Date
शुक्र, मंसिर ४, २०८३
Fri, November 20, 2026
Home Blog Page 932

बेवारिसे अवस्थामा रहेका बिरामीलाई क्याटले हस्पिटल पुर्‍यायाे

0
सडक पेटिमा बेरवारिसे अवस्थामा रहेका व्यक्तिलाई क्याटले हस्पिटल लग्नकाे लागि रिक्सा राख्दै । तस्बिर ; कालिका टाइम्स

वीरगंज । वीरगंजकाे महाबिरस्थानमा अचेत भई बेवारिसे अवस्थामा रहेका एक पुरुषालाई काेभिड एक्सन टिम (क्याट) पर्साले हस्पिटल पुर्याएकाे छ ।

क्याटलाई फाेनमार्फत जानकारी प्राप्त भएपछि महाविरस्थानमा पुगी ति व्यक्तिलाई उद्दार गर्दै नारायणी अस्पताल पुर्याएकाे हाे । २ दिनदेखी सडक पटेलीमा अलपत्र रहेका पुरुषलाई क्याटका सदस्य तबरेज अहमद, संजिव मिश्रासहितकाे टाेली रिक्सामा राखेर अस्पताल पुर्याएकाे छ ।

हामिलाई फाेन मार्फत जानकारी प्राप्त भएपछि महाविस्थानमा पुगी ति व्यक्तिलाई रिक्सामा राखेर नारायणी अस्पतालमा पुर्याएर उपचारकाे प्रबन्ध मिलाएकाे क्याटका सदस्य मिश्राले जानकारी दिए ।

ति व्यक्तिकाे उपचारकाे लागि रु ३ हजारकाे औषधी र एक हजारकाे पुलिंदासमेत खरिद गरि हस्पिटलमा रहेकाे प्रहरीकाे जिम्मा लगाइएकाे क्याटका अर्का सदस्य अमहमदले वताए । प्रहरीकाे सहयाेगमा ति व्यक्तिकाे उद्दार गरिएकाे सदस्य अहमदले जनाए । 

दुई दिन देखी अलपत्र रहेका ति व्यक्तिकाे अवस्था बारे मानव सेवा आश्रम र समाजिक अभिन्ताहरुलाई पनि जानकारी गराउदा काेई नआएकाे स्थानियहरुले वताएका छन् ।

ति व्यक्तिकाे अवस्था बारे शनिबार दिउसाे क्याटलाई जानकारी प्राप्त भएपछि पनि क्याटका सदस्यहरुले मानव सेवा आश्रम र समाजिक अभिन्ताहरुलाई फाेन मार्फत जानकारी गराएकाे थिए । तर सबैले विभिन्न वहाना पन्छन खाेजेकाे र पछि मात्र मानव सेवा आश्रमका दिवेश महाविरस्थान पुगेका क्याटका सदस्य अहमदले वताए ।   

पाेखरियाका दुई वडाध्यक्ष काेराेना मुक्त

0
काेराेना मुक्त भएकाे पाेखरिया नगरपालिकाकाे वडा नं. ३ का वडाध्यक्ष अजय कुमार गुप्ता र वडा नं. ४ का वडाध्यक्ष लक्ष्मण साह कानु

वीरगंज । पर्साकाे पाेखरिया नगरपालिकाका दुई वडाध्यक्ष काेराेना भाइरस (काेभिड १९) संक्रमण मुक्त भएका छन् ।

नगरपालिकाकाे वडा नं. ३ का वडाध्यक्ष अजय कुमार गुप्ता र वडा नं. ४ का वडाध्यक्ष लक्ष्मण साह कानु काेराेना निकाे भएकाे पाेखरिया अस्पतालका मेडिकल सुपरिटरेन्डेन्ट (मेसु) डा. अनिल यादवले वताए ।

वडाध्यक्षद्वय गुप्ता र कानुकाे दाेस्राे पटक पिसिआर परिक्षण गराउदा दुबै जनाकाे रिपाेर्ट काेराेना नगेटिभ आएकाे मेसु डा. यादवले जानकारी दिए ।

वडाध्यक्ष गुप्ता ८ दिनमा र वडाध्यक्ष कानु १३ दिनमा काेराेना निकाे भएका हुन् ।

भदाै ४ गते वडाध्यक्ष गुप्तामा र साउन ३२ गते वडाध्यक्ष कानुमा काेराेना संक्रमण पुष्टि भएकाे थियाे । त्यसपछि दुबै जना हाेम आइसाेलेसनमा बस्दै आएका थिए । 

प्रसाैनीमा एक सय ५७ जनाद्वारा रक्तदान

0

वीरगंज । बाराकाे प्रसौनी गाउँपालिकाकाे वडा नं. ४ खुटुवास्थित जब्दी बथानी चाैकमा भएकाे आकस्मिक खुल्ला रक्तदान कार्यक्रम सम्पन्न भएको छ । जनता समाजबादी पार्टी नेपाल, प्रसौनीको आयोजनामा भएकाे कार्यक्रममा १ महिलासहित एक सय ५७ जनाले रक्तदान गरेका छन् । 

न्यू स्टार नेशनल यूवा क्लबकाे सहकार्यमा भएकाे कार्यक्रममा समिता देवी, सलमान खान, सगीर हवारी, शनी साह, दिपक गुप्ता, निकु गुप्ता, राधेश्याम गुप्ता, प्रमोद साह, मनजित गुप्ता, महान्नद साह, सुनिल साह लगायतले रक्तदान गरेका छन् ।

न्यू स्टार नेशनल यूवा क्लबका अध्यक्ष शुभाष गु्प्ताकाे अध्यक्षतामा भएकाे कार्यक्रमकाे उदघाटन प्रसौनी गाउँपालिकाका अध्यक्ष भोला प्रसाद गुप्ताले गरेका थिए ।

साे कार्यक्रममा प्रसाैनी गाउँपालिकाकी उपाध्यक्ष गिता साह, वडाध्यक्ष आन्नद कुमार गुप्ता, बैजु गुप्ता, सुरेश गुप्ता, रक्त संचार केन्द्र वीरगंजका प्रमुख सौरभ राज पाण्डे लगायतकाे उपस्थिती रहेको थियो ।  

काेराेना भाइरस संक्रमण राेकथाम तथा नियन्त्रणकाे लागि जारी निषेधाज्ञा कारण रक्त संचार केन्द्रमा भएकाे रक्तकाे परिपूर्ति गर्न वृहत रक्तदान कार्यक्रम भएकाे स्थानिय अकबर हवारीले वताए । 

वीरगन्जमा युवाहरुद्वारा नि:शुल्क खाना वितरण

0
वीरगंज । स्वतन्त्र समाज नेपालमा आवद्ध युवाहरुले बीरगंजमा नि:शुल्क खाना वितरण गरिरहेका छन् । काेराेना भाइरस संक्रमण राेकथाम तथा नियन्त्रणकाे लागि जिल्ला प्रशासन कार्यालय पर्साद्वारा जारी निषेधाज्ञाका कारण वीरगंजमा प्रभावितहरुलाई समाजले बिहिबारदेखि खाना वितरण गर्दै आएकाे हाे ।
 
लामाे समयदेखीकाे निषेधाज्ञाका कारण गरिब र दैनिक ज्यालादारी गरी आफ्नो जिविको पार्जन गर्नेहरु समस्यामा परेका छन् । स्थानीय प्रशासनले निषेधाज्ञा लगाएपनि उनीहरुको व्यवस्थापनका लागि कुनै कदम नचालेको देखिएको पछि आफुहरु अगाडी सरेकाे समाजका अध्यक्ष कन्हैया झालेे वताए ।
 
हुनेले दिएर जाऔं नहुने लिएर जाऔं मुल नाराका साथ स्वतन्त्र समाजका टिमहरूले विगत दुई दिनमा पाँच सय भन्दा पनि बढी परिवारलाई सहयोग गर्न सफल भएको अध्यक्ष झाले जानकारी दिए ।
 
समाजले बिहान र बेलुका गरी दैनिक २ समय ३ सय परिवारसम्मका लागि आफुहरुले खाद्यान्न उपलब्ध गराउँदै आएको दिपेन्द्र साहले बताए । खाद्यान्न वितरण गर्ने कार्यमा रवि वर्णवाल, दिपेन्द्र साह, रंजित झा, अर्जुन सरार्फ लगायतकाले सहयोग गरिरहेका छन् ।

लखनपुरमा दाेस्राे पटक रक्तदान कार्यक्रम सम्पन्न

0
वीरगंज । पर्साको सखुवा प्रसौनी गाउँपालिका वडा नं. ६ लखनपुरमा आज दाेस्राे पटक रक्तदान कार्यक्रम सम्पन्न भएकाे छ ।
श्री राम युवा क्लब लखनपुरको आयोजनामा भएकाे कार्यक्रममा एक महिलासहित १७ जनाले रक्तदान गरेकाे छन् ।
 
कार्यक्रममा अजित साह, वीरेन्द्र साह, शेसनाथ साह, श्याम राउत कम्कर, तेजनारायन कुमार, राजन साह, अमृता देबि, हाकिम मिया, सन्दिप साह, सुरेन्द साह, साहेब साह लगायतले रक्तदान गरेका छन् |
 
आयाेजक क्लबका सचिव राेशन कुमार साहकाे अध्यक्षता र स्थानिय समाजसेवी हरिन्द्र साह तेलीकाे प्रमुख आतिथ्यमा भएको कार्यक्रममा युवा नेता जसवन्त यादव, रक्त संचार केन्द्र वीरगंजका प्रमुख साैरभ राज पाण्डे, जिल्ला बाल क्लब काेर्डिनेसन नेटवर्क पर्साका अध्यझ अर्जुन साह तेली लगायतकाे उपस्थिती रहेकाे थियाे ।
 
कोभिड-१९ महामारीको कारण ब्लड बैंकमा रक्तको चरम अभावले गर्दा आकास्मिक खुल्ला रक्तदान कार्यक्रम आयाेजना गरिएकाे आयाेजकले जनाएकाे छ ।
 
यस अघि पनि लखनपुरमा गत शनिबार भएकाे कार्यक्रममा ३१ जनाले रक्तदान गरेका थिए ।

पर्सामा काेराेना संक्रमणबाट थप ३ जनाकाे मृत्यु

0

वीरगञ्ज । पर्सामा कोरोना भाइरस (काेभिड १९) संक्रमणबाट पर्सामा थप ३ जनाकाे मृत्यु भएकाे छ । मृत्यु हुनेमा १ महिला र २ पुरुष रहेका छन् ।

वीरगन्ज महानगरपालिका–१२ मुर्ली निवासी ६५ वर्षीया महिला, वीरगन्ज–१२ निवासी ४३ वर्षीय पुरुष र वीरगन्ज–२२ मनियारीका ३७ वर्षीय पुरुषकाे मृत्यु भएकाे नारायणी अस्पतालका प्रवक्ता डा.अतुलेश चौरसियाले जानकारी दिए ।

प्रवक्ता डा. चौरसियाका अनुसार शुक्रबार साँझ साढे ५ बजेको समयमा वीगन्ज–१२ मुर्ली निवासी ६५ वर्षीया महिलाको नारायणी अस्पतालमा मृत्यु भएको हो । उच्च रक्तचापको समस्याबाट पीडित ती महिलामा वाइड जिन एक्स्पर्ट विधिबाट परीक्षण गर्दा कोरोना संक्रमण पुष्टि भएको थियो । 

त्यस्तै वीरगन्ज–१२ का ४३ वर्षीय कोरोना संक्रमितको शुक्रबार राति ११ बजेर ५५ मिनेटमा उपचारको क्रममा वीरगन्ज हेल्थ केयर कोरोना अस्पतालमा मृत्यु भएको डा.चौरसियाले बताए । ती पुरुष शुक्रबार साँझ नेसनल मेडिकल कलेजबाट रिफर भएर कोरोना अस्पताल आएका थिए ।

त्यस्तै वीरगंज मनियारीका ४० वर्षीय पुरुषलाई शुक्रबार राति ११ बजेर ४१ मिनेटमा थप उपचारका लागि वीरगन्ज हेल्थ केयर कोरोना अस्पतालबाट काठमाडौं रिफर गरिएको थियो । सिकिस्त बिरामी रहेका उनको काठमाडौं लैजाँदै गर्दा शनिबार बिहान मुग्लिङनजिकै मृत्यु भएको डा.चौरसियाले जानकारी दिए ।

योसँगै पर्सामा कोरोना सङ्क्रमणबाट ज्यान गुमाउनेको संख्या ३६ पुगेको छ भने संक्रमितकाे संख्या २ हजार ९५ पुगेकाे छ ।

पाेखरियाका १०, कालिकामाईका ३ सहित पर्सामा थप ३१ जनामा काेराेना

0

वीरगंज । नारायणी अस्पतालकाे प्रयोशालमा गरिएकाे परीक्षणमा ५ महिलासहित थप ५० जनामा कोरोना भाइरस (काेभिड १९) सङ्क्रमण पुष्टि भएको छ । थपिएका संक्रमितहरु १५ बर्ष देखी ५६ बर्ष सम्मका रहेका छन् ।

नारायणी अस्पतालका प्रवक्ता डा.अतुलेश चौरसियाका अनुसार शुक्रबार राति ४ सय ४३ जनाको स्वाबको नमुना परीक्षण गर्दा ५ महिलासहित थप ५० जनामा सङ्क्रमण पुष्टि भएको हो ।

संक्रमित हुनेमा पर्साका ३१ जना, बाराका ८ जना, धनुषाका ४ जना, महाेतरीका ३ जना, राैतहटका एक जना, सर्लाहीका २ जना र काठमाण्डाैका एक जना रहेका छन् ।

पर्सामा थपिएका संक्रमित मध्ये पोखरिया नगरपालिकाकाे वडा नं. ३ का ६ जना, वडा नं. ४ का ४ जना, कालिकामाई गाउँपालिकाकाे वडा नं. २ भेडिहारीका एक जना र वडा नं. ३ हरिहरपुरका २ जना रहेका छन् ।

बाकी संक्रमित वीरगञ्ज महानगरपालिकाकाे २, ३,  ६, १०, २१ लगायतकाे वडाकाे रहेका छन् ।

थपिएका सङ्क्रमितहरुको सिटी भ्यालु १५ देखि ३२ सम्म रहेको अस्पतालका प्रवक्ता डा. चौरसियाले जानकारी दिएका छन् ।

पर्सामा थप ३९ जना काेराेना मुक्त, संक्रमितकाे संख्या २ हजार ६४

0

बीरगन्ज । पर्सामा थप ३९ जना कोरोना भाइरस (काेभिड १९) संक्रमण मुक्त भएका छन् ।

अस्थायी कोभिड अस्पतालमा उपचाररत, सामुदायिक र होम आइसोलेसनका बसेकासहित शुक्रबार थप ३९ जना कोरोनामुक्त भएको जिल्ला प्रशासन कार्यालय पर्साले जनाएको छ । यो संख्यासँगै पर्सामा कोरोनालाई जित्नेको संख्या ५८६ पुगेको छ ।

यस्तै, हालसम्म पर्सामा संक्रमण पुष्टि हुनेको संख्या २०६४ पुगेको छ । जसमा १६०६ जना पुरुष र ४५८ जना महिला रहेका छन् ।

आजै मात्र पर्साका ४२ जनामा कोरोनाको पुष्टि भएको थियो ।

हाल अस्पतालको आइसोलेसनमा १३१ जना उपचाररत रहेका छन् जसमा ९२ जना पुरुष र ३९ जना महिला रहेका छन् । अझै पनि ८१९ जना होम आइसोलेसनमै रहेका छन् भने १०७ जना शंकास्पद कोरोना संक्रमित क्वारेन्टाइमा बसिरहेको जिल्ला प्रशासन कार्यालय पर्साले जनाएको छ ।

जिल्ला प्रशासन कार्यालयले जनाए अनुसार संक्रमितहरुको सम्पर्कमा आएका ३३९ जनाको आज स्वाब संकलन गरिएको छ । ३३९ र थप १ गरी ३४० जनाको पिसिआर परिक्षणको रिर्पोट आउन बाँकी रहेको छ ।

मृत्यु सम्बन्धि तथ्यांकमा त्रुटी

प्रशासन कार्यालय पर्साले शुक्रबार सांझ सार्वजनिक गरेकाे सुचनामा कोरोना संक्रमणका कारण मृत्यु भएकाकाे संखया त्रुटी देखिएकाे छ । 

प्रत्येक दिन साँझ जिल्ला प्रशासन कार्यालय पर्साले आफ्नो आधिकारिक फेसबुक आइडी मार्फत उपलब्ध गराउँदै आएको कोभिड-१९ सम्बन्धित अद्यावधिक विवरणमा त्रुटीले गर्दा अन्योल सृजना गरेकाे छ ।

भदौं १२ गतेको सूचनामा कोरोनाभाइरस सङ्क्रमणका कारण पर्सामा मृत्यु हुनेको संख्या भदौं ११ गते अर्थात बिहिबारको भन्दा २ वटा कम उल्लेख गरिएको छ । प्रशासनले बिहिबार सार्वजनिक गरेको सूचनामा सङ्क्रमणबाट मृत्यु हुनेको संख्या ३३ उल्लेख गरेकाे थियो भने शुक्रबार आजको सूचनामा मृत्यु हुनेको संख्या घटाएर ३१ उल्लेख गरिएको छ । 

वार्षिकोत्वसमा काेराेना महामारीमा याेगदान गर्नेहरु सम्मानित

0

वीरगंज । प्रदेश नम्बर २ को एकमात्र महानगरपालिका वीरगंजबाट महिला क्रियाशिलतमा प्रकाशित ‘मध्य नेपाल सन्देश’ पत्रिकाको चौथो वार्षिकोत्सव समपन्न भएको छ ।

कोरोना कहरको विचमा सुरक्षा सतर्कता अपनाउँदै कार्यालयका सञ्चारकर्मी तथा कर्मचारी र समाजमा उच्च योगदान पु¥याउने व्यक्तित्वहरुको मात्र उपस्थितिमा वार्षिकोत्वसव समपन्न भएको हो । मध्य नेपाल सन्देशकी सम्पादक कविता खड्काको सभापतित्वमा भएको कार्यक्रममा कोरोना महामारीमा विभिन्न क्षेत्रबाट योगदान पु¥याउनु भएका व्यक्तित्वहरुलाई सम्मान गरिएको थियो ।

सम्मानित हुनेहरुमा चिकित्सकको तर्फबाट कोभिड नियन्त्रणमा अहोरात्र खटिरहने डा. निरज सिंह, डा. उदय नारायण सिंहलाई बरिष्ठ पत्रकार एवंम प्रतीक दैनिकका प्रधान सम्पादक जगदिश शर्माले सम्मानित गरेका थिए ।

त्यसैगरी सुरक्षाकर्मीको तर्फबाट जिल्ला प्रहरी कार्यालय पर्साका प्रहरी प्रमुख गांगा पन्त, कोरोना महामारीमा निःस्वार्थ रुपमा आफ्नो अस्पताल उपलब्ध गराउनु भएका युवा नेता तथा गण्डक हस्पिटलका सञ्चालक रहबर अंसारी, वीरगंज हेल्थ केयर हस्पिटलका संचालक डा. अबुलहैस अंसारीई पनि सम्मानित गरिएकाे थियाे ।

त्यसैगरी चिकित्सकको क्वारेन्टाइन उपलब्ध गराउनु भएका होटल तथा पर्यटन व्यवसायी संघका अध्यक्ष हरि पन्त, कोरोना संक्रमित तथा गरीबहरुलाई निःशुल्क भोजन, स्वास्थ्य समाग्रि लगायतमा सहयोग पु¥याउनु भएका सानो पाईलाका प्रमुख कार्यकारी अधिकृत कञ्चन झालाई प्रहरी प्रमुख पन्तको हातबाट सम्मान गरिएको थियो ।

यसैगरी पत्रिकाको शैशव कालदेखि अविछिन्न रुपमा सम्पादन तथा अभिभावकत्व भुमिका प्रदान गरेका सञ्चारकर्मी तुलसी भण्डारीलाई नगद १० हजार रुपैयाँसहित बरिष्ठ सञ्चारकर्मी शर्माले सम्मान गरेका थिए । भने, विभिन्न विद्यामा अन्तरवार्ता लगायतको समाचार उपलब्ध गराईरहनु भएका सञ्चारकर्मी निलम पन्त र नियमित स्तम्भकारका रुपमा लेख तथा स्तम्भ उपलब्ध गराउदैँ आईरहनु भएका सञ्चारकर्मी गीता भण्डारीलाई नगद ५/५ हजार रुपैयाँ तथा सम्मान पत्रले नेपाल पत्रकार महासंघका प्रदेश नम्बर २ का अध्यक्ष दिपेन्द्र चौहानले सम्मानित गरेका थिए ।

कार्यक्रमका प्रमुख अतिथि नेपाल पत्रकार महासंघ प्रदेश नम्बर २ का अध्यक्ष दिपेन्द्र चौहानले कोरोना नियन्त्रणमा सञ्चारकर्मीहरुले तीनै तहको सरकारलाई जिम्मेवार बनाउन नसकेको वताए । 

कार्यक्रममा बरिष्ठ पत्रकार जगदिश शर्माले प्रहरीले अतिआवश्यक वस्तु लिन आउनेलाईसमेत सुरक्षाकर्मीबाट दुःख दिने काम भएकाले कुटपिट विनाको शान्ति सुरक्षा र निषेधाज्ञा पालना गराउन आग्रह गरेका थिए ।

कार्यक्रममा वाेल्दै नेकपाका युवा नेता रहबर अंसारीले कोरोना संक्रमित निको भएपनि हेर्ने दृष्टिकोणमा परिवर्तन आउन नसकेको बताए ।

यसैगरी प्रहरी प्रमुख गंगा पन्तले कोरोना महामारीले गर्नसक्ने थुप्रै कामहरु प्रहरीले गर्न नसकेको बताइन ।

कार्यक्रममा सानोपाईलका कार्यक्रम संयोजक जय साह, वीरगंज हेल्थ केयरकी स्वास्थ्य संयोजक भुमिका अधिकारी लगायतकाे उपस्थिती रहेकाे थियाे भने कार्यक्रमकाे संचालन लक्ष्मी खरेलले गरेकी थिईन् ।

भदाै १९ गतेदेखी निषेधाज्ञा खुकुलाे गर्ने निर्णय

0

वीरगंज । जिल्ला विपद् व्यवस्थापन समिति, पर्साले जिल्लामा लगाइएको निषेधाज्ञा भदौ १९ गतेदेखि खुकुलो गर्ने निर्णय गरेको छ। गत साउन १० गते देखि बीरगन्ज महानगरपालिका र साउन १९ गतेदेखि पर्सा जिल्ला भर लागु गरिएको निषेधाज्ञा आगामी भदौ १८ गतेसम्मका बीरगन्ज महानगरपालिका मात्र लागु हुने गरी थपिएको छ ।

जिल्ला प्रशासन कार्यालय, पर्साका प्रमुख जिल्ला अधिकारी एवं जिल्ला विपद् व्यवस्थापन समितिका अध्यक्ष आसमान तामाड्ढो अध्यक्षतामा बसेको बैठकले भदौ १९ गते शुक्रवारदेखि पर्सा जिल्लामा निषेधाज्ञा खुकुलो गर्ने निर्णय गरेको हो।

 बैठकले भदौ १९ गतेदेखि वीरगंज महानगरको घण्टाघरलाई आधार मानेर एक दिन सडकको दायाँ र अर्को दिन सडकको बायाँतर्फका पसल बिहान ११ देखि अपराह्न ४ बजेसम्म खोल्ने निर्णय गरेको छ । 

बैठकमा जिल्ला समन्वय समिति, पर्साका सभापति नेकमहम्मद अन्सारी, विभिन्न राजनीतिक दलका अध्यक्ष, प्रतिनिधि, प्रहरी प्रशासनका प्रमुखहरू, मेडिकल सुपरिटेन्डेन्ट डा सञ्जय ठाकुर, वीरगंज महानगरका प्रमुख प्रशासकीय अधिकृत प्रदीप निरौला, नेपाल रेडक्रस सोसाइटी, स्वास्थ्य कार्यालय, आयुर्वेद, पत्रकार महासङ्घ लगायतका प्रतिनिधिहरूको सहभागिता थियो।