वीरगंज । सशस्त्र प्रहरी बाेर्डर आउट पाेष्ट (बिओपी) भिखमपुरले आज लागु औषध चरेस बरामद गरेकाे छ ।
बिओपी भिखमपुरबाट खटिएको प्रहरी टोलीले पर्साको जगरनाथपुर गाउँपालिका वडा नं. २ दसौता सीमा इलाकाबाट लागु औषध २० किलाे चरेस बरामद गरेकाे हाे ।
गाेप्य सुचनाकाे अधारमा नेपालबाट भारततर्फ लगिरहेकाे चरेस बरामद गरिएकाे बिओपी भिखमपुरका प्रहरी निरिक्षक किशमान तामाङले वताए । प्रहरी टाेलीलाई देखेर तस्करहरु चरेस छाडी भगेकाे उनले जनाए ।
बरामद चरेस इलका प्रहरी कार्यालय पाेखरियालाई बुझाइएकाे सशस्त्र प्रहरी निरिक्षक तमाङले जानकारी गराए ।
