदैलोमा पुगेर बाइबल बाँडिरहेका छन् ।

हरेक देशमा क्रिश्चियनहरु वातावरण शुद्धिकरण, स्वास्थ्य, शिक्षा जस्ता जनमूखी कार्यक्रम बोकेर छिर्छन अनि त्यहाँ मिहिनरुपले धर्म परिवर्तनको मार्गमा लाग्छन् । यसकार्यका लागि साम्राज्यवादी देशहरुले अरबौं अरब डलर खर्चेको छ । चिनियाँ चिन्तक चेन याओ क्वाङले एसिया र अफ्रिकामा याङ्की साम्राज्यवादी साँस्कृतिक अतिक्रमण नामको लेखमा भन्नुभएको छ “ अमेरिकी मिसनरीहरुले राष्ट्रिय स्वधीनता आन्दोलन र सामाजिक प्रगतिप्रति सहानुभूति राखेको जस्तो गर्छन, जसबाट उनीहरु जनआन्दोलनहरुमा घुस्न सकून र आम जनतालाई क्रान्तिको बाटोबाट र अमेरिकी साम्राज्यवादको विरोधको बाटोबाट सुधारको बाटोतिर लैजान सफल होउन् ।

उनीहरु चर्चहरुलाई आदिवासीहरुको संस्थाको चरित्र दिएर धार्मिक र राष्ट्रिय स्वरुपमा प्रस्तुत गर्छन् । भित्री रुपमा अमेरिकी मिसिनरीले काम गरे पनि बाहिर उभ्याउने पात्रचाहिँ अर्कै हुन्छ ।” (विकल्प, असोज २०७२) नेपालका कम्युनिष्टहरुले चेन याओ क्वाङको यो कुराबाट शिक्षा लिनै पर्छ ।

कम्युनिष्ट नेताहरु कुनै पनि धर्मको धार्मिक यज्ञ, धार्मिक प्रवचन, धार्मिक गतिविधिमा किन संलग्न हुने रु के यो कम्युनिष्टहरुको आदर्शभित्र पर्छ रु यस्ता धार्मिक कार्य गर्न कम्युनिष्ट नेताहरुको रहर हो भने माक्र्सवादको किताब च्यातेर हिँड्नुपर्यो । बाध्यता हो भने माक्र्सवादी शब्दकोष भित्र बाध्यता भन्ने शब्दावली नै हुँदैन भन्ने हेक्का यी कम्युनिष्ट अर्थात माक्र्सवादी हुँ भन्ने नेताहरुले राख्नुपर्यो ।

जनतालाई द्वन्दात्मक भौतिकवादी बनाउँन हिंड्नुपर्ने नेतृत्व धार्मिक पूजापाठ गर्ने, पादरीको आशिर्वाद ग्रहण गर्न जाने जस्ता कार्यले दुनियाँ हँसाएकोछ । सरकारमा रहेका कम्युनिष्टहरुले द्वन्दात्मक भौतिकवादको सृजनात्मक ढंगले प्रचारप्रसार गर्ने, साँस्कृतिक रुपान्तरणका खाकाहरु ल्याउँने, चाँडपर्वहरुमध्ये कस्ता चाँडपर्व प्रतिगामी छन् र कस्ता चाँडपर्व रुपान्तरण गरि मनाउँन सकिने छन भनी बिश्लेषण बहस चलाउनुपर्छ ।

क्रिश्चियन मिसनलाई निस्तेज पार्न कस्ता कार्यक्रमहरु अघि सार्ने भन्नेबारेमा पनि कम्युनिष्ट नेताहरु गम्भिर हुन आवश्यक छ । अबका दिनमा सरकार टिकाउँने लोभमा, चुनावमा रकम जोहो गराउँने लोभमा द्वन्दात्मक भौतिकवादलाई नाङ्गो बनाएर प्रदर्शन गर्न कुनै पनि कम्युनिष्ट नेताले पाउँने छैनन् ।

यसो हुँदै जाने हो भने नेपालमा माक्र्सवादको झण्डा बोकेर शसस्त्र संघर्षको नारा लिएका अरु कम्युनिष्ट समूहहरु पनि क्रियाशील छन् र उनीहरु माक्र्सवादी चिन्तन र दर्शनलाई आध्यात्मवादको पाउमा चढाएको कुरालाई सहन सक्तैनन् र माक्र्सवादी चेतना बोक्ने अभियान मर्दैन भन्ने पनि बुझ्न जरुरी छ ।  -विनय यादव
राष्ट्रिय एकता अभियानका संयाेजक हुन् ।

तिलावे पुलकाे छेउकाे भाग भत्कन थाल्याे, बाटाे अवरुद्ध हुन सक्ने

0

वीरगंज । पर्सा जिल्लालाई सदरमुकाम वीरगंजसंग जाेड्ने मुख्य सडकमा पर्ने तिलावे पुलकाे छेउकाे भाग भत्कन थालेकाे छ ।

केही दिन देखी सक्रिय भएकाे मनसुन र तिलावे नदीमा पानीकाे बहाव बढेसंगै पुलकाे पूर्व पटीकाे भाग भत्कन थालेकाे हाे । पुलकाे छेउमा माटाे पुरेर बनाइएकाे बाटाे नै भत्कन थालेकाेले बाटाे अवरुद्ध हुने सक्ने सम्भावना देखिएकाे छ ।

केही समय पहिला मात्र नयाँ पुल निर्माणकाे लागि बन्द गरिएकाे पुलकाे बाटाे मनसुन सुरु भएपछि स‌चालनमा ल्याइएकाे थियाे ।

नयाँ पुल निर्माणकाे लागि पुरानाे पुलकाे बाटाे अवरुद्ध गरी डाइभर्सन बनाएर बाटाे सुचारु गरिएकाे थियाे । तर मनसुन सुरु भएपछि र नदीमा पानीकाे बहाव बढेसंगै डाइभर्सन पनि बगाइदिएकाे छ ।

नयाँ पुल निर्माण भएकाे ढिलाईका कारण र पुरानाे पुल जिर्ण बनेका कारण पर्सेली जनताहरु जाेखिम पूर्ण आवतजावत गर्न बाध्य भएका छन् । पुलकाे छेउकाे भाग भत्कन थालेपछि थप जाेखिमपूर्ण बनाएकाे हाे ।

पर्सा र बाराका थप ५० जनामा काेराेना संक्रमण, आइशाेलेसमा रहेकामा लक्षण दखिदै

0

वीरगंज । बाराका ४६ जना र पर्साका ४ जनामा कोरोना भाइरसको संक्रमणको पुष्टि भएको छ । बीरगंजको नारायणी अस्पतालको प्रयोगशालामा भएको परिक्षणमा बारा र पर्साका थप ५० जनामा संक्रमण फेला परेकाे हो  ।

बाराका ४६ जना संक्रमित देवताल गाउँपालिकाको क्वारेन्टाइनमा रहेकाहरु हुन । त्यसै गरि पर्साका ४ जना भने होटेल कुमु प्यालेसमा पेड क्वारेन्टिनमा बसेकाहरु रहेको नारायणी अस्पतालका मेडिक सुपरिटेण्डेण्ट डा. मदन कुमार उपाध्यायले बताए ।

बाराका ४६ जना संक्रमितमध्ये १० जना महिला रहेको मेसु उपाध्यायले जानकारी गराए । संक्रमण पुष्टि भएकाहरुलाई कलैया र बीरगंजको आइसोलेशनमा राखिएकाे उनले जनाए ।

संक्रमीत मध्ये देवताल गाउँपालिकाका ३४ जना, सुवर्ण गाउँपालिकाका ३, कलैया उपमहानगरपालिकाका ३ जना र धनकौलका ६ जना रहेका छन् ।

संक्रमित हुनेमा गाउँपालिका अध्यक्षसहित ९ जना जनप्रतिनिधि, १६ जना स्वास्थ्यकर्मी, ६ जना गाउँपालिकाका कर्मचारी, ६ जना स्वास्थ्यकर्मीको परिवारका सदस्य र बाँकी स्थानीय रहेको बाराका प्रमुख जिल्ला अधिकारी रुद्र प्रसाद पाण्डेले जानकारी दिए ।

पर्सामा एक दिन पहिले पनि ७ जनामा कोरोना संक्रमण पुष्टी भएको थियो । बीरगंजको काभिड अस्पताल गण्डकमा भर्ना भएकाहरुमा संक्रमणको लक्षण देखिएको अस्पतालका संयोजक डा. उदय नारायण सिंहले जानकारी गराए ।

८ जनामा श्वास लिन गाह्रो हुने, जीउ दुख्ने, रुघा, ज्वरो लाग्ने, खान मन नलाग्ने लगायत कोरोनाको लक्षणहरु उनले जनाए ।

दाउदकाे उपचारकाे लागि सहयोग जुट्दै

0

वीरगन्ज । अनेरास्ववीयू पर्साका संह—संयोजक मित्रदेव यादवको अगुवाईमा आर्थिक अवस्था कमजोर भएर उपचाररत अवस्थामा रहेका युवकका लागी आर्थिक सहयोग संकलन भएको छ ।

वीरगन्ज मुर्लीका १२ का २३ वर्षीय दाउद मियाँ काम गर्ने क्रममै दुर्घटना परि गम्भीर घाईते भएपछि उपचारका लागी यादवको अगुवाईमा आर्थिक सहयोग संकलन भएको हो ।

दाउद घरको एक्लो र आर्थिक अवस्था कमजोर भएकाले उनको काम गर्ने समयमा दुर्घटना पछि उपचार गर्नलाई रकम अभाव भएकाले आर्थिक सहयोग संकलनमा जुटेको यादवले बताए । उनले दाउदको दाहिने हात ३ ठाँउमा भाचेपछि उपचारमा बढि रकम लाग्ने भएपछि सहयोग गर्न अभियान नै चलाएको जनाए ।

केहिदिन अगाडी देखी समाजिक संजाल मार्फत आर्थिक सहयोग संकलनका लागी चलाएको अभियानमा ५८ हजार ३ सय रकम संकलन भएको उनले बताए । घाईते यादवको अहिले काठमाडौं वीर अस्पतालमा उपचार भईरहेकाले निको नभए सम्म उपचारका लागी आर्थिक सहयोग गरी रहने यादवले बताए ।

आर्थिक संकलन अभियानमा युवा राजन श्रीवास्तव, मेराजुल हवारी, नसिम अख्तर, जेयाद अंसारी, बिकेश यादव लगायतकाले सहयोग गरेको यादवले बताए ।

को को सहयोग गरे
दाउदको उपचारका लागी अहिले सम्म १५ जनाले सहयोग गरेका छन । सहयोग गर्नमा कालिकामाई गाँउपालिकाका प्रमुख प्रशासकिय अधिकृत राजु साह १० हजार, सखुवा प्रसौनी गाँउपालिकाका प्रमुख प्रशासकिय अधिकृत सन्देश यादव १० हजार , जिल्ला हुलाक कार्यालय बाराका प्रमुख सुजित साह १० हजार, आन्तरिक राजश्व कार्यालय पर्साका लेखापाल अकलेश सहनी ५ हजार सहयोग गरेका छन् ।

यस्तै सन्दीप गुप्ता ५ हजार, प्रमोद जैसवाल ३ हजार १ सय, उमाशंकर यादव २ हजार ५ सय, सुजित मन्डल २ हजार, ईब्राहिम देवान १ हजार ५ सय, सुनिल कलवार १ हजार १ सय, राहुल साह १ हजार १ सय, अनिल कुमार यादव १ हजार र नसिम अख्तर मार्फत ६ हजार सहयोग भएको छ ।

उपाध्यक्षकै अगुवाइमा पकहा मैनपुर गाउँपालिकामा तालाबन्दी

0

वीरगन्ज । पर्साको पकाहामैनपुर गाँउपालिकामा उपाध्यक्ष कै अगुवाइमा गाउँवासीले तालाबन्दी गरेका छन् । गाँउपालिका उपाध्यक्ष कुश्मी देवीको नेतृत्वमा स्थानीयले आइतवार गाउँ कार्यपालिकाकाे कार्यालय पकहा मैनपुरमा तालाबन्दी गरेका हुन् ।

गाँउपालिका अध्यक्ष विजय चौरसीयाले प्रमुख प्रशासकिय अधिकृत महेश सिंहसंग मिलेर गाँउपालिकाको बजेट हिनामिना गरेको आरोप लगाउदै गाँउपालिका कार्यालयमा तालाबन्दी गरिएको हो ।

बर्षामा पनि जुलुशसहित गाँउपालिका कार्यालयमा पुगेका उपाध्यक्ष कुश्मी र स्थानीयले तालाबन्दी गर्न खोज्दा प्रहरीले हस्तक्षेप गरेको थियो । प्रहरीले स्थानियहरुलाई तालाबन्दी गर्न राेकन खाेज्दा प्रहरी र तालाबन्द गर्न पुगेका स्थानियहरु बिच ठेलमठेल समेत भएकाे थियाे ।

साेही क्रममा उपाध्यक्ष कुशमी घाइते समेत भएकाे वताइएकाे छ । उनकाे उपचार नारायणी अस्पताल वीरगंजमा भइरहेकाे छ ।

असार ३१ गते भएको गाँउ सभा बहिष्कार गरेकी उपाध्यक्ष कुश्मीले गाँउपालिकाको आय व्यय विवरण समेत सार्वजनिक नगरि गाँउपालिका अध्यक्ष चौरसीयाले गाँउ सभा गरेकाले आफु बिराेधमा उत्रेकाे बताइन् ।

कोभिड १९ रोकथाम तथा नियन्त्रणका लागि विनियोजना गरिएको ९० लाख मध्ये ४० लाख मात्र खर्च भएको बाँकी ५० लाख अध्यक्ष चौरसीयाले हिनामिना गरेको उनको आरोप छ ।

गत आर्थिक वर्ष २०७६/०७७ मा इन्धनमा खर्च गरिएको ३० लाख, गाँउपालिकाको एम्बुलेन्स, जेसीबी र ठेक्कामा लागेको २ वटा पोखरीको आम्दानी पनि अध्यक्ष चौरसीयाले सार्वजनिक नगरि हिनामिना गरेको उपाध्यक्ष कुश्मी र स्थानीयको आरोप छ ।

कार्यपालिका बोर्ड बैठकमा आफु जादा बस्ने कुर्सी समेत अध्यक्ष चौरसीयाले हटाइ दिने गरेको उनले बताइन् ।

गाँउपालिकाको आम्दानी सार्वजनिक गर्न पटक पटक आग्रह गरे तर उनले मेरो कुरा सुन्दै सुनेन् , कुश्मी देवीले भनिन् ‘बोर्ड बैठकमा जादा मेरो कुर्सी नै फयाकी दिए, बोर्ड सदस्यहरुलाई मोबाइल बाडेर गाँउपरिषद गराए ।

गाँउपालिकाको आय व्यव विवरण जनताको बिचमा सार्वजनिक नगरिए सम्म तालाबन्दी जारी नै रहने उनले बताइन् ।

गाँउपालिका अध्यक्ष चौरसीयाले पैसाको बलमा गाँउपालिका चलाएको पकाहामैनपुर गाँउपालिका १ धोरेका युवा शीवजी सोनीले बताए ।

उनले भने , ‘गाँउपालिकामा अध्यक्ष चौरसीयाको ब्रम्हलुट छ, जति पनि रोडनालाको काम भएको छ त्यो सबैको ठेक्का उनका भाई भतिजा र भान्जाले लिएर गरेका छन् , जनताले सुचना माग्दा धम्क्याएर पठाइन्छ ।

सुचनाको हक प्रयोग गरेर बजेट खर्चको हिसाब किताब माग्दा पनि नपाएपछि बाध्य भएर गाँउपालिकामा तालाबन्दी गरिएको सोनीले बताए ।

पकाहा मैनपुर ४ का रामबाबु चौरसीयाले भने ,‘ जिल्लामै सबै भन्दा बढि भ्रष्टचार हाम्रै गाँउपालिकामा भएको छ, यहाका जनप्रतिनिधी जनताको लागि होइन आफ्नो सम्पति जोड्नमा मात्रै लागेका छन्, यिनीहरु सिंहदरबारका सिंह बनेका छन् ।

आराेप बारे अध्यक्ष चौरसीयासंग बुझ्न फाेनमा सम्पर्क गर्दा उनकाे दुईटा नम्बर अफ रहेकाे र एउटा नम्बरमा फाेन लाग्दा पनि फाेन नउठेका कारण सम्पर्क हुन सकेन ।

नेपालमा थप एक सय एक जनामा काेराेना संक्रमण

0

काठमाडौं । नेपालमा थप एक सय एक जनामा कोरोना संक्रमण भएको छ । याेस‌ंगै देशभर कोरोना संक्रमितको संख्या १७ हजार ४ सय ४५ पुगेको स्वास्थ्य तथा जनसंख्या मन्त्रालयले जनाएकाे छ ।

त्यस्तै २ सय ८५ जना डिस्चार्ज भएका छन् । हालसम्म ११ हजार ५ सय ३४ जना डिस्चार्ज भइसकेका मन्त्रालयका प्रवक्ता डा. जागेश्वर गौतमले जानकारी दिए ।

प्रवक्ता गाैतमका अनुसार हाल ५ हजार ८ सय ७१ जना संक्रमित आइसोलेसनमा उपचाररत छन् । क्वारेन्टिनमा २२ हजार ७ सय ५६ जना रहेका छन् ।

दुई गाउँलाई जाेड्ने बही खाेलामा पुल निर्माण हुदा स्थानिय हर्षित

0

वीरगंज । पर्साको पकहा मैनपुर गाउँपालिका वडा नम्बर ५ गदियानी पोखरीयाको बही खोलामा पुल निमार्ण कार्य सम्पन्न भएकाे छ ।

पकहामैनपुर गाउँपालिका वडा नम्बर ५ गदियानी पोखरीया र कालिकामाई गाउँपालिका वडा नम्बर २ गदियानी गाउँको बिचमा पर्ने बहि खोलामा निर्वाचन क्षेत्र नम्बर ४ का सांसद लक्ष्मणलाल कर्णको संसदिय बिकास काेषकाे बजेटबाट रु ५० लाखकाे लागतमा पुल निर्माण कार्य सम्पन्न भएकाे हाे ।

पुल निर्माणकाे लागि रु ५० लाखकाे याेजना अन्तर्गत डिके बिल्डरसले रु ४३ लाखमा ठेक्का सकार गरेकाे थियाे । पकहा मैनपुर गाउँपालिकामार्फत ठेक्का भएकाे पुलकाे निर्माण कार्य समय मै सम्पन्न भएकाे ठेक्दार समुहका सदाम हुसेेनले वताए ।

राजतन्त्र देखी प्रजातन्त्र सम्म गाउँको र जिल्ला तथा केन्द्रको कुनै पनि योजनामा आज सम्म नपरेको पुल सांसदिय विकास काेषबाट निमार्ण हुदा सांसद कर्णलाई सो क्षेत्रका स्थानियहरु हर्षित भएकाे जनता समाजवादी पार्टीका स्थानिय नेता माओ कुशवाहालेे वताए ।

पुल निर्माणले भेडिहारी, गदियानी, सबैठवा, लहावरथकरी, गदियानी पोखरीया, भिस्वा, बन्जारी र तुलसीवर्वा बासीकाे आवागमनममा सजिलाे हुनुकाे साथै कृषी कार्यकाे लागि पनि सजिलाे भएकाे उनले जनाए ।

कयौ बर्ष देखी पुल नहुदा आसपास रहेका गाउँको सम्बन्ध नजिक नभई टाढा देखिएको थियो अब ४ वटा गाउँको सम्बन्ध नजिक पुगेको र कृर्षि कार्य गर्न समेत सजिल्लो हुने पकहामैनपुर गाउँपालिका वडा नम्बर ५ सबैठवाका कार्यपालिका सदस्य महेन्द्र रामले बताए ।