Date
शनि, मंसिर ५, २०८३
Sat, November 21, 2026
Home Blog Page 933

काठ लाेड गरिएकाे दुईवटा ट्रेक्टर बरामद

0

वीरगंज । सशस्त्र प्रहरीले पर्साको जगरनाथपुर गाउँपालिका वडा नं. २ लक्ष्मीपुरबाट काठ लोड गरेकाे दुई वटा ट्रेक्टर बरामद गरेकाे छ ।

सशस्त्र प्रहरी बल बोर्डर आउट पोस्ट भिखमपुरले जंगलबाट अबैध रुपमा काठ फडानी गरी ल्याइरहेकाे ना ५ त ३९५४ र ना ७ त २०२७ नं को दुई वटा ट्रयाक्टर बरामद गरी नियन्त्रमा लिएकाे हाे ।

अन्दाजी मुल्य १३ लाॅख बराबरकाे काठ बरामद गरिएकाे बिओपि भिखमपुरका सशस्त्र प्रहरी निरीक्षक किसमान तामाङले जानकारी दिए । बरामद गरिएकाे दुइटा ट्रयाक्टरमा ४० वटा गोलीया करिब.१५० क्यु फिट सिमल र कपोकको काठ रहेकाे प्रहरी निरिक्षक तामाङले वताए ।

बरामद गरिएको काठ र ट्रेक्टर आवश्यक कारवाहीको लागी सेक्टर बन कार्यालय बसन्तपुर सेढवा पठाइएकाे विओपी भिखमपुरले जनाएकाे छ ।

पर्सामा थप ४२ जनामा काेराेना संक्रमण पुष्टि

0

वीरगंज । पर्सामा थप ४२ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पताल वीरगंजकाे प्रयाेगशालामा बिहिबार राति गरिएकाे परिक्षणमा पर्साका थप ४२ जनामा संक्रमण फेला परेकाे हाे ।

३ सय ८ जनाकाे स्वाबकाे नमुना परिक्षण गर्दा १७ महिला र ४० पुरुष गरी ५७ जनामा संक्रमण फेला परेकाे नारायणी अस्पतालका प्रवक्ता डा. अतुलेश चाैरसियाले जानकारी दिए । संक्रमित हुनेमा पर्साका ४२ जना, बाराका १२ जना, राैतहटका २ जना र सर्लाहीका एक जना रहेकाे उनले जानकारी गराए ।

प्रवक्ता डा. चाैरसियाका अनुसार पर्साकाे कालिकामाई गाउँपालिकाकाे वडा नं. २ भेडिहारीका २ जना र पर्सागढी नगरपालिकाकाे वडा नं. ८ हरपुरमा एक जना संक्रमित भएका छन् ।

कालिकामाईकाे ५० जनामा २ जनाकाे रिपाेर्ट पाेजिटिभ देखिएकाे छ । बुधबार कालिकामाईकाे भेडिहारीमा ५० जनाकाे स्वाब संकलन गरेर परिक्षणकाे लागि नारायणी अस्पतालकाे प्रयाेगशालामा पठाइएकाे थियाे । प्रयाेगशालाले बिहिबार राती गरेकाे परिक्षणमा २ जनाकाे मात्र काेराेना पाेजिटिभ देखिएकाे अस्पतालका प्रवक्ता डा. चाैरसियाले जानकारी दिए ।

यस्तै वीरगंज महानगरपालिकाकाे वडा नं. ११, १२, १३, २१, २७ लगायतका विभिन्न वडामा संक्रमितहरु फेला परेकाे डा. चाैरसियाले जानकारी गराए ।  

आमा बन्दै अनुष्का शर्मा

0

नायिका अनुष्का शर्मा र क्रिकेटर विराट कोहलीले आउँदो बर्ष आफूहरु तिन जना हुने बताएका छन् । अनुष्का र विराटले तस्वीर शेयर गर्दै आउँदो बर्ष आफूहरु माता–पिता बन्न लागेको खुलाएका हुन् । ट्विटर मार्फत उनीहरुले सन्तानको प्रतिक्षामा रहेको बताएका छन् ।

केही दिन अगाडि नायिका करिना कपुरले आफू आमा बन्न लागेको खुलाएकी थिइन् ।

क्रिकेटर विराट कोहली र नायिका अनुष्का शर्माले सन् २०१८ को डिसेम्बर ११ तारिखमा बिहे गरेका थिए । बिहे भएको करिब २ बर्षपछि उनीहरु आमा–बुबा बन्न लागेका हुन् । अनुष्का र विराट केही बर्ष प्रेम सम्बन्धमा रहेका थिए । यसपछि उनीहरुले भव्य रुपमा २ बर्ष अगाडि बिहे गरेका थिए । अनुष्का चलचित्रको काममा व्यस्त थिइन् भने विराट क्रिकेट खेल्नमा व्यस्त थिए ।

कालिकामाईमा काेराेना परिक्षणकाे लागि स्वाब संकलन जारी

0

वीरगंज । पर्साकाे कालिकामाई गाउँपालिकाले काेराेना परिक्षणलाई निरन्तरता दिएकाे छ । आइतबारदेखी सुरु गरिएकाे पिसिआर परिक्षणकाे लागि स्वाब संकलन कार्य बिहिबार पनि जारी रह्याे ।

बिहिबार वडा नं. ३ हरिहरपुर विर्तामा ५३ जनाकाे स्वाब संकलन गरिएकाे गाउँपालिकाका प्रवक्ता पवन तिवारीले वताए ।  वडाध्यक्ष संजय पटेलकाे उपस्थितीमा गाउँपालिकाकाे प्राविधिकद्वारा स्वाब संकलन गरी परिक्षणकाे लागि नारायणी अस्पतालकाे प्रयाेशालामा पठाइएकाे उनलेे जनाए ।

उनका अनुसार बढी भिडभाड हुने स्थान किराना पसल, सेलर मिल, शैलुन, हाेटल संचालक लागयतकाे स्वाब संकलन कार्य जारी रहेकाे छ । यस अघि बुधबार पनि वडा नं. २ भेडिहारीमा ५० जनाकाे स्वाब संकलन गरिएकाे थियाे । त्यसकाे पनि अहिले रिपाेर्ट आउन वाकी नै रहेकाे छ ।

मंगलबार वडा नं. ५ बिरन्चीबर्वामा ४२ जनाकाे स्वाब संकलन गरेर परिक्षण गराउदा बिहिबार ५ जनाकाे रिपाेर्ट पाेजिटिभ आएकाे वडा नं. ५ का वडाध्यक्षसमेत रहेका प्रवक्ता तिवारीले जानकारी दिए ।

यस भन्दा पहिला पनि कन्टेक्ट ट्रेसिङकाे आधारमा ३६ जनाकाे स्वाब संकलन गरेर परिक्षण गराउदा मंगलबार १२ जनाकाे पाेजिटिभ देखिएकाे थियाे ।

हाल सम्म ३ वटा वडाका १८१ जनाकाे स्वाब संकलन गरिएकाे छ । जस मध्ये ८४ जनामा १७ जनाकाे रिपाेर्ट पाेजिटिभ देखिएकाे छ भने ९७ जनाकाे रिपाेर्ट आउन वाकी रहेकाे छ । गाउँपालिकाकाे पहिलाे चरणमा एक हजार जनाकाे पिसिआर परिक्षण गर्ने लक्ष्य रहेकाे छ ।  

संक्रमितहरु मध्ये ३ जनालाई श्री नेरा प्रावि हरिहरपुर विर्तामा निर्माण गरिएकाे आइसाेलेसनमा राखिएकाे र अरु वाकी संक्रमितहरु हाेम आइसाेलेसनमा रहेका प्रवक्ता तिवारीले जनाए । हरिहरपुरमा अहिले ४० वेडकाे सेमि आइसाेलेसन तयार गरिएकाे र पछि आवश्यकता अनुसार सम्बन्धित वडाकाे विद्यालयहरुमा आइसाेलेसन वनाइने तिवारीले जानकारी गराए ।   

पाेखरिया अस्पतालबाट काेराेना निकाे भएर १० जना डिस्चार्ज

0

वीरगञ्ज । पर्साको पोखरिया नगरपालिकास्थित पोखरीया अस्पतालको आइसुलेसन सेण्टरमा बिहिबार १० जना कोरोना निको भएर घर फर्किएका छन् ।

काेराेना निकाे भएकाहरुलाई पोखरीया नगरपालिकाकी उपमेयर सलमा खातुनले अस्पतालबाट बिदाई गरेकी छन् । डिस्चार्ज हुनेहरुलाई नगरपालिकाका उपमेयर खातुनले फुल तथा डिस्चार्ज सिलिप प्रदान गरी बिदाई गरेकी थिइन ।

कोरोना निकाे भएर २ जना स्वास्थ्यकर्मी, एक जना नर्स, १ जना रेडियाेकर्मी, २ जना बैंक स्टाफसहित १० जना घर फर्केकाे अस्पतालका मेडिकल सुपरिटेन्डेन्ट डा. अनिल यादवले वताए ।

अस्पतालकाे आइसाेलेसनमा रहेका १० जनाकाे दाेस्राे पटक पिसिआर परिक्षण गर्दा सबै जनाकाे रिपाेर्ट नगेटिभ आएपछि डिस्चार्ज गरिएकाे उनले जानकारी गराए ।

भदाै ९ गते संक्रमितहरुकाे साथै कन्टेक्ट ट्रेसिङमा परेका २ जनाकाे पनि स्वाब संकलन गरेर पिसिआर परिक्षणकाे लागि पठाउदा उनीहरुकाे रिपाेर्ट पनि नगेटिभ आएकाे डा. यादवले जनाए ।

पाेखरिया अस्पतालकाे आइसाेलेसमा अझै पनि १६ जना र अस्पतालकाे क्वाटरमा ८ जना संक्रमित रहेका छन् ।

कालिकामाईमा ५, सखुवा प्रसाैनीमा ७ सहित थप ३३ जनामा काेराेना पुुष्टि

0

वीरगन्ज । पर्सामा थप २४ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालको प्रयोगशालामा बुधबार राति गरिएकाे परीक्षणमा पर्साका २४ सहित थप ३३ जनामा कोरोना संक्रमण पुष्टि भएको हाे ।

५ सय १० जनाको स्वाब परीक्षण गर्दा ४ महिलासहित ३३ जनामा कोरोना संक्रमण पुष्टि भएको अस्पतालका प्रवक्ता डा. अतुलेश चौरसियाले जानकारी दिए ।

संक्रमित हुनेमा पर्साका २४ जना, बाराका ६ जना र रौतहटका ३ जना रहेका छन् । जिल्ला जनस्वास्थ्य कार्यालय पर्साका स्वास्थ्य निरीक्षक जयमोद ठाकुरमा पनि कोरोना पोजिटिभ देखिएको छ । नारायणी अस्पतालको क्वाटरमा बस्ने थप दुई जनामा कोरोना पुष्टि भएको छ ।

पर्साको सखुवाप्रसौनी गाउँपालिकामा ७ जना र कालिकामाई गाउँपालिका– ५ विरन्चीवार्वामा पाँच जनामा कोरोना संक्रमण पुष्टि भएको छ । कालिकामाईमा ४८ जनाकाे स्वाब संकलन गरेर परिक्षण गर्दा ५ जनाकाे रिपाेर्ट काेराेना पाेजिटिभ आएकाे हाे ।

बाराको महानगढीमाई नगरपालिकामा ४ जना र कबहीमा एक जना संक्रमित थपिएका छन् । रौतहटको गौर कारागारमा ३ जनामा कोरोना देखिएको छ । सशस्त्र प्रहरी गुल्म नम्बर १५ मा २ जना र जीतपुर आर्मी ब्यारेकमा थप एक जनामा कोरोना संक्रमण पुष्टि भएको छ ।

यसैगरि वीरगन्जको गण्डक चौक, राधेमाई, घडीअर्वा, इनर्वा, रानीघाटमा पनि कोरोना संक्रमित थपिएका छन् ।

जिल्ला प्रशासन कार्यालयकाे तथ्यांक अनुसार पर्सामा हालसम्म २ हजार एक सय २२ जनामा कोरोना संक्रमण पुष्टि भएको छ । जसमध्ये ४ सय ४४ जना कोरोनामुक्त भएका छन् भने ३३ जनाको मृत्यु भएको छ ।

पर्सामा थप एक संक्रमितकाे मृत्यु, वीरगंजमा १४ घण्टामा ३ जनाले ज्यान गुमाए

0

वीरगञ्ज । पर्सामा बिहिबार फेरी एक व्यक्तिको कोरोना सङ्क्रमणका कारण मृत्यु भएको छ । गण्डकस्थित नारायणी अस्थायी कोभिड अस्पताल वीरगञ्ज हेल्थ केयरमा पछिल्लो १३ दिनदेखि उपचाररत पुरुषको मृत्यु भएको हो ।

मृत्यु हुनेमा वीरगञ्ज महानगरपालिका वडा नम्बर १४ बहुवरी निवासी ६२ वर्षीय पुरुष रहेका छन् । उनको आज बिहान सवा ८ बजेको करिबमा मृत्यु भएको हो ।

उनको मृत्युसँगै वीरगञ्जमा कोरोना सङ्क्रमणबाट पछिल्लो २४ घण्टाभित्र ३ व्यक्तिले ज्यान गुमाएका छन् ।

कोरोना सङ्क्रमण पुष्टि भइ साउन ३० गते वीरगञ्ज हेल्थ केयर हस्पिटलमा भर्ना भएका वृद्धको बिहिबार बिहान आइसीयु कक्षमा उपचारको क्रममा मृत्यु भएको अस्पतालले जनाएको छ ।

मिर्गौलाका दिर्घ रोगि उनको हेल्थ केयरमै नियमित डायलसिससमेत भइरहेको थियो । उनी उच्च रक्तचाँप र श्वासप्रश्वासको समस्याबाट पनि ग्रसित रहेका नारायणी अस्पतालका प्रवक्ता डा. अतुलेशकुमार चौरसियाले जानकारी दिए ।

यसअघि बुधबार बेलुका पर्साकै धोबिनी गाउँपालिका वडा नम्बर ३ गुलरिया निवासी ७२ वर्षीय पुरुषको नारायणी अस्पतालमा मृत्यु भएको थियो । त्यस्तै बिहीबार बिहान बाराकी कोरोना सङ्क्रमित एक जना २३ वर्षीय गर्भवती महिलाको नारायणी अस्पतालमा उपचारका क्रममा मृत्यु भएको छ ।

याेसंगै पर्सामा कोरोना सङ्क्रमणका कारण ज्यान गुमाउँनेको संख्या ३३ पुगेको छ । संक्रमितकाे संख्या २ हजार नजिक पुगेकाे छ। 

वीरगंजमा काेराेना संक्रमणबाट २३ बर्षिय गर्भवती महिलाको मृत्यु

0

वीरगञ्ज । वीरगञ्जमा एक गर्भवती महिलाको कोरोना भाइरस (काेभिड १९) सङ्क्रमणका कारण मृत्यु भएको छ । वीरगञ्जस्थित नारायणी अस्पतालमा बिहिबार विहान बाराकाे हर्दिया वडा नम्बर ४ की २३ वर्षीय महिलाकाे मृत्यु भएको हो ।

मृत्यु भएकाे महिला ३३ सप्ताहाकी गर्भवती थिइन ।

उच्च ज्वरो र श्वासप्रश्वासमा समस्या आएपछि उनलाई भदौं ८ गते अस्पताल भर्ना गरिएको थियाे । भर्ना पश्चात उनमा कोरोनासँग मिल्दो जुल्दो लक्षण देखिएपछि सोहि अस्पतालको पिसिआर प्रयोशालामा उनको स्वाब परिक्षण गर्दा कोरोना पोजेटिभ देखिएकाे थियो ।

कोरोना पुष्टि भएपछि उनलाई नारायणी कै आइसोलेसनमा राखेर उपचार गर्ने क्रममा मृत्यु भएकाे नारायणी अस्पतालका प्रवक्ता डा. अतुलेशकुमार चौरसियाले जानकारी दिए ।

योसँगै वीरगंजमा कोरोना सङ्क्रमणका कारण मृत्यु हुनेकाे संख्या ४४ पुगेको छ । साउन यता मात्रै ४० जनाको मृत्यु भएको हो । वीरगञ्जमा अहिलेसम्म कोरोनाका कारण मृत्यु भएका ४४ जनामध्ये १ बेवारिसे युवकसहित पर्साका ३२ जना, बाराका १० जना र रौतहटका २ जना रहेका छन् ।

सामुहिक राजिनामा दिएका डाक्टरहरुद्वारा माग पुरा गर्न ३ दिनकाे समय

0
जिल्ला प्रशासन कार्यालय पर्सामा बुधबार वार्ताकाे लागि पुगेका एमबीबीएस डाक्टरहरु । तस्बिर : कालिका टाइम्स

वीरगंज । वीरगंजका निजि अस्पतालमा कार्यरत एमबीबीएस डाक्टरहरु आफ्नाे माग पुरा गर्नकाे लागि ३ दिनकाे समय दिएका छन् ।

जिल्ला प्रशासन कार्यालय पर्सामा बुधबार भएकाे वार्तामा सहमती जुटन नसकेपछि मेडिकल अधिकृतहरु बैठक बसी माग पुरा गर्न थप ३ दिनकाे समय दिएका हुन् । प्रमुख जिल्ला अधिकारी आस्मान तामाङकाे आग्रहमा आफुहरु ३ दिनकाे समय दिएकाे मेडिकल अधिकृतका सदस्य डा. तेजनाथ तिवारीले जानकारी दिए ।

भदाै १३ गते सम्मपनि हाम्राे सम्पूर्ण मागहरु पुरा नभए भदाै १४ गतेदेखी काममा नजाने बुधबार नै बसेकाे हाम्राे बैठकले निर्णय गरेकाे सदस्या डा. तिवारीले जनाए ।

याे ३ दिनकाे अवधिमा आफुहरु हातमा कालाे पटि बाँधेर काम गर्ने र आफ्नाे शान्तिपूर्ण आन्दाेलन जारी राख्ने डा. तिवारी जानकारी गराए ।

जिल्ला प्रशासन कार्यालय पर्सामा भएकाे वार्तामा प्रमुख जिल्ला अधिकारी तामाङ, चिकित्सक संघका डा. उदय नारायण सिंह, डा. निरज सिंह, मेडिकल अधिकृतका अध्यक्ष डा. सराेज साह, उपाध्यक्ष डा. विवेक यादव, महासचिव डा. रामएकबाल राय, सचिव डा. संताेष यादव लगायत निजि अस्पतालका संचालक तथा प्रतिनिधिहरुकाे सहभागिता रहेकाे थियाे ।

एमबिबिएस डाक्टरहरुले न्युनतम ६५ हजार तलब पाउनुपर्ने, २५ लाख बराबरको स्वास्थ्य तथा जिवन बिमा गर्नुपर्ने, अस्पतालमा काम गर्दा क्वारेन्टाईनमा अस्पतालले नै सुविधा दिनुपर्ने, विश्व स्वास्थ्य संगठनको निर्देशनअनुसार व्यक्तिगत सुरक्षा (पिपिई) लगायतका सामाग्री  उपलब्ध गराउनुपर्ने, कार्यअवधिमा कोरोना संक्रमण भएमा अस्पतालबाट निशुल्क उपचार पाउनुपर्ने लगायतका मागसहित आन्दाेलित छन् ।

आन्दाेलन कै क्रममा भदाै ८ गते एक सय ५० जना निजि अस्पतालमा कार्यरत एमबीबीएस डाक्टरहरुले सामुहिक राजिनामासमेत दिएका थिए ।

काेराेना संक्रमणबाट धाेबिनी गाउँपालिकाकाे पुरुषकाे मृत्यु

0

वीरगंज । पर्सामा काेराेना भाइरस काेभिड (काेभिड १९) संक्रमणबाट थप एक जनाकाे मृत्यु भएको छ । धोबनी गाउँपालिकाकाे वडा नं. ३ गुलरियाका ७२ बर्षिय संक्रमित पुरुषकाे मृत्यु भएकाे नारायणी अस्पताल प्रवक्ता डा. आतुलेश चौराशियाले जानकारी दिए ।

नारायणी अस्पतालमा उपचारकाे क्रममा बुधबार बेलुका संक्रमित पुरुषकाे मृत्यु भएको प्रवक्ता डा. चाैरसियाले वताए । उनका अनुसार ज्वराे लागेका र स्वासप्रस्वासमा समस्या देखिएका उनलाई भदाै ८ गते नारायणी कोभिड अस्पतालमा भर्ना गरिएकाे थियाे ।

साेही दिन उनकाे स्वाब संकलन गरि आरटी पिसिआर परिक्षण गर्दा काेराेना पाेजिटिभ देखिएकाे थियाे । त्यसपछि नारायणी अस्पतालकाे आइसाेलेसनमा राखेर उपचार गर्ने क्रममा उनकाे मृत्याे भएकाे हाे ।

याेसंगै जिल्ला प्रशासन कार्यालयकाे तथ्यांक अनुसार पर्सामा काेराेना संक्रमणबाट ज्यान गुमाउनेकाे संख्या ३२ पुगेकाे छ ।