Date
शुक्र, मंसिर ४, २०८३
Fri, November 20, 2026
Home Blog Page 931

कालिकामाईकाे ९ सहित पर्सामा थप ३२ जनामा काेराेना संक्रमण पुष्टि

0

वीरगंज । पर्सामा थप ३२ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालकाे प्रयाेगशालामा आइतबार राति गरिएकाे परिक्षणमा पर्साका थप ३२ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

संक्रमित हुनेमा पर्साकाे कालिकामाई गाउँपालिकाकाे ९ जना र वीरगंज महानगरपालिकाकाे २३ जना रहेकाे प्रवक्ता डा. चाैरसिया वताए । 

उनका अनुसार कालिकामाई गाउँपालिकाकाे वडा नं. १ मुडलीका ४ जना, वडा नं. ३ हरिहरपुरका एक जना र वडा नं. ४ प्रशुरामपुरका ४ जना संक्रमण देखिएकाे छ । कालिकामाई एक सय २२ जनाकाे स्वाबकाे नमुना परिक्षण गर्दा एक महिलासहित ९ जनामा संक्रमण देखिएकाे हाे । 

कालिकामाईकाे संक्रमितकाे सिटी भ्यालु १८ देखी २९ सम्म रहेकाे नारायणी अस्पतालका प्रवक्ता डा. चाैरसियाले जानकारी गराए ।

यस्तै संक्रमित हुनेमा जिराभवानी गाउँपालिकाकाे वडा नं. २ का २ जना, वीरगंज महानगरपालिकाकाे वडा न‌ं. २, २० का २-२ जना, वडा नं. ५, ६, १३, १५ का १-१ जना र सबै भन्दा बढी वडा नं. ११ का १२ जना रहेका छन् ।

नारायणी अस्पताल कै प्रयाेगशालामा गरिएकाे परिक्षणमा बाराका ४ र सर्लाहीका एक जनामा पनि संक्रमण फेला परेकाे प्रवक्ता डा. चाैरसियाले जानकारी दिए ।

आइतबार राती पर्सा, बारा र सर्लाहीका ४३६ जनाकाे स्वाबकाे नमुना परिक्षण गर्दा कुल ३८ जनामा संक्रमण फेला परेकाे चाैरसियाले जानकारी गराए । संक्रमित हुनेमा ८ महिला र ३० पुरुष रहेका छन् । संक्रमितहरु ६ बर्षदेखी ७० बर्षसम्मका रहेका चाैरसियाले वताए । संक्रमितहरुकाे सिटी भ्यालु १७ देखी ३२ सम्म रहेकाे प्रवक्त चाैरसिया जानकारी दिए ।

राष्ट्रिय एकता अभियानद्वारा सरकार बिरुद्ध प्रदर्शन

0

वीरगंज । कोरोना भाइरसको महामारीका कारण परिवार पाल्न धौ धौ हुने गरीब जनताको पक्षमा राष्ट्रिय एकता अभियानले काठमाडौं, महाेत्तरी, धनुषा र सप्तरीमा सरकारविरुद्द प्रदर्शन गरेको छ ।

मिथिलाबिहारी नगरपालिकामा गरीब, मजदूरहरुको लागि राहतको कुनै ब्यवस्था नगरेकोले सरकरको बिरोधमा अभियानले प्रदर्शन गरेकाे हाे। गरीब मजदूरहरुको लागी अबिलम्ब सरकारले राहतको ब्यवस्था गर्नको लागि गरिएको प्रदर्शनको नेतृत्व मिथिलाबिहारी नगरपालिकाका संयोजक ओमप्रकाश मण्डलले गरेका थिए ।

१२ किलो चामलमा 6 महिना कसरी धान्ने ? पार्टीको झगडा पछि सरकार, हाललाई मजदूर र किसानलाई राहत सरकार । सन्क्रमित भेटाउने खर्च १ लाख ४ हजार, जनता के बेकुफ हो सरकार ? जनता कहिलेसम्म लाचार, सबैलाई नि:शुल्क पिसिआर, कुर्सी हैन, जनता जोगाउ, राष्ट्रीय एकता अभियान, जिन्दावादको नाराका साथ प्लेकार्ड लिएर प्रदर्शन गरिएको हाे ।

प्रदर्शनमा स्थानीय अभिनता ओमप्रकाश साह, रुपेश यादव, राकेश मंडल, गणेश साह, संतोष साह, अशोक साह, प्रदीप साह, नितीश यादव, सरोज यादव, सत्य देव साह, दीपेन्द्र साह, शिव साह लगायतको सहभागिता रहेको थियो ।

त्यस्तै महोतरी स्थित लोहरपट्टी गाउँपालिकामा स्थानीय संयोजक दीपेश साहको अगुवाईमा अभियानकाे प्रदर्शन भएको छ । त्यस्तै अभियानका उपाध्यक्ष सुनिता शाहको नेतृत्वमा सप्तरीमा विरोध कार्यक्रम भएको हो भने काठमाडौँमा अभियनाका अध्यक्ष विनय यादवको नेतृत्वमा भएको हो ।

पाेखरियाका मेयरकाे दाेस्राे पटकाे रिपाेर्टपनि काेराेना पाेजिटिभ

0

वीरगंज । पाेखरिया नगरपालिकाका मेयर दिपनारायण राैनियारकाे दाेस्राे पटकाे रिपाेर्ट पनि काेराेना पाेजिटिभ देखिएकाे छ । साउन ३२ गते काेराेना संक्रमित भएका मेयर राैनियार १५ दिनपछि दाेस्राे पटक गराएकाे परिक्षणकाे रिपाेर्ट पाेजिटिभ आएकाे हाे ।

मेयर राैनियारसंगै उनका परिवारका १४ जना सदस्य पनि काेराेना संक्रमित भएका थिए । तर दाेस्राे पटकाे परिक्षणमा मेयर राैनियारका परिवारका १२ जना सदस्यकाे रिपाेर्ट काेराेना नगेटिभ आए पनि उनकाे र उनका बुवाकाे काेराेना रिपाेर्ट पाेजिटिभ आएकाे वताइएकाे छ ।

रिपाेर्ट पाेजिटि आएपनि आफुलाई कुनै किसिमकाे समस्या नरहेकाे मेयर राैनियारले वताए । विहान आफुसहित ३७ जना कै रिपाेर्ट नगेटिभ आएकाे जानकारी प्राप्त भएपनि पछि आफुसहित ८ जनाकाे रिपाेर्ट पाेजिटिभ रहेकाे थाह पाएर आश्चर्य लागेकाे मेयर राैनियारले वताए ।

कालिका टाइम्ससंग कुरा गर्दै मेयर राैनियारले आफ्नाे स्वास्थ्य अवस्थामा कुनै किसिमकाे समस्या नरहेकाे जानकारी गराए ।

यस्तै मेयर राैनियारका स्वाकिय सचिव राजु राैनियारकाे पनि दाेस्राे पटककाे रिपाेर्ट काेराेना पाेेजिटिभ आएकाे छ ।

हाेम आइसाेलेसमा बसेका २४ जना मध्ये ७ जना र आइसाेलेसमा बसेका १३ जना मध्ये एक जनाकाे रिपाेर्ट दाेस्राे पटक पाेजिटिभ देखिएकाे पाेखरिया अस्पतालका मेसु डा. अनिल यादवले वताए ।  

शुक्रबार मेयर राैनियारसहित ३७ जनाकाे संक्रमितकाे दाेस्राे पटक स्वाब संकलन गरेर परिक्षणकाे लागि नारायणी अस्पतालकाे प्रयाेगशालामा पठाउदा आइतबार प्राप्त रिपाेर्टमा ८ जनामा पुन: काेराेना पाेजिटिभ देखिएकाे मेसु डा. यादवले जानकारी गराए ।

सशस्त्र प्रहरीद्वारा अवैध कपडासहित माेटरसाइकल प्रकाउ

0

वीरगंज । सशस्त्र प्रहरी बल बोर्डर आउट पोष्ट पकहा मैनपुरले अबैध कपडासहित भारतिय मोटरसाइकल पक्राउ गरेको छ ।

गएराति एक बजे पकहा मैनपुर गाउँपालिकाको वडा नं. १ धोरेस्थित सिमा क्षेत्रबाट बिआर ० एसआर ६९६३ नम्बरको भारतिय मोटरसाइकलसहित एक बोरा कपडा बरामद गरिएको विओपी पकहा मैनपुरका सशस्त्र प्रहरी निरिक्षक अमृत केशीले वताए ।

प्रहरी गस्ती टोलीले कुर्ता सुरुवाल, साडी, ब्यालाउज भएको एक बोरा कपडासहित मोटरसाइकल बरामद गरेको प्रहरी निरिक्षक केशीले जानकारी दिए । बरामद भएको कपडा करिब रु ५० हजार मूल्य बराबरको रहेको उनले जनाए ।

तर स्थानियहरुका अनुसार राती १० बजे कै करिबमा सशस्त्र प्रहरीले तस्करसहित कपडा र मोटर साइकल पक्राउ गरेको थियो । पछि सशस्त्र प्रहरीले मान्छेलाई छोडेर अवैध कपडा र मोटसाइकल मात्र भन्सार बुझाएको हो ।

बरामद गरिएको कपडा र भारतिय नम्बरको एसपलेन्डर मोटरसाइकल भन्सार बुजाइएको प्रहरी निरिक्षक केशीलेसमेत जानकारी गराए । प्रहरी गस्ती टाेलीलाई देख्ने वितिक्कै तस्कले कपडा र माेटरसाइकल छाेडी भागेकाे हुन सकने उनकाे भनाई थियाे ।  

पाेखरियाका वडाध्यक्ष, डाक्टरसहित १२ जना काेराेना निकाे भएर डिस्चार्ज

0

वीरगंज । पर्साकाे पाेखरिया नगरपालिकाका ४ वडाध्यक्षसहित १२ जना काेराेना निकाे भएर आइतबार डिस्चार्ज भएका छन् । 

काेराेना संक्रमित भएपछि पाेखरिया अस्पतालकाे आइसाेलेसनमा उपचाररत रहेका ४ वडाध्यक्षसहित १२ जना डिस्चार्ज भएकाे पाेखरिया नगरपालिकाकी उप मेयर सलमा खातुनले वताइन ।

काेराेना निकाे हुनेमा पाेखरिया नगरपालिकाकाे वडा नं. १ का वडाध्यक्ष बंका राउत कुर्मी, वडा नं. ७ का वडाध्यक्ष नन्दलाल राउत कुर्मी, वडा नं. ९ का वडाध्यक्ष रामबाबु प्रसाद चाैहान, वडा नं. १० का वडाध्यक्ष साेनालाल साह गाेढ रहेका छन् ।

यस्तै काेराेना निकाे हुनेमा पाेखरिया अस्पतालका मेडिकल सुपरिटेन्डेन्ट डा. अनिल यादवसहित ४ डाक्टर र एक जना नर्ससमेत रहेका छन् । 

अस्पतालबाट डिस्चार्ज हुने सबैजनालाई उप मेयर खातुनले डिस्चार्ज सिलिप र फुल दिएर बिदाई गरेकी छिन् ।

वीरगंजकाे काेराेना अस्पतालमा उपचाररत थप एक संक्रमितकाे मृत्यु

0

वीरगञ्ज । कोरोना संक्रमणबाट थप १ जनाको वीरगञ्जमा मृत्यु भएको छ । नारायणी अस्थाई काेराेना अस्पताल गण्डकमा उपचाररत रौतहटको राजपुरतुल्सी घर भएका ४० वर्षीय पुरुषको आइतबार बिहान ७ः४० बजे मृत्यु भएको नारायणी अस्पतालका प्रवक्ता डा. अतुलेश कुमार चौरसियाले जानकारी दिए ।

उनलाई भदौ १२ गते गण्डक कोभिड अस्पतालमा उपचारका लागि भर्ना गरिएको थियो । पुरानो मधुमेहका रोगी उनमा कडा कोभिड निमोनिया देखिएको उपचारमा संलग्न चिकित्सकले बताएका छन् ।

खोकी र दमले श्वासप्रश्वासमा समस्या भएपछि उनलाई नारायणीमा अस्पतालमा उपचारका लागि ल्याइएको थियो । नारायणी अस्पतालको आइसियूमा राखेर कोराना परीक्षण गर्दा नतिजा पोजेटिभ आएको थियो । त्यसपछि उनलाई गण्डक कोभिड अस्पतालमा सारिएको थियाे ।

पाेखरियाका १२ सहित थप ७९ जनामा काेराेना संक्रमण पुष्टि

0
नारायणी अस्पतालकाे प्रयाेगशालामा काेराेना परिक्षण गरिदै । फाइल तस्बिर

वीरगंज । नारायणी अस्पतालकाे प्रयाेगशालामा शनिबार राति गरिएकाे परिक्षणमा थप ७९ जनामा काेराेना भाइरस (काेभिड १९) संक्रमण पुष्टि भएकाे छ ।

४ सय ४२ जनाकाे स्वाबकाे नमुना परिक्षण गर्दा ७९ जनामा काेराेना पाेजिटिभ देखिएकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए । उनका अनुसार पर्साका ४७ जना, बाराका ३० जना, माेरङ्ग र काठमाण्डाैका एक/एक जनामा संक्रमण देखिएकाे छ ।

संक्रमित हुनेमा ६ महिनाकाे बालकदेखी ९७ बर्षियकाे बृद्धसम्मका रहेका छन् ।

प्रवक्ता डा. चाैरसियाले दिएकाे जानकारी अनुसार पर्साका ४७ संक्रमित मध्ये पाेखरिया नगरपालिकाका १२ जना र वाकी संक्रमित वीरगंज महानगरपालिकाकाे विभिन्न वडाका रहेका छन् ।

यस्तै बाराकाे ३० संक्रमित मध्ये बिश्रामपुरका ३ जना, महागढीमाईका २ जना, जितपुरसिमराका २ जना र वाकी संक्रमित कलैया उपमहानगरपालिकाकाे विभिन्न वडाका रहेका छन् ।

ज‍ीन एक्सपर्ट प्रविधिबाट गरिएकाे परिक्षणमा फेला परेका संक्रमितहरुकाे सिटी भ्यालु १८ देखी ३३ सम्म रहेकाे प्रवक्ता चाैरसियाले वताए । सिटी भ्यालु २४ भन्दा कम भएका संक्रमितहरुबाट संक्रमण फैलन सम्भावना बढी रहेकाे डा. चाैरसियाले जानकारी गराए ।

अलाैंबाट भारु ९० हजारसहित भारतिय नागरिक पक्राउ

0

वीरगंज । नेपाल–भारत सिमा क्षेत्र वीरगंजकाे अलाैंबाट अबैधरुपमा हुण्डी कोबार गरेको आरोपमा प्रहरीले एक जनालाई पक्राउ गरेको छ ।

सिमा प्रहरी चौकी सिर्सियाका प्रहरी नायब निरीक्षक गजेन्द्र साहको नेतृत्वमा रहेको प्रहरी टोली र सशस्त्र प्रहरी विओपी अलौँका सशत्र प्रहरी निरिक्षक इशवर अधिकारी नेतृत्वकाे टोलीले संयुक्त रुपमा गरेको नियमित चेकजाँचको क्रममा विहान ८ बजेको समयमा बिरगंज महानगरपालिका वडा नं. १७ अलौँ बाट भारत बिहार बेतिया बस्ने बर्ष ३५ को उमेश साहलाई नगद भारतिय रुपैया ९० हजार सहित पक्राउ गरेकाे हाे ।

ना ५६ प ६८७८ नम्वरको एफ जेड मोटरसाइकल सवार साहलाई माेटर साइकलसहित प्रकाउ गरिएकाे सशस्त्र प्रहरी निरिक्षक अधिकारीले वताए । पक्राउ परेका साहलाई आवश्यक करवाहीको लागि जिल्ला प्रहरी कार्यालय पर्सामा बुझाईएको सिमा प्रहरी निरिक्षक अधिकारीले जानकारी गराए । 

पक्राउ परेका साह नेपालमै काम गर्दै आएको र लामो समय देखि घर जान नपाएको कारण कमाएको सबै पैसा बोकेर घर जान लागेको प्रहरीलाई ब्यान दिएका छन् । जिल्ला प्रहरी कार्यालय पर्साका प्रहरी प्रबक्ता प्रहरी नायब उपरीक्षक मनोजीत कुँवरले पैसा निजकै हो कि होइन भन्ने बिषयमा अनुन्धासान भइरहेको बताए ।

वीरगंजमा काेराेना संक्रमणबाट ३० बर्षिय युवककाे मृत्यु

0

वीरगंज । वीरगंजमा थप एक कोरोना सन्क्रमितको मृत्यु भएको छ । वीरगंज हेल्थ केयर काेराेना अस्पतालमा उपचाररत रौतहट गाम्हरिय ३ का ३० बर्षिय पुरुषकाे शनिबार बेलुका मृत्यु भएकाे नारायणी अस्पतालका प्रवक्ता डा. अतुलेश कुमार चाैरसियाले वताए ।

प्रवक्ता डा. चाैरसियाका अनुसार भाद्र ११ गते नारायणी अस्पतालमा भर्ना गरिएकाे उनकाे साेही दिन स्वाब संकलन गरेर काेराेना परिक्षणकाे लागि अस्पतालकाे प्रयाेगशालामा पठाइएकाे थियाे । भाद्र १२ गते प्रयाेगशालाबाट प्राप्त रिपाेर्ट काेराेना पाेजिटिभ देखिएपछि साेही दिन सांझ ७:३० बजे उनलाई नारायणी अस्थाई कोभिड अस्पताल बिरगंज हेल्थकेयर सिफ्ट गरिएकाे थियाे ।

वीरगंज हेल्थ केयर मै उपचारको क्रममा शनिबार बेलुका ७:३० बजे उनकाे मृत्यु भएको प्रबक्ता डा. चौरसीयाले जानकारी दिए ।

पर्सामा थप ६१ जना काेराेना मुक्त, संक्रमण निकाे हुने ६४७ जना पुगे

0
वीरगंज । पर्सामा कोरोना भाइरस (काेभिड १९) संक्रमण मुक्त ६ सय ४७ जना भएका छन् । त्यस मध्ये आज मात्र विभिन्न उमेर समूहका ६१ जना काेराेना निको भई घर फर्केकाे जिल्ला प्रशासन कार्यालय पर्साले जनाएकाे छ ।
 
प्रशासन कार्यालयका अनुसार गण्डक काेराेना अस्पतालबाट ५ महिलासहित १६ जना, वीरगंज हेल्थ केयर काेराेना अस्पतालबाट ४ महिलासहित १७ जना, रानी पोखरी होटल सेमि आइसोलेसनबाट ४ जना, रानी सति धर्मशाला सेमि आइसोलेसनबाट ९ जना, पोखरीया अस्पतालबाट १० जना, पोखरिया नपा होम आइसोलेसनबाट ४ जना र वयोधा अस्पतालको होम आइसोलेसनबाट १ जना काेराेना निकाे भएका हुन् ।
 
प्रशासन कार्यालयले शनिबार सांझ सार्वजिक गरेकाे विवरण अनुसार ३६ महिलासहित १०४ जना पोजेटिभ केस अझै पनि आईसोलेसनमा रहेका छन् भने १९९ महिलासहि ९३१ पोजेटिभ केस होम आईसोलेसनमा रहेका छन् ।
 
नारायणी कोभिड-१९ अस्पताल गण्डकमा ३१ पुरुष १९ महिलासहित ५० जना उपचारत रहेको र जसमध्ये ९ जना आइसियुमा
रहेकाे प्रशासनले जनाएकाे छ । 
 
यस्तै नारायणी कोभिड-१९ अस्पताल वीरगंज हेल्थ केयरमा ३७ पुरुष १७ महिलासहित ५४ जना उपचारत रहेको र जसमध्ये १९ जना आइसियुमा रहेकाे प्रशासन कार्यालयद्वारा सार्वजनिक तथ्यांकमा उल्लेख छ ।