Date
आइत, मंसिर ६, २०८३
Sun, November 22, 2026
Home Blog Page 957

तिलावे नदीमा नुहाउने क्रममा बालक वेपत्ता, खोजी कार्य हुदै

0

वीरगन्ज । पर्साको विन्दवासिनी स्थित तिलावे नदीमा हाम फालेका १२ वर्षीय बालक वेपत्ता भएका छन् । नुहाउने क्रममा तिलावे नदीमा हाम फालेका वीरगन्ज महानगरपालिका वडा नं. १९ विन्दवासिनी निवासी मुकेश साह कलवारका १२ वर्षीय छोरा सुमित साह कलवार वेपत्ता भएको प्रहरीले जनाएको छ ।

चार जना साथीहरुसँग नुहाउने क्रममा बाढी आएको तिलावे नदीमा हाम फालेका कलवार वेपत्ता भएका थिए । उनको खोजी कार्य जारी रहेको जिल्ला प्रहरी कार्यालय पर्साका प्रहरी नायब उपरीक्षक मनोजित कुँवरले जानकारी दिए ।

उनका अनुसार दिउँसो करिब २ बजेको समयमा बालक बेपत्ता भएका थिए । बालक वेपत्ता भएको सूचना पाउने वित्तिकै जिल्ला प्रहरी कार्यालय पर्साका विपत्त टोली नदीमा खोजतालास गरि रहेको छ तर हालसम्म बालक फेला परेको छैन ।

बालकलाई खोज्नका लागि नेपाल प्रहरी लगायत सशस्त्र प्रहरी तथा स्थानीयहरुको प्रयास पनि जारी रहेको छ । विगत ५ दिनदेखि परि रहेको झरी वर्षाका कारण पर्साका नदीहरुमा पानीको सतह बढेसँगै तिलावे नदीमा पानीको बहाव बढेको हो ।

प्रधानमन्त्री ओलीले तथ्यहिन अभिव्यक्ति दिएर नेपाल र भारत बिचको सम्बन्ध विगार्न खोजे

0

वीरगंज । विश्व हिन्दु परिषद नेपालका महासचिव जितेन्द्र सिंहले केपी ओली नेतृत्वको कम्युनिष्ट सरकारले तथ्यहिन अभिव्यक्ति दिएर नेपाल र भारत विचको सम्बन्धलाई बिथोल्ने प्रयास गरीरहेको आरोप लगाउँनु भएको छ ।

दुई देश बिचको सम्बन्ध मध्ये सांस्कृतिक सम्बध अटुट रहेपनि यसलाई बिथोल्न कम्युनिष्ट सरकार लागि परेको उनको आरोप छ । धर्मलाई अफिम भन्ने कम्युनिष्ट सरकारले आफने दुई तिहाईको दम्भमा दुई देश बीचमा रहेको सांस्कृतिक, एतिहासिक सम्बन्ध बिथोल्नको लागि भगवान श्री रामको जन्मभूमिको सांस्कृतिक तथ्य संग खेलवाड गर्न खोजिएको छ ।

उनले भने, प्रधानमन्त्री ओलीले तथ्यहिन तर्क दिएर ३ करोड नेपालीलाई नै बेईज्जत गरेको भान हुन आएको छ । धर्मलाई अफिम भन्ने कम्युनिष्ट पार्टीको प्रधानमन्त्रीले यस्तो वाहियात अभिव्यक्ति दिएर ३ करोड स्वाभिमानी नेपालीलाई नै विश्व सामु बेईज्जत गरेको स्पष्ट रहेको उनले बताए ।

नेपाललाई अफगानिस्तान बनाउँने दिशामा केपी ओलीले कार्य गरिहेको पुष्टि उनले दिएको तथ्यहिन अभिव्यक्तिले पुष्टि भईरहेको छ, उनले भने, अफगानिस्तान कुनै बेला बुद्ध भूमि थियो तर अमेरिका र रुसको ईसारामा त्यो देशको मुल संस्कृतिलाई सखाप पर्ने काम गरियो अन्नत त्यो देश ईस्लामी देशको रुपमा छ ।

त्यही रवैया ओली नेतृत्वको कम्युनिष्ट सरकारले ल्याउँन खोजेका छन, नेपाली जनताले समयमै कम्युनिष्ट सरकार माथि लगाम लगाएनौ भने, नेपाल पनि भोलीका दिनमा अफगानिस्तान हुन नसक्ने आधार छैन ।

कम्युनिष्ट मुलुकको लागि घातक रहेको हुनाले नेपालबाट नै यिनिहरुलाई सखाप गर्नको लागि सम्पूर्ण आम नेपाली जनता एकजुट हुन अहिलेको आवश्यकत रहेको उनले औल्याए । उनले भने, एकतर्फ मुलुकमा व्यापक रुपमा भ्रष्टाचार, बलात्कार, व्यवरोजगारी सृजना भएर युवा भौतारि रहेका छन भने, अर्को तर्फ कोरोना महामारी ले देशमा विभिन्न किसिमको समस्या उत्पन्न भएरहेको बेला जनताको ध्यान भडकाउँने काम बाहेक अरु केहि गर्न सकेको छैन यो सरकारले ।

पहका मैनपुरकाे अनियमिताकाे बिरुद्धमा प्रदर्शन, लक्षित बर्गकाे कार्यक्रम कागज मै सकियाे

0

प्रणय साह/वीरगंज । पर्साकाे पकहा मैनपुर गाउँपालिकाकाे लक्षित बर्गकाे कार्यक्रम कागज मै सम्पन्न भएकाे भन्दै बिराेध प्रदर्शन भएकाे छ ।

सयाैंकाे संख्यामा रहेका स्थानिय महिलाहरुले साेमबार गाउँपालिका कार्यालय घेराउ गर्दै बिराेध गरेका हुन् । गाउँपालिकाकाे अनियमितताकाे बिराेधमा प्रदर्शनमा उत्रेका महिलाहरु गाउँपालिका कार्यालय घेराउ समेत गरेका थिए ।

गाउँवासीका अनुसार असारे बिकासकाे नाममा बजेट सकाउन गाउँपालिकाकाे निमित प्रमुख प्रशासकिय अधिकृत महेश सिंह र लेखापाल नागेन्द्र चाैधरीले जिल्लाकाे सदरमुकाम वीरगंजमा बसेर चेक काट्न व्यस्त रहेका छन् ।

प्रमुख प्रशासकिय अधिकृत सिंह र लेखापाल चाैधरीले गाउँपालिका अध्यक्ष बिजय चाैरसियासंग मिलेर लक्षित बर्गकाे स्वास्थ्य शिविर, जेष्ठ नागरिक सम्मान कार्यक्रम, अपांग कार्यक्रम, सिलाई कटाई तालिम, कृषि तालिम लगायतकाे एक दर्जन भन्दा बढी कार्यक्रम कागज मै सम्पन्न गरेका छन् ।

लक्षित बर्गकाे कार्यक्रम लक्षित बर्गमा गर्नु पर्नेमा वीरगंजमा मै बसी कागज मै सम्पन्न भएकाे आफुहरुले थाह पाए पछि बिराेधमा उत्रेकाे प्रदर्शनमा उत्रेका महिलाहरुकाे भनाई छ । महिलाहरु झाडुसहित प्रदर्शनमा उत्रेका थिए ।

बिराेधमा उत्रेका महिलाहरु वडा नं. २ काे कार्यालय सुर्जाहामा तालाबन्दी समेत गरेका छन् ।

यस्तै गाउँपालिका अध्यक्ष चाैरसिया कै वडाकाे बिकास निर्माणकाे काममा अनियमितता भएकाे भन्दै साेही वडाका स्थानियहरु अख्तियार दुरुपायाेग अनुसन्धानकाे कार्यालय हेटाैंडामा उजरी दिएका छन् ।

वडा नं. ३ काे बिकास निर्माणकाे काममा अनियमितता भएकाेले छानविनकाे माग गर्दै आफुहरु अख्तियारकाे कार्यालय हेटाैंडामा उजरी दिएकाे स्थानिय रामक्षत्री चाैहानले वताए ।

वडामा भएकाे नाला निर्माण स्टिमेट अनुसार नभएकाे र लक्षित बर्गकाे कार्यक्रममा अनियमितता भएकाे भन्दै चाैहानसहितका स्थानियहरुले अख्तियारमा इमेल मार्फत उजरी दिएका हुन् ।

यसका साथै उनीहरुले जिल्ला प्रशासन कार्यालय पर्सामा पुगी प्रमुख जिल्ला अधिकारी बिष्णु कुमार कार्कीसंग भेट गरी गाउँपालिकाकाे अनियमितताकाे बारेमा जानकारी समेत गरेका छन् ।

स्थानिय रामक्षत्री प्रसाद चाैहान, लेखमन चाैहान, सुबाष महताे, चन्देश चाैहान, जटाशंकर साह लगायतकाले जिल्ला प्रशासन कार्यालयमा पुगी बिकास निर्माणकाे कार्यमा भएकाे अनियमितताकाे बारेमा जानकारी गराएका हुन् ।

यस बिषयमा प्रमुख प्रशासकिय अधिकृत सिंहसंग बुझ्न उनकाे माेबाइलमा सम्पर्क गर्दा फाेन नलागेका कारण सम्पर्क हुन सकेन । यस्तै लेखापाल चाैधरीसंग पनि फाेनमा सम्पर्क गर्दा फाेन नउठेका कारण सम्पर्क हुन सकेन ।

त्यसपछि गाउँपालिका अध्यक्ष बिजय चाैरसियासंग सम्पर्क गर्दा काेराेना महामारीका कारण धेरै कार्यक्रम गर्न नसके पनि स्वास्थ्य शिविर, केरा घेती, जेष्ठ नागरिक सम्मान लगायतकाे कार्यक्रम संचालन भएकाे दावी गरे ।

उनले भने “सबै संचालन भएकाे कार्यक्रम र बजेट त आफुलाई याद छैन् तर केही लक्षित बर्गकाे कार्यक्रम संचालन भएकाे छ । संचालन भएकाे सबै कार्यक्रम बारे कागज देखेर वताउन सकिन्छ ।

प्रमुख प्रशासकिय अधिकृतकाे फाेनमा समेत सम्पर्क भइरहेकाे छैन्, वीरगंज मै बसेर चेक काट्नुकाेसाथै सबै काम गर्दै हुनुहुन्छ ? प्रशनकाे जवाफमा उहांसंग मेराे पनि फाेनमा सम्पर्क हुन नसकेकाे भन्दै सबै काम कार्यालय मै भइरहेकाे उनकाे भनाई छ ।

तर कार्यालय समय मै पकहा मैनपुर गाउँ कार्यपाललिकाकाे कार्यालय पकहा मैनपुरमा पुग्दा प्रमुख प्रशासकिय अधिकृत र लेखापालसंग भेट हुन नसकेकाे सेवाग्राहीकाे गुनासाे छ ।

राष्ट्रिय एकता अभियानद्वारा पाकिस्तानी दुतावास अगाडि प्रर्दशन

0

काठमाडाैँ । राष्ट्रिय एकता अभियानले पाकिस्तानकाे इस्लामाबादमा निर्माणाधिन पहिलाे एैतिहासिक हिन्दु मन्दिर निर्माण कार्य गर्न राेक लगाएकाे प्रति घाेर भत्सर्ना गर्दै काठमाडाैँमा रहेकाे पाकिस्तानी दूतावास अगाडि प्रदर्शन गरेकाे छ।

अभियानले दूतावास अगाडि एक विराेध र्याली निकाल्दै पाकिस्तानका प्रधानमन्त्री इमरान खानद्वारा गरिएकाे हस्तक्षेपकाे भत्सर्ना गरेकाे हाे। इस्लामावादमा हिन्दु मन्दिर बनाउन दिनु हुँदैन भनेर दर्ता गरिएको रिट निवेदन पाकिस्तानको अदालतले खारेज गरेपछि अभियानले अापत्ति जनाएकाे हाे।

अभियानका संयाेजनक विनय कुमारकाे नेतृत्वकाे निकाएकाे विराेध र्‍यालीमा एक सय भन्दा बढीकाे सहभागिता रहेकाे थियाे। र्‍यालीका सहभागीहरूले हिन्दुमाथिकाे दमन बन्द गर, इस्लामाबादमा मन्दिर र गुम्बा बन्नै पर्छ, इमरान खान हाेस गर जस्ता नारा लगाएका थिए।

संयाेजक कुमारले भने,’ पाकिस्तानमा अल्पसंख्यक हिन्दु समुदायमाथि अहिले पनि त्यहाँकाे सरकारले दमन गरिरहेकाे छ ।, हिन्दु मन्दिर तथा बाैद्द गुम्बा बनाउन नदिनु अर्काे ठुलाे अपराध त्यहाँकाे सरकारले गरिरहेकाे छ ।’

पाकिस्तान सरकारले यसअघि राजधानी इस्लामावादमा हिन्दु मन्दिर बनाउन १० करोड रकम विनियोजन गरेको थियो । तर, पाकिस्तानी मुस्लिम लिग (पीएमएल-क्यू) ले राजधानी इस्लामावादमा हिन्दु मन्दिर बनाउने विषयमा विरोध गर्दै रोक लगाएको हाे ।

इस्लामावादमा हिन्दु मन्दिर बनाउनु इस्लामको आत्मसम्मानमा चोट लाग्‍ने र रियासत-आई-मदिनाको अपमान भएको जनाएको थियो । यस विषयलाई लिएर काउन्सिल अफ इस्लामिक आइडियोलोजीले उच्च अदालतमा मुद्दा हालेको थियो ।


इस्लामावाद उच्च अदालतले मंगलबार उक्त मुद्दा खारेज गरेको हो । इस्लामावादमा ०.२ हेक्टरको जमिनमा हिन्दु मन्दिर बनाउने र दाहसंस्कारका लागि घाट बनाउने योजना बनाइएको थियो।

उच्च अदालतले मुद्दा खारेज गरे पनि सरकारी अधिकारीहरुले भने मन्दिरको निर्माण कार्य अघि बढाउने विषय निश्‍चित भइ नसकेको बताएका छन् । यसका लागि काउन्सिल अफ इस्लामिक आइडिओलोजी, सरकारको प्रतिनिधि र धार्मिक नेतासँग बसेर थप छलफल गरिने जनाइएको छ । सरकारले सबैसँग छलफल गरिसकेपछि निर्णय गर्ने बताइएको छ ।

पीएमएल-क्यूले अल्संख्यकको अधिकारको सम्मान गर्नेसमेत जनाएको छ । इस्लामावादमा करिब तीन हजार हिन्दु समुदाय रहेको छ । उक्त मन्दिर इस्लामावादको हिन्दु पञ्‍चायतले बनाउने र उक्त मन्दिर श्रीकृष्णको हुने जनाइएको थियो ।

ऐश्वर्या र आराध्यालाई पनि कोरोना संक्रमण

0

बलिउड नायिका ऐश्वर्या राया बच्चन र उनकी छोरी आराध्यालाई पनि कोरोना संक्रमण पुष्टि भएको छ । यसअघि उनकै परिवारका बलिउड नायक अमिताभ बच्चन र अभिषेक बच्चनलाई कोरोना संक्रमण देखिएपछि उनीहरुको पनि कोरोना परीक्षण गरिएको थियो ।

पहिलो पटक गरिएको परीक्षणमा ऐश्वर्या, उनकी छोरी आराध्या  र कलाकार जया बच्चनको रिपोर्ट नेगिटिभ आएको थियो ।

तर, दोश्रो पटक गरिएको परीक्षणमा ऐश्वर्या र आराध्याको रिपोर्ट पोजिटिभ आएको छ । हाल होम क्वारेन्टाइनमा रहेका उनीहरुलाई अब नानावती अस्पतालमा भर्ना गरिनेछ । कलाकार जया बच्चन भने होम क्वारेन्टाइनमा नै रहनेछिन् ।

आइतबार बिहान गरिएको एन्टिजन टेष्टमा उनीहरुको रिपोर्ट नेगिटिभ आएको थियो । दुवैमा सामान्य लक्षण रहेको भारतीय मिडियाले उल्लेख गरेका छन् ।

नायक अभिषेक बच्चनले यो परिस्थितिमा नआत्तिन सबैसँग अपिल गरेका छन् ।

रक्त अभाव भएपछि युवाहरुले आकस्मिक रक्तदान गरे

0

वीरगन्ज । रक्त सन्चार केन्द्र वीरगन्जमा रगतको अभाव भएपछि युवाहरुले आज आकस्मिक रक्तदान गरेका छन् । रक्त सन्चार केन्द्रले आयोजना गरेको आकस्मिक रक्तदान कार्यक्रममा वीरगन्जका २५ जनाले युवाहरुले रक्तदान गरेका हुन् ।

रक्तदान गर्नेहरुमा अनेरास्ववियु पर्साका सह स‌याेजक मित्रदेव यादव, जेयाद अंसारी, रामबाबु मण्डल, ईबने अलि मंसरी, भगवान साह, आनन्द कुमार साह, आशिष साह, उपेन्द्र महतो, कुन्दन गुप्ता, अरफात अंसारी लगायतका रहेको युवा नसिम अख्तरले जानकारी दिए ।

केहि दिनदेखी रक्त संचार केन्द्रमा रक्त अभाव भएको भन्दै खबर आएपछि सामुहिक रुपमा पुगेका युवाहरुले रक्दातन गरेको अख्तरले बताए ।

रगतको माग दैनिक ४० देखि ५० पिन्ट भएको र केन्द्रमा रक्त सञ्चय नहुँदा समस्या भएको रक्त सन्चार केन्द्र वीरगन्जका प्रमुख शौरभराज पाण्डेले बताए । रगतको अभाव हुन नदिन संघसंस्थाहरूलाई रक्तदान गरेर सहयोग गर्न आग्रह प्रमुख पाण्डेले गरे ।

पाकिस्तानमा मन्दिर निर्माणमा रोक लगाएको विरोधमा वीरगन्जमा प्रदर्शन

0

वीरगंज । पाकिस्तानको ईस्लामाबादमा ऐतिहासिक हिन्दु मन्दिर निर्माणमा रोक लगाएको विरोधमा हिन्दुवादी संगठनले वीरगन्जमा विरोध प्रर्दशन गरेका छन ।

हिन्दु मन्दिर निर्माणमा त्यहाँको सरकारले रोक लगाएको विरोधमा शनिबार नेपाल विश्व हिन्दु महासंघले प्रदर्शन सहित त्यहाँका प्रधानमन्त्री ईमरान खानको पुतला समेत जलाएका हुन । प्रदर्शनमा सहभागी हिन्दु धर्म समर्थकहरुले पाकिस्तानी प्रधानमन्त्री इमरान खानको विरोधमा नाराबाजी गर्दै उनको पुत्ला जलाएका थिए ।

पुतला दहन अघि वीरगन्जको श्रीपुरबाट हिन्दु महासंघले निकालेको विरोध जुलुश नगर परिक्रमा गर्दै घण्टाघर चोकमा पुगेर कोण सभामा परिणत भएको थियो । कोणसभालाई सम्बोधन गर्ने हिन्दु धर्मका अगुवाहरुले पाकिस्तानका प्रधानमन्त्री खान आफैले आदेश दिएपछि इस्लामावादमा हिन्दु मन्दिर निर्माणको काम थालिएको तर पछि त्यहाको राजनीतिक दबाबमा मन्दिर निर्माणमा रोक लगाएर हिन्दु धर्मावलम्बी माथि अन्याय गरेको बताए ।

नेपालका प्रधानमन्त्रीले पाकिस्तानी प्रधानमन्त्रीसंग कुटनीतीक सम्वाद गरेर मन्दिर निर्माणको काम सुचारु नगराए नेपालकै प्रधानमन्त्रीको पनि पुत्ला जलाउन आफुहरु बाध्य हुने चेतावनी पनि उनिहरुले दिए ।

कोणसभालाइ सम्बोधन गर्दै नेपाल विश्व हिन्दु महासंघ राष्ट्रिय उपाध्यक्ष विजय प्रकाश बिनले ८४ प्रतिशत हिन्दु रहेको नेपालमा राष्ट्रिय मुस्लिम आयोग जस्तै राष्ट्रिय हिन्दु आयोग पनि सरकारले गठन गर्नु पर्ने माग गरे । यदि राष्ट्रिय हिन्दु आयोग सरकारले गठन गर्दैन भने मुस्लिम आयोग पनि खारेज हुनुपर्छ, उनले भने,‘ नेपालको पहिचान हिन्दु राष्ट्र नै हो, यो कायम गर्नु पर्छ, अन्यथा हिन्दु राष्ट्रका लागि नेपालका हिन्दुहरु एकजुट भएर सडकमा उत्रिन्छन् ।

उनले नेपाल हिजो पनि हिन्दु राष्ट्र थियो र आज पनि हिन्दु राष्ट्र नै रहेको बताए । नेपालको सविधानमा हिन्दु राष्ट्र नलेखे तापनि नेपालीको मनमुटुबाट हिन्दु राष्ट्र हटाउँन सकिएको छैन, ‘उपाध्यक्ष निषाधले भने, हामी कमजोर नै तर हामी संगठित पनि छौनौ, जुन दिन हामी संगठित हुन्छौ नेपालमा काया पलट हुन्छ र विदेशी एजेन्टहरु पलाएन हुन्छन ।

आफनै देशमा धार्मिक संगठन खोलेर हिन्दु राष्ट्र माँग गरिरहेका छौ यो विलम्बना हो । उनले नेपालको प्रधानमन्त्री, राष्ट्रपति, अर्थमन्त्री र सम्पूर्ण पार्टीको अध्यक्ष हिन्दु भएपनि हिन्दुको आवाज सुन सकेको छैन ।

नेपाल विश्व हिन्दु महासंघ राष्ट्रिय सचिव अभिषेक तिवारीले पाकिस्तानमा हिन्दु माथि भइरहेको ज्यादतीको नेपालका मुस्लिम समुदायले पनि विरोध जनाउनु पर्ने आग्रह गरे । नेपालमा पनि हिन्दु धर्म र हिन्दु धर्मावलम्बीहरु माथि धावा बोल्ने काम भइरहेको भन्दै तिवारीले विदेशी डलरको प्रभावमा परेर नेपाललाइ धर्मनिरपेक्ष राष्ट्र बनाइएको आरोप लगाए ।

उनले भने,‘ क्रिश्चियनहरु हाबी हुदै गइरहेका छन् , यदि सरकारले बेलैमा सोचेन भने देशभरिका हिन्दुहरु आफनो धर्म र धार्मिक पहिचान जोगाउनका लागि सडकमा आउन तयार छन् । नेपाल विश्व हिन्दु महासंघ प्रदेश २ का अध्यक्ष विशाल झाको अध्यक्षतामा भएको विरोध कार्यक्रममा उपाध्यक्ष राम अयोध्या महत्तो, नगर अध्यक्ष अनुराग झा लगायतको सहभागिता रहेको थियो ।

सुरजी देवी मा.वि. वीरगंजमा वृक्षारोपण

0

वीरगंज । विश्व जनसंख्या दिवसको अवसरमा शनिबार सुरजी देबी माध्यमिक विद्यालय वीरगञ्जमा बृक्षा रोपण कार्यक्रम सम्पन्न भएको छ ।

उक्त कार्यक्रममा विद्यालय प्राङ्गण मै उन्नत जातको बिरुवा र फूलहरूको बोट रोपिएको विद्यालय व्यवस्थापन समितिका अध्यक्ष अजय गुप्ताले वताए ।

व्यवस्थापन समितिका अध्यक्ष गुप्ताको अध्यक्षतामा भएकाे कार्यक्रमकाे उद्घाटन साेही विद्यालयका व्यवस्थापन समितिका पूर्व अध्यक्ष एवं नेकपा पर्साका नेता शम्भु गुप्ताले वृक्षा रोपण गरी गरेका थिए ।

वृक्षारोपण कार्यक्रममा वीरगन्ज महानगरपालिका वडा नं १२ का वार्ड अध्यक्ष रामदरस कुशवाहा, विद्यालयका प्रधानाध्यापक नवीन मिश्रा लगायतको उपस्थिति रहेको थियो ।

फेटा गाउँपालिकाद्वारा चट्याङबाट मृत्यु भएका परिवारलाई सहयाेग

0

वीरगंज । बाराकाे फेटा गाउँपालिकाले चट्याङबाट मृत्यु भएका परिवारलाई आर्थिक सहयाेग गरेकाे छ । गाउँपालिकाकाे वडा नं. १ त्रिवेणीमा चट्याङबाट मृत्यु भएका सिन्धु देवी र सुनपती देवीको परिवारलाई आर्थिक सहयाेग गरेकाे हाे ।

मृतकका आफन्त हिरालाल महतो र जादोलाल महतोलाई गाउँपालिकाकाे विपद् काेषबाट रु ५० हजारकाे दरले सहयाेग गरिएकाे प्रमुख प्रशासकिय अधिकृत प्राण मेहताले वताए । सहयाेग  रकम बराबरकाे चेक गाउँपालिका अध्यक्ष अमिरिलाल प्रसादले पिडितहरुकाे घर मै पुगि शुक्रबार हस्तान्तरण गर्नु भएकाे अधिकृत मेहताले जनाए ।

मृतकहरुकाे काज क्रिया गर्नकाे लागि पूर्व घाेषित अनुसारकाे रकम बराबरकाे चेक हस्तान्तरण गरिएकाे उनले जानकारी गराए ।

कार्यपालिका सदस्य विराजमान साह, रामसुनर ठाकुर लगायतकाे उपस्थितीमा चेक हस्तान्तरण गरिएकाे थियाे ।

जेठ १८ गते फेटाकाे गाउँपालिकाकाे त्रिवेणीमा चट्याङ लागेर धान राेपाई गर्न गएका २ महिलाकाे मृत्यु भएकाे थियाे भने ७ जना घाइते भएका थिए ।

विश्व हिन्दु महासंघ पर्साकाे जिल्ला कार्य समिती गठन

0

वीरगंज । नेपाल विश्व हिन्दु महासंघ पर्साकाे जिल्ला कार्य समिती शुक्रबार गठन भएकाे छ ।

श्रीनन्दन भारद्वाजको अध्यक्षतामा १३ सदस्यीय समिति गठन भएकाे हाे । नवगठित समितीको उपाध्यक्षमा ज्योति साह, सन्दीप साह, सचीवमा ओम प्रकाश उपाध्याय, सह सचिवमा बिशाल तिवारी चयन भएका छन् ।

यस्तै समितिकाे सदस्यहरुमा मन्टु कुमार साह, खोभारी पटेल, बिन्देश्वर गिरि, योगेन्द्र शर्मा, मनोज पासवान, राजेन्द्र साह, सुरज रौनियार तथा दिपेन्द्र चौधरीलाई चयन गरिएको छ ।

महासंघको राष्ट्रिय सचिव अभिषेक तिवारीको अध्यक्षता एवं केन्द्रिय संगठन बिभाग प्रमुख बिजय प्रकाश निषादको प्रमुख आतिथ्य तथा प्रदेश २ का संयोजक बिशाल झाको बिशेष उपस्थितिमा बसेको बैठकले जिल्ला कार्य समिती गठन गरेकाे वताइएकाे छ ।

उक्त बैठकले पर्सा जिल्लाका पुर्व अध्यक्ष राम अयोध्या महतो एव पुर्व महानगर अध्यक्ष आकास गुप्तालाई प्रदेश २ को कार्य समितिमा सिफारिस समेत गरेकाे छ ।