वीरगन्ज। पर्सामा काेराेना भाइरस (काेभिड १९) संक्रमणबाट थप एक जनाकाे मृत्यु भएकाे छ । वीरगन्जको नारायणी अस्पतालमा शनिबार बिहान मृत्यु भएका एक पुरुषमा कोरोना संक्रमण पुष्टि भएको हाे ।
नारायणी अस्पतालमा उपचारका क्रममा वीरगन्ज महानगरपालिकाको अठराहा सुगौलीका ४५ वर्षीया पुरुषको शनिबार बिहान ७ बजे तिर मृत्यु भएको थियो । मृत्युपछि उनको स्वाब संकलन गरेर पीसीआर परीक्षणका लागि नारायणीकै प्रयोगशालामा पठाइएको थियो।
प्रयोशगशालाबाट शनिबार दिउँसो प्राप्त रिपोर्टमा ती मृतक पुरुषको पीसीआर रिपोर्ट पोजिटिभ देखिएको अस्पतालका डाक्टर उदय नारायण सिंहले जानकारी दिए।
शनिबार बिहान अचानक स्वास्थ्यमा समस्या आएपछि परिवारले उनलाई बिहान नारायणी अस्पतालमा ल्याएर भर्ना गराएका थिए।
१० दिनदेखि ज्वरो र खोकीले ग्रस्त उनमा शनिबार बिहान अचानक श्वास फेर्न गाह्रो भएपछि अस्पतालमा ल्याइए लगत्तै उनको मृत्यु भएको डाक्टर सिंहले बताए । योसँगै पर्सामा कोरोनाका कारण मृत्यु हुनेको संख्या २१ पुगेको छ।
वीरगञ्ज । पर्सामा थप २१ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालकाे प्रयाेगशालामा गरिएकाे परिक्षणमा पर्साका २१ जना र बाराका २ जना गरी थप २३ जनामा कोरोना संक्रमण पुष्टि भएको हो ।
नारायणी अस्पतालका मेडिकल सुपरिडेन्टेन्ट मदन उपाध्यायले दिएको जानकारी अनुसार संक्रमित हुनेहरुमा १६ जना पुरूष र ७ जना महिला रहेका छन् । संक्रमित हुनेमा ११ वर्षको बालक देखि ६० वर्षका बृद्ध पुरुषसमेत रहेका छन् ।
शुक्रबार अबेर राती प्रयोगशालमा गरिएको परीक्षणमा संक्रमण पुष्टि हुनेमा वीरगन्ज महानगरपालिकास्थित नारायणी अस्पतालमा गरिएको कन्ट्याक्ट ट्रेसिङमा परेका सबैभन्दा धेरै संक्रमित रहेका छन् । संक्रमित हुनेहरुमा अच्च अदालत जनकपुर अस्थायी इजलास वीरगन्ज सरकारी वकिल कार्यालयका २८ बर्षका १ जना खरिदारसमेत रहेका छन् ।
वीरगन्ज बसर्पाकमा रहेको हिमाल भान्सा घर होटलमा कार्यरत ३५ बर्षीय १ जना कर्मचारी, वीरगन्ज हेल्थ केयर अस्पतालका २ जना कर्मचारी, वयोधा अस्पतालको १ जना कर्मचारी र वयोधा अस्पतालमा रहेको खाजा घरका १ जनामा पनि संक्रमण पुष्टि भएको छ ।
स्वावलम्बन लघुवित्त वित्तीय संस्थाका ५३ बर्षका उप प्रबन्धकमासमेत संक्रमण पुष्टि भएको छ ।
यस्तै संक्रमित हुनेमा वीरगन्ज महानगरपालिका विभिन्न वडाका १३ जना र पर्सागढी नगरपालिका वडा नम्बर ८ हरपुरका २३ बर्षका १ जना पुरुष रहेका छन् ।
त्यसैगरी बारा जिल्ला जितपुर सिमरा उपमहानगरपालिकाको जितपुरमा रहेको नेपाल इन्भेष्टमेण्ट बैकका २८ बर्षका १ जना कर्मचारी रहेका छन् । बारा कै कलैया वडा नम्बर १२ का ४१ बर्षीय महिला रहेकी नारायणी अस्पतालका मेसु उपाध्यायले जानकारी दिए ।
वीरगन्ज । पर्सामा थप १ जना कोरोना संक्रमितको मृत्यु भएको छ । नारायणी अस्थायी विषेश कोरोना अस्पताल गण्डकमा थप १ जना कोरोना संक्रमितको मृत्युु भएको हो ।
वीरगन्ज महानगरपालिका वडा नम्बर १२ मुर्ली घर भएका ६० बर्षीय वृद्धको गण्डक काेराेना अस्पतालमा उपचारकाे क्रममा शुक्रबार बेलुका मृत्यु भएको अस्पतालका संयाेजक डा उदय नारायण सिंहले जानकारी दिए ।
मृतक वृद्धको पिसिआर रिपोर्टमा साउन २१ गते कोरोना संक्रमण पुष्टि भएको थियो । त्यसलगत्तै ज्वरो आएएपछि उनी नारायणी अस्पताल अस्थायी विषेश कोरोना अस्पताल गण्डकमा साउन २४ गते साँझ भर्ना भएका थिए । विगत ६ दिनदेखि उपचाररत उनको शुक्रबार बेलुकी मृत्यु भएको संयाेजक डा सिंहले बताए । योसँगै वीरगन्जमा कोरोनाका संक्रमणबाट मृत्यु हुनेको संख्या २६ पुगेको छ । साउनमा मात्रै २२ जनाको मृत्यु भएको हो ।
वीरगन्जमा अहिलेसम्म कोरोनाका कारण मृत्यु भएका २६ मध्ये पर्साका १९, बाराका ५, रौतहटका १ जना रहेका छन् । जेठ ३१ गते वीरगन्जको घण्टाघरमा वेवारिसे मृत भेटिएका एक संक्रमित युवकको भने हालसम्म पहिचान खुल्न सकेको छैन ।
वीरगन्ज । वीरगंजकाे काेराेना अस्पतालबाट काेराेना निकाे भएर ३६ जना डिस्चार्ज भएका छन् । वीरगन्ज हेल्थ केयर अस्थायी कोरोना अस्पतालबाट २८ जना र गण्डक अस्थाई काेराेना अस्पतालबाट ८ जना गरी ३६ जना डिस्चार्ज भएकाे गण्डक काेराेना अस्पतालका संयाेजक डा उदय नारायण सिंहले जानकारी दिए ।
वीरगंज हेल्थ केयरबाट डिस्चार्ज हुनेमा साढे दुई वर्षीया बालिका र ६ महिलासहित २८ जना रहेका छन् । पछिल्लो रिपोर्ट नेगेटिभ आएपछि डिस्चार्ज गरिएको संयाेजक डा सिंहले जानकारी दिए । काेराेना जितेर डिस्चार्ज हुनेमा एक पत्रकारसमेत रहेका छन् ।
डिस्चार्ज हुनेमा वीरगन्ज महानगरपालिका ११ श्रीपुरका १२ जना रहेका छन् । वीरगन्ज २५ सिर्सियाका ६ जना डिस्चार्ज भएका छन् । यसैगरि पर्साको सखुवा प्रसौनी गाउँपालिकाका ३ जना निको भएर घर फर्किएका छन् ।
अन्य डिस्चार्ज हुनेमा वीरगन्ज १० घडिअर्वा, वीरगन्ज २२ मनियारी, नगवा, प्रतिमा चौकका बासिन्दा हुन् । बाराको आदर्श कोतवाल– ६ का एकना डिस्चार्ज भएका हुन् ।
ब्रिलिएन्ट युवा क्लबका अध्यक्ष छठु साहले प्रमुख प्रशासकिय अधिकृत साहलाई सम्मान पत्र प्रदान गर्दै : कालिका टाइम्स
वीरगंज । पर्साकाे कालिकामाई गाउँपालिकाकाे प्रमुख प्रशासकिय अधिकृत राजु प्रसाद साहकाे शुक्रबार बाजागाजासहित भव्य बिदाई गरिएकाे छ । प्रशासकिय अधिकृत साहकाे दाेलखाकाे सैलुङ्ग गाउँपालिकामा सरुवा भएपछि आज बिदाई गरिएकाे हाे ।
साहले गाउँपालिकाकाे चाैतर्फी बिकासमा कुशल प्रशासकिय अधिकृतकाे भुमिका निर्वाह गरेकाे भन्दै स्थानिय गैर सरकारी संस्था ब्रिलिएन्ट युवा क्लबलेसमेत सम्मानसहित बिदाई गरेकाे छ । संस्थाले कालिकामाई गाउँपालिकाकाे वडा नं.२ गदियानीस्थित रहेकाे आफ्नाे प्रधान कार्यालयमा एक कार्यक्रमकाे आयाेजना गरी प्रशासकिय अधिकृत साहलाई सम्मान गर्दै बिदाई गरेकाे हाे ।
कार्यक्रममा संस्थाका अध्यक्ष छठु साहले प्रशासकिय अधिकृत साहलाई दाेसला ओढाएर सम्मान पत्रले सम्मान गरे । उनले प्रशासकिय अधिकृत साहकाे कार्यकाल अहिले सम्म कै प्रशासकिय अधिकृतहरु मध्ये उत्कृष्ट भएकाे वताए ।
गैर सरकारी संस्था महासंघ नेपाल पर्साका अध्यक्षसमेत रहेका साहले अव्यवस्थित रहेकाे कालिकामाई गाउँपालिकालाई प्रशासकिय अधिकृत साहले आफ्नाे कार्यकालमा व्यवस्थित बनाउन सफल भएकाे वताए । अधिकृत साहका कारण कालिकामाई गाउँपालिका विकास निर्माणमा गति लिएकाे वताउदै साहले प्रशासकिय अधिकृत साहकाे कार्यकाल समग्रमा राम्राे र सराहनिय रहेकाे वताए ।
प्रशासकिय अधिकृत साहले गाउँपालिकाकाे युवा, बुद्धिजिवि, गैर सरकारी संस्था लगायतकाे समन्वय र सहकार्यमा काम गरेकाे वताए । आफ्नाे कार्यकालमा यहाँका सबै बर्गबाट पाएकाे सहयाेग र सहकार्यका लागि अभार पर्कटसमेत गरे ।
कार्यक्रममा वडाध्यक्षद्वय पवन तिवारी, हरिओम साह कलवार, ब्रिलिएन्ट युवा क्लबका पूर्व अध्यक्ष सुरज राम, काेषाध्यक्ष सदाम हुसेन लगायतकाले शुभकामना मन्तव्य राखेका थिए भने कार्यक्रमकाे संचालन सदस्य शम्भु कुमार सुमनले गरेका थिए ।
यस्तै कालिकामाई गाउँपालिकाले पनि अधिकृत साहकाे बाजागाजासहित भव्य रुपमा बिदाई गरेकाे छ । गाउँ कार्यपालिकाकाे कार्यालय हरिहरपुर बिर्तामा भएकाे कार्यक्रममा जनप्रतिनिधिहरुकाे उनकाेक कामकाे प्रशंसा गर्दै बिदाई गरेका हुन् ।
पौराणिक महत्वको खुर्दुक सहनाई बजाएर अधिकृत साहकाे बिदाई गरिएकाे छ । धुमधामका साथ विदाई कार्यक्रम आयोजन भएपनि त्याहा उपस्थित जनप्रतिनिधी, कर्मचारी र स्थानिय जनताको आंखा रसाएको थियो । आमनागरिक देखी जनप्रतिनिधी र कर्मचारीहरु आफुबीचबाट एक कुशल कार्यालय प्रमुख विदाई भइरहेकोले दुखी हुदै केही बेर भावविहल बनेका थिए ।
गाउँपालिका अध्यक्ष नथुनि प्रसाद कुशवाहा पनि मन्तव्य राख्ने क्रममा भावहिल भएका थिए । उनकाे आँखा रसाएपछि बाेल्न सकेका थिएनन् ।
दुई वर्ष अगाडी लाथलिं अवस्थामा रहेको कालिकामाई गाउँपालिकाको कार्यालयलाई आफनो १६ महिने कार्यकालमा साहले व्यवस्थित बनाउदै सेवा प्रवाह सहज गरेको र दैनिक कार्यालयमा उपस्थित हुने गरेको कारण स्थानिय सेवाग्रही उनीसंग राम्ररी घुलमिल भएका थिए ।
कतिपय पालिकामा कर्मचारी जनप्रनिधी बीच जुहारी चली रहेको अवस्थामा कालिकामाईका जनप्रतिनिधी र आम नागरिक भने राजु साहको विदाई हुदा भावविहल हुनु पक्कैपनि उनको क्षमताको उदाहरणको रुपमा रहेकाे देखियाे ।
युवा जोश जागर भएका साह सुरुवाती दिनमा धेरै मेहनत गरि गाउँपलिकाका सम्पुर्ण सेवाहरु व्यवस्थीत गरि नागरिकलाई छिटो र सहज सेवा प्रवाहको व्यवस्था बनाउने, योजना, बजेट संचालनको क्रममा कठोरता र पारदर्शीता अपनाई काम गरेका थिए ।
कालिकामाई गाउँपालिकामा अधिकृत साहकाे कामकाजकाे चाैतर्फी प्रशंसा भएकाे छ । उनले कालिकामाईमा आएदेखी अव्यवस्थित रहेकाे गाउँपालिका कार्यालयलाई व्यवस्थित बनाएका छन् । उनकाे सरुवाले कालिकामाईमा गति लिएकाे बिकास निर्माणमा अवराेध पुग्ने सक्नेसमेत अशंका गरिएकाे छ ।
वीरगंज । समुदायमा कोरोना रोग फैलिरहेकोले नियन्त्रणका लागि सरकारी संयन्त्र तथा स्वास्थ्य संस्थासंग समन्वय गर्न वीरगञ्जमा कोभिड एक्सन टिम (CAT) गठन भएको छ ।
जिल्ला समन्वय समिति पर्सामा बसेको सर्वपक्षिय बैठकले कोभिड एक्सन टिम गठन गरेको हो । बैठकले जिल्ला समन्वय समिति पर्साका सभापत्ति नेक महमद हुसैनको संयोजक्त्तवमा एक सक्रिय समुहको निमार्ण गरेको छ । सो समुहमा नेपाली कांग्रेसका जिल्ला सचिव श्याम पटेल, जनता समाजवादी पार्टीका जिल्ला सचिव तबरेज अहमद, नेकपाका प्रतिनिधि संजिव मिश्रा, नेपाल पत्रकार महासंघका उपाध्यक्ष अनुप तिवारी, वीरगञ्ज उधोग बणियज्य संघका मनोज कुमार दास, संचारकर्मी राजन रौनियार, राजेन्द्र सिंह, शम्भु कुमार सुमन, नरेश सरार्फ, हरि प्रसाद कुर्मी सदस्य रहनु भएको कार्यदल गठन भएको हो ।
कारोनाबाट बिचल्ली भएको र सो रोगका नलागे पनि उन्य रोगको उपचार अभावका कारण अनाहकमा ज्यान गुमाउन थालेपछि सो समुह सर्वसाधारणको सहयोगका लागि निमार्ण भएको CAT संयोजक नेक महमद हुसैनले जानकारी दिनु भयो ।
यता, जनता समाजवादी पार्टीका सचिव तथा CAT का सदस्य तबरेज अहमदले आजबाट निशुल्क साहयता कक्ष संचालनमा ल्याई चारवटा हेल्प लाईनबाट जनताको सहयताको निम्ती प्रयोगमा ल्याईको जानकारी दिनु भयो । समयमा उपचार नपाएको वीरगञ्जको पछिल्लो उदाहारणले निकै पिडादायक घटनालाई स्मरण गर्दै उहाँले समस्या तथा समाधानको रुपमा यो कार्यदल पुलको भुमिका निर्वाह गर्ने बताउनु भयो ।
त्यस्तै एक हप्ताको अथक प्रयासबाट गठन भएका कार्यदलले सम्पुर्ण पर्साबासीको लागि काम गर्ने नेपाली काग्रेसका नेता श्याम पटेलको भनाई छ । वहाँले कहि कतै समस्या भएको खण्डमा ९८४५०२२०७३, ९८५५०२८१८२, ९८५५०४००७५, ९८५५०३३६०१ मा सम्पर्क गर्न पनि अनुरोध गर्नु भयो ।
यसै बिच, सर्व साधारणको सहायोग तथा कार्यदल सम्मको सम्पर्कका निम्ती मिडिया सेन्टर समेत निर्माण भएको छ । संचारकर्मी राजन रौनियारको संयोजक्त्तवमा ५ सदस्य कमिटी बनाइएकाे हो । कमिटिमा संचारकर्मी राजेन्द्र सिंह राजपुत, शम्भु कुमार सुमन, नरेश सरार्फ तथा आरोहण साह रहेको बताईएको छ ।
वीरगंज । निजि अस्पतालले कोरोना संक्रमणको नाममा उपचार नगरेका कारण ज्यान गुमाएका परिवारलाई उचित क्षतिपुर्ती र न्याय दिलाउँन काँग्रेस निकट नेपाल विद्यार्थी संघ पर्साले बिहिबार पनि वीरगन्जमा प्रर्दशन गरेको छ । वीरगन्जको घण्टाघर चोकमा भेला भएका नेवि संघका नेता तथा कार्यकर्ताहरुले निजि अस्पतालको लापरवाहीले ज्यान गुमाएका पिडित परिवारलाई न्याय दिनुपर्ने माँग गरेका छन ।
निषेधाज्ञा उल्घंन गर्दै प्रदर्शनमा उत्रेका नेवि संघले प्रहरी नियन्त्रणमा रहेका आफ्नाे संगठनका नेता विकास तिवारीलाई रिहा गर्न माग समेत गरेका छ ।
तिवारीलाई विना सर्त रिहाईको माँग गर्दै नेवि संघका नेता तथा कार्यकर्ताहरुले शान्तिपूर्ण प्रर्दशन गरेका हुन । हाम्रो आवाज दबाउँनको लागि प्रहरीले ठूलो मुद्दा लगाएर फसाउँन खोजेको नेवि संघ पर्साका पूर्व सभापती राकेश यादवले आरोप लगाए । यो भन्दा पहिला पनि तिवारीलाई तीन पटक साईबर क्राईम गरेको झुठो आरोपमा पक्राउ गर्दै छाडेको छ ।
कोरोना भाईरसको नाममा यहाँका निजि अस्पतालले विरामीहरुको उपचार गर्न छाडेका छन । विरामीहरु उपचार गराउँन जाँदा उपचार नै नगरी अस्पतालमा प्रवेश गर्न नदिएपछि कतिजनाले उपचार नपाउँदा अकालमै ज्यान गुमाएका छन । हालसम्म पर्सामा ७ जना उपचारको अभावमा ज्यान गुमाएपनि स्थानिय प्रशासनले कारवाहीको लागि कुनै ठोस कदम नचालेपनि बाध्य भएर जनताको आवाज उठाउँदै नेवि संघ सडकमा उत्रेका हुन ।
उनीहरुले नारायणी अस्पताललाई कोभिड मुक्त अस्पताल घोषणा गरी जेनरल सेवा सुविधा सहित जनताको लागि खुल्ला गर्नुपर्ने, अस्पतालले भर्ना नगर्दा उपचारको अभावमा ज्यान गुमाएका पिडित परिवारलाई न्याय तथा उचित क्षतिपुर्ती दिनुपर्ने र दोषी अस्पतालहरुलाई कडा भन्दा कडा कारवाही गर्नुपर्ने माँग अघि सारेका छन ।
त्यसैगरी कोरोनाले गर्दा जारी निषेधाज्ञाले गर्दा खाई कमाई गर्न नसकेका गरिब जनतालाई राहतको व्यवस्था हुनुपर्ने र कोरोनाको भयावह स्थितीलाई समान्य बनाउँन उचित स्वास्थ्य सामाग्री, चिकित्सक सेवा सुविधाको यथासिघ्र व्यवस्था मिलाउँनु पर्ने माँग गर्दै आन्दोलनमा उत्रेका हुन ।
गत सोमबार पहिलो चरणको शान्तिपूर्ण रुपमा यी माँगहरु राख्दै प्रमुख जिल्ला अधिकारीलाई ज्ञापन पत्र बुझाउँन जाँदा प्रजिअले ज्ञापन बुझन नमानेपछि जिल्ला प्रशासन कार्यालयको मुल गेटमा धर्ना दिदा प्रहरीले हस्तक्षेप गरी लाठीचार्ज गर्दै तीनजना विद्यार्थी नेतालाई नियन्त्रणमा लिएको थियो ।
प्रहरीले आन्दोलनमा सहभागि नेवि संघका जिल्ला अध्यक्ष विकास तिवारी, उपाध्यक्ष शेष हजरा र ठाराब ईकाई अध्यक्ष मनोज साहलाई नियन्त्रणमा लिएको थियो । प्रहरीले उनीहरुलाई नियन्त्रणमा लिएपछि चौतर्फी विरोध हुन थालेपछि पक्राउ परेकै दिन राती ११ बजे विना सर्त रिहा गरेका थिए ।
संक्रमणको नाममा आम सर्वसाधारण जनता उपचार सेवा नै बन्चित हुन थालेको र उपचार नै नगरेपछि अकालमै ज्यान गुमाएपनि यहाँका सम्बन्धीत निकायले पहल नगरेपछि बाध्य भएर जनताको अधिकारलाई सम्बोधन गराउँन तिवारी नेतृत्वको नेवि संघ सडकमा उत्रेका थिए ।
नेवि संघ ठाकुर राम इकाइ समितिका सभापति मनाेज साहकाे अध्यक्षतामा भएकाे बिराेध प्रदर्शनमा नेवि संघ पर्साका उपाध्यक्ष शेष हजारा, केशव राज मिश्र, प्रभु साह, अकाश नेपाली, रमेश यादव, सुरेश महतो, संजय महतो लगायतकाे उपस्थिती रहेको थियो ।
वीरगन्ज । नारायणी अस्पताल वीरगंजमा उपचारका क्रममा बिहीबार बिहान मृत्यु भएका दुई पुरुषमा कोरोना संक्रमण पुष्टि भएको छ । कोरोना संक्रमण पुष्टि भएका मृतक दुवै बाराका हुन् ।
बाराको प्रसौनी गाउँपालिका–२ प्रसौनी टोलका ६५ वर्षीय दिनेशप्रसाद कलवारको नारायणी अस्पतालमा उपचारका क्रममा बिहीबार बिहान साढे ८ बजे मृत्यु भएको हो।
४/५ दिनदेखि ज्वरो र खोकीको समस्याले ग्रसित कलवारलाई बुधबार राति दमका कारण श्वासप्रश्वासमा समस्या भएपछि उपचारका लागि नारायणी अस्पतालमा ल्याएर भर्ना गरिएको थियो । उपचारकै क्रममा उनको बिहीबार बिहान साढे ८ बजे मृत्यु भएपछि स्वाब संकलन गरिएको थियो ।
नारायणी अस्पतालकाे प्रयोगशालामा गरिएकाे पिसिआर परिक्षणमा उनकाे रिपाेर्ट पोजिटिभ आएकाे अस्पतालका चिकित्सक डा. उदय नारायण सिंहले जानकारी दिए ।
यस्तै नारायणी अस्पतालमै उपचारका क्रममा बिहीबार बिहान मृत्यु भएका बाराको जितपुरसिमरा उपमहानगरपालिका–४ सिमराका ५० वर्षीय शेख समिमुल हकमा पनि कोरोना संक्रमण पुष्टि भएको डाक्टर सिंहले बताए ।
ज्वरो र खोकी लागेका हकलाई बुधबार दिउँसो उपचारका लागि वीरगन्जस्थित नेशनल मेडिकल कलेजमा लगेर भर्ना गरिएको थियो । तर त्यहा स्वास्थ्यमा सुधार नभएपछि मेडिकल कलेजले नारायणी अस्पतालमा रेफर गरेको थियो ।
स्वास्थ्य अवस्था जटिल बन्दै गएपछि बुधबार साँझ ६ बजे उनलाई अस्पतालको भेन्टिलेटरमा राखेर उपचार गरिएको र बिहीबार बिहान उनको मृत्यु भएको डाक्टर सिंहले जानकारी दिए ।
योसँगै वीरगन्जमा कोरोनाका कारण मृत्यु हुनेको संख्या २५ पुगेको छ । जस मध्ये पर्साका १८ जना छन् भने बारा ५ र राैतहटका एक जना छन् । वीरगंजमा काेराेनाबाट एक भारतिय नागरिककाे पनि मृत्यु भएकाे छ ।
श्वासप्रश्वासमा समस्या भएपछि बीरगन्जस्थित तराई अस्पतालमा भर्ना गरिएका यादवलाई साउन २६ गते साेमबार थप उपचारकाे लागि हेलिकप्टरबाट काठमाण्डाै लगिएकाे थियाे । काठमाडाैंस्थित मेडिसिटी हस्पिटलमा भर्ना गरिएका मेयर यादवलाई बुधबार सांझ आएकाे पिसिआर रिपाेर्ट पाेजिटिभ देखिएकाे उनीसंगै काठमाडाैंमा रहेका गिरि राज कडेलले जानकारी दिए ।
मेयर सावमा काेराेना पाेजिटिभ देखिएपछि मेडिसिटिबाट ह्याम्स अस्पताल धुमबाराहि काठमाण्डौमा आज भर्ना गरिएकाे कडेलले जानकारी गराए । उनले मेयर सावकाे काेराेना रिपाेर्ट पाेजिटिभ देखिएपनि स्वास्थ्य अवस्था पहिला भन्दा अहिले सुधार हुदै गएकाे जनाए ।
कडेलका अनुसार मेयर सावलाई सुरुमा आइसियुमा राखेर उपचार गरिएपनि अहिले हयाम्सकाे आइसाेलेसन वार्डमा सिफ्ट गरिएकाे छ । मेयर यादव अहिले माेबाइलमा कुरा गर्न समेत थाल्नु भएकाे छ । क्रमिक रुपमा स्वास्थ्य अवस्था सुधार हुदै गएकाे छ ।
वीरगंज । नेपाल विद्यार्थी संघ पर्साका सभापति विकास तिवारीलाई रिहा गर्न उनको संगठनले माग गरेको छ । वीरगञ्जमा बिहीबार पत्रकार सम्मेलन गरी नेवि संघले तिवारीलाई अनाहकमा पक्राउ गरी प्रहरीले दु:ख दिएको बताएको छ ।
उसको कुनै दोष छ भने प्रमाणित गरेर देखाउनुपर्छ, होइन भने अनाहकमा पटक पटक पक्राउ गरेर दुःख दिने अधिकार प्रहरीलाई कसले दिएको छ ?’ नेविसंघका पूर्व जिल्ला अध्यक्ष राकेश यादवले भने ‘बर्दीको आडमा प्रहरीको ज्यादती धेरै दिन सहेर बस्ने पक्षमा हामी छैनौं ।’
साउन २६ गते जिल्ला प्रशासन कार्यालय पर्सा अगाडि प्रदर्शनका क्रममा नेविसंघका जिल्ला सभापति तिवारी, उप सभापति शेष हजारा र ठाकुर राम इकाई अध्यक्ष मनोज साह पक्राउ परेका थिए । उनीहरुलाई सोही दिन राति साढे ११ बजे नेपाली कांग्रेसका जिल्ला सचिव श्याम पटेलको जिम्मामा छाडिएको थियो । तर प्रहरीले पुनः तिवारीलाई साउन २८ गते बुधबार घरबाटै अपहरण शैलीमा गिरफ्तार गरिएको पत्रकार सम्मेलनमा नेवि संघ नेताहरुले वताए ।
पटक पटक गिरफ्तार गरेर दुःख दिएको, कसैलाई भेट गर्न नदिएको, कहिले साइबर क्राइम त कहिले सामाजिक शान्ति व्यवस्था भंग गरेको भनी आरोप लगाउने गरेको गुनासो उनीहरुको छ ।
उपचार नपाएर अनाहकमा ६ जनाले मृत्युवरण गरेको अवस्थामा त्यस्ता अस्पताललाई कारबाही गनुपर्ने र स्वास्थ्य सेवामा सुधार गर्नुपर्ने माग राखेर सडक आन्दोलन गर्दा पक्राउ गरेको नेविसंघको आरोप छ ।
तिवारीलाई रिहा नगरे आन्दोलन गर्ने उनका समर्थकहरुले चेतावनी दिएका छन् । उनीहरुले आज सांझ ४ बजे वीरगंजकाे घण्टाघरमा शान्तिपूर्ण प्रदर्शन गर्ने पनि जनाएका छन् ।
नेवि संघ पर्साका उपाध्यक्ष शेष हजाराको अध्यक्षमा गरिएको पत्रकार सम्मेलनमा नेवि संघका नेता अभय कर्ण, ठाकुर राम एकाई समितिका अध्यक्ष मनोज साह, केशव राज मिश्र, प्रभु साह, अकाश नेपाली, रमेश यादव, सुरेश महतो, संजय महतो लगायतकाे उपस्थिती रहेको थियो ।
प्रहरीले साइबर क्राइम अन्तर्गत अनुसन्धान गर्न तिवारीलाई नियन्त्रणमा लिएकाे जनाएकाे छ । प्रहरीले बुधबार तिवारीलाई नियन्त्रणमा लिएपनि बिहिबार सार्वजनिक शान्तिविरुद्धको कसुरमा अनुसन्धान गर्न म्याद थपका लागि अदालत पठाएकाे छ ।