Date
शुक्र, मंसिर ४, २०८३
Fri, November 20, 2026
Home Blog Page 930

राधेमाईमा अलपत्र परेका वृद्ध अस्पताल भर्ना

0

वीरगंज । वीरगञ्जको सडकमा अलपत्र परेका एक वृद्धलाई अस्पताल भर्ना गराईएको छ ।

वीरगञ्ज महानगरपालिका वडा नम्बर १२ राधेमाई क्षेत्रमा विगत दुई दिनदेखि अलपत्र परेका पहिचान खुल्न नसकेका वृद्धलाई मंगलबार अस्पताल भर्ना गरिएको हाे ।

दुई दिन देखी अलपत्र परेका वृद्धकाे बारेमा स्थानीयहरुले कोभिड एक्सन टिम (क्याट) पर्सालाई जानकारी गराएपछि उनको उद्दार गरेर नारायणी अस्पताल भर्ना गरिएकाे क्याटका सदस्य तबरजे अहमदले वताए । 

वडा प्रहरी कार्यालय श्रीपुरकाे सहयोगमा वृद्धलाई अस्पताल पुर्याएर उपचारकाे प्रबन्ध मिलाइएकाे क्याटका अर्का सदस्य संजिव मिश्राले वताए । क्याटका सदस्या अहमद र मिश्राकाे टाेली राधेमाईमा पुगी प्रहरीकाे सहयाेगमा वृद्धलाई अस्पताल पुर्याएकाे थियाे ।

वृद्धलाई अस्पताल पुर्याइए पछि उनकाे उपचार अस्पतालका डा. दिपक चाैरसियाले गरेका थिए । ५६ बर्षिय वृद्धको इमरजेन्सी वार्डमा राखि उपचार सुरु गरिएकाे डा. चाैरसियाले जानकारी दिए । उनकाे अवस्था खराब रहेको उनले जानकारी गराए ।

कमजाेरीका कारण बाेल्न पनि समस्या भइरहेका वृद्धकाे भाेली स्वाब संकलन गरि काेराेना परिक्षणसमेत गरीने डा. चाैरसियाले वताए ।

युरिया मल वितरण

0

वीरगंज । अनाेखि साना किसान कृषि सहकारी संस्था लि. वीरगंज ११, पर्साले किसानहरूलाई युरिया मल बिक्री वितरण गरेकाे छ ।

वीरगंजस्थित जिल्ला समन्वय समिति, पर्सा आगाडीबाट संस्थाले ५० बोरा युरिया मल बिक्री वितरण गरेको हो । रु ८ सयमा किसानहरूलाई मल बिक्री गरिएको संस्थाकी अध्यक्ष रानी देवीले बताइन । एकजना किसानलाई एक बोराको दरले युरिया मल उपलब्ध गराइएको उनले जानकारी गराइन ।

युरिया मलकाे अभाव भएका कारण पर्साकाे ग्रामिण भेगका किशानहरु पनि वीरगंजमा मल खरिद गर्न पुगेका थिए । साल्ट ट्रेडिङले आफ्ना डिलरलाई उपलब्ध गराएकाे ५० बाेरा मल भ्याए जति वितरण गरिएकाे संस्थाका नरेश जयसवालले वताए । उनले धेरै किशानहरु मल वितरण स्थल पुगेर पनि मल नपाएर फिर्ता गएकाे वताए । 

यसैगरी, पर्साकाे कालिकामाई गाउँपालिकाकाे वडा नं. २, गदियानीमा पनि युरिया मल वितरण गरिएकाे छ । लालिगूराश कृषक समूह भेडिहारीले ३० बाेरा यूरिया मल वितरण गरेकाे हाे । 

कृषक समूहलाई साल्ट ट्रेडिङले जिल्ला प्रशासन कार्यालयकाे सिफारिसमा उलब्ध गराइदिएकाे मल वितरण गरिएकाे समूहका अध्यक्ष ओमप्रकाश साहले जानकारी दिए । 

उनले भने “हाम्राे वडामा साल्ट ट्रेडिङकाे डिलर नभए पनि यहाँकाे कृषकहरुकाे समस्यालाई ध्यानमा राखी साल्ट ट्रेडिङ कर्पोरेशन लिमिटेड वीरगंजका प्रमुख अमाेज लामिक्षाने सरले उपलब्ध गराइदिनु भएकाे मल वितरण गरेका छाैं । यहाँकाे कृषकहरुलाई एक/एक बाेराे मल वितरण गर्दा पनि सबैले पाउन सकेका छैनन् । युरिया मलकाे अभाव कायमै रहे पनि केही कृषकहरुलाई राहत भएकाे छ ।”

क्याटसंग पर्सा प्रहरी प्रमुख पन्तकाे छलफल

0

वीरगंज । काेभिड एक्सन टिम (क्याट) संग पर्सा प्रहरी प्रमुख गंगा पन्तले मंगलबार छलफल गरेकी छन् । जिल्ला प्रहरी कार्यालय पर्सामा भएकाे छलफलमा प्रहरी प्रमुख पन्तले भदाै १९ गतेदेखी बजारमा हुन सक्ने भिड नियन्त्रणकाे लागि सहयाेग गर्न आग्रह गरिन ।

उनले वीरगंजमा सबै भन्दा ठूलाे समस्या पार्किङ्गकाे रहेकाे वताउदै त्यसकाे लागि क्याटले सहयाग गरिदिनु पर्ने वताइन । पार्कीङ्ग गर्ने ठाउँ लागयत बजारमा हुन सक्ने भिडभाड नियन्त्रणकाे लागि केही स्वयं सेवकमार्फत सहयाेग गरिदिन उनकाे आग्रह थियाे ।

१९ गते देखी बजार खुले पछि हुन सक्ने भिड नियन्त्र गर्न सकिएन भने फेरी पनि संक्रमण सर्ने जाेखिम बढने उनकाे भनाई थियाे ।

छलफलमा प्रहरी प्रमुख पन्तकाे आग्रहमा सहमती जनाउदै क्याटका संयाेजकसमेत रहेका जिल्ला समन्वय समिति पर्साका प्रमुख नेक महमद अन्सारीले आफुहरु सहयाेग गर्न तयार रहेकाे वताए । उनले भदाै १९ गतेदेखी खुल्ने बजारमा भिडभाड हुन नदिन प्रहरीलाई सहयाेग गर्न क्याटले सुरुमा १५ जना स्वयं सेवक खटाउने वताए ।

ति स्वयम् सेवकलाई प्रहरीले प्रशिक्षण दिएपछि वीरगंज माइस्थानकाे तरकारी बजारमा हुन सक्ने भिडभाड नियन्त्रणकाे लागि खटाइने छ ।

छलफल बैठकमा यसका साथै काेराेना संक्रमितकाे कन्टेक्ट ट्रेसिङ्ग बारे पनि कुरा उठेकाे थियाे । त्यसकाे लागि सम्बन्धित स्थानिय तहलाई सकृय बनाउने छलफल भएकाे थियाे ।

क्याटसंगकाे छलफलकाे क्रममा पर्सा प्रहरी प्रमुख पन्तले निषेधाज्ञामा समस्यामा परेकाहरुले जिल्ला प्रहरी कार्यालयमा सम्पर्क गरे राहत उपलबध गराउने व्यवस्थासमेत मिलाइएकाे जानकारी गराएकी थिइन ।   

छलफल बैठकमा सशस्त्र प्रहरीका प्रहरी उपरिक्षक राजेन्द्र खड्का, राष्ट्रिय अनुसन्धानका विभाग जिल्ला कार्यालय पर्साका प्रमुख कुमार खड्का, नेपाली सेनाका क्याप्टन विकल्प थापा, क्याटका सदस्य श्याम पटेल, तबरेज अहमद, संजिव मिश्रा, शम्भु कुमार सुमन, शैली चाैधरी लगायतकाे उपस्थिती रहेकाे थियाे ।

क्याटलाई युएसएबाट एक नेपालीकाे सहयाेग

0

वीरगंज । काेभिड एक्सन टिम (क्याट) पर्सालाई युएसए अमेरिकाबाट एक नेपालीले आर्थिक सहयाेग गरेका छन् ।

वीरगंज महानगरपालिकाकाे वडा नं. २७ काेहडी स्थायी घर भएका हाल अमेरिकामा बस्दै आएका सचिन यादवले क्याटलाई अमेरिकी डलर एक सय ३४ रुपया ८३ पैसा अर्थात नेरु १५ हजार सहयाेग गरेका हुन् ।

अमेरिकाकाे एक बैंकमा काम गर्दै आएका यादवले क्याटकाे कामबाट प्रभावित भएर आफुले क्याटलाई सहयाेग गरेकाे वताए । उनले काेराेना महामारीमा क्याटले गरेकाे कार्य आफुले समाजिक संजाल फेसबुक र अनलाइन मिडियाबाट थाह पाएर सहयाेग गरेकाे वताए ।

वीरगंजकाे हाेलि ल्याण्ड बाेर्डिङ्ग स्कुलका पूर्व विद्यार्थीसमेत रहेका उनले क्याटका सदस्य तबरेज अहमदसंग सम्पर्क गरि उनकै खातामा साे सहयाेग रकम पठाएका छन् ।

यस्तै पर्साकाे सखुवा प्रसाैनी गाउँपालिका वडा नं. ५ महुवन निवासी जटाशंकर प्रसाद रौनियारले पनि क्याटद्वारा संचालित नि:शुल्क खाना अभियानमा सहयाेग गरेका छन् ।

राैनियारले ३ किलो जिरा/धनिया, ३ किलो हल्दी, ३ किलो मर्चा सहयोग गरेकाे क्याटका सदस्य अहमदले जानकारी दिए । 

बाराका एकसहित वीरगंजमा थप ३ काेराेना संक्रमितकाे मृत्यु

0

वीरगंज । पर्सामा थप ३ जना कोरोना संक्रमितको मृत्यु भएको छ । मृत्यु हुनेमा वीरगन्ज महानगरपालिका–२० हरपतगन्जका ५३ वर्षीय पुरुष,पहिचान नखुलेका ६० वर्षीय पुरुष र बारा कोल्भीका ६० वर्षीय पुरुष रहेका छन ।

संक्रमित तीनमध्ये दुई जनाको कोरोना कोभिड अस्पतालमा र एकजनाको नारायणी अस्पतालको आकस्मिक कक्षमा मृत्यु भएको नारायणी अस्पतालका प्रवक्ता डा. अतुलेश चौरसीयाले जानकारी दिए । 

उनका अनुसार ५३ वर्षीय पुरुषको सोमबार राति वीरगंज हेल्थ केयर कोभिड अस्पतालमा, ६० वर्षीय पुरुषको मंगलबार बिहान गण्डक कोभिड अस्पतालको आइसियुमा र पहिचान नखुलेको ६० वर्षीयको सोमबार राति ८:४५ बजे नारायणी अस्पतालको आकस्मिक कक्षमा मृत्यु भएको हो ।

हरपतगंजका ५३ वर्षीय पुरुषमा साउन ३१ गते, काेल्भीका ६० वर्षीय पुरुषमा भदौ १० गते काेराेना संक्रमण पुष्टि भएकाे थियाे भने पहिचान नखुलेको ६० वर्षीय पुरुषमा मृत्युपछि काेराेना संक्रमण पुष्टि भएकाे प्रवक्ता डा. चाैरसियाले वताए ।

पहिचान नखुलेका पुरुष शनिबार बेवारिसे अवस्थामा वीरगंजकाे महाविरस्थान सडकमा पेटीमा भेटिएका थिए । 

१७ दिनदेखि उपचाररत ५३ वर्षीय पुरुष मधुमेह र मिर्गौलाका बिरामी थिए । पछिल्लो समयमा उनमा श्वासप्रश्वासको समेत समस्या देखिएको थियो ।

यस्तै काेल्भीका ६० बर्षिय पुरुष १० भदौबाट उपचाररत  मधुमेहको समस्या रहेका उनमा पछिल्लो समय श्वासप्रश्वासको समेत समस्या देखिएको थियो ।

कालिकामाईका ५ सहित पर्सामा थप १९ जनामा कोरोना सङ्क्रमण पुष्टि

0

वीरगञ्ज । नारायणी अस्पतालको प्रयोशालामा ४ सय १० जनाको स्वाबकाे नमुना परिक्षण गर्दा १८ जनामा काेराेना सङ्क्रमण पुष्टि भएको छ ।

प्रयाेगशालाले सोमबार अबेर राती गरेको पिसिआर परिक्षणमा १८ र जिन एक्स्पर्ट परिक्षणमा २ जनागरी थप २० जनामा कोरोना सङ्क्रमण पुष्टि भएको हो । तिन जना महिलासहित थपिएका सङ्क्रमित मध्ये १७ जना पर्सा, १ जना बारा र जिन एक्स्पर्ट प्रविधिबाट परिक्षण गरिएका २ जनाको ठेगाना नखुलेको नारायणी अस्पतालका प्रवक्ता डा. अतुलेशकुमार चौरसियाले जानकारी दिए ।

उनले थपिएका सङ्क्रमितहरु २३ वर्षदेखि ६८ वर्ष उमेर समुहका रहेको बताए । जिन एक्स्पर्टबाट परिक्षण गरिएकाहरुको नारायणी अस्पतालको आकस्मिक कक्षमा उपचार चलिरहेको छ ।

पर्साको वीरगञ्ज महानगरपालिकाको वडा नम्बर ८ र १२ का दुई/दुई जना र वडा नम्बर ११, १४,१६ र २५ का एक/एक जनागरी ८ जना, बिन्दबासिनी गाउँपालिकाको वडा नम्बर २ का एक जना, कालिकामाई गाउँपालिका वडा नम्बर ५ का पाँच जना संक्रमित थपिएका छन् । थप दुई जना पर्साका भएपनि निश्चित ठाउँ नखुलेको डा. चौरसियाले जानकारी दिए ।

त्यसैगरी बाराको कलैया उपमहानगरपालिका वडा नम्बर ७ का एक २५ वर्षीय पुरुषमा पनि सङ्क्रमण पुष्टि भएको उनले बताए ।

थपिएका सङ्क्रमितहरु मध्ये ११ जनाको सिटि भ्यालु २४ भन्दा कम रहेको छ भने ७ जनाको २४ भन्दामाथि रहेको डा. चौरसियाले जनाए ।

याेसंगै पर्सामा काेराेना संक्रमितकाे संख्या जिल्ला प्रशासन कार्यालयकाे तथ्यांक अनुसार २ हजार २ सय ११ पुगेकाे छ ।

पर्सामा थप एक काेराेना संक्रमितकाे मृत्यु

0

वीरगंज । पर्सामा थप एक काेराेना संक्रमितकाे मृत्यु भएकाे छ । वीरगंज महानगरपालिकाकाे वडा नं. २४, बहुअरीका ८० वर्षिय पुरूषकाे मृत्यु भएकाे नारायणी अस्पतालका प्रवक्ता डा. अतुलेश चाैरसियाले जानकारी दिए ।

भदाै १३ गते स्वाब संकलन गरेर नारायणी अस्पतालकाे प्रयाेगशालामा परिक्षण गर्दा साेही दिन काेराेना पुष्टि भएका ती पुरूषकाे बीरगन्ज हेल्थकेयर अस्पतालमा भर्ना गरिएकाे थियाे ।

दिर्घराेगीसमेत रहेका उनकाे उपचारकाे क्रम साेमबार दिउसाे ३:२० मा मृत्यु भएकाे प्रवक्ता चाैरसियाले वताए ।

कुनै ट्राभल हिस्ट्री नभएकाे ती पुरूषलाई लिभर सम्बन्धी पनि समस्या थियाे । उनकाे आइसियुमा राखेर उपचार भइरहेकाे थियाे ।

याेसंगै पर्सामा काेराेना संक्रमणका कारण मृत्यु हुनेकाे संख्या जिल्ला प्रशासन कार्यालयकाे तथ्यांक अनुसार ३७ पुगेकाे छ ।

नेपालमा थप ८९९ जनामा कोरोना संक्रमण, संक्रमितकाे संख्या ३९४६० पुग्याे

0

काठमाडौँ । पछिल्लो २४ घन्टामा नेपालमा थप ८ सय ९९ जनामा कोरोना संक्रमण पुष्टि भएको छ । कोरोना पुष्टि हुनेमा ३ सय ३ जना महिला र ५ सय ९६ जना पुरुष रहेकाे स्वास्थ्य तथा जनसंख्या मन्त्रालयले जनाएको छ ।

मन्त्रालयको नियमित प्रेस ब्रिफिङका क्रममा सोमबार प्रवक्ता डा जागेश्वर गौतमका अनुसार नयाँ थपिए संक्रमितसंगै नेपालमा कोरोना संक्रमितको संख्या ३९ हजार ४ सय ६० पुगेको बताए ।

यसैगरी पछिल्लो २४ घन्टामा कोरोनामुक्त भएर ५ सय ८८ जना डिस्चार्ज भएका छन् । योसँगै नेपालमा हालसम्म कोरोनामुक्त हुनेको संख्या २१ हजार ४ सय १० जना पुगेको छ ।

त्यस्तै पछिल्लो २४ घन्टामा नेपालमा थप ७ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या २ सय २८ पुगेको छ ।

यसैगरी नेपालमा आइसोलेसनमा रहने कोरोना संक्रमित १७ हजार ८ सय २२ रहेको प्रवक्ता गौतमले जनाए ।

स्वास्थ्य तथा जनसंख्या मन्त्रालयका अनुुसार सोमबारसम्म पीसीआर विधिबाट ६ लाख ९३ हजार ४७२ परीक्षणहरु गरिएका छन् भने २४ घण्टामा जम्मा ११ हजार १२९ पीसीआर परीक्षण भएका छन् ।

राउन्ड टेबुलद्वारा क्याटकाे नि:शुल्क भाेजन अभियानमा सहयाेग

0

वीरगंज । वीरगंज राउण्ड टेबुल ३, वीरगंजले काभिड एक्सन टिम (क्याट)लाई साेमबार खाद्य सामग्री सहयाेग गरेकाे छ ।

काेराेना प्रभावितहरुकाे लागि क्याटद्वारा संचालित नि:शुल्लक भाेजन अभियानमा रेडियाे वीरगंजका कार्यकारी अध्यक्ष धुब्र साहकाे पहलमा संस्थाले सहयाेग गरेकाे हाे । संस्थाले चामल १० बाेरा, दाल ५ बाेरा, खाने तेल ७५ लिटर, आलुु एक बाेरा र प्याज एक बाेरा सहयाेग गरेकाे क्याटका सदस्य तबरेज अहमदले जानकारी दिए ।

राउन्ड टेबलका आराेह मित्तलले क्याटकाे सचिवालय जिल्ला समन्वय समितिका पर्साकाे कार्यालयमा पुगी साे सामग्री हस्तारण गरेकाे सदस्य अहमद वताए । मित्तलले साे सामग्री क्याटका संयाेजकसमेत रहेका जिल्ला समन्वय समितिका प्रमुख नेक महम्द अंसारीलाई हस्तान्तरण गरेका हुन् ।

क्याटले काेराेना महामारीका कारण नराम्राेसंग प्रभावित हुन पुगेका असहाय, गरिब र दीनदु:खिहरुका लागि नियमित रुपमा दुई हप्तादेखि निशुल्क उपलब्ध गराईरहेकाे सदाबर्त भाेजन अभियान संस्थाले सहयाेग गरेकाे क्याटका सदस्य श्याम पटेलले वताए । 

वीरगंज महानगरका मेयर सरावगीलाई पितृ शाेक

0
वीरगंज । वीरगन्ज महानगरपालिकाका मेयर विजय कुमार सरावगीका बुवा चिरञ्जीवीलाल सरावगीकाे निधन भएकाे छ । ७८ बर्षिय उनकाे गएराती १२.०५ वजे काठमाडौं स्थित ग्राण्डी अस्पतालमा उपचारकाे क्रममा निधन भएकाे हाे ।
 
गत साउन २२ गते उनमा काेराेना संक्रमण देखिएपछि वीरगन्जबाट काठमाडौ लगिएको थियाे । उनको साउन २४ गते नै काठमाडौस्थित ग्राण्डी अस्पतालमा उपचारार्थ भर्ना गरिएकाे थियाे । भदौ २ गतेकाे परिक्षणमा काेराेना मुक्त भएका थिए ।
 
मुटु र मृगौलामा जटिल समस्या देखिएपछि उनको अतिसघन कक्षमा राखेर उपचार गरिएकाे थियाे ।
 
साेमबार विहान १० वजे काठमाडौंस्थित पशुपति आर्यघाटमा दाहसंस्कार गरिने कार्यक्रम तय गरिएको मेयर सरावगीका प्रेस संयाेजक गाेबिन्द देवकाेटाले जानकारी दिए ।
 
वीरगन्जमा वि.स. २००० सालमा जन्मका उनी समाजसेवीकाे रुपमा स्थापित व्यक्तित्व थिए ।
 
उनी वीरगन्ज उधाेग बाणिज्य संघकाे पुर्व अध्यक्ष, मारवाडी परिषदकाे केन्द्रीय अध्यक्ष, लायन्स क्लवकाे गभर्नर लगाएत धेरै सामाजिक संघ संस्थामा आवद्धसमेत थिए । उनका दुई छाेरा र एक छाेरी छन् ।