Date
शुक्र, मंसिर ४, २०८३
Fri, November 20, 2026
Home Blog Page 923

पर्साका ३ सहित थप ६ जनामा काेराेना संक्रमण पुष्टि

0

वीरगञ्ज । पर्सा र बारामा थप ६ जना कोरोना भाइरस (काेभिड १९) संक्रमण पुष्टि भएको छ । नारायणी अस्पतालको प्रयोगशालामा शनिबार राति २ सय ९० जनाको थ्रोट स्वाबको नमुनालाई परिक्षण गर्दा पर्सा र बाराका थप ६ जना संक्रमण देखिएकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

उनका अनुसार संक्रमित हुनेमा पर्साका ३ जना र बराका ३ जना रहेका छन् । संक्रमितहरु २० वर्षदेखि ६० वर्ष उमेर समुहका छन् । संक्रमितहरुको सिटि भ्यालु १७ देखि २९ सम्म रहेको छ ।

पर्सामा थपिने संक्रमितमध्ये एक जना वीरगञ्जस्थित आर्मी क्वाटरमा बस्ने व्यक्ति हुन् भने अन्य दुई जना वीरगञ्ज महानगरपालिका वडा नम्बर १० का बासिन्दा हुन् ।

त्यसैगरी बारामा थपिएका संक्रमितमध्ये एक जना कलैया उपमहानगरपालिका वडा नम्बर ४ का बासिन्दा रहेका छन् भने अन्य दुई जना कोल्भी गाउँपालिकाको बासिन्दा हुन् । शनिबार राति थपिएका सम्पूर्ण संक्रमितहरु पुरुष रहेका छन् ।

जनमत पार्टीको वडा जनपरिचालन समिति गठन

0

वीरगंज । जनमत पार्टीको वीरगंज महानगरपालिका वडा नं. १६ मा नितेस महतोको अध्यक्षतामा जन परिचालन समिति गठन भएको छ ।

वीरगंज महानगरपालिका वडा नं. १६ ईनर्वामा पार्टीका नेता कार्यकर्ताहरुको एक बैठकले महतोको अध्यक्षतामा ५० सदस्यीय जन परिचालन समिति गठन गरेकाे हाे । जुन समितिकाे सह संयाेजकमा निकेश महतो, सदस्यहरुमा प्रमोद दास, वीरेन्द्र महतो, विकास पटेल, सीकेन्दर वैठा, रुस्तम मियाँ, रञ्जित दास, सुजित दास, सोनालाल राम, चन्दन कुमार महतो, रामायण दास, दारोगा महतो, सिताराम हमतो लगायत ५० जना रहेको पार्टी पर्साका इन्चार्ज संताेस साहले जानकारी दिए ।

जिल्ला ईन्चार्ज साह, सह इन्चार्ज इ.राहुल रौनियार, पार्टीको महिला जिल्ला अध्यक्ष अनिता रौनियार, उपाध्यक्ष सबो खातुन र सदसय नजमा खातुनको विशेष उपस्थितिमा सो कमिटी गठन भएको हो ।

दाेस्राे चरणमा ३९ दिन साहिब दरबारले वितरण गर्‍याे निशुल्क खान

0

वीरगंज । साहिब दरबार सेवा संस्थानले दाेस्राे चरणमा ३९ दिन नि:शुल्क खाना वितरण गरेकाे छ । वीरगञ्ज बजार आंशिक रुपमा खुलेसँगै गएको ३९ दिनदेखी संस्थानले वितरण गर्दै आएकाे नि:शुल्क खाना बन्द गरेको जनाएकाे छ ।

भदाै २१ गतेदेखी दाेस्राे चरणमा वितरण हुदै आएकाे नि:शुल्क खाना बजार खुलेपछि हाललाई स्थगित गरिएकाे संस्थानका अध्यक्ष राजेशमान सिंहले जानकारी दिए ।

साहिब दरबार सेवा संस्थान, समर्पण सेवा र स्टार सेरामिक्स प्रालिकाे संयुक्त आयाेजनामा काेराेना भाइरस (काेभिड १९) संक्रमण राेकथाम तथा नियन्त्रणकाे लागि जारी निषेधाज्ञाका कारण प्रभावित गरिब, असहाय र निमुखाहरुलाई नि:शुल्क रुपमा खाना वितरण हुदै आएकाे थियाे ।

बजार चलायमान हुन लागेको र दैनिक ज्याला गरी जीविकोपार्जन गर्ने समूहले पनि कमाई गर्न लागेकाले नि:शुल्क खाना वितरण गर्ने काम अहिलेलाई स्थगित गरिएको संस्थानका महासचिव उमेशलाल सहनीले वताए । अहिले स्थानीय प्रशासनले निषेधाज्ञा खुकुलो पार्दै बजार, व्यवसाय संचालन गर्न दिएसँगै मानिसहरु दैनिक कार्यमा फर्किएकाले निशुल्क भोजन वितरण स्थगित गरिएको सहनीले प्रेस विज्ञप्तीमार्फत जनाएका छन् ।

उनले संक्रमण रोक्न फेरि बजार बन्द गर्नु पर्ने अवस्था आएर बजार बन्द गरिए त्यसबेला फेरि संस्थानले निशुल्क भोजनलाई निरन्तरता दिने पनि जारी विज्ञप्तीमा उल्लेख गरेका छन् ।

यसअघि सुरुवाती समयमा पनि संस्थानले ९० दिनसम्म विरगञ्जमा नि:शुल्क खाना वितरण गरेको थियो ।

हत्या विरुद्धकाे आन्दाेलनमा एकवद्धता

0

वीरगंज । प्रदेश नं. २ मा भएको शृंखलाबद्ध दलित हत्याको विरुद्धमा संचालित विभिन्न आन्दोलनमा एकबद्धता जाहेर गर्दै वीरगञ्जमा कोणसभा सम्पन्न भएको छ ।

राष्ट्रिय दलित आयोगका पूर्व सदस्य एवम् दलित अगुवा गाया हजारा पासवानको अगुवाइमा रातो बङ्गला अगाडि आयोजित कोण सभामा वक्ताहरुले सदियौ देखि अपहेलित दलितहरूलाई लोकतान्त्रिक व्यवस्थामा पनि थप अपहेलित गर्ने देखि हत्या गर्ने समेतको कार्य स्वयम राज्यबाट हुनु निन्दनीय भएको वताए ।

उनले यसका विरुद्ध अब दलितहरु चुपि साँधेर न बस्ने, थप संघर्ष अगाडि बढाउनेमा जोड दिएका थिए ।

कोण सभामा नेपाल पासवान संघ पर्साका सहसचिव शम्भु पासवान, दलित अगुवाहरु रजिन्द्र पासवान, धनन्जय पासवान, विजय पासवान, राष्ट्रिय दलित पत्रकार संघ पर्साका अध्यक्ष श्याम पासवान, नन्दलाल राम लगायतले मन्तब्य ब्यक्त गरेका थिए ।

२० बर्षपछि फरार प्रतिवादी पटेर्वा सुगाैलीका चाैधरी पक्राउ

0
वीरगंज । लागु औषध मुद्दाका फरार प्रतिवादी एक जना २० बर्षपछि पक्राउ परेका छन् । लागु ओषध गांजा/चरेशका फरार प्रतिवादी पर्साकाे पटेर्वा सुगाैलीका गाउँपालिका वडा नं. ४ निवासी ४० बर्षिय शम्भु चाैधरीलाई प्रहरीले पक्राउ गरेकाे हाे ।
 
पर्सा जिल्ला अदालतको लगत नं.१४८१ मिति २०५७।१०।१८ गतेको फैसलाले ११ महिना १७ दिन कैद र रु.५,०००।- जरिवाना तोकिएको लागु औषध गाँजा/चरेश मुद्दाका फरार प्रतिवादी चौधरीलाई प्रहरीले पक्राउ गरेकाे जिल्ला प्रहरी कार्यालय पर्साले जनाएकाे छ ।
 
ईलाका प्रहरी कार्यालय पटेर्वासुगौली र जिल्ला प्रहरी कार्यालयबाट खटिएको प्रहरी टोलीले शुक्रबार उनकै गाउँबाट लुकीछुपी बसीरहेकाे अवस्थामा नियन्त्रणमा लिएकाे हाे । पक्राउ परेका चाैधरीलाई जिल्ला अदालत पठाउने कार्य भईरहेकाे प्रहरी कार्यालयले जनाएकाे छ ।

प्राथमिक उपचार दिवसकाे अवसरमा अभ्यास कार्यक्रम सम्पन्न 

0
वीरगंज । “महामारीमा प्राथमिक उपचार अभ्यासहरुमा अनुकूलता” नाराका साथ आज बिश्वभरी जस्तै वीरगंजमा पनि प्राथमिक उपचार दिवस मनाइएकाे छ । नेपाल रेडक्रस सोसाइटी पर्सा शाखाले दिवसकाे अवसरमा अभ्यास कार्यक्रम गरेकाे छ ।
 
रेडक्र्स पर्साका स्वास्थ सेवा समितिका संयोजक दिनानाथ रौनियारको सभापतित्वमा भएकाे कार्यक्रमका प्रमुख अतिथी रेडक्रस पर्सा शाखाका कोषाध्यक्ष महन्थ प्रसाद यावदले रेडक्र्सको सुरुवात प्राथमिक उपचारबाटै भएको र प्राथमिक उपचारक एवं स्वयंसेवक नै रेडक्रसको मेरुदण्ड रहेको वताए ।
 
कार्यक्रमका विशिष्ट अतिथी शाखाका उपमन्त्री एवं प्रादेशिक प्राथमिक उपचार समितिका सदस्य साबिर अहमद एराजले बिश्व भरी नै मनाउने विश्व प्राथमिक उपचार दिवसको बारेमा प्रष्ट पार्दै सबैलाइ शुभकामना ब्यक्त गरेका थिए ।
 
कार्यक्रममा सहभागी प्राथमिक उपचारक एवं स्वयंसेवकहरुबाट कृत्रिम घटना प्रदर्सन गरि प्राथमिक उपचार बिधिबारे अभ्यास एवं सिकाइ गराइएको थियोे ।
कार्यक्रमको सभापतित्व गरि रहनु भएका दिनानाथ रौनियारले कृतिम घटना प्रदर्सन गर्ने सबैमा धन्यवाद एवं शुभकामना दिदै आउने दिनमा एक घर एक प्राथमिक उपचार तयार गर्ने योजना ल्याउनुकाे साथै जीवन रक्षाकालागि प्राथमिक उपचार अति आवस्यक रहेको वताए । उनले प्राथमिक उपचारक एवं स्वयंसेवकहरुलाई अझ सशक्त बनाउने तर्फ माथीलो निकायमा समन्वय गर्ने बारे प्रतिबद्धता ब्यक्त गरे ।
 
कार्यक्रममा प्राथमिक उपचारक एवं स्वयंसेवकहरुले सो दिवसको अवसरमा बिश्वभरी कोरोना महामारीमा खटिरहेका स्वयंसेवकहरुको आदर, सम्मान, हौसलाका लागि ताली बजाई धन्यवाद व्यक्त गरेका थिए ।
कार्यक्रममा समितिका सुरेन्द्र साह, इ.रागिव हुसेन, स्वयंसेवक भरत शर्मा, राजु साह, नन्दन कुमार, कृष्ण रौनियार, रानी गुप्ता, राहुल गुप्ता, बिरशम्सेर प्रसाद कुर्मी, लक्ष्मीनारायण राउत लगायतकाे सहभागिता थियाे भने कार्यक्रम प्रस्तुत प्रादेशिक प्राथमिक उपचार समितिका सदस्य राजन श्रीवास्तवले गरेका थिए ।

नक्कली सशस्त्र प्रहरीकाे आराेपमा जिराभवानीबाट एक जना पक्राउ

0

वीरगंज । सशस्त्र प्रहरीकाे असई भन्दै सर्वसाधारण र व्यापरीलाई दु:ख दिएकाे आराेपमा पर्साको जिराभवानी गाउँपालिकाबाट एक जनालाई प्रहरीले पक्राउ गरेकाे छ ।  

पक्राउ पर्नेमा जिराभवानी गाउँपालिकाकाे वडा नं. १ बेल्वाटाँडी निवासी २२ वर्षिय राजा यादव रहेकाे प्रहरी चाैकी महादेवपट्टीका प्रहरी सहायक निरिक्षक सिकेन्द्र पाण्डेले वताए । यादवले सर्वसाधारण तथा व्यापारीलाई आफु सशस्त्र प्रहरीकाे असई भएकाे भन्दै रकम उठाउने र दु:ख दिएकाे स्थानियकाे गुनासाेकाे आधारमा पक्राउ गरिएकाे प्रहरी सहायक निरिक्षक पाण्डेले वताए ।

पक्राउ परेका यादवलाई जिल्ला प्रहरी कार्यालय पर्साको हिरासतमा राखी थप अनुसन्धान भैरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक मनाेजित कुँवरले वताए ।

पकहा मैनपुरमा युवाहरुले गरे सरसफाई

0

वीरगंज । पर्साकाे पकहा मैनपुर गाउँपालिकाकाे वडा नं. ३ पकहा मैनपुरस्थित चाैकमा आज सरसफाई गरिएकाे छ । स्थानिय युवा र सशस्त्र प्रहरी विओपी पकहा मैनपुरकाे सं‌यु्क्त आयाेजनामा सरसफाई गरिएकाे हाे ।

पकहा मैनपुर चाैकस्थित रहेकाे सहिद सत्रुधन पटेलकाे शालिक, त्यहीं चाैकमा रहेकाे प्रतिक्षालय र चाैककाे बाटाे सरसफाई गरिएकाे स्थानिय युवा नवल पटेलले जानकारी दिए । 

गाउँपालिका उप प्रमुख कुशमी देबीकाे प्रमुख आतिथ्यतामा भएकाे कार्यक्रममा विओपी पकहा मैनपुरका प्रहरी निरिक्षक अमृत केशी, स्थानिय नेता रामबाबु चाैरसिया, चन्देश चाैहान, प्रभु पटेल, चन्द्रिका पटेल लगायतकाे सहभागिता रहेकाे थियाे ।

पर्सामा फेरी बढे सङ्क्रमित, पटेर्वा सुगाैलीका ४ सहित थप ९ जनामा काेराेना पुष्टि

0

वीरगंज । पर्सामा थप ९ जनामा काेराेना भाइरस (काेभिड १९) संक्रमण पुष्टि भएकाे छ । पछिल्लो केहिदिन देखि घटिरहेको कोरोना संक्रमितको संख्या फेरी बढेको छ । बिहिबार दुई जना मात्र सङ्क्रमित थपिए पनि शुक्रबार पुन: ९ जना थपिएका छन् ।

नारायणी अस्पतालकाे प्रयाेगशालामा शुक्रबार सांझ गरिएकाे परिक्षणमा पर्साका  ९ जनामा संक्रमण फेला परेकाे अस्पतालका प्रवक्ता डा. अतुलेश चाैरसियाले वताए ।

प्रवक्ता डा. चाैरसियाले दिएकाे जानकारी अनुसार ३ सय १५ जनाको थ्रोट स्वाबलाई आरटि पिसिआर प्रविधिबाट परिक्षण गर्दा ५ महिलासहित थप २३ जनामा कोरोना सङ्क्रमण फेला परेकाे हाे । फेला परेका सङ्क्रमितमध्ये पर्सा जिल्लाको ९ जना रहेका छन् भने छिमेकि जिल्ला बाराका १४ जना छन् । संक्रमितहरु १४ वर्षदेखि ६१ वर्ष उमेर समुहसम्मका छन् ।

पर्सामा थपिएका सङ्क्रमितमध्ये वीरगञ्जस्थित नारायणी अस्पतालको क्वाटरमा बस्ने दुई पुरुष पनि रहेका छन् । त्यसैगरी
अस्थायी कोभिड अस्पताल वीरगञ्ज हेल्थ केयर हस्पिटलका दुई जना महिलामा पनि सङ्क्रमण पुष्टि भएको छ ।

यस्तै पटेर्वासुगौली गाउँपालिकाकाे वडा नं. ५ का ३ पुरुष, वडा नं. १ का एक पुरुष र सखुवा प्रसाैनी गाउँपालिकाकाे वडा नम्बर २ का एक पुरुष सङ्क्रमित भएका छन् ।

त्यसैगरी बारामा दुई जना प्रहरीसहित १४ जनामा सङ्क्रमण पुष्टि भएको छ । सङ्क्रमण पुष्टि भएका प्रहरी इलाका प्रहरी कार्यालय निजगढमा कार्यरत रहेको डाक्टर चौरसियाले जानकारी दिए । उनले निजगढका विभिन्न वडामा अन्य ६ जनामा पनि सङ्क्रमण देखिएको बताए ।

बाराको सदरमुकाम कलैया उपमहानगरपालिकाको वडा नम्बर ७ मा तिन जना र वडा नम्बर ४, ६ र ८ मा एक-एक जना सङ्क्रमित थपिएको डाक्टर चौरसियाले जनाए ।

निषेधाज्ञा उलंघन गर्दै नेशन मेडिकल कलेज काेराेना अस्पताल उद्घाटन

0
बिरगंज । काेराेना भाइरस (काेभिड १९) संक्रमण राेकथाम तथा नियन्त्रणकाे लागि जारी निषेधाज्ञा उलंघन गर्दै नेशनल मेडिकल कलेज अस्थाई कोरोना अस्पतालको शुक्रबार उद्घाटन गरिएकाे छ ।
 
यस अघि गण्डक अस्पताल र वीरगंजमा हेल्थ केयरमा काेराेना अस्पताल संचालन गर्दा कुनै किसिमकाे औपचारिक कार्यक्रम नगरिए पनि नेशन मेडिकल कलेजले संचालन गर्न लागेकाे काेराेना अस्पतालकाे उद्घाटन तामझामकाे साथ गरिएकाे छ ।
 
काेराेना संक्रमित बिरामीकाे संख्यामा कमि आउन थालेकाे बेला तामझामकाे साथ गरिएकाे काेराेना अस्पतालकाे उद्घाटन कार्यक्रमकाे चाैतर्फी आलाेचना भइरहेकाे छ । औपचारीक रुपमै आयाेजित उद्घाटन कार्यक्रममा समाजिक दुरीकाे समेत पालना गरिएकाे थिएन भने केहीले मास्कसमेत लगाएका थिएन । 
 
वीरगंज हेल्थ केयर काेराेना अस्पतालमा संक्रमित बिरामीकाे कमि आउन थालेपछि एक सत्ता अघि नै अस्पतालले जिल्ला प्रशासन कार्यालयमा सम्झाैता रद्द गर्न निवेदन दिएकाे अवस्था छ भने संक्रमितकाे संख्या बढी भएकाे बेला काेराेना अस्पताल बनाउन नमानेकाे नेशनल मेडिकल कलेजले अहिले छुट्टै एक हाेटलमा काेराेना अस्पताल तामझामकाे साथ संचालनमा ल्याएपछि आलाेचना सुरु भएकाे हाे ।
उद्घाटन कार्यक्रममा पर्साका प्रमुख जिल्ला अधिकारी आस्मान तमाङ, जिल्ला प्रहरी कार्यालय पर्साका प्रमुख गांगा पन्त लगायतकाे सुरक्षा निकायकाे प्रमुख व्यक्तिहरुकाे उपस्थिती भएपनि निषेधाज्ञा उलंघन भएकाे पाइएकाे छ ।
 
जिल्ला प्रशासन कार्यालय पर्साद्वारा बिहिबार जारी सुचनाकाे ३ नम्बरकाे “ख’ मा कुनै पनि मेला, महाेत्सव, जात्रा संचालन गर्न, मानिसहरु भेला जम्मा हुन, भिडभाड गर्न, सभा जुलुस गर्न र चार जना भन्दा बढी व्यक्तिहरु एक ठाउँमा जम्मा हुन नपाइने भनिए पनि त्यसकाे भाेली पल्टै उलंघन भएकाे पाइएकाे हाे ।
 
वीरगंज महानगरपालिकाकाे वडा नं. १६ नगव स्थित रहेको बाबा होटलमा ८ वटा भेनटीलेटर, २० वटा आईसियुलेशनसहित १७० बेड क्षमता भएको काेराेना अस्पताल निर्माण गरिएकाे नेशनल मेडिकल कलेजले जनाएकाे छ ।
 
साे उद्घाटन कार्यक्रममा नेशनल मेडिकल कलेजका चेयर मैन डा. जैनुदिन अंसारी, सशत्र प्रहरीका प्रमुख, वीरगंज आर्मी व्यारकका प्रमुख लगायत एक सय भन्दा बढी व्यक्तिहरुकाे सहभागिता रहेकाे थियाे ।