वीरगंज । बाराकाे परवानिपुर गाउँपालिकामा शुक्रबार वृहत रक्तदान कार्यक्रम सम्पन्न भएकाे छ । नेपाल कम्यूनिष्ट पार्टी (नेकपा) परवानिपुर गाउँपालिकाकाे आयाेजनामा भएकाे कार्यक्रममा ५ महिलासहित १७५ जनाले रक्तदान गरेका छन् ।
- Advertisement -
परवानीपुर बजारस्थित हबिब मार्केटमा भएकाे कार्यक्रममा राजेश यादव, मनोज सराफ, बिष्णु यादव, रबि यादव, निरन्जन सराफ, रन्जु यादव, तारा देबी लगायकाका एक सय ७५ जनाले रक्तदान गरेकाे स्थानिय प्रेमनारायण यादवले जानकारी दिए ।
उक्त कार्यक्रममा देव नारायण चौधरी, सोचन यादव, मोबिन आलम, राम क्षेत्री, अस्लम आलम, बेराहिम मियाँ, इम्तियाज आलम लगायतकाे उपस्थिती रहेकाे थियो ।
काेराेना महामारीकाे समयमा भएकाे रक्त अभाव परिपुर्ति गर्न वृहत रक्तदान कार्यक्रम गरिएकाे आयाेजकले जनाएकाे छ ।
