Date
शुक्र, मंसिर ४, २०८३
Fri, November 20, 2026
Home Blog Page 928

बन्जारीमा भएकाे कार्यक्रममा २७ जनाद्वारा रक्तदान

0

वीरगंज । पर्साकाे छिपहरमाई गाउँपालिकाकाे वडा नं. ४ बन्जारीमा शनिबार रक्तदान कार्यक्रम सम्पन्न भएकाे छ । श्री सनसाइन ईङ्गलिस बाेर्डिङ्ग स्कुल र साह हेल्थ क्लिनिक बन्जारीकाे आयाेजनामा भएकाे कार्यक्रममा २७ जनाले रक्तदान गरेका छन् ।

बाेर्डिङ्गका प्रिन्सपल एवं क्लिनिकका संचालक अनिल कुमार साहकाे अध्यक्षतामा भएकाे कार्यक्रममा शिभेन्द्र कुमार श्रीवास्तव, रबि कुमार महताे, जलिम मियाँ धाेबि, राजेश हजरा, भन्टु यादव, माेरधय यादव, राजु सहनी, जितेन्द्र कुमार महताे, राम क्षेत्री सहनी, राजकपुर पासवान, साहेब कुमार यादव, दिपक महताे, अर्जुन सहनी, महमद सारुख, अबदुल अन्सारी, अबुलेश देवान, धवन साह, अवधेश ठाकुर, कृष्णा साह तेली, रन्जय कुमार सारुख, जयराम सहनी, कमलेश प्रसाद सुमन, बिबेक साह तेली, इशराफिल गद्दी, माेहन साह, प्रेम सागरले रक्तदान गरेका हुन् ।

श्री सनसाइन ईङ्गलिस बाेर्डिङ्ग स्कुलमा भएकाे कार्यक्रममा नेपाली कांग्रेसका महाधिबेशन प्रतिनिधि रामेश्वर महताे केंवट, रेडक्रस उप शाखा तुल्सी बर्वाका सभापति मुना बर्मा, पत्रकार शम्भु कुमार सुमन, स्वस्थ्य चाैकी बन्जारीका मन्सुर आलम लगायतकाे उपस्थिती रहेकाे थियाे । कार्यक्रममा रक्तदान गर्नेहरुलाई प्रमाण पत्रसमेत वितरण गरिएकाे थियाे ।

रक्त संचार केन्द्र वीरगंजका प्राविधिक जितेन्द्र कुशवाहा नेतृत्वकाे टाेलीले कार्यक्रममा प्राविधिक सहयाेग गरेकाे थियाे ।

पकहा मैनपुर गाउँपालिकाका काेराेना संक्रमित पुरुषकाे मृत्यु

0

वीरगंज । पर्सामा थप एक काेराेना संक्रमितकाे मृत्यु भएकाे छ । पकहा मैनपुर गाउँपालिकाकाे वडा नं. २, सुर्जाहा निवासी ७५ बर्षिय पुरुषकाे मृत्यु भएकाे जिल्ला प्रशासन कार्यालय पर्साले जनाएकाे छ । 

याेसंंगै पर्सामा काेराेना संक्रमण कारण मृत्यु हुनेकाे संख्या ४० पुगेकाे छ ।

भाद्र ०४ गते उनकाे स्वाव संकलन गरी परीक्षण गर्दा भाद्र ०५ गते काेराेना पाेजिटिभ देखिएकाे थियाे । त्यसपछि नारायणी बिशेष काेराेना अस्पताल गण्डकमा उनालाई राखेर उपचार गर्ने क्रममा शुक्रबार राती ११:३० बजे मृत्यु भएकाे नारायणी अस्पतालका प्रवक्ता डा. अतुलेश चाैरसियाले वताए ।

ज्वरो, खोकी र श्वासप्रश्वास समस्या रहेको उनी पहिलादेखी नै क्षयराेगकाे बिरामी थिए । १३ दिनदेखी उनलाई अस्पतालकाे आइसियुमा राखेर उपचार भइरहेको थियो ।

पाेखरियामा पनि अस्थालिन औषधी उपलब्ध गराए पत्रकार अग्रवाल

0

वीरगञ्ज । पत्रकार अमित अग्रवालले कोरोना संक्रमित भएर श्वासप्रश्वासमा समस्या देखिएका बिरामीका लागि अति आवश्यक पर्ने अस्थालिन रेस्पिरेटरी सोलुसन औषधी शुक्रबा पाेखरियामा पनि उपलब्ध गराएका छन् ।

औषधी अभावमा बिरामीको उपचारमा समस्या भएको जानकारी पाएपछि पत्रकार अग्रवालले छिमेकी बजार रक्सौलबाट मगाएर  अस्पताल तथा हाेम आइसाेलेसनमा बस्दै आएका संक्रमितलाई निशुल्क रुपमा अस्थालिन औषध उपलब्ध गराउदै आएका छन् ।

साेही क्रममा पाेखरिया अस्पतालकाे आइसाेलेसमा बसेका संक्रमितहरुकाे लागि १५ थान अस्थालिन औषधी उपलब्ध गराएका छन् । पत्रकार अग्रवालले पाेखरिया मै पगुरे पाेखरिया नगरपालिकाकी उप मेयर सलमा खातुनलाई साे औषधी उपब्ध गराएका हुन् ।

यस्तै अहिले वीरगंजकाे नारायणी अस्पताल, वीरगंज हेल्थ केयर, गण्डक अस्पताल र हाेम आइसाेलेसनमा बसेकाहरुलाई आफुले ६० थान अस्थालिन औषधी उपलब्ध गराएकाे पत्रकार अग्रवालले वताए । 

जिल्ला जनस्वास्थ्य कार्यालय पर्साका जनस्वास्थ्य निरीक्षक जयमोद ठाकुरले वीरगञ्जमा अस्थालिन रेस्पिरेटरी सोलुसन औषधी नहुँदा श्वासप्रश्वासका बिरामी जोखिममा रहेको जानकारी दिएपछि आफूले बिरामीको उपचारमा सहजहोस भनेर निशुल्क औषधी उपलब्ध गराउने प्रयास गरेको अग्रवालले बताए ।

सबैले आ–आफ्नो ठाउँबाट जिम्मेवारी बहन गर्दै अघि बढिए महामारीसँग लड्न सकिने भएकाले आफूले सकेको सहयोग उपलब्ध गराएको पनि उनले बताए ।

छिपहरमाईबाट लागु औषध गाँजासहित २ जना पक्राउ

0
apo pokhariya_kalikatimes
इलका प्रहरी कार्यालय पाेखरिया । फाइल तस्बिर

वीरगंज । पर्साकाे छिपहरमाई गाउँपालिका वडा नं. २ टिहुकीबाट लागु ओषध गाँजासहित २ जनालाई प्रहरीले पक्राउ गरेकाे छ ।

प्रहरी चाैकी टिहुकीले स्थानिय गाेखुल महताे र सुजित महताेलाई लागु औषध ५ किलाे गाँजासहित पक्राउ गरेकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले जानकारी दिए । प्रहरी गस्ती टाेलीले बिआर २२ एक्यु ०४१३ नम्बरकाे भारतिय माेटरसाइकलमा सवार दुबै जनालाई चेकजाच गर्ने क्रममा गाँजासहित नियन्त्रणमा लिएकाे उनले जानकारी गराए ।

पक्राउ परेका गांजा र माेटरसाइकलसहित दुबै जनालाई इलका प्रहरी कार्यालय पाेखरियाकाे हिरास्तमा राखेर थप अनुसन्धान भइरहेकाे प्रहरीले जनाएकाे छ ।

छिपहरमाईमा पिसिआर परिक्षण गर्न नेपाली कांग्रेसकाे माग

0

भिस्वा । पर्साकाे छिपहरमाई गाउँपालिकामा नेपाली कांग्रेसकाे शुक्रबार बैठक सम्पन्न भएकाे छ । छिपहरमाई गाउँपालिकाकाे वडा नं. ४ बन्जारीमा भएकाे गाउँपालिका समितिकाे बैठक विभिन्न निर्णय गर्दै सम्पन्न भएकाे हाे ।

बैठकले गाउँपालिकामा एक घर एक पिसिआर परिक्षण गर्न, आइसाेलेसनकाे व्यवस्था गर्न र थप राहत वितरण गर्न गाउँपालिकासंग माग गर्न निर्णय गरेकाे बैठकमा सहभागि जिल्ला सदस्य नविन संहले जानकारी दिए ।

उनले भने “पर्साकाे सबै पालिकाहरुले आफ्नाे गाउँवासीलाई काेराेना संक्रमणबाट जाेगाउन पिसिआर परिक्षण गरिरहेकाे अवस्थामा हाम्राे गाउँपालिकाले केही नगरेकाे घण्डमा हामी बैठक बसी हामी पिसिआर परिक्षण गर्न र आइसाेलेसनकाे व्यवस्था गर्न माग गरेका हाैं । यसका साथै लामाे समय देखीकाे बन्दाबन्दीका कारण प्रभावित गरिब र विपन्न परिवारलाई राहत वितरण गर्न माग गर्न पनि निर्णय गरेका छाैं ।”  

गाउँपालिका संयाेजक धुरेन्द्र प्रसाद साह कानुकाे अध्यक्षतामा भएकाे बैठकमा नेपाली कांग्रेस पर्साका सचिव किशोरी साह कानु, क्षेत्रिय अध्यक्ष रमेश पाँण्डे, क्षेत्रिय सदस्य रामाशंकर साह कानु लगायतकाे उपस्थित रहेकाे थियाे ।

पत्रकार राैनियारसहित ४६ जना काेराेना निकाे भएर डिस्चार्ज

0

वीरगंज । पर्सामा थप ४६ जना कोरोना भाइरस (काेभिड १९) संक्रमण मुक्त भएका छन् । 

पर्साकाे विभिन्न काेभिड अस्पताल र आइसोलेसनबाट शुक्रबार ४६ जना संक्रमित डिस्चार्ज भइ घर फर्किएकाे जिल्ला प्रशासन कार्यालय पर्साले जनाएकाे छ ।  याेसंगै पर्सामा काेराेना निकाे हुनेकाे संख्या एक हजार ३ सय १९ पुगेकाे छ ।

कोरोना भाइरस संक्रमण मुक्त हुनेमा वीरगंजका एक जना पत्रकार पनि रहेका छन् । एभि न्युज टेलिभिजनका संवाददाता राजन राैनियार १९ दिनमा काेराेना निकाे भएर शुक्रबार वीरगंज हेल्थ केयर काेभिड अस्पतालबाट डिस्चार्ज भएका हुन् ।

राैनियारकाे तेस्राे पटकाे रिपाेर्ट काेराेना नगेटिभ आएकाे पछि उनलाई अस्पतालले डिस्चार्ज गरेकाे हाे । उनीसंगै वीरगंज हेल्थ केयरबाट ८ जना काेराेना निकाे भएर डिस्चार्ज भएका हुन् ।

यस्तै वीरगन्ज ड्रइपोट स्थित बाटिका होटलमा निर्माण गरिएको सेमि आइसोलेसनबाट २३ जना कोरोना भाइरसलाई परास्त गरेर घर फर्किएका छन्।  सिद्धार्थ स्कुलको आइसोलेसनमा रहेका १५ जनाले डिस्चार्ज भएका छन्। 

पाेखरियाका मेयर राैनियार काेराेना मु्क्त

0

वीरगंज । पर्साकाे पाेखरिया नगरपालिकाका मेयर दिपनारायण राैनियार काेराेना भाइरस (काेभिड १९) संक्रमण मुक्त भएका छन् ।

मेयर राैनियारसहित ८ जनाकाे तेस्राे पटककाे रिपाेर्ट काेराेना नगेटिभ आएकाे पाेखरिया अस्पतालका मेडिकल सुपरिटेन्डेन्ट डा. अनिल यादवले वताए । मेयर सावसहित ८ जनाकाे बिहिबार तेस्राे पटक स्वाब संकलन गरेर परिक्षणकाे लागि नारायणी अस्पतालमा पठाउदा शुक्रबार प्रयाेगशालाबाट सबै जनाकाे रिपाेर्ट नगेटिभ आएकाे जानकारी प्राप्त भएकाे उनले जानकारी गराए ।

काेराेना निकाे हुनेमा मेयर राैनियारसहित उनका बुवा शम्भु प्रसाद राैनियार, उनका स्वकिय सचिव राजु राैनियार, ड्राइभर, एक जना पाेखरिया अस्पतालकाे आइसाेलेसनमा बसेका व्यक्ति लगायत ८ जना रहेका छन् ।

साउन ३२ गते काेराेना संक्रमित भएका मेयर राैनियार २० दिनपछि निकाे भएका हुन् । काेराेना संक्रमण पुष्टि भएकाे दिनदेखी नै उनी हाेम आइसाेलेसनमा बस्दै आएका थिए ।

आम्रपालीलाई बिग बासकाे लागि अफर

0

एजेन्सी । बिग बासको नयाँ सिजनका लागि भोजपुरी कलाकारलाई अफर हुन थालेको छ । पछिल्लो पटक अभिनेत्री आम्रपाली दुबेलाई अफर गरिएको छ ।

यस अघि बिग बासमा भोजपुरी स्टार रवि किसन, निरहुवा, मनोज तिवारी, सम्भावना सेठ, मोनालिसा, दीपक ठाकुर र खेसारी लाल यादव सहभागी भइसकेका छन् । यस पटक आम्रपालीलाई बिग बासका लागि अफर आएको जनाएको छ ।

बिग बास निर्माण समूहले आम्रपालीलाई सहभागिताका लागि अफर गरेको भारतीय मिडियाले जनाएका छन् । उनी भोजपुरी फिल्मकी सुपरस्टार हुन । उनलाई उत्तर प्रदेश र बिहारमा थुप्रैले मन पराउँछन् । तर, उनले अहिलेसम्म कुनै जबाफ दिएकी छैनन्। निर्माताहरु उनको जबाफको पर्खाइमा रहेको जनाइएको छ ।

परवानिपुरमा ५ महिलासहित १७५ जनाद्वारा रक्तदान

0

वीरगंज । बाराकाे परवानिपुर गाउँपालिकामा शुक्रबार वृहत रक्तदान कार्यक्रम सम्पन्न भएकाे छ । नेपाल कम्यूनिष्ट पार्टी (नेकपा) परवानिपुर गाउँपालिकाकाे आयाेजनामा भएकाे कार्यक्रममा ५ महिलासहित १७५ जनाले रक्तदान गरेका छन् ।

परवानीपुर बजारस्थित हबिब मार्केटमा भएकाे कार्यक्रममा राजेश यादव, मनोज सराफ, बिष्णु यादव, रबि यादव, निरन्जन सराफ, रन्जु यादव, तारा देबी लगायकाका एक सय ७५ जनाले रक्तदान गरेकाे स्थानिय प्रेमनारायण यादवले जानकारी दिए । 

उक्त कार्यक्रममा देव नारायण चौधरी, सोचन यादव, मोबिन आलम, राम क्षेत्री, अस्लम आलम, बेराहिम मियाँ, इम्तियाज आलम लगायतकाे उपस्थिती रहेकाे थियो ।

काेराेना महामारीकाे समयमा भएकाे रक्त अभाव परिपुर्ति गर्न वृहत रक्तदान कार्यक्रम गरिएकाे आयाेजकले जनाएकाे छ ।

रेडक्रसकाे ५८ औं स्थापना दिवस विभिन्न कार्यक्रम गरी मनाइयाे

0
वीरगंज । नेपाल रेडक्र्स साेसाइटीकाे ५८ औं स्थापना दिवसकाे अवसरमा पर्सा शाखाले विभिन्न कार्यक्रम गरि मनाएको छ ।
कोरोना महामारिले गर्दा राज्य पुरै त्रासमा रहेको बेला रेडक्र्स पर्साले सरकारबाट गरिएको निर्देशनलाई पालना गरि शाखामा झन्डोतोलन, सरसफाइ, मास्क बितरण, पम्पलेट बितरण, रक्तदान लगायकाे कार्यक्रम गरेर मनाएकाे हाे ।
 
रेडक्र्स पर्सा शाखाबाट मनाइएको सबै कार्यक्रम शाखाका सभापति बिरेन्द्र राज कंडेलको सभापतित्वमा भएको थियो भने झन्डोतोलन कार्यक्रमकाे प्रमुख अतिथी रेडक्रस प्रदेश नं. २ का अध्यक्ष फुलमहम्मद मियाले झन्डोतोलन गरि पानसमा बति बालेपछि रेडक्र्सका जन्मदाता जाँ हेनरी ड्युनाको तस्बिरमा सहभागी सबैले फुलमाला चढाइ एकअर्कालाई शुभकामना दिएका थिए । झण्डोतोलन पश्चात् शाखा भवनको हातामा सरसफाइ गरिएको थियो ।
 
रेडक्र्स दिवसकै अवसरमा र कोरोना संक्रमण नियन्त्रणका लागि जनचेतना फैलाउने उदेश्यले मास्क र पम्पलेटसमेत वितरण गरिएकाे थियाे । यसका साथै दिवस कै अवसरमा रक्त सञ्चार केन्द्रमा सभापति बिरेन्द्र राज कंडेल, उमेश मिश्र, अजय यादव लगायत १० जनाले रक्तदान गरेका थिए ।
कार्यक्रममा उपसभापति श्रीमती मधु राणा, कोषाध्यक्ष महन्थ प्रसाद यादव, उपमन्त्री साबिर अहमद एराज, मदन प्रसाद गुप्ता, रामनरेश यादव, सन्तोष गुप्ता, दिनानाथ रौनियार, काशी प्रसाद शाह, लक्ष्मीनारायण राउत, राजन श्रीवास्तव, बिरशमसेर प्रसाद कुर्मी, भरत शर्मा, राजु शाह, राहुल पटेल लगायतको सहभागीता रहेको थियोे भने कार्यक्रमकाे संचालन मन्त्री शैलेन्द्र कुमार चौरासीयाले गरेका थिए ।
 
नेपाल रेडक्र्स सोसाइटी पर्सा जिल्ला शाखाद्वारा गठित २२ वटा उपशाखा लगायत ७७ जिल्ला र केन्द्रलेसमेत आजको दिन रेडक्र्सको स्थापना दिवसको अवसरमा विभिन्न कार्यक्रम गरि मनाउने गरेकाे रेडक्रस पर्साका सहायक राजन श्रीवास्तवले जानकारी गराए ।