Date
शनि, मंसिर ५, २०८३
Sat, November 21, 2026
Home Blog Page 942

पर्सामा काेराेनाबाट २२ जनाकाे मृत्यु, संक्रमितकाे संख्या ११४२ पुग्याे

0
वीरगंज । पर्सामा काेराेना भाइरस (काेभिड १९) संक्रमणबाट १९ जनाकाे मृत्यु भएकाे छ । जिल्ला प्रशासन कार्यालय पर्साले बुधबार सांझ सार्वजनिक गरेकाे तथ्यांक अनुसार हालसम्म पर्सामा काेभिड १९ काे कारण १९ जनाकाे मृत्यु भएकाे जनाएकाे छ ।
 
जिल्ला प्रशासन कार्यालयकाे सुचना अधिकारीसमेत रहेका सहायक प्रमुख जिल्ला अधिकारी ललित कुमार बस्नेतले सार्वजनिक गरेकाे तथ्यांकमा जस मध्ये एक जना भारतीय र १ जना वेवारिसे रहेकाे जनाइएकाे छ । यस्तै पर्साकाे वीरगंजमा बाराबाट आएका २ र राैतहटकाे १ जना समेत काेराेना संक्रमणले मृत्यु भएकाे छ । याे मिलाएर मृतककाे संख्या २२ रहेकाे सहायक प्रमुख जिल्ला अधिकारी बस्नेतले उल्लेख गरेका छन् ।
 
उनका अनुसार मृतकहरू अधिकांश दीर्घ राेगी एव्ं अन्य अन्य कुनै स्वास्थ्य समस्या भएका देखिएकाे छ । कतिपय मृत्यु भइसकेपछि काेभिड पुष्टि भएका छन् भने कतिपय अन्य उपचारकाे लागि अस्पताल डुलाउँदा डुलाउँदा मृत्यु भएका अधिकारी बस्नेतले जनाएका छन ।
 
काेराेना संक्रमित पुष्टि भएकाकाे संख्या एक हजार एक सय ४२ रहेकाे जनाइएकाे छ । बुधबार सांझ पुष्टि भएका ३१ जनाकाे संख्या लिएर काेराेनाकाे संक्रमितकाे संख्या हाल सम्म ११४२ रहेकाे बस्नेतले जनाएका छन् । जसमा १५ जना भारतीय नागरिक सहित ८० जना स्वास्थ्यकर्मी, ५७ सुरक्षाकर्मी, ४ जना पत्रकार, ८३ कैदी, थुनुवा र २० जना अस्पताल सफाइकर्मी समेत रहेकाे अधिकारी बस्नेतले आफ्नाे फेसबुक मार्फत सार्वजनिक गरेकाे तथ्यांकमा उल्लेख गरेका छन् ।
 
उका अनुसार हालसम्म पीसीआर चेकजाँचको लागि १४ हजार ८ सय ३४ जनाकाे स्वाब संकलन भएकाे छ ।
 
संक्रमण पुष्टि भएका संक्रमितहरु मध्ये २९ महिलासहित एक सय ६७ जना काेभिड अस्पतालमा रहेका छन् । गण्डक काेभिड अस्पतालमा १० महिलासहित ६५ जना र वीरगंज हेल्थ केयर काेभिड अस्पताल १९ महिलासहित एक सय २ जना रहेका छन् ।
 
यस्तै सामुदायिक आइसाेलेसन सेन्टर /सेमि आइसाेलेसन सेन्टरमा २ सय ३९ रहेका छन् । जिल्लाभरीमा ५ सय भन्दा बढीकाे सामुदायिक तथा सेमि  आइसाेलेसन सेन्टरमा रहेकाे जनाएकाे छ । जसमध्ये रानीपाेखरी हाेटल आइसाेलेसन, बसपार्कमा ३४ जना, रानीसती धर्मशाला आइसाेलेसन, बीरगंजमा ४१ जना, बीरगंज सिद्धार्थ स्कूल आइसाेलेसनमा ३२ जना, बीरगंज कारागार आइसाेलेसन सेन्टरमा ३८ जना र अन्य आइसाेलेसन सेन्टरमा ९४ जना रहेकाे काेराेना सम्बन्धि सार्वजनिक तथ्यांकमा देखाइएकाे छ ।
 
यस्तै अझै पनि हाेम आइसाेलेसनमा ३ सय २५ जना रहेका छन् ।
 
काेभिड १९ काे संक्रमण राेकथाम, नियन्त्रण तथा उपचार व्यवस्थापनकाे लागि हाेम आइसाेलेसन तथा केहि सामुदायिक आइसाेलेसनकाे कार्यान्वयन चुनाैतिपूर्ण देखिएकाेले त्यसकाे सट्टा अर्काे काेभिड अस्पताल तथा सामुदायिक आइसाेलेसन सेन्टर संचालनमा जाेड दिदै त्यसका लागि आवश्यक तयारी अघि बढाइएकाे बस्नेतले जानकारी गराएका छन् ।
 
काेराेना निकाे भइ ४५ महिला र १९८ पुरूष घर फर्केका जनाइएकाे छ । 

वीरगन्ज बचाउन युवाहरुकाे समाजिक संजालमा दबाब अभियान

0
वीरगन्ज । कोरोना महामारीबाट वीरगन्जलाई बचाउन माग गर्दै युवाहरुले बुधबारदेखि अभियान थालेका छन ।
 
वीरगन्जका युवाहरूले कोरोना महामारीबाट वीरगन्जलाई बचाउनका लागि माग गर्दै समाजिक सन्जालमा पम्प्लेट सार्वजनिक गरेर अभियान थालेका हुन । समाजिक संजालमा सक्रिय युवाहरुले आफ्नो घरमै बसेर सरकारको विरुद्ध गर्दै वीरगन्ज बचाउन अभियान थालेको बताएका छन ।
 
गएको एक सातादेखि वीरगन्जमा उपचार नपाएर अनाहकमा ज्यान गुमाइरहेका आम जनताको जीव ज्यानको सुरक्षाका लागि दबाब अभियान थालिएको उनीहरुले भनाइ छ ।
 
युवाहरुले समाजिक संजालमा कोरोनागन्ज के मुख्यमन्त्री कहाँ छि अहा , वीरगन्जबासी माफ गर्नुहोला, तपाईले सम्पर्क गर्नु भएको तिनै तहका सरकार भ्रष्टाचार र दलालीमा ब्यस्त छ, हाम्रो कोरोना कस्तो मुख्यमन्त्री लालबाबु र स्वास्थ्यमन्त्री भानुभक्त जस्तो, नारायणी अस्पतालका मेसुको काम बैठकमात्र कि जनताप्रति जवाफदेहिता पनि जस्ता बिरोधको पम्प्लेट आफ्नो सामाजिक संजालमा सार्वजनिक गरिएको अभियानका मेराजुल हवारीले बताए ।
 
उनले वीरगन्जलाइ अहिले कोरोना महामारीबाट बचाउनका लागि सडकमा नगएर आफ्नो समाजिक संजाल मार्फत दबाब मुलुक अभियान थालिएको बताए । अभियानमा वीरगंजका युवा मित्रदेव यादव, जुबेर आलम, शिवशंकर यादव लगायत सहभागि छन् ।

वडा सदस्य अन्सारी लगायतकालाई रिहा गर्न २४ घन्टे अल्टिमेटम

0
वीरगंज ।  वडा सदस्य हकहित मञ्च वीरगंजले वडा सदस्य मुस्तफा अन्सारीलाई बिना शर्त रिहा गर्न माग गरेकाे छ । मंचले बुधबार एक प्रेस विज्ञप्ती जारी गर्दै बिना कुनै कारण पक्राउ गरि वडा सदस्या अन्सारीमाथी मुद्दा चलाएको प्रति आपति जनाउदै चौबीस घन्टा भित्र बिना शर्त रिहा गर्न माग गरेकाे छ ।
 
मंचका अध्यक्ष तैफुल अख्तर र सचिव कुर्मीद्वारा जारी प्रेस विज्ञप्तीमार्फत २४ घण्टा भित्र रिहा नगरिए वडा सदस्यहरुद्वारा वीरगंज महानगरकाे ३२ वटै वडाकाे वडा कर्यालय लगायत महानगरले दिरहेको सम्पुर्ण सेवा सुबिधा बन्द गरिने र सो कार्यबाट उत्पन्न परिस्थितिको सम्पुर्ण जिम्मेवारी प्रहरी प्रशासनले लिनु पर्ने जनाइएकाे छ ।
 
साउन २५ गते वीरगंज महानगरपालिकाकाे वडा नं. २ का २० वार्षिय युवती बिष्णु लामाको नारायणी लगायत वीरगंजको कुनै पनि अस्पतालले उपचार गर्न नमाने पछि  मृत्यु भएकाे थियाे । अस्पतालकाे लापरवाहीले मृत्यु भएकाे बिराेधमा मृतकका आफन्त तथा स्थानियद्वारा नारायणी अस्पतालको गेट अगाडि भएकाे प्रदर्शनकाे क्रममा एक चिकित्सककाे गाडीको सिसा समेत फुटेको थियोे ।
 
साेही बिराेध प्रदर्शनकाे क्रममा जनप्रतिनिधिको हैसियतले उपस्थित मुस्तफा अन्सारीलाई बिना कुनै कारण गाडीकाे सिसा फुटाएको आरोपमा जिल्ला प्रहरी कार्यालयमा वाेलाएर वडा सदस्य मुस्तफा लगायत उनीसंगै गएका अरु दुई जनामाथी प्रहरीले मुद्दा चलाएकाे जारी प्रेस विज्ञप्ती मार्फत जनाइएकाे छ ।
 
विज्ञप्तीमा जनप्रतिनिधिमाथी बिना कारण मुद्दा चलाईएको घटना पन्चायत शैलिको झझल्को दिएको र ब्यक्तिकाे जिवन भन्दा गाडीको सिसा ठुलो भएको उल्लेख गर्दै वीरगंजमा उपचार नै नपाएर अहिलेसम्म धेरैको मृत्यु भएको र यस प्रति अहिलेसम्म कुनै पनि करवाही नगरिएको घटनाकाे भर्त्सना समेत गरिएकाे छ ।

पर्साका सीडीयाे कार्कीकाे सरुवा, तामाङ आउदै

0

वीरगंज । गृह मन्त्रालयले पर्साका प्रमुख र सहायक जिल्ला अधिकारी (सीडीओ) को सरुवा गरेको छ । प्रजिअ विष्णुकुमार कार्कीलाई गृह मन्त्रालय र सहायक प्रजिअ ललितकुमार बस्नेतलाई ललितपुर जिल्ला प्रशासन  कार्यालयमा सरुवा गरिएको मन्त्रालयले जनाएको छ ।

गृह मन्त्रालयका प्रवक्ता चक्रबहादुर बुढाका अनुसार पर्साका नयाँ प्रजिअमा अस्मान तामाङलाई पठाइएको छ । उनी हाल धादिङको प्रमुख जिल्ला अधिकारी थिए । यस्तै सहायक प्रमुख जिल्ला अधिकारीमा मुस्ताङका वेद अर्याललाई पठाइएको छ ।

नेवि संघ पर्साका नेता विकास तिवारी प्रहरी नियन्त्रणमा

0

वीरगंज । नेपाली कांग्रेस निकटकाे विद्यार्थी संगठन नेवि संघ पर्साका जिल्ला सभापति विकास तिवारीलाई प्रहरीले नियन्त्रणमा लिएकाे छ ।

फेसबुकमा स्टेटस लेखेका कारण पर्सा प्रहरीले तिवारीलाई वीरगंज रानीघाटस्थित उनकाे घरबाट नियन्त्रणमा लिएकाे नेवि संघका नेेताहरुले जनाएका छन् । यसभन्दा पहिलापनि साेमबार जिल्ला प्रशासन कार्यालय घेराउ गर्न पुगेका सभापति तिवारीसहित ३ जनालाई प्रहरीले दिन भरी नियन्त्रणमा लिएर राती ११ बजे छाेडेकाे थियाे ।

तिवारीलाई विभिन्न वहानामा चाैथाे पटक प्रहरीले पक्राउ गरेकाे नेवि संघका नेताहरुकाे भनाई छ ।  

जिल्ला प्रहरी कार्यालय पर्साका प्रवक्ता प्रहरी नायब उपरिक्षक मनाेजित कुँवरले अनुसन्धानकाे लागि तिवारीलाई नियन्त्रणमा लिएकाे जनाए । उनले साइबार क्राइममा अनुन्धानकाे लागि नियन्त्रणमा लिएकाे वताए । तर कस्ताे किसिमकाे साइबर क्राइम भने खुलाएनन् ।  

भारतमा कोरोनाबाट मृत्यु हुनेको संख्या ४६ हजार नाघ्यो

0

भारतमा कोरोना भाइरस (कोभिड–१९) बाट मृत्यु हुनेको संख्या ४६ हजार नाघेको छ । भारतको स्वास्थ्य मन्त्रालयले दिएको जानकारीअनुसार अहिलेसम्म भारतमा कोरोना भाइरसका कारण ४६ हजार ९१ जनाको मृत्यु भएको छ । पछिल्लो २४ घण्टामा मात्र भारतमा कोरोना भाइरसबाट ८३४ जनाको मृत्यु भएको हो ।

त्यस्तै भारतमा कोरोना भाइरसबाट संक्रमित हुनेको संख्या २३ लाख नाघेको छ । अहिलेसम्म भारतमा कोरोना भाइरसबाट २३ लाख २९ हजार ६३८ जना संक्रमित भइसकेका छन् । पछिल्लो २४ घण्टामा मात्र भारतमा ६० हजार ९६३ नयाँ संक्रमित फेला परेका हुन् । भारतमा अहिलेसमम्कै सबैभन्दा धेरै संक्रमित महाराष्ट्रमा देखिएका छन् । महाराष्ट्रमा अहिलेसम्म कोरोना भाइरसका पाँच लाख ३५ हजारभन्दा धेरै संक्रमित फेला परिसकेका छन् ।

अहिलेसम्म भारतमा कोरोना भाइरसका १६ लाख ३९ हजार ५९९ संक्रमित निको वा डिस्चार्ज भइसकेका छन् ।

ज्याकलिनको जन्मदिनमा ‘किक २’को घोषणा

0

लकडाउनको समयमा नायक सलमान खान आफ्नो फार्म हाउसमा रहे । उनीसँगै नायिका ज्याकलिन फर्नान्डेज, उनका सहयोगीहरु प्नि फार्म हाउसमै थिए । उनै, सलमान सोमबार मात्र आफ्नो घर फर्किएका छन् । मंगलबार नायिका ज्याकलिन फर्नान्डेजले आफ्नो जन्मदिन मनाइन् । उनको जन्मदिनको अवसरमा निर्माता तथा निर्देशक साजिद नाडियाडवालाले चलचित्रको घोषणा गरे ।

साजिले चलचित्र ‘किक २’ बनाउने घोषणा गरेका छन् । चलचित्रमा नायिका ज्याकलिनको साथमा नायक सलमान खानको मुख्य भूमिका रहनेछ । साजिदले चलचित्रको कथा फाइनल गरेका छन् । कथा फाइनल गरेसँगै उनकी श्रीमतीले ज्याकलिनलाई जन्मदिनमा चलचित्र नै गिफ्ट गरेकी हुन् ।

चलचित्रको छायांकन चाडै नै सुरु गर्ने साजिदले भारतीय मिडियासँग बताएका छन् । नायक सलमान खान र नायिका ज्याकलिन अभिनित चलचित्र ‘किक’ले बक्स अफिसमा राम्रो कमाई गरेको थियो ।

वीरगन्जमा उपचार नपाएर फेरी ९ वर्षीय बालकको मृत्यु

0

वीरगन्ज । उपचार नपाएर वीरगंजमा मंगलबार फेरी एक बालककाे मृत्यु भएकाे छ । बाराको बारागढी गाउँपालिका–२ सुखीपत्रा निवासी ९ वर्षीय बालकको मंगलबार बिहान १० बजे वीरगन्जस्थित नेसनल मेडिकल कलेज तथा शिक्षण अस्पतालमा मृत्यु भएको हाे ।

झाडापखाला र बान्ता निको नभएपछि आइतबार राति करिब ४ बजे सुशीलकुमार साहलाई परिवारले थप उपचारका लागि वीरगन्ज लिएर आएका थिए । ५ वटा अस्पताल चहार्दा कसैले भर्ना लिएनन् । प्रहरीको भनसुनले दोस्रो पटकमा नेसनल मेडिकल कलेजले सोमबार बिहान भर्ना लिए पनि दिनभरि उपचार नगरेको परिवारको आरोप छ । आइसीयुमा उपचार नगरी छुट्टै कोठामा राखेको झन्डै २४ घन्टापछि बालकको मृत्यु भएको परिवारले जनाएका छन् ।

चारैतिर हारगुहार गर्दा पनि कुनै अस्पतालले भर्ना लिन नमानेपछि उनी सोमबार बिहान ७ बजेतिर सुशीललाई लिएर घन्टाघर चोकमा पुगेका थिए । सुरक्षामा तैनाथ प्रहरीले नारायणी अस्पताल लैजान सल्लाह दिए । जिल्लाको प्रहरी प्रमुख र सिडिओको फोन नम्बर पनि दिए । नारायणी अस्पतालको आकस्मिक कक्षमा पुग्दा त्यहाँको अवस्था पनि खराब नै रहेको उनले सुनाए । ‘नाम मात्रको लागि आकस्मिक कक्ष सञ्चालनमा रहेछ । त्यहाँका स्वास्थ्यकर्मीले बच्चा सिकिस्त रहेकाले आइसीयूमा भर्ना गर्नुपर्छ भन्दै फिर्ता पठाइदिएको मृतक बालकका आफन्त उपेन्द्र साहले वताए । 

बिहान फेरि ९ बजे सुशीललाई लिएर दोस्रोपटक मेडिकल कलेज पुगेको उपेन्द्रले बताए । प्रहरीले भनेकाे आधारमा यसपालि भर्ना त लिए तर आकस्मिक कक्ष वा आइसीयूमा राखेनन् । ‘नाकमा अक्सिजनको पाइप लगाएर एउटा कोठामा राखिदिए । त्यसपछि कोही उपचार गर्न आएनन्,’ उनले भने, ‘बिरामीको कुनै मतलब नै राखेनन् ।’ मेडिकल कलेजका स्वास्थ्यकर्मीले दिउँसो बच्चाको कोरोना परीक्षण गराउनु पर्छ भन्दै नारायणी पठाए । आफैले एम्बुलेन्स भाडा गरेर नारायणी अस्पताल लगेर स्वाब दिन लगाएको उनले बताए । उनको स्वाब परीक्षणमा कोरोना नेगेटिभ देखिएको छ ।

‘कलेजले हामीसँग दुईवटा पीपीई सेटसमेत खरिद गर्न लगायो,’ उपेन्द्रले भने, ‘सोमबार बिहान भर्ना गरेर एकैचोटी राति करिब ९ बजेको समयमा पीपीई सेट लगाएर स्वास्थ्यकर्मी सुशीललाई हेर्न आएका थिए, औषधि दिएर गए ।’

मंगलबार बिहान कोरोनाको रिपोर्ट लिन नारायणी प्रयोगशाला पुग्दा सुशीलको मृत्यु भएको खबर आयो । ‘समयमा उचित उपचार नपाएर बच्चाको मृत्यु भयो,’ भावुक हुँदै उपेन्द्रले भने ।

यो विषयमा नेशनल मेडिकल कलेजका काेराेेना फाेकल पर्सन डा.  असर्फ हुसेनसंग फाेनमा सम्पर्क गर्न खाेज्दा फाेन नउठेका कारण सम्पर्क हुन सकेन ।

पाेखरिया नगरपालिकामा २५ बेडकाे आइसाेलेसन

0

वीरगंज । पर्साकाे पोखरिया नगरपालिकाले काेराेना संक्रमितकाे उपचारकाे लागि २५ बेडकाे आइसाेलेसन तयार गरेकाे छ ।

पोखरिया अस्पतालकाे माथिलाे तल्लामा तयार गरिएकाे आइसाेलेसनमा २ जना संक्रमितलाई राखि मसेत सकिएकाे नगर प्रमुख दिपनारायण राैनियारले जानकारी दिए । नगरपालिका अन्तर्गतकाे काेराेना संक्रमितहरुलाई राखेर उपचार गर्नकाे लागि पहिलाे चरणमा २५ बेडकाे आइसाेलेस तयार गरिएकाे उनले जनाए ।

जिल्ला भरी नै कोरोना संक्रमितहरुको संख्या दिनहुँ बढ्दै गएको र वीरगंजस्थित आईसोलेसनमासमेत ठाउँ नरहेकाेले सर्वदलीय बैठक बसी आफ्नै नगरपालिकामा आइसाेलेसन निर्माण गर्ने निर्णय अनुसार तयार गरिएकाे प्रमुख राैनियारले वताए ।

तयार गरिएकाे आइसाेलेसन पाेखरिया अस्पतालकाे व्यवस्थापनमा संचालन हुनेछ । अस्पताल कै चिकित्सकहरुले संक्रमितहरुकाे उपचार गर्ने छन् ।  आईसोलेेेसन वार्डमा सिसि क्यामेरा समेत जडान गरिएको अस्पतालका मेडिकल सुपरिटेन्डेन्ट डा. अनिल कुमार यादवले बताए ।

आईसोलेसनमा प्रथम चरणका कोरोना संक्रमितहरुलाई सुरक्षित व्यवस्थापन र उपचार भईरहेको मेसु यादवले जानकारी दिए ।

साेमबार मात्र नगरपालिकाकाे एक वडाध्यक्ष, एक चिकित्सक, एक नर्स र एक अहवेमा काेराेना संक्रमण पुष्टि भएकाे थियाे । साउन २१ गते काेराेना संक्रमणबाट नै नगरपालिका कै एक युुवतीकाे मृत्यु समेत भएकाे थियाे ।

पर्सामा थप ६५ जनामा काेराेना संक्रमण पुष्टि

0

वीरगञ्ज । पर्सामा थप ६५ जनामा काेराेना संक्रमण पुष्टि भएकाे छ । चिकित्सक, स्वास्थ्यकर्मी, सुरक्षाकर्मीसहित पर्सा र बाराका गरी सोमबार राति थप ७० जनामा कोरोना संक्रमण पुष्टि भएको हाे ।

वीरगञ्जस्थित नारायणी अस्पतालको प्रयोगशालामा गरिएको परीक्षणमा २१ जना महिलासहित ७० जनामा संक्रमण पुष्टि भएको अस्पतालले जनाएकाे छ । जसमध्ये पर्साका ६५ जना र बाराका ५ जना छन् । यसअघि सोमबार बिहान पनि पर्साका २२ जनामा कोरोना संक्रमण पुष्टि भएको थियो ।

प्रयोगशालाले दिएको जानकारी अनुसार नारायणी अस्पतालको ओपीडीमा कार्यरत वीरगञ्ज–३ प्रगतिनगरका ३३ वर्षीय र बारा नकटुवाका ४५ वर्षीय पुरुष, अस्पतालकै पेड्रियाट्रिक वार्डमा कार्यरत बारा पथलैयाका २३ वर्षीय पुरुष र अस्पतालकै क्वाटरमा बस्दै आएकी ३५ वर्षीया महिलामा पनि कोरोना संक्रमण पुष्टि भएको छ ।

त्यसैगरी अस्पतालकै कर्मचारीको कन्ट्याक्ट ट्रेसिङमा परेका ५ वर्षीया बालिका, ३३ वर्षीया महिला र ५६ वर्षीय पुरुषमा पनि संक्रमण देखिएको छ ।

त्यसैगरी नेशनल मेडिकल कलेजमा कार्यरत ३१ र ३० वर्षीय दुई जना चिकित्सक र २३ वर्षीय एक युवक, भवानी हस्पिटलले पठाएको स्वाबमा वीरगञ्ज–१६ नगवाका १८ वर्षीय, वीरगञ्ज–१९ को २३ वर्ष, वीरगञ्ज–१४ का ४०, वीरगञ्ज–१५ का ३२ वर्षका पुरुष, २० र ३६ वर्षीया २ जना महिला, वीरगञ्ज–१६ भिष्वाकी ३० वर्षीया महिलामा कोरोना संक्रमण पुष्टि भएको छ ।

संक्रमित मध्ये ६ जना प्रहरी छन् । वडा प्रहरी कार्यालय विर्तामा कार्यरत ५ जना र जिल्ला प्रहरी कार्यलय पर्सामा कार्यरत १ जना प्रहरी कर्मचारीमा पनि संक्रमण देखिएको हो । वडा प्रहरी कार्यालय विर्तामा कार्यरत ४८, ३०, ४३, ३५, २३, वर्षीय र जिल्ला प्रहरी कार्यालय पर्सामा कार्यरत ४१ वर्षीय पुरुषमा कोरोना संक्रमण पुष्टि भएको छ ।