Date
शनि, मंसिर ५, २०८३
Sat, November 21, 2026
Home Blog Page 938

राष्ट्रिय एकता अभियानद्वारा प्रदेश तथा संघीय सरकारविरूद्ध प्रदर्शन

0
वीरगन्ज । राष्ट्रिय एकता अभियानले सरकार विरुद्ध प्रदर्शन गरेको छ । अभियानले जनकपुरमा बिरोध र्याली निकाली संघ र प्रदेश सरकारको बिरोध गरेको हो ।
 
हिन्दू सन्त तथा अभियंताको सुरक्षा ग्यारेन्टी ग़र, संत श्रीराम साहको हत्यारालाई अबिलम्ब कार्यवाही ग़र, सुरक्षा दिन नसकने मुख्यमंत्री राजिनामा दे, हिन्दू माथिको दमन बन्द ग़र लगायतको माग राख्दै प्रदर्शन गरेकाे हाे ।
 
बिरोध प्रदर्शनमा अभियानका जनकपुर सयोजक मनीष हिन्दुले नेपाल धर्म निरपेक्ष राष्ट्र भएदेखि हिन्दु समुदायमाथि विभिन्न काेणबाट दमन भइरहेकाे आरोप लगाए । हिन्दुमाथी भइरहेको हत्या हिंसा बन्द गरि सन्तको हत्यामा सलग्न दोषीलाई यथाशीघ्र पक्राउ गरि कडा भन्दा कडा कारबाही नगरे आन्दोलनको आंधी बेरी ल्याउने उनले चेतावनी दिए ।
 
बिरोध प्रदर्शनमा अभियानता संजय यादव, जय यादव, रवि साह, मोहन साह लगायतको सहभागिता रहेकाे थियाे ।
 
बिनय यादव नेतृत्वको राष्ट्रीय एकता अभियानले गएको ३ गते रौतहट स्थित माधवनरायण नगरपालिकाको खेसरहिया गाउँमा रहेका हनुमान मन्दिरका पुजारी सन्त श्रीराम साहको हत्यारालाई पक्राउ गरी अबिलम्ब कारबाहीकाे लागी जिल्ला प्रशासन कार्यालय रौतहटमा ज्ञापन पत्र समेत बुझाएको छ ।

बहुदरमाईका मेयरकाे दाेस्राे पटककाे रिपाेट पनि काेराेना पाेजिटिभ

0

वीरगंज । पर्साकाे बहुदरमाई नगरपालिकाकाे मेयर नितेन्द्र साहकाे दाेस्राे पटककाे रिपाेटपनि काेराेना पाेजिटिभ आएकाे छ ।

मेयर साहसहित २५ जना संक्रमितकाे दाेस्राे पटक पिसिआर परिक्षण गराउदा २० जनाकाे रिपाेट नगेटिभ र ५ जनाकाे पाेजिटिभ आएकाे नगरपालिकाका स्वास्थ्य संयाेजक बिदुर उप्रेतीले जानकारी दिए ।

दाेस्राे पटक पनि रिपाेट पाेजिट आउनेमा मेयर साह, एक स्वास्थ्यकर्मी र अन्य ३ जना रहेका छन् । 

रिपाेट नगेटिभ आएका २० जनालाई बिहिबार सांझ नै गाउँपालिकाकाे सेमि आइसाेलेसनबाट डिस्चार्जसमेत गरिसकिएकाे संयाेजक उप्रेतीले जनाए ।  मेयर साहकाे रिपाेट पाेजिटिभ आएपनि स्वास्थ्य अवस्था ठिक रहेकाे उनले वताए ।

 मेयर साहसहित २५ जनामा साउन २४ गते काेराेना भाइरस संक्रमण पुष्टि भएकाे थियाे । 

३ जना नयाँ संक्रमित थपिए
बहुदरमाई नगरपालिकामा शुक्रबार ३ जना नयाँ संक्रमित थपिएका छन् ।

साउन ३२ गते ३० जनाकाे स्वाब संकलन गरि नारायणी अस्पतालमा पिसिआर परिक्षणकाे लागि पठाउदा ३ जनाकाे रिपाेट पाेजिटिभ आएकाे संयाेजक उप्रेतीले जानकारी गराए ।

उनका अनुसार संक्रमित हुनेमा २०, २९ बर्षका पुरुष र १८ बर्षकी महिला रहेका छन् ।   

क्याटद्वारा गैर सरकारी संस्थाहरुसंग छलफल

0

वीरगंञ्ज । लगातारको बन्दाबन्दीले जनजीवन असमान्य बन्दै गएको र दैनिक ज्यालादारी गरि जिवन निर्वाह गर्नेहरुको दैनिकी झनै कष्ठकर बनेकोले काेभिड एक्सन टिम (क्याट) पर्सा व्यवस्थापनमा जुटेको छ ।

निषेधाज्ञा र कोरोनाको महामारीले दिनदुखि तथा गरिबहरु जिवन चक्र नराम्रोसंग पिरोलीको अवस्थालाई मध्य नजर गर्दै क्याटले सोको व्यवस्थापन गर्न गैर सरकारी संस्थाका प्रमुखहरुसंग शुक्रबार छलफल गरेको हो । छलफलमा बिभिन्न गैरसरकारी संस्थाका प्रतिनिधीहरुले क्याट पर्सासंग सहकार्य गर्न तयार रहेको नेपाली काग्रेसका पर्सा सचिवसमेत रहेका क्याटका सदस्य श्याम पटेलले जानकारी दिए ।

महामारीको यो समयमा आफ्नो सामाजीक उत्तरदायित्व अन्तरगत असाहाय र आवश्यक्ता हुनेहरुको सहयोगमा जुट्ने प्रतिब्द्धता जनाएको सदस्य पटेलले वताए ।

यता छलफलको क्रममा कोरोना नियन्त्रणमा गैरसरकारी संस्थाको प्रमुख भुमिकाको बारेमा एक आपसमा अन्तरक्रियात्मक बिचार बिमर्स भएको तत्कालिन संघिय समाजवादी पार्टीका पर्सा सचिवसमेत रहेका क्याटका सदस्य तबरेज अहमदले जानकारी दिए । उनले आजैदेखि दैनिक ज्यालादारी गर्नेहरुका लागि वीरगञ्जको वडा नं. १३ का युवाहरुद्वारा संचालन गरिएको निःशुल्क मेससंग सहकार्य गर्न सहमती भएको पनि जानकारी गराए ।

छलफलमा नेकपाका प्रतिनिधि एवं क्याटका सदस्य संजिव मिश्रा, समाजिक संस्था जिल्ला समन्वय समिति पर्साका अध्यक्ष ईब्राहिम देवान, दिव्य युवा क्लबका निर्देशक रामाकान्त पटेल, रुस्मत अंसारी, राजकुमार महतो लगायत अन्य गैर सरकारी संस्थाका प्रतिनिधीहरुको सहभागीता रहेको थियो ।

वीरगंजमा थप एक काेराेना संक्रमितकाे मृत्यु

0

वीरगंज । वीरगंजमा शुक्रबार थप एक काेराेना संक्रमितकाे मृत्यु भएकाे छ । वीरगंज महानगरपालिका वडा नं. १० रानीघाट निवासी ४८ वर्षिय पुरुषको मृत्यु भएकाे जिल्ला प्रशासन कार्यालय पर्साले जनाएकाे छ ।

उनकाे शुक्रबार दिउँसो १ बजे वीरगंज हेल्थ केयर काेभिड अस्पतालमा उपचारको क्रममा मृत्यु भएको प्रशासन कार्यालयले जनाएकाे छ ।

मृतककाे श्रावण ३१ गते स्वाव संकलन भएको र श्रावण ३२ गते आरटी पिसिआर नतिजा देखिएपछि साेही दिन वीरगंज हेल्थ केयरकाे उनलाई भर्ना गरिएकाे थियाे । साेहीदिन देखी उनलाई आइसियुमा राखेर उपचार गर्नेमा आज मृत्यु भएकाे प्रशासनले जानकारी गराएकाे छ ।

प्रशासनले जनाए अनुसार निजको कुनै ट्रेभल हिस्टरी नरहेको र ज्वरो, खोकी श्वासप्रश्वासमा समस्या देखिएको थियाे ।

सरसफाईकर्मी चिकित्सक पछिकाे भगवान

0
पर्साकी प्रदेश सांसद अन्जु देबी यादवको सहयोगमा सफाइ कर्मचारीलाई पिपिई सेटसहितकाे सुरक्षा सामग्री लेखक राैनियारकाे पहलमा हस्तान्तरण गरिदै । तस्बिर ; राजन राैनियार
  • राजन रौनियार /

कोरोना माहामारीको बिचमा अहिले सम्म भगवान भन्ने शब्दको अर्थलाई मैले अस्पतालमा कार्यरत चिकित्सक अथवा उनको साहायकको रुपमा काम गर्ने नर्स वा कम्पाउन्डरको लागि मात्र सुनेको थिए र बुझेको थिए । तर आफ्नो पत्रकारीताको कर्मको दौरानम साउन ३२ गते कोरोनाको सिकार भई गम्भीर अवस्थामा वीरगंजकाे दोस्राे नारायणी अस्थाई काेभिड असपतालको शाखाकाे रुपमा संचालीत वीरगंज हेल्थ केयर अस्पतालमा उपचारको लागि आउन साथ मलाई आईसियुमा राखेर उपचार सुरु गरीयो । मलाई उपचार भई रहदा मनमा अरु कुनै चिन्ता थिएन मात्र एक चिन्ताले मलाई भित्र भित्र नै सताइरहेकाे थियो । त्यो चिन्ता थियो अस्पतालमा हुने फोरह । किन भने मैले कोरोनाको लागि जति पनि रिपोटिंग गरेको थिए त्यो सबै रिपोटिंगमा अस्पतालमा सब भन्दा बढी समस्या दुरगन्धीत सौचालय, अब्यवस्थित र फोहर वाडहरुको बारेमा बढी थियो । कोरोना रोगीहरुको कारणले काम गर्न आउदैनन् भनेर सुनेको पनि थिए र देखेको पनि थिए ।

साउन ३२ गते बिहान ८ बजे अस्पतालमा आउदा म सारै नै पिडामा थिए जवरो थियो, छाती दुखिरहेको थियो र सास लिन पनि एक दम ग्राहाे हुदै थियो । उपचार सुरु गरेको करीब ३ घण्टा पछि मलाई अलि सहज महसुस हुदै थियो । आँखा खोलेर हेर्दा एक जना पुरुष पि.पि.इ सेट लगाई म भन्दा पहिला आ.ई.सि.यु मा रहेका अन्य संक्रमीतहरुलाई सलाईन र अक्सिजन आदिको अवस्था हेर्दै थिए । म उठेको देखेर उह मेरो नजिक आए र मेरो हात समात्दै भने दाई टेनसन न लिनु तपाईलाई केहि हुदैन् । तपाई चाँडै आफ्नो घर जानुहुन्छ । यती भन्दै मेरो अक्सिजनको पानि चेन्ज गरेर उह फेरी अर्को संक्रमीत तीर लागे । उनको त्यो स्पर्स र बोलिले मेरो सरीरमा हजारौं गुणा ताकत भएको औषधि र असिम साहसको मलम थपेको मैले महसुस गरे ।

करीब ५ बजेको समयमा अचानक अस्पतालमा एउटा महिलाले भोजपुरी लोक गित गाउदै गरेको आवाज मेरो कानमा सुनिन थाल्यो । ति महिलासंग उनका तिन जना साथिहर पनि गित गाउदै उनलाई सघाइ रहेकि थिए । तिनै जना महिला पि.पि.ई लगाएर एक जनाले हाथमा कुचो र २ जनाको हाथमा पोछा लागाउने कपडा बोक्दै गित गाउदै पुर्ण इमान्दारीता र निस्ठाका साथ आफ्नो काममा लागी परेको मैले देख्दा एक छिनको लागी म गहन सोचमा डुबे । उनले गुनगुनाउने गितको बोल र उसको शब्दहरु त एकदम गहन खालको थियो “कैसन दिन देखैल हो भगवान एक आदमी डेराता दोसरा आदमी से हमनी के भगवाका बनैल हे भगवान नहीयर छोडैल, ससुरा छाेडैल अब कैल हमर लाल और ल लही से भि दुर कैसन दिन वा देखैल हो भगवान” ति महिला सफाई कर्मीहरु थिए ।

वीरगन्जको हेल्थ केयर अस्पताललाई नरायणि कोरोना अस्पताको रुपमा बनाईएको दिन देखि उनिहरु आफ्नो घर परिवार, बाल बच्चलाई छोडि यहि अस्पतालको बिरामिहरुद्वारा गरिने फोरहलाई ब्यवस्थापन मात्र हैन संक्रमणले कालगती प्रप्त गरेका ब्यक्तिकाे अंतीम कपडा (कफन) समेत बदलिने र करीब ११० जना बिरामिको नास्ता, खाना समेतको ब्यवस्थापन उहाहरुले नै गर्ने गरेका छन् । यो असपतालमा १० जना सरसफाई कर्मचारी कार्यरत छन् । ५–५ जना गरी २ सिफटमा काम गर्ने गर्छन । जसमा २ जना पुरुष रहेका छन् । के यी कम पढेलेखेका समाजमा तल्लो स्तरको ब्यक्ति भन्ने हाम्राे समाजले ईनको मेहनत, इमान्दारीता र आफ्नो ज्यानलाई थाति राखेर दिन रात कोरोना बिरामीहरुको बिचमा आफ्नो सरिरलाई तराईको ३५ देखि ४० डिग्री सम्मको गर्मीको मैसममा पि.पि.ई लागाई तिन तल्ला सम्म रहेका र कोरोनाले भरीएका बिरामीहरुको लागी गरीने सेवालाई इनले पाउने मासिक तलबले काम गर्ने मजबुर गरेको हो की ..? उनको सेवाको भावानाले …? यस बिषयमा मैले यहाँ कार्यरत एक सफाई कर्मचारी महिलासंग सोध्दा उनको जवाफ … रकमको लागि कोई जानि जानि आगोमा कुददैन हामी कम पढेलेखेका ब्यक्ति हौ । अस्पतालामा काम गर्दा यहाँ धेरौ बच्चाहरु हम्राे काँखमा आफ्नो पहिलो संसार देख्छन । ति बच्चाहरुकाे लागी हामी उनको आफन्त झै खुसिहुन्थ्याैं ।

आज परिस्तीथी बदलिएको छ, आज देशमा संक्रमणकालको अवस्था छ । आजकल २..३..दिनमा आफुले सेयार सुहार गरेको बच्चा कतीबेला आखाँ चिमि यो संसारलाई छोडेर जान्छ हामि त्ये देख्दा हाम्राे आत्मा रुन्छ । हाम्राे काम जिवन देखि मृत्यु सम्म यहाँ आउने हरेक बिरामिको लागि एक बराबर हो । चाहे त्यो कोरोना होस वा अन्य कुनै रोग हामीहरु आफुलाई अग्रस्थानमा राखि आफ्नो दाईत्व पुरा गर्दै छौं । बाकी साेचनेले सोचोस …. उनि महिलाबाट मैले थाहा पाए, म पहिलो दिन अस्पातामा भर्ना भएको दिन मेराे हाथ समाई मलाई मल्म लगाउने ति पुरुष पनि एक सफाई कर्मचारी थिए । त्यो दिन उनि अक्सीजनको फील्टर पनि बदलिन आएका रहेछन । उनको कुरा सुनेर म सोच्दै छु आखिर ई को हुन अनपड गवार सानाे सोच र बुधि नपुगेको मनुस्य हुन कि ? निस्वार्थ भावनाले आफ्नो कर्म प्रति पुर्ण वफादार र सफा मुटु भएका हामि जस्तो कोरोना संक्रमितको लागि अनपढ भगवान ? के बाहिर बसेर पढेलेखेका आफुलाई बुद्धिमा भनाउने हाम्राे समाजले यस्ता ब्यक्तिलाई देख्ने दृष्टिकाेण अब बदलिने आवश्यकता छ की छैन । बिचार तपाईको भनिन्छ, मनुस्य आफ्नो कर्मले महान हुन्छ न कि उसको पैसा, पढाई वा उस्को जातले ? मेरो लागि कोरोना कालमा कोरोना अस्पतालमा काम गर्ने यस्ता सोचका ब्यक्ति असल भगवान हुन् । सोच बदले समाज बदलिन्छ । धन्यावाद ।

वीरगंजस्थित त्रिशक्ति ट्रेडिंगकाे गोदाममा आगलागी, डेढ कराेडकाे क्षति

0

वीरगंज । वीरगंजकाे प्रतिमा चोकमा रहेको त्रिशक्ति ईन्टरनेशनल ट्रेडिंगमा बिहिबार सांझ आगलागी भएको छ ।

मेसिनरी पार्ट भण्डारण गरी राखिएकाे गाेदाममा भएकाे आगलागीमा ढेड कराेड जतिकाे क्षति भएकाे संचालकले जनाएका छन् ।

माेबिल राखिएकाे गाेदाम अचानक आगलामगी हुुदा डेढ कराेड बराबरकाे माेबिलसहित मेसिनरी पार्ट जलेर नष्ट भएकाे जनाइएकाे छ । 

७:३० बजे भएकाे भएको आगालागी करिब एक घण्टापछि नेपाल प्रहरी, सशस्त्र प्रहरी, नेपाली सेना, वीरगंज महानगरपालिका र पाेखरिया नगरपालिकाकाे दमकलकाे सहयाेगमा नियन्त्रणमा आएकाे प्रहरीले जनाएकाे ।

आगलागी के कारणले भएकाे हाे खुल्न सकेकाे छैन ।

वीरगंजमा काेराेना संक्रमणबाट थप एक जनाकाे मृत्यु

0

वीरगन्ज । वीरगन्जमा बिहीबार साँझ कोरोना संक्रमणका कारण थप एक जनाको मृत्यु भएको छ। वीरगन्ज महानगरपालिका-१५ प्रतिमा चोकका ७४ वर्षीय पुरुषको कोरोनाले मृत्यु भएको हो। 

गण्डक बहुअरीस्थित वीरगन्ज हेल्थ अस्थायी कोभिड अस्पतालमा उपचारका क्रममा उनको बिहीबार साँझ ६: ४५ मा मृत्यु भएको जिल्ला प्रशासन कार्यालय पर्साले जनाएकाे छ ।

क्षयरोग, मधुमेह र उच्च रक्तचापको पुराना रोगी उनमा ज्वरो, खोकीका साथै निमोनियाको समस्या देखिएपछि साउन २ गते नारायणी अस्पतालको आकस्मिक कक्षमा लगेर भर्ना गरिएको थियो। 

उपचारका क्रममा बुधबार उनको स्वाब संकलन गरेर परिक्षण गर्दा कारोना पुष्टि भएपछि उनलाई बुधबार राति वीरगन्ज हेल्थ केयर अस्थायी कोभिड अस्पतालमा लगेर भर्ना गरिएको थियो। 

अस्पतालको आइसीयूमा भर्ना गरिएका उनको स्वास्थ्य झन बिग्रिएपछि बिहीबार साँझ भेन्टिलेटरमा राखेर उपचार गर्ने क्रममा मृत्यु भएको हो। 

पर्सामा थप ५५ जनामा काेराेना पुष्टि, संक्रमितकाे संख्या १६ सय नाघ्याे

0

वीरगंज । पर्सामा थप ५५ जनामा काेराेना भाइरस (काेभिड १९) संक्रमण पुष्टि भएकाे छ । १० महिलासहित ५५ जनामा काेराेना संक्रमण पुष्टि भएकाेे जिल्ला प्रशासन कार्यालय पर्साले जनाएकाे छ ।

 
प्रशासन कार्यालयका अनुसार वीरगंज महानगरपालिकाका ३२, धोबिनी गाउँपालिकाका ३, पोखरिया नगरपालिकाका १५ र पकहाँमैनपुर गाउँपालिकाका ५ गरी जम्मा ५५ जनामा काेराेना संक्रमण पुष्टि भएकाे हाे ।
 
याेसंगै पर्सामा कोरोना संक्रमितकाे संख्या एक हजार ६ सय ६१ पुगेकाे छ । जस मध्ये एक हजार ३ सय ५ पुरुष र ३ सय ५६ महिला रहेका छन् । संक्रमित हुनेमा २२ जना भारतीय नागरिकसमेत रहेकाे प्रशासन कार्यालयले जनाएकाे छ ।
 
अहिले सम्म पर्सामा एक सय १० जना स्वास्थ्यकर्मी, ८० सुरक्षाकर्मी, ६ जना पत्रकार, ८९ कैदी थुनुवा, ४८ जना अस्पताल सफाइकर्मी, गार्ड र कार्यालय सहयाेगि पनि संक्रमित भएका छन् ।
 
अहिले सम्म कोरोना मुक्त भई ७० महिलासहित ३ सय ३८ जना घर फर्केका छन् ।
 
सक्रिय संक्रमित मध्ये २५ महिलासहित एक सय ३६ जना आईसोलेसनमा र २ सय ४ महिला संक्रमितसहित ६२३ जना होम आईसोलेसनमा रहेका छन् ।
 
यस्तै क्वारेन्टाईनमा रहेको संकास्पद केस २१ महिलासहित १ सय ६ रहेकाे प्रशासन कार्यालयले सार्वजनिक गरेकाे तथ्यांकमा उल्लेख छ । हाल सम्म १६ हजार ९ सय ९५ जनाकाे स्वाव संकलन गरिएकाे र जस मध्ये ४ सय ७७ जनाकाे रिपोर्ट आउन बाँकी रहेकाे प्रशासन कार्यालयले जनाएकाे छ ।
 
जिल्ला प्रशासन कार्यालयले आफ्नाे आधिकारिक फेसबुक डिएओ पर्सामा सार्वजनिक गरेकाे विवरणमा आज ३ सय ९ जनाकाे स्वाव संकलन भएकाे जनाएकाे छ । काेराेना भाइरस संक्रमणका कारण मृत्यु हुनेकाे संख्या हाल सम्म २४ रहेकाे जनाएकाे छ ।
 
 नारायणी कोभिड-१९ अस्पताल गण्डकमा-७०, नारायणी कोभिड-१९ अस्पताल वीरगंज हेल्थ केयरमा एक सय २० र नारायणी अस्पतालमा-२० बेड गरी २ सय १० बेडको आईसोलेसन सेन्टर हुनुका साथै ४९५ बेडको सेमी आईसोलेसनको व्यवस्था गरिएको जिल्ला प्रशासन कार्यालय पर्साले जनाएकाे छ ।

कालिकामाईका २, पकहा मैनपुरका २ र बिन्दवासिनीका एक जनामा काेराेना

0

वीरगंज । पर्साकाे कालिकामाई गाउँपालिकाकाे २ जना, पकहा मैनपुर गाउँपालिकाकाे २ जना र बिन्दवासिनी गाउँपालिकाकाे एक जनामा काेराेना भाइरस (काेभिड १९) संक्रमण देखिएकाे छ ।

कालिकामाई गाउँपालिकाकाे वडा नं. १ मुडलीका ४५, ३५ बर्षिय पुरुष, पकहा मैनपुर गाउँपालिकाकाे वडा नं. २ सुर्जाहाका ४५ बर्षिय पुरुष, वडा नं. ५ सबैठवाका २२ बर्षिय महिला र बिन्दवासिनी गाउँपालिका वडा नं. २ का ३५ बर्षिय पुरुषमा काेराेना संक्रमण पुष्टि भएकाे छ ।

सक्रमित भएका पांचै जना भदाै १ गते पाेखरिया अस्पतालमा काेराेना परिक्षणकाे लागि स्वाबकाे नमुना दिएका थिए । नारायणी अस्पतालकाे प्रयाेगशालामा परिक्षण गर्दा बिहिबार पाेखरियामा काेराेना पुष्टि भएका १६ जना मध्ये यी ५ जना पनि रहेका छन् ।

संक्रमित मध्ये ४ जना पाेखरिया नगरपालिकाकाे कर्मचारी हुन् ।

पाेखरियामा एक वडाध्यक्षसहित थप १६ जनामा काेराेना संक्रमण

0

वीरगंज । पर्साकाे पाेखरिया नगरपालिकामा थप १६ जनामा काेराेना भाइरस (काेभिड १९) संक्रमण पुष्टि भएकाे छ । 

पाेखरिया नगरपालिकामा एक वडाध्यक्षसहित थप १६ जनामा काेराेना संक्रमण पुष्टि भएकाे नगरपालिकाकी उप मेयर सलमा खातुनले वताइन । संक्रमण पुष्टि हुनेमा ४ जना महिलासमेत रहेकाे उनले जानकारी गराइन ।

उनका अनुसार कन्टेक्ट ट्रेसिङकाे आधारमा भदाै १ गते ६८ जनाकाे स्वाब संकलन गरि पिसिआर परिक्षणकाे लागि नारायणी अस्पतालमा पठाउदा बिहिबार आएकाे रिपाेटमा १६ जनामा काेराेना पाेजिटिभ देखिएकाे हाे ।

संक्रमित हुनेमा नगरपालिकाकाे वडा नं. १ का एक जना, वडा नं. २ का एक जना, वडा नं. ४ का ४ जना, वडा नं. ५ का २ जना र वडा नं. ९ का एक जना रहेकाे उप मेयर खातुनले जानकारी दिइन ।

यस्तै संक्रमित हुनेमा ७ जना नगरपालिकाकाे कर्मचारीसमेत रहेकाे पाेखरिया अस्पतालका मेडिकल सुपरिटेन्डेन्ट डा अनिल कुमार यादवले वताए ।

उनका अनुसार एक जना एम्बुलेन्सका चालक, एक जना सरसफाई कर्मचारी, २ जना कार्यालय सहयाेगि, २ जना फार्मेसीमा काम गर्ने कर्मचारी र एक जना अस्पताल इमरजेन्सीमा काम गर्ने कर्मचारीमा संक्रमण देखिएकाे हाे ।

काेराेना परिक्षणकाे लागि उप मेयर खातुनले पनि स्वाबकाे नमुना दिए पनि उनकाे रिपाेट नगेटिभ आएकाे नगरपालिका स्राेतले जनाएकाे छ ।