Date
शनि, मंसिर ५, २०८३
Sat, November 21, 2026
Home Blog Page 936

उप सभापति एवं पूर्व गाविस उपाध्यक्ष रामाधार साहकाे निधन

0

वीरगंज । पर्साकाे कालिकामाई गाउँपालिका वडा नं. २ निवासी साविक गाबिस भेडिहाकारीका पूर्व उपाध्यक्ष रामाधार साह तेलीकाे निधन भएकाे छ । नेपाली कांग्रेस कालिकामाई गाउँपालिका वडा नं. २ का वडा समितिका उप सभापतिसमेत रहेका ७० बर्षिय तेलीकाे आइतबार विहान ६ बजे उनकाे आफ्नै निवासमा निधन भएकाे हाे ।

असमायिक निधन भएका तेलीकाे आजै आफ्नै गाउँकाे आर्यघाटमा धार्मिक परम्परा अनुसार अन्त्येष्टि गरिएकाे छ । अन्त्येष्टि गर्नु अघि साहकाे पार्थिव सरिरमा नेपाली कांग्रेसका नेताहरुले पार्टीकाे झन्डा ओढाएर श्रद्धान्जली अर्पण गरेका थिए ।

श्रद्धान्जली दिदै नेताहरुले तेलीकाे निधनले नेपाली कांग्रेस कालिकामाई गाउँपालिकामा क्षति पुगेकाे प्रतिक्रिया दिए । 

नेपाली कांग्रेस कालिकामाई गाउँपालिका संयाेजक राजेन्द्र प्रसाद कुर्मी, छठु साह, रजाक मियाँ, रामशिष यादव, रामानन्द ठाकुर लगायतकाले साहलाई अन्तिम श्रद्धान्जली दिन आर्यघाट पुगेका थिए ।

गत स्थानिय तहकाे निर्वाचनमा नेपाली कांग्रेसबाट तेली कालिकामाई गाउँपालिका वडा नं. २ काे वडाध्यक्षमा चुनाव लडेका थिए ।  

बिन्दवासिनीका १० सहित पर्सामा थप १२० जनामा काेराेना पुष्टि

0
वीरगंज । पर्सामा थप एक सय २० जनामा कोरोना भाइरस संक्रमित पुष्टि भएकाे छ । पच्छिलाे २४ घण्टामा ८८ पुरुष र ३२ महिलामा काेराेना संक्रमण पुष्टि भएकाे जिल्ला प्रशासन कार्यालयले जनाएकाे छ ।
 
प्रशासन कार्यालय अनुसार वीरगंज महानगरपालिकाकाे वडा नं २, ८, १२ मा ७-७ जना, वडा नं ३ मा ३ जना, वडा नं ४, ५, ६, १०, २२, २४, २९, ३१ मा १-१ जना, वडा नं ७, ११ मा २-२ जना, वडा नं. ९, २० मा ४-४ जना, वडा नं. १३ मा १० जना, वडा नं. १४ मा १८ जना, वडा नं १५ मा ३ जना, वडा नं. १६ मा १२ जना, वडा नं. २६ मा ६ जनामा संक्रमण फेला परेकाे छ ।
 
यस्तै जिराभावानी गाउँपालिकामा १ जना, जगरनाथपुर गाउँपालिकाकाे वडा नं ४ मा १ जना, बिन्दवासिनी गाउँपालिकाकाे वडा नं ३ मा १ जना, वडा नं ४ मा ९ जना, बहुदरमाई नगरपालिकाकाे वडा नं. ४ मा १ जना र पर्सागढी नगरपालिकाकाे वडा नं. ८ मा ३ जना संक्रमित भएका छन् ।
 
संक्रमित हुनेमा वीरगंजकाे लिंक राेडस्थित रहेकाे नारायणी एफएममा कार्यरत ५ जना संचाकर्मी र केही चिकित्सकहरुसमेत रहेकाे नारायणी अस्पतालकाे प्रयाेगशालाले जनाएकाे छ ।

वीरगंजकाे काेभिड अस्पतालबाट दुई थुनुवा संक्रमित फरार

0

वीरगञ्ज । वीरगञ्जको कोभिड अस्पतालबाट दुई जना काेराेना सङ्क्रमित फरार भएका छन् । नारायणी अस्पतालको मातहातमा रहेको वीरगञ्ज हेल्थ केयरमा उपचाररत दुई सङ्क्रमित फरार भएका हुन् ।

फरार दुबै संक्रमित सार्वजनिक शान्ति विरुद्धकाे खसुर मुद्दाका थुनुवा हुन् ।

शनिबार राति २ बजेतिर राउण्डमा गएका स्वास्थ्यकर्मीले दुई सङ्क्रमितलाई नदेखेपछि प्रहरीलाई खबर गरेका थिए । डिलक्स क्याबिनमा बस्दै आएका उनीहरु कसरी भाग्न सफल भए भन्नेबारे प्रहरीले अनुसन्धान गरिरहेको छ ।

अस्पतालको पछाडिबाट हाम फालेर भागेको हुन सक्ने आशंका प्रहरीको छ । उनीहरुको खोज तलास भइरहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक मनोजीत कुँवरले जानकारी दिए ।

पाेखरिया अस्पताललाई पानी सहयाेग

0
वीरगन्ज । पाेखरिया युवा समाजले पोखरिया अस्पतालको आईसाेलेसनमा पानी सहयाेग गरेकाे छ । पाेखरिया नगरपालिकाकाे वडा नं. ४ पाेखरियामा रहेकाे अस्पतालकाे आइसाेलेसनमा समाजले ६ सय पानीको बाेतल सहयाेग गरेकाे हाे ।
 
आइसाेलेसनमा उपचाररत कोरोना संक्रमितकाे लागि पानी सहयाेग गरिएकाे युवा समाजका संताेष महताेले वताए । अस्पतालका प्रतिनिधि लक्ष्मी चौहानलाई समाजका नौसाद आलमको नेतृत्व ६ सय थान पानीकाे बोतल सहयाेग गरिएकाे वताइएकाे छ ।
 
पानी बाेतल सहयाेग गर्न युवा समाजका अखिलाख आलम, मनोज कुमार गुप्ता, मनिर आलम, निरंजन चौहान, टाईसन किसोर, नन्दकिसोर चौहान लगायत पाेखरिया अस्पताल पुगेका थिए ।

वीरगंजमा उपचाररत काेराेना संक्रमित महिलाकाे मृत्यु

0

वीरगंज । पर्सामा काेराेना भाइरस (काेभिड १९) संक्रमित थप एक जनाकाे मृत्यु भएकाे छ ।

नारायणी कोभिड १९ अस्पताल वीरगंज हेल्थ केयरमा उपचाररत वीरगंज महानगरपालिका वडा नं. ११ बस्ने ५६ वर्षिय महिलाको मृत्यु भएको जिल्ला प्रशासन कार्यालय पर्साले जनाएकाे छ ।

ज्वरो, खोकी, थाइरोइड, श्वासप्रश्वासमा समस्या रहेको महिलाकाे शुक्रबार बेलुका ०७:३० बजे मृत्यु भएकाे हाे । प्रशासन कार्यालयले जनाए अनुसार श्रावण २२ गते स्वाव संकलन गरी महिलाकाे आरटी पिसिआर परीक्षण गर्दा श्रावण २४ गते नतिजा पाेजिटिभ आएको थियाे । 

त्यसपछि वीरगंज हेल्थ केयर काेभिड अस्पतालकाे आइसियु र पछिल्लो १२ घण्टा भेन्टिलेटरमासमेत राखेर उपचार गर्ने क्रममा मृत्यु भएकाे हाे । मृतकाे कुनै किसिमकाे ट्रेभल हिस्ट्री नरहेको जनाइएकाे छ ।

प्रशासन कार्यालयकाे तथ्यांक अनुसार याेसंगै पर्सामा काेराेना संक्रमणबाट मृत्यु हुनेकाे संख्या २९ पुगेकाे छ ।

पाेखरिया अस्पतालबाट पनि काेराेना निकाे भएर एक जना डिस्चार्ज

0

वीरगंज । पर्साकाे पाेखरिया अस्पतालबाट पनि एक जना काेराेना निकाे भएर डिस्चार्ज भएका छन् । काेराेना निकाे भएर डिस्चार्ज भएका २५ बर्षिय पुरुषालाई पाेखरिया नगरपालिकाकी उप मेयर सलमा खातुनले बधाई तथा शुभकामना दिएकी छन् ।

अस्पताल मै पुगेर उप मेयर खातनुले डिस्चार्ज हुने व्यक्तिलाई फूलकाे गुच्छाले स्वागत गर्दै शुभकामना दिइन ।  

दाेस्राे पटक पिसिआर परिक्षण गर्दा रिपाेर्ट नगेटिभ आएपछि शनिबार सांझ एक जनालाई डिस्चार्ज गरिएकाे अस्पतालका मेडिकल सुपरिटेन्डेन्ट (मेसु) डा. अनिल यादवले जानकारी दिए ।

१४ दिनपछि काेराेना निकाे भएर उनी घर फर्केकाे मेसु यादवले वताए ।

साउन २५ गते उनीसहित ५ जना संक्रमितलाई अस्पतालकाे आइसाेलेसनमा भर्ना गरिएकाे थियाे । पांचै जनाकाे भदाै ४ गते दाेस्राे पटक स्वाब संकलन गरि परिक्षणकाे लागि वीरगंजस्थित नारायणी अस्पतालमा पठाउदा शनिबार ४ जनाकाे रिपाेट पुन: पाेजिटिभ र एक जनाकाे नगेटि आएकाे मेसु यादवले जानकारी गराए ।

दाेस्राे पटक रिपाेट नगेटिभ आएका एक जनालाई डिस्चार्ज गरिएकाे र ४ जनालाई अहिले अस्पतालकाे आइसाेलेसन मै राखिएकाे उनले वताए । भदाै ४ गते नै कन्टेक्ट ट्रेसिङका ३ जनाकाे स्वाब परिक्षणकाे लागि पठाइएकाेमा उनीहरुकाे रपाेर्ट नगिटिभ आएकाे मेसु यादवले जानकारी गराए ।

पाेखरिया अस्पतालकाे आइसाेलेसमा हाल २५ जना रहेका छन् भने बेड अभावमा अस्पतालकाे क्वाटरमा पनि ९ जना सक्रमितलाई राखिएकाे छ । लक्षण नभएका पाेखरिया नगरपालिकाका अरु संक्रमितहरु हाेम आइसाेलेसनमा रहेका छन् ।    

सानाे पाइलाद्वारा ४० शय्याको अर्काे सामुदायिक आइसोलेसन सञ्चालन

0

वीरगञ्ज । सानो पाइलाले जिल्ला संकट ब्यवस्थापन केन्द्र पर्साको समन्वयमा वीरगंजमा अर्को पनि सामुदायीक आइसोलेसशन केन्द्र सञ्चालनमा ल्याएको छ ।

वीरगञ्ज महानगरपालिका वडा नं २५ स्थित होटेल वाटिका ईन्टरनेशनलमा ४० शय्याको सामुदायिक आइसोलेश केन्द्र शुरु गरि सकिएको सानो पाइलाले बिज्ञप्ति जारी गरेर जनाएको छ ।

आइसोलेशन केन्द्रमा ४० जना कोराना भाइरसको संक्रमण पुष्टि भएका ब्यक्तिहरुलाई सेवा दिन सकिने छ । आइसोलेशन सेन्टर संचालनकालागि संविधान सभाका सदस्य एवं नेपाली कांग्रेसका नेता अनिल रुङटा, प्रदेशसभा सदस्य डा. अञ्जू कुमारी यादव र बुढानिलकण्ठ स्कूलका पूर्व बिद्यार्थी समाज, सहायता नेपाल, अमेरिका नेपाल मेडिकल फाउण्डेशन, राष्ट्रिय आष्किार केन्द्र क्रियशन नेपाललसँगको सहकार्यमा सामुदायिक आइसोलेसन केन्द्र सञ्चालन गरिएको सानाे पाइलाले बिज्ञप्तिमार्फत जनाएकाे छ ।

विश्व स्वास्थ्य संगठन र नेपाल सरकारले तोकेको मापदण्ड अनुसार आइसोलेसन केन्द्र सञ्चालनमा ल्याइएको सानो पाइलाका प्रमुख कार्यकारी अधिकृत कञ्चनझाले जानकारी दिए ।

‘हामीले सरकारको स्वास्थ्य मापदण्ड अनुसारनै आइसोलेसन केन्द्र सञ्चालनमा ल्याएका हौं,’ झाले भने, ‘जहाँ डब्लुएचओले तय गरेको मापदण्डको पालना गर्दै सङ्क्रमितहरुलाई खाने, बस्ने व्यवस्था मिलाएका छौ ।’

यसअघि कलवार धर्माशालामा सञ्चालन गरिएको ४० शय्याको आइसोलेसन माहामीले कोरोना नियन्त्रणका लागि फ्रन्टलाइनमा खटिएका सुरक्षाकर्मीहरुलाई राख्दै आएकाे सानाे पाइलाका जय साहले वताए ।

कोरोना सङ्क्रमितलाई परामर्श र उपचार सेवासहितको आइसोलेसनको व्यवस्था गर्न समुदायमा आधारित सामाजिक संस्था सानो पाइला सुरूदेखि नै अग्रसर रहँदै आएको छ ।

बिन्दवासिनीकाे ढङ्गही नदीलाई गाउँपालिकाले पुनः पुरानै धारमा फर्कायाे

0

वीरगंज । पर्साकाे बिन्दवासिनी गाउँपालिका वडा नम्बर १ र २ को सिमामा पर्ने ढङ्गही नदीलाई पुनः पुरानै धारमा फर्काइएको छ ।

गाँउपालिका अध्यक्ष श्रीलाल साह कानुको निर्देशनमा सो मुहान साविकको ठाँउमा फर्काइएको हो । नदी छेउमा रहेको जग्गा कारोवारी वीरगंज श्रीसिया निवासी जग्गा ठेकेदार रामनारायण ठाकुरसमेतले साबिक नदीको मुहान परिवर्तन गरेका थिए ।

गाँउपालिकामा गत साउन २९ गते बसेको कार्यपालिकाको बैठकले सो नदिको नयाँ मुहान बन्द गरी साविकको मुहान खोल्ने निर्देशन दिएपनि ठेकेदार ठाकुरले अटेर गर्दै आएका थिए । आज गाँउपालिकाले आफनो र भाडामा लिएको जेसिवि प्रयोग गरी नदिको मुहान साविकै अवस्थामा फर्काएको गाँउपालिकाका निमित प्रमुख प्रशासकिय अधिकृत मुन्ना साह रौनियारले बताए ।

गत साउन २४ गते राति जग्गा कारोवारीहरुले वहुअर्वा भाठादेखि पश्चिम हुलाकी सडक खण्डमा पर्ने ढङ्गहीको मुहान नै परिवर्तन गरेका थिए । हुलाकी सडक भएर बगि रहेको नदीलाई रातीको समयमा केहि व्यक्तीले मुहान फेरेको कार्यपालिका सदस्य रामाधार मुखियाले बताए ।

वहुअर्वा र गर्दौल गाउँका सयौं विगा जग्गाको प्रमुख सिचाइको रुपमा रहेको ढङ्गही नदीको मुहान रातै रातमा मुहान परिवर्तन भएपछि त्याहाका किसानहरु मारमा परेको थिए । मुहानलाई साविकको ठाँउमा फर्काउन लागेको सम्पुर्ण खर्च ठेकेदार ठाकुरबाट असुल उपर गर्ने गाँउपालिका अध्यक्ष कानुले बताए ।

ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंह, सशस्त्र वेश क्याम्प बहुअर्वाभाठाका सई कृष्ण बनियाँको नेतृत्वमा खटेको सुरक्षाकर्मीको सक्रियतामा मुहान साविकको ठाँउमा फर्काइएको वडा अध्यक्ष सागिर मियाँले जानकारी दिए ।

नदीका किनारमा रहेका जग्गा धनीले मुहान फेरेर आफ्नो जग्गा हुलाकि सडकसंग जोडने प्रयास गरेका थिए । ठाकुरले ७०-८० फिट चौडा र १ हजार मिटर लामो भएर बगिरहेको नदीलाई अहिले १ हजार मिटर लामो दुरीलाई परिवर्तन गरेर २० मिटरमा ल्याएका थिए ।

मुहान फेरेर नदीको करिब १९ बिगहा भन्दा बढी जग्गा अतिक्रमण गर्न खोजेको स्थानीयाले बताएका छन् । ठेकेदार ठाकुरले पालिकासंग कुनै समन्वय नगरि नदीको मुहार फेरेको थिए । स्थानियको चौतर्फी बिरोध पछि नदिको मुहान साविकको स्थानमा फर्काइएको हाे ।

काेराेना संक्रमणबाट थप ९ जनाकाे मृत्यु

0

काठमाडौँ । कोरोना भाइरस (काेभिड १९) संक्रमणबाट २४ घन्टामा थप ९ जनाको मृत्यु भएको छ । 

स्वास्थ्य तथा जनसंख्या मन्त्रालयले शनिबार आयोजना गरेकाे प्रेस ब्रिफिङमा बारा, पर्सा, सिराह, मकवानपुर, सुनसरी र भक्तपुरका संक्रमितको मृत्यु भएको औपचारिक रुपमा पुष्टि गरेको हो ।

मन्त्रालयका अनुसार संक्रमणबाट बाराका ५८ वर्षीय, सिरहाका ६८ वर्षीय, मकवानपुरका ५६ वर्षीय र भक्तपुरका ७३ वर्षीय व्यक्तिको मृत्यु भएको छ ।

यस्तै पर्साका ६१ वर्षीय, ५८ वर्षीय र ४८ वर्षीय पुरुषको मृत्यु भएको छ । सुनसरीका ६ वर्षीया बालिका र ६७ वर्षीय पुरुषको काेराेना संक्रमणले मृत्यु भएको हो । योसँगै नेपालमा कोरोना संक्रमणबाट मृत्यु हुनेको संख्या १४६ पुगेको छ । 

लखनपुरमा रक्तदान कार्यक्रम सम्पन्न

0
वीरगंज । पर्साको सखुवा प्रसौनी गाउँपालिका वडा नं. ६ लखनपुरमा शनिबार आकास्मिक रक्तदान कार्यक्रम सम्पन्न भएकाे छ । श्री जन जागरण युवा क्लब लखनपुरको आयोजनामा भएकाे कार्यक्रममा २ महिला सहित ३१ जनाले रक्तदान गरेका छन् ।
 
आयाेजक संस्थाका अध्यक्ष शिव कुमार साहको अध्यक्षतामा भएकाे कार्यक्रमकाे शुभारम्भ रक्तदान गरी सखुवा प्रसौनी गाउँपालिका वडा नं. ६ का वडा सदस्य धर्मराज साहले गरेका थिए ।
 
कार्यक्रममा मनोज यादव, रामबाबु साह तेली, सिकेन्द्र सहनी, रामचन्द्र साह कानु, सोनालाल साह, अमलेस कुमार, लालबहादुर महरा, धिरज कुमार यादव, जपाल राउत कम्कर, बिकास कुमार, कैलास साह, सबिता देबि, कमरुल नेसा, हमिद मिया, लालचन पटेल, भगवान सहनी, अशोक कुमार साह, मन्नु गिरि लगायतले रक्तदान गरेको अध्यक्ष साहले जानकारी गराए ।
 
बिश्वभरी महामारीकाे रुपमा फैलिएको कोरोना भाइरसका कारण मानव जातिमा प्रभाव पार्ने भएकोले रक्त संचार केन्द्रमा रक्तको अभाव हुन् नदिनको लागि स्वास्थ्य मापदण्ड अनुसार सतर्कता अपनाई ग्रामिण भेगमा रक्तदान कार्यक्रम गरिएको रक्त संचार केन्द्रका सौरभ राज पाण्डेयले बताए |
 
कार्यक्रममा रक्त संचार केन्द्र वीरगंजका प्राविधिक धिरेन्द्र झा, जितेन्द्र महतो, शेखर साह र रामनरेश यादवले प्राविधिक सहयोग गरेका थिए । जिल्ला कृषि सहकारी संघ लि. पर्सा र जय महाबिर कृषि सहकारी संस्था लि. लखनपुरको सहकार्यमा रक्तदान कार्यक्रम आयाेजना गरिएकाे थियाे ।