Date
शनि, मंसिर ५, २०८३
Sat, November 21, 2026
Home Blog Page 940

रिहा भए नेवि संघका नेता विकास तिवारी

0

वीरगंज । नेवि संघ पर्साका जिल्ला सभापति विकास तिवारी रिहा भएका छन् । जिल्ला प्रशासन कार्यालय पर्साकाे आदेशमा नेता तिवारी साेमबार छैठाे दिन रिहा भएका हुन् ।

प्रहरी हिरास्तमा रहेका नेता तिवारीलाई रु २ हजार धराैटीमा रिहा गर्न पर्साका प्रमुख जिल्ला अधिकारी अस्मान तामाङकाे आदेश अनुसार प्रहरीले उनलाई छाेडेकाे हाे । तिवारी रिहा भएपछि नेवि संघ पर्साका नेता तथा कार्यकर्ताहरुले उनकाे स्वागत समेत गरेका छन् ।

पर्सा प्रहरीले साउन २८ गते उनलाई नियन्त्रणमा लिएर सार्वजनिक शान्ति विरुद्धकाे खसुर मुद्दा दायर गरेकाे थियाे । 

सार्वजनिक शान्तिमा खल्ल पुग्ने गरी फेसबुकमा लेखेकाे आराेपमा प्रहरीले तिवारीलाई नियन्त्रणमा लिएर मुद्दा दायर गरेकाे थियाे । काेराेना महामारी राेकथाम तथा नियन्त्रणमा नारायणी अस्पतालका मेसु डा. मदन उपाध्यायले प्रभावकारी काम गर्न नसकेकाे भन्दै नेता तिवारीले फेसबुकमा आक्राेस पाेखेका थिए ।

साेही खसुरमा उनलाई प्रहरीले नियन्त्रणमा लिएर मुद्दा चलाएकाे थियाे । प्रहरी नियन्त्रमा रहेका तिवारीकाे रिहाईकाे माग गर्दै नेवि संघले दबाव स्वरुप प्रदर्शन समेत गरेकाे थियाे ।

यसअघि पनि निजि अस्पतालहरुले जनताकाे स्वास्थ्यसंग खेलवाड गरेकाे विरुद्धमा प्रदर्शनमा उत्रेका नेता तिवारी प्रहरी नियन्त्रणमा परेका थिए ।

५ बुंदे माग राख्दै डाक्टरहरुले बुझाए ज्ञापन

0

वीरगंज । निजि अस्पतालमा कार्यरत डाक्टरहरुले आज ५ बुुंदे विभिन्न माग राख्दै नेपाल चिकित्सक संघ नारायणी, वीरगंजलाई ज्ञापन पत्र बुझाएका छन् ।

निजि अस्पतालमा कार्यरत डाक्टरहरुकाे संगठन मेडिकल अधिकृत (एमओ)ले चिकित्सक संघ नारायणी शाखाका सचिव डा. उदयनारायण सिंहलाज्ञ ज्ञापन पत्र बुझाएका हाे ।

डाक्टरहरुकाे न्यूनतम मासिक तलब रु ६५ हजार, स्वास्थ्य जिवन विमा न्यूनतम रु २५ हजार, अस्पतालमा काम गरुनजेल अस्पतालकाे तर्फबाट क्वारेन्टाइनमा बस्ने सुबिधा, डब्लुएचओकाे गाइड लाइन अनुसार सुरक्षा सामग्री र कार्य अवधिमा काेभिड संक्रमण भएमा अस्पतालबाट नि:शुल्क स्वास्थ्य उपचारकाे माग गर्दै ज्ञापन पत्र बुझाइएकाे एमओका सदस्य डा. तेजनाथ तिवारीले वताए ।

मेडिकल अधिकृत वीरगंजका उपाध्यक्ष डा. विवेक यादवले ज्ञापन पत्र बुझाउदै तपसिलका मागहरु ७ दिन भित्र पुरा नभएका आफुहरु काम गर्न असमर्थ हुने जानकारीसमेत गराए । 

काेराेना महामारीमा पनि नियु्न्तम सुरक्षा सामग्रीका साथ १० बर्ष पुरानाे तलब स्केलमा आफुहरुलाई काम गर्नु परेकाे चिकित्सहरुकाे भनाई छ ।  

सुबोध स्मृति फोटो पत्रकारिता पुरस्कार खड्कालाई प्रदान

0
वीरगंज । वीरगंजबाट प्रकाशित हुने प्रतीक दैनिकले आज ३४ औं वार्षिकोत्सव मनाएको छ । वार्षिकोत्सवको अवसरमा प्रत्येक वर्ष प्रदान गर्दै आएको सुबोध फोटो पत्रकारिता पुरस्कार यस वर्ष मध्यनेपाल दैनिकको कविता खडकालाई प्रदान गरिएकाे छ ।
 
पत्रिकाका प्रधानसम्पादक जगदीशप्रसाद शर्माले २५ हजार रुपिया“ पुरस्कारसहित दोसल्ला ओढाएर प्रमाणपत्रले सम्मान गर्नुभएको थियो ।
 
कोरोना सङ्क्रमण बेला भएकोले प्रतीक दैनिकको कार्यालयमा कार्यालयलाई विसङ्क्रिमत गरेर ग्लब्स, मास्क लगाई स्वास्थ्य र सुरक्षाको मापदण्ड पूरा गर्दै कार्यालय कर्मचारी र पुरस्कृत व्यक्तिहरूको मात्र सहभागितामा वार्षिकोत्सव कार्यक्रम पत्रिकाको कार्यालयमा आयोजना गरिएको प्रधान सम्पादक शर्माले बताउनुभयो ।
 
वहा“ले यसपटक कोरोनाको महामारीको समयमा जोखिम मोल लिएर अहोरात्र सेवा गर्ने स्वास्थ्यकर्मी, सफाइकर्मी, सुरक्ष्ाँकर्मी तथा सञ्चारकर्मीलाई तत् क्ष्ँेत्रको प्रतिनिधिको रूपमा सम्मानित गरिएको बताउनुभयो । यस क्रममा स्वास्थ्यकर्मी प्रतिनिधिका रूपमा कालिका मेडिकल हालकी सञ्चालिका मीना बटाला, पत्रकार शेखर छतकुली, सामुदायिक सेवा केन्द्र मुर्लीका प्रसनि इनाकुमारी बडाल, प्रहरी जवान रविकुमार सिंह, फन एन्ड फनका बृजेश अग्रवाल, क्षीरसागर स्वीट्सका सुबोध सिंहलाई सम्मान गरिएको थियो ।
 
वार्षिकोत्सवमा टोलमा सरसफाई गर्दै आएका सफाइ नाइके अयोध्याप्रसाद तत्वासहित ६ जनालाई नगद पुरस्कार सहित सम्मान गरिएको थियो ।
 
यसैगरी वार्षिकोत्सवको अवसरमा पत्रिकाका सम्पादक शत्रुघ्न नेपाललाई नगद रु १० हजार र स्तम्भकार विनोद गुप्तालाई नगद रु ५ हजारसहित प्रमाणपत्रद्वारा सम्मान गरिएको थियो । कार्यक्रमको सहजीकरण पत्रिकाका सम्पादक प्रताप श्रेष्ठले गर्नुभएको थियो ।

जगरनाथपुरका स्वास्थ्य संयाेजकसहित १५ जनामा काेराेना संक्रमण

0

वीरगंज । पर्साकाे जगरनाथपुर गाउँपालिकामा १५ जनामा काेराेना संक्रमण पुष्टि भएकाे छ । गाउँपालिका स्वास्थ्य संयाेजक प्रभेन्द्र साहसहित १५ जनामा काेराेना संक्रमण पुष्टि भएकाे हाे ।

आइतबार सांझ प्राप्त रिपाेट अनुसार ५ जना स्वास्थ्यकर्मीसहित १५ जनामा काेराेना पाेजिटिभ देखिएकाे छ । गाउँपालिका कार्यालयका दिपेन्द्र चाैधरीका अनुसार संक्रमित हुनेहरुमा एक जना महिला पनि रहेका छन् । संक्रमितहरु १४ बर्ष देखी ५१ बर्ष सम्मका रहेका छन् ।

एक जना शिक्षक पनि काेराेना संक्रमित भएका छन् । अन्य संक्रमितहरु गाउँपालिकाकाे क्वारेन्टाइनमा बसेका वडा नं. ३ र ४ का रहेका छन् । 

काेराेना परिक्षणकाे लागि साउन २६ गते मंगलबार ४२ जनाकाे स्वाब संकलन गरि पिसिआर परिक्षणकाे लागि नारायणी अस्पतालमा पठाइएकाे थियाे । नारायणी अस्पतालकाे प्रयाेगशाला पिसिआर किट अभाव भएपछि अस्पतालले संकलित स्वाबकाे नमुना काठमाडाैंस्थित राष्ट्रिय जनस्वास्थ्यकाे प्रयाेगशालामा पठाएकाे थियाे ।

७ दिनपछि प्राप्त रिपाेटमा ४२ जना मध्येे १५ जनाकाे काेराेना पाेजिटिभ देखिएकाे गाउँपालिका स्वास्थ्य संयाेजक साहले जानकारी गराए । आफुसहित संक्रमित हुनेहरुमा कुनै किसिमकाे लक्षण नरहेकाे उनले जानकारी गराए ।  

संक्रमित सबै जनालाई गाउँपालिका मै सेमि आइसाेलेसन निर्माण गरि राख्ने तयारी भइरहेकाे गाउँपालिका अध्यक्ष जालिम मियाँले जानकारी दिए ।

वीरगंजमा काेराेना संक्रमणले थप एक जनाकाे मृत्यु

0

वीरगन्ज : वीरगन्जको नारायणी अस्पतालमा उपचारका क्रममा मृत्यु भएका एक युवकमा कोरोना संक्रमण पुष्टि भएको छ ।

नारायणी अस्पतालमा उपचारका क्रममा रौतहटको गौर नगरपालिका–१ का ३५ वर्षीय युवकको शनिबार राति ८ बजे मृत्यु भएको थियो। 

मृत्युपछि उनको स्वाब संकलन गरेर पीसीआर परीक्षणका लागि नारायणीकै प्रयोगशालामा पठाइएको थियो । प्रयोशगशालाबाट आइतबार अपराह्न ४ बजे प्राप्त रिपोर्टमा ती युवकको पीसीआर रिपोर्ट पोजिटिभ देखिएको अस्पतालका चिकित्सक डाक्टर उदय नारायण सिंहले जानकारी दिए।

दमको समस्या भएपछि युवकलाई आफन्तले गौरबाट शनिबार अपरान्ह ४ बजे नारायणी अस्पतालमा ल्याएर भर्ना गराएका थिए। उपचारका क्रममा उनको शनिबार राति ८ बजे मृत्यु भएको थियो।  

योसँगै वीरगन्जमा कोरोनाका कारण मृत्यु हुनेको संख्या २८ पुगेको छ । साउनमा मात्रै २४ जनाको मृत्यु भएको हो । 

सखुवा प्रसाैनीका एक वडाध्यक्षसहित ६ जनामा काेराेना संक्रमण

0
स्वाब संकलन । फाइल तस्बिर

वीरगंज । पर्साकाे सखुवा प्रसाैनी गाउँपालिकामा एक वडाध्यक्षसहित ६ जनामा काेराेना संक्रमण पुष्टि भएकाे छ ।

सखुवा प्रसाैनी गाउँपालिकाकाे वडा नं. ६ का वडाध्यक्ष लालबहादुर यादवसहित ६ जनामा काेराेना भाइरस संक्रमण फेला परेकाे हाे ।संक्रमित हुनेमा एक वडाध्यक्ष, ४ स्वास्थ्यकर्मी र अन्य एक जना रहेकाे गाउँपालिका स्वास्थ्य संयाेजक राजेश राैनियारले वताए ।

उनका अनुसार संक्रमित हुनेमा २ महिला स्वास्थ्यकर्मी पनि रहेका छन् । एक जना लखनपुर स्वास्थ्य चाैकीका इन्चार्ज हुन भने एक जना महुवन स्वास्थ्य चाैकीका स्वास्थ्यकर्मी हुन् । २ पुरुष स्वास्थ्यकर्मीमा पनि एक जना महुवन र एक जना लखनपुर स्वास्थ्य चाैकीमा कार्यरत स्वास्थ्यकर्मी हुन् ।

यस्तै संक्रमित हुनेमा वडा नं. ४ देउरवाना एक जना पुरुष पनि रहेकाे स्वास्थ्य संयाेजक राैनियारले जानकारी गराए ।

साउन २६ गते ७३ जनाकाे स्वाब संकलन गरि पिसिआर परिक्षणकाे लागि नारायणी अस्पतालमा पठाइएकाे थियाे । नारायणी अस्पतालकाे प्रयाेगशालामा केमिकल अभाव भएपछि परिक्षणकाे  लागि स्वाबकाे नमुना अस्पतालले काठमाडाै पठाएकाे थियाे ।

काठमाडाैंबाट आइतबार ७ दिन पछि प्राप्त रिपाेर्टमा ७१ जना मध्ये ६ जनाकाे काेराेना पाेजिटिभ देखिएकाे र २ जनाकाे अझै रिपाेर्ट प्राप्त हुन नसकेकाे संयाेजक राैनियारले जानकारी दिए ।

संक्रमित सबै जनालाई गाउँपालिका मै सेमि आइसाेलेसन निर्माण गरि राख्ने तयारी भइरहेकाे प्रमुख प्रशासकिय अधिकृत संदेश यादवले वताए ।

पाेखरियाका मेयर, डाक्टर र पत्रकारसहित थप ३३ जना काेराेना संक्रमित

0

वीरगंज । पर्साकाे पाेखरिया नगरपालिकाका मेयर दिपनारायण राैनियारसहित ३३ जनामा काेराेना संक्रमण पुष्टि भएकाे छ । मेयर राैनियारसहित ३३ जना काेराेना संक्रमित भएकाे नगरपालिकाकी उपमेयर सलमा खातुनले वताइन ।

साउन २६ गते मेयर राैनियारसहित ३४ जनाकाे स्वाब संकलन गरि पिसिआर परिक्षणकाे लागि पठाउदा आइतबार सांझ ३३ जनाकाे रिपाेर्ट काेराेना पाेजिटिभ आएकाे उनले जानकारी गराइन । जस मध्ये ८ जना महिला संक्रमित पनि रहेका छन् ।

काेराेना संक्रमीत हुनेमा मेयर राैनियार, वडा नं. ४ का वडाध्यक्ष लक्ष्मण साह कानु, पाेखरिया अस्पतालका मेडिकल सुपरिटेन्डेन्ट डा. अनिल यादव, अस्पतालका अन्य २ डाक्टर, २ नर्ससहित ४ जना स्वास्थ्यकर्मी रहेका छन् ।  

संक्रमित हुनेमा पाेखरियाका एक जना पत्रकारपनि रहेका छन् । पाेखरिया एफएममा कार्यरत संचारकर्मी सैलेश साह कानुपनि काेराेना संक्रमित भएका हुन् ।

यस्तै मेयर राैनियारका परिवारका सबै सदस्यसहित स्वकिय सचिव राजु राैनियार र गाडीका चालक पनि काेराेना संक्रमित भएका छन् । मेयर राैनियारलाई ज्वाराे र खाेकी लागेपछि उनी आफुसहित आफ्नाे परिवारकाे सबै जनाकाे काेराेना परिक्षणकाे लागि स्वाब संकलन गराएका थिए ।

७ दिनपछि प्राप्त रिपाेर्ट सबै जनाकाे काेराेना पाेजिटिभ आएपनि मेयर राैनियारकाे ज्वाराे र खाेकी निकाे भइसकेकाे छ । स्वाब दिएकाे दिनदेखी उनी आफ्नाे सम्पूर्ण परिवारसहित हाेम आइसाेलेसनमा बस्दै आएका थिए । काेराेना रिपाेर्ट पाेजिटिभ आएपनि आफ्नाे स्वास्थ्य अवस्था ठिक रहेकाे मेयर राैनियारले कालिका टाईम्ससंग कुरा गर्दै वताए ।

यस्तै मेयरसंगै काेराेना परिक्षणका लागि पाेखरिया अस्पतालका मेडिकल सुपरिटेन्डेन्ट डा. यादव पनि स्वाब दिएका थिए । जुन बेला उनलाई पनि ज्वराे र खाेकी जस्ताे समस्या थियाे । तर अहिले ज्वराे र खाेकी निकाे भइसकेकाे मेसु यादवले वताए ।

पाेखरिया अस्पतालका ४ डाक्टर, ३ नर्ससहित १० जना स्वास्थ्यकर्मी काेराेना संक्रमित भएपछि पाेखरिया अस्पतालकाे सेवा प्रभावित हुने देखिएकाे छ । अस्पतालका ७ डाक्टर मध्ये मेसुसहित ४ डाक्टर र ४ नर्स मध्ये ३ नर्स संक्रमित भएपछि पाेखरिया अस्पतालका आकास्मिक वाहेकका प्रसुती लगायतका सम्पूर्ण सेवा बन्द हुने बुझिएकाे छ । 

आइतबार विहान मात्र पाेखरिया नगरपालिकाका ३ वडाध्यक्षसहित १२ जनामा काेराेना संक्रमण पुष्टि भएकाे थियाे । यसअघि संक्रमित भएका एक वडाध्यक्ष, एक डाक्टर, एक नर्स र अन्य २ स्वास्थ्यकर्मी काेराेना संक्रमित भइ आइसाेलेसनमा छन् । 

पर्साको धोरेस्थित नाकामा मल ल्याउने विषयमा विवाद

0
वीरगन्ज । पर्साकाे ग्रामिण भेगकाे धाेरेस्थित सिमानाकामा आज विहान सशस्त्र प्रहरी र स्थानिय बिच विवाद भएकाे छ ।
 
सिमामा खटेका शसस्त्र प्रहरीले तस्करलाई छुट र सर्वसाधारणलाई दु;ख दिएकाे भन्दै स्थानियहरु बिराेधमा उत्रेपछि विवाद भएकाे थियाे । स्थानियहरुका अनुसार आफुलाई पत्रकार बताउने स्थानिय चन्द्रिका पटेलले सिमा सुरक्षामा खटिएका सशस्त्र प्रहरीलाई मिलाएर भारतबाट रसायनिक मल ल्याएपछी स्थानियहरु विरोधमा उत्रिएका थिए ।
 
सिमानाकामा बसेका स्थानियहरु सिमापारीबाट ल्याएकाे मल राेकेर हाे-हल्ला गरेपछि शसस्त्र प्रहरी र स्थानिय बिच विवाद उत्पन्न भएकाे थियाे ।
 
स्थानियले पत्रकार भन्ने ब्यक्तिलाई भारतबाट रासायनिक मल ल्याउने दिने र किसानलाई भने एक बोरा पनि मल ल्याउन नदिने भनि सशस्त्र प्रहरीको बोर्डर आउट पोष्ट घेराउ गरी हुहल्ला गरेपछि केही बेर तनावको स्थिति समेत उत्पन्न भएको थियो ।
 
पकाहा मैनपुर बेस क्याम्पका सशस्त्र प्रहरी निरीक्षक विष्णु उप्रेतीले स्थानियहरुलाई समझाइ बुझाइ अब देखी कसैलाई सिमापारीबाट आवत जावत र माल सामान ल्याउन नमिल्ने वताएपछि स्थिति साम्य भएको थियो ।
 
पक्राउ गरीएको रसायनीक मल र साईकल आवश्यक कारवाहीको लागि जिल्ला प्रहरी कार्यालय पर्सामा पठाइएको प्रहरी निरीक्षक विष्णु उप्रेतीले जानकारी दिए ।

काेराेना मुक्त भई डिस्चार्ज भएका व्यक्तिकाे ४ घण्टा मै मृत्यु

0

वीरगन्ज । कोरोना भाइरस (काेभिड १९) संक्रमण निकाे भएको रिपोर्ट आएपछि डिस्चार्ज भएको चार घण्टा मै वीरगन्जमा एक जनाको शंकास्पद मृत्यु भएको छ । 

वीरगन्ज हेल्थ केयर भाेभिड अस्पतालबाट शनिबार कोरोना मुक्त भएर डिस्चार्ज भएका वीरगन्ज महानगरपालिका वडा नम्बर १३ का ५५ बर्षीय लाल बहादुर प्रसाद कलवारको मृत्यु भएको हो । 

नारायणी प्रयोगशालामा गरिएको कोरोना परीक्षणको रिपोर्ट नेगेटिभ आएको थियो । काेराेना रिपाेर्ट नगेटिभ आएपनि उनकाे स्वास्थ्यमा समस्या रहेकाेले शनिबार सांझ ७ बजे वीरगंज स्थित वयाेधा अस्पतालमा भर्ना गरिएकाे थियाे । वयाेधा अस्पतालले आइसियु कक्षमा राखेर उपचार गर्ने क्रममा शनिबार राति ११ बजे उनकाे मृत्यु भएकाे अस्पताल प्रशासनले जनाएकाे छ ।

अस्पताल स्राेतका अनुसार काेराेना रिपाेर्ट नगेटिभ आएपनि मृतकमा काेराेनाकाे सम्पूर्ण लक्षण रहेकाे थियाे । 

कोरोनाको रिपोर्ट नेगेटिभ आएपछि कोभिड अस्पतालमा राख्न नमिल्ने भएकोले कलवारलाई थप उपचारका लागि अस्पतालमा लैजान आफन्तलाई चिकित्सकले त्यतिखेरै सुझाव दिएका थिए । त्यसपछि आफन्तले कलवारलाई कोभिड अस्पतालबाट डिस्चार्ज भएपछि वीरगन्जमै रहेको नारायणी बयोधा अस्पतालको आईसीयुमा भर्ना गरेका थिए । 

नारायणी अस्पतालको प्रयोगशालामा परीक्षण गरिएको रिपोर्ट नेगेटिभ आएर डिस्चार्ज भएको चारघण्टापछि मृत्यु भएपछि परीक्षण रिपोर्टमा परिवारजनकाे शंका उत्पन्न भएको छ । 

मृतकका आफन्तले पुनःस्वाब परीक्षणको माग गरेका थिए । तर पछि मृतकका आफन्तहरु शव बुझेर लगेकाे वयाेधा अस्पतालले जनाएकाे छ । 

पाेखरियाका ३ वडाध्यक्ष, पत्रकारसहित थप ४७ जनामा काेराेना संक्रमण

0

वीरगञ्ज । वीरगञ्जस्थित नारायणी अस्पतालको प्रयोगशालमा गरिएको परीक्षणमा पाेखरिया नगरपालिका ३ वडाध्यक्ष र एक पत्रकारसहित ४७ जनामा कोरोना संक्रमण पुष्टि भएको छ ।

संक्रमित हुनेहरुमा ३७ जना पुरूष र १० जना महिला रहेका छन् । संक्रमितहरु ८ वर्षको बालकदेखि ७० वर्षकी बृद्ध महिला सम्म रहेका छन् । शनिबार राती गरिएको परीक्षणमा संक्रमण हुनेहरुमा बारा जिल्लाका २ जना र पर्सा जिल्लाका ४५ जनासहित थप ४७ जनामा कोरोना संक्रमण पुष्टि भएको हो ।

संक्रमित हुनेहरुमा पाेखरिया नगरपालिकाका वडा नं. ७ का वडाध्यक्ष नन्दलाल प्रसाद, वडा नं. ९ का वडाध्यक्ष रामबाबु चाैहान र वडा नं. १० का वडाध्यक्ष साेनालाल साह गाेढसहित १२ जना रहेका छन् । पाेखरिया नगरपालिकाकाे वडा नं. १ काे ४६ बर्षिय पुरुष,  वडा नं. ४ का २३, २७, ६०, ८, ५५ बर्षिय पुरुष र ३० बर्षिय महिलामा काेराेना संक्रमण पुष्टि भएकाे छ । 

यस्तै पाेखरिया नगरपालिकाकाे वडा नं. ७ रानिगंजकी २८ बर्षिय महिला, ३७ बर्षिय पुरुष (वडाध्यक्ष), वडा नं. ९ का १८ बर्षिय पुरुष, ४० बर्षिय पुरुष वडाध्यक्ष र  वडा नं. १० का ४८ बर्षिय पुरुष (वडाध्यक्ष) मा संक्रमण फेला परेकाे छ ।

साउन ३० गते ४८ जनाकाे स्वाब संकलन गरि पिसिआर परिक्षणकाे लागि पाठएकाे थियाे । नारायणी अस्पताबाट आज प्राप्त रिपाेर्टमा १२ जनामा काेराेना पाेजिटिभ देखिएकाे पाेखरिया अस्पतालका मेडकल सुपरिटेन्डेन्ट डा अनिल यादवले वताए संक्रमितहरुलाई पाेखरिया अस्पताल कै आइसाेलेसनमा राख्ने तयारी भइरहेकाे उनले जानकारी गराए ।

यस अघिपनि पाेखरिया नगरपालिकाका एक वडाध्यक्षसहित ४ जनामा काेराेना संक्रमण पुष्टि भएकाे थियाे ।

यस्तै संक्रमित हुनेमा वीरगन्ज महानगरपालिकास्थित रहेको नारायणी अस्पतालमा कार्यरत विभिन्न वार्डका ७ जना कर्मचारी रहेका छन् । एभि न्युज टिभीका १ जना पर्सा सम्वाददाता (पत्रकार), प्राइम फर्माका ६ जना पुरुष कर्मचारी, वयोधा अस्पतालको ३ जना कर्मचारी, नारायणी अस्पतालको आइसियुमा अपचारार्थ २२ बर्षका १ जना पुरुष र ४२ बर्षका १ जना मृगौला रोगीमा संक्रमण पुष्टि भएको नारायणी अस्पतालका डाक्टर निरज सिंहले जानकारी दिए ।

संक्रमित पत्रकार राजन राैनियारलाई वीरगंज हेल्थ केयर काेराेना अस्पतालमा उपचारकाे लागि भर्नासमेत भएका छन् । 

त्यसैगरी संक्रमित हुनेमा वीरगन्ज महानगरपालिका विभिन्न वडाका १३ जना र बहुदरमाइ नगरपालिका वडा नम्बर ९ भौराटारका २३ बर्षका १ जना पुरुष रहेका छन् ।

बारा जिल्ला महागढीमाई वडा नम्बर ५ कबहीका ४० बर्षीय एक पुरुष र कलैया वडा नं. १ का ६० बर्षीय पुरुष रहेको नारायणी अस्पतालले जनाएकाे छ ।