वीरगञ्ज । वीरगञ्जमा एक गर्भवती महिलाको कोरोना भाइरस (काेभिड १९) सङ्क्रमणका कारण मृत्यु भएको छ । वीरगञ्जस्थित नारायणी अस्पतालमा बिहिबार विहान बाराकाे हर्दिया वडा नम्बर ४ की २३ वर्षीय महिलाकाे मृत्यु भएको हो ।
मृत्यु भएकाे महिला ३३ सप्ताहाकी गर्भवती थिइन ।
उच्च ज्वरो र श्वासप्रश्वासमा समस्या आएपछि उनलाई भदौं ८ गते अस्पताल भर्ना गरिएको थियाे । भर्ना पश्चात उनमा कोरोनासँग मिल्दो जुल्दो लक्षण देखिएपछि सोहि अस्पतालको पिसिआर प्रयोशालामा उनको स्वाब परिक्षण गर्दा कोरोना पोजेटिभ देखिएकाे थियो ।
कोरोना पुष्टि भएपछि उनलाई नारायणी कै आइसोलेसनमा राखेर उपचार गर्ने क्रममा मृत्यु भएकाे नारायणी अस्पतालका प्रवक्ता डा. अतुलेशकुमार चौरसियाले जानकारी दिए ।
योसँगै वीरगंजमा कोरोना सङ्क्रमणका कारण मृत्यु हुनेकाे संख्या ४४ पुगेको छ । साउन यता मात्रै ४० जनाको मृत्यु भएको हो । वीरगञ्जमा अहिलेसम्म कोरोनाका कारण मृत्यु भएका ४४ जनामध्ये १ बेवारिसे युवकसहित पर्साका ३२ जना, बाराका १० जना र रौतहटका २ जना रहेका छन् ।
