Date
शुक्र, मंसिर ४, २०८३
Fri, November 20, 2026
Home Blog Page 929

महासंघद्वारा प्रशासन कार्यालयमार्फत प्रधानमन्त्रीलाई ज्ञापन

0

वीरगंज । डिप्लोमा मुनिका प्राविधिक स्वास्थ्य संकायहरूमा यसै शैक्षिक सत्र देखि भर्ना नलिने राष्ट्रिय चिकित्सा शिक्षा आयोगको निर्णय प्रति घोर आपति जनाउदै पर्सा अवस्थित तीन शिक्षण संस्थाहरुले जिल्ला प्रशासन कार्यालयमार्फत प्रधानमन्त्रीलाई ज्ञापन पत्र बुझाएका छन ।

निजी प्राविधिक शिक्षालय महासंगको पूर्व निर्धारित कार्यक्रम अनुसार महासंघका केन्द्रीय सदस्य प्रमोद यादवको नेतृत्वमा गएको टोलीले जिल्ला प्रशासन कार्यालय पर्साका विनय श्रीवास्तवलाई ज्ञापन पत्र बुझाएको हो । इन्स्टिच्युट अफ रुरल हेल्थ प्रालि वीरगन्जका प्रमोद यादव, डीभाइन इन्स्टिच्युट अफ हेल्थ साइन्सका सोनालाल चौरसिया, श्री भवानी हस्पिटल एण्ड रिसर्च सेन्टर वीरगन्जका हरी श्रेष्ठद्वरा संयुक्त रूपमा हस्ताक्षरित ज्ञापन पत्र बुझाएका हुन् ।

ज्ञापन पत्रमार्फत कोरोना संक्रमण महामारीका कारण लामो समय देखि ई संस्थाहरु बन्द रही जर्जर अवस्थामा पुगेको बेला सरकारबाट राहतको अपेक्षा गरिएको अवस्थामा उल्टै संस्था नै बन्द गर्ने खालको निर्णय आउनु असधैं दुःखद भएको जनाइएको छ ।

ज्ञापन पत्रमा गरीब विद्यार्थीहरू रोजगारको अध्यानको उद्यम बिन्दुको रूपमा रहेको स्वास्थ्य संकायका डिप्लोमा मुनिका यों तह बन्द भएपछि अझै रोजगारीको समस्या बढने भएकोले राष्ट्रिय चिकित्सा शिक्षा आयोगको निर्णयमाथि पुनर्विचार गर्न आग्रहसमेत गरिएको छ ।

कालिकामाई र सखुवा प्रसाैनीका ६ सहित थप ४५ जनामा काेराेना पुष्टि

0
स्वाब संकलन । फाइल तस्बिर

वीरगंज । नारायणी अस्पताल वीरगंजकाे प्रयाेगशालामा बिहिबार राति गरिएकाे परिक्षणमा ४५ जनामा काेराेना भाइरस (काेभिड १९) संक्रमण पुष्टि भएकाे छ ।

पर्सा र बाराकाे ५८४ जनाकाे स्वाबकाे नमुना परिक्षण गर्दा १० महिलासहित ४५ जनामा काेराेना संक्रमण फेला परेकाे नारायणी अस्पतालका प्रवक्ता डा. अतुलेश चाैरसियाले जानकारी दिए । संक्रमित हुनेमा पर्साका २६ र बाराका १९ जना रहेकाे उनले जनाए ।

संक्रमितहरु १८ बर्षदेखी ४५ बर्ष सम्मका रहेका छन् । 

डा. चाैरसियाका दिएकाे जानकारी अनुसार पर्साकाे वीरगंज महानगरपालिकाकाे १९ जना, नविल बैंकका ५ जना, कालिकामाई गाउँपालिका, सखुवा प्रसाैनी गाउँपालिकाकाे ३-३ जना र पटेर्वा सुगाैली गाउँपालिकाकाे १ जनामा संक्रमण देखिएकाे छ ।

वीरगंज महानगरपालिकाकाे वडा नं. ८, १५, २१, का १-१ जना, वडा नं. ९, १०, ११, १४, २२ का २-२ जना, कालिकामाई गाउँपालिकाकाे वडा नं. १ का २ जना, वडा नं. ३ का १ जना, सखुवा प्रसाैनी गाउँपालिकाकाे वडा नं. ४ का २ जना र वडा नं. ५ का १ जना संक्रमित भएका छन् । 

यस्तै बाराकाे निजगढ नगरपालिकाका १४ जनामा संक्रमण देखिएकाे छ । संक्रमित हुनेमा निजगढ नगरपालिकाकाे वडा नं. ३, ७,९ का १-१ जना, वडा नं. ८ का २ जना, निजगढ इलका प्रहरी कार्यालयका ६ जना, सशस्त्र प्रहरी बल पिलुवाका २ जना र कामना विकास बैंकका एक जना रहेका छन् ।

दलित माथीकाे विभेद अन्त्य नभए ठूलाे आन्दाेलन हुन सकने

0
  • मुस्तफा आलम /

आजभोली मधेसमा दलित माथिको अन्याय पिडा कुनै नौलो कुरा होइन । यो बर्सौदेखि चलि आएको एउटा खराब प्रबिर्ती हो । जसमा कयौ दलित दाजुभाईहरुले आफ्नो बलिदान दिनु भएका छन् । मधेसमा खासगरी डोम चमार दुसाद र मुसहरलाई दलितको रुपमा चिनिन्छ अहिले पनि अधिकांश दलित युवाहरु सिक्षा रोजगार र अन्य सेवाबाट बन्चित छन् । नेपालको संबिधानमा दलितहरुको हक र अधिकार सुनिचित गरे पनि यसलाई व्यवहारमा लागु गर्न सकिएको छैन । चुनावको बेलामा सथानीय जनप्रतिनिधि र अगुवा ठुलो आशा र सहयोग देखाए पनि चुनाव जितेर गएपछि बेवास्ता गरेको देखिन्छ ।

मधेसमा जन आन्दोलन अगाडी झन् दलितको आवस्था नाजुक थियो । बिधालयमा धेरै दुर्बयावाहर गरिन्थ्यो । दलितलाई छुटै बस्न बाध्य बनाइन्थ्यो । यो अहिले कम भएको देखिन्छ तर दलितहरु शिक्षाबाट बन्चित हुनुमा शिक्षकहरुकाे पनि ठुलो हात हुन्थ्यो । अहिले पनि दलितसंग हरेक ठाउँमा विभेद गरिन्छ । मधेशमा अहिले पनि छुवाछुत ब्यापक छ । अहिले मधेसको गैर दलितको घरमा भोज भतेर हुदा दलितले छुटै अलग ठाउँमा भोज खान भनिन्छ र याे दलितको घरमा भोज भतेर छ भने उस्ले गैर दलितकोमा बाहिरबाट चामल दल र तरकारी किनेर छुटै गैर दलितकोमा दिनु पर्छ । यो सब स्थानीय जनप्रतिनिधिको अगाडी हुदा पनि चुपचाप हेरेर उल्टै बढावा दिन्छन् ।

यती मात्र नभइ यदि दलितमाथि आत्याचार भएको छ भने त्यो छिनोफानो गाउँमा गरिन्छ । यदि पुलिस चोकीमा गए पनि त्यो दलितको मुद्दाले पहुचको भरमा दर्ता गरिदैन् । यो आवस्था छ मधेसी दलित दाजुभाई हरुको । यो सबै कारणको अहिले दलित आन्दोलन । येदि समयमा दलितहरु माथिको भेदभावको बिरोध गरिएन भने दलित आन्दोलन ठुलो रुप लिन सक्छ । यो आन्दोलन दलितको मात्रै नभई हामी सबै युवाहरुको हो । गैर दलित युवाहरु पनि अब यो दलित आत्याचार प्रतिको बिरोध गर्न जरुरि छ । हामी अब आफ्नो घर टोलबाट दलितहरु माथिको आतायाचार र अन्यायले बिरोध गर्नु पर्छ ।

दलित युवा दाजुभाईहरुले पनि अब सोच्नु पर्ने बेला आएको छ अब तपाईहरु मासु चिउरामा भोट नदिनुस । नेपालको संबिधानले दलितले धेरै हक र अधिकार सुनिचित गरेको छ । त्यो हक र अधिकारको उपयोग गर्नुस । अब गैर दलित युवाहरुको पनि सहयोगको जरुरि छ । अबको हाम्रो समाज भनेको छुवाछुत रहित र भेदभाव रहित समाज निर्माणमा हामीहरु लाग्नु पर्ने देखिन्छ । यही बेला हो हाम्रो समाजबाट नराम्रो रितिरिवाजलाई हटाएर एउटा समानतामूलक समाज निर्माण गर्नु पर्छ । यही बेला हो हामी सबै युवाहरु मिलेर हाम्रो खराब चल्दै आएको कुप्रथालाई हटाएर राम्रो समाज निर्माण गर्नु पर्ने देखिन्छ ।

शृंखलाबद्ध दलित हत्या विरुद्धको आन्दोलन जारी रहन्छ : संघर्ष समिति

0

वीरगंज । प्रहरी हिरासत मै रहेका बेला रौतहट गरुडाका विजय रामको मृत्यु भएको घटनाको विरोधमा ईलाका प्रहरी कार्यालय गरुडाको अगाडी पूर्व मन्त्री विश्वेन्द्र पासवान, राष्ट्रिय सभाका पूर्व सदस्य रामप्रित पासवान र संजय कुशवाहा आमरण अनसन बसेका छन ।

स्थानिय दलित समुदायको अगुवायीमा आयोजित आन्दोलनमा ऐक्यबदता जनाउदै विश्वेन्द्र पासवान ६ दिनदेखि आमरण अनसनमा बसेका छन भने रामप्रित पासवान र संजय कुशवाहा दुई दिन देखि अनसन बसेको दलित संघर्ष समितिका संयोजक सोनालाल रामले बताए ।

संघर्ष समितिका संयोजक सोनालाल रामले आफूहरुको माग सम्बोधन नभए सम्म संघर्ष जारी राख्ने समेत बताए ।

आमरण अनसन बसे कै स्थलमा समितिद्वारा आयोजित पत्रकार सम्मेलनमा रामले मृतक निरंजन राम र विजय रामलाई शहीद घोषणा गर्नु पर्ने, मृतकद्वयको हत्याकाण्डको निस्पक्ष छानविनको लागि दलित आयोग र मानव अधिकार आयोगको सदस्यहरू सम्मेलित उच्च स्तरीय छानबिन समिति गठन गर्नु पर्ने, घटनामा संलग्न दोषी प्रहरी अधिकृतहरुलाई निलम्बन गरी कारवाही गर्नु पर्ने लगायतको हाम्रो माग रहेको बताए ।

गरुडामा जारी दलित आन्दोलनमा राष्ट्रिय दलित पत्रकार संघ पर्सा र बाराका सञ्चारकर्मी प्रतिनिधिहरू अनसन स्थलमा पुगी आन्दोलन प्रति एक्यवद्धता जाहेर गरेको राष्ट्रिय दलित पत्रकार संघ पर्साका अध्यक्ष श्याम पासवान जानकारी दिएका छन् ।

वीरगंजमा पांच जनाले गरे “प्लाज्मा दान”

0

वीरगंज । वीरगञ्जमा प्लाज्मा थेरापीका लागि ‘प्लाज्मा दान’ कार्यक्रम सम्पन्न भएकाे छ । नेपाल चिकित्सक संघ नारायणीको कार्यालयमा आयोजित कार्यक्रममा ५ जनाले ‘प्लाज्मा दान’ गरेका हुन् ।

‘प्लाज्मा दान गरौं, कोरोना संक्रमितको ज्यान बचाऔं’ भन्ने नाराका साथ आयोजित प्लाज्मा दान कार्यक्रमा काेराेना संक्रमण निकाे भएका ५ जनाले प्लाज्मा दान गरेको रक्त सञ्चार केन्द्र वीरगञ्जका प्रमुख साैरभ राज पाण्डेले वताए ।

नागरिक सरोकार समाज वीरगञ्ज, नारायणी अस्पताल प्लाज्मा थेरापी स्टडी ग्रुपको आयोजना भएकाे कार्यक्रममा वडाध्यक्ष जगत साह कानु, पत्रकार सुरेश विडारी, डाक्टर प्रहलाद अधिकारी, प्रवेश ढंगेल र खसीकान्त चाैधरीले प्लाज्मा दान गरेका हुन् ।

दान गरिएको रगतबाट प्लाज्मा निकालेर ‘प्लाज्मा बैंक’मा सुरक्षित राख्ने र आवश्यक पर्दा संक्रमितलाई चढाउने उद्देश्यले कार्यक्रम आयोजना गरिएको सरोकार समाजका ओम प्रकाश सर्राफले जानकारी दिए । 

‘प्लाज्मा बैंक’ का लागि रक्तसञ्चार केन्द्र वीरगञ्जमा आवश्यक बन्दोबस्त गरिसकिएको प्रमुख पाण्डले जानकारी गराए ।

तीन महिना अघि देखि थालिएको प्रयासले सार्थकता पाएको चिकित्सक संघ नारायणीका सचिव डाक्टर उदय नारायण सिंहले बताए ।

गम्भिर अवस्थाका संक्रमितलाई प्लाज्मा थेरापी गर्नुपर्ने हुँदा जरुरी पर्दा दाता खोजेर प्लाज्मा निकाल्न समय लाग्ने भएकोले ‘प्लाज्मा बैंक’ स्थापना गरिएको उनको भनाई छ ।

कार्यक्रममा नेपाली कांग्रेस पर्साका अध्यक्ष अजय द्विदी, चिकित्सक संघ नारायणी, वीरगंजका अध्यक्ष डा. अरुण सिंह, नारायणी अस्पतालका मेडिकल सुपरिटेन्डेन्ट डा. संजय ठाकुर, रेडक्रस पर्सा शाखाका मन्त्री शैलेन्द्र चाैधरी, समाजिक अभियान्ता प्रकाश थारु लगायतकाे उपस्थिती रहेकाे थियाे ।

विद्यालयहरुमा खुट्टाबा संचालन हुने हेण्ड वासिङ सेट जडान

0

वीरगंज । नेपाल रेडक्रस सोसाइटी पर्साकाले ३ वटा विद्यालयमा खुट्टाबाट संचालन हुने हेण्ड वासिङ सेट जडान गरेकाे छ ।

युनिसेफ नेपालको सहयोगमा संचालित कोभिड-१९ पुर्व तयारी तथा प्रतिकार्य कार्यक्रम अन्तर्गत पोखरिया नगरपालिकाकाे वडा नं. ४ काे जिल्ला उच्चाङल रामदेव कलवार माध्यमिक बिधालय, जगरनाथपुर गाउँपालिका वडा नं. १ काे ने.रा.मा.बि.पिडारिगुठि, जगरनाथपुर कै वाड नं. ४ को श्री नेरा आधारभुत बिधालयमा खुट्टाबाट संचालन हुने हेण्ड वासिङ सेट जडान गरिएकाे रेडक्रसका राजन श्रीवास्तवले जानकारी दिए । 

हातबाट प्रयाेग गरिने हेण्ड वासबाट कोरोना भाइरस (काेभिड १९) संक्रमण सर्ने सम्भावना भएकाेले खुट्टाबाट प्रयाेग गर्ने खाले हण्ड वास विद्यालयहरुलाई हस्तान्तरण गरिएकाे उनले जनाए । 

विद्यालय मै पुगेर नेपाल रेडक्र्स सोसाइटी पर्सा शाखाका सभापति बिरेन्द्र राज कंडेल, कोषाध्यक्ष महन्थ प्रसाद यादव, उपशाखाका सचीव पर्वत ठाकुर, शाखाका कार्यक्रम अधिकृत उमेश मिश्र, लेखापाल बिरशमसेर प्रसाद कुर्मिको टाेलीले खुट्टाबाट संचालन हुने हेण्ड वासिङ सेट हस्तान्तरण गरेका हुन् ।

कालिकामाईका ४ सहित पर्सामा थप ६९ जनामा काेराेना संक्रमण पुष्टि

0

वीरगंज । पर्सामा थप ६९ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालको प्रयोगशालामा बुधबार राति गरिएकाे परिक्षणमा पर्साका ६९ जनाकाे काेराेना संक्रमण पुष्टि भएकाे अस्पतालका प्रवक्ता डा. अतुलेश चाैरसियाले जानकारी दिए ।

याेसंगै पर्सामा काेराेना संक्रमितकाे संख्या २ हजार ३४४ पुगेकाे छ ।

प्रवक्ता डा. चाैरसियाका अनुसार पर्साकाे वीरगंज महानगरपालिकाका विभिन्न वडामा ४९ जना, बहुदरमाई नगरपालिकाकाे वडा नं. ४, ५ का ५ जना, पाेखरिया नागरपालिकाकाे वडा नं. ४, १० का ४ जना, पर्सागढि नगरपालिकाकाे वडा नं. ४, ८ का ७ जना र कालिकामाई गाउँपालिकाकाे वडा नं. २ का ४ जना संक्रमित भएका छन् ।

यस्तै नारायणी अस्पताल कै प्रयाेगशालामा गरिएकाे परिक्षणमा बाराका २४ जना र राैतहटका १७ जनामा संक्रमण देखिएकाे छ ।

पर्सा, बारा र राैतहटका ५७६जनाकाे स्वाबकाे नमुना परिक्षण गर्दा ३० महिलासहित एक सय १० जनामा संक्रमण फेला परेकाे प्रवक्ता डा. चाैरसियाले जनाए । संक्रमित हुनेमा डेढ बर्षिय बालकदेखी ८० वर्षिय बृद्ध सम्म रहेका छन् ।

सिडिओ र क्याटकाे टाेली काेराेना संक्रमितकाे घर घरमा पुग्ने

0

वीरगंज । काेराेना संक्रमण राेकथाम तथा नियन्त्रणकाे सम्बन्धमा पर्साका प्रमुख जिल्ला अधिकारी (सिडिओ) आस्मान तामाङले  काेभिड एक्स टिम (क्याट) पर्सासंग बुधबार छलफल गरेका छन् ।

जिल्ला प्रशासन कार्यालय पर्सास्थित उनकै कार्यकक्षमा भएकाे छलफलमा जिल्लाकाे अवस्था बारे क्याटले जानकारी गराएकाे थियाे । सिडिओ तामाङले काेराेना संक्रमितकाे उच्चित व्यवस्थापन, कन्टेक्ट ट्रेसिङ, नारायणी अस्पतालकाे सेवा प्रभाव लगायतकाे बारे गहन छलफल गरेका हुन् ।

छलफलमा संक्रमितकाे घर घरमा पुगेर पारमर्श दिनुकाे साथै संक्रमितकाे अवस्था बुझ्ने निर्णय भएकाे छ । छलफल बैठकमा बिहिबारदेखी फेला पर्ने नयाँ संक्रमितकाे घर घरमा पुगेर उनीहरुकाे अवस्था बुझ्नुकाे साथै उपचार र उचित व्यवस्थापन गर्ने निर्णय भएकाे क्याटका सदस्य तबरेज अहमदले वताए ।

सिडिओसहितकाे क्याटकाे टाेलीकाे संक्रमितकाे घर घरमा पुगेर उनीहरुकाे अवस्था बुझ्ने छ ।

यसका साथै बैठकमा नारायणी अस्पतालमा गरिब, विपन्न र असहायकाे उपचारमा लाग्ने औषधीकाे व्यवस्थापन जिल्ला प्रशासन कार्यालय पर्साले गर्ने सिडिओ तामाङले प्रतिबद्धता जनाएकाे तत्कालिन समाजवादी पार्टीका जिल्ला सचिवसमेत रहेका अहमदले जानकारी गराए ।

क्याटका सदस्यहरुले सडकमा भेटिएका बिरामीकाे उपचार र औषधी व्यवस्थापनमा हुने गरेकाे समस्या बारे जानकारी गराएपछि प्रजिअ तामाङले ओषधी व्यवस्थापनकाे जिम्मा लिएका हुन् ।

यसका साथै डाक्टरले लेखेकाे आधारमा कुनै पनि बिरामीकाे पिसिआर परिक्षण गर्नु परेमा नि:शुल्क रुपमा गरिने निर्णय भएकाे क्याटका अर्का सदस्य श्याम पटेलले वताए । नारायणी अस्पतालका मेसुसंग छलफल गरेर त्यसकाे व्यवस्थापन गर्न जिम्मा प्रजिअ तामाङले लिनुभएकाे नेपाली कांग्रेस पर्साका सचिवसमेत रहेका पटेलले जानकारी गराए ।

यसबाट गरिब, विपन्न र असाहयकाे पिसिआर परिक्षणमा हुने गरेकाे समस्या अन्त हुने पटेलकाे भनाई छ ।

त्यस्तै निषेधाज्ञामा समस्यामा परेकाहरुले राहतकाे लागि सिधै जिल्ला प्रहरी कार्यालयमा सम्पर्क गर्न सिडिओ तामाङले जानकारी गराए । छलफल कै क्रममा सिडिओ तामाङले समस्या परेका एक जना बारे उनलाई थाह भएपछि उनले आफै फाेन गरेर पिडितलाई राहकाे लागि जिल्ला प्रहरी कार्यालय पुग्न भनेका थिए ।

बैठकका भदाै १९ गतेदेखी निषेधाज्ञा खुकुलाे भएपनि नियम पालनामा कडाई गरिने वताए । उनले व्यपारी तथा सर्वसाधारणले अनिवार्य रुपमा मास्क प्रयाेग गरेर बाहिर निस्कनु पर्ने नत्र कारवाहीले गरिने जानकारी गराएका थिए ।

छलफलमा क्याटका संयाेजकसमेत रहेका जिल्ला समन्वय समिति पर्साका प्रमुख नेक महमद अन्सारीलेसमेत सिडिओ तामाङलाई गरिब, विपन्नकाे नि:शुल्क रुपमा पिसिआर परिक्षणकाे व्यवस्था मिलाउनु निर्देशन दिएका थिए ।  

छलफलमा नेकपाका प्रतिनिधि एवं क्याटका सदस्य सचिव संजिव मिश्रा, पत्रकार एवं क्याटका सदस्य शम्भु कुमार सुमन र क्याटका सदस्य शैली चाैधरी र प्रशासकिय अधिकृत विनय श्रीवास्तवकाे सहभागिता रहेकाे थियाे ।

बहुदरमाईका मेयर साहसहित एक सय ३ जना काेराेना मुक्त

0

वीरगंज । पर्साकाे बहुदरमाई नगरपालिकाका मेयर नितेन्द्र साह काेराेना भाइरस (काेभिड १९) संक्रमण मुक्त भएका छन् ।

बहुदरमाईका मेयर साहसहित एक सय ३ जना काेराेना निकाे भएकाे नगरपालिकाका स्वास्थ्य संयाेजक बिदुर उप्रेतीले जानकारी दिए । नगपालिकाका १२४ संक्रमित मध्ये १६ महिलासहित १०३ जनाकाे रिपाेर्ट बुधबार काेराेना नगेटिभ आएकाे संयाेजक उप्रेतीले जानकारी गराए ।

उनका अनुसार २१ जनाकाे रिपाेर्ट दाेस्राे पटक पनि पाेजिटिभ आएकाे छ । जसमा ३ जना महिला र एक स्वास्थ्यकर्मी रहेका छन् ।

साउन २४ गते काेराेना संक्रमित भएका मेयर साहकाे तेस्राे पटकाे रिपाेर्ट काेराेना नगेटिभ आएकाे हाे । काेराेना संक्रमित भएपछि हाेम आइसाेलेसनमा बस्दै आएका मेयर साह २५ दिनमा काेराेना निकाे भएका हुन् ।

यस्तै काेराेना निकाे हुनेमा नगरपालिकाकाे वडा नं. ४ का वडाध्यक्ष रामरेखा सिंह र ४ जना स्वास्थ्यकर्मीसमेत रहेका छन् ।

काेराेना निकाे हुनेमा ५४ जना नगरपालिकाकाे आइसाेलेसमा बस्दै आएका थिए भने वाकी संक्रमित हाेम आइसाेलेसनमा थिए ।

बहुदरमाईका ८ सहित पर्सा र बारामा थप ६४ जनामा काेराेना संक्रमण

0
काेराेना परिक्षणकाे लागि बहुदरमाई नगरपालिकामा स्वाब संकलन गरिदै । फाइल तस्बिर

वीरगंज । नारायणी अस्पतालकाे प्रयाेगशालामा मंगलबार राती गरिएकाे परिक्षणमा पर्साका १३ सहित ६४ जनामा काेराेना संक्रमण पुुष्टि भएकाे छ ।

४ सय ९० जनाकाे स्वाबकाे नमुना परिक्षण गर्दा पर्साका १३, बाराका ५० र एक जना गण्डक हस्पिटलकाे गरी ६४ जनामा काेराेना संक्रमण फेला परेकाे नारायणी अस्पतालका प्रवक्ता डा. अतुलेश चाैरसियाले जानकारी दिए । संक्रमित हुनेमा २८ महिला र ३६ पुरुष रहेकाे उनले जानकारी गराए ।

संक्रमित हुनेमा ५ बर्षिय बालकदेखी ७० बर्षिय वृद्ध सम्म रहेका छन् । संक्रमितहरुकाे सिटि भ्यालु १८ देखी ३२ सम्म रहेकाे छ । 

प्रवक्ता डा. चाैरसियाले दिएकाे जानकारी अनुसार पर्साकाे वीरगंज महानगरपालिका वडा नं. ४ का २ जना, वडा नं. १२, १८ का १-१ जना, बहुदरमाई नगरपालिकाकाे वडा नं. ४ का ५ जना, वडा नं. ५ का १ जना र वडा नं. ६ का २ जनामा संक्रमण देखिएकाे छ ।

बहुदरमाईमा कन्टेक्ट ट्रेसिङकाे आधारमा ७० जनाकाे स्वाब परिक्षण गराउदा ३ महिलासहित ८ जनामा काेराेना पाेजिटिभ देखिएकाे नगरपालिकाकाे स्वास्थ्य संयाेजक बिदुर उप्रेतीले जानकारी दिए ।

यस्तै बाराकाे कलैया उपमहानगरपालिका वडा नं. १, ७ का ५-५ जना, वडा नं. २३ का ३ जना, वडा नं. २, ४ का ६-६ जना, वडा नं. ३, ६, ८, ९, २१ का १-१ जना, वडा नं. ५ का ७ जना र वडा नं. २० का ४ जना संक्रमित भएका छन् ।

 यस्तै संक्रमित हुनेमा गण्डक हस्पिटलका एक जनासमेत रहेका प्रवक्ता डा. चाैरसियाले जनाए ।