वीरगन्ज । पर्साकाे ग्रामिण भेगकाे धाेरेस्थित सिमानाकामा आज विहान सशस्त्र प्रहरी र स्थानिय बिच विवाद भएकाे छ ।
सिमामा खटेका शसस्त्र प्रहरीले तस्करलाई छुट र सर्वसाधारणलाई दु;ख दिएकाे भन्दै स्थानियहरु बिराेधमा उत्रेपछि विवाद भएकाे थियाे । स्थानियहरुका अनुसार आफुलाई पत्रकार बताउने स्थानिय चन्द्रिका पटेलले सिमा सुरक्षामा खटिएका सशस्त्र प्रहरीलाई मिलाएर भारतबाट रसायनिक मल ल्याएपछी स्थानियहरु विरोधमा उत्रिएका थिए ।
सिमानाकामा बसेका स्थानियहरु सिमापारीबाट ल्याएकाे मल राेकेर हाे-हल्ला गरेपछि शसस्त्र प्रहरी र स्थानिय बिच विवाद उत्पन्न भएकाे थियाे ।
स्थानियले पत्रकार भन्ने ब्यक्तिलाई भारतबाट रासायनिक मल ल्याउने दिने र किसानलाई भने एक बोरा पनि मल ल्याउन नदिने भनि सशस्त्र प्रहरीको बोर्डर आउट पोष्ट घेराउ गरी हुहल्ला गरेपछि केही बेर तनावको स्थिति समेत उत्पन्न भएको थियो ।
पकाहा मैनपुर बेस क्याम्पका सशस्त्र प्रहरी निरीक्षक विष्णु उप्रेतीले स्थानियहरुलाई समझाइ बुझाइ अब देखी कसैलाई सिमापारीबाट आवत जावत र माल सामान ल्याउन नमिल्ने वताएपछि स्थिति साम्य भएको थियो ।
पक्राउ गरीएको रसायनीक मल र साईकल आवश्यक कारवाहीको लागि जिल्ला प्रहरी कार्यालय पर्सामा पठाइएको प्रहरी निरीक्षक विष्णु उप्रेतीले जानकारी दिए ।
