Date
शनि, मंसिर ५, २०८३
Sat, November 21, 2026
Home Blog Page 939

पर्सामा काेराेना संक्रमणबाट थप एक जनाकाे मृत्यु

0

वीरगन्ज । पर्सामा बुधबार कोरोना संक्रमणले थप एकजनाको मृत्यु भएको छ। वीरगन्ज महानगरपालिका– ५ रेशमकोठीकी ४० वर्षीया महिलाको बुधबार ४ बजेर १५ मिनेट जाँदा मृत्यु भएको हो । 

गण्डक बहुअरीस्थित वीरगन्ज हेल्थ अस्थायी कोभिड अस्पतालमा उपचारका क्रममा उनको मृत्यु भएको जिल्ला प्रशासन कार्यालय पर्साले जनाएकाे छ । 

मधुमेहकी रोगी ती महिलामा निमोनियाको पनि समस्या भएपछि चार दिन पहिले अली अर्थो ट्रमा सेन्टरमा भर्ना गरिएको थियो।अली अर्थो ट्रमा सेन्टरमै उपचारका क्रममा भदौ २ गते उनको स्वाब संकलन गरिएको थियो । उनको पीसीआर रिर्पोट पोजिटिभ आएको थियो । 

कोरोना पुष्टि भएपछि ती महिलालाई मङगलबार राति ११ बजे वीरगन्ज हेल्थ केयर अस्थायी कोभिड अस्पतालमा लगेर भर्ना गरिएको थियो।  स्वास्थ्य अवस्था बिग्रदै गएपछि उनलाई बुधबार बिहान ११ बजे भेन्टिलेटरमा राखिएको थियो ।

यसअघि मङगलबार पनि वीरगन्जमा कोरोना संक्रमणका कारण दुई पुरुषको मृत्यु भएको बुधबार विहान पुष्टि भएकाे थियाे । 

वीरगन्ज–४  विर्ताका ८४ वर्षीय पुरुषको गण्डकस्थित अस्थायी कोभिड अस्पतालमा उपचारका क्रममा मङगलबार राति साढे १० बजे मृत्यु भएको थियो। वीरगन्ज १५ भिस्वाका ५७ वर्षीय पुरुषको भने नारायणी अस्पतालमा उपचारका क्रममा मङगलबार दिउँसो ३ बजे मृत्यु भएको थियो।

बुधबार अपरान्ह संक्रमित १ महिलाको मृत्यु भएसँगै वीरगन्जमा कोरोनाका कारण मृत्यु हुनेको संख्या ३१ पुगेको छ। साउनमा मात्रै २८ जनाको मृत्यु भएको छ । वीरगन्जमा अहिलेसम्म कोरोनाका कारण मृत्यु भएका ३१ मध्ये पर्साका २३, बाराका ५ र रौतहटका २ जना हुन्। जेठ ३१ गते वीरगन्जको घण्टाघरमा मृत भेटिएका एक संक्रमित युवकको भने पहिचान खुल्न सकेको छैन। 

सामाजिक सञ्जालमा लेख्दा सामाजिक संवेदानशीलता जोगा‌औं

0
-अशाेक कुशवाहा/
अहिलेको युग भनेको प्राविधिक संचारमाध्यमको युग हो । दुनियाको हरेक कुरो प्रत्यक्ष एवम् अप्रत्यक्ष रूपले संचारमाध्यमसंग जोड़िएकै देखिन्छ । वर्तमान समयमा मानिसहरु संचारमाध्यममा यतिसम्म आश्रित भईसकेका छन की आफ्नै आँखाले देखेको तथा कानले सुनेको घटना, बिचार या सूचना पनि संचारमाध्यम द्वारा सुनेर, पढेर या देखेर मात्र विश्वस्त हुन्छन । इंटरनेटको सुबिधाले प्रिन्ट, श्रव्य र दृश्य संचारमाध्यमलाई सामाजिक सञ्जालसंग जोडेको छ । अर्बौको संख्यामा मानिसहरु सामाजिक सञ्जाल जस्तै फेसबुक, ट्विटर र इन्स्टाग्रामसंग ज़ोडिएको हुनाले कम समयमा बढ़ी भन्दा बढ़ी सूचना पाठकवर्ग सम्म प्रवाह गर्न सक्ने सब भन्दा सजिलो र द्रुत माध्यम अहिलेको समयमा सामाजिक सञ्जाल बनेको छ । यही कारण हो की प्रत्येक संचारमाध्यम अहिले सामाजिक सञ्जालसंग ज़ोडिएको देखीन्छ ।
 
सामाजिक सञ्जालमा संचारमाध्यमहरुले छोट्करीमा सामाचारको मुख्य विषय वस्तुको स्ट्याटस सँगै आफ्नो अनलाइन समाचारको लिंक या वीडियो शेयर गरेको देखीन्छ भने धेरै जसो स्थानीय संचारकर्मीले आफूले लेखेको समपूर्ण समाचार नै स्ट्याटस मार्फत सामाजिक सञ्जालमा पोष्ट गरेको पाईन्छ । यसको मूल उदेश्य आफ्नो मीडियाको टीआरपी बढाउनु हो भने अर्को उदेश्य छोटो समयमा आफ्नो समाचार पाठकवर्गहरु विच पुर्याउदै आफ्नो पहिचान स्थापित गर्नु हो । ज्ञान र अनुभवको अभावमा धेरै जसोले सामाजिक सञ्जाललाई ब्यक्तिगत मञ्चको रूपमा लिएको देखिन्छ र आफू खुशी मनपरि लेखेको पनि देखीन्छ । सामाजिक सञ्जाल भनेको व्यक्तिगत मञ्च नभएर सार्वजनिक मञ्च हो भनेर बुझ्न अतिआवश्यक छ ।
 
आम जनताले पनि सामाजिक सञ्जालमार्फत समय सान्दर्भीक कुरोहरु उठाएको देखिन्छ र सम्बन्धित निकायको पनि ध्यानाकर्षण भएको थुप्रै उदाहरण समेत पाइन्छ । सामाजिक सञ्जालमा समाचार लेखन वा स्ट्याटस लेखन जोखिमपूर्ण र जिम्मेवारीपूर्ण कार्य हो । सामाजिक सञ्जालमा जनमुखी व्यक्तित्व या संचारमाध्यमले लेखेको कुरो पढ़नेहरुको संख्या अरुको तुलनामा अधिकमतम भेटीन्छन । यसरी सामाजिक सञ्जालमा लेखक या संचारकर्मीको लेख्ने शैलीले उनका पाठकवर्गहरुको लेख्ने, सोच्ने, बुझ्ने र काम गर्ने मानसिकताको निर्माण गर्द्छ । भाषा तथा शब्द प्रस्तुतिको शैली, तथ्य र त्यसको प्रमाणीकता, समय सीमा, शब्द सीमा, पाठक वर्गको रुचि र स्तर तथा सामाजिक संवेदनशीलत्ता र सम्प्रदायिक सन्तुलनलाई ध्यान दिनु अति आवश्यक हुन्छ ।
 
भाषा, अनुभव तथा ज्ञानको अभावले सामाजिक सञ्जालमा लेख्दैमा अनेकौ घटना तथा दुर्घटना भएको देखीन्छ । सामाजिक सञ्जालमा लेखेको स्ट्याटस कै कारण बीतेको महिनामा मित्र राष्ट्र भारतको कर्नाटक राज्यको बैंगलोर शहरमा साम्प्रदायिक सन्तुलन बिगड़ियों र साम्प्रदायिक दंगा भड्कियों । त्यस दंगामा ३ जनाको मृत्यु हुनुका साथै १६५ जनालाई प्रहरीले हिरसातमा लियो । २००/३०० गाड़ी समेत जलाइए । नेपाल मै फेसबुकमा स्ट्याटस लेखेर सामाजिक सद्भाव खलबलाएको भन्दै अनेकौ व्यक्तिलाई साइबर अपराध तथा बिधुतीय अपराध एन अन्तर्गत प्रहरी द्वारा पकड़ाउ गरी करवाही पनि गरेको पाईन्छ भने कतिपय भ्रष्टाचारमा लिप्त सरकारी तथा निजी जागीरसमेत गएको तथा करवाहिमा परेको पनि पाइन्छ ।
 
पर्सा जिल्लाको सदरमुकाम तथा देश कै आर्थिक राजधानी वीरगंज महानगरपालिका कै एक जना स्थानीय पत्रकारले सामाजिक सञ्जाल फेसबुक मार्फत समाचार लेख्दा देशव्यापी वायरल भएको सामाचारको ज्वलन्त उदाहरण हेरौ : उक्त सामाचार अनुसार एक जना हिन्दू समुदायका मानिसको मृत्यु हुदा आफ़न्त र हिन्दू समुदायका गाउँलेहरु कोरोना संक्रमणको डरले अन्तिम दाह संस्कारमा जान नमानेपछि त्यही टोलका स्थानीय मुस्लिम समुदायका व्यक्तिहरु मिलेर हिन्दू रीतिरिवाज अनुसार उक्त मृतकको दाह संस्कार गरे भने समाचार ती पत्रकारले फेसबुकको आफ्नो आईडी मार्फत एक जना मुस्लिम समुदायका ब्यक्तिले दाग बति दिने व्यक्तिको मुन्डन गर्दै गरेको तस्वीर समेत सार्वजनिक गरे । सामाजिक संजालमा यो समाचार देश भरी आगो जस्तै फैलियों । जनप्रतिनिधि देखि नामचीन पत्रकारसमेत तथ्य नै न बुझी शेयर गरे । कतिले हिन्दू समुदाय प्रति नकरात्मक भावना र मुस्लिम समुदाय प्रति सकारात्मक भावना लेख्दै हिन्दू समुदाय तथा संघसंस्था प्रतिसमेत आपति जनाए । यो समाचार सार्वजनिक बहसको बिषय बन्न पुग्यो र अनेकौ संचारमाध्यमको मुख्य खबरको रूप लियो ।
 
अब समाचारको वास्तविकता हेरौ :
श्रावन-३२ गते विरगंज – १३ निवासी बुबालाल शाह केहि समय अघि कोरोनले ग्रसित भई अस्पतालको आइसोलेसनमा बसी उपचार गराई निको भई रिपोर्ट नेगटिभ आएको थियो । रिपोर्ट नेगटिभ भए पश्चात शाहको स्वास्थ्यमा समस्या देखियो र पछि बिरगंज स्थित बयोधा अस्पतालमा उपचार गर्ने क्रममा उनको निधन भएको थियो । उहाको अन्तेष्टिमा मृतक परिवारका अफन्तहरु तथा हिन्दू समुदायका वडा सदस्यसहितका केही भरभलादमीहरुको उपस्थिती थियो तर मुस्लिम समुदायको सहयोग पनि उल्लेखनीय रहेकाे मृतक कै आफ़न्तले फेसबुकमार्फत लिखित तथा वीडियो सार्वजनिक गर्दै जानकारी दिए । ती वडाका वडाध्यक्ष तथा वडा सदस्यसमेत स्थानीय संचारमाध्यमद्वारा जानकारी गराए । कोरोना संक्रमणकाल र निषेधाज्ञा कै कारण अन्तेष्टिमा मानिसहरुको बढी उपस्थिती नहुनु स्वाभाविक कुरो हो तर वडाध्यक्ष मुस्लिम समुदायका भएपनि उनको तथा केही मुस्लिम समुदायका युवाहरुको सहयोगले दुई समुदाय बीचको परस्पर सम्बंध र मानवताको परिचयलाई सकारात्मक दिशानिर्देश गरेको देखिन्छ ।
 
सामाजिक सञ्जालमा लेख्दा सामाजिक संवेदनशीलतालाई जोगाई दिनु अति आवश्यक देखिन्छ । ती पत्रकारले लेखेको समाचार देशभरी नै वायरल हुन पुग्यो र सत्य तथ्यको आभावमा उनकै कारण जनप्रतिनिधि, पत्रकार, अनलाइन पत्रिका, सामाजिक अभियानता, राजनीतिक व्यक्तित्वहरुको विश्वसनीयतामा धक्का पुग्नूको साथै शोकमा डुबेका पीड़ित मृतकका परिवारले थप पीड़ा सहनु पर्यों । 

काेराेना संक्रमित हुदा आतिनु पर्दैन

0
– कृपा शर्मा /
म वीरगन्जको नारायणी वयोधा अस्पतालको पोस्ट उप बिभागमा कार्यरत नर्स इन्चार्ज हुँ । अहिले वीरगन्जमा कोरोनासँग मिल्दाजुल्दा लक्षण देखिएका बिरामीलाई नन–कोभिड अस्पतालले भर्ना लिँदैनन् । यस्ता बिरामी आए कोरोना उपचारका लागि तोकिएका अस्पतालमा पठाउने चलन छ । तर जति गरेनी त्यस्ता लक्षण भएको बिरामीलाई हेर्ने नै पर्छ । मलाई पनि रुघा, खोकी, ज्वरो आउने थालेपछि पिसिआर परिक्षण गराए र म संक्रमित भए ।  आफ्नै कोठामा एक्लै आइसाेलेसनमा बसे चिकित्सक डाक्टर अभिषेक सिंहको सल्लाह अनुसार मैले दवाई खाने गरे । दिनको ४ समय तातो पानी खाने गरे । राति सुत्ने बेला दुध र हल्दि खाए । यसका साथ साथै दैनिक व्यायाम पनि गरे र ठिक भए । आज मलाई कुनै लक्षण छैन, बिल्कुलै ठिक छु ।
 
मेरो खास हजुर सर्वसाधारण, आफ्नो समाज, घर परिवारलाई के भन्न चाहन्छु भने, हजुरहरु आफ्नो हौसला नहारी दिनुस, यस्तो माहामारीलाई हामीसंगै मिलेर जित्ने छाै । थुप्रैलाई बिना केही लक्षणकाे पनि संक्रमण देखिए को छ र केहीलाई लक्षण देखिएपनि टेस्ट गराउदा नगेटिभ देखाउँछ । घर मै बस्नु, दैनिक व्यायाम गर्नुस, हौसला राख्नुस । आज कोरोनाले गर्दा सारा बिस्व यसको समस्याले त्रसित छ । तर यसमा कोरोनाको डर भन्दा धेरै विश्वास र घर परिवार, साथी समाजको साथले यसलाई जित्ने सकिन्छ ।
आज म यदि कोरोना नगेटिभ छु भने भोली पाेजिटिभ पनि हुन सक्छु र मेरो कारोना पाेजिटिभ छ भने भोलि नगेटिभ नि आउन सक्छ ।
 
आज अस्पतालमा काम गरि आफ्नो समाजलाई सेवा गरेको छु, थुप्रै ब्यक्तिको सम्पर्कमा आउनु पर्छ । काम गर्दा कै क्रममा चाहेर न चाहेर पनि भोलि हुन सक्छ म संक्रमित हुनेछु । म आफ्नाे घर परिवार, दाई, दिदि, समाजलाई संक्रमित भएर आतिनु पर्ने जरुरि छैन भन्न चाहन्छु । आज संक्रमित भए भने भोलि आवश्य ठिक हुनेछु । यस्ता महामारीमा एक नर्स हुदा, मेरो समाजले मलाई हेला नगरि मलाई हौसला प्रदान गर्न आग्रह गर्दै छु ।

क्याटकाे पहलमा वीरगंज १३ का युवाहरूद्वारा नारायणीमा खाना बितरण

0

वीरगंज । काेभिड एक्सन टिम (क्याट)काे पहलमा नारायणी अस्पतालमा आज विहान वीरगंज १३ का युवाहरुले खाना खुवाएका छन् । नारायणी अस्पतालमा उपचारत खानाकाे समस्या भएका बिरामीहरुलाई युवाहरुले खाना खुवाएका हुन् ।

यस्तै आफुहरु साउन १ गतेदेखी नै वीरगंजमा खानाकाे समस्या भएकाहरुलाई खाना खुवाइरहेकाे वीरगंज १३ का वडाध्यक्ष तुफान अन्सारीले वताए । वीरगंजमा लामाे समयदेखी जारी निषेधाज्ञाका कारण प्रभावित भएकाहरुकाे लागि साउन १ गतेदेखी राधेमाईकाे रामजानकी मन्दिरमा आफुहरु खाना खुवाउदै आएपनि मंगलबार सांझदेखी जिल्ला समन्वय समिति पर्साकाे प्राङगणमा खुवाउन थालेकाे उनले जानकारी गराए ।

वडाका युवाहरुकाे सहयाेगमा असहाय, गरिब, रिक्सा चालक, ठेला चालका लगायतकालाई खाना खुवाउदै आएकाे अन्सारीले वताए । यसै क्रममा क्याटका सदस्य तबरजे अहमदकाे आग्रहमा बुधबार विहान नारायणी अस्पतालमापनि खाना वितरण गरिएकाे उनलेे जनाए ।

वडाध्यक्ष अन्सारीसहित वीरगंज १३ का युवा राजकुमार महताे, संदिप यादव, अमिन मियाँ लगायतकाले असहायलाई खाना खुवाउदै आएका छन् ।

क्याटले मंगलबार वीरगंज बसपार्कमा अलपत्र परेका एक बिरामीलाई नारायणी अस्पतालमा पुर्याएर भर्ना गराएकाे थियाे । क्याटका सदस्य संजिव मिश्राकाे माेबाइलमा फाेन आएपछि क्याट समुह त्यहाँ पुगी अलपत्र परेका बिरामीलाई नारायणी अस्पतालमा पुर्याएर भर्ना गराएकाे थियाे ।

अस्पताल पुगेका हाम्राे समुहलाई ति बिरामी लगायत केहीलाई खानाकाे समस्या बारे थाह पाएपछि पहल गरिएकाे क्याटका सदस्य श्याम पटेलले वताए ।

पर्सामा काेराेना संक्रमणबाट थप २ जनाकाे मृत्यु

0

वीरगञ्ज । पर्सामा कोरोना भाइरस (काेभिड १९) संक्रमणबाट थप २ जनाको मृत्यु भएको छ । काेराेना भाइरस संक्रमणका कारण मंगलबार थप २ जनाको  मृत्यु भएको जिल्ला प्रशासन कार्यालय पर्साले जनाएकाे छ ।

प्रशासन कार्यालय जनाए अनुसार वीरगञ्ज भिस्वा बस्ने ५७ बर्षका पुरुषकाे मंगलबार अपरान्ह ३:३० बजे नारायणी अस्पतालमा र बीरगंज बिर्ता बस्ने ८४ वर्षिय पुरुषको गण्डक काेभिड अस्पतालमा मंगलबार राती १०:३० बजे मृत्यू भएको  हाे ।

भिस्वाका पुरुषकाे मृत्यु पछि गरिएकाे परिक्षणमा काेराेना पाेजिटिभ रिपाेट आएकाे हाे । 

विर्ताका वृद्ध श्रावन २७ गतेदेखि गण्डक कोभिड अस्पतालमा उपचार गराईरहेका थिए भने गएराती साढे १० बजेको करिबमा आइसीयुमा उपचार गर्दा गर्दै मृत्यु भएको अस्पतालले जनाएको छ ।

बहुदरमाईका ८७ सहित थप ११७ जनामा काेराेना संक्रमण पुष्टि

0
काेराेना परिक्षणकाे लागि बहुदरमाई नगरपालिकामा स्वाब संकलन गरिदै । फाइल तस्बिर

वीरगंज । पर्साकाे बहुदरमाई नगरपालिकाकाे ८७ जनासहित थप एक सय १७ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालकाे प्रयाेगशालामा गरिएकाे परिक्षणमा ३५ महिलासहित एक सय १७ जनामा संक्रमण पुष्टि भएकाे हाे ।

संक्रमित हुनेहरुमध्ये वीरगंज महानगरपालिकाकाे वडा ५, १०, १२, १५, १६ तथा २५ का ९ जना, नारायणी वयोधा अस्पतालमा कार्यरत २ जना, जिराभवानी गाउँपालिका वडा नं २ का ३ जना र वडा नं ३ का १ जना गरि ४ जना रहेका छन् ।

यस्तै बहुदरमाई नगरपालिकाका १९ महिलासहित थप ८७ जनामा काेराेना भाइरस संक्रमण पुष्टि भएकाे छ ।

संक्रमित हुनेमा बहुदरमाई नगरपालिकाकाे वडा नं. २ का १५ जना, वडा नं. ३ का ४ जना, वडा नं. ५ का ६५ जना, वडा नं. ६ का एक जना र वडा नं. ९ का २ जनामा संक्रमण फेला परेकाे नगरपालिकाका स्वास्थ्य संयाेजक बिदुर उप्रेती जानकारी दिए ।

३ सय ३७ जनाकाे स्वाब संकलन गरि पिसिआर परिक्षण गराउदा ८७ जनाकाे रिपाेट काेराेना पाेजिटिभ आएकाे संयाेजक उप्रेतीले जानकारी गराए । संक्रमण पुष्टि हुनेमा एक जना स्वास्थ्यकर्मीसमेत रहेकाे उनले जनाए ।

 भारतीय महाबणिज्य दूतावासका एक महिला कर्मचारीमा पनि काेराेना भाइरस संक्रमण पुष्टि भएकाे छ ।

संक्रमित हुनेमा छिपहरमाई वडा नं. ५ का पनि एक जना रहेका छन् । संक्रमण पुष्टि हुनेहरु ७ बर्ष देखि ७० बर्ष उमेर समूहका रहेका छन् । याैसंगै पर्सामा संक्रमितको संख्या १ हजार ५ सय ८९ पुगेको छ ।

यस्तै नारायणी अस्पताल कै प्रयाेगशालामा गरिएकाे परिक्षणमा बाराका ८ जना कोरोना संक्रमण पुष्टि भएको छ । संक्रमित हुनेमा श्री चण्डीनाथ गणका नेपाली सेना ४ जना, कलैया उप-महानगरपालिका वडा नं. १ का १ जना, जितपुरसिमरा नगरपालिकाका २ जना तथा प्रसौनी गाऊँपालिका २ का १ जना रहेका छन ।

त्यसैगरी सप्तरी जिल्लाका १ जनामा पनि संक्रमण पुष्टि भएको प्रयाेगशालाले जनाएकाे छ ।

पर्साको ग्रामीण भेगका पालिकाहरुमा पनि पिसिआर परीक्षणको दायरा बढाएसँगै वीरगंज महानगरपालिका बाहेकका अन्य पालिकाहरुमा पनि संक्रमण पुष्टि हुनेको संख्यामा बृद्धि भएको हो ।

मंगलबार राति अबेरसम्म आएको पिसिआर रिपोर्ट अनुसार सबै भन्दा बढी बहुदरमाई नगरपालिकाकाे नागरिकहरुमा संक्रमण पुष्टि भएको छ । संक्रमण पुष्टि हुने १ सय १७ जना मध्ये ८७ जना बहुदरमाई नगरपालिकाकाे मात्रै रहेका छन् भने बाँकी वीरगंज महानगरपालिका लगायत बारा जिल्लाका रहेका छन् ।

यस अघि मंगलबार पनि बहुदरमाई नगरपालिकाकाे एक वडाध्यक्षसहित २५ जनामा संक्रमण पुष्टि भएकाे थियाे ।

निजामती कर्मचारी संगठन पर्साका अध्यक्ष गिरी काेराेना पाेजिटिभ

0

वीरगंज । नेपाल निजामती कर्मचारी संगठन पर्साका अध्यक्ष अमित कुमार गिरीमा काेराेना संक्रमण पुष्टि भएकाे छ ।

पर्साकाे पाेखरिया नगरपालिकाका निमित प्रमुख प्रशासकिय अधिकृत र जगरनाथपुर गाउँपालिकाकाे प्रमुख प्रशासकिय अधिकृतसमेत रहेका गिरी पनि काेराेना संक्रमित भएका हुन् ।

ज्वराे र खाेकी लागेपछि साेमबार गिरीले वीरगंजस्थित वयाेधा अस्पतालमा काेराेना परिक्षणकाे लागि स्वाबकाे नमुना दिएका थिए । मंगलबार आएकाे रिपाेट काेराेना पाेजिटिभ दखिएकाे अस्पताल स्राेतले जनाएकाे छ ।

आइतबार सांझ पाेखरिया नगरपालिकाका मेयरसहित ३३ जनामा काेराेना संक्रमण फेला परेकाे थियाे भने साेमबार विहान जगरनाथपुर गाउँपालिकाका स्वास्थ्य संयाेजकससहित १५ जनामा काेराेना संक्रमण पुष्टि भएकाे थियाे ।

दुबै पालिकाकाे प्रमुख प्रशासकिय अधिकृत गिरीमा त्यहीबाट संक्रमण सरेकाे हुन सकने अनुमान गरिएकाे छ ।

साहकाे अन्त्येष्टि सम्बन्धमा गलत प्रचार गर्नेमाथी कारवाहीकाे माग

0
वीरगंज । पर्साकाे बीरगंज महानगरपालिका वडा नं. १३ शिवनगर टोलका स्वर्गीय लाल बाबू साह कलवारको अन्त्यष्टि सम्बन्धमा गलत प्रचार गर्नेमाथी राष्ट्रिय एकता अभियानले कारवाहीकाे माग गरेकाे छ ।
 
अभियानका केन्द्रिय सदस्य कृष्ण साहले मंगलबार पर्साका प्रमुख जिल्ला अधिकारी आसमान तामाङलाई ज्ञापन पत्र बुझाउदै आइतबार भएकाे लालबाबु साहकाे अन्त्यष्टि सम्बन्धमा हिन्दू बिरोधी तत्तवले फैलाएको दुश्प्रचारबारे छानविन गरि दाेषी उपर कारवाही गर्न माग गरेका हुन् ।
 
केन्द्रिय सदस्य साहले निषेधाज्ञाका कारण प्रमुख जिल्ला अधिकारी तामाङकाे समन्वयमा जिल्ला प्रशासन कार्यालयकाे इमेलमा ज्ञापना पठाउदै अन्त्येष्टि बारे गलत प्रचार गरि हिन्दु समाजलाइ बदनाम गर्ने विरुद्ध कारवाहीकाे माग गरेका छन् । उनले पठाएकाे ज्ञापन पत्रमा कोरोना संक्रमणको कारण साहकाे शव जलाउन हिन्दु समाजबाट कोही तयार नहुदा सम्बधित वडाको अध्यक्ष तूफान अंसारीले केही मुस्लिम समुदायको व्यक्तिको सह्योगबाट मृतकको दाह सन्सकार गरेको झुटो प्रचार गरिएकाे भन्दै यस्ताे कार्य को कसबाट कुन उद्देश्यका साथ गरियो ? यो छानबिनको बिषय भएकाे उल्लेख गरिएकाे छ ।
 
मृतकको दाहसन्सार पूर्ण रुपले हिन्दू समुदायले नै गरेकाे र त्यस क्रममा मुस्लिम समुदायका एम्बुलेन्स चालकले दागबती दिने व्यक्तिकाे कपाल मुन्डन गर्न सहयाेग मात्र गरेकाे जनाइएकाे छ । तर त्यसलाई हिन्दूबिरोधी तत्वले प्रोपगान्डा गरेको आराेप लगाइएकाे छ ।
 
यसका साथै यो हिन्दू धर्म संस्कृतिविरुद्धको कार्य मात्र नभइ नेपालको धार्मिक सहिष्णुता बिथोल्ने प्रयास पनि भएकाे ठहर गर्दै घटनाको यथाशीघ्र छानबिन गरि दोषीलाई तत्काल कारबाही गर्न माग गरिएकाे छ । 

बहुदरमाईमा वडाध्यक्षसहित थप २५ जनामा काेराेना संक्रमण पुष्टि

0

वीरगंज । पर्साकाे बहुदरमाई नगरपालिकामा एक वडाध्यक्षसहित थप २५ जनामा काेराेना भाइरस (काेभिड १९) संक्रमण पुष्टि भएकाे छ ।

बहुदरमाई नगरपालिकाकाे वडा नं. ४ का वडाध्यक्ष राम रेखा सिंहसहित २५ जनामा काेराेना संक्रमण पुष्टि भएकाे नगरपालिका स्वास्थ्य संयाेजक बिदुर उप्रेतीले जानकारी दिए । उनका अनुसार संक्रमित हुनेमा १९ जना पुरुष र ६ जना महिला रहेका छन् ।

नगरपालिकाकाे वडा नं. ४ बहुअरी पिडरीका ३०, २९, ३३, ४९, २१, २५, ३४, ३५, २५, ३७, ३५, ६३, २२, १८, २२, ३५, २५, ३८, ४५ बर्षिय पुरुष र ४८, ३०, २२, ८, ३५, २१ बर्षिय महिलामा काेराेना संक्रमण पुष्टि भएकाे हाे ।

संक्रमित हुनेमा एक जना शिक्षक र एक जना स्वास्थ्यकर्मीकाे श्रीमान समेत रहेका छन् । 

साउन ३० गते बहुअरी पिडरीका ७७ जनाकाे स्वाब संकलन गरि पिसिआर परिक्षणकाे लागि नारायणी अस्पतालमा पठाएकाे थियाे ।प्रयाेगशालाबाट आज प्राप्त रिपाेर्टमा ७७ जना मध्ये २५ जनामा काेराेना पाेजिटिभ देखिएकाे संयाेजक उप्रेतीले जानकारी गराए । 

बिओपी भिखमपुरद्वारा २० किलाे चरेस बरामद

0
वीरगंज । सशस्त्र प्रहरी बाेर्डर आउट पाेष्ट (बिओपी) भिखमपुरले आज लागु औषध चरेस बरामद गरेकाे छ ।
 
बिओपी भिखमपुरबाट खटिएको प्रहरी टोलीले पर्साको जगरनाथपुर गाउँपालिका वडा नं. २ दसौता सीमा इलाकाबाट लागु औषध २० किलाे चरेस बरामद गरेकाे हाे ।
 
गाेप्य सुचनाकाे अधारमा नेपालबाट भारततर्फ लगिरहेकाे चरेस बरामद गरिएकाे बिओपी भिखमपुरका प्रहरी निरिक्षक किशमान तामाङले वताए । प्रहरी टाेलीलाई देखेर तस्करहरु चरेस छाडी भगेकाे उनले जनाए । 
 
बरामद चरेस इलका प्रहरी कार्यालय पाेखरियालाई बुझाइएकाे सशस्त्र प्रहरी निरिक्षक तमाङले जानकारी गराए ।