Date
शनि, मंसिर ५, २०८३
Sat, November 21, 2026
Home Blog Page 937

२४ दिनमा रहबर भए काेराेना मुक्त

0

वीरगञ्ज । नेपाल कम्युनिष्ट पार्टी (नेकपा) वीरगञ्ज महाग्नर अध्यक्ष रहबर अन्सारीको कोरोना रिपोर्ट नेगेटिभ आएको छ ।

विगत २४ दिनदेखि कोरोना भाइरसबाट सङ्क्रमित भइ काठमाडौँस्थित आफ्नो घरमा बस्दै आएका नेता अन्सारीकाे तेस्रो पटक रिपाेट नगेटिभ आएकाे हाे । 

अन्सारीले सामाजिक सञ्जालको आफ्नो आधिकारिक फेसबुक पेजबाट रिपोर्ट नेगेटिभ आएको जानकारी गराएका छन् ।

फेसबुकमा रिपोर्टको प्रतिलिपि र आफ्नो छोराका साथ् एउटा फोटो राखेर उनले लेखेका छन्, ‘२४ दिनको होम आइसोलेसनपछि तेस्रो पटकको पिसिआर टेस्टमा मेरो रिपोर्ट नेगेटिभ आएको छ । अप्ठ्यारो समयमा तपाईंहरुबाट पाएका सहयोग, शुभकामना, सहानुभूती, माया र सद्भावप्रति म निकै आभारी छु । भोलिदेखि आफ्नो नियमित काममा फर्किनेछु ।’

गुणस्तरहिन भन्दै प्रशासनले गाडेकाे दाल स्थानीयले लगे

0
वीरगंज । बाराका प्रमुख जिल्ला अधिकारी रुद्र प्रसाद पण्डित राजनितीक संरक्षणको आशंका वा घेरामा परेको बुझिएको छ ।
गुणस्तरहिन भनेर प्रशासनले गाडेको ८ सय ३० बोरा रहरको दाल स्थानीयहरुले खानको लागि लगेका छन् ।
 
गत बिहिबार बेलुका कोल्ड स्टोरेजमा सिलबन्दी गरिएको अखाद्य रहरको दाल जिल्ला प्रशासन कार्यालय बाराको प्रतिनिधि, स्थानीय जनप्रतिनिधि, भद्र-भलादमी, पत्रकारहरू समेतको रोहरवरमा कलैया उपमहानगरपालिका वडान .१४ बघवन टोलस्थित पसाह खोलाको पश्चिम किनारमा जलाई पुनः माटोले पुरी नष्ट गरिएको थियो ।
 
तर त्यस्को एक दिन मै त्यहाका स्थानीयहरुले साईकल, मोटरसाइकल तथा अटोसमेत भाडा गरि निकालेर लगेका छन् । “अब प्रश्न प्रमुख जिल्ला अधिकारी के त्यो दाल खान उपयुक्त नभएकोले त्याहाका जनता किन सडेको दाल प्रहरीले गाडेपछि लिएर जान्थे होला ? यादव आइस एण्ड कोल्ड स्टोरमा राखिएको रहरको दाल जिल्ला प्रशासन कार्यालय बारासमेतको रोहवरमा उक्त ८ सय ३० बोरा दालमध्येबाट परीक्षण पश्चात उक्त रहरको दाल खान नमिल्ने अखाद्य भएको भनी प्रमाणित भएको थियो ।
 
तर के त्यो ८ सय ३० बोरा नै खान नमिल्ने प्रमाणित भएको होर । त्यसबाट सबै बोरा म रहेको दाल गुणस्तरहिन हो की केही खान योग्य पनि थियो यसमा अब प्रश्न उठेको छ । यदि प्रमाणित नै भएको हो अखाद्य छ भने फेरि किन जनताले दाल लगेका हुन ।
 
यसमा अहिले सम्म पनि प्रमुख जिल्ला अधिकारी रुद्र प्रसाद पण्डित नबोल्नुको कारण वाहा राजनीतिक संरक्षणको घेरामा त रहेका छैनन् अशंका उत्पन्न भएकाे छ ।

प्रहरीलाई आवश्यक सामग्री सहयाेग

0

वीरगंज । लायन्स क्लब अफ बिरगंज नोर्थले जिल्ला प्रहरी कार्यालय पर्सालाई आवश्यक सामग्री सहयाेग गरेकाे छ ।

क्लबले पानी तताउने बिधुतिय केट्लि ३६ थान, स्टेम भेपर ४५ थान, फेस सिल्ड १६० थान, ओक्सिमिटर ५ थान, थेर्मोमिटर १० थान, २५ कार्टून पानी लागायतकाे सामग्री सहयाेग गरेकाे हाे ।

वीरगंजमा कोरोनाको उच्च जोखिम बढेदै गर्दा प्रहरि कार्यालयद्वारा अग्रपंक्तिमा खट्ने हेल्प डेस्कका प्रहरीलाई सहयाेग पुग्ने मनसायले सेवा स्वरूप हामिले सामग्री सहयाेग गरेको क्लबका अध्यक्ष संजय अग्रवालले बताए ।

सहयोग सामग्री जिल्ला प्रहरीका कार्यालयका प्रहरी नायब उपरिक्षक गौतम थापालाई संस्थाका अध्यक्ष संजय अग्रवाल र पुर्व अध्यक्ष गोविन्द साहले संयुक्त रुपमा हस्तान्तरण गरेका थिए ।

मुख्यमन्त्रीकाे राजिनामा माग्दै वीरगंजमा प्रदर्शन

0

वीरगंज । राष्ट्रिय एकता अभियान पर्साले प्रदेश सरकार विरुद्ध वीरगन्जमा विरोध प्रर्दशन गरेको छ । रौतहटस्थित हनुमान मंदिरका पुजारी सन्त श्रीराम साहको निर्ममता पूर्वक हत्या गरेको विरोधमा अभियानले वीरगन्ज २१ परवानीपुर बजारमा प्रर्दशन गरेकाे हाे ।

अभियानका कार्यकर्ताहरुले प्रदेशमा शान्ति सुरक्षाको प्रत्याभुत दिलाउँन असफल रहेको भन्दै प्रदेश २ का मुख्यमन्त्री लालबाबु राउत गद्दीको राजिनामाको मागसमेत गरेका छन । प्रदेशमा दिन प्रतिदिन हत्या हिंसाको घटना घटे पनि प्रदेश सरकार मुकदर्शक बनेको भन्दै अभियानका नेता कार्यकताहरुले आक्रोश पोख्दै विरोध गरेका हुन ।

विरोध प्रर्दशनमा सहभागिले पुजारी साहको हत्यामा संलग्न दोषीलाई अविलम्ब पक्राउ गरी कारवाहीको माँग गरेका छन । उनीहरुले साधु सन्त एवं हिन्दु अभियानताको सुरक्षा दिन नसक्ने मुख्यमन्त्रीले राजिनामा दिनुपर्ने माँग समेत गरेका हुन ।

अभियानका केन्द्रिय सदस्य कृष्ण साहले ८५ प्रतिशत हिन्दु बाहुल देशमा एकजना सन्तको हत्या हुनु दु:खद रहेको बताए ।

मुलुकमा धर्म निरपेक्ष हुँदा पनि हिन्दु माथिको आक्रमण हुनु दुर्भाग्य छ उनले भने, रौतहटका सन्तलाई षडयन्त्रपूर्वक हत्या गरिएको हुनाले दोषीलाई अविलम्ब पक्राउ गरी कडा भन्दा कडा कारवाही गरिनु पर्छ । सरकारले हत्यालाई पक्राउ नगरे कडा भन्दा कडा आन्दोलनमा उत्रिने चेतावी दिदै यसबाट उत्पन्न असहज परिस्थतीको जिम्मा सरकारले नै लिने उनले चेतावनी दिए ।

अभियानका परवानीपुर गाउँपालिका संयोजक अनिल यादवको अगुवाईमा गरिएको विरोध प्रर्दशनमा अभियानका राहुल सर्राफ, सौरभ तिवारी, अनिल कुशवाहा, संजय साह, सोनु कुशवाहा लगायतको सहभागिता रहेको थियो ।

गत ३ गते रौतहटस्थित माधवनारायण नगरपालिकाको खेसरहिया गाउँमा रहेको हनुमान मन्दिरका पुजारी सन्त श्रीराम साहलाई खाना खाईरहेको बेला कन्चटमा गोली हानी निर्ममता पूर्वक हत्या गरिएको थियो । घटनामा संलग्न दोषीलाई प्रहरीले अहिले सम्म पक्राउ गर्न सकेको छैन ।

पर्सागढीका २५ सहित पर्सामा थप ५४ जनामा काेराेना संक्रमण

0
वीरगंज । पर्सामा थप ५४ जनामा कोरोना भाइरस संक्रमण पुष्टि भएको छ । वीरगन्जस्थित नारायणी अस्पतालको प्रयोगशालामा शुक्रबार अबेर राति गरिएको परीक्षणमा ७ महिलासहित ५४ जनाको नतिजा पाेजिटिभ देखिएकाे जिल्ला प्रशासन कार्यालय पर्साले जनाएकाे छ ।
 
प्रशासन कार्यालयले उपलब्ध गराएकाे विवरण अनुसार वीरगंज महानगरपालिकाे वडा नं. ४, ७, ९, १०, ११, १२, २०, २५ मा १-१ जना, वडा नं. १३ मा २ जना, वडा नं. १६ र ३२ मा ३-३ जना गरी १६ जनामा संक्रमण फेला परेकाे छ ।
 
यस्तै पकहा मैनपुर गाउँपालिकाकाे वडा नं. १ धाेरेमा एक जना, वडा नं. ३ पकहा मैनपुरमा एक जना, वडा नं. ५ सबैठवामा एक जना, सखुवा प्रसौनी गाउँपालिकाकाे वडा नं. ४ मा एक जना, पटेर्वा सुगौली गाउँपालिकाकाे वडा नं. ४ मा ३ जना, ठोरी गाउँपालिकाकाे वडा नं. १ मा २ जना, वडा नं. ४ मा १ जनामा संक्रमण पुष्टि भएकाे छ ।
 
पकहा मनैपुर गाउँपालिकामा संक्रमण पुष्टि भएका ३ जना मध्ये २ जना स्वास्थ्यकर्मी समेत रहेका छन् ।
 
संक्रमित हुने सब भन्दा बढी पर्सागढी नगरपालिकाका २५ जना रहेका छन् । पर्सागढी नगरपालिकाकाे वडा नं. ४ मा ४ जना, वडा नं. ५ मा ४ जना र वडा नं. ६ मा १७ जना संक्रमण फेला परेकाे छ ।
 

जिल्ला प्रहरी कार्यालय पर्सामा कार्यरत एक प्रहरीमा पनि संक्रमण भेटिएको प्रयोगशाला स्राेतले जनाएकाे छ। ५४ जनामा संक्रमण पुष्टि भएसँगै पर्सामा संक्रमितको संख्या १ हजार ७ सय ९० पुगेको जिल्ला प्रशासन कार्यालय पर्साले जनाएको छ ।  

बहुदरमाईका एकसहित पर्सामा थप २ जना काेराेना संक्रमितकाे मृत्यु

0
वीरगंज । काेराेना भाइरस (काेभिड १९) संक्रमणका कारण पर्सामा थप २ जनाकाे मृत्यु भएकाे छ । नारायणी काेभिड १९ अस्पताल बिरगंज हेल्थ केयरमा गएराती एक जनाकाे र आज विहान एक जना गरी थप २ जनाकाे मृत्यु भएकाे हाे ।
 

 गएराति ०८:०५ बजे बिरगंज हेल्थ केयरमा उपचारत वीरगंज महानगरपालिका वडा नं. २६ सुगाैली विर्ताका ५८ वर्षिय पुरुषको मृत्यु भएको जिल्ला प्रशासन कार्यालय पर्साले जनाएकाे छ ।

प्रशासन कार्यालयका अनुसार उनकाे बिहिबार स्वाव संकलन गरि आरटी पिसिआर परीक्षण गर्दा  शुक्रबार रिपाेट पाेजिटिभ आएको थियाे । खोकी र श्वासप्रश्वासमा समस्या रहेकाे उनकाे काेभिड अस्पतालकाे आइसियु र भेन्टिलेरमा राखेर उपचार गर्ने क्रममा मृत्यु भएकाे हाे ।

यस्तै वीरगंज हेल्थ केेयर काेभिड अस्पताल मै आज विहान ७:१० पर्साकाे बहुदरमाई नगरपालिका–४ डकैला बहुअरी बस्ने ६१ वर्षीय पुरुषको मृत्यु भएको छ ।

कोरोना संक्रमण पुष्टि भएपछि अलि अर्थो ट्रमा सेन्टरबाट गम्भिर अवस्थामा वीरगञ्ज हेल्थ केयरमा ल्याइएको थियो । उच्च रक्तचाप, मुटु र दम सम्बन्धी समस्याले ग्रस्त उनको स्वाब भदौ ३ गते संकलन गरिएको थियो । पीसीआर रिपोर्ट पोजेटिभ आएपछि भदौ ४ गते बेलुका ८ः३० बजे वीरगञ्ज हेल्थ केयरमा ल्याइएको थियो ।

ज्वरो, श्वास प्रश्वास, टाउको दुखाइ, बान्ता, दम हुने समस्याका कारण ३१ गतेदेखि उनको अलि अर्थोमा उपचार भइरहेको थियो । 

कालिकामाईमा एक हजार पिसिआर परिक्षण गर्ने तयारी

0

वीरगंज । पर्साकाे कालिकामाई गाउँपालिकामा एक हजार जनाकाे पिसिआर परिक्षण हुने भएकाे छ । बिहिबार बसेकाे गाउँपालिकाकाे विपद व्यवस्थापन समितिकाे बैठकले गाउँपालिकाकाे पांच वटै वडामा पहिलाे चरणमा एक हजार जनाकाे पिसिआर परिक्षण गर्ने निर्णय गरेकाे छ । 

बैठकले गाउँपालिका अन्तर्गतकाे काेराेना संकास्पद, भिड हुने ठाउँ हाेटल, किराना पसल, सैलुन, सेलर मिलका संचालककाे काेराेना  पिसिआर परिक्षण गर्ने निर्णय गरेकाे गाउँपालिकाका प्रवक्तासमेत रहेका वडा नं. ५ का वडाध्यक्ष पवन तिवारीले जानकारी दिए । 

उनका अनुसार पहिलाे चरणमा भिड हुने व्यवसायीहरुकाे साथै ज्वाराे, खाेकीकाे बिरामीहरुकाे पिसिआर परिक्षण गरिने छ । फेला परेका काेराेना संक्रमितलाई राख्न श्री नेरा प्रावि हरिहरपुरमा सेमि आइसाेलेसन बनाउने बैठककाे निर्णय अनुसार ३० बेडकाे आइसाेलेसन तयार गरिएकाे छ।

गाउँपालिकामा प्रमुख प्रशासकिय अधिकृत नहुदा पिसिआर परीक्षणका लागि चाहिने सामग्री उधारोमा लिएर तयारी गरिएको तिवारीकाे भनाई छ । 

पिसिआर परिक्षणकाे लागि जिल्ला संकट व्यवस्थापन केन्द्रकाे अध्यक्षसमेत रहेका प्रमुख जिल्ला अधिकारीसंग समन्वयसमेत भईसकेकाे उनले जनाए । जिल्ला संकट व्यवस्थापन केन्द्रकाे समन्वयमा नै विना लक्षणकाे संक्रमितलाई गाउँपालिकाकाे सेमि आइसाेलेसनमा राखिने र लक्षणसहितकाे संक्रमितलाई वीरगंजकाे काेभिड अस्पतालमा पठाइने याेजना रहेकाे वडाध्यक्ष तिवारीले वताए ।

वप्रका श्रीपुरद्वारा बरामद मदिरा नष्ट

0

वीरगंज । वडा प्रहरी कार्यालय श्रीपुर पर्साले बरामद गरेकाे घरेलु मदिरा नष्ट गरेकाे छ । बरामद ५ सय १५ लिटर घरेलु मदिरा (रक्सी) शुक्रबार नष्ट गरिएकाे वडा प्रहरी कार्यालय श्रीपुरले जनाएकाे छ ।

बिरगंज महानगरपालिकाकाे वडा नं. २२ जगरनाथपुर चोकबाट बरामद मदिरा नष्ट गरिएकाे वडा प्रहरी कार्यालय श्रीपुरका प्रहरी निरिक्षक दिपक साहले वताए ।

जारी निशाधाज्ञाकाे कार्यन्वयनको लागी खटिएको प्रहरी टोलीले बिहिबार राती ८ बजेको समयमा जगरनाथपुर चोकमा पुग्दा केही मानिसहरुले बिरगंजको बिभिन्ना स्थानमा ल्याई बिक्री बितरण गर्ने उद्देश्यले लिई आएको घरेलु मदिरा ५ सय १५ लिटर फेला पारी बरामद गरी ल्याई नष्ट गरीएकाे उनले जानकारी गराए ।

पर्सामा थप ७५ जनामा काेराेना संक्रमण, मृत्यु हुनेकाे संख्या २६ पुग्याे

0
वीरगंज । पर्सामा थप ७५ जनामा काेराेना भाइरस संक्रमण पुष्टि भएकाे छ । वीरगंज महानगरपालिकाकाे ७१ सहित शुक्रबार थप ७५ जनामा काेराेना भाइरस संक्रमण फेला परेकाे जिल्ला प्रशासन कार्यालय पर्साले जनाएकाे छ ।
 
संक्रमित हुनेमा ५१ पुरुष र २४ महिला रहेका छन । वीरगंज महानगरपालिकाका ७१, बहुदरमाई नगरपालिकाका १, जिराभवानी गाउँपालिकाका १, पोखरिया नगरपालिकाका १ र पकहाँमैनपुर गा.पा.का १ गरी ७५ जनामा संक्रमण पुष्टि भएकाे हाे ।
 
 याेसंगै प्रशासन कार्यालयका अनुसार पर्सामा कोरोना संक्रमितकाे संख्या एक हजार ७ सय ३६ पुगेकाे छ । जसमा १३५६ पुरुष र ३८० महिला रहेका छन् ।
 
कोरोना मुक्त भई घर फर्केकाको संख्या ७२ महिला सहित ३ सय ४५ रहेकाे छ । शुक्रबार विभिन्न उमेर समूहका ७ जना संक्रमित काेराेना मुक्त भएकाे प्रशासन कार्यालयले उपलब्ध गराएकाे विवरणमा उल्लेख छ । काेराेना संक्रमित ५ पुरुष र २ महिला निको भई घर फर्केकाे जनाएकाे छ ।
 
आईसोलेसनमा रहेको पोजेटिभ केस २७ महिलासिहत एक सय ३८ रहेकाे छ भने होम आईसोलेसनमा रहेको पोजेटिभ केस २ सय ५ महिलासहित ६ सय ५ रहेकाे छ ।
 
हाल सम्म १७ हजार २ सय ६६ जनाकाे स्वाव संकलन भएकाे जस मध्ये ३७२ जनाकाे अझै रिपोर्ट आउन बाँकी रहेकाे प्रशासन कार्यालयले जनाएकाे छ । काेराेना संक्रमणबाट हाल सम्म २६ जनाकाे मृत्यु भएकाे प्रशासन कार्यालयकाे तथ्यांकमा उल्लेख छ ।
आज संकलन भएको स्वाव संख्या : २७१

बहुदरमाईकाे आइसाेलेसन सिडिओ तामाङद्वारा अनुगमन

0

वीरगंज । पर्साकाे बहुदरमाई नगरपालिकामा संचालनमा रहेकाे आइसाेलेसनकाे प्रमुख जिल्ला अधिकारी (सिडिओ) अस्मान तामाङले अनुगमन गरेका छन् ।

नगरपालिकाकाे ३ ठाउँमा संचालनमा रहेकाे सेमि आइसाेलेसनकाे शुक्रबार सिडिओ तामाङसहितकाे टाेलीले अनुगमन गरेकाे नगरपालिकाकाे स्वास्थ्य संयाेजक बिदुर उप्रेतीले जानकारी दिए ।

साे अनुगमन टाेलीमा प्रहरी उपरिक्षक गंगा पन्त, सशस्त्र प्रहरी उपरिक्षक राजेन्द्र खड्का, चण्डीप्रसाद गणका प्रमुख सेनानी मदन जंग राणा, नगरपालिकाकाे प्रमुख प्रशासकिय अधिकृत तिर्थ राज पाैडेल लगायतकाे सहभागिता रहेकाे थियाे ।  

नगरपालिकाले श्री नेपाल अधारभुतमा विद्यालय वैरिया बिर्ता, श्री महाविर साह माध्यमिक विद्यालय नगरदाहा र श्री सिताराम आधारभुत विद्यालय भाैंराटारमा सेमि आइसाेलेसन संचालनमा ल्याएकाे संयाेजक उप्रेतीले जानकारी गराए ।

उनका अनुसार बैरिया बिर्ताकाे आइसाेलेसनमा १७ जना, नगरदाहामा १२ जना र भाैराटारकाे आइसाेलेसनमा ३४ जना संक्रमितहरु रहेका छन् ।