Date
शुक्र, मंसिर ४, २०८३
Fri, November 20, 2026
Home Blog Page 927

वीरगंजमा बजार अनुगमन, ४ पसललाई एक लाख १० हजार जरिवाना

0
वीरगंज । उपभोक्ताहरुको गुनासोलाई मध्य नजर गर्दै आइतबार वीरगंजमा बजार अनुगमन गरिएकाे छ ।
 
वाणिज्य आपूर्ति तथा उपभोक्ता संरक्षण कार्यालय, जिल्ला प्रशासन कार्यालय र जिल्ला प्रहरी कार्यालय, पर्साको संयुक्त अनुगमन टोलीद्वारा वीरगंज महानगरपालिकास्थित पानगलि र रानिघाट रहेका विभिन्न खाद्यन्न तथा किराना पसलहरुमा अनुगमन गरेकाे हाे ।
 
अनुगमनकाे क्रममा मूल्य सूची नराखेको तथा खरिद, बिक्री विल उपलब्ध गराउन नसके र म्याद गुज्रेका समानहरु संचित गरी राखेको पसलहरुलाई कारवाहीसमेत गरिएकाे छ ।
 
वीरगंजकाे घण्टाघर पानगलीस्थित रहेकाे सुमित्रा ट्रेडर्स एन्ड सप्लायर्सलाई रु. ५० हजार, न्यू संतोष जेनरल स्टोरलाई २० हजार, जय पान पसल सेन्टरलाई रु. २० हजार, रानीघाटस्थित रहेकाे न्यू हरिओम किराना पसललाई रु. २० हजार जरिवाना गरि कारवाही गरिएकाे जिल्ला प्रशासन कार्यालय पर्साले जनाएकाे छ ।
 
पसलमा भेटिएकाे म्याद गुज्रेको ७ बोतल फेन्टा लगायतका पेय पदार्थहरु नष्टसमेत गरिएको अनुगमन टाेलीले जनाएकाे छ ।
 
उपभोक्ता संरक्षण ऐन, २०७५ को दफा २८ बमोजिमको जरिवाना गरिएको तथा खाद्य बस्तुहरुको कालोबाजारी तथा मूल्य बृद्धि नगरी विक्रि वितरण गर्ने भनी निर्देशन दिईएको प्रशासन कार्यालयले जनाएकाे छ ।
 
कोरोना महामारीको विषम परिस्थितिमा कहि कतै कुनै वस्तुहरुको कालोबाजारी तथा मूल्य बृद्धी गरी विक्री वितरण गरेको देख्नु भएमा आवश्यक प्रमाण सहित यस कार्यालयको ईमेल daoparsa1@gmail.com उजुरी गर्नु हुन पनि प्रशासन कार्यालयले अनुराेध गरेकाे छ ।

क्याटकाे पहलमा वाटिका आइसाेलेसनमा आयुर्वेदिक औषधी सहयाेग

0

वीरगंज । काेभिड एक्सन टिम (क्याट) पर्साकाे पहलमामा जिल्ला आयुर्वेद स्वास्थ्य केन्द्र पर्साले आइतबार हाेटल वाटिकाकाे आइसाेलेसनमा आयूर्वेदिक औषधी सहयाेग गरेकाे छ ।

स्वास्थ्य केन्द्रले आइसाेलेसमा रहेका काेराेना संक्रमितहरुकाे लागि च्वनप्रास, इम्युनिटी टि, सितोपलादी चूर्ण, अश्वगंधा चूर्ण लगायतकाे औषधी ३० प्याकेट सहयाेग गरेकाे हाे । वाटिकाकाे आइसाेलेसन मै पुगेर क्याट समुह र स्वास्थ्य केन्द्रका प्रतिनिधिहरुले साे समाग्री आइसाेलेसन प्रशासनलाई हस्तान्तरण गरेका छन् । 

क्याटका संयाेजकसमेत रहेका जिल्ला समन्वय समिति पर्साका प्रमुख नेक महमद अन्सारीले आइसाेलेसन प्रशासनलाई साे ओषधी हस्तान्तरण गरेका हुन् ।

साे अवसरमा क्याटका सदस्य नेपाली कांग्रेसका जिल्ला सचिव श्याम पटेल, तत्कालिन समाजवादी पार्टीका जिल्ला सचिव तबरेज अहमद, नेकपाका प्रतिनिधि संजिव मिश्रा, स्वास्थ्य केन्द्रका बैध राजु साह, शैली चाैधरी लगायतकाे उपस्थिती रहेकाे थियाे ।

यस अघि पनि भदाै १० गते क्याटकाे पहलमा जिल्ला आयुर्वेद स्वास्थ्य केन्द्र र सात्विक आयुर्वेद अस्पताल वीरगंजले पाेखरिया अस्पतालकाे आइसाेलेसनमा आयुर्वेदिक काढा र औषधी सहयाेग गरेकाे थियाे ।

एसिड पीडित खातुनलाई प्रयटनमन्त्री गरे नगद सहयोग

0

वीरगंज । संस्कृृत, पर्यटन तथा नागरिक उड्डयन मन्त्री योगेश भट्टराईले जन्मदिनको उपलक्ष्यमा एसिड पीडित वीरगंजकी बालिका मुस्कान खातुनलाई नगद सहयोग गरेका छन् ।

मन्त्री भट्टराईले खातुनलाई रु ५० हजार नगद सहयोग गरेकाे उनकाे सचिवालयले जनाएकाे छ । एसिड प्रहारबाट घाइते भएकी खातुनलाई आफ्नाे मन्त्रालय मै बाेलाएर मन्त्री भट्टराईले साे रकम हस्तान्तरण गरेका हुन् ।

कक्षा ९ मा अध्ययनरत खातुनको अध्ययन खर्चमा सहयोग पुग्ने गरी जन्मदिनको अवसर पारी मन्त्री भट्टराईले नगद सहयोग गरेको सचिवालयले जनाएको छ ।

उनले खातुनलाई भविष्यमा डाक्टर बन्ने शुभकामना समेत दिए । आफुले दिएको रकम बैंकमा जम्मा गर्न र डाक्टर पढ्ने बेला खर्च गर्न आग्रह समेत उनले गरे ।

केही दिन अगाडि खातुनलाई प्रधानमन्त्रीले समेत वालुवाटार बोलाएर शिक्षाको प्रवन्ध गर्ने वचन दिएका थिए । 

ठाकुर राममा आंशिक प्रध्यापक निर्देशिका जलाइयाे

0

वीरगंज । ठाकुर राम बहुमुखी क्याम्पस वीरगंजमा आज आंशिक प्रध्यापक निर्देशिका जलाइएकाे छ । त्रिभुवन विश्व विद्यालयमा विगत १५ बर्षदेखी ज्यालादारीकाे रुपमा कार्यरत आंशिक प्रध्यापककाे विरुद्ध निर्देशिका आएकाे भन्दै आंशिक प्रध्यापकहरुले निर्देशिकाकाे प्रतिलिपी जलाएका हुन् ।

विगत लामाे समयदेखी आंशिक रुपमा कार्यरत रहेका देशभरका सम्पूर्ण आङ्गिक क्याम्पसमा अध्यापनरत आंशिक प्राध्यापकका  बिच समय समयमा व्यवस्थापन गर्ने गरी सहमती भएकाेमा त्यसकाे विपरित त्रि.वि. पदाधिकारीले मनाेमानी तरिकाले निर्देशिका ल्याएकाे आंशिक प्रध्यापकहरुले वताएका छन् ।

देशभरीका क्याम्पसमा यसकाे बिराेध भइरहेकाे र ठाउँ ठाउँमा निर्देशिका जलाउने कार्य पनि भइरहेकाे आंशिक प्रध्यापकहरुले जनाएका छन् ।

देशभरीका क्याम्पसमा अनिश्चितकालिन तालाबन्दी आन्दाेलनमा हाेमिएका प्रध्यापककाे माग सुनवाई गर्ने भन्दा विस्थापित गर्ने गरी आएकाे निर्देशिका अमान्य भएकाेले हामीलाई समान कामकाे समान उपलब्ध गराउनु पर्ने एक सूत्रिय माग प्रति वेवस्ता गरिए क्याम्पस खुल्नसाथ सशक्त आन्दाेलन गरिने ठाकुर राम बहुमुखी एकाई समितिकाे अध्यक्ष तेजनारायण प्रसाद यादवले वताए ।

एकाइ अध्यक्ष यादवको अध्यक्षतामा भएको बिराेधकाे कार्यक्रममा प्रध्यापक रुदल थाकुर, मुक्त भुसाल, राम प्रसाद पान्न्देय, हेत नारायण, निलम साह, दिप्ति कतुवाल, नारायण साह लगायतकाे उपस्तिथि रहेकाे थियो । 

प्रहरी, बैंकरसहित पर्सामा थप २४ जनामा कोरोना संक्रमण पुष्टि

0

वीरगञ्ज । पर्सामा थप २४ जनामा काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालको प्रयोशालामा शनिबार राति गरिएको परिक्षणमा पर्साका २४ जना र बाराका २ जनामा संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए । 

संक्रमित हुनेमा ५  महिला र २१ पुरुष रहेका छन् । संक्रमितहरु १६ वर्षदेखि ६४ वर्ष उमेर समुहका छन् ।

पर्सा र बाराका ५ सय १० जनाको पिसिआर परिक्षण गर्दा २ ६ जना संक्रमित भेटिएको अस्पतालका प्रवक्ता डा. चौरसियाले जानकारी गराए । 

थपिएका संक्रमित मध्ये वीरगञ्जस्थित कृषि औजार कारखानाको ब्यारेकमा कार्यरत दुई सशस्त्र प्रहरीका जवान र नबिल बैंक वीरगञ्ज शाखामा कार्यरत पाँच जना कर्मचारीपनि रहेका छन् ।

त्यस्तै पर्सामा थपिएका अन्य संक्रमितहरु वीरगञ्ज महानगरपालिकाको वडा नम्बर १२ को ३ जना, वडा नम्बर ९, १५ र २५ का २-२ जना र वडा नम्बर ६, १०, १३, १४, २०, २१ का १-१ जना रहेका छन् भने कालिकामाई गाउँपालिका वडा नम्बर ४ का एक जना र जगरनाथपूर गाउँपालिका वडा नम्बर ५ का एक रहेका छन् । थप पाँच संक्रमितहरुको ठेगना खुल्न सकेको छैन ।

त्यसैगरी बारा जिल्लाको महागढीमाई नगरपालिका वडा नम्बर २ का दुई जनामा कोरोना संक्रमण देखिएको छ । 

संक्रमितमध्ये २३ जनाको सिटि भ्यालु २४ भन्दा माथि रहेको छ भने ३ जनाको २४ भन्दा कम रहेको प्रवक्ता डा. चाैरसियाले जानकारी गराए ।

विजय रामको हत्याको विरोधमा कलिकामाईमा प्रदर्शन

0

वीरगंज । रौतहटको इलाका प्रहरी कार्यालय गरुडाको हिरासतमा रहेको बेला प्रहरीको निर्घात कुटपिटले मृत्यु भएको युवककाे विरुद्धमा शनिबार कलिकामाई गाउँपालिकामा प्रदर्शन भएको छ ।

मृतक विजय रामलाई न्याय दिलाउन र दोषी प्रहरी अधिकृतहरुलाईलाई निलम्बन गरी कर्तव्य ज्यान मुद्दा चलाउनु पर्ने माग गर्दै त्यहाँका स्थानिय दलित समुदायहरू प्रदर्शन गरेका हुन । कलिकामाई गाउँपालिका वार्ड न- १ मूर्लीका दलित अगुवा जयकुमार पासवानको अगुवाइमा निस्केकाे र्‍याली मुर्ली गाँउ परिक्रमा गरी कोण सभामा परिणत भएको थियो ।

कोण सभामा दलित नेता सुब्बा राम, लालबीहरी राम, इश्क कुमार पासवान, शम्भु पासवान, देवनारायण पासवान, हरी पासवान, अम्बिका पासवान, मनोज राम लगायतले राज्यले अविलम्ब दलित समुदायको जिउ ज्यानको सुरक्षाको अनुभित गराउनको लागि विजय रामको हत्यामा संलग्न प्रहरी अधिकृतहरु माथि कडा कार्यवाही गर्नुको साथै रामको परिवारलाई क्षतिपूर्ति पूर्ति दिनु पर्ने माग गरे ।

वीपी कोइराला युवा नेतृत्व विकास मञ्च पर्साकाे कार्यसमिति बिस्तार

0
वीरगंज । वीपी कोइराला युवा नेतृत्व विकास मञ्च पर्साले कार्यसमितिलाई पूर्णता दिएको छ । मञ्चका अध्यक्ष हरिन्द्र यादवले शनिबार पर्साका सक्रिय युवाहरूलाई विभिन्न पदमा पदीय जिम्मेवारी प्रदान गर्दै कार्य समितिलाई पूर्णता दिएका हुन् ।
 
यादवले दिएको जिम्मेवारी अनुसार बरिष्ठ उपाध्यक्षमा दिपक कुमार साह कानु, उपाध्यक्षमा जन्मजय महतो तत्वा, दामोदर यादव, मुना कुमार यादव, सचिवमा जय प्रकाश प्रसाद गुप्ता, सहसचिवमा दिपेश श्रीवास्तव, अमित कुमार पटेल, रन्जन चौरसिया राजिव गुप्ता र कोषाध्यक्षमा प्रिती सिंह रहेका छन् ।
 
त्यसैगरि समितिको सदस्यमा सम्पत कुशवाहा, राहुल गुप्ता, अमित चौरसिया, अनिल साह, निलम साह, सुनिता श्रेष्ठ, अन्जन गुप्ता, अनिल कुमार चौरासीया, राहुल श्रीवासतव, पप्पु गिरि, पार्वती भण्डारी, राजा गुप्ता, रबि प्रकाश पण्डित र रन्जित पटेल रहेका छन् ।
 
वीपी कोइराला युवा नेतृत्व विकास मञ्च जननायक विश्वप्रसाद कोइरालाको लोकतान्त्रिक समाजवादप्रति आस्था राख्ने विद्याथीहको नेतृत्व तथा व्यक्तित्व विकासका लागि स्थापना भएका युवाहरूको संस्था हो । विगत १० बर्षदेखी मञ्चले देशभरका युवाहलाई संगठित गदै विचार गोष्ठी, अन्तरक्रिया र प्रशिक्षण लगायतका कार्य गर्दै युवाहरुको नेतृत्व विकास गर्दै आईरहेको सदस्य राहुल गुप्ताले वताए ।
 
उक्त कार्यक्रममा प्रमुख अतिथि विपी कोइराला युवा नेतृत्व विकास मञ्चका प्रदेश २ का सम्पर्क व्यक्ति मनोहर साह र विशिष्ट अतिथी जिपी कोइराला फाउण्डेशनका सचिव धिरज गुप्ताको पनि उपस्तिथि रहेको थियोे ।

क्याटलाई ग्यास सिलिन्डर र मास्क सहयाेग

0

वीरगञ्ज । वातावरणसँग जिउने आधार नामक संस्थाले कोभिड एक्सन टिम (क्याट) पर्सालाई सहयोग गरेको छ ।

कोरोनाभाइरस महामारीले निम्त्याएको संकटको समयमा विभिन्न माध्यमबाट सहयोग र सहकार्य गरिरहेको क्याटलाई संस्थाले शनिबार एउटा अनौपचारिक कार्यक्रमबीच मास्क र ग्यास सिलिण्डर सहयोग गरेको हो ।

संस्थाका केन्द्रीय अध्यक्ष आकाश चौहानको नेतृत्वमा गएको टोलीले क्याटका संयोजक जिल्ला समन्वय समिति पर्साका सभापति नेक महम्मद मियाँलाई ७ थान ग्यास सिलिण्डर र २ सय थान मास्क हस्तान्तरण गरेको क्याटका सदस्य तबरेज अहमदले जानकारी दिए ।

साे अवसरमा क्याटका सदस्य श्याम पटेल, संजीव मिश्रा, शैली चौधरी, वातावरणसँग जिउने आधारका जिल्ला संयोजक विकास चौहान, पर्सा जिल्ला अध्यक्ष रोहित बरनवाल र कोषाध्यक्ष पवन पटेललगायातको सहभागिता रहेको थियो ।

क्याटले पछिल्लो केहि दिनदेखि निषेधाज्ञाका कारण प्रभावित गरिव र अतिविपन्नका लागि नि:शुल्क खाना शिविरपनि सुरु गरेको छ ।

नारायणी एमएमका ५ सहित थप ९३ जना काेराेना मुक्त

0
वीरगंज । पर्सामा थप ९३ जना काेराेना भाइरस (काेभिड १९) संक्रमण मुक्त भएका छन् । शनिबार विहान विभिन्न उमेर समुहका ९३ जना कोरोना निकाे भई घर फर्केको जिल्ला प्रशासन कार्यालय पर्साले जनाएकाे छ ।
 
याेसंगै पर्सामा काेराेना संक्रमण निकाे हुनेकाे संख्या एक हजार ४ सय १२ पुगेकाे छ ।
 
काेराेना निकाे हुनेमा नारायणी एमएम वीरगंजमा कार्यकरत ५ जना पनि रहेका छन् । एमएमका शिवनाथ यादव, बिदुर गाैतम, सदाम हुसेन, आनन्द साह र गनेश पाैडेल काेराेना निकाे भएर घर फर्केका हुन् ।
 
उनीहरु संक्रमित भएपछि एफएम रेडियाेलाई आइसाेलेसन वनाएर रेडियाेलाई नियमित प्रसारण पनि गर्दै आएका थिए ।
 
काेराेना निकाे भएका पांचै जनालाई एमएमका स्टेसन मनेजर क्रान्ति साह, प्रेस संगठन पर्साका अध्यक्षसमेत रहेका एमएमका निरज पिठाकाेठे मगर, एमएमकी समाचार प्रमुख माधुरी महताे, पत्रकार सुरेश विडारी, तिवारी यादव, अनेरास्ववियु पर्साका सह संयाेजक मित्रदेव यादव लगायतले खादा ओढाएर बधाई दिएका छन् ।

आर्मी र बैंकका कर्मचारीसहित थप १८ जनामा काेराेना संक्रमण

0
वीरगंज । पर्सामा शनिबार ६ जना मात्र काेराेना संक्रमित थपिएका छन् । नारायणी अस्पतालकाे प्रयाेगशालामा शुक्रबार राति पर्सा र बाराका ५८० जनाकाे स्वाब परिक्षण गर्दा पर्साकाे ६ जनामा मात्र संक्रमण फेला परेकाे जिल्ला प्रशासन कार्यालय पर्साले जनाएकाे छ ।
 
जिल्ला प्रशासन कार्यालयका अनुसार संक्रमित हुनेमा ३ महिला र ३ पुरुष रहेका छन् । जस मध्ये २० भन्दा कम सिटी भ्यालु २ जनाकाे, २१ देखी २४ सम्म ३ जनाकाे र २५ भन्दामाथी एक जनाकाे रहेकाे छ ।
 
वीरगंज महानगरपालिकाकाे वडा नं.०५, १३, १४ मा १-१ जना र पर्सागढी नगरपालिकामा ३ जना संक्रमित थपिएका छन् । संक्रमित हुनेमा नविल बैंक वीरगंजमा शाखाका कार्यरत ३ जना रहेका छन् ।
 
याेसंगै पर्सामा कोरोना संक्रमितकाे संख्या २ हजार ३ सय ७७ पुगेकाे प्रशासन कार्यालयले जनाएकाे छ । जसमा एक हजार ८ सय ४६ पुरुष र ५ सय ३१ महिला रहेका छन् ।
 
यता नारायणी अस्पताल कै प्रयाेगशालामा शुक्रबार राति गरिएकाे परिक्षणमा बाराका १२ जनामा संक्रमण पुष्टि भएकाे छ ।
 
बाराकाे जितपुर आर्मी ब्यारकका ३ जना, सिम्राैनगढका ६ जना र प्रहरी कार्यालय बाराका ३ जनामा संक्रमण देखिएकाे नारायणी अस्पतालका प्रवक्ता डा. अतुलेश चाैरसियाले जानकारी दिए ।