वीरगञ्ज । पर्सामा कोरोना भाइरस (काेभिड १९) संक्रमणबाट थप २ जनाको मृत्यु भएको छ । काेराेना भाइरस संक्रमणका कारण मंगलबार थप २ जनाको मृत्यु भएको जिल्ला प्रशासन कार्यालय पर्साले जनाएकाे छ ।
प्रशासन कार्यालय जनाए अनुसार वीरगञ्ज भिस्वा बस्ने ५७ बर्षका पुरुषकाे मंगलबार अपरान्ह ३:३० बजे नारायणी अस्पतालमा र बीरगंज बिर्ता बस्ने ८४ वर्षिय पुरुषको गण्डक काेभिड अस्पतालमा मंगलबार राती १०:३० बजे मृत्यू भएको हाे ।
भिस्वाका पुरुषकाे मृत्यु पछि गरिएकाे परिक्षणमा काेराेना पाेजिटिभ रिपाेट आएकाे हाे ।
विर्ताका वृद्ध श्रावन २७ गतेदेखि गण्डक कोभिड अस्पतालमा उपचार गराईरहेका थिए भने गएराती साढे १० बजेको करिबमा आइसीयुमा उपचार गर्दा गर्दै मृत्यु भएको अस्पतालले जनाएको छ ।
